Ajit Pawar: दिवंगत उपमुख्यमंत्री अजितदादांच्या अस्थी घेऊन जय पवार अनवाणी पायांनी प्रयागराजच्या संगमावर; मंत्रोच्चारात अस्थींचे विसर्जन
पवार कुटुंबीय पुण्याहून चार्टर्ड विमानाने प्रयागराजला पोहोचले. जय विमानतळावरून अनवाणी पायांनी बाहेर पडले. विमानतळावरून संगमावर त्यांनी ताफ्यासह प्रवास केला.
Ajit Pawar: दिवंगत उपमुख्यमंत्री अजित पवार यांच्या अस्थी प्रयागराजमध्ये आज (8 फेब्रुवारी) संगमात विसर्जित करण्यात आल्या. जय पवार यांनी संगमावर मंत्रोच्चार करत अस्थी विसर्जित केल्या. यादरम्यान जय पवार भावनिक झाल्याचे दिसून आले. एवढेच नाही तर पत्रकारांनी त्यांना प्रश्न विचारले तरीही जय शांत राहिले आणि काहीही बोलले नाहीत. पवार कुटुंबीय पुण्याहून चार्टर्ड विमानाने प्रयागराजला पोहोचले. जय विमानतळावरून अनवाणी पायांनी बाहेर पडले. विमानतळावरून संगमावर त्यांनी ताफ्यासह प्रवास केला. अस्थी विसर्जनावेळी भाजप आणि राष्ट्रवादी काँग्रेसचे नेतेही उपस्थित होते.
तीन पवित्र नद्यांच्या संगमावर असलेल्या संगमात अस्थी विसर्जित
पुत्र जय पवार यांनी पुजाऱ्यांच्या उपस्थितीत कलश पूजा केल्यानंतर विधीनुसार तीन पवित्र नद्यांच्या संगमावर असलेल्या संगमात अस्थी विसर्जित केल्या. बारामती येथून जेट विमानाने जय पवार कुटुंबीयांसह संगमावर पोहोचले. परंपरेनुसार संगमच्या व्हीआयपी घाटावर अस्थींचे विसर्जन केले. राष्ट्रवादी युवक काँग्रेसचे राष्ट्रीय अध्यक्ष धीरज शर्मा यांच्या नेतृत्वाखाली अजित पवार यांची 'कलश यात्रा' काश्मीर ते कन्याकुमारी अशी आयोजित करण्यात आली होती. 12 राज्यांमधून जाणारी ही यात्रा आज जय पवार आणि कुटुंबाच्या उपस्थितीत संगमावर समाप्त झाली.
अस्थि विसर्जनानंतर, पवार कुटुंब विमानतळाकडे रवाना झाले. संगमावर सुमारे दोन तास घालवले आणि विधीनुसार अस्थि विसर्जन केले. संगम येथे अस्थि विसर्जन केल्यानंतर, पवार कुटुंब घाटावर गेले आणि थेट विमानतळ गाठले. धीरज शर्मा म्हणाले, "हा कुटुंबासाठी, लाखो राष्ट्रवादी कार्यकर्ते आणि दादाच्या समर्थकांसाठी खूप भावनिक क्षण आहे. अस्थी कलश यात्रेसाठी मी हरिद्वार ते तेलंगणा असा प्रवास केला. अजितदादा हे केवळ महाराष्ट्रातच नव्हे तर देशातील एक प्रमुख राष्ट्रीय राजकीय व्यक्तिमत्व होते." 28 जानेवारी रोजी बारामती विमानतळावर झालेल्या चार्टर्ड विमान अपघातात अजित पवार यांचे निधन झाले. या अपघातात दोन वैमानिक, एक महिला क्रू मेंबर आणि एका सुरक्षा रक्षकासह एकूण पाच जणांना आपला जीव गमवावा लागला. विमान लँडिंग होण्यापूर्वीच मोठा स्फोट झाला. अजित यांच्या निधनानंतर त्यांच्या पत्नी सुनेत्रा पवार यांनी महाराष्ट्राच्या पहिल्या महिला उपमुख्यमंत्री म्हणून शपथ घेतली.
इतर महत्वाच्या बातम्या
महत्त्वाच्या बातम्या
