By-Election Result 2020 LIVE : गुजरात विधानसभा पोटनिवडणूकीत सर्व आठ जागांवर भारतीय जनता पार्टी आघाडीवर

By Poll 2020 Results LIVE Updates, Vote Counting देशातील 11 राज्यांमधील 58 विधानसभा जागा आणि बिहारमधील लोकसभेच्या एका जागेसाठी 3 आणि 7 नोव्हेंबर रोजी पोट निवडणूका घेण्यात आल्या. आज बिहार विधानसभा निवडणुकांसोबतच या पोटनिवडणुकांचेही निकाल जाहीर करण्यात येणार आहेत. मतमोजणीला सकाळी 8 वाजल्यापासून सुरुवात झाली आहे.

Background

By Poll 2020 Results LIVE Updates, Vote Counting| देशातील 11 राज्यांमधील 58 विधानसभा जागा आणि बिहारमधील लोकसभेच्या एका जागेसाठी 3 आणि 7 नोव्हेंबर रोजी पोट निवडणूका घेण्यात आल्या. आज बिहार विधानसभा निवडणुकांसोबतच या पोटनिवडणुकांचेही निकाल जाहीर करण्यात येणार आहेत. मतमोजणीला सकाळी 8 वाजल्यापासून सुरुवात झाली आहे. मध्य प्रदेशात विधानसभेच्या 28 जागांसाठी घेण्यात आलेल्या पोट निवडणुकीचा निकास मध्य प्रदेशातील शिवराज सिंह चौहान यांच्या सरकारचं भविष्य ठरवणार आहेत.

 

उत्तर प्रदेश विधानसभेत बहुमत असणारा भाजप सात जागांवर पोट निवडणूकीच प्रतिष्ठेची लढाई लढत आहे. गुजरातमध्ये काँग्रेस आमदारांच्या राजीनाम्यानंतर आठ जागांवर पोट निवडणुका घेण्यात येणार आहेत. यांपैकी 5 आमदार भाजपच्या तिकीटावर पुन्हा निवडणूक लढत आहेत. याव्यतिरिक्त छत्तीसगढ (एक जागा), हरियाणा (एका जागा), झारखंड (दोन जागा), कर्नाटक (दोन जागा), नागालँड (दोन जागा), ओदिशा (दोन जागा) आणि तेलंगणा (एक जागा) वर पोट निवडणूक लढत आहे. 7 नोव्हेंबर रोजी मणिपूरमधील 4 आणि बिहार वाल्मिकी नगर लोकसभा जागांवर मतदान पार पडलं. या सर्व जागांसाठी 3 नोव्हेंबर रोजी मतदान पार पडलं होतं.

मध्य प्रदेश : जोरा, सुमौली, मुरेना, दिमनी, अंबाह, मेहगांव, गोहद, ग्वालियर, ग्वालियर पूर्व, डबरा, भांडेर, करेडा, पोहरी, बमोरी, अशोक नगर, मुंगोली, सुरखी, मल्हारा, अनूपपुर, सांची, बियोरा, आगर, हाटपिपलिया, मंधाता, नेपानगर, बदनवर, सांवेर आणि सुवासरा
उत्तर प्रदेश : उन्नाव की बांगरमऊ, अमरोहा की नोगांव सादात, फिरोजाबाद मधील टूंडला, बुलन्दशहर की सदर, जौनपूर मधील मल्हनी, कानपुर देहात मधील घाटमपूर आणि देवरिया सदर. बांगरमऊ जागेसाठी भाजप आमदार कुलदीप सेंगर यांचं सदस्यत्वाचा कालावधी संपल्यानंतर येथे पोटनिवडणूक घेण्यात येत आहे.

गुजरात : अब्दसा, लिमडी, मोरबी, धारी, गढा (एसटी), कर्जन, डांग्स (एसटी) आणि कपराडा (एसटी)

कर्नाटक : सिरा, राजा राजेश्वरी नगर

ओडिशा : बालासोर, तीर्थोल

झारखंड : दुमका, बेरमो

नगालँड : दक्षिणी अंगामी- I, पुंग्रो-किफिर

तेलंगाना : दुब्बाका

छत्तीसगढ : मरवाही

हरियाणा : बडोदा

मणिपूर : थुबल जिल्ह्यातील लिलोंग आणि वांगजिंग-टेन्था, कंगपोकपी मधील सेतु आणि इम्फाल वेस्ट मधील वंगोई विधानसभेच्या जागेसाठी पोटनिवडणूक घेतली जात आहे.

बिहारमधील वाल्मिकी नगर येथील लोकसभेच्या जागेसाठी पोटनिवडणूक घेतली जात आहे.

18:19 PM (IST)  •  10 Nov 2020

मध्य प्रदेशमध्ये आतार्यंत भाजपचा पाच जागी विजय, तर काँग्रेसच्या वाट्याला एक जागा

14:05 PM (IST)  •  10 Nov 2020

उत्तर प्रदेश विधानसभा पोटनिवडणूकीत 7 जागांपैकी 6 जागांवर भारतीय जनता पार्टी आणि एका जागेवर अपक्ष उमेदवार आघाडीवर आहे. मध्य प्रदेशमध्ये भाजप 20, काँग्रेस सात आणि बसपा एका जागेवर आघाडीवर आहे.

13:25 PM (IST)  •  10 Nov 2020

गुजरात विधानसभा पोटनिवडणूकीत सर्व आठ जागांवर भारतीय जनता पार्टी आघाडीवर आहे. अशातच आज दुपारी 1 वाजून 30 मिनिटांनी निवडणूक आयोग पत्रकार परिषद घेणार आहे.

12:58 PM (IST)  •  10 Nov 2020

मध्यप्रदेश पोट निवडणुकीकडे देखील देशाचे लक्ष लागून आहे. 28 जागांसाठी निवडणूक झाली होती. निवडणूक आयोगाने 28 पैकी 28 जागांचे कल जारी केले आहेत. यात काँग्रेसला आठ जागांवर आघाडी आहे. तर भाजपनं 19 जागांवर आघाडी घेतली आहे. त्यामुळं भाजप म्हणजेच शिवराज सरकार मजबूत होण्याकडे वाटचाल करत आहेत. एका जागेवर बीएसपी आघाडीवर असल्याची माहिती आहे.

12:23 PM (IST)  •  10 Nov 2020

झारखंडमधील दोन जागांसाठी झालेल्या पोटनिवडणुकीत तीन टप्प्यातील मतमोजणी पूर्ण, बेरमोमध्ये भाजपचे योगेश्वर महतो आणि दुमकामध्ये भाजपचे लुईस मरांडी यांनी आघाडी घेतली आहे.