Operation Tiger UBT Shivsena Nagesh Ashtikar Patil: नागेश आष्टीकरांचा मुलगा सुषमा अंधारेंवर संतापला, म्हणाला, 'तुमच्यासारख्या नेत्यांचा वीट...'

हिंगोली जिल्ह्यात 3.1 रिस्टर स्केल तीव्रतेचा भूकंप, नागरिकांमध्ये भीतीचं वातावरण, कोणतंही नुकसान नाही

माधव दिपके — Sat, 25 Jul 2026 21:40:15 +0530

Hingoli Earthquake News : हिंगोली जिल्ह्यामध्ये मागील काही दिवसापासून सतत भूकंपाचे धक्के जाणवत आहेत. आज पुन्हा एकदा भूकंपाचा सौम्य धक्का जाणवला. सायंकाळी 6 वाजून 50 मिनिटांच्या सुमारास हा भूकंपाचा धक्का जाणवला असून या भूकंपाची नोंद भूमापक केंद्रामध्ये झाली आहे 3.1 रिश्टर स्केल इतक्या तीव्रतेचा हा भूकंप असून या भूकंपाचे केंद्रबिंदू हिंगोली जिल्ह्यातील नव्हलगव्हाणच्या शिवारात 5 किलोमीटर भूगर्गात खोल आहे.

भूकंपामुळे कोणतेही नुकसान न झाल्याची माहिती समोर

दरम्यान, या भूकंपामुळे कोणतीही जीवितहानी झाली नसल्याची माहिती समोर आली आहे. भूकंपामुळे कोणतेही नुकसान न झाल्याची माहिती समोर आली नसली तरी नागरिकांमध्ये भीतीचं वातावरण आहे. नागरिकांनी घाबरुन जाऊ नये, अफवांवर विश्वास ठेवू नये असं प्रशासनाच्या वतीने आवाहन करण्यात आलं आहे.

नाशिक आणि पालघर या जिल्ह्यांमध्ये भूकंपाचे धक्के

नाशिक आणि पालघर या जिल्ह्यांमध्ये भूकंपाचे (Earthquake) सौम्य धक्के जाणवल्याने नागरिकांमध्ये घबराटीचे वातावरण निर्माण झाले आहे. नाशिक जिल्ह्यातील सुरगाणा तालुक्यात आज सकाळी एकापाठोपाठ चार धक्के बसले, तर पालघर जिल्ह्यातही भूकंपाचे सत्र कायम असल्याचे पाहायला मिळाले. सुदैवाने या घटनेत कोणतीही जीवितहानी अथवा वित्तहानी झालेली नाही, अशी माहिती प्रशासनाकडून देण्यात आली आहे.

Nashik Earthquake: नाशिकच्या सुरगाण्यात एकापाठोपाठ 4 हादरे

नाशिक जिल्ह्यातील सुरगाणा तालुक्यातील बोरगाव (Borgaon) आणि आसपासच्या परिसरात आज सकाळी 9.55 वाजल्यापासून भूकंपाचे चार सौम्य धक्के जाणवले. या धक्क्यांची तीव्रता रिश्टर स्केलवर 3.6 नोंदवली गेली आहे. एकापाठोपाठ एक अशा चार वेळा जमिनीला हादरे बसल्यामुळे बोरगाव परिसरातील ग्रामस्थ आणि नागरिक घराबाहेर पडले. प्रशासनाने दिलेल्या माहितीनुसार या घटनेत कुठलेही नुकसान झालेले नाही. जिल्हा प्रशासन परिस्थितीवर बारकाईने लक्ष ठेवून आहे. नागरिकांनी अजिबात न न घाबरता सतर्क राहावे आणि कोणत्याही अफवांवर विश्वास ठेवू नये, असे आवाहन प्रशासनाच्या वतीने करण्यात आले आहे.

Palghar Earthquake: पालघरच्या कासा धुंदलवाडीत 3.1 तीव्रतेचा धक्का

दुसरीकडे, पालघर मध्ये आज सकाळी दहा वाजून 57 मिनिटांच्या सुमारास पुन्हा एकदा भूकंपाचा हादरा जाणवला असून या हादऱ्याची तीव्रता 3.1 रिश्टर स्केल इतकी नोंदविण्यात आली आहे. पालघरच्या डहाणू तालुक्यातील धुंदलवाडी कासा या परिसरात हा भूकंपाचा हादरा जाणवला असून यामुळे नागरिकांमध्ये भीतीच वातावरण निर्माण झाला आहे. पालघर जिल्ह्यात 2018 पासून भूकंपाच्या धक्क्यांचं सत्र सुरूच असून आतापर्यंत तब्बल अडीच हजारांहून अधिक कमी जास्त तीव्रतेचे भूकंपाचे हादरे या परिसरात बसले आहेत. सतत सुरू असलेल्या या भूकंपाच्या धक्क्यांमध्ये कोणतीही मोठी जीवितहानी झाली नसली तरी सुद्धा ग्रामीण भागातील घरांचं मोठ्या प्रमाणावर नुकसान होत असल्याचं समोर आला आहे.

Hingoli Earthquake : भूकंपामुळे हिंगोलीकर भयभीत, मोकळ्या मैदानावर रात्र काढली जागून

abp majha web team — Thu, 9 Jul 2026 10:21:02 +0530

मराठवाडा पुन्हा एकदा भूकंपाने हादरला आहे. परभणी, हिंगोली आणि नांदेड जिल्ह्यांना मध्यरात्री सलग चार वेळा भूकंपाचे धक्के बसले. सर्वात मोठ्या धक्क्याची तीव्रता ४.६ रिश्टर स्केल इतकी नोंदवली गेली. सुदैवाने जीवितहानी झाली नसली तरी अनेक घरांच्या भिंतींना तडे गेले असून नागरिकांमध्ये भीतीचे वातावरण आहे. प्रशासनाने नागरिकांना अफवांवर विश्वास न ठेवता सतर्क राहण्याचे आवाहन केले आहे. हिंगोली जिल्ह्यांमध्ये रात्री दोन तासांमध्ये चार भूकंपाचे धक्के जाणवले आहेत 4.6 रिस्टर स्केल हा भूकंप सर्वात जास्त तीव्र समजला जात आहे या भूकंपाचे सर्वात जास्त हादरे तालुक्यातील ग्रामीण भागामध्ये बसले आहेत परिणामी अनेकांच्या घरांच्या भिंती कोसळल्या आहेत तर काहींच्या घरांना तडे गेले आहेत आमदरी येथील रहिवासी असलेल्या नत्थु बेले यांचे घर पडले आहे त्यामुळे घरातील सर्व संसार उघड्यावर पडला आहे.

