पदकप्राप्त पोलिसाकडून शरीरसुखाची मागणी, तरुणीने संपवले जीवन; अखेर तीन वर्षांनी माहिती रिकव्हर, गुन्हा दाखल

Arnab Cyclone: बंगालच्या उपसागरातील 'अर्णब' चक्रीवादळ पूर्व किनारपट्टीवर धडकलं; महाराष्ट्रालाही तडाखा बसणार; नागपूरसह पूर्व विदर्भाला अलर्ट, अतिमुसळधार पावसाची शक्यता

रजत वशिष्ठ, एबीपी माझा — Wed, 28 Oct 2026 11:20:57 +0530

Arnab Cyclone Marathi News: राज्यात एकीकडे तीव्र दुष्काळाचे सावट असताना दुसरीकडे बंगालच्या उपसागरातून निर्माण झालेल्या अर्णब चक्रीवादळाने (Arnab Cyclone) भारताच्या मुख्य भूमीत प्रवेश केल्याची माहिती समोर आली आहे. परिणामी त्याचे परिणाम ओडिशा, आंध्र प्रदेश छत्तीसगडसह महाराष्ट्रातील (Maharashtra Rain Forecast) पूर्व विदर्भातील काही भागांवरही होण्याची शक्यता आहे. हवामान विभागाच्या नागपूर प्रादेशिक केंद्राने दिलेल्या अलर्ट (IMD Rain Alert) प्रमाणे आज ( 28 ऑक्टोबर) गडचिरोली (Gadchiroli District) जिल्ह्यात अनेक भागांमध्ये मुसळधार पाऊस होऊ शकतो, असा अंदाज नागपूर प्रादेशिक हवामान केंद्राचे वरिष्ठ वैज्ञानिक प्रवीण कुमार यांनी व्यक्त केला आहे. (Arnab Cyclone Marathi News)

Arnab Cyclone Effect on Vidarbha: गडचिरोली जिल्ह्यासाठी ऑरेंज अलर्ट, पूर्व विदर्भात हलक्या ते मध्यम स्वरूपाचा पाऊस

दरम्यान, हवामान विभागाने गडचिरोली जिल्ह्यासाठी ऑरेंज अलर्ट जारी केला आहे. तर पूर्व विदर्भातील गोंदिया, भंडारा, चंद्रपूर आणि काही अंशी नागपूर व वर्धा जिल्ह्यात तुरळक भागांमध्ये हलक्या ते मध्यम स्वरूपाचा पाऊस होऊ शकतो, असे अंदाजही हवामान विभागाने व्यक्त केले आहे. पूर्व विदर्भातील गडचिरोली पकडून इतर जिल्ह्यांसाठी हवामान विभागाने पावसाचा येलो अलर्ट जारी केला आहे. पावसासह पूर्व विदर्भातील अनेक भागांमध्ये सोसाट्याचा वाराही वाहू शकतो असे हवामान विभागाचे अंदाज आहे.

अर्णब चक्रीवादळाचा फटका विमानसेवेलाही- (Cyclone Arnab also affects air services)

बंगालच्या उपसागरात निर्माण झालेल्या 'अर्णब' चक्रीवादळामुळे आंध्र प्रदेशातील विशाखापट्टणम आणि विजयवाडा येथून येणाऱ्या-जाणाऱ्या विमानांच्या सेवांवर परिणाम होण्याची शक्यता आहे. या पार्श्वभूमीवर एअर इंडियाने २७ ऑक्टोबर रोजी प्रवासविषयक सूचना जारी करून प्रवाशांना सतर्क राहण्याचे आवाहन केले आहे. प्रतिकूल हवामानामुळे विमानांच्या वेळापत्रकात बदल होऊ शकतो. त्यामुळे प्रवाशांनी एअर इंडियाच्या अधिकृत संकेतस्थळावर आपल्या विमानाची सद्यस्थिती तपासावी. तसेच विमानतळावर पोहोचण्यासाठी अतिरिक्त वेळ राखून ठेवावा, असे कंपनीने स्पष्ट केले आहे. खराब हवामानामुळे रस्ते वाहतुकीवरही परिणाम होण्याची शक्यता असल्याचे कंपनीने सूचनेत नमूद केले आहे.

आंध्र प्रदेशात अचानक पूर येण्याचा धोका- (Andra Pradesh Arnab Cyclone)

भारतीय हवामान विभागाने (IMD) अनाकापल्ली, अल्लुरी सीताराम राजू, काकीनाडा, विशाखापट्टणम आणि विजयनगरम जिल्ह्यांच्या काही भागांत पुढील 6 तासांत अचानक पूर (flash floods) येण्याचा मध्यम ते गंभीर धोका असल्याचा इशारा दिला आहे. तसेच, पुढील 24 ते 36 तासांत अनेक भागांत पूर येण्याची शक्यता वर्तवण्यात आली आहे. नोंदवलेल्या पावसाची आकडेवारी पाहता, विशाखापट्टणम (आंध्र प्रदेश) येथे 217 मिमी, कलिंगपट्टणम येथे 147 मिमी, तुनी येथे 123 मिमी, काकीनाडा येथे 118 मिमी, मछलीपट्टणम येथे 115 मिमी, गोपालपूर येथे 94 मिमी आणि पुरी (ओडिशा) येथे 72 मिमी पावसाची नोंद झाली आहे.

Amravati MLC Election Result 2026: 'आदरणीय गुरुजन धन्यवाद, शिक्षकांनी माझी किंमत काय हे दाखवून दिले'; अमरावतीत मतदारांचा कौल बघताच भाजप अनिल बोंडेंच्या बहिणीचं व्हॉट्सअप स्टेटस चर्चेत

Narendra Bhondekar: चौकशीत जरांगे पाटलांनाही सहआरोपी करा, आमदार नरेंद्र भोंडेकरांचा आक्रमक पवित्रा, विरोधकांना सुनावलं, तर मित्रपक्षाला सबुरीचा सल्ला देत म्हणाले....

