Sunetra Pawar Meets PM Modi: प्रफुल पटेलांच्या निवासस्थानी 'ब्रेकफास्ट पे चर्चा'; सुनेत्रा पवारांनी घेतली पीएम मोदींची भेट, पार्थ पवारांची खासदारकी निश्चित?
तत्पूर्वी, प्रफुल पटेल यांच्या दिल्ली निवासस्थानी ‘ब्रेकफास्ट पे चर्चा’ चर्चा झाली. या बैठकीत उपमुख्यमंत्रीसुनेत्रा पवार, प्रदेशाध्यक्ष सुनील तटकरे, पार्थ पवार आणि प्रफुल्ल पटेल सहभागी झाले होते
Sunetra Pawar Meets PM Modi: पंतप्रधान नरेंद्र मोदी आणि उपमुख्यमंत्री सुनेत्रा पवार यांच्यात आज (11 जानेवारी) दिल्लीत साधारणतः 40 मिनिटांची बैठक झाली. या बैठकीत विविध राजकीय आणि प्रशासकीय विषयांवर चर्चा झाल्याची माहिती आहे. अजित पवार यांच्या निधनाबद्दल पंतप्रधानांनी शोकसंवेदना व्यक्त केल्या. तसेच, राज्याच्या राजकारणात त्यांच्या योगदानाचा उल्लेख करत कुटुंबियांसोबत सहवेदना व्यक्त केल्याचे सांगितले जाते. एनडीएतील घटक पक्ष म्हणून राष्ट्रवादी काँग्रेससोबत ठामपणे उभे राहू, अशी ग्वाही पंतप्रधानांनी दिली. तत्पूर्वी, राष्ट्रवादी काँग्रेसचे कार्याध्यक्ष प्रफुल पटेल यांच्या दिल्ली निवासस्थानी ‘ब्रेकफास्ट पे चर्चा’ चर्चा झाली. या बैठकीत उपमुख्यमंत्रीसुनेत्रा पवार, प्रदेशाध्यक्ष सुनील तटकरे, पार्थ पवार आणि प्रफुल्ल पटेल सहभागी झाले होते. या बैठकीत दोन्ही राष्ट्रवादी काँग्रेस गटांच्या संभाव्य एकत्रीकरणासह आगामी राज्यसभा निवडणुकीच्या रणनीतीवर सविस्तर चर्चा झाल्याची सूत्रांची माहिती आहे. राज्यातील बदलत्या राजकीय समीकरणांच्या पार्श्वभूमीवर एकत्रीकरणावर चर्चा झाल्याचे समजते.
पार्थ पवार यांना राज्यसभेवर पाठवण्याची शक्यता?
आगामी राज्यसभा निवडणूक हा देखील बैठकीतील प्रमुख विषय होता. पार्थ पवार यांना राज्यसभेवर पाठवण्याची शक्यता चर्चेत आल्याचे सांगितले जाते. पक्षांतर्गत पातळीवर त्यांच्या नावावर गंभीर विचार सुरू असल्याचे संकेत मिळत आहेत. या सर्व घडामोडींच्या पार्श्वभूमीवर राष्ट्रवादी काँग्रेसने एनडीएतील घटक पक्ष म्हणून आपली भूमिका अधिक स्पष्ट करण्याचे ठरवले आहे. पंतप्रधान नरेंद्र मोदी आणि केंद्रीय गृहमंत्री अमित शाह यांच्याशी होणाऱ्या संभाव्य भेटीपूर्वी पक्षाची अधिकृत भूमिका निश्चित केली. दुसरीकडे, सोमवारी मुख्यमंत्री देवेंद्र फडणवीस अचानक दिल्लीत आल्याने राजकीय वर्तुळात चर्चांना उधाण आले होते. रात्री उशिरा फडणवीस यांनी वरिष्ठ भाजप नेत्यांची भेट घेतली आणि त्यानंतर मुंबईत परतले होते. राष्ट्रवादी काँग्रेस पक्षाच्या विलीनीकरणाबाबतच्या चर्चा होत असतानाच हा दौरा झाला. मुख्यमंत्री फडणवीस यांच्या सोमवारी रात्री उशिरा झालेल्या गुप्त दिल्ली भेटीनंतर सुनेत्रा पवार यांच्या या भेटीला विशेष महत्त्व दिले जात आहे.
राष्ट्रवादी दुसऱ्या क्रमांकाचा सर्वात मोठा पक्ष
महाराष्ट्रातील 12 जिल्हा परिषदा आणि 125 पंचायत समित्यांच्या नुकत्याच झालेल्या निवडणुकीत भाजपने पहिले स्थान पटकावले, तर अजित पवार यांच्या नेतृत्वाखालील राष्ट्रवादी काँग्रेस पक्ष दुसऱ्या क्रमांकावर राहिला. यापूर्वी, भाजपने महानगरपालिका आणि नगरपालिका निवडणुकीत विक्रमी जागा जिंकून लक्षणीय यश मिळवले होते. 731 जिल्हा परिषदेच्या जागांपैकी भाजपकडे सर्वाधिक 233 सदस्य निवडून आले आहेत. त्यानंतर अजित पवार गट 167 जागांसह दुसऱ्या आणि शिंदे सेना 162 जागांसह तिसऱ्या क्रमांकावर दुसरीकडे, काँग्रेसने 56, शरद पवार गटाने 26 आणि उद्धव सेनेने 43 जागा जिंकल्या आहेत.
इतर महत्वाच्या बातम्या
महत्त्वाच्या बातम्या
