बदला!! वडिलांचा मारेकरी 9 महिन्यांनी जामीनावर सुटला, गावातच गाठून बदला घेतला, महाराष्ट्र हादरला!

मामाच्या घरी भाचीकडून डल्ला, सोन्याचे दागिने पळवले; पोलिसांनी शौचालयातून काढले, असा केला उलगडा

देवेंद्र रहांगडाले — Wed, 22 Apr 2026 15:01:18 +0530

गोंदिया : आधी दागिने चोरले अन् कारवाईच्या भीतीने चोरलेले दागिने (Gold) शौचालयात टाकल्याचा धक्कादायक प्रकार समोर आला आहे. गोंदियाच्या (Gondia) आमगाव तालुक्यातील शिवनी येथील चोरीच्या घटनेचा अखेर पोलिसांनी उलगडा केला. विशेष म्हणजे, भाचीनेच मामाच्या घरुन सोन्या-चांदीचे दागिने पळविले होते, मात्र कारवाईच्या भीतीने घरातीलच शौचालयात दागिने टाकून दिले. वाढदिवसाच्या कार्यक्रमासाठी गेलेल्या भाचीने मामाच्या घरातच 2 लक्ष रुपयांच्या दागिन्यांवर हात साफ करून कारवाईच्या भीतीने काही दागिने तलावात पुरुन ठेवले, तर काही दागिने घरातील शौचालयात टाकले होते. याप्रकरणी, पोलिसांत फिर्याद दिल्यानंतर तपासाअंती सत्य बाहेर आलं.

आमगाव पोलीस स्टेशन अंतर्गत येणाऱ्या शिवणी येथील संगीता पाथोडे (39) यांनी आमगाव पोलिसात केलेल्या तक्रारीनुसार, त्यांच्या नणंदेच्या घराचे बांधकाम सुरू असल्याने त्यांनी आपले सोन्याचे दागिने सुरक्षित ठेवण्यासाठी संगीता पाथोडे यांच्याकडे दिले होते. हे दागिने संगिताने पिशवीत गुंडाळून घरातील बेडरुममधील लाकडी पेटीत ठेवले होते. परंतु, 14 मार्च रोजी आरोपी भाग्यश्री मेंढे ही भाची वाढदिवसाच्या कार्यक्रमाला लहान मुलाला घेऊन संगीताकडे मुक्कामी आली होती. 14 मार्च रोजी सायंकाळी संगिताने ते दागिने भाग्यश्रीला दाखविले होते. ते दागिने पाहून भाग्यश्रीला मोह सुटला आणि सायंकाळ होताच कुणी आपल्याला बघत नसल्याची संधी साधून तिने ते दागिने आपल्या बॅगमध्ये टाकले. दुसऱ्या दिवशी, म्हणजेच 15 मार्च रोजी ती आपल्या गावी भोसा येथे ते दागिने घेऊन निघून गेली.

इकडे घरात दागिन्यांची चोरी झाल्याचा कांगावा झाल्याने 22 मार्च रोजी दूरध्वनीवरून भाग्यश्रीला देखील विचारणा झाली. परंतु, तिने आपण चोरी केली नाही, असे सांगितले. दरम्यान सोन्याचे 3 हार, 3 जोड कानातले, 3 अंगठ्या, 1 जोड पायल व 3 जोड नथ, असे एकूण 2 लाख रुपयांचे दागिने चोरीला गेल्याचे आमगाव पोलिसांनी तक्रारीत नमूद केले होते. या प्रकरणाचा तपास करताना पोलीस पथकाने संशयित आरोपी भाग्यश्री ही चोर असल्याचे उघडकीस आणले.

पोलिसांनी खोदकाम करुन दागिने बाहेर काढले

दरम्यान, पोलिसांनी कसून चौकशी केली असता आरोपीने कारवाईच्या भीतीने काही दागिने शौचालयात टाकल्याचे तर काही दागिने हे कामठा येथील तलावात लपवून ठेवल्याचे सांगितले. त्यानंतर पोलिसांनी खोदकाम करून दोन्ही ठिकाणचे दागिने हस्तगत केले आहेत. या घटनेचा पुढील तपास उपविभागीय पोलीस अधिकारी प्रमोद मडामे यांच्या मार्गदर्शनाखाली सुरू आहे.

हेही वाचा

मुनी निलेशचंद्रांचं पुन्हा वादग्रस्त वक्तव्य; जरांगे पाटलांचं नाव घेतलं, म्हणाले, RSS नसतं तर हिंदूंच्या डोक्यावर भगवी टोपी नसती

जमीनीच्या वादातून शेतकऱ्याला संपवलं, धक्कादायक घटनेनं गोंदिया हादरलं, सहा आरोपींना अटक

देवेंद्र रहांगडाले — Sun, 19 Apr 2026 21:38:32 +0530

Gondia News : गोंदिया जिल्ह्यातील गोरेगाव तालुक्यातील मलपुरी इथं धक्कादायक घटना घडली आहे. एका शेतकऱ्याचा मृतदेह गळा कापलेल्या स्थितीत आढळून आल्याची घटना गावातील शेतशिवारात उघडकीस आली होती. उसेन सेवकराम रहांगडाले असं या शेतकर्‍याचं नाव आहे. दरम्यान, गोंदिया पोलिसांच्या स्थानिक गुन्हे शाखेच्या पथकाने पोलीस निरीक्षक पुरुषोत्तम अहेरकर यांच्या मार्गदर्शनात पथक तयार करुन काही तासातच या घटनेचा उलगडा केला आहे.