Hingoli Crime News: दुसऱ्या लग्नासाठी नटलेल्या पोलीस कर्मचाऱ्याचा 'तो' फोटो फेसबुकवर आला अन् पहिल्या पत्नीच्या पायाखालची जमीन सरकली; लग्नमंडपात जाताच नवऱ्याचं संतापजनक कृत्य

माधव दिपके — Thu, 9 Jul 2026 09:19:43 +0530

Hingoli Crime News: कायद्याचे रक्षण करण्याची शपथ घेतलेल्या एका पोलीस कर्मचाऱ्यानेच कायदा धाब्यावर बसवल्याचा एक अत्यंत धक्कादायक आणि संतापजनक प्रकार समोर आला आहे. नांदेड पोलीस दलात (Nanded Police) कार्यरत असलेल्या प्रशांत गजभारे या पोलीस कर्मचाऱ्याने पहिली पत्नी हयात असताना आणि कायदेशीर घटस्फोट न घेताच दुसरा विवाह थाटल्याचे उघडकीस आले आहे. इतकेच नव्हे, तर हे लग्न थांबवण्यासाठी गेलेल्या पहिल्या पत्नीला नवरदेवाच्या वेशातील या पोलिसानेच लग्न मांडवात अमानुषपणे मारहाण केल्याचा प्रकार घडला असून, याचा व्हिडिओ सोशल मीडियावर प्रचंड व्हायरल झाला आहे.

Hingoli Crime News: फेसबुकवरील फोटोमुळे फुटले बिंग

मिळालेल्या माहितीनुसार, नांदेड पोलीस दलातील कर्मचारी प्रशांत गजभारे यांचा 2022 मध्ये शारदा गजभारे यांच्याशी प्रेमविवाह (Love Marriage) झाला होता. त्यांना दोन वर्षांची एक चिमुकली मुलगी देखील आहे. संसार सुरू असताना त्यांच्यात कौटुंबिक वाद होत होते. मात्र, हे वाद सुरू असतानाच 5 जुलै रोजी फेसबुकवर (Facebook) आपल्या पतीच्या दुसऱ्या विवाहाचे फोटो पाहून शारदा गजभारे यांच्या पायाखालची जमीनच सरकली.

Hingoli Crime News: लग्न मंडपातच पत्नीवर हल्ला, गळा दाबण्याचा प्रयत्न

पती दुसऱ्या लग्नाच्या बेतात असल्याचे समजताच शारदा गजभारे या आपल्या नातेवाईकांसह तात्काळ वसमत शहराजवळील 'कृष्ण मंगल कार्यालयात' पोहोचल्या. त्यांनी पतीला दुसरे लग्न का करत आहे? असा जाब विचारत हा विवाह थांबवण्याचा प्रयत्न केला. मात्र, यामुळे संतापलेल्या, डोक्यावर बाशिंग आणि अंगावर नवरदेवाचा पोशाख असलेल्या प्रशांत गजभारे याने स्वतःच्या पहिल्या पत्नीवर बेदम मारहाण करण्यास सुरुवात केली. त्याने पत्नीचा गळा दाबून तिला जीवे मारण्याचा प्रयत्न केल्याचा गंभीर आरोपही करण्यात आला आहे.

Hingoli Crime News: मुकाट्याने पाहत राहिले वऱ्हाडी

हा संपूर्ण थरारक प्रकार मोबाईल कॅमेऱ्यात कैद झाला आहे. व्हिडिओमध्ये नवरदेवाच्या वेशातील पोलीस कर्मचारी महिलेला अमानुषपणे मारहाण करताना स्पष्ट दिसत आहे. धक्कादायक बाब म्हणजे, विवाह सोहळ्यासाठी उपस्थित असलेल्या शेकडो वऱ्हाडी आणि नातेवाईकांनी हा प्रकार उघड्या डोळ्यांनी पाहिला, मात्र कोणीही ती मारहाण थांबवण्याचा साधा प्रयत्नही केला नाही.

Hingoli Crime News: पोलीस कर्मचाऱ्यासह 12 जणांवर गुन्हा दाखल

या अमानुष मारहाणीत शारदा गजभारे यांच्या हाताला गंभीर दुखापत झाली असून त्यांनी हिंगोलीच्या वसमत शहर पोलीस ठाण्यात धाव घेतली. त्यांच्या तक्रारीवरून संशयित आरोपी पोलीस कर्मचारी प्रशांत गजभारे याच्यासह इतर 12 जणांवर विविध कलमांखाली गुन्हे दाखल करण्यात आले आहेत. स्वतःच्या अस्तित्वासाठी आणि हक्कासाठी शारदा या सध्या दोन वर्षांच्या चिमुकलीला कडेवर घेऊन सरकारी कार्यालयांचे उंबरठे झिजवत आहेत. "मला न्याय मिळावा आणि माझ्या दोन वर्षांच्या लेकीला तिचा बाप मिळावा," अशी अपेक्षा त्यांनी व्यक्त केली आहे.

राज्य आणि देश-विदेशातील महत्त्वाच्या बातम्या; पाहा व्हिडीओ

आणखी वाचा

Girish Mahajan on Moshi Building Collapse: तीन जणांचे पाय पिलरखाली अडकलेत, ते समोर दिसतायत, पण...; गिरीश महाजनांनी सांगितली मोशी दुर्घटनेची डोळ्यात पाणी आणणारी परिस्थिती!

