Jyoti Malhotra: ज्योती मल्होत्राने पाकिस्तानला पाठवली 'ही' माहिती, ऑपरेशन सिंदूरदरम्यानही होती दानिशच्या संपर्कात, चौकशीत धक्कादायक खुलासे
Jyoti Malhotra: हरियाणाच्या एका वरिष्ठ अधिकाऱ्याने काल (मंगळवारी) सांगितले की, भारताविरुद्ध हेरगिरी करण्यात आणखी लोक सहभागी आहेत का हे शोधण्यासाठी एक मोहीम सुरू केली जात आहे. त्यांनी असेही सांगितले की अनेक यूट्यूब चॅनेल्सची चौकशी सुरू आहे.
Jyoti Malhotra: पाकिस्तानसाठी हेरगिरी केल्याच्या आरोपाखाली अटक करण्यात आलेल्या युट्यूबर ज्योती मल्होत्राच्या प्रकरणात सखोल चौकशी सुरू आहे. दरम्यान, भारताने दहशतवादाविरुद्ध सुरू केलेल्या ऑपरेशन सिंदूर दरम्यान ज्योती एका पाकिस्तानी अधिकाऱ्याच्या संपर्कात असल्याची बातमी समोर आली आहे. याशिवाय, ऑपरेशन दरम्यान, भारतात सुरू असलेल्या अनेक महत्त्वाच्या कारवायांची माहिती तिने पाकिस्तानलाही पाठवली होती असा खुलासा झाला आहे.
न्यूज 18 च्या वृत्तानुसार, ज्योती भारतातील पाकिस्तानला संवेदनशील माहिती देत होती, ज्यामध्ये ऑपरेशन सिंदूर दरम्यान भारतातील काही ठिकाणी झालेल्या ब्लॅकआउटचाही समावेश होता, असे उघड झाले आहे. सूत्रांच्या हवाल्याने वृत्तात म्हटले आहे की, ती पाकिस्तानच्या गुप्तचर संस्थेच्या आयएसआयच्या एजंटच्या संपर्कात होती. सध्या ज्योती पोलिस कोठडीत आहे आणि तिची कोठडी आज (बुधवारी) संपत आहे. यानंतर तिला न्यायालयात हजर केले जाईल.
अहवालानुसार, सूत्रांनी दिलेल्या माहितीनुसार, पोलिसांना ज्योती आणि पाकिस्तानी उच्चायुक्तालयातील अधिकारी दानिश यांच्यातील चर्चेबाबत आणखी कोणतीही माहिती मिळाली नाही, परंतु ऑपरेशन सिंदूर दरम्यान ती त्याच्या संपर्कात होती असे पोलिसांना आढळून आले आहे. पोलिसांनी फॉरेन्सिक तपासणीसाठी ज्योतीचे तीन फोन आणि एक लॅपटॉप जप्त केले आहेत. याशिवाय, पोलिस त्याच्या दोन बँक खात्यांची माहितीही गोळा करत आहेत. अहवालानुसार, सुरुवातीच्या तपासात असे दिसून आले आहे की ज्योती 2023 ते 2025 या काळात दानिशच्या संपर्कात होती.
अनेक युट्यूब चॅनेलवरती नजर
पीटीआयच्या वृत्तानुसार, हरियाणाच्या एका वरिष्ठ अधिकाऱ्याने काल (मंगळवारी) सांगितले की, भारताविरुद्ध हेरगिरीमध्ये आणखी लोक सहभागी आहेत का? हे शोधण्यासाठी एक मोहीम सुरू केली जात आहे. त्यांनी असेही सांगितले की, अनेक यूट्यूब चॅनेल्सची चौकशी सुरू आहे. गेल्या दोन आठवड्यात हेरगिरीच्या आरोपाखाली पंजाब, हरियाणा आणि उत्तर प्रदेशातून किमान 12 जणांना अटक करण्यात आली आहे. त्याच वेळी, तपासात असे दिसून आले आहे की, पाकिस्तानशी जोडलेले एक हेरगिरी नेटवर्क उत्तर भारतात सक्रिय आहे.
अटक केलेल्यांमध्ये दोन महिलांचा समावेश
अटक केलेल्यांमध्ये दोन महिलांचा समावेश आहे. हरियाणाची रहिवासी ज्योती मल्होत्रा, जिच्या यूट्यूब चॅनेलवर 3.77 लाख सबस्क्राइबर्स आहेत आणि इंस्टाग्रामवर 1.33 लाख फॉलोअर्स आहेत, आणि पंजाबची 31 वर्षीय गजाला, जी नवी दिल्लीतील पाकिस्तान उच्चायुक्तालयात तैनात असलेल्या पाकिस्तानी अधिकारी एहसान-उर-रहीम उर्फ दानिशच्या संपर्कात होती, असा आरोप आहे.
कोण आहे ज्योती मल्होत्रा?
युट्यूबर ज्योती मल्होत्रा ही सामान्य घरातील मुलगी आहे. आलिशान आणि लक्झरी आयुष्य जगण्याच्या हव्यासामुळे ती देशविरोधी कारवायांमध्ये सामील झाल्याचे सांगितले जात आहे. वडिलांसोबत एका छोट्या घरात राहणाऱ्या ज्योतीला पैसे कमावण्याची इतकी घाई होती की उच्च माध्यमिक शिक्षण झाल्यावर तिने त्वरित नोकरी शोधण्यास सुरुवात केली होती. सुमारे 14 वर्षांपूर्वी तिने एका कोचिंग इन्स्टिट्यूटमध्ये रिसेप्शनिस्ट म्हणून पहिली नोकरी स्वीकारली होती.रिसेप्शनिस्टची नोकरी सोडल्यानंतर ज्योती मल्होत्रा हिसारपासून 20 किलोमीटर दूर असलेल्या एका खाजगी शाळेत शिक्षिका म्हणून काम करू लागली. मात्र, तिने तिथेही फार काळ काम केले नाही आणि नंतर हिसारमधील एका कॉलेजजवळ असलेल्या मार्केटमध्ये एका खाजगी कार्यालयात पुन्हा रिसेप्शनिस्ट म्हणून काम सुरू केले. सतत नवीन नोकऱ्या शोधणे आणि जुन्या सोडणे यातच तिचं आयुष्य पुढे सरकत गेलं. पण तिला तिच्या स्वप्नांप्रमाणे जीवन जगता येत नव्हतं.
आणखी वाचा-
Jyoti Malhotra: ज्योती मल्होत्रा पाकिस्तानसाठी बनली होती ॲसेट; चीनसाठीही हेरगिरी?, नवीन कनेक्शन समोर
महत्त्वाच्या बातम्या