पोलिसांनी एका विधी संघर्ष बालकासह 6 आरोपींना केली अटक

जमीनीच्या जुन्या वादातून त्यांची हत्या करण्यात आल्याचे पुढे आले आहे. याप्रकरणी पोलिसांनी एका विधी संघर्ष बालकासह 6 आरोपींना नागपूर जिल्ह्यातील बुट्टीबोरी येथून अटक केली आहे. मृत उसेन रहांगडाले हे शनिवारी आपल्या गुरांना घेऊन शेताकडे गेले होते. मात्र, काही वेळानंतर गावालगत असलेल्या नव्या तलाव परिसरात दगडी फरशीवर त्यांचा मृतदेह गळा कापलेल्या अवस्थेत आढळून आला होता. याप्रकरणी गोरेगाव पोलिसांनी मृताची पत्नी विमलाबाई उसेन रहांगडाले यांच्या तक्रारीवरून खूनाचा गुन्हा नोंद करुन तपासाला सुरुवात केली. घटनेचे गांभीर्य पाहता घटनेचा समांतर तपास स्थानिक गुन्हे शाखेकडे सोपवण्यात आला आहे. पथकाने गुप्त व तांत्रिक माहितीच्या आधारे काही तासातच या प्रकरणाचा उलगडा केला असून सदर खून आरोपी हेमराज चैतराम रहांगडाले व त्याचा मुलगा राहुल हेमराज रहांगडाले दोन्ही राहणार सुकळी बेलदार (बुट्टीबोरी) जि. नागपूर यांनी केल्याचे उघडकीस आले आहे. या आधारे स्थानिक गुन्हे शाखेच्या पथकाने रविवारी 19 एप्रिल रोजी दोघांनाही बुट्टीबोरी येथील त्यांच्या घरून ताब्यात घेत सखोल चौकशी केली. यावर मृतक व आरोपी यांच्यात घराच्या जागेवरून 5 वर्षांपासून वाद सुरु असून याचा राग मनात धरून आरोपींनी त्यांच्याकडे कामावर असलेले मध्यप्रदेशातील आरोपी राहुल जगराम कुंभरे (23) रा. हनोतिया, जि. छिंदवाडा, करण जगदिश नर्रे (24) अभिषेक फुलनसा नर्रे (19) दोही रा. पटनिया ता. जुन्नारदेव जि. छिंदवाडा, व एक विधीसंघर्ष बालक रा. मयारी ता. जुन्नारदेव जि. छिंदवाडा यांच्यासह मिळून कट रचून उसेन रहांगडाले यांचा खून केल्याचे कबूल केले.

याप्रकरणी स्थानिक गुन्हे शाखाच्या पथकाने सर्व आरोपींना अटक केली असून पुढील कारवाईसाठी गोरेगाव पोलिसांच्या स्वाधिन करण्यात आले आहे.

महत्वाच्या बातम्या:

Sheena Bora: शीना बोरा प्रकरणात नवा ट्विस्ट, आरोपपत्रातील आपले जबाब खोटे अन् काल्पनिक असल्याचा विधी मुखर्जीचा दावा

निवडणूक आयोगाच्या बेईमानीमुळेच देवेंद्र फडणवीस मुख्यमंत्री झालेत, नाना पटोलेंची जहरी टीका

प्रशांत देसाई — Sun, 12 Apr 2026 23:40:49 +0530

Nana Patole on Devendra Fadnavis : राहुल गांधी (Rahul Gandhi) हे स्वतःच्या अस्तितावासाठी नाही तर भारताच्या जनतेच्या अस्तित्वाची आणि संविधानासाठी लढाई लढत आहेत, असं वक्तव्य काँग्रेस नेते नाना पटोले (Nana Patole) यांनी केले. मुख्यमंत्री देवेंद्र फडणवीस (Devendra Fadnavis) यांनी चंद्रपूर येथील एका कार्यक्रमा दरम्यान काँग्रेस नेते राहुल गांधी यांच्या संदर्भात एक व्यक्तव्य केलं होतं. त्यांच्या वक्तव्यावर पटोलेंनी प्रत्युत्तर दिलं आहे. राहुल गांधी यांचा पराभव हा लोकांमुळे नाही तर निवडणूक आयोगाच्या चुकीच्या धोरणामुळे होत असल्याची टीका केली. भाजप जनतेचे मत चोरून बेइमानीन निवडून येत आहे. देवेंद्र फडणवीस जे मुख्यमंत्री आहेत ते निवडणूक आयोगाच्या बेईमानीमुळेच असल्याची गंभीर टीका काँग्रेस नेते नाना पटोलेंनी केली आहे.

