Jitendra Awhad on Anurag Thakur: भाजप खासदार आणि माजी केंद्रीय मंत्री अनुराग ठाकूर यांनी त्यांच्या एक्स हँडलवर एक व्हिडिओ शेअर केला आहे, ज्यामध्ये ते शालेय विद्यार्थ्यांसमोर भाषण देत आहेत. यादरम्यान ते विचारतात की, "अंतराळात जाणारा पहिला व्यक्ती कोण होता?" यावर मुलांनी एका सुरात उत्तर दिले, "नील आर्मस्ट्राँग!" मुलांच्या उत्तरानंतर अनुराग ठाकूर म्हणतात, "मला वाटते की ते हनुमानजी होते." त्यांच्या या विधानावर आता सोशल मीडियात सडकून टीका होत आहे. काही युझर्सनी आपली मुलं पाठवा लंडनला आणि इथं मुलांना शिकू देऊ नका म्हणत फटकारलं आहे. राष्ट्रवादी काँग्रेसचे जितेंद्र आव्हाड यांच्यासह द्रमुक खासदार कनिमोझी यांनी सुद्धा सडकून टीका केली आहे.
हीच आहे BJP स्टाईल संस्कृती आणि शिक्षण
आव्हाड यांनी ट्विट करत म्हटलं आहे की, अनुराग ठाकूर - “अंतरिक्षात जाणारा पहिला व्यक्ती कोण?” मुलं -“नील आर्मस्ट्राँग” अनुराग ठाकूर - “मला तर वाटतं हनुमानजी होते.” आणि मग भाषण- “आपण हजारो वर्षं आपली परंपरा, संस्कृती जाणली नाही तर आपण तेच मान्य करतो जे इंग्रजांनी सांगितलं.” पण वास्तव काय? याच अनुराग ठाकूर यांचा मुलगा परदेशात शिक्षण घेतो आहे. उद्या तो इंजिनिअर, शास्त्रज्ञ किंवा थेट BCCI चा अध्यक्ष होईल. आणि इथे आपल्या देशातील लहान मुलांना चुकीची माहिती देऊन, गुमराह करून स्वतःच्या राजकारणासाठी वापरलं जातं.हीच आहे BJP स्टाईल "संस्कृती" आणि "शिक्षण"!
द्रमुक खासदार कनिमोझी यांनी एक्स पोस्टमध्ये म्हटले आहे की, "एका खासदार आणि माजी केंद्रीय मंत्र्यांनी शाळेतील मुलांना चंद्रावर पहिले पाऊल कोण ठेवले असे विचारणे आणि ते नील आर्मस्ट्राँग नसून हनुमान होते असा आग्रह धरणे अत्यंत त्रासदायक आहे. विज्ञान मिथक नाही. वर्गात दिशाभूल करणे हे आपल्या संविधानात नमूद केलेल्या ज्ञान, तर्कशास्त्र आणि वैज्ञानिक विचारसरणीच्या भावनेचा अपमान आहे. भारताचे भविष्य कुतूहलाला जोपासण्यात आहे, तथ्यांना मिथक मानण्यात नाही."
मुलांचे किंवा अनुराग ठाकूरांचे उत्तर बरोबर नव्हते
प्रथम अंतराळात कोण गेले या प्रश्नावर? खरं तर, मुलांचे किंवा अनुराग ठाकुरांचे उत्तर बरोबर नव्हते. खरं तर, अवकाशात जाणारा पहिला माणूस सोव्हिएत अंतराळवीर युरी गागारिन होता, ज्याने 1961 मध्ये पृथ्वीभोवती प्रदक्षिणा घातली होती. नील आर्मस्ट्राँग ही अशी व्यक्ती होती ज्याने 1969 मध्ये चंद्रावर प्रथम पाऊल ठेवले. याचा अर्थ असा की दोन्ही बाजूंनी चुका झाल्या - प्रथम मुलांनी चुकीचे उत्तर दिले आणि नंतर भाजप खासदाराने कोणतीही सुधारणा न करता विज्ञान आणि इतिहासाच्या जागी मिथक ठेवले.
राज्यघटनेच्या कलम 51 (ह) मध्ये असे म्हटले आहे की नागरिकांमध्ये वैज्ञानिक विचार आणि वैज्ञानिक दृष्टिकोन वाढवणे हे राज्याचे कर्तव्य आहे, परंतु या घटनेने दाखवून दिले की आपल्या शिक्षण प्रणाली आणि नेतृत्वात तथ्य आणि श्रद्धा यांच्यातील फरक स्पष्ट करण्याची क्षमता नाही. अनुराग ठाकूर यांनी त्यांच्या विधानात पुढे म्हटले आहे की, "यावरून आपली परंपरा, ज्ञान आणि संस्कृती किती जुनी आणि महत्त्वाची आहे हे दिसून येते. जर आपल्याला स्वतःबद्दल माहिती नसेल तर आपण ब्रिटिशांच्या शिक्षणापुरते मर्यादित राहू. आपल्याला पाठ्यपुस्तकाबाहेर विचार करावा लागेल आणि आपल्या परंपरा आणि ज्ञानाकडे पहावे लागेल."
इतर महत्वाच्या बातम्या