कॉक्रोच जनता पार्टीचे संस्थापक अभिजीत दिपकेच्या घराबाहेर पोलिस तैनात; उपायुक्तांनी सांगितलं राज'कारण'

Nanded Result : शिंदे गटात गेलेल्या नागेश पाटील आष्टीकरांच्या मुलाचा पराभव, फक्त 84 मतं पडली, ठाकरेंच्या शिवसेनेतून हकालपट्टी

एबीपी माझा ब्युरो — Mon, 22 Jun 2026 12:45:17 +0530

हिंगोली : नांदेड विधान परिषदेच्या निवडणुकीत (Nanded Vidhan Parishad Election) भाजपचे उमेदवार अमर राजुरकर यांनी मोठा विजय मिळवला असून त्यांनी नुकतंच ठाकरेंच्या शिवसेनेत गेलेले खासदार नागेश पाटील आष्टीकर यांचा मुलगा कृष्णा आष्टीकर यांचा पराभव केला. या पराभवानंतर ठाकरेंच्या शिवसेनेतून कृष्णा आष्टीकर (Krishna Patil Ashtikar) यांची हकालपट्टी करण्यात आल्याची घोषणा खासदार संजय राऊत यांनी केली. त्यामुळे बापाच्या भूमिकेचा फटका हा मुलाला बसल्याची चर्चा आता सुरू आहे.

नांदेड विधान परिषदेच्या निवडणुकीत भाजपच्या अमर राजुरकर यांना 339 मतं मिळाली. तर ठाकरेंच्या शिवसेनेतून निवडणूक लढवणाऱ्या कृष्णा आष्टीकरांना फक्त 84 मतं मिळाली. या निवडणुकीत 23 मतं बाद झाली आहेत.

नांदेडच्या जागेसाठी आधी कांग्रेसच्या रामदास पाटील सोमठाणकर यांनी अर्ज दाखल केला होता. परंतु, ठाकरेंच्या शिवसेनेकडून खासदार नागेश पाटील आष्टीकरांचे सुपुत्र कृष्णा आष्टीकर हे इच्छुक होते. त्यांनी अपक्ष अर्ज दाखल केला. त्यामुळे शेवटच्या क्षणी काँग्रेसच्या रामदास पाटील यांनी उमेदवारी मागे घेतली आणि महाविकास आघाडीकडून कृष्णा आष्टीकर हे अधिकृत उमेदवार झाले.

Krishna Patil Ashtikar Result : ऑपरेशन टायगरचा फटका

दरम्यान, ही निवडणूक प्रक्रिया सुरू असताना राज्यात ऑपरेशन टायगर सुरू झालं. त्यामध्ये नागेश पाटील आष्टीकरांचं नाव असल्याने त्याचा फटका कृष्णा आष्टीकरांना बसला. कृष्णा आष्टीकर हे आपण ठाकरे गटातच असल्याचं सांगत असले तरी महाविकास आघाडीतील काँग्रेस आणि शरद पवारांच्या राष्ट्रवादीमध्ये चलबिचलता सुरू झाल्याचं दिसून आलं.

राज्यात सुरू झालेल्या ऑपरेशन टायगरचा फटका हा कृष्णा आष्टीकरांना बसला असून महाविकास आघाडीची मतं ही अशोक चव्हाण यांचे निकटवर्तीय अमर राजुरकर यांच्या पारड्यात पडल्याची चर्चा आहे. त्यामुळे 451 मतांपैकी कृष्णा आष्टीकर यांना फक्त 84 मतं मिळाल्याचं दिसून आलं.

दरम्यान, कृष्णा पाटील आष्टीकरांची पक्षातून हकालपट्टी करण्यात आल्याचं खासदार संजय राऊत यांनी जाहीर केलं. पक्षविरोधी कारवाया केल्याचा ठपका त्यांच्यावर ठेवण्यात आला आहे.

Nagesh Patil Ashtikar Hingoli : कृष्णा पाटील आष्टीकरांची भूमिका बदलली

दरम्यान, वडिलांनी बंडखोरी केली असली तरी आपण ठाकरेंसोबत असल्याचा दावा करणाऱ्या कृष्णा पाटील आष्टीकर यांची भूमिका बदलल्याचं दिसून आलं. विधान परिषदेच्या निवडणुकीत पराभव झाल्यानंतर आपण वडिलांच्या विरोधात जाणार नाही, असं कृष्णा पाटील यांनी जाहीर केलं. संध्याकाळी वडील हिंगोलीत दाखल होणार असून त्यांचं नांदेड विमानतळावर जंगी स्वागत करू, असं कृष्णा आष्टीकर यांनी म्हटलं आहे. माझ्यावर ज्या लोकांनी टीका केली होती त्यांच्यासमोर वडिलांचं नांदेड विमानतळावर स्वागत करणार, असं आष्टीकर म्हणाले.

ही बातमी वाचा:

Uday Samant : गिरीश महाजनांनी विश्वासघात केला का? नाशिकचा पराभव कुणामुळे झाला? उदय सामंत यांची मोठी प्रतिक्रिया

ठाकरेंचा फुटलेला खासदार पहिल्यांदाच मीडियासमोर; नागेश पाटील आष्टीकरांनी सांगितलं शिवसेना सोडण्याचं राज'कारण'

वेदांत नेब — Sun, 21 Jun 2026 14:26:32 +0530

मुंबई : ठाकरेंच्या शिवसेनेतील (Shivsena) 6 खासदारांनी आपला स्वतंत्र गट स्थापन केला असून ओमराजे निंबाळकर यांच्यासह हिंगोलीतील खासदार नागेश पाटील आष्टीकर (Nagesh patil) यांनीही ठाकरेंची साथ सोडत शिंदे गटात गेल्याचं स्पष्ट झालं आहे. कारण, स्वत: नागेश पाटील आष्टीकर यांनी फेसबुक लाईव्हच्या माध्यमातून आपली भूमिका मांडली असून मी दुसरीकडे कुठेही गेलो नाही, शिवसेनेतून शिवसेनेतच गेलोय, असे आष्टीकर यांनी सांगितले. त्यामुळे, पहिल्यांदाच ठाकरे गटातील फुटलेल्या 6 खासदारांपैकी एका खासदाराने समोर येऊन आपली भूमिका मांडली. सत्तेत असल्याशिवाय कामे होत नव्हती, म्हणूनच मी हा निर्णय घेतल्याचं आष्टीकर यांनी म्हटलं. तसेच, कार्यकर्त्यांना त्यांनी महत्त्वाचं आवाहन देखील केलंय.