पोटनिवडणुकीत बिनविरोध निवडणूक देण्याच्या परंपरेला भाजपनं ब्रेक लावला

महाराष्ट्रात ज्या काही पोटनिवडणुका झाल्या, त्यासाठी काँग्रेस पक्षानं बिनविरोध निवडून देण्याची परंपरा सुरू केली. पण, तिला ब्रेक करण्याचं काम भाजपनं केल्याची टीका नाना पटोले यांनी केली. त्यामुळेच मधल्या काळामध्ये ज्या निवडणुका झाल्या त्या काँग्रेसला लढण्याचा निर्णय घेतला. महाराष्ट्रात काँग्रेस पक्षाला जे पक्षाचे लोक गृहीत धरून चालतात त्यामुळेच आम्ही पक्षाच्या उमेदवाराचा फॉर्म भरला होता. मात्र, राज्याचे मुख्यमंत्री असतील, शरद पवार असतील, सुरेंद्र पवार असतील या सर्वांनी आमच्या पक्षाचे राष्ट्रीय अध्यक्ष खर्गे साहेबांना विनंती केली. त्यानंतर काँग्रेस पक्षांन आपला उमेदवार मागे घेतला. बारामती पोटनिवडणुकीत सुरेत्रा पवारच निवडून येतील असं चित्र असल्याची प्रतिक्रिया नाना पटोले यांनी दिली.

निवडणूक आयोग हा नरेंद्र मोदींचा आणि भाजपचा चपराशी

निवडणूक आयोग नरेंद्र मोदींचा चपराशी आहे. आम्ही याबाबत अनेकदा टीका केली. मात्र, आयोगाला काही वाटत नाही. सुप्रीम कोर्टाने ही निवडणूक आयोगाला खडेबोल सुनावले आहे. एसआयआर मध्ये निवडणूक आयोग दलित, मुस्लिमांचे वोट कमी करीत आहे. जाती आणि धर्माच्या आधारावर मतदार कमी करीत आहे....हा कोणता लोकतंत्र आहे? जे जिवंत आहेत, जे दिया देशाचे नागरिक आहेत त्यांना मतदान करण्याचा अधिकार आहे. 90 लाख मतदार पश्चिम बंगालमध्ये कमी करण्यात आले. मुख्यमंत्री देवेंद्र फडणवीस यांचा आता नरेंद्र मोदी आहे. त्याच्यामुळे मी चॅलेंज करतो एक वेळेस यांनी बॅलेट पेपरवर मतदान घ्यावं. राहुल गांधींची लोकप्रियता काय आहे त्यांना देशातील जनता कसे मतदान करतील हे त्यातून सिद्ध होईल. निवडणूक आयोग लोकतंत्रची रोज हत्या करत आहेत, त्याच उत्तर त्यांना द्यावं लागेल, अशी खरमरीत टीका नाना पटोले यांनी निवडणूक आयोगावर केली आहे.

Gondia Tiger Death: वाघ आला अन् कठडा नसलेल्या विहिरीत पडला; 'टायगर'चा मृत्यू, गोंदियात नागरिक धास्तावले

प्रशांत देसाई — Sun, 12 Apr 2026 16:37:11 +0530

Gondia: पाणी आणि शिकारीच्या शोधात भटकंती करणारा वाघ एका कठडा नसलेल्या विहिरीत पडून त्याचा दुर्दैवी मृत्यू झालाय. नवेगाव-नागझिरा व्याघ्र प्रकल्पातील सर्रा माल्ही गावाच्या शेतशिवारात वाघाचा हा मृतदेह विहिरीत आढळल्यानं मोठी खळबळ उडाली आहे. हा वाघ चार दिवसांपूर्वी शिकारीच्या किंवा पाण्याच्या शोधात इथल्या एका उघड्या विहिरीत पडला असावा, असा प्राथमिक अंदाज वर्तवण्यात येत आहे. वाघाचा मृतदेह तरंगताना दिसताच ग्रामस्थांनी वनविभागाला पाचारण केलं. वनविभागाच्या विशेष पथकानं अथक प्रयत्नांनंतर या मृत वाघाला विहिरीबाहेर काढलं. वाघाचा मृत्यू नेमका कशामुळे झाला? तो केवळ अपघाती होता की, यामागे शिकारीचा काही कट आहे? या प्रश्नांची उत्तरं आता उत्तरीय तपासणीनंतरचं स्पष्ट होतील. वनविभागानं 'व्हिसेरा सॅम्पल' प्रयोगशाळेत पाठवले आहेत. वनविभागाच्या अहवालात काय समोर येतं, याकडे सर्वांचं लक्ष लागलंय.

नेमकं घडलं काय?

गोंदिया जिल्ह्यातील नवेगाव-नागझिरा व्याघ्र प्रकल्पाच्या सीमेवर एक धक्कादायक घटना उघडकीस आली आहे. सर्रा माल्ही गावाच्या शेतशिवारात एका उघड्या, कठडा नसलेल्या विहिरीत पडून वाघाचा दुर्दैवी मृत्यू झाल्याची माहिती समोर आली आहे. या घटनेमुळे परिसरात मोठी खळबळ उडाली असून वन्यजीव सुरक्षेचा प्रश्न पुन्हा ऐरणीवर आला आहे.

मिळालेल्या प्राथमिक माहितीनुसार, संबंधित वाघ पाणी किंवा शिकारीच्या शोधात फिरत असताना तोल जाऊन या विहिरीत पडला असावा. ही विहीर पूर्णपणे उघडी असून तिच्याभोवती कोणतीही सुरक्षा व्यवस्था नसल्याने हा अपघात घडल्याचा अंदाज व्यक्त केला जात आहे. सुमारे चार दिवसांपूर्वी ही घटना घडली असावी, असा अंदाज वनविभागाने व्यक्त केला आहे. दरम्यान, विहिरीत वाघाचा मृतदेह तरंगताना दिसताच ग्रामस्थांनी तातडीने वनविभागाला माहिती दिली. घटनास्थळी पोहोचलेल्या वनविभागाच्या विशेष पथकाने मोठ्या प्रयत्नांनंतर मृत वाघाला विहिरीबाहेर काढले. या संपूर्ण कारवाईदरम्यान स्थानिक नागरिकांचीही मदत घेण्यात आली.

वाघांचे वाढते मृत्यू चिंताजनक

राष्ट्रीय व्याघ्र संवर्धन प्राधिकरणाच्या आकडेवारीनुसार 2025 मध्ये देशभरात एकूण 169 वाघांचे मृत्यू झाले होते. महाराष्ट्रात 2025मध्ये तब्बल 41 वाघांचे मृत्यू झाले होते. वाघांचे नष्ट होत जाणारे नैसर्गिक अधिवास,जंगल तोड , मानवी हस्तक्षेप, आजारपण, आणि अवैध शिकारीसारख्या अनेक कारणांमुळे देशातील वाघांची संख्या कमी होत आहे.महाराष्ट्रातील एकूण वाघांच्या मृत्यूंपैकी सुमारे एक तृतीयांश मृत्यू हे व्याघ्र प्रकल्प किंवा संरक्षित क्षेत्राच्या बाहेर झाले आहेत.

शाळेचे गेट कोसळून विद्यार्थीनीचा मृत्यू, गोंदियामधील तिरोड्याच्या नगरपरिषद शाळेतील घटना, दोषींवर कारवाई करण्याची मागणी

प्रशांत देसाई — Sat, 11 Apr 2026 17:51:35 +0530

Gondia News : गोंदिया जिल्ह्यातील तिरोड्यात धक्कादायक घटना घडली आहे. शाळेच्या मुख्य प्रवेशद्वाराचे लोखंडी गेट कोसळल्याने त्यात दबून एका विद्यार्थिनीचा दुर्दैवी मृत्यू झाला आहे. ही घटना गोंदियाच्या तिरोड्याच्या लोधीटोला येथील नगरपरिषदद्वारा सुरु असलेल्या पीएम श्री राणी अवंतीबाई प्राथमिक शाळा इथं घडली आहे. निराली चाफले असं या दुर्घटनेत मृत पावलेल्या 11 वर्षीय विद्यार्थिनीचं नावं आहे.

मिळालेल्या माहितीनुसार, ही घटना आज दुपारी शाळा सुटल्यानंतर घडली. शाळा सुटल्यानंतर सर्व विद्यार्थी घराकडे जाण्यासाठी निघालेले असताना प्रवेशद्वाराचा भला मोठा लोखंडी गेट निरालीच्या अंगावर कोसळल्या यात ती गंभीर जखमी झाली. तिला तातडीने तिरोडा येथील एका खाजगी रुग्णालयात दाखल केलं. मात्र प्रकृती चिंताजनक असल्याने पुढील उपचारासाठी गोंदिया इथं नेत असताना तिचा वाटेत मृत्यू झाला. मृत निरालीची आई यात शाळेत मुख्याध्यापिका म्हणून कार्यरत आहेत. मृत निराली ही इयत्ता पाचवी वर्गात शिक्षण घेत होती. प्रकरणाची चौकशी करून दोषींवर कारवाई करावी, अशी मागणी पालकांनी केली आहे.

Amol Mitkari: अजितदादा लोकांच्या मनात; कोणी बॅनरवर फोटो लावो अथवा न लावो, फरक पडत नाही : अमोल मिटकरी

उमेश अलोणे, एबीपी माझा, अकोला — Wed, 8 Apr 2026 16:09:19 +0530

गोंदिया : गोंदिया जिल्ह्यातील तिरोडा येथे झालेल्या राष्ट्रवादी काँग्रेसच्या कार्यकर्ता मेळाव्यातील बॅनरवरून दिवंगत उपमुख्यमंत्री अजित पवारांचा फोटो गायब होता. या मेळाव्याला राष्ट्रवादी काँग्रेसचे राष्ट्रीय कार्याध्यक्ष प्रफुल पटेल (Praful Patel) यांनी संबोधित केलं. याआधी तटकरे यांनी घेतलेल्या एका मेळाव्यातही अजित पवारांचा फोटो वापरण्यात आला नव्हता. अजित पवारांच्या फोटोवरून आता राष्ट्रवादीचे आमदार अमोल मिटकरी (Amol Mitkari) यांनी पक्षातील नेत्यांना टोला लगावला आहे. अजित दादा हे लोकांच्या मनामनात आहेत. त्यामुळे कोणी फोटो लावला काय आणि नाही लावला यावरून काहीच फरक पडत नसल्याचं मिटकरी (Amol Mitkari) म्हणालेत.

Amol Mitkari: कार्यकर्त्यांची मन दुखावली जाणार नाहीत याची काळजी घ्यावी

फोटो न लावणारे लोक लोकांच्या मनातील अजित पवारांना कसे पुसून टाकतील? असा सवालही त्यांनी केला आहे. मात्र, पुढच्या काळात असे प्रकार होणार नाहीत आणि कार्यकर्त्यांची मन दुखावली जाणार नाहीत याची काळजी संबंधित नेत्यांनी घ्यावी, असं आवाहनही आमदार अमोल मिटकरी यांनी केलं आहे.

