मोठी बातमी! देशात 'गडचिरोली' ठरला 'अव्वल'; निती आयोगाच्या तिमाही डेल्टा रँकिंगमध्ये पटकावला पहिला क्रमांक, मुख्यमंत्री देवेंद्र फडणवीस म्हणाले,

Arnab Cyclone: बंगालच्या उपसागरातील 'अर्णब' चक्रीवादळ पूर्व किनारपट्टीवर धडकलं; महाराष्ट्रालाही तडाखा बसणार; नागपूरसह पूर्व विदर्भाला अलर्ट, अतिमुसळधार पावसाची शक्यता

रजत वशिष्ठ, एबीपी माझा — Wed, 28 Oct 2026 11:20:57 +0530

Arnab Cyclone Marathi News: राज्यात एकीकडे तीव्र दुष्काळाचे सावट असताना दुसरीकडे बंगालच्या उपसागरातून निर्माण झालेल्या अर्णब चक्रीवादळाने (Arnab Cyclone) भारताच्या मुख्य भूमीत प्रवेश केल्याची माहिती समोर आली आहे. परिणामी त्याचे परिणाम ओडिशा, आंध्र प्रदेश छत्तीसगडसह महाराष्ट्रातील (Maharashtra Rain Forecast) पूर्व विदर्भातील काही भागांवरही होण्याची शक्यता आहे. हवामान विभागाच्या नागपूर प्रादेशिक केंद्राने दिलेल्या अलर्ट (IMD Rain Alert) प्रमाणे आज ( 28 ऑक्टोबर) गडचिरोली (Gadchiroli District) जिल्ह्यात अनेक भागांमध्ये मुसळधार पाऊस होऊ शकतो, असा अंदाज नागपूर प्रादेशिक हवामान केंद्राचे वरिष्ठ वैज्ञानिक प्रवीण कुमार यांनी व्यक्त केला आहे. (Arnab Cyclone Marathi News)

Arnab Cyclone Effect on Vidarbha: गडचिरोली जिल्ह्यासाठी ऑरेंज अलर्ट, पूर्व विदर्भात हलक्या ते मध्यम स्वरूपाचा पाऊस

दरम्यान, हवामान विभागाने गडचिरोली जिल्ह्यासाठी ऑरेंज अलर्ट जारी केला आहे. तर पूर्व विदर्भातील गोंदिया, भंडारा, चंद्रपूर आणि काही अंशी नागपूर व वर्धा जिल्ह्यात तुरळक भागांमध्ये हलक्या ते मध्यम स्वरूपाचा पाऊस होऊ शकतो, असे अंदाजही हवामान विभागाने व्यक्त केले आहे. पूर्व विदर्भातील गडचिरोली पकडून इतर जिल्ह्यांसाठी हवामान विभागाने पावसाचा येलो अलर्ट जारी केला आहे. पावसासह पूर्व विदर्भातील अनेक भागांमध्ये सोसाट्याचा वाराही वाहू शकतो असे हवामान विभागाचे अंदाज आहे.

अर्णब चक्रीवादळाचा फटका विमानसेवेलाही- (Cyclone Arnab also affects air services)

बंगालच्या उपसागरात निर्माण झालेल्या 'अर्णब' चक्रीवादळामुळे आंध्र प्रदेशातील विशाखापट्टणम आणि विजयवाडा येथून येणाऱ्या-जाणाऱ्या विमानांच्या सेवांवर परिणाम होण्याची शक्यता आहे. या पार्श्वभूमीवर एअर इंडियाने २७ ऑक्टोबर रोजी प्रवासविषयक सूचना जारी करून प्रवाशांना सतर्क राहण्याचे आवाहन केले आहे. प्रतिकूल हवामानामुळे विमानांच्या वेळापत्रकात बदल होऊ शकतो. त्यामुळे प्रवाशांनी एअर इंडियाच्या अधिकृत संकेतस्थळावर आपल्या विमानाची सद्यस्थिती तपासावी. तसेच विमानतळावर पोहोचण्यासाठी अतिरिक्त वेळ राखून ठेवावा, असे कंपनीने स्पष्ट केले आहे. खराब हवामानामुळे रस्ते वाहतुकीवरही परिणाम होण्याची शक्यता असल्याचे कंपनीने सूचनेत नमूद केले आहे.

आंध्र प्रदेशात अचानक पूर येण्याचा धोका- (Andra Pradesh Arnab Cyclone)

भारतीय हवामान विभागाने (IMD) अनाकापल्ली, अल्लुरी सीताराम राजू, काकीनाडा, विशाखापट्टणम आणि विजयनगरम जिल्ह्यांच्या काही भागांत पुढील 6 तासांत अचानक पूर (flash floods) येण्याचा मध्यम ते गंभीर धोका असल्याचा इशारा दिला आहे. तसेच, पुढील 24 ते 36 तासांत अनेक भागांत पूर येण्याची शक्यता वर्तवण्यात आली आहे. नोंदवलेल्या पावसाची आकडेवारी पाहता, विशाखापट्टणम (आंध्र प्रदेश) येथे 217 मिमी, कलिंगपट्टणम येथे 147 मिमी, तुनी येथे 123 मिमी, काकीनाडा येथे 118 मिमी, मछलीपट्टणम येथे 115 मिमी, गोपालपूर येथे 94 मिमी आणि पुरी (ओडिशा) येथे 72 मिमी पावसाची नोंद झाली आहे.

Amravati MLC Election Result 2026: 'आदरणीय गुरुजन धन्यवाद, शिक्षकांनी माझी किंमत काय हे दाखवून दिले'; अमरावतीत मतदारांचा कौल बघताच भाजप अनिल बोंडेंच्या बहिणीचं व्हॉट्सअप स्टेटस चर्चेत

Vijay Wadettiwar : गडचिरोली जिल्ह्यात वन्यप्राण्यांचा हैदोस, विजय वडेट्टीवारांचा संताप, थेट वनमंत्री गणेश नाईकांना फोन फिरवला; म्हणाले, नरभक्षी वाघांना स्थलांतर करा, नाहीतर....