मोफत तिकीट देण्यावरुन बसमध्येच तुफान राडा, कंडक्टरला जबर मारहाण; एसटी कर्मचाऱ्यांचा ठिय्या

माधव दिपके — Thu, 2 Jul 2026 17:07:09 +0530

हिंगोली : शासनाने विविध नागरिकांसाठी प्रवासात सवलत दिली असून काहींना मोफत प्रवास देण्यात येत आहे. मात्र, हिंगोली (Hingoli) शहरातील बसस्थानकात आज मोफत तिकीट देण्याच्या कारणावरून प्रवाशाचा वाद झाला. प्रवाशाने आपल्या साथीदारासह वाहकाला बेदम मारहाण केल्याचा धक्कादायक प्रकार समोर आला आहे. बसमधील (Bus) काही प्रवाशांनी एसटी बसच्या वाहकावर धारदार शस्त्र आणि पंचने जीवघेणा हल्ला केल्याची धक्कादायक घटना घडली. या हल्ल्यात वाहक गंभीर जखमी झाला असून संपूर्ण प्रकार मोबाईल कॅमेऱ्यात कैद झाला आहे. घटनेनंतर संतप्त झालेल्या एसटी कर्मचाऱ्यांनी आरोपींना तातडीने अटक करण्याच्या मागणीसाठी बससेवा बंद ठेवत कामबंद आंदोलन सुरू केले.

आपल्या नियोजित बसची फेरी पूर्ण करुन एक एसटी बस हिंगोली बसस्थानकात दाखल होत असताना मोफत तिकीट देण्याच्या कारणावरून वाद झाला आहे. संबंधित प्रवासी शासनाने निश्चित केलेल्या पात्रतेच्या निकषात बसत नसल्याने वाहकाने मोफत तिकीट देण्यास नकार दिला. याच कारणावरून बसमध्ये प्रवासी आणि वाहकामध्ये शाब्दिक वाद झाला. दोघांमधील हा वाद काही क्षणांतच विकोपाला गेला. संबंधित प्रवाशाने आपल्या साथीदारांना बोलावून वाहकावर धारदार शस्त्र तसेच पंचने बेदम मारहाण केली. या हल्ल्यात वाहक गंभीर जखमी झाला असून त्याच्या अंगातून रक्तस्त्राव होत असल्याचेही दिसून आले. घटनास्थळी उपस्थित असलेल्या नागरिकांनी हा संपूर्ण प्रकार मोबाईलमध्ये चित्रित केला असून सध्या हा व्हिडिओ समोर आला आहे. याप्रकरणी, आगारातील सर्वच बस कर्मचाऱ्यांनी ठिय्या आंदोलन करत संबंधितांवर कारवाई करण्याची मागणी केली आहे.

बसमध्ये दोघांमध्ये राडा, कर्मचाऱ्यास मारहाण

अकोट ते अकोला चालणाऱ्या खासगी हमसफर ट्रॅव्हल्समधील कर्मचाऱ्याने बसमधील त्याच्याच सहकाऱ्याला बेदम मारहाण केल्याचा धक्कादायक प्रकार समोर आला आहे. या घटनेचा व्हिडिओ सोशल मीडियावर व्हायरल झाला असून, दोषींवर कठोर कारवाईची मागणी होती. 30 जून रोजी रात्री साडेआठ वाजताच्या सुमारास अकोला रेल्वे स्थानक परिसरात बस आलेली असताना ही घटना घडली. बसचा कंडक्टर रियाजोद्दीन उर्फ रियाजुल गंजा याने सहायकाला हाताने आणि लाथाबुक्क्यांनी बेदम मारहाण करत शिवीगाळ केली. या मारहाणीत तो गंभीर जखमी झाल्याचा दावा करण्यात आला. तसेच बेशुद्ध अवस्थेतील सहायकास बसमधून खाली उतरवून बस तेथून निघून गेल्याचाही आरोप होत आहे. दरम्यान, संबंधित बसचे परमिट, फिटनेस, विमा आणि करासह आवश्यक कागदपत्रे कालबाह्य असल्याची तक्रार परिवहन विभागाकडे प्रलंबित आहे. याप्रकरणी सदर बसवर कठोर कारवाईची मागणी होत आहे.

हेही वाचा

विद्यार्थ्यांना शाळेतूनच पुस्तकांची सक्ती केली, CBSE शाळांवर कारवाई होणार; समिती नेमणार, मंत्र्यांची विधानसभेत घोषणा

Maharashtra Mumbai Rain Updates: मुंबईसह कोकणाला पुढील चार दिवस ऑरेंज अलर्ट; राज्यातही पावसाचा जोर वाढणार, मान्सूनचे A टू Z अपडेट्स

मुकेश चव्हाण — Wed, 1 Jul 2026 06:42:23 +0530

Maharashtra Rain Updates: पुढील पाच दिवस कोकण, विदर्भ आणि मध्य महाराष्ट्रात जोरदार पावसाचा अंदाज भारतीय हवामान विभागाने (Maharashtra Weather Updates) वर्तविला आहे. त्याचप्रमाणे मराठवाड्याच्या काही भागातही मुसळधार पावसाची शक्यता आहे. तर पुढील 4 दिवस मुंबईत मुसळधार पाऊस (Mumbai Rain Updates) कोसळण्याची शक्यता आहे. मुंबईसह कोकणाला पुढील चार दिवस ऑरेंज अलर्ट जारी करण्यात आला आहे. 100 मिमीहून अधिक पावसाचा अंदाज वर्तवण्यात येतोय. तर 3 ते 7 जुलै दरम्यान महाराष्ट्रात सर्वदुर पावसाची शक्यता आहे. (Maharashtra Weather Updates)

बंगालच्या उपसागरात पुन्हा कमी दाबाचे क्षेत्र तयार होतंय. त्यामुळे पाऊस परतण्याची शक्यता आहे. या कालावधीत महाराष्ट्रातील सागरी किनारपट्टीवर मुसळधार पाऊस पडेलच त्याचबरोबर विदर्भ आणि मराठवाड्यात देखील ऑरेंज अलर्ट असेल. विदर्भातील चंद्रपूर, गडचिरोली, अमरावती, अकोला आणि बुलढाणा या पाच जिल्ह्यांसाठी आज हवामान विभागाने ऑरेंज अलर्ट जारी केला आहे. अमरावती, अकोला आणि बुलढाणा जिल्ह्यात अनेक ठिकाणी हलक्या त्या मध्यम स्वरूपाचा पाऊस होईल अशी शक्यताही हवामान विभागाने व्यक्त केली आहे. विदर्भातील उर्वरित जिल्ह्यांना यलो अलर्ट जारी करण्यात आला आहे. (Maharashtra Mumbai Rain Updates)

पालघरमध्येही मुसळधार पाऊस- (Palghar Rain Updates)

पालघर जिल्ह्यात काही दिवसापूर्वी मान्सूनचा आगमन झालं होतं परंतु समाधानकारक पाऊस होत नव्हता. मात्र कालपासून पावसाने जिल्ह्यात जोर पकडला असून जिल्ह्यात पहाटेपासून जोरदार पावसाने सुरुवात केली आहे. याचाच परिणाम म्हणून शेतांमध्ये पाणी साचायला सुरुवात झाली आहे तर शहरांमधील सकल भागांमध्ये सुद्धा ठीक ठिकाणी पाणी साचायला सुरुवात झाली आहे. तर अगदी जून महिना संपत असताना जोरदार पाऊस सुरू झाल्याने नागरिक तसेच शेतकऱ्यांमध्ये समाधानाचं वातावरण निर्माण झाला आहे. जिल्ह्यातील जव्हार मोखाडा विक्रमगड भागात मोठ्या प्रमाणात पाऊस नसल्याने पाणीटंचाई जाणवत होती त्याचप्रमाणे जिल्ह्यातील शेतकऱ्यांच्या भात पेरण्या खोळंबल्या होत्या मात्र हा चांगला पाऊस सुरू झाल्याने पाणीटंचाईचा संकट मिळण्याची शक्यता निर्माण झाली असून भात पेरण्याही सुरू होत आहेत त्यामुळे नागरिकांसह शेतकऱ्यांमध्ये समाधानाचे वातावरण निर्माण झाले आहे.

हिंगोलीत जोरदार पावसामुळे सगळीकडे पाणीच पाणी- (Hingoli Rain Updates)

हिंगोली जिल्ह्यांमध्ये आज सर्वदूर जोरदार पावसाने हजेरी लावली आहे. औंढा नागनाथ शहरामध्ये सुद्धा पावसाची जोरदार बॅटिंग पाहायला मिळाली आहे. जोरदार झालेल्या पावसामुळे औंढा नागनाथ शहरातील रस्त्यावर सगळीकडे पाणीच पाणी झाल्याचं चित्र पाहायला मिळाला असून रस्त्यावरून जाणाऱ्या वाहनांना या पाण्यामधून वाट काढत जावं लागलं आहे. शहरातून जाणाऱ्या हिंगोली परभणी या मार्गावरून मोठ्या पाणी वाहत आहे. आज बरसत असलेला पाऊस हा या मोसमाती सर्वात मोठा पाऊस मानला जातोय. तर जोरदार पावसामुळे सखल भागात पाणी सुद्धा साचले आहे.

रत्नागिरीत सलग पडणाऱ्या पावसामुळे शेतीच्या कामांना वेग- (Maharashtra Mumbai Rain Updates)

गेल्या काही दिवसांपासून दडी मारलेल्या मान्सूनमुळे चिंतेत असलेल्या बळीराजाच्या चेहऱ्यावर अखेर समाधानाचे हास्य फुलले आहे. कृत्रिम पाणी देत जीवापाड जपलेल्या भात रोपवाटिका आता लावणीसाठी सज्ज झाल्या असून शेतात चिखलात उतरून भात लावताना शेतकरी आणि महिलांची लगबग पाहायला मिळत आहे. हिरवीगार रोपे, पावसाच्या सरी आणि मेहनतीने ओथंबलेली कोकणची भातशेती पुन्हा जिवंत झाली आहे. जरी काही भागांत लावणीसाठी अजून 15 ते 20 दिवस प्रतीक्षा करावी लागणार असली, तरी मान्सूनच्या पुनरागमनाने कोकणच्या बळीराजाच्या आशा पुन्हा पल्लवित झाल्या आहेत. यावेळी उशिराने पाऊस आल्याने अनेक भागात अजूनही भात शेतीचे रोपे तयार झालेली नाहीत मात्र दापोली मधील काही भागात कृत्रिम रित्या पाण्यावर तयार केलेली भाताची रोपे लावणीसाठी तयार झाल्याने शेतकरी लावणीच्या कामात गुंतले असल्याचे पाहायला मिळत आहे.

महाराष्ट्रात 5 दिवस पावसाचा तडका, कुठे किती पाऊस पडणार?, VIDEO:

फुटलेले खासदार भाजपात न जाता मिंधेकडेच का गेले? हे ऑपरेशन टायगर नाही तर 'ऑपरेशन देवेंद्र', हिंगोलीतून उद्धव ठाकरेंचा हल्लाबोल

माधव दिपके — Sat, 27 Jun 2026 19:09:09 +0530

Uddhav Thackeray : ऑपरेशन टायगरच्या मुद्यावरुन शिवसेना ठाकरे गटाचे प्रमुख उद्धव ठाकरे यांनी फुटलेल्या खासदारांवर जोरदार हल्लाबोल केला. ते हिंगोली इथं आयोजित केलेल्या सभेत बोलत होते. मिधेंच भवितव्य शून्य आहे. काम संपलं की मिधेंना कचऱ्याच्या टोपलीत टाकणार हे लिहून ठेवा, अशी टीका ठाकरेंनी केली. फुटलेले खासदार भाजपकडे जाण्याऐवजी मिंधेकडे का गेले? हे मोठं कोडं आहे. हे म्हणतायेत की ऑपरेशन टायगर आहे. पण तुम्ही टायगरवर ऑपरेशन करु शकत नाहीत. एक पंजा मारला तर सगळी आतडी बाहेर येतील असे ठाकरे म्हणाले. हे ऑपरेशन टायगर नाही तर मला शंका येते की हे ऑपरेशन देवेंद्र असल्याचे उद्धव ठाकरे म्हणाले.