अमोल मिटकरी यांनी याबाबत म्हटलं की, ही गोष्ट खरी आहे की अजितदादांवर प्रेम करणारा वर्ग हा मोठ्या प्रमाणावर महाराष्ट्रात आहे, एखाद्या बॅनरवर दादांचे फोटो नसतील तरी दादा मनातून गेले असं होत नाही, दादा प्रत्येकाच्या घराघरात आहेत मनामनात आहेत, 18 पगड जातीच्या मनात दादा आहेत, त्यामुळे कोणी फोटो टाकले असतील कोणी टाकले नसतील याला त्याला महत्त्व नाही. फोटो टाकले काही नाही टाकले काय त्याने काही फरक पडत नाही, पण माझी विनंती आहे दादांना मानणारा वर्ग पुढे दुखावणार नाही याची काळजी प्रत्येक कार्यकर्त्यांनी घ्यावी, आणि अजित दादांचा योग्य तो सन्मान व्हावा असंही अमोल मिटकरी यांनी म्हटलं आहे.

Amol Mitkari: नेमकं प्रकरण काय?

गोंदिया जिल्ह्यातील तिरोडा शहरात नुकताच राष्ट्रवादी काँग्रेसचा कार्यकर्ता मेळावा मोठ्या उत्साहात पार पडला. आगामी राजकीय घडामोडींच्या दृष्टीने हा मेळावा महत्त्वाचा मानला जात होता. मात्र, या मेळाव्यासाठी शहरात लावण्यात आलेल्या अधिकृत बॅनरवर एक गोष्ट सर्वांच्या निदर्शनास आली. या बॅनरवर ज्येष्ठ नेते प्रफुल्ल पटेल आणि स्थानिक नेत्यांचे फोटो असताना, पक्षाचा मुख्य चेहरा राहिलेल्या दिवंगत अजित पवार यांचा फोटो मात्र गायब होता. राष्ट्रवादीच्या राष्ट्रीय अध्यक्षा आणि उपमुख्यमंत्री सुनेत्रा पवार यांचा स्थानिक नेत्यांसोबत लहान फोटो बॅनरवर दिसला.

धक्कादायक! नर्सिंग कॉलेजच्या 45 विद्यार्थिनींना जेवणातून विषबाधा, गोंदियाच्या शासकीय वैद्यकीय महाविद्यालयात उपचार सुरु

देवेंद्र रहांगडाले — Thu, 26 Mar 2026 16:37:02 +0530

गोंदिया : गोंदिया जिल्ह्यात धक्कादायक घटना घडली आहे. हिंगोलीच्या शासकीय नर्सिंग कॉलेजच्या 45 विद्यार्थिनींना जेवणातून विषबाधा झाल्याची घटना घडली आहे. विषबाधा झालेल्या सर्व विद्यार्थिनींवर शासकीय वैद्यकीय महाविद्यालयात उपचार सुरू आहेत. अन्न, पाण्याचे नमुने तपासणीसाठी पाठविण्यात आले आहेत.

गोंदिया येथील जिल्हा सामान्य रुग्णालयांतर्गत येणाऱ्या शासकीय नर्सिंग कॉलेजच्या 45 विद्यार्थिनींना विषबाधा झाली आहे. त्यांना उपचारार्थ शासकीय वैद्यकीय महाविद्यालयात दाखल करण्यात आले आहे. सर्व विद्यार्थिनींची प्रकृती धोक्याबाहेर असून त्यांच्यावर शासकीय वैद्यकीय महाविद्यालयात उपचार सुरु आहे. गोंदिया येथील जिल्हा सामान्य रुग्णालयांतर्गत बाई गंगाबाई महिला रुग्णालयाच्या आवारात शासकीय नर्सिंग कॉलेज आहे. येथे एकूण 185 विद्यार्थिंनी निवासी राहून नर्सिंगचे प्रशिक्षण घेत आहे. या सर्व विद्यार्थिनींना कॉलेजच्या कॅन्टीन मधून जेवण आणि नाश्ता दिला जातो. काल रात्री विद्यार्थिनी जेवण करुन झोपी गेल्या. यानंतर पहाटे दोन तीन विद्यार्थिनींना पोटदुखी त्रास व उलट्या होऊ लागल्याने त्यांना त्वरित उपचारार्थ मेडिकल कॉलेज येथे दाखल करण्यात आले. मात्र गुरुवारी सकाळी नर्सिंग कॉलेजच्या 45 विद्यार्थिंनींना नेमका असाच त्रास होवू लागला. त्यामुळे या सर्व विद्यार्थिंनींना तातडीने मेडिकल कॉलेज मध्ये दाखल करुन उपचार सुरु करण्यात आले. सध्या या सर्व विद्यार्थिनींची परिस्थिती धोक्यावर असल्याची माहिती शासकीय वैद्यकीय महाविद्यालयाचे अधिष्ठाता कुसुमाकर घोरपडे यांनी एबीपी माझाला दिली आहे.

महत्वाच्या बातम्या:

Gondia Food Poisoning : लग्नाच्या जेवणातून 55 ते 60 जणांना विषबाधा; 4 जणांची प्रकृती चिंताजनक, गोंदियाच्या गोरेगावातील घटना

अवकाळी पावसाचा धुमाकूळ! फळ उत्पादक शेतकऱ्यांना मोठा फटका, राज्यात कुठं कुठं पडतोय पाऊस?

