''गुजरात आणि हिमाचलच्या निकालाचा परिणाम एप्रिल-मे 2018 मध्ये होणाऱ्या कर्नाटक विधानसभा निवडणुकीवर दिसून येईल. जनतेने काँग्रेसच्या भ्रष्ट धोरणाला नाकारलं आहे'', असं भाजपचे कर्नाटक प्रदेशाध्यक्ष बी. एस. येडीयुरप्पा यांनी म्हटलं आहे.
काँग्रेसकडे सध्या असलेल्या मोठ्या राज्यांपैकी कर्नाटक एक आहे. पंजाबमध्येही काँग्रेस सध्या सत्तेत आहे. त्यामुळे आता भाजप काँग्रेसमुक्त भाजपसाठी कर्नाटकची तयारी आतापासूनच सुरु करणार असल्याचं येडीयुरप्पा यांच्या वक्तव्यावरुन दिसत आहे.
भाजपने कर्नाटकमध्ये 2008 साली स्वबळावर सत्ता मिळवली होती. मात्र 2012 साली भाजप नेतृत्त्वात विभाजन झाल्यानंतर 2013 साली भाजपचा पराभव झाला. येडीयुरप्पा यांनी 2012 साली भाजपमधून बाहेर पडत स्वतंत्र पक्षाची स्थापना केली होती. मात्र ते नंतर पुन्हा भाजपात सहभागी झाले.