मराठवाड्यात पावसाची दमदार हजेरी; विदर्भातही मुसळधार पाऊस, सिपना नदीला पूर, अनेक गावांचा संपर्क तुटला

Dhule Crime News: आधी महिलेला ब्लॅकमेल केलं, नंतर तिच्यासोबत नको नको ते केलं; तीन नराधम पोलिसांच्या ताब्यात; धुळे हादरले!

धनंजय दिक्षित, एबीपी माझा — Sat, 3 Oct 2026 07:28:54 +0530

Dhule Crime News: धुळे शहरातून एक धक्कादायक आणि संतापजनक प्रकार समोर आला आहे. शहरातील आझाद नगर पोलीस ठाण्याच्या (Azad Nagar Police Station) हद्दीतील 80 फुटी रोड परिसरात एका महिलेला ब्लॅकमेल करत तिच्यावर अत्याचार केल्याची घटना उघडकीस आली आहे. या घटनेमुळे परिसरात तीव्र संतापाची लाट उसळली आहे. या प्रकरणी आझाद नगर पोलिसांनी तीन संशयितांना चौकशीसाठी ताब्यात घेतले आहे. (Dhule Crime News)

मिळालेल्या प्राथमिक माहितीनुसार, पीडित महिलेला विविध प्रकारे धमकावून आणि ब्लॅकमेल करून संशयितांनी तिच्यासोबत नको ते कृत्य केले. हा प्रकार उघडकीस आल्यानंतर परिसरात एकच खळबळ उडाली. घटनेची माहिती मिळताच आझाद नगर पोलीस ठाण्याच्या पथकाने तातडीने घटनास्थळी आणि परिसरात धाव घेत तपास सुरू केला. पोलिसांनी या प्रकरणी अवघ्या काही तासांत 3 संशयित आरोपींना चौकशीसाठी ताब्यात घेतले आहे.

Dhule Crime News: संशयितांची कसून चौकशी

शुक्रवारी (दि. 02) रात्री आझाद नगर पोलीस ठाण्यात संशयितांची कसून चौकशी करण्यात आली असून, पीडित महिलेच्या तक्रारीवरून गुन्हा दाखल करण्याची प्रक्रिया सुरू होती. पोलिसांच्या तपासातून या प्रकरणात आणखी काय नवीन माहिती समोर येते आणि नेमक्या कोणत्या कलमांखाली गुन्हा दाखल केला जातो, याकडे आता सर्वांचे लक्ष लागले आहे.

Dhule Crime News: अफवांवर विश्वास न ठेवण्याचे पोलिसांचे आवाहन

घटना उघडकीस आल्यानंतर पोलिसांनी परिस्थिती नियंत्रणात ठेवली आहे. या प्रकरणात ताब्यात घेतलेल्या संशयितांची सखोल चौकशी करून त्यांच्यावर कडक आणि अंतिम कायदेशीर कारवाई केली जाईल, असे आश्वासन पोलीस प्रशासनाने दिले आहे. तसेच, नागरिकांनी या घटनेबाबत सोशल मीडियावर किंवा परिसरात पसरणाऱ्या कोणत्याही प्रकारच्या अफवांवर विश्वास ठेवू नये, असे आवाहनही पोलीस प्रशासनाच्या वतीने करण्यात आले आहे.

राज्य आणि देश-विदेशातील महत्त्वाच्या बातम्या; पाहा व्हिडीओ

इतर महत्त्वाच्या बातम्या

मालकानं नोकरीवरुन काढलं, राग झाला अनावर, कर्मचाऱ्याने थेट गॅरेजलाच लावली आग, 20 दुचाकी जळून खाक, लाखो रुपयांचा फटका

मेणामध्ये सोन्याची पावडर, 23 कॅप्सूल्स शरीरात लपवून सोन्याची तस्करी, किंमत तब्बल 13 कोटी, सोन्यासह हिऱ्यांच्या तस्करीचे रॅकेट उद्ध्वस्त

नाशिकच्या गोदाघाटावर अघोरी स्नान, महिलेच्या डोळ्यात लिंबाचा रस पिळला; लाखो रुपयांची फसवणूक, गुन्हा दाखल

धनंजय दिक्षित, एबीपी माझा — Tue, 29 Sep 2026 16:32:38 +0530

धुळे : अंधश्रद्धा निर्मुलनाचा कायदा करणारे महाराष्ट्र हे पहिले राज्य आहे. मात्र, अशोक खरात प्रकरणातूनही नागरिकांनी काही धडा घेतला नसल्याचेच चित्र पाहायला मिळत आहे. कारण, अद्यापही तांत्रिक, मांत्रिकांवर विश्वास ठेऊन किंवा त्यांच्या अघोरी कर्मकांडाला बळी पडून नागरिकांची फसवणूक होत आहे. आजारपण व कौटुंबिक अडचणी दूर करण्याचे आमिष दाखवत धुळ्यातील (Dhule) एका गरीब मजूर कुटुंबाची नाशिकमध्ये (Nashik) अघोरी पूजा व जादूटोण्याच्या नावाखाली तब्बल 1 लाख 60 हजार रुपयांची फसवणूक केल्याचा प्रकार उघडकीस आला आहे. दरम्यान, अंधश्रद्धा निर्मुलन समितीच्या मध्यस्थीनंतर गुन्हा दाखल करण्यात आला.