एबीपी माझा ब्युरो — Wed, 18 Mar 2026 21:04:38 +0530

Maharashtra Unseasonal Rain : राज्यात सध्या अवकाळी पावसानं धउमाकूळ घातला आहे. अनेक ठिकाणी वादळी वाऱ्यासह गारांचा पाऊस सुरु झाला आहे. याचा मोठा फटका शेती पिकांना बसत आहे. विशेषत फळ बाग शेतकरी मोठ्या चिंतेत आहेत. द्राक्ष बागांसह, आंबा, काजू, केळी उत्पादक शेतकऱ्यांचे मोठे नुकसान होत आहे. दरम्यान, राज्याच्या कोणकोणत्या भागात अवकाळी पाऊस झाला त्याबाबतची माहिती पाहुयात.

सोलापूर जिल्ह्यातील सांगोला तालुक्यात गारांचा तुफान पाऊस

सांगोला तालुक्यातील जुनोनी जुजारपूर वगैरे परिसरात गेले दोन तासापासून तुफानी गारांचा पाऊस सुरू असल्याने द्राक्ष आंबा आणि डाळिंबाचे मोठे नुकसान झाले आहे. गेल्या दोन तासापासून मेघगर्जनेसह गारांचा अक्षरशः सडा सर्वत्र पडत असून यामुळे शेतातील द्राक्षांचे मणी फुटले आहेत तर डाळिंबाचा मोहोर गळून पडला आहे. त्याशिवाय फळाला आलेल्या केशर आंब्याचे ही मोठे नुकसान झाले असून अनेक कैऱ्या पडून गेल्याने शेतकऱ्यांचे मोठे नुकसान झाले आहे. काढणीला आलेला गहू आणि शेतातून उतरवलेल्या ज्वारीलाही याचा मोठा फटका बसला आहे. आज सायंकाळी बीजाचा कडकडाट आणि वादळी वाऱ्यानंतर या गाराच्या पावसाला सुरुवात झाली. दरम्यान डिकसळ येथे एका झाडावर वीज पडून झाड भस्मसात झाल्याची माहिती समोर आली आहे जुनोनी , तिप्पेहळी ,जुजारपूर , करांडेवाडी , गौडवाडी , कोळे , बुद्धेहाळ या सांगोला तालुक्यातील परिसरामध्ये जोरदार गारांचा पाऊस झाला आहे. शेतमालाचे बरेच नुकसान झाल्याची शक्यता आहे.

सातारा जिल्ह्यातील फलटण तालुक्यात गारांचा मोठा पाऊस

सातारा जिल्ह्यात सकाळपासूनच ढगाळ वातावरण असून आज संध्याकाळच्या सुमारास फलटण तालुक्यात धुमाळवाडी सह गिरवी भागात विजेच्या कडकडाटासह गारांचा पाऊस झाला. या पावसामुळं काढणीस आलेल्या पिकांसह धुमाळवाडीतील डाळिंब फळा बरोबर आंब्याचा मोहराचे देखील नुकसान होण्याची शक्यता वर्तवली जात आहे. साधारण अर्धा तास पडलेल्या गारपिटीमुळे याचा पिकांवर परिणाम होणार आहे.

अवकाळी पापवासामुळं नाशिक जिल्ह्यात शेती पिकांचं नुकसान

नाशिक जिल्ह्यातील ताहाराबाद येथे अवकाळी पावसानं हजेरी लावली आहे, यामुळं शेती पिकांचं मोठं नुकसान झालं आहे. वादळ वारा व विजेच्या कडकडाटासह गारपीट झाली आहे. काढणीला आलेला कांदा व शेती पिकांचे नुकसान होण्याची शक्यता आहे. सटाणा तालुक्यातील मुल्हेर, अंतापूर, ताहाराबाद परिसरात जोरदार पाऊस सुरु आहे. बाजारपेठेतील व्यापारी वर्गाची पावसामुळे झाली धावपळ झाली.

गोंदियाच्या मोरगाव अर्जुनी तालुक्यात वादळी वाऱ्यासह गारपीट

गोंदियाच्या मोरगाव अर्जुनी तालुक्यातील शिरोली महागाव परिसरात आज अचानक वादळी वारा व गारपिटसह अवकाळी पावसाने हजेरी लावली. अवकाळी पाऊस व गारपिटीमुळे मका पिकाला फटका बसण्याची शक्यता आहे. हवामान विभागाच्या वतीने महाराष्ट्रातील काही भागांमध्ये अवकाळी पावसाची शक्यता वर्तविण्यात आली होती. हवामान विभागाचा हा अंदाज खरा ठरला असून गोंदिया जिल्ह्याच्या मोरगाव अर्जुनी तालुक्यातील महागाव शिरोली परिसरात अचानक गारपटीसह अवकाळी पावसाने हजेरी लावली. या पावसामुळं मका पिकाला फटका बसण्याची शक्यता असून धान पिकाला या पावसाचा फायदा होणार आहे. अचानक आलेल्या पावसामुळं वातावरणात गारवा निर्माण झाला आहे.

छत्रपती संभाजीनगर जिल्ह्यातही अवकाळी पाऊस

छत्रपती संभाजीनगर जिल्ह्यात सध्या कडाक्याचे ऊन पडत असतानाच, सोयगाव शहरात निसर्गाचे वेगळेच रुप पाहायला मिळाले. दुपारच्या सुमारास अचानक वातावरणात बदल झाला आणि ढगांच्या गडगडाटासह अवकाळी पावसाने जोरदार हजेरी लावली. या पावसाने नागरिकांची चांगलीच तारांबळ उडावली. केवळ पाऊसच नाही, तर सोयगाव शहर आणि परिसरात मोठ्या प्रमाणात गारांचा वर्षाव झाला आहे. रस्त्यावर आणि घरांच्या छतावर गारांचा पांढरा शुभ्र थर साचलेला पाहायला मिळत होता. मार्च महिन्याच्या उत्तरार्धात अशा प्रकारे गारा पडल्याने स्थानिक नागरिकही अवाक झाले आहेत. या गारपिटीमुळे हवेत तात्पुरता गारवा निर्माण झाला असला तरी, हे संकट अधिक गडद होण्याची भीती व्यक्त होत आहे.

