Chhattisgarh Naxal Encounter : छत्तीसगड-महाराष्ट्र सीमेवर इंद्रावती राष्ट्रीय उद्यान परिसरात 31 नक्षलींचा खात्मा; तब्बल 1 हजार जवानांची कारवाई, 2 जवान शहीद, दोन जखमी
Chhattisgarh Naxal Encounter : चकमकीत डीआरजी आणि एसटीएफचा प्रत्येकी एक जवान शहीद झाला, तर दोन जवान जखमी झाले, त्यांना एअरलिफ्ट करून रायपूरला नेण्यात आले. त्यांची प्रकृती धोक्याबाहेर आहे.
Chhattisgarh Naxal Encounter : छत्तीसगड-महाराष्ट्र सीमेवर रविवारी झालेल्या चकमकीत 1000 हून अधिक जवानांनी 31 नक्षलवाद्यांचा खात्मा करण्यात आला. सर्व 31 जणांचे मृतदेह बाहेर काढण्यात आले आहेत. विजापूरच्या इंद्रावती नॅशनल पार्क परिसरात ही चकमक झाली. सध्या शोधमोहीम सुरू आहे. त्याचबरोबर मृत नक्षलवाद्यांचीही ओळख पटवली जात आहे. चकमकीत डीआरजी आणि एसटीएफचा प्रत्येकी एक जवान शहीद झाला, तर दोन जवान जखमी झाले, त्यांना एअरलिफ्ट करून रायपूरला नेण्यात आले. त्यांची प्रकृती धोक्याबाहेर आहे. बस्तर रेंजचे आयजी सुंदरराज पी यांनी सांगितले की, घटनास्थळावरून मोठ्या प्रमाणात शस्त्रे आणि स्फोटके जप्त करण्यात आली आहेत.
या वर्षी आतापर्यंत छत्तीसगडमध्ये 81 नक्षलवादी मारले गेले
या वर्षी आतापर्यंत छत्तीसगडमध्ये 81 नक्षलवादी मारले गेले आहेत. त्यापैकी 65 फक्त बस्तर विभागात ठार झाले आहेत. त्यात विजापूरसह 7 जिल्ह्यांचा समावेश आहे. पोलिसांनी दिलेल्या माहितीनुसार, 2024 मध्ये वेगवेगळ्या चकमकीत जवानांनी 217 नक्षलवाद्यांना ठार केले होते. दरम्यान, 2 फेब्रुवारी रोजी विजापूर जिल्ह्यातील गांगलूर पोलीस स्टेशन परिसरात सुरक्षा दलांनी केलेल्या चकमकीत 8 नक्षलवादी ठार झाले होते. मारले गेलेले सर्व माओवादी हे पुरुष नक्षलवादी होते. सुमारे 800-1000 सुरक्षा दलाच्या जवानांनी पीएलजीए कंपनी क्रमांक 2 च्या नक्षलवाद्यांना घेरले होते. त्यात मोठे नेते होते. पथकाने घटनास्थळावरून INSAS, 303, 12 बोअर, BGL लाँचर जप्त केले.
31 मार्च 2026 पूर्वी आपण देशातून नक्षलवादाचा समूळ नायनाट करू
दरम्यान, केंद्रीय गृहमंत्री कारवाईवर बोलताना 31 मार्च 2026 पूर्वी आपण देशातून नक्षलवादाचा समूळ नायनाट करू असे म्हटले आहे. शहीद झालेल्या जवानांच्या कुटुंबियांप्रती मी मनापासून संवेदना व्यक्त करतो, असे त्यांनी ट्विट करत म्हटले आहे. अमित शाह यांनी ट्विट करत म्हटले आहे की, नक्षलमुक्त भारत करण्याच्या दिशेने छत्तीसगडमधील विजापूरमध्ये सुरक्षा दलांना मोठे यश मिळाले आहे. या कारवाईत 31 नक्षलवाद्यांना ठार मारण्यासोबतच मोठ्या प्रमाणात शस्त्रे आणि स्फोटक साहित्यही जप्त करण्यात आले आहे. आज आपण मानवता विरोधी नक्षलवाद संपवताना आपले दोन शूर सैनिक गमावले आहेत. हा देश या वीरांचा सदैव ऋणी राहील. शहीद झालेल्या जवानांच्या कुटुंबियांप्रती मी मनापासून संवेदना व्यक्त करतो. 31 मार्च 2026 पूर्वी आपण देशातून नक्षलवादाचा समूळ नायनाट करू, जेणेकरून देशातील कोणत्याही नागरिकाला आपला जीव गमवावा लागणार नाही, असा माझा संकल्प आहे.
20 दिवसांपूर्वी गरिआबंदमध्ये 16 नक्षलवादी ठार झाले होते
20-21 जानेवारी रोजी गरीबीबंद जिल्ह्यातील जंगलातही चकमक झाली. सुमारे 80 तास चाललेल्या या कारवाईत 16 नक्षलवादी ठार झाले. त्यापैकी 12 नक्षलवाद्यांवर एकूण 3 कोटी 16 लाख रुपयांचे बक्षीस जाहीर करण्यात आले होते. ठार झालेल्या नक्षलवाद्यांमध्ये नक्षल केंद्रीय समितीचे सदस्य चालपती यांचाही समावेश आहे. एकट्या चालपाठीवर 90 लाखांचे बक्षीस होते. नुआपाडा-गारियाबंद-धमतरी विभाग समितीचे प्रमुख सत्यम गावडे हेही चकमकीत मारले गेले.
इतर महत्त्वाच्या बातम्या
महत्त्वाच्या बातम्या
