India Weather Forecast : मुसळधार पाऊस अन् वादळी वाऱ्याचं संकट; हवामान विभागाकडून 15 राज्यांसाठी सतर्कतेचा इशारा; दिल्ली आणि यूपी-बिहारसह कसे असेल महाराष्ट्राचे हवामान?

देशभरातील हवामान पुन्हा एकदा बदलत असल्याचे दिसत आहे. हवामान विभागाने बिहार, झारखंड, राजस्थान, उत्तराखंड, हिमाचल प्रदेश आणि पंजाबसह १५ राज्यांमध्ये मुसळधार पाऊस आणि वादळी पावसाचा इशारा दिला आहे.

India Weather Forecast

Source : ABP Majha

All India Weather Forecast : देशभरातील हवामान (India Weather) पुन्हा एकदा बदलत असल्याचे दिसत आहे. हवामान विभागाने बिहार, झारखंड, राजस्थान, उत्तराखंड, हिमाचल प्रदेश आणि पंजाबसह 15 राज्यांमध्ये मुसळधार पाऊस आणि वादळी पावसाचा इशारा (Weather Updates Today) दिला आहे. भारतीय हवामान विभागाने (IMD) राजधानी दिल्ली, मध्य प्रदेश, बिहार, झारखंड, राजस्थान, उत्तराखंड, हिमाचल प्रदेश आणि पंजाबसह 15 राज्यांमध्ये 17 मे रोजी मुसळधार पाऊस आणि मेघगर्जनेसह पावसाचा इशारा दिला आहे. या काळात अनेक भागांमध्ये ताशी 75 किमी वेगापर्यंत सोसाट्याचा वारा अपेक्षित आहे. उत्तर भारतातील राज्यांमध्येही तीव्र वादळांची शक्यता वर्तविण्यात आली आहे.

हवामान विभागाने 17 आणि 17 मे रोजी दिल्लीत धुळीची वादळे आणि सोसाट्याच्या वाऱ्यांचा इशारा दिला आहे. रात्री हलका पाऊस आणि विजांचा कडकडाट अपेक्षित आहे. आज तापमान 42 अंश सेल्सिअसपर्यंत वाढण्याची शक्यता आहे. तर 18 मे रोजी कमाल तापमान 43 अंश सेल्सिअस आणि किमान तापमान 26 अंश सेल्सिअस राहण्याची शक्यता आहे. 21 मे रोजी कमाल तापमान 41 अंश सेल्सिअस आणि किमान तापमान 26 अंश सेल्सिअस राहील.

उत्तर प्रदेशातील हवामान (Weather in Uttar Pradesh)

उत्तर प्रदेशातील अनेक जिल्ह्यांमध्ये सध्या तीव्र उष्णता जाणवत आहे. बांदामध्ये पारा 44.8 अंश सेल्सिअसवर पोहोचला आहे. प्रयागराज आणि झाशीमध्येही तीव्र उष्णता जाणवत आहे. येथेही कमाल तापमान 44 अंशांपेक्षा जास्त नोंदवले जात आहे. हवामान विभागाच्या अंदाजानुसार, येत्या काही दिवसांत उत्तर प्रदेशात कोरडे हवामान अपेक्षित आहे. आज राजधानी लखनौ आणि आसपासच्या परिसरात आकाश निरभ्र राहण्याची शक्यता आहे.

राजस्थान हवामान (Rajasthan weather)

राजस्थानच्या बहुतांश भागांमध्ये तापमान वाढू लागले आहे. जयपूर येथील आयएमडी केंद्राच्या अंदाजानुसार, राज्यात 17 मे पासून तापमान पुन्हा वाढणार आहे. १17-18 मे रोजी बिकानेर विभाग, शेखावती प्रदेश, जयपूर आणि भरतपूर विभागाच्या उत्तर भागातील अनेक ठिकाणी जोरदार वादळी पावसाची शक्यता आहे. या काळात ताशी 40 ते 50 किलोमीटर वेगाने जोरदार वारे वाहण्याची शक्यता असून, हलक्या पावसाचीही शक्यता आहे.

बिहारमध्ये पाऊस आणि वादळाचा इशारा (Indication of rain and storm in Bihar)

गया, जहानाबाद, औरंगाबाद, पश्चिम चंपारण, पूर्व चंपारण, भागलपूर, पूर्णिया, मुंगेर, रोहतास, कैमूर, गया, दरभंगा, मधुबनी, भागलपूर, कटिहार आणि बेगुसराय येथे मुसळधार पाऊस आणि वादळाचा इशारा देण्यात आला आहे. पाटणामध्ये 17-18 मे रोजी कमाल तापमान 41 अंश सेल्सिअस, तर किमान तापमान 27 अंश सेल्सिअस राहण्याची शक्यता आहे.

हिमाचल हवामान (Himachal Weather Update)

17-18 मे रोजी हिमाचल प्रदेशातील कांग्रा, सोलन, कुल्लू, शिमला आणि चंबा येथे ढगाळ आकाश राहील. वाऱ्याचा वेग ताशी 40 ते 40 किलोमीटरपर्यंत असू शकतो. 17 आणि 18 मे रोजी मनालीमध्ये कमाल तापमान 11 अंश सेल्सिअस, तर किमान तापमान 1 अंश सेल्सिअस राहण्याची शक्यता आहे.

बंगालच्या उपसागरातील तीव्र कमी दाबाच्या पट्ट्याचे परिणाम तामिळनाडूमध्ये स्पष्टपणे दिसून येत आहेत. या तीव्र कमी दाबाच्या पट्ट्यामुळे अनेक जिल्ह्यांमध्ये मुसळधार पाऊस पडत आहे. भारतीय हवामान विभागाने (IMD) येत्या काही दिवसांसाठी मुसळधार पावसाचा इशारा दिला आहे. 18 मे रोजी दिंडीगुल, थेनी, कोईम्बतूर आणि निलगिरी जिल्ह्यांमध्ये मुसळधार पावसाची शक्यता आहे.

हे सुद्धा वाचा