Delhi Bomb Blast: दिल्लीतील ऐतिहासिक लाल किल्ला परिसरात झालेल्या बॉम्बस्फोटाच्या तपासात महत्वपूर्ण प्रगती झाली आहे. तपास पथकांनी स्फोटस्थळी सापडलेल्या दात, हाडे, रक्त लागलेले कपड्याचे तुकडे तसेच पायाचा काही भाग फॉरेन्सिक तपासणीसाठी पाठवला होता. हे सगळे नमुने मुख्य आरोपी डॉ. उमर उन नबी यांच्या आईच्या DNA शी जुळले असल्याचे निष्पन्न झाले आहे, त्यामुळे आरोपीचे मृतदेह सापडल्याची पुष्टी मिळाली आहे.
Delhi Bomb Blast: केंद्र सरकारकडून दहशतवादी हल्ला घोषित
दुसरीकडे, या स्फोटाचा सर्वात जवळचा CCTV व्हिडिओ मिळाला आहे. या 10 सेकंदांच्या फुटेजमध्ये सायंकाळी 6.51 वाजता लाल किल्ला मेट्रो स्टेशनजवळील सिग्नल हिरवा होताच, 20 हून अधिक गाड्या पुढे जात असताना, एक i20 कारमध्ये अचानक स्फोट झाला आणि मोठ्या ज्वाळा उठल्या. स्फोटामुळे आजूबाजूच्या अनेक वाहनांचे तुकडे झाले.केंद्रीय सरकारने या घटनेला दहशतवादी हल्ला म्हणून घोषित केले आहे. बुधवारी झालेल्या कॅबिनेट बैठकीत या कार बॉम्बस्फोटासंदर्भात अधिकृत प्रस्ताव मंजूर करण्यात आला आहे.तपासातील आणखी माहिती अशी की, दिल्ली पोलिसांना लाल रंगाची इको स्पोर्ट्स कार (DL10-CK-0458) चा या हल्ल्यात सहभाग असल्याची शंका होती. उशीरा मिळालेल्या माहितीवरून ही कार हरियाणातील खंदावली गावात लावारस अवस्थेत सापडली. कारचे रजिस्ट्रेशन मुख्य आरोपी डॉ. उमर उन नबी यांच्या नावावर आहे.
दरम्यान, दिल्लीच्या लाल किल्ल्याजवळ झालेल्या स्फोटानंतर, तपास यंत्रणांनी आता फरिदाबादच्या अल-फलाह मेडिकल कॉलेजवर लक्ष केंद्रित केले आहे. एकेकाळी आधुनिक सुविधांसाठी प्रसिद्ध असलेले हे कॉलेज आता दहशतवादी संबंधांच्या आरोपांनी व्यापले आहे. जम्मू आणि काश्मीर पोलिस आणि राष्ट्रीय तपास संस्थेच्या (एनआयए) पथकांनी बुधवारी (१२ नोव्हेंबर) कॉलेजवर छापा टाकला. तपासात असे दिसून आले की स्फोटात सहभागी असलेले चार डॉक्टर - डॉ. उमर उन नबी, डॉ. मुझम्मिल, डॉ. शाहीन शाहिद आणि डॉ. निसार-उल-हसन - कॉलेजशी संबंधित होते.
Delhi Bomb Blast: डॉ. निसार स्फोटानंतर बेपत्ता
सूत्रांनी दिलेल्या माहितीनुसार, डॉ. निसार-उल-हसन यांना २०२२ मध्ये जम्मू आणि काश्मीर सरकारने सुरक्षेच्या कारणास्तव काढून टाकले होते. त्यानंतर त्यांनी अल-फलाह मेडिकल कॉलेजमध्ये बनावट नावाने पुन्हा नोकरी स्वीकारली. स्फोटानंतर ते बेपत्ता आहेत. अल-फलाह विद्यापीठाच्या कुलगुरू डॉ. भूपिंदर कौर यांनी एक निवेदन जारी करून म्हटले आहे की विद्यापीठाचा या डॉक्टरांशी कोणताही वैयक्तिक संबंध नाही आणि महाविद्यालय तपासात पूर्ण सहकार्य करत आहे. त्या पुढे म्हणाल्या, "कॅम्पसमध्ये कोणतीही संशयास्पद सामग्री आढळलेली नाही."
Delhi Bomb Blast: भरती प्रक्रियेची चौकशी केली जाईल
तथापि, महाविद्यालयाच्या स्पष्टीकरणावर तपास संस्थांना खात्री पटलेली नाही. एका वरिष्ठ अधिकाऱ्याने सांगितले की, "एकाच महाविद्यालयातील चार डॉक्टर दहशतवादी नेटवर्कशी जोडले जाणे हा योगायोग असू शकत नाही." तपास संस्था आता खाजगी विद्यापीठांच्या भरती प्रक्रियेची चौकशी करत आहेत जेणेकरून काही सुरक्षा उल्लंघन झाले आहे का हे निश्चित केले जाऊ शकेल.
Delhi Bomb Blast: प्राध्यापक आणि विद्यार्थ्यांची चौकशी
आतापर्यंत ७० हून अधिक प्राध्यापक आणि विद्यार्थ्यांची चौकशी करण्यात आली आहे. एका विद्यार्थ्याने सांगितले की, "डॉ. उमर आणि डॉ. गनाई अनेकदा अनेक दिवस महाविद्यालयात अनुपस्थित राहिले आणि त्यांना अध्यापनात रस नव्हता."
Delhi Bomb Blast: राष्ट्रीय वैद्यकीय आयोगाने काय म्हटले?
राष्ट्रीय वैद्यकीय आयोगाने (एनएमसी) सांगितले आहे की ते या प्रकरणाचे निरीक्षण करत आहे आणि तपास पूर्ण झाल्यानंतर कारवाई करेल. अल-फलाह विद्यापीठाची स्थापना २०१४ मध्ये अल-फलाह चॅरिटेबल ट्रस्टने केली होती. हे विद्यापीठ अभियांत्रिकी, वैद्यकशास्त्र, व्यवस्थापन आणि विज्ञान या विषयांचे अभ्यासक्रम देते. २०१९ मध्ये त्यांच्या वैद्यकीय महाविद्यालयाला मान्यता मिळाली आहे.
आणखी वाचा
Delhi Bomb Blast: दिल्ली बॉम्बस्फोटाचा भयानक व्हिडीओ अखेर समोर आला, त्या क्षणी नेमकं काय घडलं?