मंगेश भांडेकर — Tue, 27 Oct 2026 10:48:58 +0530

Vijay Wadettiwar गडचिरोली : गडचिरोली (Gadchiroli) जिल्ह्यात वन्यप्राण्यांचा वाढता धोका आणि वनविभागाच्या दुर्लक्षित धोरणामुळे नागरिकांसमोर गंभीर संकट उभं राहिलंय आहे. गेल्या 5 ते 10 दिवसांत वाघांच्या हल्ल्यांत (Tiger Attack) 5 नागरिकांचा मृत्यू झालाय. तर दुसरीकडे, हत्तींच्या कळपांकडून शेतपिकांचे मोठ्या प्रमाणावर नुकसान होत असल्यानं शेतकरीही संकटात सापडलेत. त्यातच वन्यप्राण्यांपासून संरक्षणासाठी कार्यरत असलेल्या वनमजुरांचं गेल्या पाच महिन्यांपासून वेतन थकीत आहे. या गंभीर प्रश्नांबाबत काँग्रेसचे विधिमंडळ गटनेते विजय वडेट्टीवार (Vijay Wadettiwar) यांनी राज्याचे वनमंत्री गणेश नाईक (Ganesh Naik) यांच्याशी दूरध्वनीवरून चर्चा करत पुढील 7 ते 8 दिवसांत संबंधित अधिकाऱ्यांसोबत बैठक घेऊन नागरिकांची सुरक्षा, शेतपिकांचं संरक्षण आणि वनमजुरांच्या थकीत वेतनाचा प्रश्न मार्गी लावण्याची मागणी केली. (Vijay Wadettiwar on Tiger Attack)

Vijay Wadettiwar on Tiger Attack: माणसापेक्षा वाघ महत्त्वाचा आहे काय? वाघांना स्थलांतर करा, नाहीतर...

दरम्यान, वाघांच्या हल्ल्याच्या प्रकरणांवर बोट ठेवत त्यांनी वनविभाग आणि सरकारच्या कार्यप्रणालीवर टीका केली आहे. यावेळी ते म्हणाले की, यापूर्वी सावली तालुक्यात एक वाघ पकडला गेला. वाघाची संख्या प्रचंड झाली आहे. माणसापेक्षा वाघ महत्त्वाचा आहे काय? वाघांना स्थलांतर करा, नाहीतर आम्हाला नरभक्षी वाघाला वाटेल त्या-त्या प्रकाराचा वापर करून आमच्या संरक्षणासाठी संपवावा लागेल. असा इशारा विजय वडेट्टीवार यांनी दिला आहे. निसर्गाच्या संरक्षणासाठी आम्ही ठेका घेतला नाही. सरकार जंगल संपवत आहे. परिणामी आम्हाला वन विभाग विरुद्ध मोठं आंदोलन करावं लागेल त्याची तयारी आम्ही करत असल्याचे ही काँग्रेस नेते विजय वडेट्टीवार (Vijay Wadettiwar)म्हणाले.

Chandrapur Tiger Attack : तीन जणांचा बळी घेणारा वाघ अखेर जेरबंद, पहिल्यांदाच वाघ पकडण्यासाठीचा अभिनव प्रयोग

चंद्रपूर जिल्ह्यातील टी-122 या नर वाघाला पकडण्यात अखेर वनविभागाला यश आले आहे. वनविभागाने तयार केलेल्या विशेष 30 बाय 30 फुटाच्या महाकाय पिंजऱ्यात हा वाघ अडकला असून चंद्रपूर जिल्ह्यातच नव्हे तर संपूर्ण राज्यात पहिल्यांदाच वाघ पकडण्यासाठी एक अभिनव प्रयोग चंद्रपूर जिल्ह्यात करण्यात आला होता. या प्रयोगामध्ये टी-122 या नर वाघाला पकडण्यासाठी 30 बाय 30 फूट म्हणजेच 900 वर्ग फुटाचा एक अतिशय मोठा पिंजरा तयार करण्यात आला होता. सावली तालुक्यातील सामदा या भागात या वाघाने गेल्या काही दिवसात तीन जणांचा बळी घेतला तर एकाला जखमी केले होते. मात्र डार्ट मारून वाघ पकडण्याची पारंपारिक पद्धत या वाघासाठी कुचकामी ठरल्याने या वाघाला जेरबंद करण्यासाठी पूर्णपणे नो मॅन्स लॅण्ड तयार करून जेरबंद करण्यासाठी हा विशाल पिंजरा तयार करण्यात आला होता आणि संपूर्ण राज्यात पहिल्यांदाच वापरण्यात आलेल्या या पद्धतीने वाघ पकडण्यात यश आला आहे.

Maharashtra Rain Weather updates: वाऱ्यांचा वेग वाढला, वातावरण बदलायला सुरुवात, 13 राज्यांत पाऊस पडणार, महाराष्ट्रात काय स्थिती?