नागेश पाटील आष्टीकर यांनी आज आपली भूमिका परखडपणे मांडली. आम्ही 18 जूनपर्यंत कुठेही गेलो नव्हतो, मात्र शिवसेना वर्धापन दिनाच्या मेळाव्यात आमच्यावर बोचऱ्या शब्दात टीका करण्यात आली, त्याने आमची मनं दुखावली. पण, खरं सांगायचं तर आपण पाहतोय गेल्या अनेक दिवसांपासून सत्तेशिवाय कुठलेही कामे होत नाहीत. मी जे काही पाऊल उचललं, ते लोकांनी मला ज्या आशेनं खासदार म्हणून निवडून दिलंय, ती त्यांची कामे पूर्ण करायची म्हणून. सत्तेत असल्याशिवाय लोकांची ही कामे होत नव्हती. अनेकांना माझी भूमिका पटली नसेल, काहींना पटलीही असेल. मी तुम्हाला म्हटल्याप्रमाणे, मला तुमच्याकडे सालानं ठेवा, मी तुमचं साल नेकीनं करेन. माझ्यावर तुम्ही जी जबाबदारी ठेवलीय, ती जबाबदारी निश्चितपणे पार पाडे, असे नागेश पाटील आष्टीकर यांनी म्हटले.

मी शिवसेनेतून शिवसेनेतच गेलोय

मी माझ्या कामातून नाराज कार्यकर्त्यांना दाखवून देईल, मी दुसरं कुठेही गेलो नाही, शिवसेनेतेून शिवसेनेतच गेलोय, मी विचारधारा सोडलेली नाही, असेही आष्टीकरांनी कार्यकर्त्यांना सांगितले. कृपया कुणीही असंवैधानिक बोलू नका, राग व्यक्त करा पण असंवैधानिकपणे बोलू नका, शब्द मनाला खूप लागतात. कारण, आपल्याच गावच्या बाभळी आणि आपल्याच गावच्या बोरी.. असे म्हणत मी कार्यकर्त्यांसोबत कायम असेल, असेही आष्टीकर यांनी म्हटले.

कुणीही कोणाला कमी नसतं

संजय राऊत साहेब म्हणाले की, झोडून काढ, हरकत नाही ते माझ्या वडिलांसारखे आहेत, त्यांनी बोलायला हरकत नाही. मात्र, झोडून काढू म्हटले तरी कोणीही कोणाला कमी नसतं, मात्र त्याचे परिणाम वाईट होतात, असेही नागेश पाटील आष्टीकर यांनी म्हटलं.

हेही वाचा

उद्धव ठाकरेंना भेटून मातोश्रीबाहेर पडताच संजय दिना पाटलांची लेक म्हणाली, 'आमच्या घरात वैयक्तिक निर्णयाची पद्धत, मी उद्धव साहेंबासोबत'

Sushma Andhare Shivsena Vardhapan Din: कृष्णा आष्टीकर तू उद्धव ठाकरेंसोबत असशील तर उद्या बापाचं पिंडदान करुन दाखव, प्रतिमेला जोडे मार; सुषमा अंधारेंचा हल्लाबोल

रोहित धामणस्कर — Sat, 20 Jun 2026 07:11:56 +0530

Sushma Andhare and Krishna Ashtikar: उद्धव ठाकरे यांची साथ सोडून एकनाथ शिंदे यांच्या शिवसेनेत गेलेल्या सहा फुटीर खासदारांपैकी एक असलेल्या नागेश आष्टीकर पाटील (Nagesh Ashtikar Patil) यांचा मुलगा कृष्णा आष्टीकर (Krishna Ashtikar) यांनी आपण अजूनही ठाकरे गटासोबत असल्याचा दावा केला आहे. मी माझ्या वडिलांच्या संपर्कात नाही, त्यांच्या शिंदे सेनेत जाण्याच्या निर्णयाविषयी मला कोणतीही कल्पना नव्हती, असे कृष्णा आष्टीकर यांनी म्हटले होते. त्यांच्या या वक्तव्यानंतर ठाकरे गटाच्या उपनेत्या सुषमा अंधारे (Sushma Andhare) यांनी कृष्णा आष्टीकर यांना आपली निष्ठा सिद्ध करण्यासाठी स्वत:च्या वडिलांचे पिंडदान करुन दाखव, असे आव्हान दिले. त्या शुक्रवारी शिवसेनेच्या वर्धापन दिन सोहळ्यानंतर प्रसारमाध्यमांशी बोलत होत्या. (Shivsena Vardhapan Din)

यावेळी सुषमा अंधारे यांना कृष्णा आष्टीकर यांच्या अजूनही ठाकरे गटात असल्याच्या दाव्याविषयी विचारण्यात आले. कृष्णा आष्टीकर हा उद्धव ठाकरे यांच्यासोबत असेल त्याने उद्या बापाचं पिंडदान करुन दाखवावं आणि स्वत:च्या बापाच्या प्रतिमेला जोडे मारुन दाखवावेत, मग आम्ही म्हणू की, तुम्ही उद्धव ठाकरेंसोबत आहात. तुम्ही कोणाला शहाणपण शिकवताय. बाप तसा बेटा आहे, अशी आगपाखड सुषमा अंधारे यांनी केली.

शिवसेनेच्या वर्धापन दिन सोहळ्यात उद्धव ठाकरे यांनी आपल्या भाषणावेळी, 'माझ्या नेतृत्त्वाबाबत होणाऱ्या आरोपात तुम्हाला तथ्य वाटत असेल तर मी शिवसेना पक्षप्रमुखपद सोडायला तयार आहे', असे म्हटले. उद्धव ठाकरे यांच्या या वक्तव्यानंतर शिवसैनिकांना धक्का बसला. उद्धव ठाकरे यांनी पक्षप्रमुख पद सोडू नये, अशी विनंती त्यांनी केली. उद्धव ठाकरे यांचा हा प्रस्ताव ऐकून सुषमा अंधारे यादेखील प्रचंड भावूक झालेल्या पाहायला मिळाले. आम्ही उद्धव ठाकरे यांना नेता मानलं आहे, ते आम्हाला सांगू शकत नाहीत की, पक्षप्रमुख पदाचा अधिकार दुसऱ्या व्यक्तीला द्या. आम्ही त्यांच्यासोबत लढायला तयार आहोत, असे सुषमा अंधारे यांनी म्हटले.

खासदार ओमराजे निंबाळकर यांच्याबद्दल मला जास्त वाईट वाटतं, ज्याला आम्ही आपलं मानलं ज्याच्यासाठी आम्ही लढलो, तो निघून गेला. एकदा विकलेले हे पुन्हा पुन्हा विकले जातात. उद्या अमित शहांनी मोठी बोली लावली तर हे सहा खासदार त्यांच्याकडे जातील. तुझ्याकडे भुंकणारे लोक आहेत. पण माणसं निवडून आणणारे नाहीत. आम्ही ब्रँड तयार करणारे आहोत, अशी टीका सुषमा अंधारे यांनी शिंदे गटावर केली.

देवेंद्र फडणवीस हे गावठी चाणक्य नाहीत, जे एकनाथ शिंदे यांच्या बोलण्यावर विश्वास ठेवतील. विश्वास कोणावर ठेवायचा हे देवेंद्र फडणवीस यांना मला वाटतं माहित असेल, असेही सुषमा अंधारे यांनी म्हटले.

