Narendra Modi : मोदी अन् ट्रम्प एकत्र, चीनचा करणार मोठा गेम; ड्रॅगनला घेरण्यासाठी भारत-अमेरिकेचा प्लॅन
PM Modi visit To US : भारत आणि अमेरिका अनेक महत्त्वाच्या क्षेत्रात आपली धोरणात्मक भागीदारी आणखी मजबूत करण्यासाठी काम करत आहेत. सागरी मार्गावरील चीनचा प्रभाव कमी करण्यासाठी चर्चा होणार आहे.
नवी दिल्ली: पंतप्रधान नरेंद्र मोदी 12 फेब्रुवारीपासून दोन दिवसीय अमेरिका दौऱ्यावर जाणार आहेत. पंतप्रधान मोदींचा हा दौरा भारत-अमेरिका द्विपक्षीय संबंध अधिक दृढ करण्याच्या दिशेने असेल. या दौऱ्यात पंतप्रधान अमेरिकेचे राष्ट्राध्यक्ष डोनाल्ड ट्रम्प यांची भेट घेणार आहेत. यादरम्यान दोन्ही नेते संरक्षण सहकार्य तसेच चीनच्या वाढत्या आर्थिक आणि लष्करी प्रभावावरही चर्चा करतील.
आयएमईसीबाबत नियोजन केले जाईल
भारत आणि अमेरिका अनेक महत्त्वाच्या क्षेत्रात आपली धोरणात्मक भागीदारी आणखी मजबूत करण्यासाठी काम करत आहेत. त्यापैकी सर्वात महत्त्वाचा भारत-मध्य पूर्व युरोप आर्थिक कॉरिडॉर (IMEC) आहे. IMEC हा केवळ व्यापार मार्ग नाही तर चीनच्या बेल्ट अँड रोड इनिशिएटिव्ह (BRI) चा मुकाबला करण्यासाठी बनवलेले धोरण आहे. IMEC च्या माध्यमातून भारताची तंत्रज्ञान आणि रासायनिक क्षमता वाढेल.
सागरी मार्गावरील चीनचा प्रभाव कमी करण्याची तयारी
IMEC मार्फत 4500 किलोमीटरचा कॉरिडॉर तयार केला जाईल जो भारताला मध्य पूर्व मार्गे युरोपशी जोडेल. IMEC जागतिक पुरवठा साखळी मजबूत करेल आणि व्यापार मार्गांवर चीनच्या नियंत्रणाचे धोके दूर करेल. सध्या चीन मलाक्का सामुद्रधुनी, होर्मुझची सामुद्रधुनी आणि बाब अल-मंडाब यांसारख्या अनेक महत्त्वाच्या जलमार्गांवर आपला प्रभाव झपाट्याने वाढवत आहे.
अदानी समूह ऊर्जा, पायाभूत सुविधा आणि लॉजिस्टिक क्षेत्रात मोठ्या प्रमाणावर गुंतवणूक करतो. ही कंपनी इस्रायलच्या पायाभूत सुविधा आणि तंत्रज्ञान क्षेत्रात धोरणात्मक गुंतवणूक करत आहे. हैफा बंदरात टर्मिनल बांधण्यासाठी अदानी समूहाने गुंतवणूक केली आहे. भारत-मध्य-पूर्व-युरोप इकॉनॉमिक कॉरिडॉरचा महत्त्वाचा भाग असलेल्या हैफा बंदरात अदानी समूहाची 70 टक्क्यांहून अधिक भागीदारी आहे. यामुळे भारत-इस्रायल संबंध केवळ मजबूत होणार नाहीत, तर भारताला भूमध्य समुद्रात पाय रोवण्याची संधी मिळेल.
चीनकडून हौती बंडखोरांना मदत
सेंटर फॉर इंटरनॅशनल मेरिटाइम सिक्युरिटीच्या अहवालानुसार, चीन मोठ्या प्रमाणात इराणी तेल खरेदी करून येमेनच्या हौती बंडखोरांना अप्रत्यक्षपणे पाठिंबा देतो. त्या माध्यमातून इराणच्या इस्लामिक रिव्होल्युशनरी गार्ड कॉर्प्स (IRGC) ला पैसे पुरवण्यात येतात. त्या बदल्यात, IRGC हौतींना शस्त्रे पुरवते. ही शस्त्रे चीनमध्ये बनवल्याचा आरोप आहे.
ही बातमी वाचा:
महत्त्वाच्या बातम्या