रोहित धामणस्कर — Mon, 26 Oct 2026 07:43:38 +0530

Maharashtra Rain Weather updates: बंगालच्या उपसागरात गेल्या काही तासांमध्ये सुरु असलेल्या हालचालींमुळे येत्या काही तासांमध्ये देशातील 10 राज्य आणि 3 केंद्रशासित प्रदेशांमध्ये पावसाची (Rain news) शक्यता वर्तवण्यात आली आहे. यामध्ये तामिळनाडू, केरळ, तेलंगणा, आंध्र प्रदेश, कर्नाटक, ओडिशा, नागालँड, मणिपूर, मिझोराम आणि त्रिपुरा या राज्यांचा समावेश आहे. तर येत्या तीन दिवसांमध्ये महाराष्ट्रातील काही भागातही पावसाची शक्यता वर्तविण्यात आली आहे. गेल्या काही दिवसांपासून पूर्व-मध्य बंगालच्या उपसागरात तयार झालेले कमी दाबाचे क्षेत्र निर्माण होण्यास सुरुवात झाली आहे. हे कमी दाबाचे क्षेत्र पश्चिम-वायव्य दिशेने सरकत असून त्याचे चक्रीवादळात (Cyclone) रुपांतर होण्याची शक्यता आहे. या संभाव्य चक्रीवादळाचे नाव 'अर्णव' असे ठेवण्यात आले होते. (Weather updates in Maharashtra)

या सगळ्या वातावरणीय बदलांमुळे पुढील काही तासांत देशाच्या विविध भागात पाऊस पडू शकतो. तामिळनाडू आणि पद्दुचेरीत 50 ते 60 किमी प्रतितास वेगाने वारे वाहण्याची शक्यता आहे. तर बंगालच्या खाडीतील वाऱ्याचा वेग ताशी 90 ते 100 किमीपर्यंत असण्याची शक्यता आहे. या सगळ्याचा परिणाम महाराष्ट्रावर होण्याची शक्यता आहे. दोन दिवसांपूर्वी हवामान खात्याने याविषयी भाकीत वर्तविताना सांगितले होते की, 27 ते 29 ऑक्टोबरदरम्यान महाराष्ट्रातील काही भागांत पाऊस (Maharashtra Rain Updates) पडण्याची शक्यता आहे. विशेषतः विदर्भ आणि मराठवाड्यात ढगाळ वातावरण निर्माण होऊन पावसाच्या सरी कोसळू शकतात, असा अंदाज हवामान खात्याने वर्तवला होता. हवामान खात्याच्या नव्या अंदाजानुसार, महाराष्ट्रात पुढचे दोन दिवस तर कोरडे हवामान राहू शकते. 27 ऑक्टोबरला गडचिरोली जिल्ह्यासाठी पावसाचा यलो अलर्ट जारी करण्यात आला आहे. यावेळी वाऱ्याचा वेग हा 30 ते 40 किमी प्रतितास राहण्याची शक्यता आहे.

28 ऑक्टोबरला महाराष्ट्रात 9 जिल्ह्यांमध्ये पावसाची शक्यता आहे. यापैकी गडचिरोली जिल्ह्याला पावसाचा ऑरेंज अलर्ट जारी करण्यात आला आहे. त्यामुळे गडचिरोलीत या दिवशी मुसळधार ते अतिमुसळधार पावसाची शक्यता आहे. तसेच कोल्हापूर घाट परिसर, हिंगोली, नांदेड, चंद्रपूर, गोंदिया, नागपूर, वर्धा, यवतमाळ या जिल्ह्यांना पावसाचा यलो अलर्ट जारी करण्यात आला आहे. तसेच कोकणातही पावसाच्या सरी बरसण्याची शक्यता आहे. 29 ऑक्टोबरला रत्नागिरी, नाशिक घाट परिसर, पुणे घाट परिसर, सातारा घाट परिसर, जालना, भंडारा, गडचिरोली, गोंदिया या जिल्ह्यांमध्ये पावसाची शक्यता आहे. हवामान विभागाकडून या जिल्ह्यांना पावसाचा यलो अलर्ट जारी करण्यात आला आहे.

आणखी वाचा

Maharashtra Rain Update : बंगालच्या उपसागरातील चक्रीवादळ महाराष्ट्राला फलदायी ठरणार? पुढील आठवड्यात मराठवाडा, विदर्भात जोरदार पाऊस कोसळणार?

Gadchiroli News : हृदयद्रावक! रस्त्याअभावी आधी नवजात बाळाचा दुर्दैवी अंत, नंतर उपचारांअभावी आईचीही प्राणज्योत मालवली; गडचिरोलीच्या रेखनार गावातील दुर्दैवी घटना

मंगेश भांडेकर — Sun, 25 Oct 2026 09:38:52 +0530

Gadchiroli News : एकीकडे गडचिरोली जिल्ह्याला स्टील सिटी (Steel City of India) बनवण्याची स्वप्नं दाखवली जात असताना दुसरीकडे मात्र याच गडचिरोलीतील (Gadchiroli News) दुर्गम भागात रस्ते आणि आरोग्य सुविधांच्या अभावामुळे नागरिकांना जीव गमवावा लागत असल्याचं विदारक वास्तव समोर आलं आहे. एटापल्ली (Etapalli) तालुक्यातील रेखनार गावातील 21 वर्षीय पार्वती झोरे यांचा आज (25 ऑक्टोबर) मृत्यू झालाय. विशेष म्हणजे, प्रसूतीनंतर अवघ्या तीन दिवसांत त्यांच्या नवजात बाळाचा मृत्यू झाला होता. बाळाच्या मृत्यूनंतर प्रकृती खालावलेल्या पार्वती यांना उपचारांसाठी वेगवेगळ्या रुग्णालयांत न्यावे लागले. मात्र आर्थिक परिस्थिती, रस्त्यांचा अभाव आणि वेळेवर उपचार मिळण्यात आलेल्या अडचणींमुळे त्यांचा जीव वाचू शकला नाही, असे नातेवाईकांचे म्हणणे आहे. मात्र रस्त्याअभावी आधी नवजात बाळाचा मृत्यू (Death of a Newborn Baby) आणि नंतर उपचारांअभावी आईनेही जीव गमावल्याच्या घटनेनं परिसरात सर्वत्र शोककळा पसरली असून हळहळ व्यक्त केली जात आहे.