शिवसेनेचे खासदार फोडून अमित शाह यांनी त्यांना मिंधेंकडे पाठवले

देवेंद्र फडणवीस आज ना उद्या पंतप्रधानपदाच्या शर्यतीत उतरतील म्हणून आताच त्यांचे पंख काप. महाराष्ट्रातून एकही माणूस दिल्लीत पोहोचता कामा नये, म्हणून त्याला तिथल्या तिथं गुंतवूण ठेव, म्हणून शिवसेनेचे खासदार फोडून अमित शाह यांनी त्यांना मिंधेंकडे पाठवल्याचा माझा समज असल्याचे उद्धव ठाकरे म्हणाले. आता निवडणूक थोडीच आहे. मग कशासाठी खासदार फोडले? फोडले ते फोडले पण ते खासदार तुमच्याकडे न घेता तुमचा इकडे एक लाचार गुलाम ठेवला आहे, त्याच्याकडे हे खासदार सरकवले आहेत. म्हणजे उद्या जर प्रश्न आला की पंतप्रधान पदासाठी तुम्ही कोणाला मतदान करणार? तर हे सगळे अमित शाह यांना मतदान करणार असे ठाकरे म्हणाले. ही पुढची व्यवस्था आहे म्हणून शिवसेना फोडत आहेत.

फुटलेले खासदार गुलाम झालेत

फुटलेले खासदार विकासासाठी गेलेत म्हणून शेतकऱ्यांच्या आत्महत्या थांबतील काय? संपूर्ण कर्जमाफी होईल काय? शेतकऱ्यांना पिक विमा मिळेल काय? हे लोक समोर उभे राहून मोदींना हे लोक प्रश्न विचारतील काय? ही धमक शिवसेनेत असताना होती आता हे गुलाम झालेत अशी टीका ठाकरेंनी केली. शिवसेनेचे अस्तित्व आमदार खासदारवर नाही जनतेवर शिवसेनिकांवर असल्याचे उद्धव ठाकरे म्हणाले.

न्याय आणि हक्काचे प्रश्न सोडवण्यासाठी तुमच्या खांद्याला खांद्या लावून उभा राहिल

शक्तिपीठ महामार्गला ही लोक विरोध करणार का? असा सवाल उद्धव ठाकरेंनी केला. माफी मागायला आलोय तसा एक विश्वास द्यायला आलोय. या ठिकाणी नवा खासदार, नवीन आमदार आणू असेही ठाकरे म्हणाले. तुमच्या न्याय आणि हक्काचे प्रश्न सोडवण्यासाठी तुमच्या खांद्याला खांद्या लावून उभा राहिल असे ठआकरे म्हणाले. माझी बांधिलकी तुमझ्याशी आहे असेही ते म्हणाले. साहेब 100 टक्के येतो सांगून, पैसे घेऊन पसार होतात. यांना खासदार केलं नसतं तर कुत्र तरी दाराला आलं असता का? अशी टीका ठाकरेंनी केली. इथल्या गद्दाराने विश्वासघात केला, परत मुलाला पुढे केलं, आम्ही केलं तर घराणेशाही म्हणतात, हा उपमुख्यमंत्री तिकडे त्याचं कारट दिल्लीत खासदार फोडतय असे म्हणत ठाकरेंनी एकनाथ शिदेंसह श्रीकांत शिंदेवरही टीका केली.

महत्वाच्या बातम्या:

Video: निकालानंतर नाराज, ओमराजेंनी राजकीय भूमिका सांगितली; उद्धव ठाकरे अन् आदित्य यांच्याबद्दलही बोलले

Nanded Result : शिंदे गटात गेलेल्या नागेश पाटील आष्टीकरांच्या मुलाचा पराभव, फक्त 84 मतं पडली, ठाकरेंच्या शिवसेनेतून हकालपट्टी

एबीपी माझा ब्युरो — Mon, 22 Jun 2026 12:45:17 +0530

हिंगोली : नांदेड विधान परिषदेच्या निवडणुकीत (Nanded Vidhan Parishad Election) भाजपचे उमेदवार अमर राजुरकर यांनी मोठा विजय मिळवला असून त्यांनी नुकतंच ठाकरेंच्या शिवसेनेत गेलेले खासदार नागेश पाटील आष्टीकर यांचा मुलगा कृष्णा आष्टीकर यांचा पराभव केला. या पराभवानंतर ठाकरेंच्या शिवसेनेतून कृष्णा आष्टीकर (Krishna Patil Ashtikar) यांची हकालपट्टी करण्यात आल्याची घोषणा खासदार संजय राऊत यांनी केली. त्यामुळे बापाच्या भूमिकेचा फटका हा मुलाला बसल्याची चर्चा आता सुरू आहे.

नांदेड विधान परिषदेच्या निवडणुकीत भाजपच्या अमर राजुरकर यांना 339 मतं मिळाली. तर ठाकरेंच्या शिवसेनेतून निवडणूक लढवणाऱ्या कृष्णा आष्टीकरांना फक्त 84 मतं मिळाली. या निवडणुकीत 23 मतं बाद झाली आहेत.

नांदेडच्या जागेसाठी आधी कांग्रेसच्या रामदास पाटील सोमठाणकर यांनी अर्ज दाखल केला होता. परंतु, ठाकरेंच्या शिवसेनेकडून खासदार नागेश पाटील आष्टीकरांचे सुपुत्र कृष्णा आष्टीकर हे इच्छुक होते. त्यांनी अपक्ष अर्ज दाखल केला. त्यामुळे शेवटच्या क्षणी काँग्रेसच्या रामदास पाटील यांनी उमेदवारी मागे घेतली आणि महाविकास आघाडीकडून कृष्णा आष्टीकर हे अधिकृत उमेदवार झाले.

Krishna Patil Ashtikar Result : ऑपरेशन टायगरचा फटका

दरम्यान, ही निवडणूक प्रक्रिया सुरू असताना राज्यात ऑपरेशन टायगर सुरू झालं. त्यामध्ये नागेश पाटील आष्टीकरांचं नाव असल्याने त्याचा फटका कृष्णा आष्टीकरांना बसला. कृष्णा आष्टीकर हे आपण ठाकरे गटातच असल्याचं सांगत असले तरी महाविकास आघाडीतील काँग्रेस आणि शरद पवारांच्या राष्ट्रवादीमध्ये चलबिचलता सुरू झाल्याचं दिसून आलं.

राज्यात सुरू झालेल्या ऑपरेशन टायगरचा फटका हा कृष्णा आष्टीकरांना बसला असून महाविकास आघाडीची मतं ही अशोक चव्हाण यांचे निकटवर्तीय अमर राजुरकर यांच्या पारड्यात पडल्याची चर्चा आहे. त्यामुळे 451 मतांपैकी कृष्णा आष्टीकर यांना फक्त 84 मतं मिळाल्याचं दिसून आलं.

दरम्यान, कृष्णा पाटील आष्टीकरांची पक्षातून हकालपट्टी करण्यात आल्याचं खासदार संजय राऊत यांनी जाहीर केलं. पक्षविरोधी कारवाया केल्याचा ठपका त्यांच्यावर ठेवण्यात आला आहे.

Nagesh Patil Ashtikar Hingoli : कृष्णा पाटील आष्टीकरांची भूमिका बदलली

दरम्यान, वडिलांनी बंडखोरी केली असली तरी आपण ठाकरेंसोबत असल्याचा दावा करणाऱ्या कृष्णा पाटील आष्टीकर यांची भूमिका बदलल्याचं दिसून आलं. विधान परिषदेच्या निवडणुकीत पराभव झाल्यानंतर आपण वडिलांच्या विरोधात जाणार नाही, असं कृष्णा पाटील यांनी जाहीर केलं. संध्याकाळी वडील हिंगोलीत दाखल होणार असून त्यांचं नांदेड विमानतळावर जंगी स्वागत करू, असं कृष्णा आष्टीकर यांनी म्हटलं आहे. माझ्यावर ज्या लोकांनी टीका केली होती त्यांच्यासमोर वडिलांचं नांदेड विमानतळावर स्वागत करणार, असं आष्टीकर म्हणाले.

ही बातमी वाचा:

Uday Samant : गिरीश महाजनांनी विश्वासघात केला का? नाशिकचा पराभव कुणामुळे झाला? उदय सामंत यांची मोठी प्रतिक्रिया

ठाकरेंचा फुटलेला खासदार पहिल्यांदाच मीडियासमोर; नागेश पाटील आष्टीकरांनी सांगितलं शिवसेना सोडण्याचं राज'कारण'

वेदांत नेब — Sun, 21 Jun 2026 14:26:32 +0530

मुंबई : ठाकरेंच्या शिवसेनेतील (Shivsena) 6 खासदारांनी आपला स्वतंत्र गट स्थापन केला असून ओमराजे निंबाळकर यांच्यासह हिंगोलीतील खासदार नागेश पाटील आष्टीकर (Nagesh patil) यांनीही ठाकरेंची साथ सोडत शिंदे गटात गेल्याचं स्पष्ट झालं आहे. कारण, स्वत: नागेश पाटील आष्टीकर यांनी फेसबुक लाईव्हच्या माध्यमातून आपली भूमिका मांडली असून मी दुसरीकडे कुठेही गेलो नाही, शिवसेनेतून शिवसेनेतच गेलोय, असे आष्टीकर यांनी सांगितले. त्यामुळे, पहिल्यांदाच ठाकरे गटातील फुटलेल्या 6 खासदारांपैकी एका खासदाराने समोर येऊन आपली भूमिका मांडली. सत्तेत असल्याशिवाय कामे होत नव्हती, म्हणूनच मी हा निर्णय घेतल्याचं आष्टीकर यांनी म्हटलं. तसेच, कार्यकर्त्यांना त्यांनी महत्त्वाचं आवाहन देखील केलंय.

नागेश पाटील आष्टीकर यांनी आज आपली भूमिका परखडपणे मांडली. आम्ही 18 जूनपर्यंत कुठेही गेलो नव्हतो, मात्र शिवसेना वर्धापन दिनाच्या मेळाव्यात आमच्यावर बोचऱ्या शब्दात टीका करण्यात आली, त्याने आमची मनं दुखावली. पण, खरं सांगायचं तर आपण पाहतोय गेल्या अनेक दिवसांपासून सत्तेशिवाय कुठलेही कामे होत नाहीत. मी जे काही पाऊल उचललं, ते लोकांनी मला ज्या आशेनं खासदार म्हणून निवडून दिलंय, ती त्यांची कामे पूर्ण करायची म्हणून. सत्तेत असल्याशिवाय लोकांची ही कामे होत नव्हती. अनेकांना माझी भूमिका पटली नसेल, काहींना पटलीही असेल. मी तुम्हाला म्हटल्याप्रमाणे, मला तुमच्याकडे सालानं ठेवा, मी तुमचं साल नेकीनं करेन. माझ्यावर तुम्ही जी जबाबदारी ठेवलीय, ती जबाबदारी निश्चितपणे पार पाडे, असे नागेश पाटील आष्टीकर यांनी म्हटले.

मी शिवसेनेतून शिवसेनेतच गेलोय

मी माझ्या कामातून नाराज कार्यकर्त्यांना दाखवून देईल, मी दुसरं कुठेही गेलो नाही, शिवसेनेतेून शिवसेनेतच गेलोय, मी विचारधारा सोडलेली नाही, असेही आष्टीकरांनी कार्यकर्त्यांना सांगितले. कृपया कुणीही असंवैधानिक बोलू नका, राग व्यक्त करा पण असंवैधानिकपणे बोलू नका, शब्द मनाला खूप लागतात. कारण, आपल्याच गावच्या बाभळी आणि आपल्याच गावच्या बोरी.. असे म्हणत मी कार्यकर्त्यांसोबत कायम असेल, असेही आष्टीकर यांनी म्हटले.

कुणीही कोणाला कमी नसतं

संजय राऊत साहेब म्हणाले की, झोडून काढ, हरकत नाही ते माझ्या वडिलांसारखे आहेत, त्यांनी बोलायला हरकत नाही. मात्र, झोडून काढू म्हटले तरी कोणीही कोणाला कमी नसतं, मात्र त्याचे परिणाम वाईट होतात, असेही नागेश पाटील आष्टीकर यांनी म्हटलं.