Shivsena Crisis: सुषमा अंधारेच्या बोलघेवडेपणामुळे पक्ष फुटीच्या वाटेवर, आम्हाला पैशांची गरज नाही - कृष्णा पाटील आष्टीकर

सुषमा अंधारेच्या बोलघेवडेपणामुळे पक्ष फुटीच्या उंबरठ्यावर आहे, असा पुनश्च एकदा आरोप कृष्णा पाटील आष्टीकर यांनी केलाय. शिवसेनेचे बंडखोर खासदार नागेश पाटील यांचे चिरंजीव असलेल्या कृष्णा यांनी माध्यमांशी बोलताना हा आरोप केलाय. तसेच नागेश पाटील यांच्याशी संपर्क करण्याचा आम्ही देखील प्रयत्न करत आहोत. त्यांनी हे बंड का केले याची आम्हालाही कल्पना नाही. तसेच पैशांची आम्हाला आवश्यकता नाही, असेही आष्टीकर यांनी स्पष्ट केले.

आणखी वाचा

Operation Tiger UBT Shivsena Nagesh Ashtikar Patil: नागेश आष्टीकरांचा मुलगा सुषमा अंधारेंवर संतापला, म्हणाला, 'तुमच्यासारख्या नेत्यांचा वीट...'

Operation Tiger UBT Shivsena Nagesh Ashtikar Patil: नागेश आष्टीकरांचा मुलगा सुषमा अंधारेंवर संतापला, म्हणाला, 'तुमच्यासारख्या नेत्यांचा वीट...'

अभिषेक एकबोटे, एबीपी माझा — Fri, 19 Jun 2026 07:37:15 +0530

Operation Tiger UBT Shivsena Nagesh Ashtikar Patil: उद्धव ठाकरे यांची साथ सोडून एकनाथ शिंदे यांच्या शिवसेनेत दाखल झालेले हिंगोली लोकसभा मतदारसंघाचे खासदार नागेश पाटील आष्टीकर यांच्यावर सध्या ठाकरे गटाचे नेते आणि कार्यकर्त्यांकडून जोरदार टीका केली जात आहे. नागेश आष्टीकर यांच्या मुलाला उद्धव ठाकरे यांनी विधान परिषदेची उमेदवारीही दिली होती. तरीही नागेश पाटील आष्टीकर यांनीही निष्ठा बदलल्याने ठाकरे गटाच्या उपनेत्या सुषमा अंधारे यांनी त्यांच्यावर टीकेची तोफ डागली होती. या टीकेला नागेश आष्टीकर यांचे पुत्र कृष्णा आष्टीकर यांनी प्रत्युत्तर दिले आहे.

सुषमा अंधारे यांच्या आरोपांना उत्तर द्यायला मी बांधील नाही. सुषमा अंधारे यांनी तर पार आमच्या खानदानीचा उद्धार केला, हे ऐकून मला खूप वाईट वाटले. वडील एका पक्षात आणि पुत्र दुसऱ्या पक्षात, हे समीकरण काही नवीन नाही. एकनाथ शिंदे यांच्यासोबत गजानन कीर्तिकर आहे तर अमोल कीर्तीकर हे उद्धव ठाकरे यांच्यासोबत आहेत. अजून माझे वडील तिकडे गेलेत का, यांना कसली घाई आहे हेच मला कळत नाहीये. सुषमा अंधारे पुण्यात बसून गणित मांडत आहेत. अशा नेत्यांमुळेच त्यांना वीट आला असावा. आमच्यावर व्यक्त होण्याचं काही कारण नव्हते, असे कृष्णा पाटील आष्टीकरांनी 'एबीपी माझा'शी बोलताना सांगितले.

मी उद्धव ठाकरेंचा माणूस आहे आणि मी सर्व प्रश्नांची उत्तरे फक्त उद्धव ठाकरे यांना देत आहे. सुषमा अंधारे यांना उत्तर द्यायला मी काही बांधील नाही. मी उद्धव ठाकरे यांच्याशी संपर्कात होतो, मिलिंद नार्वेकर यांना मी सगळ्या घटना आणि घडामोडी सांगितल्या आहेत. खासदार नागेश पाटील आष्टीकर यांचा फोन ज्या दिवसापासून बंद आहेय त्या दिवसापासून माझं आणि त्यांचं बोलणं झालेले नाही. नांदेडमध्ये शिवसैनिकांनी आज पुतळा जाळला, यात ते थोडी घाई करत आहेत, मी बंड केलेले नाही, मी अजूनही उद्धव ठाकरे यांच्यासोबतच आहे, असे कृष्णा आष्टीकर यांनी म्हटले.

Shivsena News: नागेश पाटील आष्टीकर यांनी माघारी परत यावे; जिल्हाप्रमुख गोपू पाटील यांची प्रतिक्रिया

ऑपरेशन टायगरमध्ये हिंगोली चे खासदार नागेश पाटील आष्टीकर हे सहभागी झाले असून ते मागील दोन दिवसापासून नॉट रिचेबल आहेत.
नागेश पाटील आष्टीकर यांनी गट स्थापन केला असून लवकरच ते एकनाथ शिंदेंच्या शिवसेनेमध्ये प्रवेश करणार असल्याचे समजते. या पार्श्वभूमीवर नागेश पाटील आष्टीकर यांचे निकटवर्तीय असलेले शिवसेनेचे जिल्हाप्रमुख गोपू पाटील यांच्याशी संवाद साधायचा प्रयत्न केला असता नागेश पाटील आष्टीकर यांनी माघारी परत यावे. मागील दोन दिवसापासून त्यांच्याशी संपर्क साधायचा प्रयत्न करतोय. परंतु त्यांचा फोन लागत नाही. काल शिवसेनेच्यावतीने नागेश पाटील आष्टीकर यांना व्हिप बजावला होता, आम्हाला अपेक्षा होती की नागेश पाटील आष्टीकर काल दिल्लीमध्ये झालेल्या संसदीय बैठकीला उपस्थित राहतील. परंतु तिथेसुद्धा आष्टीकर आले नाहीत. त्यामुळे आष्टीकर साहेबांना जर पक्ष बदलायचा असेल तर त्यांचा आम्ही निषेध करतो, अशी प्रतिक्रिया जिल्हाप्रमुख गोपू पाटील यांनी दिली आहे.

Thackeray Camp MPs: शिवसेनेच्या वर्धापनदिन सोहळ्यात सहा खासदार पक्षप्रवेश करणार नाहीत

आज मुंबईतील गोरेगावमध्ये नेस्को येथे शिवसेनेच्या वर्धापनदिन सोहळ्यात सहा खासदार पक्षप्रवेश करणार असल्याच्या बातम्या येत आहेत. परंतु त्यात कोणतेही तथ्य नाही. असा कोणताही पक्षप्रवेश 19 तारखेला होणार नाही. जे होईल ते 20 तारखेनंतर होईल, अशी माहिती शिंदे गटातील वरिष्ठ नेत्यांकडून देण्यात आली आहे.

आणखी वाचा

Maharashtra Politics : संजय राऊतांची 'ऑपरेशन तुडवा'ची धमकी, बंडखोर खासदारांना Y प्लस सुरक्षा, गृह विभागाचा तातडीचा आदेश

Shivsena Opration Tiger : संजय जाधवांच्या प्रतिमेची अंत्ययात्रा, अष्टीकरांनाही इशारा, तर बीडमध्ये जाळपोळ, ठाकरेंचे शिवसैनिक आक्रमक

एबीपी माझा वेब टीम — Thu, 18 Jun 2026 13:06:56 +0530

Shivsena Opration Tiger Eknath Shinde-Uddhav Thackeray: राज्यात पुन्हा एकदा राजकीय भूकंप होण्याच्या चर्चेला आता जवळ जवळ निर्णायक वळण मिळत असल्याचे चित्र आहे. अशातच ठाकरेंच्या शिवसेनेकडून आज (18 जून) संसदीय दलाची बैठक बोलावण्यात आली होती. ठाकरेंच्या शिवसेनेकडून सर्व खासदारांना व्हीप जारी करण्यात आला होता. या बैठकीकडे खासदारांच्या एकनिष्ठतेची लिटमस टेस्ट म्हणून बघितले जात होते. परंतु या बैठकीसाठी लोकसभेचे एकूण 9 पैकी 3 खासदार उपस्थित राहिले. ऑपरेशन टायगरमधील (Opration Tiger) चर्चेत असणारे 6 खासदार गैरहजर राहिल्याने एकनाथ शिंदेंचं ऑपरेशन टायगर यशस्वी झाल्याचं शिक्कामोर्तब झालं आहे. त्यामुळे आता शिवसेना ठाकरे गटाकडून लोकसभेचे अध्यक्ष ओम बिर्ला यांना पत्र लिहून अनुपस्थित राहिलेल्या 6 खासदारांवर कारवाई करण्याची मागणी केली जाण्याची शक्यता आहे. तर दुसरीकडे या बंडखोरीचे तीव्र पडसाद परभणी, बीड, हिंगोलीसह राज्यभरात उमटताना दिसत आहे.

Parbhani : परभणीच्या सोनपेठमध्ये शिवसैनिक पेटले; बंडखोर खासदार संजय जाधवांची काढली अंत्ययात्रा!

शिवसेना उद्धव बाळासाहेब ठाकरे गटाचे परभणीचे खासदार संजय जाधव यांच्या बंडखोरीनंतर निष्ठावान शिवसैनिकांचा संताप अनावर झाला आहे. सोनपेठमध्ये शिवसैनिकांनी आक्रमक होत खासदार संजय जाधव यांच्याविरोधात तीव्र जोडेमार आंदोलन केले आहे. सोनपेठ येथील शिवसेना उद्धव ठाकरे गटाच्या कार्यालयाबाहेर आज सकाळपासूनच शिवसैनिक प्रचंड संतापलेले पाहायला मिळाले. संतप्त कार्यकर्त्यांनी थेट खासदार संजय जाधव यांच्या छायाचित्राला चपलांचा हार घातला आणि तिथूनच त्यांची प्रतीकात्मक अंत्ययात्रा काढली. 'गद्दार संजय जाधव' अशा घोषणा देत कार्यकर्त्यांनी हा मोर्चा शहराच्या मुख्य भागात आणला.

'आम्ही फक्त आणि फक्त उद्धव ठाकरेंसोबतच' शिवसैनिकांची भूमिका

शहरातील प्रमुख मार्गानं ही अंत्ययात्रा छत्रपती शिवाजी महाराज चौकात पोहोचली. या ठिकाणी शेकडो कार्यकर्त्यांच्या उपस्थितीत खासदार संजय जाधव यांच्या प्रतिमेचे जाहीर दहन करण्यात आले. यावेळी संपूर्ण परिसर शिवसैनिकांच्या गगनभेदी घोषणांनी दणाणून गेला होता. खासदार संजय जाधव यांच्या बंडखोरीमुळे परभणी जिल्ह्यातील निष्ठावान शिवसैनिकांमध्ये तीव्र असंतोष पसरला असून, "आम्ही फक्त आणि फक्त उद्धव ठाकरेंसोबतच आहोत", हाच संदेश सोनपेठच्या या कडक आंदोलनातून शिवसैनिकांनी दिला आहे. या बंडखोरीचे पडसाद आता संपूर्ण जिल्ह्यात उमटण्याची शक्यता वर्तवली जात आहे.

Beed News : सहा खासदारांच्या बंडखोरीनंतर ठाकरे सेनेचा संताप, बीडमध्ये प्रतीकात्मक पुतळे जाळून तीव्र निषेध

उद्धव ठाकरे यांच्या शिवसेनेतील सहा खासदारांनी बंडखोरी केल्यानंतर राज्यातील राजकीय वातावरण चांगलेच तापले आहे. शिंदे गटाच्या कथित ‘मिशन टायगर’ची चर्चा सुरू असतानाच बीडमध्ये ठाकरे समर्थक शिवसैनिक आक्रमक झाल्याचे पाहायला मिळाले. बंडखोर खासदारांविरोधात शिवसैनिकांनी जोरदार घोषणाबाजी करत खासदारांच्या प्रतीकात्मक पुतळ्यांचे दहन केले. यावेळी कार्यकर्त्यांनी तीव्र संताप व्यक्त करत संबंधित खासदारांच्या भूमिकेचा निषेध नोंदवला. आंदोलना दरम्यान शिवसैनिकांनी इशारा देत, “या सहा खासदारांना बीड जिल्ह्यात येऊ देणार नाही,” अशी भूमिका मांडली. त्यामुळे या बंडखोरीचे पडसाद रस्त्यावरही उमटू लागल्याचे चित्र दिसून येत आहे.

Hingoli News : आम्ही आजही उद्धव ठाकरेंच्या पाठीमागे खंबीरपणे उभे, हिंगोली जिल्ह्यातील शिवसैनिकांच्या प्रतिक्रिया

उद्धव ठाकरे यांच्या शिवसेनेतील 6 खासदार वेगळा गट स्थापन करून उद्धव ठाकरेंची साथ सोडणार असल्याचं बोललं जात आहे या सहा खासदारांमध्ये एक हिंगोली चे खासदार नागेश पाटील आष्टीकर सुद्धा सहभागी आहेत हिंगोली मध्ये शिवसेना कार्यालयासमोर शिवसैनिक जमायला सुरुवात झाली असून नागेश पाटील आष्टीकर हे लोकसभा निवडणुकीत महायुतीच्या उमेदवाराच्या विरोधात निवडून आले आहेत आणि आता परत ते महायुतीत जाण्याचा प्रयत्न करत असतील तर त्यांनी त्यांच्या पदाचा राजीनामा द्यावा त्याचबरोबर आष्टीकर यांनी उद्धव ठाकरेंची साथ सोडल्यानंतर शिवसेनेवर काहीही परिणाम होणार नसून आम्ही खंबीरपणे उद्धव ठाकरे यांच्या सोबत असल्याचे प्रतिक्रिया हिंगोली जिल्ह्यातील शिवसैनिकांनी दिली आहे.

Hingoli : संतापजनक! हिंगोलीत लाखो रुपये खर्चून आणलेल्या तीन नव्या कोऱ्या शववाहिका धूळ खात; वर्षभरापासून हस्तांतरण प्रलंबित

माधव दिपके — Tue, 9 Jun 2026 23:38:44 +0530

हिंगोली : मृतदेहाची वाहतूक सन्मानपूर्वक आणि सुलभ पद्धतीने व्हावी यासाठी शासनाने लाखो रुपये खर्च करुन तीन शववाहिका उपलब्ध करून दिल्या. मात्र, प्रशासकीय अनास्थेमुळे हिंगोली जिल्ह्यात एक धक्कादायक प्रकार समोर आला आहे. सार्वजनिक आरोग्य विभागाच्या वतीने हिंगोली जिल्ह्याला मिळालेल्या तीन नव्या कोऱ्या आणि वातानुकूलित (AC) शववाहिका (Hingoli Government Hospital Ambulance) गेल्या वर्षभरापासून वापराविना पडून आहेत.

गरिबांना मृतदेहांच्या वाहतुकीसाठी खासगी वाहनांचा अवाजवी खर्च सोसावा लागत असताना, दुसरीकडे शासनाने दिलेल्या अत्याधुनिक वातानुकूलित शववाहिका केवळ हस्तांतरण न झाल्यामुळे हिंगोलीतील प्राथमिक आरोग्य केंद्रांच्या आवारात धुळीने माखलेल्या अवस्थेत उभ्या आहेत.

Hingoli Ambulance Issue : वर्ष झाले तरी हस्तांतरण नाहीच!

मिळालेल्या माहितीनुसार, सर्व सोयी-सुविधांनी सुसज्ज असलेल्या या तीन शववाहिका हिंगोली जिल्ह्याला उपलब्ध होऊन एक वर्ष पूर्ण झालं आहे. मात्र, अद्यापही या शववाहिकांचं कोणत्याही आरोग्य संस्था किंवा इतर संबंधित आस्थापनांकडे अधिकृत हस्तांतरण करण्यात आलेलं नाही.

या तीनही शववाहिका जिल्ह्यातील विविध प्राथमिक आरोग्य केंद्रांच्या आवारात आडगळीच्या ठिकाणी पार्क करून ठेवण्यात आल्या आहेत. दीर्घकाळ एकाच ठिकाणी उभ्या असल्याने त्यांच्यावर आता धुळीचे मोठे थर साचले आहेत.

धक्कादायक बाब म्हणजे, एका वर्षांपूर्वी दाखल झालेल्या या शववाहिकांविषयी जेव्हा जिल्हा आरोग्य अधिकाऱ्यांना विचारण्यात आलं, तेव्हा त्यांनी या गाड्या केवळ 4 ते 5 महिन्यांपूर्वीच आल्याची माहिती दिली. अधिकाऱ्यांच्या या उत्तरावरून आरोग्य विभागाचा सावळा कारभार चव्हाट्यावर आला आहे.

Hingoli Civil Hospital News : पालिकेची मागणी धुडकावली; जनतेची लूट

गरिबांचे हाल थांबवण्यासाठी आणि नागरिकांना मोफत सेवा देण्यासाठी सुमारे दोन महिन्यांपूर्वीच वसमत नगरपालिकेच्या वतीने आरोग्य विभागाकडे एका शववाहिनीची रीतसर मागणी करण्यात आली होती. परंतु, आरोग्य विभागाने अद्यापही वसमत पालिकेला ती शववाहिनी हस्तांतरित केलेली नाही.

परिणामी, जिल्ह्यातील सर्वसामान्य नागरिकांना आपल्या नातेवाईकांचा मृतदेह वाहून नेण्यासाठी खासगी ट्रॅव्हल्स किंवा वाहनांचा आधार घ्यावा लागत आहे. खाजगी चालकांकडून यासाठी अव्वाच्या सव्वा भाडे वसूल केले जात असून, जनतेची आर्थिक लूट होत आहे. शासनाचा लाखो रुपयांचा निधी अशा प्रकारे धुळीत मिळत असल्यामुळे हिंगोलीतील नागरिकांमधून तीव्र संताप व्यक्त केला जात आहे.

ही बातमी वाचा:

Dhule Crime : धुळ्यात धक्कादायक प्रकार! शाळकरी मुलीला प्रेमाच्या जाळ्यात ओढून अत्याचार; तिघांवर पॉस्को अंतर्गत गुन्हा दाखल

Vidhan Parishad Election 2026: महायुती अन् मविआला बंडखोरांमुळे डोकेदुखी; परभणी-हिंगोली विधान परिषद निवडणूक रंगतदार होणार; प्रतिस्पर्ध्यांच्या लढतीत पहिला उमेदवारी अर्ज मागे

पंकज क्षीरसागर, एबीपी माझा — Wed, 3 Jun 2026 15:04:56 +0530

Hingoli Parbhani Vidhan Parishad Election 2026 : परभणी-हिंगोली विधान परिषद निवडणुकीमध्ये (Parbhani Hingoli MLC Election 2026) शिवसेना महायुतीचे (Mahayuti) उमेदवार सईद खान आणि उबाठा शिवसेनेचे उमेदवार विवेक नावंदर यांच्यासह एकूण सात जणांनी आपली उमेदवारी अर्ज दाखल केले होते. आज उमेदवारी अर्ज मागे घेण्याचा पहिला दिवस असून पहिलाच उमेदवारी अर्ज मागे घेण्यात आला आहे. शिवसेना (Shivsena) महायुतीचे उमेदवार सईद खान यांचे बंधू मेहराज खान यांनी आपला उमेदवारी अर्ज मागे घेतला आहे. मेहराज खान यांनी अपक्ष उमेदवारी अर्ज दाखल केला होता, जो अर्ज आज त्यांनी परत घेतला आहे. (Vidhan Parishad Election 2026)

Hingoli Parbhani Vidhan Parishad : परभणी-हिंगोली विधान परिषद निवडणूक रंगतदार होणार

परभणी हिंगोली विधान परिषद निवडणूक रंगतदार वळणावर आली आहे. महायुती आणि महाविकास आघाडी दोन्हीही प्रतिस्पर्ध्यांना बंडखोरांमुळे डोकेदुखीचा सामना करावा लागतोय. महाविकास आघाडीतील उबाठा सेनेचे उमेदवार डॉ विवेक नावंदर यांच्यासमोर त्यांच्याच महाविकास आघाडीतील काँग्रेसचे माजी आमदार सुरेश देशमुख यांचे चिरंजीव सुशील देशमुख यांनी उमेदवारी अर्ज कायम ठेवलाय. त्यामुळे ते अडचणीत येण्याची शक्यता आहे. दुसरीकडे महायुतीमधील शिवसेनेचे उमेदवार सईद खान यांच्या विरोधामध्ये राष्ट्रवादीचे विजय जामकर आणि संग्राम जामकर यांच्यासह भाजपचे नगरसेवक विश्वजीत बुधवंत यांनी आपला उमेदवारी अर्ज कायम ठेवलाय. त्यामुळे त्यांची ही डोकेदुखी वाढली. आज उमेदवारी अर्ज मागे घेण्याचा पहिला दिवस आहे कोण उमेदवारी अर्ज मागे घेणार हे पाहणं महत्त्वाचं ठरणार आहे.