देवेंद्र रहांगडाले — Sat, 24 Oct 2026 12:39:10 +0530

Narendra Bhondekar मराठा आंदोलक मनोज जरांगे पाटील (Manoj Jarange Patil) यांनी उपमुख्यमंत्री एकनाथ शिंदे (Eknath Shinde) आणि खासदार डॉ. श्रीकांत शिंदे (Shrikant Shinde) यांच्या संदर्भात व्हायरल केलेल्या कथित ऑडिओ क्लिपवरून महायुतीत आरोप-प्रत्यारोप सुरू झाले आहेत. अशातच आता शिवसेना आमदार नरेंद्र भोंडेकर (Narendra Bhondekar) यांनी देखील उघडपणे बोलत मराठा समाजाने किंवा नेत्यांनी केवळ समाजाच्या आरक्षणाशी संबंधित मुद्यांवर बोलावे, विनाकारण मुख्यमंत्री एकनाथ शिंदे (Eknath Shinde) व आमच्या नेत्यांवर खोटेनाटे आरोप करू नये. ते सहन केले जाणार नाहीत, असा इशारा दिला आहे.

व्हायरल झालेली क्लिप कुणी आणि कशी बनवली, यामागे नेमकं काय सत्य आहे? याची सखोल चौकशी व्हावी, अशी मागणी शिवसेनेच्या शिष्टमंडळाने मुख्यमंत्री एकनाथ शिंदेंकडे केली असल्याचेही भोंडेकरांनी स्पष्ट केलं. तसेच ही ऑडिओ क्लिप आली कुठून? बनवली कोणी? याचा तपास करावा, शिवाय या प्रकरणाच्या सखोल चौकशीसाठी जरांगे पाटील यांना सहआरोपी केलं पाहिजे, अशी मागणी देखील त्यांनी केली आहे. (Narendra Bhondekar on Manoj Jarange Patil)

Narendra Bhondekar on Manoj Jarange Patil: सखोल चौकशीसाठी जरांगे पाटील यांना सहआरोपी केलं पाहिजे

दरम्यान, ऑडिओ क्लिपच्या चौकशीची मागणी केली आहे, आणि त्या चौकशीनंतर जे काही सत्य आहे ते बाहेर येईल. ही ऑडिओ क्लिप आली कुठून? बनवली कोणी? आणि या प्रकरणाच्या सखोल चौकशीसाठी जरांगे पाटील यांना सहआरोपी केलं पाहिजे. विरोधकांशी लढायचे असून महायुतीत कोणतेही मतभेद किंवा अंतर्गत संघर्ष होणार नाही, याची काळजी सर्व नेत्यांनी घ्यावी. तसेच ऑडिओ क्लिपची खात्री होईपर्यंत नेत्यांनी संयम बाळगावा, असा सबुरीचा सल्ला देखील नरेंद्र भोंडेकरांनी दिला आहे.

नेमकं प्रकरण काय?

मनोज जरांगे पाटील यांनी भाजपशी संबंधित लोकांची एक ऑडिओ क्लीप प्रसिद्ध करुन महाराष्ट्राच्या राजकारणात खळबळ उडवून दिली आहे. या ऑडिओ क्लीपमध्ये भाजपशी संबंधित व्यक्ती श्रीकांत शिंदे यांच्याकरवी मनोज जरांगे यांना 500 कोटी रुपये दिल्याचा दावा करत आहे. यावरुन मनोज जरांगे (Manoj Jarange Patil) यांनी थेट एकनाथ शिंदे यांना जाब विचारला होता. त्यानंतर रामदास कदम (Ramdas Kadam) यांच्यासह शिवसेनेचे नेते प्रचंड आक्रमक झाले होते. रामदास कदम यांनी हा व्हिडीओ क्लीप बाहेर येण्यामागे अप्रत्यक्षपणे भाजपला जबाबदार धरले आहे. त्याला भाजपच्या (BJP) नेत्यांकडूनही प्रत्युत्तर देण्यात आले आहे. तर मनोज जरांगे पाटीलही दररोज पत्रकार परिषद घेऊन शिवसेना-भाजपमधील वातावरण आणखी तापवत आहेत.

इतर महत्वाच्या बातम्या

Manoj Jarange Patil and Sanjay Raut: मनोज जरांगेंना ऑडिओ क्लीप कुठून मिळाली? संजय राऊतांनी टेप फोडणारा भाजपचा आमदार सांगितला, म्हणाले...

Maharashtra Drought: कोरोनापेक्षाही जलसंकट भयावह, किडींनी पाच एकरातील शेती केली फस्त; कुटुंब जगवायचं कसं? दुष्काळाची दाहकता मांडताना भंडाऱ्यातील बळीराजाला अश्रू अनावर

प्रशांत देसाई — Sun, 18 Oct 2026 09:45:24 +0530

Maharashtra Drought: पावसानं दांडी मारल्यामुळं भंडारा (Bhandara) जिल्ह्यातील अनेक भागांत दुष्काळी परिस्थिती निर्माण झाली आहे. विशेषतः तुमसर तालुक्यातील काही गावांमध्ये भर पावसाळ्यातचं पाणीटंचाईचं सावट गडद झालं आहे. पावसाअभावी उभी भातपीक करपून गेली असून, किडीच्या प्रादुर्भावामुळं शेतकऱ्यांच्या हातातोंडाशी आलेला घास हिरावला गेला आहे. परिणामी "कोरोनापेक्षाही भयावह परिस्थिती येत्या काळात जलसंकटाची निर्माण होईल," अशी भीती व्यक्त करत हतबल झालेला शेतकरी आता शासनाकडून मदतीची चातकासारखी वाट पाहत आहे. तर दुष्काळाची भीषण दाहकता मांडताना भंडाऱ्यातील बळीराजाला अश्रू अनावर झाल्याचे बघयला मिळाले आहे. (Bhandara Drought)

Bhandara Farmer : दुष्काळी परिस्थिती आणि किडींच्या प्रादुर्भावाचा दुहेरी मारा, पाच एकरात पाच दाणेही मिळणार नाहीत,

दरम्यान, तुमसर तालुक्यातील अनेक गावांमध्ये खरीप हंगामाच्या ऐन मध्यातचं जलसाठ्याची अत्यंत गंभीर परिस्थिती उद्भवली आहे. मागील वर्षीच्या तुलनेत यंदा भातपिकाच्या उत्पादनात प्रचंड घट झाली आहे. अनेक ठिकाणी पिकाला लोंबीसुद्धा भरलेली नाही. त्यातच दुष्काळी परिस्थिती आणि किडींच्या प्रादुर्भावानं दुहेरी मारा केला आहे. अनेक शेतकऱ्यांचे पाच-पाच एकरातील भातपीक पूर्णपणे उद्ध्वस्त झाले असून, "पाच एकरात पाच दाणेही मिळणार नाहीत," अशी विदारक स्थिती निर्माण झाली आहे. दुष्काळाचा फटका केवळ भात उत्पादकांनाचं नाही, तर बागायतदार शेतकऱ्यांनाही बसला आहे. पावसाळ्यात भाजीपाला उत्पादन जसेतसे घेतले गेले. मात्र, पाणीच शिल्लक नसल्यानं पुढील हंगामातील पिकं कशी घ्यावीत, या विचारानं शेतकरी चिंताक्रांत झाला आहे. खरीप हंगाम वाया गेल्यामुळं शेतकऱ्यांवर मोठं आर्थिक संकट कोसळलं असून कुटुंबीयांचं संगोपन कसं करायचं, हा प्रश्न शेतकऱ्यांसमोर निर्माण झाला आहे.

Gondia News : गोंदिया जिल्ह्यातील धान उत्पादक शेतकऱ्यांना दिलासा; शासकीय धान खरेदीचे आदेश निघाले

यावर्षी ऑक्टोबर महिना अर्धा संपला तरी शासकीय धान खरेदी सुरु न झाल्याने शेतकरी संकटात आले होते. हलका धान बाजार पेठेत विक्रीस येण्यास सुरुवात झाली मात्र खरेदी केंद्राचा पत्ता नसल्याने शेतकऱ्यांना अल्प दराने खासगी व्यापाऱ्यांना धानाची विक्री करावी लागत होती. शेतकऱ्यांची ओरड वाढल्यानंतर शासनाने अखेर धान खरेदी केंद्राचे आदेश काढले आहे. त्यामुळे जिल्ह्यातील धान उत्पादक शेतकऱ्यांना दिलासा मिळाला आहे. धान उत्पादक शेतकऱ्यांना हमीभावापेक्षा कमी दर मिळू नये यासाठी शासन जिल्हा मार्केटिंग फेडरेशन आणि आदिवासी विकास महामंडळातंर्गत शासकीय धान खरेदी केंद्रांवरून हमीभावाने धान खरेदी करते. यामुळे शेतकऱ्यांना हमखास हमीभाव मिळण्याची हमी असते.

गोंदिया जिल्ह्यातील शेतकरी खरीप हंगामात हलक्या आणि जड धानाची लागवड करतात. हलका धान हा दिवाळीपूर्वी निघत असल्याने शेतकरी या धानाची विक्री करुन उधारउसनवारी व दिवाळ सण साजरा करीत असतात. मात्र यंदा बाजारपेठेत हलके धान विक्रीस येण्यास सुरुवात झाली तरी शासकीय धान खरेदी केंद्र सुरु झाले नव्हते. तर दुसरीकडे खासगी व्यापारी शेतकऱ्यांच्या अडचणीचा फायदा घेत कमी दराने धान खरेदी करीत होते. शेतकऱ्यांची मागणी वाढल्यानंतर अखेर शासनाने धान खरेदीचे आदेश काढले असून सोमवारपासून नोंदणीला सुरुवात होणार आहे.

इतर महत्वाच्या बातम्या

Chandrapur Leopard Attack: महाकालीच्या दर्शनासाठी पायी चाललेल्या नऊ वर्षीय चिमुकल्यावर बिबट्याची झडप; ऐन वर्दळीत हल्ला अन् एकच थरकाप उडाला, चंद्रपूरच्या विसापुरात खळबळ!

Gondia News : ना सीसीटीव्ही, ना प्रत्यक्षदर्शी, अखेर चघळलेल्या सुपारी ठरली वृद्ध महिलेच्या मारेकराऱ्याचा ठोस पुरावा; डीएनए अहवालानंतर घटनेचा खळबळजनक उलगडा

देवेंद्र रहांगडाले — Tue, 13 Oct 2026 10:28:34 +0530

Gondia Crime News : गुन्हेगार कितीही शातिर आणि नवंनवीन युक्त्या वापरणारा असला तरी पोलीस आणि तपास यंत्रणा त्याच्यापर्यंत पोहोचतातच, हे पुन्हा एकदा सिद्ध झाले आहे. अगदी गवतातून सुई शोधून काढावी या उक्तीप्रमाणे गोंदिया पोलिसांनी (Gondia Police) थुंकलेल्या सुपारीच्या तुकड्यातून आरोपीच्या शोध घेतला असून गोंदिया (Gondia News) जिल्ह्याच्या सडक अर्जुनी तालुक्यातील पळसगाव येथील 81 वर्षीय वृद्ध महिलेच्या खुनाचा (Crime News) उलगडा केला आहे. चघळलेल्या सुपारीच्या तुकड्यावरून पोलिसांनी आरोपीला अत्यंत शिताफीने बेड्या ठोकल्यात. (Gondia Crime News)

गोंदिया जिल्ह्याच्या पळसगावात एका 81 वर्षीय वृद्ध महिलेची दागिन्यांसाठी हत्या करत सोन्याचे दागिने लुटले होते. 2 सप्टेंबरला ही घटना घडली. त्यानंतर एक महिन्यांनी पोलिसांनी या गुन्ह्याचा छडा लावत घराशेजारी राहणाऱ्या विलास मेश्राम याला अटक केलीय. घटनास्थळी सापडलेल्या अवघ्या एका चघळलेल्या सुपारीच्या तुकड्याच्या डीएनए चाचणीमुळे या हत्येचा उलगडा झाला आहे. 2 सप्टेंबरला कुसुमबाईची हत्या करत सोन्याचे दागिने लुटले होते. दरम्यान आरोपीनं हत्येची कबुली दिली आहे.

Gondia News : एक महिन्यानंतर आरोपीला बेड्या, नेमकं प्रकरण काय?

गोंदिया जिल्ह्यातील सडक अर्जुनी तालुक्यातील पळसगाव येथे 81 वर्षीय कुसुमबाई कापगते या वृद्ध महिलेची हत्या करून सोन्याचे दागिने लुटल्याचा प्रकार 2 सप्टेंबरला घडला होता. या प्रकरणाचा 1 महिन्यानंतर गोंदिया पोलिसांनी उलगडा केला आहे. या प्रकरणी घराशेजारी राहणाऱ्या विलास मेश्राम (42) याला अटक करण्यात आली. घटनास्थळी सापडलेल्या चघळलेल्या सुपारीच्या तुकड्यांचा डीएनए आरोपीच्या नमुन्यांशी जुळला आणि पोलिसांनी आरोपीला अटक केली आहे. 2 सप्टेंबर 2026 रोजी घरात एकट्या असताना कुसुमबाई यांची हत्या करण्यात आली होती. दोन सोन्याच्या बांगड्या, एक सोन्याची अंगठी आणि सोन्याचे मणी असलेली काळी पोच असा 1 लाख 32 हजार रूपयांचा ऐवज लुटण्यात आला होता.