हेही वाचा

उद्धव ठाकरेंना भेटून मातोश्रीबाहेर पडताच संजय दिना पाटलांची लेक म्हणाली, 'आमच्या घरात वैयक्तिक निर्णयाची पद्धत, मी उद्धव साहेंबासोबत'

Sushma Andhare Shivsena Vardhapan Din: कृष्णा आष्टीकर तू उद्धव ठाकरेंसोबत असशील तर उद्या बापाचं पिंडदान करुन दाखव, प्रतिमेला जोडे मार; सुषमा अंधारेंचा हल्लाबोल

रोहित धामणस्कर — Sat, 20 Jun 2026 07:11:56 +0530

Sushma Andhare and Krishna Ashtikar: उद्धव ठाकरे यांची साथ सोडून एकनाथ शिंदे यांच्या शिवसेनेत गेलेल्या सहा फुटीर खासदारांपैकी एक असलेल्या नागेश आष्टीकर पाटील (Nagesh Ashtikar Patil) यांचा मुलगा कृष्णा आष्टीकर (Krishna Ashtikar) यांनी आपण अजूनही ठाकरे गटासोबत असल्याचा दावा केला आहे. मी माझ्या वडिलांच्या संपर्कात नाही, त्यांच्या शिंदे सेनेत जाण्याच्या निर्णयाविषयी मला कोणतीही कल्पना नव्हती, असे कृष्णा आष्टीकर यांनी म्हटले होते. त्यांच्या या वक्तव्यानंतर ठाकरे गटाच्या उपनेत्या सुषमा अंधारे (Sushma Andhare) यांनी कृष्णा आष्टीकर यांना आपली निष्ठा सिद्ध करण्यासाठी स्वत:च्या वडिलांचे पिंडदान करुन दाखव, असे आव्हान दिले. त्या शुक्रवारी शिवसेनेच्या वर्धापन दिन सोहळ्यानंतर प्रसारमाध्यमांशी बोलत होत्या. (Shivsena Vardhapan Din)

यावेळी सुषमा अंधारे यांना कृष्णा आष्टीकर यांच्या अजूनही ठाकरे गटात असल्याच्या दाव्याविषयी विचारण्यात आले. कृष्णा आष्टीकर हा उद्धव ठाकरे यांच्यासोबत असेल त्याने उद्या बापाचं पिंडदान करुन दाखवावं आणि स्वत:च्या बापाच्या प्रतिमेला जोडे मारुन दाखवावेत, मग आम्ही म्हणू की, तुम्ही उद्धव ठाकरेंसोबत आहात. तुम्ही कोणाला शहाणपण शिकवताय. बाप तसा बेटा आहे, अशी आगपाखड सुषमा अंधारे यांनी केली.

शिवसेनेच्या वर्धापन दिन सोहळ्यात उद्धव ठाकरे यांनी आपल्या भाषणावेळी, 'माझ्या नेतृत्त्वाबाबत होणाऱ्या आरोपात तुम्हाला तथ्य वाटत असेल तर मी शिवसेना पक्षप्रमुखपद सोडायला तयार आहे', असे म्हटले. उद्धव ठाकरे यांच्या या वक्तव्यानंतर शिवसैनिकांना धक्का बसला. उद्धव ठाकरे यांनी पक्षप्रमुख पद सोडू नये, अशी विनंती त्यांनी केली. उद्धव ठाकरे यांचा हा प्रस्ताव ऐकून सुषमा अंधारे यादेखील प्रचंड भावूक झालेल्या पाहायला मिळाले. आम्ही उद्धव ठाकरे यांना नेता मानलं आहे, ते आम्हाला सांगू शकत नाहीत की, पक्षप्रमुख पदाचा अधिकार दुसऱ्या व्यक्तीला द्या. आम्ही त्यांच्यासोबत लढायला तयार आहोत, असे सुषमा अंधारे यांनी म्हटले.

खासदार ओमराजे निंबाळकर यांच्याबद्दल मला जास्त वाईट वाटतं, ज्याला आम्ही आपलं मानलं ज्याच्यासाठी आम्ही लढलो, तो निघून गेला. एकदा विकलेले हे पुन्हा पुन्हा विकले जातात. उद्या अमित शहांनी मोठी बोली लावली तर हे सहा खासदार त्यांच्याकडे जातील. तुझ्याकडे भुंकणारे लोक आहेत. पण माणसं निवडून आणणारे नाहीत. आम्ही ब्रँड तयार करणारे आहोत, अशी टीका सुषमा अंधारे यांनी शिंदे गटावर केली.

देवेंद्र फडणवीस हे गावठी चाणक्य नाहीत, जे एकनाथ शिंदे यांच्या बोलण्यावर विश्वास ठेवतील. विश्वास कोणावर ठेवायचा हे देवेंद्र फडणवीस यांना मला वाटतं माहित असेल, असेही सुषमा अंधारे यांनी म्हटले.

Shivsena Crisis: सुषमा अंधारेच्या बोलघेवडेपणामुळे पक्ष फुटीच्या वाटेवर, आम्हाला पैशांची गरज नाही - कृष्णा पाटील आष्टीकर

सुषमा अंधारेच्या बोलघेवडेपणामुळे पक्ष फुटीच्या उंबरठ्यावर आहे, असा पुनश्च एकदा आरोप कृष्णा पाटील आष्टीकर यांनी केलाय. शिवसेनेचे बंडखोर खासदार नागेश पाटील यांचे चिरंजीव असलेल्या कृष्णा यांनी माध्यमांशी बोलताना हा आरोप केलाय. तसेच नागेश पाटील यांच्याशी संपर्क करण्याचा आम्ही देखील प्रयत्न करत आहोत. त्यांनी हे बंड का केले याची आम्हालाही कल्पना नाही. तसेच पैशांची आम्हाला आवश्यकता नाही, असेही आष्टीकर यांनी स्पष्ट केले.