धक्कादायक! अल्पवयीन मुलीचं मध्य प्रदेशात अपहरण करुन अत्याचार, आरोपीवर पोक्सो अंतर्गत गुन्हा दाखल

देवेंद्र रहांगडाले — Wed, 18 Mar 2026 18:35:58 +0530

Gondia Crime News : गोंदियामध्ये एक धक्कादायक घटना घडली आहे. एका अल्पवयीन मुलीचे अपहरण करुन तिच्यावर बलात्कार केल्याची घटना समोर आली आहे. या प्रकरणी एका मुस्लिम तरुणावर पोक्सो (POCSO) कायद्यानुसार गुन्हा दाखल करण्यात आला आहे. आरोपी तरुणाला रामनगर पोलिसांनी अटक केली आहे. आरोपीवर कठोर कारवाई व्हावी, अशी मागणी सकल हिंदू समाजानं केली आहे. पोलीस निरीक्षकांना निवेदन देत कारवाई झाली नाही तर आंदोलनाचा इशारा देखील देण्यात आला आहे.

आरोपीने पीडित मुलीला मध्यप्रदेश राज्याच्या बालाघाट येथे नेऊन अत्याचार केला

गोंदियाच्या रामनगर पोलिसांनी एका अल्पवयीन मुलीचे अपहरण करुन तिच्यावर बलात्कार केल्याप्रकरणी एका मुस्लिम तरुणाविरुद्ध पोक्सो कायद्यांतर्गत गुन्हा दाखल करून त्याला अटक केली आहे. आरोपीने पीडित मुलीला मध्यप्रदेश राज्याच्या बालाघाट येथे नेऊन तिच्यावर अत्याचार केले. त्याची माहिती पीडित मुलीने आपल्या वडिलांना दिली होती. त्यानंतर वडिलांनी रामनगर पोलीस स्टेशन येथे तक्रार दिली आहे. आरोपीच्या विरोधात पोलिसांनी पोक्सो कायद्याअंतर्गत गुन्हा दाखल केला असून आरोपीला अटक करून आज न्यायालयात हजर केले आहे. या प्रकरणानंतर सकल हिंदू समाजाने आक्रमक भूमिका घेतली असून आज शेकडो हिंदू समाज बांधवांनी पोलीस स्टेशन रामनगर चे पोलीस निरीक्षक प्रवीण बोरकुटे यांची भेट घेत या प्रकरणात कठोर कारवाई करण्यात यावी अन्यथा सकल हिंदू समाज रस्त्यावर उतरून आंदोलन करेल असा इशारा विश्व हिंदू परिषद तसेच सकल हिंदू समाजाच्या वतीने देण्यात आला आहे.

बीडच्या केजमध्ये बघण्याच्या किरकोळ कारणावरुन तरुणालाजबर मारहाण

बीडच्या केज तालुक्यातील कुंबेफळ येथे एका युवकाला बघण्याच्या किरकोळ कारणावरून तिघांनी लोखंडी रॉड, केबल व लाकडाने बेदम मारहाण केल्याची घटना घडली आहे. घरासमोर उभा असलेल्या निसार शेख याला माझ्याकडे काय बघतोस? मी तुला जिवंत सोडणार नाही अशी धमकी देत तिघांनी मारहाण केली. यावेळी या भांडणाचे व्हिडिओ काढत असल्याचे लक्षात आल्यानंतर निसारच्या पत्नीच्या हातातील मोबाईल हिसकवून घेऊन हल्लेखोर पळून गेले. नातेवाईकांच्या मदतीने जखमी निसार याला केज उपजिल्हा रुग्णालयात प्रथमोपचारानंतर अंबाजोगाई येथील शासकीय रुग्णालयात उपचारासाठी हलवण्यात आले. दरम्यान याप्रकरणी निसार शेख यांची पत्नी शाहीन शेख हिच्या तक्रारीवरून रोहित दीपक थोरात, स्वप्निल दीपक थोरात आणि ज्ञानेश्वर अशोक थोरात या तिघांविरुद्ध युसुफ वडगाव पोलीस ठाण्यात गुन्हा दाखल करण्यात आला असून या प्रकरणाचा अधिकचा तपास पोलीस करत आहेत.

बदला!! वडिलांचा मारेकरी 9 महिन्यांनी जामीनावर सुटला, गावातच गाठून बदला घेतला, महाराष्ट्र हादरला!

देवेंद्र रहांगडाले — Tue, 17 Mar 2026 17:32:31 +0530

Gondia Crime News : गोंदिया जिल्ह्यातील गोरेगाव तालुक्यात धक्कादायक घटना घडली आहे. 9 महिन्यांनी वडिलांच्या मारेकऱ्याचा बदला घेतल्याची घटना घडली आहे. वडिलांचा मारेकरी जामीनावर सुटून बाहेर आला होता, यावेळी गावातच गाठून मुलाने त्याचा बदला घेतला आहे. या घटनेनं महाराष्ट्र हादरला आहे. गोंदियाच्या गोरेगाव तालुक्यातील पालेवाडा इथं ही घटना घडली आहे.

