शेतकऱ्यांसाठी दिलासादायक बातमी! लवकरच मिळणार PM किसानचा 19 वा हप्ता, मात्र, त्यापूर्वी करा 'हे' काम 

PM Kisan Samman Nidhi Yojana पंतप्रधान किसान सन्मान निधी योजनेअंतर्गत आत्तापर्यंत देशातील शेतकऱ्यांना 18 हप्ते जमा झालेआहेत. लवकरच 19 वा हप्ता शेतकऱ्यांना मिळणार असल्याची चर्चा आहे.

PM Kisan Samman Nidhi Yojana

Source : ABPLIVE AI

PM Kisan Samman Nidhi Yojana : केंद्र सरकारनं (Central Govt) सर्वसामान्य लोकांसाठी शेतकऱ्यांसाठी (Farmers) विविध योजना सुरु केल्या आहेत. या योजनांच्या माध्यमातून सरकार सर्वसामान्य लोकांना आर्थिक पाठबळ देण्याचा प्रयत्न करते. यातीलच एक योजना म्हणजे पंतप्रधान किसान सन्मान निधी योजना (PM Kisan Samman Nidhi Yojana). या योजनेच्या माध्यमातून शेतकऱ्यांना वर्षाला 6000 रुपयांची आर्थिक मदत दिली जाते. आत्तापर्यंत शेतकऱ्यांना या योजनेचे 18 हप्ते जमा झाले आहेत. आता 19 वा हप्ता कधी मिळणार? याकडं सर्वांचं लक्ष लागलं आहे. 

पंतप्रधान किसान सन्मान निधी योजनेअंतर्गत आत्तापर्यंत देशातील शेतकऱ्यांना 18 हप्ते जमा झाले आहेत. लवकरच 19 वा हप्ता शेतकऱ्यांना मिळणार असल्याची माहिती मिळत आहे. पीएम किसान सन्मान निधी योजनेचा 18 व्या हप्ता 5 ऑक्टोबर रोजी राज्यातील सुमारे 91.51 लाख शेतकऱ्यांना मिळाला होता.  त्यानंतर 19 वा हप्ता देखील लवकरच मिळणार असल्याची चर्चा सुरु आहे. प्रत्येक चार महिन्याला 2000 रुपयांचा हप्ता शेतकऱ्यांच्या खात्यात जमा केला जातोय त्यानुसार डिसेंबरच्या शेवटी किंवा जानेवारी महिन्याच्या सुरुवातीला PM किसान योजनेचा 19 वा हप्ता जमा करण्याची शक्यता आहे. 

19 वा हप्ता मिळवण्यासाठी ई-केवायसी आवश्यक

दरम्यान,19 वा हप्ता मिळवण्यासाठी शेतकऱ्यांना ई-केवायसी करणं आवश्यक आहे. पीएम किसानच्या सरकारच्या अधिकृत वेबसाइटनुसार, नोंदणीकृत शेतकऱ्यांसाठी प्रधानमंत्री किसान सन्मान निधी योजनेसाठी ई-केवायसी असणे अत्यंत महत्त्वाचे आहे.  ई-केवायसी पूर्ण नसल्याच तुमच्या खऱात्यावर 19 वा हप्ता जमा होणार नाही. त्यामुळं पहिलं के काम करणं गरजेचं आहे.

कशी कराल ई-केवायसी पूर्ण? 

ई केवायसी करण्यासाठी शेतकरी पीएम किसान सन्मान योजनेच्या वेबसाईटला भेट देऊ शकतात. तिथं ई केवायसी टॅबवर क्लिक करुन आधार क्रमांक नोंदवावा लागेल. यानंतर फोनवर ओटीपी क्रमांक येईल तो ओटीपी क्रमांक नोंदवल्यानंतर ई केवायसी प्रक्रिया पूर्ण होईल. पीएम किसान सन्मान योजनेच्या वेबसाईटसह पीएम किसानचं अॅप आणि नागरी सुविधा केंद्रात ई केवायसी करता येणार आहे. 

'या' शेतकऱ्यांना लाभ मिळणार नाही?

 खासदार, आमदार, मंत्री किंवा नगरपालिकेचे अध्यक्ष असे कोणतेही घटनात्मक पद भूषविणाऱ्या शेतकऱ्यांना या योजनेचा लाभ मिळत नाही.

जे शेतकरी आयकर भरतात ते देखील या योजनेचा लाभ घेऊ शकत नाहीत.

कोणत्याही संस्थात्मक जमिनीचे धारक शेतकरी देखील या योजनेचा लाभ घेऊ शकत नाहीत.

महत्वाच्या बातम्या: