Mukul Roy Died: माजी रेल्वे मंत्री, तृणमूल काँग्रेसचे संस्थापक मुकुल रॉय यांचे निधन; तृणमूल काँग्रेस - भाजपच्या राजकारणाला आकार देणारा बंगाली 'चाणक्य' हरपला
Mukul Roy: 1998 मध्ये तृणमूल काँग्रेसच्या स्थापनेत त्यांनी महत्त्वाची भूमिका बजावली होती आणि ते ममता बॅनर्जी यांचे अत्यंत विश्वासू सहकारी मानले जात.
Mukul Roy Died: माजी रेल्वे मंत्री आणि तृणमूल काँग्रेसचे (TMC) संस्थापक सदस्य मुकुल रॉय यांचे वयाच्या 69 व्या वर्षी निधन झाले. मुकुल रॉय यांचे आज (23 फेब्रुवारी) पहाटे दीड वाजता वाजता कोलकातामधील अपोलो रुग्णालयात हृदयविकाराच्या तीव्र झटक्याने निधन झाले. ते गेल्या काही वर्षांपासून स्मृतिभ्रंश (Dementia) आणि इतर अनेक आरोग्य समस्यांशी झुंज देत होते. निधनापूर्वी काही दिवस ते कोमात होते. त्यांना अन्ननलिकेद्वारे द्रव आहार दिला जात होता.
बंगाली 'चाणक्य' हरपल्याची भावना
मुकुल रॉय यांच्या संघटनात्मक कौशल्यामुळे त्यांना 'बंगालच्या राजकारणाचे चाणक्य' म्हणून ओळखले जात असे. 1998 मध्ये तृणमूल काँग्रेसच्या स्थापनेत त्यांनी महत्त्वाची भूमिका बजावली होती आणि ते ममता बॅनर्जी यांचे अत्यंत विश्वासू सहकारी मानले जात. यूपीए-2 (UPA II) सरकारच्या काळात त्यांनी जहाजबांधणी राज्यमंत्री आणि मार्च ते सप्टेंबर 2012 दरम्यान केंद्रीय रेल्वे मंत्री म्हणून काम पाहिले. 2011 मध्ये पश्चिम बंगालमधील 34 वर्षांची डाव्यांची सत्ता संपवून तृणमूल काँग्रेसला सत्तेत आणण्यामध्ये त्यांचा मोलाचा वाटा होता.
The demise of Mukul Roy marks the end of an era in Bengal’s political history. A veteran leader with vast experience. His contributions helped shape an important phase of the state’s public and political journey.
— Abhishek Banerjee (@abhishekaitc) February 23, 2026
As a founding pillar of the All India Trinamool Congress, he was…
2017 मध्ये भाजपमध्ये प्रवेश केला
तृणमुलच्या स्थापनेपासून सोबत असलेल्या मुकुल रॉय यांनी मुख्यमंत्री ममता बॅनर्जी यांच्याशी मतभेद झाल्यानंतर 2017 मध्ये त्यांनी भाजपमध्ये प्रवेश केला. 2019 च्या लोकसभा निवडणुकीत बंगालमध्ये भाजपला 18 जागा जिंकून देण्यात मुख्य रणनीतीकार म्हणून काम केले. 2021 ची विधानसभा निवडणूक त्यांनी कृष्णनगर मतदारसंघातून भाजपच्या तिकिटावर जिंकली होती. जून 2021 मध्ये त्यांनी पुन्हा तृणमूल काँग्रेसमध्ये प्रवेश केला. मात्र, पक्षबदल विरोधी कायद्याचे उल्लंघन केल्यामुळे 2025 मध्ये कलकत्ता उच्च न्यायालयाने त्यांची आमदारकी रद्द केली होती.
Pained by the passing of former Union Minister Shri Mukul Roy Ji. He will be remembered for his political experience and efforts to serve society. Condolences to his family and supporters. Om Shanti. pic.twitter.com/qlrvKM5E2w
— Narendra Modi (@narendramodi) February 23, 2026
मुकुल रॉय यांचा राजकीय प्रवास हा अत्यंत चढ-उतारांचा राहिला, त्यांनी पश्चिम बंगालमधील राजकारणाला एक नवी दिशा दिली होती.
इतर महत्वाच्या बातम्या
महत्त्वाच्या बातम्या
