(Source: Poll of Polls)
Mumbai's ED office Fire : कधीकाळी मंत्रालयात आग पेटली होती अन् आता मुंबईमधील ईडी कार्यालयात सुद्धा मध्यरात्री आग लागली; महत्त्वाची कागदपत्रे आणि पुरावे जळून खाक
Mumbai's ED office Fire : आगीचे कारण अद्याप कळलेले नाही, परंतु या आगीमुळे तेथे ठेवलेल्या अनेक महत्त्वाच्या केस फाईल्स, जप्ती अहवाल आणि डिजिटल पुरावे मोठ्या प्रमाणात खराब झाले आहेत.
Mumbai's ED office Fire : सोमवारी पहाटे मुंबईतील बॅलार्ड इस्टेट येथील अंमलबजावणी संचालनालयाच्या (ईडी) झोनल ऑफिस क्रमांक-1 मध्ये (Fire at Kaiser-I-Hind building which houses Mumbai's ED office) भीषण आग लागली, ज्यामुळे कार्यालयाचे मोठे नुकसान झाले. या आगीत ईडीचे अनेक महत्त्वाचे कागदपत्रे आणि पुरावे जळून खाक झाले आहेत. या अपघातात कोणतीही जीवितहानी झाली नाही ही दिलासादायक बाब आहे. मिळालेल्या माहितीनुसार, आग पहाटे अडीचच्या सुमारास लागली आणि काही वेळातच ती चौथ्या आणि पाचव्या मजल्यावर पसरली. आग इतकी भीषण होती की काही मिनिटांतच तिने इमारतीचा मोठा भाग वेढला. अग्निशमन दलाच्या अनेक गाड्या घटनास्थळी पोहोचल्या आणि तासन्तास प्रयत्नांनंतर आग आटोक्यात आणण्यात आली.
VIDEO | Maharashtra: A major fire broke out at the ED office building in south Mumbai's Ballard Estate area early on Sunday, civic officials said and added there were no reports of any injuries.
— Press Trust of India (@PTI_News) April 27, 2025
The fire brigade received a call about the blaze at the multistorey Kaiser-I-Hind… pic.twitter.com/X6EXrPNhbU
फायली आणि इलेक्ट्रॉनिक उपकरणे पूर्णपणे जळाली
ईडीची मुंबईत दोन कार्यालये आहेत, झोनल ऑफिस 1 आणि झोनल ऑफिस 2. ही घटना बॅलार्ड इस्टेटमध्ये असलेल्या झोनल ऑफिस 1 मध्ये घडली. आगीचे कारण अद्याप कळलेले नाही, परंतु ईडी सूत्रांचे म्हणणे आहे की या आगीमुळे तेथे ठेवलेल्या अनेक महत्त्वाच्या केस फाईल्स, जप्ती अहवाल आणि डिजिटल पुरावे मोठ्या प्रमाणात खराब झाले आहेत. ईडी अधिकाऱ्यांच्या मते, कार्यालयातील अनेक भागात फायली आणि इलेक्ट्रॉनिक उपकरणे पूर्णपणे जळाली आहेत, ज्यामुळे अनेक प्रकरणांच्या तपासावर परिणाम होऊ शकतो. सध्या, अग्निशमन विभाग आणि फॉरेन्सिक टीम आगीचे खरे कारण शोधण्यासाठी तपास करत आहेत.
ईडी कार्यालयात आग ज्या पद्धतीने पसरली आणि गंभीर नुकसान झाले, त्यावरूनही अनेक प्रश्न उपस्थित केले जात आहेत. तथापि, एजन्सीने स्पष्ट केले आहे की सर्व महत्त्वाच्या तपासांचा बॅकअप उपलब्ध आहे आणि लवकरच कामकाज सामान्य करण्यासाठी प्रयत्न सुरू आहेत.
इतर महत्वाच्या बातम्या
महत्त्वाच्या बातम्या
