पंतप्रधान नरेंद्र मोदींच्या खासगी सचिव कशा बनल्या निधी तिवारी? पगार किती मिळतो?
Nidhi Tiwari : पंतप्रधान नरेंद्र मोदींची खासगी सचिव म्हणून निधी तिवारी यांची नियुक्ती करण्यात आली आहे.
Nidhi Tewari : पंतप्रधान नरेंद्र मोदींच्या खासगी सचिवपदी निधी तिवारी यांची नियुक्ती करण्यात आली आहे. निधी तिवारी या 2024 च्या आयएफएस बॅचच्या अधिकारी आहेत. DoPT कडून जारी करण्यात आलेल्या आदेशानुसार, निधी तिवारी या पंतप्रधान कार्यालयात उपसचिव म्हणून काम करत होत्या. दरम्यान, आता त्यांचं प्रमोशन झालंय. पंतप्रधान नरेंद्र मोदींच्या खासगी सचिवपदी त्यांची नियुक्ती करण्यात आली आहे.
निधी तिवारी (Nidhi Tewari) 2014 मध्ये Indian Foreign Service मध्ये भरती झाल्या होत्या. त्यानंतर त्यांनी विविध आणि महत्त्वपूर्ण पदांवर काम केलंय. पंतप्रधान कार्यालयातील उपसचिव म्हणून त्यांची सेवा वाखाणण्याजोगी असून, त्यादृष्टीने त्यांना नवीन जबाबदारी देण्यात आली आहे. निधी तिवारी यांच्यावर पंतप्रधानांचे खासगी सचिव म्हणून महत्त्वाची जबाबदारी असणार आहे. हे पद सांभाळताना त्यांना पंतप्रधानांच्या दैनंदिन कामात समन्वय, महत्त्वाच्या बैठका आयोजित करणे आणि विविध सरकारी विभागांशी समन्वय साधावा लागणार आहे.
निधी तिवारी यांना पगार किती मिळणार?
मीडिया रिपोर्ट्नुसार, पंतप्रधान कार्यालयातील खाजगी सचिव पदावर नियुक्त केलेल्या अधिका-यांची वेतनश्रेणी पे मॅट्रिक्स लेव्हल 14 नुसार निर्धारित केली जाते. या स्तरावरील वेतन 1,44,200 रुपये प्रति महिना आहे. यासोबतच महागाई भत्ता (DA), गृहनिर्माण भत्ता (HRA), प्रवासी भत्ता (TA) आणि इतर भत्तेही दिले जातात.
IFS निधी तिवारी यांची नोव्हेंबर 2022 मध्ये पंतप्रधान कार्यालयात (PMO) उपसचिव म्हणून नियुक्ती करण्यात आली होती. याआधी, त्या परराष्ट्र व्यवहार मंत्रालयात (MEA) निशस्त्रीकरण आणि आंतरराष्ट्रीय सुरक्षा प्रकरणांच्या विभागात सचिव म्हणून काम करत होत्या.
यूपीएसी परिक्षेत मिळवला होता 96 वा क्रमांक
निधी तिवारीने 2013 च्या यूपीएससी परीक्षेत केंद्रीय लोकसेवा आयोगामध्ये 96 वा क्रमांक मिळवला होता. पहिल्या 100 मध्ये स्थान मिळवल्यामुळे, तिला भारतीय परराष्ट्र सेवा (IFS) मिळाली. निधीची पहिली पसंती IFS होती, त्यानंतर तिने IAS आणि IPS होण्याचा मार्ग निवडला होता. IFS मध्ये सामील झाल्यानंतर निधी तिवारी यांनी परराष्ट्र मंत्रालयात आपली सेवा सुरू केली. तेथे त्यांनी निःशस्त्रीकरण आणि आंतरराष्ट्रीय सुरक्षा प्रकरणांमध्ये सचिव म्हणून काम केले.
इतर महत्त्वाच्या बातम्या
महत्त्वाच्या बातम्या
