"सत्तेविरोधात लढणाऱ्या आंदोलकांना खरेदी करण्यासाठी भाजपकडे 500 कोटींचं बजेट आहे. मला समजत नाही की, विकास केला आहे, तर खरेदी का?", असा आरोप करत हार्दिक पटेल याने भाजपला थेट इशारा दिला आहे की, "गुजरातमधील जनता इतकी स्वस्त नाही की, कुणी त्यांची खरेदी करावी. गुजरातमधील जनतेचा अपमान केला जात असून, जनता या अपमानाचा बदला घेईल."
"भाजपविरोधात केवळ मी नव्हे, गुजरातमधील 6 कोटी जनता लढत आहे. व्यापारी, शेतकरी, सर्व समाज आणि कामगार भाजपच्या हुकूमशाहीला कंटाळले आहेत.", असेही हार्दिक पटेल म्हणाला.
गुजरात विधानसभेच्या निवडणुका तोंडावर आल्या असताना हार्दिक पटेलने आपला भाजपविरोध आणखी तीव्र केला आहे. हार्दिक पटेलला पाटीदार समाजाचा मोठा पाठिंबा आहे. त्यामुळे गुजरातमध्ये भाजपचे धाबे दणाणले आहे.
संबंधित बातम्या :
नरेंद्र पटेलांपाठोपाठ निखिल सवानींचाही भाजपला राम राम
भाजपमध्ये येण्यासाठी मला एक कोटींची ऑफर : नरेंद्र पटेल