आणखी वाचा

Operation Tiger UBT Shivsena Nagesh Ashtikar Patil: नागेश आष्टीकरांचा मुलगा सुषमा अंधारेंवर संतापला, म्हणाला, 'तुमच्यासारख्या नेत्यांचा वीट...'

Operation Tiger UBT Shivsena Nagesh Ashtikar Patil: नागेश आष्टीकरांचा मुलगा सुषमा अंधारेंवर संतापला, म्हणाला, 'तुमच्यासारख्या नेत्यांचा वीट...'

अभिषेक एकबोटे, एबीपी माझा — Fri, 19 Jun 2026 07:37:15 +0530

Operation Tiger UBT Shivsena Nagesh Ashtikar Patil: उद्धव ठाकरे यांची साथ सोडून एकनाथ शिंदे यांच्या शिवसेनेत दाखल झालेले हिंगोली लोकसभा मतदारसंघाचे खासदार नागेश पाटील आष्टीकर यांच्यावर सध्या ठाकरे गटाचे नेते आणि कार्यकर्त्यांकडून जोरदार टीका केली जात आहे. नागेश आष्टीकर यांच्या मुलाला उद्धव ठाकरे यांनी विधान परिषदेची उमेदवारीही दिली होती. तरीही नागेश पाटील आष्टीकर यांनीही निष्ठा बदलल्याने ठाकरे गटाच्या उपनेत्या सुषमा अंधारे यांनी त्यांच्यावर टीकेची तोफ डागली होती. या टीकेला नागेश आष्टीकर यांचे पुत्र कृष्णा आष्टीकर यांनी प्रत्युत्तर दिले आहे.

सुषमा अंधारे यांच्या आरोपांना उत्तर द्यायला मी बांधील नाही. सुषमा अंधारे यांनी तर पार आमच्या खानदानीचा उद्धार केला, हे ऐकून मला खूप वाईट वाटले. वडील एका पक्षात आणि पुत्र दुसऱ्या पक्षात, हे समीकरण काही नवीन नाही. एकनाथ शिंदे यांच्यासोबत गजानन कीर्तिकर आहे तर अमोल कीर्तीकर हे उद्धव ठाकरे यांच्यासोबत आहेत. अजून माझे वडील तिकडे गेलेत का, यांना कसली घाई आहे हेच मला कळत नाहीये. सुषमा अंधारे पुण्यात बसून गणित मांडत आहेत. अशा नेत्यांमुळेच त्यांना वीट आला असावा. आमच्यावर व्यक्त होण्याचं काही कारण नव्हते, असे कृष्णा पाटील आष्टीकरांनी 'एबीपी माझा'शी बोलताना सांगितले.

मी उद्धव ठाकरेंचा माणूस आहे आणि मी सर्व प्रश्नांची उत्तरे फक्त उद्धव ठाकरे यांना देत आहे. सुषमा अंधारे यांना उत्तर द्यायला मी काही बांधील नाही. मी उद्धव ठाकरे यांच्याशी संपर्कात होतो, मिलिंद नार्वेकर यांना मी सगळ्या घटना आणि घडामोडी सांगितल्या आहेत. खासदार नागेश पाटील आष्टीकर यांचा फोन ज्या दिवसापासून बंद आहेय त्या दिवसापासून माझं आणि त्यांचं बोलणं झालेले नाही. नांदेडमध्ये शिवसैनिकांनी आज पुतळा जाळला, यात ते थोडी घाई करत आहेत, मी बंड केलेले नाही, मी अजूनही उद्धव ठाकरे यांच्यासोबतच आहे, असे कृष्णा आष्टीकर यांनी म्हटले.

Shivsena News: नागेश पाटील आष्टीकर यांनी माघारी परत यावे; जिल्हाप्रमुख गोपू पाटील यांची प्रतिक्रिया

ऑपरेशन टायगरमध्ये हिंगोली चे खासदार नागेश पाटील आष्टीकर हे सहभागी झाले असून ते मागील दोन दिवसापासून नॉट रिचेबल आहेत.
नागेश पाटील आष्टीकर यांनी गट स्थापन केला असून लवकरच ते एकनाथ शिंदेंच्या शिवसेनेमध्ये प्रवेश करणार असल्याचे समजते. या पार्श्वभूमीवर नागेश पाटील आष्टीकर यांचे निकटवर्तीय असलेले शिवसेनेचे जिल्हाप्रमुख गोपू पाटील यांच्याशी संवाद साधायचा प्रयत्न केला असता नागेश पाटील आष्टीकर यांनी माघारी परत यावे. मागील दोन दिवसापासून त्यांच्याशी संपर्क साधायचा प्रयत्न करतोय. परंतु त्यांचा फोन लागत नाही. काल शिवसेनेच्यावतीने नागेश पाटील आष्टीकर यांना व्हिप बजावला होता, आम्हाला अपेक्षा होती की नागेश पाटील आष्टीकर काल दिल्लीमध्ये झालेल्या संसदीय बैठकीला उपस्थित राहतील. परंतु तिथेसुद्धा आष्टीकर आले नाहीत. त्यामुळे आष्टीकर साहेबांना जर पक्ष बदलायचा असेल तर त्यांचा आम्ही निषेध करतो, अशी प्रतिक्रिया जिल्हाप्रमुख गोपू पाटील यांनी दिली आहे.

Thackeray Camp MPs: शिवसेनेच्या वर्धापनदिन सोहळ्यात सहा खासदार पक्षप्रवेश करणार नाहीत

आज मुंबईतील गोरेगावमध्ये नेस्को येथे शिवसेनेच्या वर्धापनदिन सोहळ्यात सहा खासदार पक्षप्रवेश करणार असल्याच्या बातम्या येत आहेत. परंतु त्यात कोणतेही तथ्य नाही. असा कोणताही पक्षप्रवेश 19 तारखेला होणार नाही. जे होईल ते 20 तारखेनंतर होईल, अशी माहिती शिंदे गटातील वरिष्ठ नेत्यांकडून देण्यात आली आहे.

आणखी वाचा

Maharashtra Politics : संजय राऊतांची 'ऑपरेशन तुडवा'ची धमकी, बंडखोर खासदारांना Y प्लस सुरक्षा, गृह विभागाचा तातडीचा आदेश