IndiGo : श्रीनगरला जाणाऱ्या इंडिगो विमानाची हवेत इंधन गळती, वाराणसीमध्ये इमर्जन्सी लँडिंग
IndiGo Emergency Landing : या विमानात 166 प्रवासी प्रवास करत होते, ते सर्वजण सुखरुप असून त्यांच्यासाठी पर्यायी विमानाची सोय करण्यात येत आहे.
IndiGo Emergency Landing : कोलकाता (Kolkata) ते श्रीनगर (Srinagar) जाणाऱ्या इंडिगो (IndiGo) एअरलाईन्सच्या फ्लाइट 6E-6961 ला वाराणसी (Varanasi Airport) विमानतळावर आपत्कालीन लँडिंग (Emergency Landing) करावी लागली. हवेत असताना विमानात इंधनाची गळती (Fuel Leak) झाल्याचं समजताच क्रू मेंबर्सनी (Crew Members) त्वरीत परिस्थितीचं गांभीर्य ओळखून एअर ट्रॅफिक कंट्रोल (ATC) शी संपर्क साधला.
या विमानात एकूण 166 प्रवासी आणि कर्मचारी होते. सुदैवाने सर्व प्रवासी सुखरूप असून, त्यांना विमानातून उतरवून आगमन विभागात सुरक्षित नेण्यात आलं.
#BREAKING IndiGo Flight 6E-6961 from Kolkata to Srinagar made an emergency landing at Lal Bahadur Shastri International Airport, Varanasi, Uttar Pradesh, due to a fuel leak. All 166 passengers and crew were safely evacuated. Airport authorities are investigating the incident. The… pic.twitter.com/NvPQDoBVcC
— IANS (@ians_india) October 22, 2025
IndiGo 6E 6961 : विमानतळ प्राधिकरणाकडून चौकशी सुरू
विमानात झालेल्या तांत्रिक बिघाडामुळे ही घटना घडली असून, वाराणसी विमानतळ प्रशासन आणि स्थानिक पोलीसांकडून या घटनेची सखोल चौकशी सुरू आहे. विमानाच्या इंधन प्रणालीमध्ये नक्की कोणत्या तांत्रिक अडचणी आल्या, याचा तपास घेतला जात आहे. पोलिसांनी स्पष्ट केलं आहे की परिस्थिती नियंत्रणात आहे आणि विमानतळावरील नियमित कामकाज पुन्हा सुरू करण्यात आलं आहे.
Kolkata to Srinagar IndiGo 6E6961 flight made a priority landing in Varanasi following fuel issues. The flight has 166 passengers: Airport Authority
— ANI (@ANI) October 22, 2025
More details awaited.
Kolkata To Srinagar Flight : प्रवाशांना पर्यायी फ्लाइटने पाठवण्याची तयारी
इंडिगो एअरलाईन्सकडून जाहीर करण्यात आलं आहे की, प्रवाशांना श्रीनगरला पोहोचवण्यासाठी दुसऱ्या विमानाची व्यवस्था केली जात आहे. सध्या सर्व प्रवासी सुरक्षित असून, त्यांना वेटिंग रुममध्ये ठेवण्यात आलं आहे.
सूत्रांकडून मिळालेल्या माहितीनुसार, संबंधित विमान अद्याप ग्राउंडवर असून, तांत्रिक पथक त्याच्या इंधन गळतीचा तपास करत आहे. प्रवाशांना पुढील फ्लाइटमध्ये पाठवण्यासाठी प्रक्रिया सुरू आहे.
अशा घटना जरी अपवादात्मक असल्या, तरी विमान वाहतुकीतील सुरक्षा आणि दक्षता किती महत्त्वाची आहे, हे पुन्हा अधोरेखित होते. इंडिगोच्या क्रू मेंबर्सनी वेळेवर योग्य निर्णय घेऊन 166 जीव वाचवले.
ही बातमी वाचा:
महत्त्वाच्या बातम्या