Gondia Crime News : चघळलेल्या सुपारीच्या तुकड्यांमुळे आरोपीला अटक, चौकशीत गुन्ह्याची कबुली

दरम्यन, या घटनेनंतर पोलिसांनी तपासाची चक्र फिरवली असता सीसीटीव्ही, फिंगरप्रिंट, श्वानपथक, प्रत्यक्षदर्शीची माहिती आणि मोबाईल डेटाचे विश्लेषण करूनही सुरुवातीला ठोस पुरावा मिळाला नाही. सुपारीचे तुकडे न्यायवैज्ञानिक प्रयोगशाळा, नागपूर येथे पाठविण्यात आले आणि गावातील 4 संशयित लोकांचे रक्तनमुने तपासले गेले. तांत्रिक तपासात विलास मेश्राम आर्थिक संकटात व कर्जबाजारी असल्यांचे तसेच त्याने सडक अर्जुनी, सौंदड आणि भंडारा जिल्ह्यातील लाखनी येथील सराफा व्यावसायिकांशी मध्यस्थांमार्फत संपर्क साधल्याचे समोर आले. तसेच घटनास्थळी आढळलेल्या सुपारी सोबत डीएनए अहवाल जुळल्यानंतर आरोपीला ताब्यात घेण्यात आले. चौकशीत त्याने दागिन्यांसाठी हत्या केल्याची कबुली दिली. अशातच आरोपीला पोलिसांनी अटक केली असून या घटनेचा तपास पोलीस अधीक्षक गोरख भामरे यांच्या मार्गदर्शनाखाली सुरू आहे.

Nagpur Crime : आधी स्वतः तलाक दिला, मग पूर्वाश्रमीच्या बायकोनं दुसरं लग्न केल्याचा राग अनावर, नमाज पठणासाठी गेलेल्या वसीमला रस्त्यात गाठलं अन्..., नागपूर हादरलं!

Gondia News: दुष्काळात तेरावा महिना! गोंदिया जिल्ह्यातील बोदलकसा जलाशयाची पाळ फुटली; शेकडो हेक्टर शेती पाण्याखाली, अनेक गावामध्येही शिरलं पाणी

देवेंद्र रहांगडाले — Mon, 12 Oct 2026 12:47:23 +0530

Gondia News : राज्यातील बहुतांश जिल्ह्यात भीषण दुष्काळाचं सावट घोंघावत असून आगामी काळात पाणी टंचाईची मोठी समस्याही निर्माण होण्याची भीती व्यक्त केली जात आहे. असं असताना गोंदिया जिल्ह्याच्या (Gondia News) तिरोडा तालुक्यातील बोदलकसा जलाशयाची (Bodalkasa Reservoir) पाळ फुटल्याची घटना समोर आली आहे. या घटनेमुळे परिसरातील शेकडो हेक्टर शेतजमीन पाण्याखाली गेल्याची माहिती आहे. जलाशयातील पाणी वेगाने बाहेर पडत असल्याने आसपासच्या गावांमध्येही पाणी शिरण्याची शक्यता निर्माण झाली आहे. अशातच जलाशयाची पाळ फुटल्यामुळे परिसरातील शेतीचे मोठे नुकसान होण्याची भीती व्यक्त केली जात आहे. तर प्रशासनाच्या वतीने सध्या माती टाकून पाणी थांबविण्यासाठी शर्थीचे प्रयत्न सुरू आहेत. मात्र ऐन दुष्काळाच्या सावटाखाली हजारो लिटर पाणी वाया गेल्याने अनेक प्रश्न आता विचारले जात आहे. (Gondia News)

District Collector Mandar Patki: खबरदारीचा उपाय म्हणून तिरोडा तालुक्यात एनडीआरएफची टीम तैनात

दरम्यान, बोदलकसा जलाशयाची पाळ फुटल्याने मोठ्या प्रमाणात पाण्याचा विसर्ग कालव्यात होत आहे. यावर जिल्हाधिकारी मंदार पत्की यांनी सध्या परिस्थिती नियंत्रणात असल्याची माहिती दिली आहे. आज पहाटेच्या सुमारास बोदलकसा जलाशयाच्या पाळीला भगदाड पडल्याने पाणी कॅनॉलमार्फत सुकडी गावाकडे जात असल्याचे निदर्शनास आले होते. गावांना धोका निर्माण होऊ नये म्हणून प्रशासनाने तातडीने पाणी डायव्हर्ट केले आहे. सद्यस्थितीत हे पाणी मुख्य नाल्याद्वारे रुस्तमपूर मार्गे इतर गावांकडे जात आहे. सध्या तरी कोणत्याही गावाला कोणताही धोका असल्याचे दिसून येत नाही. खबरदारीचा उपाय म्हणून तिरोडा तालुक्यात एनडीआरएफ (NDRF) ची टीम तैनात करण्यात आली असून, एसडीआरएफ (SDRF) ची एक टीम देखील दाखल झाली आहे. अशी माहिती जिल्हाधिकारी मंदार पत्की यांनी दिली आहे.

Washim News: वाशिममध्ये दुष्काळाचं संकट गडद, जलवाहिनीवरील व्हॉल्व्हच्या गळतीमुळे हजारो लिटर पाणी वाया

दरम्यान, अशीच एक घटना वाशिम जिल्ह्यात घडली आहे. वाशिममध्ये दुष्काळाचं संकट गडद झालं असल्याचे चित्र आहे. एकीकडे पाणी बचतीकरिता प्रशासकीय पातळीवर प्रयत्न सुरू केले आहे, तर दुसरीकडे जलवाहिनीवरील व्हॉल्व्हच्या गळतीमुळे हजारो लिटर पाणी वाया जात असल्याचा प्रकार समोर आलाय. अडाण धरण (म्हसनी) ते दापुरा बुद्रुक दरम्यान असलेल्या जलवाहिनीवर ही गळती सुरू आहे. यंदा अत्यल्प पावसामुळे इंझोरी महसूल मंडळातील अनेक गावांमध्ये दुष्काळसदृश परिस्थिती निर्माण झाली असून, विहिरी आणि बोअरवेल कोरड्या पडत आहेत.

अशा परिस्थितीत उपलब्ध पाण्याचा प्रत्येक थेंब जपण्याची गरज असताना, जलवाहिनीवरील व्हॉल्व्हमधून पाण्याची नासाडी सुरू आहे. मात्र, संबंधित विभाग व ग्रामपंचायतकडून अद्याप दखल घेण्यात आलेली नसल्याचं समोर आलंय. त्यामुळे दुष्काळाच्या पार्श्वभूमीवर संबंधित विभागाने तातडीने गळती दुरुस्त करून पाण्याची नासाडी थांबवावी, अशी मागणी होत आहे.

इतर महत्वाच्या बातम्या

Vijay Wadettiwar: एसटीच्या खरेदीत गैरव्यवहार! बाजारभावापेक्षा 30 टक्के अधिक दराने साहित्य खरेदी; विजय वडेट्टीवारांचा गंभीर आरोप, थेट मुख्यमंत्री अन् परिवहन मंत्र्यांना पत्र धाडलं

Gondia Crime News: वृद्ध महिलेला संपवलं; एक महिना तपास अन्...; चघळलेल्या सुपारीच्या तुकड्यामुळं सापडला आरोपी, शेजाऱ्यानेच..., गोंदियातील घटनेचा महिन्याने झाला उलगडा

देवेंद्र रहांगडाले — Sat, 10 Oct 2026 16:06:44 +0530

गोंदिया : गोंदिया जिल्ह्यातील सडक अर्जुनी तालुक्यातील पळसगाव येथे 81 वर्षीय कुसुमबाई कापगते या वृद्ध महिलेची हत्या करून सोन्याचे दागिने लुटल्याचा प्रकार 2 सप्टेंबरला घडला होता. या प्रकरणाचा 1 महिन्यानंतर गोंदिया पोलिसांनी (Gondia Crime News) उलगडा केला आहे. घराशेजारी राहणाऱ्या विलास मेश्राम (42) याला अटक करण्यात आली. घटनास्थळी सापडलेल्या चघळलेल्या सुपारीच्या तुकड्यांचा डीएनए आरोपीच्या नमुन्याशी जुळला आणि पोलिसांनी आरोपीला अटक केली आहे.(Gondia Crime News)

Gondia Crime News: नेमकं काय आहे प्रकरण?

2 सप्टेंबर 2026 रोजी घरात एकट्या असताना कुसुमबाई यांची हत्या करण्यात आली होती. दोन सोन्याच्या बांगड्या, एक सोन्याची अंगठी आणि सोन्याचे मणी असलेली काळी पोच असा 1 लाख 32 हजार रूपयांचा ऐवज लुटण्यात आला होता. या घटनेनंतर पोलिसांनी तपासाची चक्र फिरवली असता सीसीटीव्ही, फिंगरप्रिंट, श्वानपथक, प्रत्यक्षदर्शीची माहिती आणि मोबाईल डेटाचे विश्लेषण करूनही सुरुवातीला ठोस पुरावा मिळाला नाही. सुपारीचे तुकडे न्यायवैज्ञानिक प्रयोगशाळा, नागपूर येथे पाठविण्यात आले आणि गावातील 4 संशयित लोकांचे रक्तनमुने तपासले गेले.(Gondia Crime News)

तांत्रिक तपासात विलास मेश्राम आर्थिक संकटात व कर्जबाजारी असल्यांचे तसेच त्याने सडक अर्जुनी, सौंदड आणि भंडारा जिल्ह्यातील लाखनी येथील सराफा व्यावसायिकांशी मध्यस्थांमार्फत संपर्क साधल्याचे समोर आले. तसेच घटनास्थळी आढळलेल्या सुपारी सोबत डीएनए अहवाल जुळल्यानंतर आरोपीला ताब्यात घेण्यात आले. चौकशीत त्याने दागिन्यांसाठी हत्या केल्याची कबुली दिली. आरोपीला पोलिसांनी अटक केली असून या घटनेचा तपास पोलीस अधीक्षक गोरख भामरे यांच्या मार्गदर्शनाखाली सुरू आहे.

२ सप्टेंबर २०२६ रोजी कुसुमबाई या आपल्या घरात एकट्याच असताना त्यांची निर्घृण हत्या करण्यात आली होती. त्यांच्या अंगावरील दोन सोन्याच्या बांगड्या, एक सोन्याची अंगठी आणि सोन्याचे मणी असलेली काळी पोच असा एकूण १ लाख ३२ हजार रुपयांचा ऐवज आरोपीने लुटून नेला होता. या जघन्य गुन्ह्यानंतर पोलिसांनी तपासाची चक्रे वेगाने फिरवली. सुरुवातीला सीसीटीव्ही फुटेज, फिंगरप्रिंट्स (ोटाचे ठसे), श्वानपथक, प्रत्यक्षदर्शींची माहिती आणि मोबाईल डेटाचे सखोल विश्लेषण करण्यात आले, परंतु कोणताही थेट आणि ठोस पुरावा पोलिसांच्या हाती लागला नाही. अशातच तपासादरम्यान घटनास्थळी काही चघळलेल्या सुपारीचे तुकडे पोलिसांच्या निदर्शनास आले होते. पोलिसांनी हे सुपारीचे तुकडे नागपूर येथील न्यायवैज्ञानिक प्रयोगशाळेत (Forensic Lab) तपासणीसाठी पाठवले आणि गावातील ४ संशयित व्यक्तींचे रक्तनमुने गोळा करून तपासले.

Gondia Crime News: आर्थिक संकट आणि डीएनए चाचणी ठरली निर्णायक

तांत्रिक तपासादरम्यान मुख्य आरोपी विलास मेश्राम हा मोठ्या आर्थिक संकटात व कर्जबाजारी असल्याच समोर आले. एवढेच नव्हे तर, त्याने सडक अर्जुनी, सौंदड आणि भंडारा जिल्ह्यातील लाखनी येथील काही सराफा व्यावसायिकांशी मध्यस्थांमार्फत संपर्क साधल्याची माहितीही पोलिसांच्या हाती लागली. यादरम्यान, न्यायवैज्ञानिक प्रयोगशाळेतून आलेला डीएनए अहवाल घटनास्थळी सापडलेल्या सुपारीशी आणि संशयित विलास मेश्रामच्या नमुन्याशी तंतोतंत जुळला.