Uday Samant : बंडखोरी शमावण्यासाठी उदय सामंत परभणीत येणार

परभणी हिंगोली विधान परिषद निवडणुकीमध्ये महायुती आणि महाविकास आघाडीतील बंडखोरी कायम आहे. मात्र ही बंडखोरी मोडण्यासाठी आता प्रयत्नांना सुरुवात झाली आहे. महायुती मधील शिवसेनेचे उमेदवार सईद खान यांच्या विरोधामध्ये राष्ट्रवादीचे विजय जामकर आणि संग्राम जामकर तसेच, भाजप नगरसेवक विश्वजीत बुधवंत यांनी अपक्ष उमेदवारी अर्ज दाखल केला आहे. हीच बंडखोरी शमावण्यासाठी उद्योग मंत्री तथा शिवसेनेचे नेते उदय सामंत परभणीत येणार आहेत. उद्या त्यांच्या उपस्थितीमध्ये परभणीत महायुतीची बैठक आयोजित करण्यात आली आहे. त्या बैठकीमध्ये राष्ट्रवादीचे बंड क्षमते का हे पाहणं महत्वाचं ठरणार आहे. दुसरीकडे महाविकास आघाडीतील उबाठा सेनेचे उमेदवार विवेक नावंदर हेही काँग्रेसचे बंडखोर सुशील देशमुख यांची आज संध्याकाळी भेट घेऊन त्यांना उमेदवारी अर्ज मागे घेण्याबाबत विनंती करणार होते. तसेच त्यांनी शिवसेनेकडे ही त्यांनी याबाबत कळवले असून शिवसेनेच्या नेतृत्वाकडूनही काँग्रेस नेतृत्वाला तसंपर्क केला जात आहे.

Vidhan Parishad Election 2026: एकनाथ शिंदेंचे पुन्हा 'धक्कातंत्र', अल्पसंख्याक चेहऱ्याला परभणी-हिंगोली विधान परिषदेची उमेदवारी; कोण आहेत सईद खान?

पंकज क्षीरसागर, एबीपी माझा — Mon, 1 Jun 2026 10:45:55 +0530

Vidhan Parishad Election 2026: परभणी-हिंगोली स्थानिक स्वराज्य संस्था (Parbhani-Hingoli Vidhan Parishad Election 2026) मतदारसंघाच्या विधान परिषद निवडणुकीसाठी उपमुख्यमंत्री एकनाथ शिंदे (Eknath Shinde) यांनी पुन्हा एकदा 'धक्कातंत्र' वापरले आहे. राजकीय वर्तुळातील सर्व अंदाज बाजूला सारत, उपमुख्यमंत्र्यांनी अल्पसंख्याक समाजातील तरुण चेहरा सईद खान (Saeed Khan) यांना उमेदवारी जाहीर केली आहे. सईद खान हे सध्या शिवसेनेच्या अल्पसंख्याक आघाडीचे प्रदेशाध्यक्ष (State President) असून ते खासदार डॉ. श्रीकांत शिंदे (MP Shrikant Shinde) यांच्या कोअर टीमचे अत्यंत विश्वासू सदस्य मानले जातात.

Vidhan Parishad Election 2026: अल्पसंख्याक समाजाला साद

सईद खान यांच्या उमेदवारीमुळे मराठवाड्यातील (Marathwada) राजकीय समीकरणे वेगाने बदलण्याची शक्यता आहे. शिवसेनेच्या पारंपरिक मतदारांसोबतच अल्पसंख्याक समाजाला महायुतीकडे (Mahayuti) खेचण्यासाठी उपमुख्यमंत्री शिंदेंनी टाकलेला हा पत्ता अत्यंत महत्त्वाचा मानला जात आहे. आगामी स्थानिक स्वराज्य संस्था आणि इतर निवडणुकांच्या पार्श्वभूमीवर उपमुख्यमंत्री शिंदे यांनी टाकलेली ही राजकीय खेळी चर्चेचा विषय ठरत आहे.

Who is Saeed Khan?: कोण आहेत सईद खान?

सईद खान हे गेल्या 15 वर्षांपासून एकनाथ शिंदे यांचे अत्यंत कट्टर समर्थक म्हणून ओळखले जातात. 9 जुलै 2023 रोजी त्यांच्याकडे शिवसेना अल्पसंख्याक आघाडीच्या प्रदेशाध्यक्षपदाची जबाबदारी सोपवण्यात आली. त्यानंतर त्यांनी मुंबईसह संपूर्ण महाराष्ट्रात विविध सामाजिक आणि राजकीय उपक्रम राबवून पक्ष मजबूत केला. त्यांच्या नेतृत्वात राज्यातील विविध नगरपालिका, महानगरपालिका आणि जिल्हा परिषदांमधील सुमारे 900 अल्पसंख्याक लोकप्रतिनिधींनी शिवसेनेत प्रवेश केला होता.

Who is Saeed Khan?: निवडणुकीतील कामगिरी आणि पाथरी पॅटर्न

सईद खान यांनी 2024 च्या विधानसभा निवडणुकीत (Assembly Election) रासप कडून निवडणूक लढवत तब्बल 55,000 मते घेतली होती. उपमुख्यमंत्री एकनाथ शिंदे आणि खासदार श्रीकांत शिंदे यांच्या माध्यमातून त्यांनी केंद्र व राज्य शासनाच्या विविध योजनांतून अल्पसंख्याक समाजासाठी तब्बल 5,600 कोटी रुपयांचा निधी (Funds) उपलब्ध करून दिला. यात प्रामुख्याने शिष्यवृत्ती (Scholarship) आणि अल्पसंख्याक विकास महामंडळाच्या निधीचा समावेश आहे. याशिवाय, केवळ पाथरी विधानसभा मतदारसंघात त्यांनी 950 कोटी रुपयांची विकासकामे केली. 2025 च्या नगरपरिषद निवडणुकीत त्यांनी पाथरी नगरपरिषदेवर शिवसेनेची एकहाती सत्ता आणली. तिथे शिवसेनेचे नगराध्यक्ष आणि 9 नगरसेवक निवडून आले. सोनपेठमध्ये आघाडी करून नगराध्यक्ष आणि 10 नगरसेवक, तर मानवतमध्ये 5 नगरसेवक निवडून आणण्यात त्यांचा मोठा वाटा होता.

