Air India Plane Crash In Ahmedabad: गुजरातमध्ये मोठा विमान अपघात; नेमकं काय घडलं?, सर्व अपडेट्स एका क्लिकवर....
Air India Plane Crash In Ahmedabad: गुजरातमधील सरदार वल्लभभाई पटेल आंतरराष्ट्रीय विमानतळावर एअर इंडियाचे AI 171 हे प्रवासी विमान कोसळल्याची दुर्घटना घडली. या अपघाताचे सर्व अपडेट्स, एका क्लिकवर...
LIVE
Background
Air India Plane Crash Ahmedabad: गुजरातमधील सरदार वल्लभभाई पटेल आंतरराष्ट्रीय विमानतळावर आज (12 जून) दुपारी एअर इंडियाचे AI 171 हे प्रवासी विमान (Air India Plane Crash Ahmedabad Gujarat) कोसळल्याची दुर्घटना घडली आहे. या अपघाताच्यावेळी विमानामध्ये तब्बल 242 प्रवासी होते. त्यामुळे या दुर्घटनेत खूप मोठी जीवितहानी झाल्याची शक्यता आहे. विमानाने हवेत टेक ऑफ केल्यानंतर जवळच असलेल्या मेघानीनगर या दाट लोकवस्तीच्या भागात जाऊन हे विमान कोसळले. त्यामुळे मृतांचा आकडा वाढण्याची शक्यता आहे.
अहमदाबादहून लंडनला म्हणजेच दूर मार्गावर जाणार असल्याने या विमानात इंधन देखील मोठ्या प्रमाणात भरण्यात आलं होतं, त्यामुळे अपघातानंतर दुर्घटनास्थळी मोठा स्फोट झाला.एअर इंडियाचं सदर विमान ज्या इमारतीवर कोसळलं, ती रुग्णालयाची इमारत होती. त्यामुळे रुग्णालयाचं देखील मोठं नुकसाना झालं आहे. त्याचप्रमाणे रुग्णालयात देखील जीवितहानी झाल्याची शक्यता व्यक्त केली जात आहे. सध्या, एनडीआरएफचे पथक आणि प्रशासनाकडून युद्धपातळीवर बचावकार्य सुरू करण्यात आलं आहे. विमानातील प्रवाशांची अधिकृत माहिती उपलब्ध झालेली नाही. मात्र 242 प्रवाशी आणि 12 क्रु विमानात होते, अशी प्राथमिक माहिती मिळत आहे.
अपघाताचे सर्व अपडेट्स पाहा, एका क्लिकवर....
Plane Crash : विमानातील सर्वच्या सर्व 242 जणांचा मृत्यू : AP
अहमदाबाद : गुजरातच्या अहमदाबादमध्ये झालेल्या विमान दुर्घटनेत विमानातील सर्वच्या सर्व 242 जणांचा मृत्यू झाल्याचं वृत्त असोसिएट प्रेस (AP) वृत्तसंस्थेने दिलं आहे. महत्त्वाचं म्हणजे या विमानात गुजरातचे माजी मुख्यमंत्री विजय रुपाणी हे सुद्धा प्रवास करत होते. एअर इंडियाचे Boeing Dreamliner 787 हे विमान अहमदाबादवरुन लंडनकडे निघालं होतं. दुपारी 1 वाजून 31 मिनिटांनी विमानानं लंडनसाठी उड्डाण केल्यानंतर अवघ्या 7 मिनिटात हे विमान कोसळलं. विमानाने हवेत टेक ऑफ केल्यानंतर जवळच असलेल्या मेघानी नगर (Meghani Nagar) या दाट लोकवस्तीच्या भागात जाऊन हे विमान कोसळले (plane crash). या विमानात 12 क्रू मेंबर्स आणि 230 प्रवासी प्रवास करत होते. क्रू मेंबर्समध्ये मुंबईकर अपर्णा महाडिक या सुद्धा होत्या. अपर्णा महाडिक या राष्ट्रवादी काँग्रेसचे खासदार सुनील तटकरेंचे भाचे अमोल यांच्या पत्नी होत्या.
अहमदाबाद विमान दुर्घटनेविषयी सर्वोच्च न्यायालयाकडून शोक व्यक्त
अहमदाबाद विमान दुर्घटनेविषयी सर्वोच्च न्यायालयाकडून शोक व्यक्त करण्यात आला आहे. सर्वोच्च न्यायालयाचे सरन्यायाधीश भूषण गवई यांच्याकडून मृतांना श्रद्धांजली अर्पण करण्यात आली आहे.
महत्त्वाच्या बातम्या
