Independence Day 2025 PM Modi Speech Live: तरुणांना 15 हजार, जीएसटी कमी करणार; पाकिस्तान-अमेरिकेला इशारा, आरएसएसला सलाम, नरेंद्र मोदींच्या भाषणातील A टू Z मुद्दे

Independence Day 2025 PM Modi Speech Live: पंतप्रधान नरेंद्र मोदी 79 व्या स्वातंत्र्यदिनाच्या पार्श्वभूमीवर आज लाल किल्ल्यावरून देशाला संबोधित करणार आहे. नरेंद्र मोदी सलग बाराव्यांदा ध्वजारोहण करतील.

Background

Independence Day 2025 PM Modi Speech Live: पंतप्रधान नरेंद्र मोदी (Narendra Modi) यांनी 79 व्या स्वातंत्र्यदिनाच्या (Independence Day 2025) पार्श्वभूमीवर आज लाल किल्ल्यावर ध्वजारोहण केले. यावेळी लाल किल्ल्यावरुन नरेंद्र मोदी यांनी देशाला संबोधित करताना विविध मुद्द्यांवर भाष्य केले. आम्ही सलग 8 वर्षे जीएसटी कमी करण्यासाठी काम केले आहे. आम्ही पुढच्या पिढीच्या जीएसटीवर काम करत आहोत आणि या दिवाळीत आपण खरेदी केलेल्या आणि दैनंदिन जीवनात वापरल्या जाणाऱ्या वस्तू खूप स्वस्त होतील. यामुळे देशाच्या अर्थव्यवस्थेला चालना मिळेल, अशी घोषणा देखील नरेंद्र मोदींनी केली. 

15:18 PM (IST)  •  15 Aug 2025

गडचिरोली पोलिसांच्या तिरंगा बाईक रॅलीतून देशसेवा, शौर्य आणि त्यागाचा संदेश 

गडचिरोली पोलिसांच्या तिरंगा बाईक रॅलीतून देशसेवा, शौर्य आणि त्यागाचा संदेश 

300 अधिकारी अंमलदारांचा तिरंगा बाईक रॅलीत सहभाग

गडचिरोली : जिल्हा पोलीस दलाच्या वतीने स्वातंत्र्य दिनाच्या निमित्ताने पोलीस मुख्यालयातून तिरंगा बाईक रॅली काढण्यात आली. या तिरंगा बाईक रॅलीमध्ये जिल्हा पोलीस अधीक्षकांसह 300 अधिकारी, अंमलदार यांचा सहभाग होता. रॅलीच्या माध्यमातून देशसेवा, शौर्य आणि त्यागाचा संदेश यानिमित्ताने देण्यात आला. पोलीस मुख्यालयातून निघालेली ही बाईक रॅली गडचिरोली शहरातील इंदिरा गांधी चौक मार्ग पुन्हा मुख्यालयात विसर्जित करण्यात आली. दरम्यान स्वातंत्र्यदिनानिमित्त शहिद कुटूंबियांची भेट घेऊन त्यांच्या अडचणी जाणून घेतल्या. यानंतर नवजीवन वसाहत येथे आयोजित कार्यक्रमादरम्यान पोलीस अधीक्षक नीलोत्पल यांनी आत्मसमर्पित नक्षल सदस्यांसोबत स्वातंत्र्य दिन साजरा करत ध्वजारोहण करुन आत्मसमर्पित माओवाद्यांच्या कुटुंबामध्ये मिठाईचे वाटप करण्यात आले

14:28 PM (IST)  •  15 Aug 2025

साईबाबांना सोन्या - चांदीचे दान...

शिर्डी/ अहिल्यानगर 

साईबाबांना सोन्या - चांदीचे दान...
17 लाख रुपयांच्या वस्तू दान...
191 ग्रॅम वजनाचे सोन्याचे ताट...
283 ग्रॅम वजनाचे चांदीचे अगरबत्ती स्टँड साई चरणी अर्पण...
सुंदर नक्षीकाम केलेले आणि " श्रद्धा - सबुरी " नाव असलेले चांदीचे अगरबत्ती स्टँड...
तेलंगाणा येथील साईभक्त डॉक्टर जी. हरीनाथ आणि जी. पुष्‍पलता असे दानशूर साईभक्तांचे नाव...
साईबाबा संस्थानकडून दानशूर साईभक्तांचा सत्कार..