Gadchiroli News : रस्त्याअभावी आधी नवजात बाळाचा मृत्यू, उपचारांअभावी आईनेही सोडला जीव

मिळालेल्या माहितीनुसार, पार्वती झोरे या एटापल्ली तालुक्यातील चोखेवाडा ग्रामपंचायतीअंतर्गत येणाऱ्या रेखनार गावातील रहिवासी होत्या. रेखानार ते चोखेवाडा हे सुमारे 15 किलोमीटरचे अंतर असून, गावाला जोडणारा पक्का रस्ता नसल्याने गर्भावस्थेपासूनच त्यांना अडचणींचा सामना करावा लागला. प्रसूतीच्या वेळी आपत्कालीन परिस्थिती निर्माण झाल्यास रुग्णालयात पोहोचणे कठीण होईल, या भीतीने त्यांना आधीच माहेरच्या पैंडी गावात हलविण्यात आले होते. 29 सप्टेंबर रोजी प्रसववेदना सुरू झाल्यानंतर पार्वती यांना गडचिरोली येथील महिला रुग्णालयात दाखल करण्यात आले. प्रकृती गंभीर झाल्याने त्याच दिवशी त्यांना चंद्रपूर येथे हलविण्यात आले.

Gadchiroli News : दुर्गम भागातील रस्ते, आरोग्यसेवा अन् गरीब रुग्णांना न परवडणाऱ्या उपचारांचा प्रश्न पुन्हा एकदा ऐरणीवर

दरम्यान, 30 सप्टेंबर रोजी त्यांनी मुलाला जन्म दिला. मात्र, बाळाच्या कमी वजनामुळे अतिदक्षता विभागात तीन दिवस उपचार सुरू असतानाच बाळाचा मृत्यू झाला. त्यानंतर पार्वती यांची प्रकृतीही खालावत गेली आणि आज त्यांचाही दुर्दैवी मृत्यू झाला. या घटनेनं दुर्गम भागातील रस्ते, आरोग्यसेवा, रुग्णवाहिका आणि गरीब रुग्णांना परवडणाऱ्या उपचारांचा प्रश्न पुन्हा एकदा ऐरणीवर आला आहे.

इतर महत्वाच्या बातम्या

Maharashtra FDA Actions News: दिवाळीपूर्वी FDAची राज्यभर ‘फेस्टिव्ह क्रॅकडाउन’ धडक मोहीम, 68 आस्थापनांचे परवाने निलंबित करत 16.92 कोटींचा मुद्देमाल जप्त, 20 आरोपींनाही अटक

Gadchiroli News : गडचिरोलीकरांसाठी गुड न्यूज! आरमोरीवरून गोंदिया आणि चांदा फोर्टशी थेट कनेक्टिव्हिटी; रेल्वे बोर्डाचा मोठा निर्णय

मंगेश भांडेकर — Sat, 17 Oct 2026 09:50:07 +0530

Gadchiroli News : गडचिरोली जिल्ह्यातील आरमोरीकरांसाठी रेल्वेच्या बाबतीत एक महत्त्वाची बातमी समोर आली आहे. गोंदिया–वडसा (Gondia-Wadsa Memu train) मेमू रेल्वे आता आरमोरीपर्यंत (Armori) विस्तारित करण्यास, तर वडसा–चांदा फोर्ट मेमू रेल्वे आरमोरीपर्यंत (Wadsa Chanda fort Memu Trains) सुरू करण्यास रेल्वे बोर्डाने (Union Railway Ministry) मंजुरी दिली आहे. त्यामुळे आरमोरीच्या रेल्वे कनेक्टिव्हिटीमध्ये महत्त्वाची भर पडणार आहे. मात्र, रेल्वे बोर्डाने या विस्ताराला मंजुरी दिली असली, तरी प्रत्यक्ष रेल्वे सेवा कोणत्या तारखेपासून सुरू होणार, याची निश्चित तारीख अद्याप जाहीर केलेली नाही.

Armor to Wadsa Chanda fort Memu Trains: आरमोरीवरून गोंदिया आणि चांदा फोर्टशी थेट कनेक्टिव्हिटी

दरम्यान, वडसा-गडचिरोली या 52 किलोमीटर रेल्वे मार्गाचे काम सध्या सुरू असून सद्यस्थितीत वडसा-आरमोरी या 18 किलोमीटर रेल्वे मार्गाचे काम पूर्ण झाले. 22 सप्टेंबर रोजी चाचणीसाठी पहिल्यांदाच वडसा ते आरमोरी पॅसेंजर ट्रेन धावली होती. आता भारत सरकारच्या रेल्वे मंत्रालयाकडून जारी करण्यात आलेल्या अधिकृत पत्रातून या दोन्ही रेल्वे सेवांच्या विस्ताराला हिरवा कंदील देण्यात आला आहे.

Union Railway Ministry: दोन्ही सेवांसाठी वेळापत्रकही मंजूर

विशेष म्हणजे, या दोन्ही सेवांसाठी वेळापत्रकही मंजूर ठरले आहे. मंजूर वेळापत्रकानुसार, गाडी क्रमांक ६८८०६ ही गोंदिया–वडसा मेमू रेल्वे गोंदिया येथून संध्याकाळी ७ वाजून १० मिनिटांनी सुटेल. रात्री ९ वाजून ३० मिनिटांनी वडसा येथे पोहोचेल. आणि पाच मिनिटांच्या थांब्यानंतर रात्री ९ वाजून ३५ मिनिटांनी आरमोरीच्या दिशेने रवाना होईल. ही रेल्वे रात्री १० वाजता आरमोरी येथे पोहोचण्याचे वेळापत्रक मंजूर करण्यात आले आहे. तर गाडी क्रमांक ६८८०८ चांदा फोर्ट मेमू रेल्वे आता आरमोरी येथून सुरू करण्यास मंजुरी देण्यात आली आहे.