Gondia Cmr Rice Scam Enquiry: रेशनच्या तांदळात मोठा घोटाळा? गोदामांची होणार तपासणी, विभागीय आयुक्तांच्या आदेशानंतर चार सदस्यीय समिती करणार गोंदियात चौकशी

देवेंद्र रहांगडाले — Tue, 6 Oct 2026 10:31:41 +0530

Gondia Cmr Rice Scam Enquiry : गोंदिया (Gondia) जिल्ह्यात किमान आधारभूत किंमत खरेदी योजनेंतर्गत पणन हंगाम 2025-26 मध्ये खरेदी करण्यात आलेल्या धानाच्या भरडाईनंतर जमा होणारा अतिरिक्त सीएमआर तांदूळ हा निकृष्ट (CNR Rice Scam) दर्जाच्या असल्याच्या तक्रारी मंत्रालय व विभागीय आयुक्तांकडे करण्यात आल्या होत्या. याचीच दखल विभागीय आयुक्तांनी घेतली असून या प्रकरणाची चौकशी करण्यासाठी चार सदस्यीय समिती गठित केली आहे. या समितीने आठ दिवसांत आपला चौकशी अहवाल सादर करण्याचे निर्देश दिले आहेत. या आदेशामुळे राईस मिलर्स तसेच पुरवठा विभागात खळबळ उडाली आहे. (Gondia Cmr Rice Scam Enquiry News)

नेमकं प्रकरण काय? Gondia Cmr Rice Scam Enquiry

दरम्यान, गोंदिया जिल्ह्यात जिल्हा मार्केटिंग फेडरेशन आणि आदिवासी विकास महामंडळातंर्गत शासकीय धान खरेदी केंद्रावर हमीभावाने शेतकऱ्यांकडून धानाची खरेदी केली जाते. त्यानंतर खरेदी केलेल्या धानाची राईस मिलर्ससह करार भरडाई करुन सीएमआर तांदूळ शासनाकडे जमा केला जातो. पुढे हा तांदूळ सार्वजनिक वितरण प्रणालीअंतर्गत राज्यातील इतर जिल्ह्यातील स्वस्त धान्य दुकानांना पुरवठा केला जातो. सन 2025-26 या खरीप हंगामात धान खरेदी केंद्रावर खरेदी केलेला धान भरडाई करुन सीएमआर तांदूळ जमा करण्यात आला. हा तांदूळ अमरावती, बुलढाणा, जालना व वाशिम, मुंबई आदी जिल्ह्यांमध्ये वितरीत करण्यासाठी जिल्हा जोडणी आदेश निर्गमित करण्यात आले आहेत.

Gondia CMR Rice Scam : समितीला आठवडाभरात चौकशी अहवाल सादर करण्याचे विभागीय आयुक्तांचे निर्देश

दरम्यान, गोंदिया जिल्ह्यातून सीएमआर तांदळाची उचल व वितरण करताना तांदळाच्या गुणवत्तेबाबत व पुरवठ्यासंबंधित जिल्हा पुरवठा अधिकारी, लोकप्रतिनिधी संघटनांकडून शासनास तक्रारी करण्यात आल्या होत्या. सार्वजनिक वितरण प्रणालीतर्गत पात्र लाभार्थ्यांना चांगल्या दर्जाचा व एफएक्यू प्रतिचा तांदूळ विहित कालावधीत मिळणे आवश्यक आहे. मात्र गोंदिया जिल्ह्यातून पुरवठा करण्यात आलेल्या तांदळाची गुणवत्ता निकृष्ट दर्जाची असल्याच्या तक्रारी विभागीय आयुक्त नागपूर व संबंधित विभागाकडे करण्यात आल्या. याचीच दखल घेत अन्न, नागरी पुरवठा व ग्राहक संरक्षण विभाग, मंत्रालय, मुंबई यांच्या निर्देशानुसार गोंदिया जिल्ह्यामधून उचल करण्यात आलेल्या तांदळाच्या अनुषंगाने प्राप्त तक्रारींची तात्काळ चौकशी करण्यासाठी विभागीय आयुक्तांनी 1 ऑक्टोबर 2026 रोजी चार सदस्यीय चौकशी समिती गठित केली आहे. तसेच या समितीला आठवडाभरात चौकशी अहवाल सादर करण्याचे निर्देश विभागीय आयुक्तांनी दिले आहेत.आज पासून गोंदिया जिल्ह्यात ही समिती येणार असून चौकशी करणार असल्याची माहिती आहे.

इतर महत्वाच्या बातम्या

Bhandara Crime News : भंडारा हादरलं! जुन्या वादाचा वचपा, 7 ते 8 जणांचा एकट्या तरुणावर प्राणघातक हल्ल्या; अल्पवयीनासह तिघांना अटक

Bhandara Crime News : भंडारा हादरलं! जुन्या वादाचा वचपा, 7 ते 8 जणांचा एकट्या तरुणावर प्राणघातक हल्ल्या; अल्पवयीनासह तिघांना अटक

प्रशांत देसाई — Tue, 6 Oct 2026 09:42:17 +0530

Bhandara Crime News: भंडारा शहराच्या गुन्हेगारी विश्वातून एक मोठी बातमी समोर आली आहे. जुन्या वादाचा (Bhandara Crime News) वचपा काढण्यासाठी 7 ते 8 जणांनी एका तरुणावर धारदार शस्त्रानं प्राणघातक हल्ला (Crime News) करून त्याला गंभीर जखमी केलं होतं. ही घटना भंडारा शहराच्या आंबेडकर वार्डात काल (सोमवारी) रात्री घडली होती. या घटनेनंतर सर्व आरोपी फरार झाले होते. दरम्यान घटनेची माहिती मिळताच पोलिसांनी तपासाचे चक्र गतिमान करत या प्रकरणातील तीन आरोपींना भंडारा पोलिसांनी अटक केली असून त्यात एका अल्पवयीनाचा समावेश आहे. (Bhandara Crime News)

Bhandara Crime News: फरार आरोपींच्या शोधात भंडारा पोलिसांचे पथक वेगवेगळ्या ठिकाणी रवाना

मिळालेल्या माहितीनुसार, विकी मोगरे (28) असं या हल्ल्यात गंभीर जखमी झालेल्या तरुणाचं नाव असून सध्या त्याच्यावर भंडारा मेडिकल कॉलेजमध्ये उपचार करण्यात येत आहे. रौनक कोलाडकर (19) आणि प्रज्वल नेरकर (18) असं पोलिसांनी अटक केलेल्या दोघांची नावं आहेत. तर, उर्वरित फरार असलेल्या आरोपींच्या शोधात भंडारा पोलिसांचे पथक वेगवेगळ्या ठिकाणी रवाना करण्यात आले आहे. मागील काही दिवसांमध्ये भंडारा शहरातील गुन्हेगारी वाढत असल्यानं शहरवासीयांमध्ये चिंता आणि भीतीचं वातावरण पसरलं आहे.