Vidhan Parishad Election 2026: अल्पसंख्यांक समाजात निर्णयाचे स्वागत

नुकत्याच पार पडलेल्या 2026 च्या जिल्हा परिषद आणि पंचायत समिती निवडणुकीत त्यांनी पाथरी मतदारसंघातून 2 जिल्हा परिषद सदस्य आणि 4 पंचायत समिती सदस्य निवडून आणले. तसेच पाथरी कृषी उत्पन्न बाजार समितीत (APMC) 9 संचालक निवडून आणून आपले वर्चस्व सिद्ध केले. सईद खान यांच्या या कौशल्याची दखल घेत आता त्यांना थेट विधान परिषदेच्या रिंगणात उतरवण्यात आले आहे. अल्पसंख्यांक समाजात या निर्णयाचे स्वागत होत असल्याचे चित्र आहे. त्यांच्या या उमेदवारीमुळे परभणी-हिंगोलीच्या स्थानिक राजकारणात मोठी उलथापालथ होणार असून, महायुती विरुद्ध महाविकास आघाडी यांच्यातील लढत आता अत्यंत चुरशीची होणार आहे.

राज्य आणि देश-विदेशातील महत्त्वाच्या बातम्या; पाहा व्हिडीओ

आणखी वाचा

BJP Shivsena NCP Mahayuti Candidate List Vidhan Parishad Election 2026: शिवसेनेपासून भाजप, राष्ट्रवादी काँग्रेसपर्यंत...; विधान परिषदेच्या 17 पैकी 17 उमेदवारांची यादी, एका क्लिकवर

Santosh Banger and Shrikant Shinde: शेळ्यांना बाजूला करा, वाघांना पुढे आणा! संतोष बांगरांनी श्रीकांत शिंदेंसमोर डरकाळी फोडली, हिंगोलीच्या सभेतील स्फोटक भाषण

माधव दिपके — Fri, 29 May 2026 09:22:35 +0530

Santosh Banger and Shrikant Shinde: शिवसेनेचे अनेक मंत्री म्हातारे झाले आहेत. त्यांना बाजुला करुन आमच्यासारख्या वाघांना पुढे आणा. जेणेकरुन पुढच्या विधानसभा निवडणुकीत एकनाथ शिंदे (Eknath Shinde) हे मुख्यमंत्री होतील, अशी राजकीय डरकाळी शिंदे गटाचे आमदार संतोष बांगर (Santosh Banger) यांनी फोडली. श्रीकांत शिंदे (Shrikant Shinde) यांच्या उपस्थितीत गुरुवारी हिंगोली (Hingoli news) येथे पार पडलेल्या सभेत संतोष बांगर यांनी हे वक्तव्य केले. यावेळी संतोष बांगर यांनी एकप्रकारे स्वत:च्या पक्षाला घरचा आहेर देत नव्या दमाच्या नेत्यांना पुढे आणून मंत्रिपद देण्याचे आवाहन पक्षनेतृत्त्वाला केले. त्यांचे हे स्फोटक भाषण सध्या राजकीय वर्तुळात चर्चेचा विषय ठरत आहे. (Maharashtra Politics News)

अनेक मंत्री घोड्यावरून शेळ्या हाकत आहेत. फोन केला तर फोनचा रिप्लाय सुद्धा देत नाहीत. ते मंत्री पक्षाला कमजोर करण्याचे काम करत आहेत. काहीजण नुसते लोकांमध्ये जातात, परंतु काही काम करत नाहीत. मंत्री प्रकाश आबिटकरांना कधीही फोन केला तर ते उचलतात, समस्या ऐकून घेतात. मात्र, अनेक मंत्री म्हातारे झाले आहेत, त्यांना ऐकू येत नाही. त्यांना पदावरुन बाजूला करा. या शेळ्यांमागे वाघ दडले आहेत, त्यांना पुढे करा म्हणजे 2029 मध्ये एकनाथ शिंदे मुख्यमंत्री होतील, असे संतोष बांगर यांनी म्हटले. यावर आता शिवसेनेचे मंत्री आणि इतर नेते काही प्रतिक्रिया देणार का, हे पाहावे लागेल. तसेच संतोष बांगर यांचा रोख शिवसेनेच्या नेमक्या कोणत्या मंत्र्यांकडे होता, याचीही चर्चा रंगली आहे.

Operation Tiger: ऑपरेशन टायगरचा मुहूर्त कधी? श्रीकांत शिंदेंचा बोलण्यास नकार

उबाठा खासदारांच्या संभाव्य प्रवेशाच्या चर्चांवर प्रश्न विचारताच खासदार श्रीकांत शिंदे यांनी थेट न बोलताच निघून जाणे पसंत केले. तर दुसरीकडे मराठवाड्यात शिवसेनेची ताकद आणखी वाढवणार असल्याचा दावा त्यांनी केला. परभणीत माध्यमांशी बोलताना शिंदेंनी महायुतीतील जागावाटप, विधान परिषद निवडणूक आणि नीट परीक्षेतील गैरप्रकारांवरही भाष्य केले. शिवसेनेचे नेते आणि खासदार श्रीकांत शिंदे रात्री परभणीत मुक्कामी होते. रात्री उशिरा परभणीत दाखल होताच त्यांनी माध्यमांशी संवाद साधताना त्यांनी अनेक राजकीय प्रश्नांना उत्तरे दिली.

उबाठा गटातील खासदारांच्या संभाव्य प्रवेशाबाबत प्रश्न विचारण्यात आला असता शिंदेंनी थेट त्या प्रश्नाला बगल दिली. मात्र, मराठवाड्यात शिवसेनेची ताकद वाढवण्यासाठी पक्ष काम करत असल्याचे त्यांनी स्पष्ट केले. महायुतीतील जागावाटपाबाबत बोलताना जिथे जिथे शिवसेनेचे सिटिंग आमदार आहेत त्या जागांवर आमचाच दावा राहणार असल्याचे त्यांनी सांगितले. तर जागावाटपाचा अंतिम निर्णय महायुतीतील वरिष्ठ नेते एक-दोन दिवसांत घेतील असेही ते म्हणाले. परभणी-हिंगोली विधान परिषद मतदारसंघात महायुतीकडून योग्य उमेदवार दिला जाईल असा विश्वासही त्यांनी व्यक्त केला.

दरम्यान नीट परीक्षेतील गैरप्रकारांवर बोलताना जे काही घडलं ते चुकीचं असल्याचे श्रीकांत शिंदेंनी मान्य केले. या प्रकरणातील दोषींवर कारवाई सुरू असल्याचं त्यांनी सांगितले. पुढील परीक्षा पारदर्शक पद्धतीने होतील आणि अशा प्रकारांची पुनरावृत्ती होणार नाही. यासाठी शासन स्तरावर उपाययोजना सुरू असल्याचेही त्यांनी स्पष्ट केले. भविष्यात परीक्षा ऑनलाइन पद्धतीने घेण्याबाबत आणि प्रत्येक केंद्रावर प्रश्नपत्रिका ऑनलाइन उपलब्ध करून देण्याबाबत शासन विचार करत असल्याचे त्यांनी सांगितले.