Armori News : आरमोरी परिसरातील विद्यार्थी, नोकरदार, व्यापारी आणि सर्वसामान्य प्रवाशांना मोठा दिलासा

दरम्यान, ही रेल्वे गाडी सकाळी ६ वाजून ३० मिनिटांनी आरमोरी येथून सुटेल आणि सकाळी ९ वाजून ५५ मिनिटांनी चांदा फोर्ट येथे पोहोचेल. या निर्णयामुळे आरमोरी परिसरातील विद्यार्थी, नोकरदार, व्यापारी आणि सर्वसामान्य प्रवाशांना मोठा दिलासा मिळण्याची अपेक्षा आहे. गोंदियाच्या दिशेने रात्रीचा प्रवास असो किंवा चांदा फोर्टच्या दिशेने सकाळचा प्रवास, आरमोरीला रेल्वे सेवांच्या माध्यमातून अधिक चांगली कनेक्टिव्हिटी मिळण्याचा मार्ग मोकळा झाला आहे. आता आरमोरीकरांचं लक्ष प्रत्यक्ष सेवा सुरू होण्याच्या अधिकृत घोषणेकडे लागलं आहे.

इतर महत्वाच्या बातम्या

Devendra Fadnavis: मुख्यमंत्री देवेंद्र फडणवीस 'डी.लीट' ने होणार सन्मानित; अदानी उच्च शिक्षण व संशोधन संस्थेचा आज 17वा दीक्षांत समारंभ; कुलपतींचीही उपस्थिती

Gadchiroli Crime: भाजप नगरसेवकाला इलेक्ट्रिक कामांसाठी कमिशन घेणं भोवलं; कंत्राटदाराकडून 1 लाख 20 हजारांची लाच घेताना ACB ने रंगेहात पकडलं, गडचिरोलीच्या राजकीय वर्तुळात खळबळ

मंगेश भांडेकर — Fri, 16 Oct 2026 12:49:36 +0530

Gadchiroli ACB Actions : गडचिरोलीच्या अहेरीत राजकीय वर्तुळात खळबळ उडवणारी बातमी समोर आली आहे. नगरपंचायतीच्या इलेक्ट्रिक कामांच्या कंत्राटात कमिशनची मागणी करून 1 लाख 20 हजार रुपयांची लाच स्वीकारताना भाजपचे नगरसेवक अमोल गुड्डेलीवार (Amol Gudeliwar) लाचलुचपत प्रतिबंधक विभागाच्या (Anti-Corruption Bureau) जाळ्यात अडकलेत. अमोल गुड्डेलीवार हे माजी राज्यमंत्री अमरीश आश्रम यांचे खंदे समर्थक आहेत. त्यांचा निवडणुकीत पराभव झाला होता. मात्र स्वीकृत सदस्य म्हणून नगरपंचायतीमध्ये त्यांची वर्णी लागलीय. (Gadchiroli News)

दरम्यान, नगरपंचायतीच्या माध्यमातून शहरात विविध इलेक्ट्रिक कामं प्रस्तावित होती. एका कंत्राटदाराने ही कामं घेतली होती आणि कामं मंजूर झाल्यानंतर त्याबदल्यात गुड्डेलीवार यांनी कमिशनची (Bribe) मागणी केल्याचा आरोप आहे. गोंदिया येथील लाचलुचपत प्रतिबंधक विभागाने या प्रकरणी सापळा रचत गुरुवारी ही कारवाई केली. या घटनेनं राजकीय वर्तुळात मोठी खळबळ उडाली असून या घटनेचा अधिक तपास पोलीस करत आहे.

Gondia Criem: माजी सैनिकाच्या शेतीच्या प्रस्तावासाठी मागितली लाच, महीला ग्रामसेवकासह पतीला एसीबीने रंगेहात पकडले

दुसरीकडे, माजी सैनिकाला शासनाकडून पाच एकर शेती मिळवून देण्यासाठी ग्रामपंचायतीचे ठराव आणि ना हरकत प्रमाणपत्र तयार करून देण्याच्या प्रकरणात लाच मागितल्याच्या आरोपावरून गोंदिया लाचलुचपत प्रतिबंधक विभागाने मोठी कारवाई केली आहे. या प्रकरणात ग्रामसेवक उषा पाटील आणि त्यांचे पती रमाकांत मोटघरे यांना एक लाख रुपयांची लाच स्वीकारताना रंगेहात पकडण्यात आले. ही कारवाई गोंदिया येथील त्यांच्या निवासस्थानी करण्यात आली.

एसीबीकडून मिळालेल्या माहितीनुसार, तक्रारदार हे 48 वर्षीय माजी सैनिक असून, त्यांनी शासनाकडून पाच एकर शेती मिळविण्यासाठी जिल्हाधिकारी, गोंदिया यांच्याकडे प्रस्ताव सादर केला होता. या प्रस्तावासंदर्भात ग्रामपंचायतीचे ठराव घेऊन ना हरकत प्रमाणपत्राची कागदपत्रे तयार करून देण्यासाठी संबंधित ग्रामपंचायतीच्या सरपंच व सदस्यांच्या नावाने 5 लाख 50 हजार रुपयांची लाच मागितल्याचा आरोप आहे. तसेच, काम सुरू करण्यासाठी स्वतःकरिता स्वतंत्र एक लाख रुपयांची मागणी करण्यात आल्याची तक्रार माजी सैनिकाने गोंदिया लाचलुचपत प्रतिबंधक विभागाकडे केली होती. या तक्रारीच्या अनुषंगाने एसीबीने पंचांच्या उपस्थितीत आणि व्हॉइस रेकॉर्डरच्या माध्यमातून लाच मागणीची पडताळणी केली. त्यावेळी दोन्ही आरोपींनी तक्रारदाराचे काम करून देण्यासाठी सरपंच व सदस्यांच्या नावाने 5 लाख 50 हजार रुपये आणि स्वतःकरिता स्वतंत्र 1 लाख रुपये, अशी एकूण 6 लाख 50 हजार रुपयांची मागणी केल्याचे पडताळणीत निष्पन्न झाले आहे. एसीबीच्या पथकाने सापळा रचला. तक्रारदार पंचांसह आणि व्हॉइस रेकॉर्डरसह संबंधितांच्या घरी गेले असता, आरोपी ग्रामसेवक उषा पाटील यांनी इशारा केल्यानंतर आरोपी रमाकांत मोटघरे यांनी तक्रारदाराकडून 1 लाख रुपये स्वीकारले. या प्रकरणी गोंदिया शहर पोलीस ठाण्यात गुन्हा क्रमांक गुन्हा दाखल करण्यात आला आहे.

