सरकारच्या या निर्णयानं जवळजवळ 50.68 लाख केंद्रीय कर्मचारी आणि 54.24 लाख पेन्शनधारकांना फायदा मिळणार आहे. केंद्रीय मंत्रिमंडळाच्या बैठकीत बेसिक वेतनाच्या 2 टक्के महागाई भत्ता देण्याचा निर्णय घेण्यात आला आहे. एक जुलै 2016 पासूनचा महागाई भत्ता कर्मचाऱ्यांना मिळणार आहे.
दोन टक्के महागाई भत्ता दिल्यानं सरकारवर 5,622.10 कोटीचा अतिरिक्त बोझा येणार आहे. याआधी केंद्र सरकारनं या वर्षी मार्च महिन्यात महागाई भत्त्यात सहा टक्क्यांनी वाढ केली होती.