Gondia Crime : भरधाव कारचा टायर फुटल्याने नियंत्रण सुटले, कारची स्कुटीला धडक; आजोबांचा मृत्यू, तर 19 वर्षीय नात गंभीर

गोंदियाच्या मोरगाव अर्जुनी तालुक्यातील कोरंभी येथे चारचाकी वाहन आणि स्कुटीची भीषण धडक झाली. या अपघातात स्कुटीस्वार साधु नाकाडे (वय 70 वर्षे, रा. कोरंभीटोला) यांचा मृत्यू झाला, तर त्यांच्यासोबत असलेली 19 वर्षीय नात गंभीर जखमी झाली आहे. साधु नाकाडे हे आपल्या नातीसह स्कुटीने अर्जुनी-मोरगावकडून कोरंभीटोला येथे जात होते. याचवेळी वडसाकडून अर्जुनी-मोरगावच्या दिशेने येणाऱ्या चारचाकी वाहनाचे अचानक टायर फुटले. त्यामुळे चालकाचे वाहनावरील नियंत्रण सुटून चारचाकीने समोरून येणाऱ्या स्कुटीला जोरदार धडक दिली. या अपघातात साधु नाकाडे गंभीर जखमी झाले. त्यांना उपचारासाठी दाखल करण्यात आले असता त्यांचा मृत्यू झाला. त्यांची 19 वर्षीय नात गंभीर जखमी असून तिच्यावर उपचार सुरू असल्याची माहिती आहे. अपघातग्रस्त चारचाकी वाहन कुणाल सुकारे, रा. विसोरा हे चालवत असल्याची प्राथमिक माहिती आहे. चारचाकीचे टायर फुटल्याने वाहनावरील नियंत्रण सुटल्यामुळे हा अपघात झाल्याचे प्राथमिकदृष्ट्या सांगण्यात येत आहे. घटनेची नोंद मोरगाव अर्जुनी पोलिसांनी घेतली आहे.

इतर महत्वाच्या बातम्या

Buldhana Crime: बुलढाणा हादरलं! दोन गटातील किरकोळ वादानं संतापाचं टोक गाठलं; तुंबळ हाणामारीत शिंदेसेनेच्या विद्यमान नगरसेवकासह राष्ट्रवादीच्या कार्यकर्त्याचाही मृत्यू

Gondia Crime: बिबट्याच्या कातडीची तस्करी, नागपूरच्या महसूल गुप्तचर पथकाची मोठी कारवाई; माजी उपसरपंचासह दोघांना अटक, स्थानिक वन विभागाच्या भूमिकेवरही प्रश्नचिन्ह

प्रशांत देसाई — Wed, 30 Sep 2026 07:57:01 +0530

Gondia Crime News : गोंदिया जिल्ह्यातील देवरी तालुक्यात बिबट्याच्या कातडीच्या तस्करीचा (Leopard Skin Smuggling Case) धक्कादायक प्रकार समोर आला आहे. बिबट्याची कातडी विक्री करण्याच्या प्रयत्नात असलेल्या दोघांना नागपूरच्या महसूल गुप्तचर संचालनालयाच्या (Nagpur Directorate of Revenue Intelligence) प्रादेशिक युनिटने अटक केली आहे. देवरी-पुराडा मार्गावरील ढिवरिनटोला परिसरात सापळा रचून धनराज उईके आणि नीलकंठ पांढरे यांना ताब्यात घेण्यात आले आहे. यातील धनराज उईके हा माजी उपसरपंच असल्याची माहिती आहे. आरोपींकडून पांढऱ्या कापडात गुंडाळलेली बिबट्याची कातडी जप्त करण्यात आली आहे. कारवाईनंतर दोन्ही आरोपींना पुढील तपासासाठी देवरी वन विभागाच्या ताब्यात देण्यात आले आहे. (Gondia Leopard Skin Smuggling Case)

दरम्यान, ही कातडी कुठून आणली, कोणाला विक्री केली जाणार होती आणि या तस्करीमागे मोठे रॅकेट आहे का, याचा तपास सुरू आहे. दरम्यान, नागपूरच्या पथकाने कारवाई केल्याने स्थानिक वन विभागाच्या (Forest Department) भूमिकेवरही प्रश्न उपस्थित होत आहेत. परिणामी या प्रकरणी आता पुढे नेमकं काय घडतं हे पाहणे महत्वाचे ठरणार आहे.

Gondia Crime: गोंदियाच्या सौंदड येथील एका घरातून 2 किलो 630 ग्रॅम गांजा जप्त; पोलिसांनी केली एका आरोपीला अटक

गोंदियाच्या डुग्गीपार पोलिसांनी गुप्त माहितीच्या आधारे सडक अर्जुनी तालुक्यातील सौंदड येथील शास्त्री वार्डात कारवाई करत एका घरावर छापा टाकला. या कारवाईत पोलिसांनी 2 किलो 630 ग्राम गांजा जप्त केला असून एका आरोपीला ताब्यात घेतले आहे. जप्त करण्यात आलेल्या गांजाची बाजारातील किंमत सुमारे 1 लाख 31 हजार 500 रुपये असल्याचे सांगण्यात येत आहे. विदेश बडोले याच्या घरावर छापा टाकून झाडाझडती घेतली. या झाडाझडतीत पोलिसांना घरातून 2 किलो 630 ग्राम गांजा आढळून आला. पोलिसांनी पंचांसमक्ष पंचनामा करून गांजा आणि ईतर साहित्य जप्त केले आहे. या प्रकरणी डुग्गीपार पोलीस ठाण्यात गुन्हा दाखल करण्यात आला असून आरोपी विदेश बडोले याला ताब्यात घेण्यात आले आहे.