सोशल मीडियावर बेडशीटची विक्री, सायबर फसवणुकीचा नवा फंडा; 1 कोटीची फसवणूक, दोन घटनांत तिघांना अटक

मंगेश भांडेकर — Tue, 13 Oct 2026 20:27:53 +0530

गडचिरोली : सध्या सायबर गुन्हेगारीच्या (cyber crime) घटना सातत्याने वाढत आहेत. त्यामध्ये, फेक फोनकॉलद्वारे फसवणूक करणे, एखाद्या लिंकच्या माध्यमातून मोबाईल बँक खाते हॅक करणे अशाही घटना घडत आहेत. त्यातच, गडचिरोलीत (Gadchiroli) सायबर फसवणुकीच्या दोन वेगवेगळ्या प्रकरणांचा पोलिसांनी (Police) पर्दाफाश केला आहे. विशेष म्हणजे, या कारवाईत तब्बल एक कोटी चार लाख रुपयांहून अधिक रकमेच्या संशयास्पद व्यवहारांचं प्रकरण उघडकीस आणत तिघांना अटक केली आहे. जुही मेश्राम, सात्विक सावडिया आणि साहिल खान अशी अटक करण्यात आलेल्या आरोपींची नावे आहेत.

मैत्रीचा विश्वास संपादन करुन सात तरुणींच्या नावावर बँक खाती उघडायची. त्यानंतर या खात्यांचा वापर आर्थिक व्यवहारांसाठी करायचा, अशा प्रकारातून कोट्यवधींचे व्यवहार झाल्याचं समोर आले. या प्रकरणात एका तरुणीसह तिच्या मित्राला पोलिसांनी अटक केली. तर दुसऱ्या प्रकरणात सोशल मीडियावर बेडशीट विक्रीची बनावट जाहिराती देऊन ग्राहकांची फसवणूक करणाऱ्या राजस्थानमधील आरोपीला पोलिसांनी अटक केली आहे. अवघ्या 1 हजार 550 रुपयांच्या फसवणुकीचा तपास करत पोलिसांनी थेट राजस्थानपर्यंत धडक दिली. दरम्यान, या दोन्ही प्रकरणांमध्ये गडचिरोली पोलिसांनी तांत्रिक तपासाच्या मदतीने आरोपींचा माग काढलाय.

पीकअप वाहन पलटा, 20 जखमी

नाशिकहून अस्थिविसर्जन करून घरी परतणाऱ्या नांदगाव तालुक्यातील ढेकू येथील नागरिकांच्या पीकअप वाहनाला पानेवाडीजवळ अपघात झाला. चालकाचे वाहनावरील नियंत्रण सुटल्याने वाहन पलटी होऊन 20 जण जखमी झाले. जखमींमध्ये 12 महिला आणि 8 पुरुषांचा समावेश असून, सर्वांना नांदगाव ग्रामीण रुग्णालयात उपचारासाठी दाखल करण्यात आले आहे. सुदैवाने या अपघातात जीवितहानी झाली नाही.

बेळगावमध्ये बर्निंग कारचा थरार

बेळगावातील फोर्ट रोडवर अचानक थांबलेल्या अल्टो कारला आग लागल्याने तेथील नागरिकांना बर्निंग कारचा थरार अनुभवायला मिळाला. आगीत कार पूर्ण बेचिराख झाली आहे. शहरातील फोर्ट रोडवरील जाधव पेट्रोल पंपाच्या मागील बाजूस थांबलेल्या अल्टो कारने अचानक पेट घेतला. आग लागल्यावर संपूर्ण कार आगीच्या भक्षस्थानी पडली. सुदैवाने या घटनेत कोणतीही जीवितहानी झाली नाही, आग लागल्यावर अग्निशमक दलाला कळवण्यात आले पण तोपर्यंत कार जळून बेचिराख झाली होती.

हेही वाचा

पुण्यात IT अभियंता महिलेनं संपवलं जीवन, चिठ्ठीत लिहला सासरच्याकडून होणारा त्रास; पतीसह 5 जणांविरुद्ध गुन्हा दाखल

प्रकृती बरी नसतानाही सुट्टी न दिल्याने आश्रमशाळेतील विद्यार्थीनीचं टोकाचं पाऊल; आदिवासी मंत्री उईकेंची थेट शाळेला भेट

मंगेश भांडेकर — Tue, 13 Oct 2026 15:28:45 +0530

गडचिरोली : गडचिरोलीतील (Gadchiroli) आश्रमशाळेत काही दिवसांपूर्वी साप चावल्याने तीन मुलींना जीव गमवावा लागला होता. या घटनेनंतर राज्यभर संतापाची लाट उसळली. तर, सरकारनेही घटनेची गांभीर्याने दखल घेत संबंधित आश्रमशाळेतील (School) मुख्याध्यापकांसह संचालकांवर कारवाई केली होती. आता, पुन्हा एकदा गडचिरोलीतील शाळेतून धक्कादायक घटना उघडकीस आली आहे. सुट्टी न दिल्याने एका विद्यार्थीनीने गळफास घेऊन आत्महत्या केल्याची घटना घडली आहे. या घटनेमुळे शिक्षण क्षेत्रात खळबळ उडाली आहे.

