Giorgia Meloni : अभिनंदन डियर फ्रेंड... जॉर्जिया मेलोनींचा नवा राजकीय विक्रम, पंतप्रधान मोदींचा खास मैत्रिणीसाठी संदेश
PM Modi Congratulates Giorgia Meloni : इटलीच्या इतिहासात सर्वाधिक काळ पंतप्रधान राहण्याचा विक्रम जॉर्जिया मेलोनी यांनी केला असून पंतप्रधान नरेंद्र मोदी यांनी त्यांचे अभिनंदन केले आहे.
PM Modi Congratulates Meloni : इटलीच्या पंतप्रधान जॉर्जिया मेलोनी (Giorgia Meloni) यांनी देशाच्या राजकीय इतिहासात एक नवा आणि मोठा विक्रम प्रस्थापित केला आहे. दुसऱ्या महायुद्धोत्तर इतिहासात इटलीमध्ये सर्वाधिक काळ सतत पंतप्रधानपदी राहण्याचा विक्रम मेलोनी यांच्या नावावर नोंदवला गेला आहे. या ऐतिहासिक कामगिरीबद्दल भारताचे पंतप्रधान नरेंद्र मोदी यांनी आपल्या खास मैत्रिणीचे म्हणजेच जॉर्जिया मेलोनी यांचे मनापासून अभिनंदन केले आहे.
PM Modi Special MessageTo Giorgia Meloni : "मेलोनी यांच्या नेतृत्वावर जनतेचा विश्वास"
पंतप्रधान नरेंद्र मोदी यांनी सोशल मीडिया प्लॅटफॉर्मवर खास पोस्ट शेअर करत मेलोनी यांचे अभिनंदन केले. "माझ्या प्रिय मैत्रीण पंतप्रधान जॉर्जिया मेलोनी यांचे इटलीच्या युद्धोत्तर इतिहासातील सर्वात प्रदीर्घ काळ सतत पंतप्रधान राहिल्याबद्दल मनःपूर्वक अभिनंदन," असे मोदी यांनी लिहिले.
पंतप्रधान मोदी पुढे म्हणाले की, मेलोनी यांची ही यशोगाथा इटलीच्या जनतेचा त्यांच्या नेतृत्वावर असलेला भक्कम विश्वास दर्शवते. आगामी वर्षांमध्येही त्यांच्या यशस्वी वाटचालीसाठी मोदींनी शुभेच्छा दिल्या.
Congratulations to my friend Prime Minister Meloni on becoming the longest continuously serving Prime Minister in Italy's postwar history. This milestone is a reflection of the trust and confidence of the Italian people in her leadership.
— Narendra Modi (@narendramodi) September 4, 2026
Her friendship has also been…
India Italy Partnership : भारत-इटली धोरणात्मक संबंध अधिक मजबूत
आपल्या संदेशात पंतप्रधान मोदी यांनी भारत आणि इटली यांच्यातील वाढत्या मैत्रीपूर्ण संबंधांचाही पुनरुच्चार केला. "मेलोनी यांच्या मैत्रीमुळे भारत-इटली यांच्यातील विशेष धोरणात्मक भागीदारी (Strategic Partnership) अधिक मजबूत होण्यास मदत झाली आहे," असे त्यांनी नमूद केले.
दोन्ही देशांतील जनतेच्या उज्ज्वल आणि समृद्ध भविष्यासाठी आपण मेलोनी यांच्यासोबत सातत्याने काम करण्यास उत्सुक असल्याचेही पंतप्रधान मोदी यांनी स्पष्ट केले.
Giorgia Meloni Record Tenure : 1,413 दिवस सत्ता सांभाळत ऐतिहासिक विक्रम
जॉर्जिया मेलोनी यांचे तीन दलांचे आघाडी सरकार तब्बल 1,413 दिवसांपासून सत्तेत आहे. त्यांनी 2000 च्या दशकातील सिल्व्हियो बर्लुस्कोनी यांच्या सरकारचा विक्रम मागे टाकला आहे.
इटलीमध्ये वारंवार सरकारे बदलणे आणि राजकीय अस्थिरता असणे हे अत्यंत सामान्य मानले जाते. अशा स्थितीत मेलोनी यांचे सरकार सलग चार वर्षांचा कार्यकाळ पूर्ण करण्याच्या उंबरठ्यावर असणे ही इटलीच्या राजकारणातील अत्यंत दुर्मिळ घटना मानली जात आहे.
Giorgia Meloni Politics Journey : 2022 मध्ये झाल्या होत्या पंतप्रधान
जॉर्जिया मेलोनी यांनी ऑक्टोबर 2022 मध्ये इटलीच्या पहिल्या महिला पंतप्रधान म्हणून शपथ घेतली होती. किशोरावस्थेतच त्यांनी 'इटालियन सोशल मूव्हमेंट'मधून आपल्या राजकीय प्रवासाला सुरुवात केली होती.
या विक्रमानंतर मेलोनी यांनी प्रतिक्रिया देताना सांगितले की, "सरकारची स्थिरता केवळ रेकॉर्ड बनवण्यासाठी नसते, तर यामुळे देशाला दीर्घकालीन योजना आखण्यास आणि दिलेल्या आश्वासनांची पूर्तता करण्यास मदत होते."
ही बातमी वाचा:
Before You Go
Sanjay Raut PC : मोदी सरकार 6-7 महिन्यात दिसणार नाही, राऊतांचा मोठा दावा
महत्त्वाच्या बातम्या