गोंदियाच्या गोरेगाव तालुक्यातील पालेवाडा हेटी येथे जुन्या वैमनस्यातून एका तरुणाची तलवारीने निर्घृणपणे हत्या करण्यात आली आहे. भुरु उर्फ देवेंद्र ताराम (25) असे हत्या करण्यात आलेले तरुणाचे नाव आहे. 9 महिन्यांपूर्वी मृतक देवेंद्र याने आरोपी सुनील कांबळे याचे वडील आसाराम कांबळे याची जादूटोणाच्या संशयातून हत्या केली होती. 8 दिवसांपूर्वी जामिनावर तुरुंगातून सुटल्यानंतर मृतक देवेंद्र हा आपल्या गावी परतला होता. मृतक देवेंद्र गावात परत आल्याचे कळताच आरोपी सुनील याने आपल्या वडिलांच्या हत्येचा बदला घेण्याचे चंग बांधला होता. त्याने संधी साधून मृतक देवेंद्रला गावातच पकडले व तलवारीने सपासप वार केले. मान, हात, पाय आणि पोटाला झालेल्या गंभीर जखमांमुळं देवेंद्रचा जागीच मृत्यू झाला. या घटनेनंतर आरोपी सुनील कांबळे याने पोलीस पाटलांसमोर समर्पण केले. याप्रकरणी गोरेगाव पोलिसांनी गुन्हा दाखल केला असून तपास सुरु आहे.

महत्वाच्या बातम्या:

बदला!! वडिलांचा मारेकरी 9 महिन्यांनी जामीनावर सुटला, गावातच गाठून बदला घेतला, महाराष्ट्र हादरला!

मामाच्या घरी भाचीकडून डल्ला, सोन्याचे दागिने पळवले; पोलिसांनी शौचालयातून काढले, असा केला उलगडा

पोलिसांनी खोदकाम करुन दागिने बाहेर काढले

हेही वाचा

जमीनीच्या वादातून शेतकऱ्याला संपवलं, धक्कादायक घटनेनं गोंदिया हादरलं, सहा आरोपींना अटक

पोलिसांनी एका विधी संघर्ष बालकासह 6 आरोपींना केली अटक

Sheena Bora: शीना बोरा प्रकरणात नवा ट्विस्ट, आरोपपत्रातील आपले जबाब खोटे अन् काल्पनिक असल्याचा विधी मुखर्जीचा दावा

निवडणूक आयोगाच्या बेईमानीमुळेच देवेंद्र फडणवीस मुख्यमंत्री झालेत, नाना पटोलेंची जहरी टीका

पोटनिवडणुकीत बिनविरोध निवडणूक देण्याच्या परंपरेला भाजपनं ब्रेक लावला

निवडणूक आयोग हा नरेंद्र मोदींचा आणि भाजपचा चपराशी

Gondia Tiger Death: वाघ आला अन् कठडा नसलेल्या विहिरीत पडला; 'टायगर'चा मृत्यू, गोंदियात नागरिक धास्तावले

नेमकं घडलं काय?

वाघांचे वाढते मृत्यू चिंताजनक

Amol Mitkari: अजितदादा लोकांच्या मनात; कोणी बॅनरवर फोटो लावो अथवा न लावो, फरक पडत नाही : अमोल मिटकरी

Amol Mitkari: कार्यकर्त्यांची मन दुखावली जाणार नाहीत याची काळजी घ्यावी

Amol Mitkari: नेमकं प्रकरण काय?

Gondia Food Poisoning : लग्नाच्या जेवणातून 55 ते 60 जणांना विषबाधा; 4 जणांची प्रकृती चिंताजनक, गोंदियाच्या गोरेगावातील घटना

अवकाळी पावसाचा धुमाकूळ! फळ उत्पादक शेतकऱ्यांना मोठा फटका, राज्यात कुठं कुठं पडतोय पाऊस?

सोलापूर जिल्ह्यातील सांगोला तालुक्यात गारांचा तुफान पाऊस

सातारा जिल्ह्यातील फलटण तालुक्यात गारांचा मोठा पाऊस

अवकाळी पापवासामुळं नाशिक जिल्ह्यात शेती पिकांचं नुकसान

गोंदियाच्या मोरगाव अर्जुनी तालुक्यात वादळी वाऱ्यासह गारपीट

छत्रपती संभाजीनगर जिल्ह्यातही अवकाळी पाऊस

धक्कादायक! अल्पवयीन मुलीचं मध्य प्रदेशात अपहरण करुन अत्याचार, आरोपीवर पोक्सो अंतर्गत गुन्हा दाखल

आरोपीने पीडित मुलीला मध्यप्रदेश राज्याच्या बालाघाट येथे नेऊन अत्याचार केला

बीडच्या केजमध्ये बघण्याच्या किरकोळ कारणावरुन तरुणालाजबर मारहाण

बदला!! वडिलांचा मारेकरी 9 महिन्यांनी जामीनावर सुटला, गावातच गाठून बदला घेतला, महाराष्ट्र हादरला!

मी बायकोला मारुन आलोय, पत्नीची हत्या करुन पती पोलिस स्टेशनमध्ये हजर, पोलिसांकडून आरोपीला अटक