आणखी वाचा

मंत्री फोन उचलत नाहीत, उंटावरुन शेळ्या हाकणाऱ्या मंत्र्यांना घरचा रस्ता दाखवा, श्रीकांत शिंदेंसमोरच संतोष बांगर आक्रमक

कॉक्रोच जनता पार्टीचे संस्थापक अभिजीत दिपकेच्या घराबाहेर पोलिस तैनात; उपायुक्तांनी सांगितलं राज'कारण'

डॉ. कृष्णा केंडे — Sat, 23 May 2026 14:29:28 +0530

छ. संभाजीनगर : देशभरात एकीकडे नीट (NEET) परीक्षेतील पेपरफुटीवरुन कारवाईचा धडाका सुरू असताना, दुसरीकडे पालक आणि विद्यार्थ्यांमध्ये संतप्त प्रतिक्रिया पाहायला मिळत असतानाच सोशल मीडियावरुन एका युवकाने धुमाकुळ उडवून दिलाय. सरन्यायाधीश यांनी युवकांसंदर्भात केलेल्या वक्तव्याचा धागा पडकत कॉक्रोच जनता पार्टी नावाने एक सोशल मिडिया अकाऊंट आणि पक्ष सुरू केलेल्या अभिजीत दिपकेंनी देशाचे लक्ष वेधले. अभिजीत दिपकेंनी सुरू केलेल्या कॉक्रोच जनता पार्टीच्या (cockroach janata party) इंस्टा आणि ट्विटरवरील अकाऊंने अवघ्या 4 दिवसांतच 10 मिलियन्सचा टप्पा पार केला होता. या माध्यमातून सरकारला लक्ष्यही करण्यात येऊ लागल्याने अभिजीत दिपकेंना धमक्याही देण्यात आहेत. त्याच पार्श्वभूमीवर पोलिसांनी (Police) आता अभिजीत दिपकेंच्या हिंगोलीतील घराबाहेर सुरक्षा तैनात केली आहे.

अभिजीत दिपकेंना दोन दिवसांपूर्वीच जीवे मारण्याची धमकी मिळाल होती, धमकी देणाऱ्याच्या मेसजचा स्क्रिनशॉट ट्विट करत दिपकेंनी ही माहिती दिली. तसेच, सोशल मीडियातून मोठ्या प्रमाणात त्यांचे समर्थन होऊ लागल्यानंतर त्यांच्यावर टीकेची झोडही उठली आहे. त्याच पार्श्वभूमीवर अभिजीत यांच्या आई-वडिलांनी काळजी आणि भीतीही व्यक्त केली. त्यानंतर, आज हिंगोली पोलिसांनी अभिजीत यांच्या घराबाहेर सुरक्षा तैनात केली आहे. अभिजीत दिपके आणि त्याच्या कॉक्रोच जनता पक्षाबाबत लोकांमध्ये फार जास्त उत्सुकता आहे. त्याचे वेगळे प्रतिसाद, पडसाद घराजवळ उमटू नये म्हणून पोलीस संरक्षण देऊन दक्षता घेतली जात असल्यासं पोलीस उपायुक्त यांचं म्हणणं आहे. तसेच, पुढील काही दिवस त्याच्या घराला सुरक्षा कायम राहील, असेही पोलीस उपायुक्त पंकज अतुलकर यांनी यांनी बोलताना सांगितलं.

कोण आहे अभिजीत दिपके

कॉक्रोच जनता पार्टी स्थापन करून अवघ्या चार दिवसांत इन्स्टाग्रामवर एक कोटी 82 लाख (गुरुवारी मध्यरात्री 12.30 पर्यंत) फॉलोअर्स मिळविणारा अभिजीत राजकारणात जातो की काय, याची भीती वाटतेय. आमचे तो ऐकणार नाहीच. जन्मतः बंडखोर असलेला अभिजीत जे ठरवतो, ते तो करतो. त्यामुळे जास्त चिंता आहे, असे म्हणत अभिजीतच्या आईने काळजी बोलून दाखवली होती. आई अनिता आणि वडील भगवानराव दीपके यांच्या बोलण्यात एकीकडे मुलाच्या असामान्य कामगिरीचे कौतुक होते; तर दुसरीकडे भविष्याची चिंता अधिक दिसून आली. मुलाने सोशल मीडियातून राजकीय पक्ष सुरू केला असतानाच, दुसरीकडे राजकारण हा आपला प्रांत नाही. सध्याचे राजकारण तर अजिबात चांगले नाही. म्हणून तो मार्ग पत्करू नये, ही भावना त्याच्या आई वडिलांनी माध्यमांशी बोलताना व्यक्त केली. अभिजीतचे कुटुंब म्हणजे आई-वडिल सध्या छत्रपती संभाजीनगरच्या वाळूजमधील बजाजनगरमध्ये राहतात. त्याचे वडील एमआयडीसीमध्ये अभियंता होते. आता, ते सेवानिवृत्त झाले आहेत, तर आई गृहीणी आहे. हिंगोली जिल्ह्यातील संतुक पिंपरी हे त्यांचे मूळ गाव. नोकरीनिमित्त ते छत्रपती संभाजीनगरात स्थायीक झाले. 29 सप्टेंबर 1995 ला जन्मलेल्या अभिजीतचे छत्रपती संभाजीनगरातच इंग्रजी शाळेत प्राथमिक शिक्षण झाले. महाविद्यालीन शिक्षण एसपीमध्ये झाले. त्याने पुण्यात टिळक विद्यापीठातून मास कम्युनिकेशन केले. पुढे तीन वर्षे 'आम आदमी'साठी काम केले आणि एमएससाठी 2023 साली अमेरिका गाठली. त्याआधी त्याची मोठी बहीण वर्षा एमएससाठीच अमेरिकेत गेलेली होती. तेव्हापासून अभिजीतही अमेरिकेतच आहे.

आठवीतच 'मी अण्णा' टोपी डोक्यावर

अभिजीत आठवीत होता, तेव्हा दिल्लीत अण्णा हजारे यांचे आंदोलन झाले. त्याचवेळी त्याने 'मी अण्णा हजारे' टोपी घातली होती. तेव्हापासून तो चळवळीशी जोडला गेला, असे आई अनिता यांनी सांगितले. पुढे तो आम आदमी पक्षाशी जोडला गेला व नंतर पुढील शिक्षणासाठी अमेरिकेला गेला.

हेही वाचा

कॉक्रोच जनता पार्टीवर तिसरी मोठी कारवाई; एक्स, इन्स्टाग्रामनंतर आता वेबसाईटही बंद, 7 दिवसात नेमकं काय काय घडलं?