गडचिरोली जिल्ह्याच्या कुरखेडा तालुक्यातील सोनसरीच्या शासकीय आश्रमशाळेत सोमवारी सायंकाळी एका 14 वर्षीय विद्यार्थिनीने पंख्याला गळफास घेऊन आत्महत्या केली. राणू कृष्णा हलामी असे तिचे नाव असून आठवीत असलेल्या राणूचा वसतिगृहात मृत्यू झाल्यानंतर आता तिच्या पालकांनी आश्रमशाळा प्रशासनावर गंभीर आरोप केले आहेत. प्रकृती बरी नसल्याने राणू घरी जाण्याचा आग्रह करीत होती. मात्र, तिला खोलीत बंद केल्याचा आरोप तिच्या आई-वडिलांनी केला आहे. या घटनेनंतर संबंधितांवर कठोर कारवाई करुन पीडित कुटुंबीयांना 25 लाख रुपयांची आर्थिक मदत द्यावी, या मागणीसाठी गावकरी देखील आक्रमक झाले आहे. त्यामुळे आज, आदिवासी विकास मंत्री अशोक उईके यांनी सोनसरी आश्रमशाळेला अचानक भेट देत राणूच्या कुटुंबीयांची भेट घेतली आणि त्यांचं सांत्वन केले. दरम्यान, या प्रकरणाची सखोल चौकशी करून दोषी आढळल्यास नक्कीच कारवाई केली जाईल, असे आश्वासनही आदिवासी विकास मंत्री उईके यांच्याकडून देण्यात आले.

सर्पदंश प्रकरणात सदोष मनुष्यवधाचा गुन्हा

दरम्यान, गडचिरोली जिल्ह्याच्या धानोरा तालुक्यातील जपतलाई येथील अनुदानित आश्रमशाळेत 10 ऑगस्ट रोजी सर्पदंशामुळे तीन मुलींचा मृत्यू झाल्याची घटना घडली होती. या घडलेल्या भीषण सर्पदंश प्रकरणी मोठी कायदेशीर कारवाई करण्यात आली. या घटनेत तीन चिमुकल्या विद्यार्थिनींचा मृत्यू झाला होता. याप्रकरणी संस्थेचे अध्यक्ष आणि माजी खासदार मारोतराव कोवासे, संस्था सचिव आणि काँग्रेसचे जिल्हाध्यक्ष विश्वजीत कोवासे यांच्यासह शाळेच्या पाच जणांवर सदोष मनुष्यवधाचा गुन्हा दाखल करण्यात आला आहे.

हेही वाचा

गोपीचंद पडळकरांना हायकोर्टाचा मोठा झटका; सांगली जिल्हा बँक निवडणुकीतील उमेदवारी अर्ज बाद

Desaiganj Accident: सौर ऊर्जा झटका मशीन यंत्राच्या विजेच्या जबर धक्का; दोन सख्या भावांचा जागीच दुर्दैवी अंत; गडचिरोलीच्या देसाईगंजमध्ये खळबळ

मंगेश भांडेकर — Sat, 10 Oct 2026 10:07:17 +0530

Gadchiroli Accident News : गडचिरोलीच्या देसाईगंज (Desaiganj) तालुक्यातील चिखली गावात एक अत्यंत दुर्दैवी आणि धक्कादायक घटना समोर आली आहे. शेत पिकांच्या संरक्षणासाठी लावण्यात आलेल्या सौर ऊर्जा झटका मशीन यंत्राच्या विजेच्या धक्क्याने (Electric Shock) दोन संख्या भावांचा मृत्यू (Gadchiroli Accident News) झालाय. शेतात काम करताना विजेचा धक्का बसलेल्या भावाला वाचवण्यासाठी दुसरा भाऊ धावला, मात्र, त्यालाही विजेचा जोरदार धक्का बसला आणि दोघांचाही यात दुर्दैवी अंत झालाय. या घटनेनं सर्वत्र मोठी खळबळ उडाली असून परिसरात शोककळा पसरली आहे.

मिळालेल्या माहितीनुसार, अरविंद बुद्धे आणि अशोक बुद्धे अशी मृत भावांची नावं आहेत. दोन्ही भाऊ शेतात कीटकनाशक फवारणीसाठी गेले होते. मात्र ते सौर ऊर्जा झटका यंत्राच्या संपर्कात आल्याने दोघांचाही जीव गेला. या घटनेमुळे संपूर्ण गावावर शोककळा पसरली आहे. शेतातील पिकांचं वन्यप्राण्यांपासून संरक्षण करण्यासाठी लावलेलं झटका यंत्रच जीवघेणं ठरल्याने, शेतकऱ्यांच्या सुरक्षेचा प्रश्न पुन्हा एकदा ऐरणीवर आला आहे.

Gondia: शेतातील गवत कापताना करंट लागून शेतमजुराचा मृत्यू; शेतकरी पिता-पुत्राविरुद्ध सदोष मनुष्यवधाचा गुन्हा दाखल

गोंदियाच्या सडक अर्जुनी तालुक्यातील खोडशिवनी शेतशिवारात विजेच्या खांबावरून थेट बेकायदेशीर वायर जोडून शेतात विद्युतप्रवाह सोडल्यामुळे एका शेतमजुराचा जागीच मृत्यू झाल्याची घटना घडली आहे. याप्रकरणी डुग्गीपार पोलिसांनी दोन आरोपींविरुद्ध सदोष मनुष्यवधाचा गुन्हा नोंदवला आहे. मृतकाचे नाव माधवराव कापगते असे आहे..आरोपी जयदेव कुशन पुस्तोडे आणि त्यांचा मुलगा कृष्णकांत जयदेव पुस्तोडे दोघे रा. खोडशिवनी यांनी शेतातील धानाला पाणी देण्यासाठी जवळच्या विजेच्या खांबावरून थेट वायर जोडून मोटार पंप सुरू केला होता. या उघड्या वायरमुळे कोणाचाही स्पर्श होऊन जीवितहानी होऊ शकते, याची जाणीव असतानाही आरोपींनी थेट विद्युतप्रवाह सुरू ठेवला होता. दरम्यान, मृतक शेतकरी आरोपींच्या शेतात गवत कापण्यासाठी गेला असता त्याचा थेट करंट असलेल्या वायरला अचानक स्पर्श झाला. विजेचा तीव्र झटका बसल्याने त्याचा घटनास्थळीच मृत्यू झाला. याप्रकरणी फिर्यादी विलास यादवराव कापगते (वय 47 वर्षे, रा. खोडशिवनी) यांच्या तक्रारीवरून डुग्गीपार पोलिसांनी आरोपी जयदेव पुस्तोडे आणि कृष्णकांत पुस्तोडे यांच्याविरुद्ध भारतीय न्याय संहिता (BNS), 2023 च्या कलम 105 (सदोष मनुष्यवध) आणि कलम 3(5) (समान हेतू) अन्वये गुन्हा दाखल केला आहे. घटनेचा पुढील तपास डुग्गीपार पोलीस ठाण्याचे सहाय्यक पोलीस निरीक्षक शेख करत आहेत.

