Petrol-Diesel Price Today 16th May 2022 : भारतीय तेल कंपन्यांनी सोमवारी सकाळी पेट्रोल-डिझेलचे नवे दर (Petrol-Diesel Price) जारी केले आहेत. आंतरराष्ट्रीय बाजारात कच्च्या तेलाचे दर 112 डॉलर प्रति बॅरेलवर पोहोचले आहेत. तरीदेखील गेल्या अनेक दिवसांपासून देशातील पेट्रोल (Petrol Price) -डिझेलचे दर (Diesel Price) स्थिर आहेत. आजही देशात पेट्रोल-डिझेलच्या दरांत कोणताही बदल करण्यात आलेला नाही.
तेल कंपन्यांनी एक दिवस अगोदर सीएनजीच्या दरांत वाढ केली होती. परंतु, पेट्रोल-डिझेलच्या किमती जवळपास 41 दिवस स्थिर आहेत. यापूर्वी मार्च-एप्रिलमध्ये पेट्रोल-डिझेलच्या किमतींमध्ये 10.20 रुपये प्रति लिटरची वाढ झाली होती. यापूर्वी 6 एप्रिल रोजी पेट्रोल-डिझेलच्या किमतींमध्ये वाढ करण्यात आली होती. पेट्रोल आणि डिझेलच्या दरांत प्रत्येकी 80-80 पैशांची वाढ करण्यात आली होती. दरम्यान, ब्रेंट क्रूडचे दर प्रति बॅरल110 डॉलरच्या वर राहिल्यास तेल कंपन्या पुन्हा एकदा किमती वाढवू शकतात.
दिल्ली, मुंबईत पेट्रोल आणि डिझेलचे दर काय?
आज आठवड्याच्या पहिल्या दिवशी देशाची राजधानी दिल्लीत पेट्रोल आणि डिझेलच्या दरांत कोणताही बदल झालेला नाही. सोमवारी दिल्लीत 1 लिटर पेट्रोलची किंमत 105.41 रुपये आणि 1 लिटर डिझेलची किंमत 96.67 रुपये आहे. तर देशाच्या आर्थिक राजधानीचं शहर असणाऱ्या मुंबईत एक लिटर पेट्रोलसाठी 120.51 रुपये, तर एक लिटर डिझेलसाठी 104.77 रुपये मोजावे लागत आहेत.
इंडियन ऑईलनं जारी केलेल्या किमतींनुसार, पोर्टब्लेयरमध्ये पेट्रोलची किंमत 91.45 रुपये प्रति लिटर आहे. तर महाराष्ट्रातील परभणीमध्ये पेट्रोल 123.47 रुपये प्रति लिटरनं विकलं जात आहे. देशाच्या राजधानीचं शहर असणाऱ्या दिल्लीमध्ये पेट्रोलची किंमत 105.41 रुपये आहे. तेल कंपन्यांनी 22 मार्च नंतर सलग 14 वेळा दरवाढ केली होती. गेल्या काही दिवसांपासून देशात पेट्रोल-डिझेलच्या दरवाढीला ब्रेक लागला आहे. त्यामुळे पेट्रोल आणि डिझेल 10.20 रुपयांनी महाग झालं होतं. सध्या आंतरराष्ट्रीय बाजारात कच्च्या तेलाच्या किमतींमध्ये पुन्हा एकदा वाढ झाल्याचं पाहायला मिळत आहे. त्यामुळे देशात पुन्हा एकदा पेट्रोल-डिझेलच्या दरवाढीचं सत्र सुरु होण्याची शक्यता वर्तवण्यात येत आहे.
देशातील महत्त्वाच्या शहरांचे दर काय?
| शहरं | पेट्रोलच्या किमती (प्रति लिटर) | डिझेलच्या किमती (प्रति लिटर) |
| मुंबई | 120.51 | 104.77 |
| दिल्ली | 105.41 | 96.67 |
| चेन्नई | 110.85 | 100.94 |
| कोलकाता | 115.12 | 99.83 |
| हैद्राबाद | 119.49 | 105.49 |
| कोलकाता | 115.12 | 96.83 |
| बंगळुरू | 111.09 | 94.79 |
दररोज बदलतात पेट्रोल-डिझेलच्या किमती
आंतरराष्ट्रीय बाजारातील कच्च्या तेलाच्या किमतीच्या आधारे पेट्रोल आणि डिझेलची किंमत दररोज बदलली जाते. तेल विपणन कंपन्या दररोज पेट्रोल आणि डिझेलच्या किमतींचा आढावा घेऊन दर निश्चित करतात. इंडियन ऑइल, भारत पेट्रोलियम आणि हिंदुस्थान पेट्रोलियम तेल कंपन्या दररोज सकाळी वेगवेगळ्या शहरांच्या पेट्रोल आणि डिझेलच्या किमतींची माहिती अपडेट करतात.
पेट्रोल आणि डिझेलचे दर (Petrol Diesel Price ) कुठे आणि कसे पाहाल?
इंडियन ऑईलचं IndianOil ONE Mobile App तुमच्या मोबाईलवर डाऊनलोड करुन तुम्ही तुमच्या जवळच्या इंडियन ऑईल पेट्रोल पंपावरील इंधनाचे दर जाणून घेऊ शकता.
इंडियन ऑईलच्या वेबसाईटवर https://iocl.com/Products/PetrolDieselPrices.aspx पेट्रोल डिझेलचे दर (Petrol Diesel Price) सोप्या पद्धतीने पाहता येतील.
पेट्रोल आणि डिझेलच्या किंमती ( Petrol Diesel Price ) एसएमएसद्वारे देखील कळू शकतात. इंडियन ऑईलच्या वेबसाईटने दिलेल्या माहितीनुसार, RSP आणि स्पेस देऊन आपल्या शहराचा कोड टाकून 92249992249 या क्रमांकावर एसएमएस करायचा आहे. हा कोड इंडियन ऑईलच्या वेबसाईटवर मिळेल. (शहरांचे कोड इंडियन ऑईलच्या वेबसाईटवर देण्यात आले आहेत).