नवी दिल्ली: भारतामध्ये चीनच्या हेरगिरीबाबत मोठी खळबळजनक माहिती उघड झाली. चीनकडून आता केवळ एलएसीवरच नाही तर डिजिटल प्लॅटफॉर्मवर देखील भारताविरोधात कारस्थान रचलं जात आहे. आता चिनी कंपनीच्या भारतात हेरगिरीबाबत सरकारनं चौकशी सुरु केली आहे. या प्रकरणात नॅशनल सायबर सेक्युरिटी कोऑर्डिनेशनच्या नेतृत्वात एक एक्सपर्ट कमिटी तयार केली आहे. ही कमिटी 30 दिवसांच्या आता रिपोर्ट सरकारला देणार आहे. चीनच्या शेनझेन आणि झेन्हुआ इन्फोटेक या कंपनीकडून हेरगिरी होत असल्याचा मुद्दा भारतीय परराष्ट्र मंत्रालयानं चीनच्या राजदुतांसमोर मांडला. या चिनी कंपनीकडून भारतातील प्रमुख लोकांची हेरगिरी केली जात असल्याचं प्रकरण समोर आलं आहे.
चीनकडून भारतातील मोठ्या संविधानिक पदांवरील राजकीय नेते तसेच लष्करातील बड्या अधिकाऱ्यांची हेरगिरी सुरु असल्याचं हे प्रकरण आहे. राष्ट्रपती रामनाथ कोविंद, पंतप्रधान नरेंद्र मोदी, केंद्रीय मंत्री, प्रमुख विरोधी पक्षनेते, अनेक राज्यांचे मुख्यमंत्री आणि सरन्यायाधीश यांच्यासह सुमारे 1350 लोकांची हेरगिरी सुरु असल्याची माहिती आहे. एवढंच नाही तर चीन भारतीय अर्थव्यवस्थेवरही लक्ष ठेवून असल्याची माहिती आहे. भारतातील अतिमहत्त्वाच्या व्यक्तींपाठोपाठ चीन भारतातील स्टार्टअप अॅप्स आणि ई-कॉमर्स कंपन्यांवरही पाळत ठेवत असून पेमेंट अॅप्स, सप्लाय चैन, डिलीवरी अॅप्स आणि या अॅप्सचे सीईओ-सीएफओसह जवळपास 1400 व्यक्ती आणि संस्थांवर पाळत ठेवून असल्याची माहिती समोर आली आहे.
एलएसीवर चीनसोबतच भारतीय सैनिकांचा कोरोनाशीही लढा
देशभरातील बड्या व्यक्तींची हेरगिरी
चीनकडून पंतप्रधान नरेंद्र मोदींसह पाच मंत्री, माजी आणि आजी 40 मुख्यमंत्री, 350 खासदार, कायदेतज्ञ, आमदार, महापौर, सरपंच आणि लष्करातील काही अधिकारी अशा जवळपास 1350 लोकांची हेरगिरी सुरु आहे. यामध्ये मास्टर ब्लास्टर सचिन तेंडुलकर, दिग्दर्शक शाम बेनेगल यांच्यासह देशातील काही पत्रकारांचा देखील समावेश आहे, अशी माहिती आहे.
चीनची शेनझेन आणि झेन्हुआ इन्फोटेक करत आहे हेरगिरी
चीनची शेनझेन आणि झेन्हुआ इन्फोटेक ही कंपनी हेरगिरी करत असल्याची माहिती आहे. शेनझेन इन्फोटेक कंपनी ही हेरगिरी चीनच्या कम्युनिस्ट पार्टीच्या सरकारसाठी करत असल्याची माहिती आहे. या कंपनीचं काम दुसऱ्या देशांवर नजर ठेवणं आहे.
चीनचं कारस्थान! पंतप्रधान मोदी, मुख्यमंत्री ठाकरेंसह देशातील अनेक बड्या लोकांची हेरगिरी
मुख्यमंत्री ठाकरेंसह 24 मुख्यमंत्र्यांचा समावेश
चीनच्या या कंपनीकडून महाराष्ट्राचे मुख्यमंत्री उद्धव ठाकरे, पश्चिम बंगालच्या मुख्यमंत्री ममता बनर्जी, दिल्लीचे उप मुख्यमंत्री मनीष सिसोदिया, झारखंडचे मुख्यमंत्री हेमंत सोरेन आणि ओदिशाचे मुख्यमंत्री नवीन पटनायक यांच्यासह सध्याच्या एकूण 24 मुख्यमंत्र्यांची हेरगिरी सुरु आहे. या लिस्टमध्ये 16 माजी मुख्यमंत्र्यांचा समावेश आहे.
कोणकोणत्या लोकांची हेरगिरी?
पंतप्रधान नरेंद्र मोदी
माजी पंतप्रधान मनमोहन सिंह
काँग्रेस अध्यक्षा सोनिया गांधी
सीडीएस जनरल बिपीन रावत
चीफ जस्टिस ऑफ इंडिया एसए बोबडे
24 मुख्यमंत्री
16 माजी मुख्यमंत्री
350 खासदार
70 महापौर