इतर महत्त्वाच्या बातम्या

Nagpur Accident News: भीषण अपघात! नागपूर-अमरावती महामार्गावर 13.5 टन बारूदचा कंटेनर रस्त्यावर पालटला, चालक जखमी, दैव बलवत्तर म्हणून...

मोठी बातमी! देशात 'गडचिरोली' ठरला 'अव्वल'; निती आयोगाच्या तिमाही डेल्टा रँकिंगमध्ये पटकावला पहिला क्रमांक, मुख्यमंत्री देवेंद्र फडणवीस म्हणाले,

रजत वशिष्ठ, एबीपी माझा — Wed, 7 Oct 2026 12:26:22 +0530

Gadchiroli News: गडचिरोलीसह महाराष्ट्रासाठी एका मोठी आंनददायी बातमी समोर आली आहे. निती आयोगाच्या तिमाही डेल्टा रँकिंगमध्ये (Niti Aayog Delta Ranking) देशात गडचिरोलीने पहिला क्रमांक पटकावला आहे. संपूर्ण देशभरात आकांक्षित जिल्ह्यांसाठी जो कार्यक्रम राबविला जातो, त्यात जीवनमानात लक्षणीय बदल घडविण्यासाठी प्रत्येक तिमाहीसाठी हे रँक दिले जातात. या तिमाहीत गडचिरोली जिल्हा संपूर्ण देशात प्रथम आला आहे. तर जम्मू आणि काश्मीरमधील बारामुल्ला हा जिल्हा दुसऱ्या क्रमांकावर आहे. एप्रिल ते जून 2026 असा हा कालखंड आहे. तर राज्याचे मुख्यमंत्री देवेंद्र फडणवीसांनी (Devendra Fadnavis) याबाबत गडचिरोलीकरांचे (Gadchiroli News) आभार मानत शुभेच्छा दिल्या आहेत. आकांक्षित जिल्ह्यांतील जीवनमानात लक्षणीय बदल घडविल्याने हा रँक देण्यात आल्याचे बोललं जात आहे. तर शेती आणि जलसंधारण क्षेत्रात ही गडचिरोलीने बाजी मारल्याची माहिती आहे.

Devendra Fadnavis: मुख्यमंत्री देवेंद्र फडणवीसांकडून शुभेच्छा, म्हणाले अभिनंदन गडचिरोली!

नीती आयोगाच्या तिमाही डेल्टा रँकिंगमध्ये आपल्या गडचिरोलीने संपूर्ण देशात पहिला क्रमांक पटकावल्या बाबत मुख्यमंत्री देवेंद्र फडणवीसांनी अभिनंदन करत शुभेच्छा दिल्या आहेत. यावेळी ते म्हणाले की, संपूर्ण देशभरात आकांक्षित जिल्ह्यांसाठी जो कार्यक्रम राबविला जातो, त्यात जीवनमानात लक्षणीय बदल घडविण्यासाठी प्रत्येक तिमाहीसाठी हे रँक दिले जातात. या तिमाहीत गडचिरोली जिल्हा संपूर्ण देशात प्रथम आला आहे. जम्मू आणि काश्मीरमधील बारामुल्ला हा जिल्हा दुसऱ्या क्रमांकावर आहे. एप्रिल ते जून 2026 असा हा कालखंड आहे. त्यातही मला आनंद आहे की, शेती आणि जलसंधारणाच्या क्षेत्रात गडचिरोलीने बाजी मारली आहे.

जलयुक्त शिवार आणि प्रधानमंत्री कृषी सिंचन योजना यांतर्गत 6000 जलसाठे तयार करण्यात आले. शाळांमध्ये मुलींसाठी प्रसाधनगृहांची संख्या वाढविण्यात आली. बँक खात्यांच्या आधार प्रमाणीकरणाच्या संख्येत वाढ झाली. कौशल्य विकासाचे अभ्यासक्रम आयटीआयमध्ये सुरू करण्यात आले. महिंद्रा, लॉईड्स, टाटा ट्रस्ट इत्यादींनी त्यात मोठा हातभार लावला. प्राथमिक आरोग्य केंद्रे, गर्भवती महिलांना सकस आहार याही क्षेत्रांत काम हाती घेण्यात आले. गडचिरोलीतील संपूर्ण प्रशासन, अधिकारी, कर्मचारी, सामाजिक संस्था, उद्योजक, नागरिक अशा सर्वांचे मी अभिनंदन करतो. आपल्या सर्वांच्या साथीने असेच एकेक टप्पे आपण गाठू, हा मला पूर्ण विश्वास आहे. असेही मुख्यमंत्री म्हणाले.

इतर महत्वाच्या बातम्या

PM Modi: पद, प्रतिष्ठा जगात कुठेही मिळेल, मात्र भारतासारखी पुण्यभूमी कुठेही नाही; आत्मनिर्भर भारत ते ग्लोबल मॅन्युफॅक्चरिंग हबपर्यंत पंतप्रधान मोदींनी विकसित भारताचा रोडमॅप सांगितला, म्हणाले..