Wardha News: पवनगाव परीसरातील हल्लेखर वाघीण अखेर 18 दिवसानंतर जेरबंद; शेतकऱ्यांनी घेतला सुटकेचा निःश्वास

वर्ध्याच्या समुद्रपूर तालुक्यातील पवनगाव (करूळ) परिसरात वाघाने दहशत निर्माण करून अनेक जनावरांना ठार केले होते. 8 सप्टेंबरला पवनगाव येथील विशाल मून याच्यावर हल्ला चढवून गंभीर जखमी केले. तर 9 सप्टेंबरला शेतपिक सर्वेक्षणासाठी गेलेल्या दोघांवर हल्ल्याचा प्रयत्न केला होता. यामुळे परिसरात भीतीचे वातावरण निर्माण झाले आहे. आमदार समिर कुणावार यांनी यासंबंधी थेट वनमंत्री गणेश नाईक यांना फोन करून तातडीने या वाघीणीला जेरबंद करण्याची मागणी केली होती. शेवटी 18 दिवसांनंतर हल्लेखोर वाघीणीला पकडण्यात वनविभागाच्या टिमला यश मिळाले आहे. आमदार समीर कुणावार यांनी घटनास्थळी भेट देत पाहणी केली. परिणामी आता शेतकऱ्यांनी अखेर सुटकेचा निःश्वास सोडला आहे.

इतर महत्वाच्या बातम्या

High Court: सरकारी अधिकारी हे जनतेचे सेवक, मालक नाहीत.., सरकारी अधिकाऱ्यांच्या ढिसाळ कारभारावर हायकोर्टाचे कडक शब्दात ताशेरे

पदकप्राप्त पोलिसाकडून शरीरसुखाची मागणी, तरुणीने संपवले जीवन; अखेर तीन वर्षांनी माहिती रिकव्हर, गुन्हा दाखल

देवेंद्र रहांगडाले — Fri, 25 Sep 2026 14:57:51 +0530

गोंदिया : पदकप्राप्त पोलिस (Police) कर्मचाऱ्यावर तरुणीच्या आत्महत्या प्रकरणात तब्बल तीन वर्षांनी गुन्हा दाखल करण्यात आला आहे. मोबाईलमधील डाटा मिळताच प्रकरणाचा उलगडा झाल्याने ही कारवाई करण्यात आली. जिल्ह्याच्या देवरी तालुक्यात तीन वर्षांपूर्वी तरुणीने आत्महत्या केल्याची घटना घडली होती. चिचगड (Gondia) पोलिस ठाण्याच्या हद्दीतील या घटनेत आता तपासाला गती मिळाली आहे. याप्रकरणी, आरोपींवर भादंवि अन्वये मृत्यूस कारणीभूत असल्याचा गुन्हा दाखल करण्यात आला.

एका तरुणासोबत प्रेमसंबंध असलेल्या 18 वर्षीय तरुणीच्या आयुष्यात पोलिस कर्मचाऱ्याने हस्तक्षेप केल्याचा व तिला अश्लील संदेश पाठवून शरीरसुखाची मागणी केल्याचा धक्कादायक प्रकार पोलिसांच्या तपासातून समोर आला आहे. या प्रकरणातील तरुणीने 9 नोव्हेंबर 2023 रोजी स्वतःच्या अंगावर पेट्रोल टाकून आत्महत्या केली होती. याप्रकरणी तब्बल तीन वर्षांनंतर तिच्या मोबाईलमधून डिलीट करण्यात आलेला माहितीसाठा न्यायवैद्यकीय प्रयोगशाळेतून प्राप्त झाल्यानंतर प्रकरणाला नवे वळण मिळाले आहे.

गोंदियाच्या चीचगड पोलीस स्टेशन हद्दीतील एका तरुणीला आत्महत्येस प्रवृत्त केल्याच्या आरोपावरून तिचा प्रियकर विकेश अंबादे रा. चिपोटा, ता. देवरी आणि त्यावेळी देवरी येथील नक्षल गोपनीय शाखेत कार्यरत असलेला पोलिस कर्मचारी ओमप्रकाश जामनिक (वय 44) सध्या रा. अकोला यांच्याविरुद्ध चिचगड पोलिसांनी गुन्हा दाखल केला आहे. तरुणीने 9 नोव्हेंबर 2023 रोजी दुपारी 1.30 वाजता सुमारास राहत्या घरी स्वतःच्या अंगावर पेट्रोल टाकून पेटवून घेतले होते. तरुणी आणि विकेश यांच्यात प्रेमसंबंध असल्याचे तसेच दोघांमध्ये वारंवार वाद होत असल्याचे व्हॉट्सअॅप संभाषणातून समोर आले. याच माहितीच्या आधारे पोलिस कर्मचारी जामनिक याने तरुणीला स्वतःचे अश्लील छायाचित्र पाठविल्याचा व तिच्याकडे शरीरसुखाची मागणी करणारे संदेश केले होते. या प्रकारामुळे तरुणी आणि तिच्या प्रियकरामध्ये वाद निर्माण झाल्याचेही तपासात समोर आल्याचे नमूद आहे.

मृत्यूस कारणीभूत, गुन्हा दाखल

दरम्यान, तरुणीच्या वडिलांनी तिच्या आत्महत्येस जबाबदार व्यक्तींवर कारवाई करण्याची वारंवार मागणी केली होती. 29 नोव्हेंबर 2023 रोजी सरकारी अभियोक्त्यांकडून अभिप्राय घेण्यात आला होता. याप्रकरणी सहायक पोलिस निरीक्षक जनार्दन हेगडकर यांच्या तक्रारीवरून विकेश अंबादे याच्याविरुद्ध कलम ३०६, ५०४, ५०६ भादंवि अन्वये, तर जामनिक याच्याविरुद्ध भादंविच्या कलम ३५४ (अ), ५०९ अन्वये गुन्ह्यात वाढ करण्यात आली आहे. मात्र, अद्याप आरोपीला अटक करण्यात आली नाही.

हेही वाचा

तुमच्याच बगलेत जाऊन रडण्याचं नाटक करेल; सुषमा अंधारेंचा मुख्यमंत्र्यांवर निशाणा, जयकुमार गोरेंनाही टोला