नाशिकच्या प्रसिद्ध गोदाघाटावर धुळ्यातील पीडित महिलेला अघोरी स्नान घालून तिच्या डोळ्यात लिंबाचा रस पिळण्यात आल्याची माहिती समोर आली आहे. फसवणूक झाल्यानंतर पीडित महिलेने महाराष्ट्र अंधश्रद्धा निर्मूलन समितीशी संपर्क साधला. समितीच्या कार्यकर्त्यांनी पीडित कुटुंबाला धीर देत पोलिसांत जाण्याचे आवाहन केले. त्यानंतर 27 सप्टेंबर 2026 रोजी धुळे शहर पोलिस ठाण्यात अघोरी प्रथा व जादूटोणा विरोधी कायद्यानुसार गुन्हा दाखल करण्यात आला. या प्रकरणात धुळे पोलिसांनी तपासाची चक्रे फिरवत नाशिकमधून मांत्रिक महिला सरिता जाधव आणि तिच्या साथीदारांना ताब्यात घेतल्याचे वृत्त आहे. आरोपींवर विविध कलमांनुसार कारवाई करण्यात आली आहे.

मुलीला डांबून जबरदस्तीने सारखपुडा

पीडितेच्या 21 वर्षीय मुलीवर दुर्धर आजाराचा प्रभाव असल्याचे सांगून मांत्रिक महिलेने तिला धुळ्यातील माहेरीच्या घरी सुमारे 40 दिवस ठेवण्यास भाग पाडल्याचे समोर आले. मुलीने आईच्या भीतीने लपून दिले, मात्र संकट टळेल असे सांगून तिला कुटुंबापासून दूर ठेवण्यात आले. त्यानंतर 24 जुलै 2026 रोजी मांत्रिक महिलेने मुलीला जबरदस्तीने साखरपुडा उरकून घेतल्याचा आरोप आहे. त्यानंतर संशयितांनी पीडित कुटुंबाशी संपर्क तोडला. दरम्यान, मांत्रिक महिलेने पीडितेला गोदाघाटावर नेऊन अघोरी स्नान घातले. तिच्या अंगावरून उतारलेल्या लिंबाचा रस थेट डोळ्यात पिळल्याचेही तक्रारीत नमूद करण्यात आले आहे. या प्रकरणाचा पुढील तपास धुळे शहर पोलिस करीत आहेत.

हेही वाचा

माजी अग्निवीरांना शासकीय नोकरी, कोल्हापूर सर्किट बेंचसाठी 459 पदांना मंजुरी; मंत्रिमंडळ बैठकीत 10 मोठे निर्णय

Surat Textile Market Fire: मालकाने पगारातील 10 हजार रखडवले; अकाउंटनने दुकानाला लावली आग, टेक्सटाईल मार्केटचे तब्बल 24 कोटी रुपयांचे नुकसान

धनंजय दिक्षित, एबीपी माझा — Thu, 24 Sep 2026 09:01:32 +0530

Surat Textile Market Fire: गुजरातच्या सुरत येथील श्याम संगिनी टेक्सटाईल मार्केटमध्ये भीषण आग (Surat Textile Market Fire0 लागल्याची घटना घडली होती. यात एका दुकानात लागलेल्या आगीचा भडका तब्बल 24 कोटींहून अधिकचे नुकसान झाले. सुरुवातीला ही आग शॉर्टसर्किट किंवा अन्य कारणामुळे अपघातीरीत्या लागल्याची शक्यता व्यक्त केली जात होती. मात्र, पोलिसांनी परिसरातील सीसीटीव्ही फुटेज तपासले असता एका व्यक्तीने जाणूनबुजून आग लावल्याचे दिसून आले.

पोलीसांनी या घटनेतील त्या संशयित व्यक्तीचा शोध सुरु केला आणि धक्कादायक प्रकार उघडकीस आला. पोलीसांनी मुळ धुळे जिल्ह्यातील शिरपूर तालुक्यातील भोरटेक येथील विनोद पंडीत सावळे याला अटक केली आहे. पोलीसांनी दिलेल्या माहितीनुसार, विनोद सावळे हा सुरतच्या श्याम संगिनी मार्केटमधील एका दुकानात 30 हजार रुपये मासिक पगारावर अकाउंटंट म्हणून नोकरी करत होता. नोकरीदरम्यान मालक आणि मुख्य अकाउंटनकडून त्याला वारंवार अपमानास्पद बोलणे सहन करावे लागत असल्याचा पोलिसांना विनोदनेसांगितले.

त्रासाला कंटाळून विनोदने नोकरी सोडली- (Surat Textile Market Fire)

“तुला अकाउंटचे 10 टक्के कामही येत नाही,” अशा प्रकारच्या बोलण्यामुळे तो नाराज झाला होता. या त्रासाला कंटाळून विनोदने नोकरी सोडली. नोकरी सोडल्यानंतर त्याचा 10 हजार रुपयांचा पगार बाकी होता. हे पैसे मिळावेत यासाठी त्याने वारंवार मागणी केली. मात्र, पैसे देण्यास टाळाटाळ करण्यात आल्याने आणि आपला अपमान झाल्याच्या रागातून त्याने मालकाला धडा शिकवण्याचा निर्णय घेतल्याचे पोलिस तपासात समोर आले. विनोदने पेट्रोल पंपावरून सुमारे 150 रुपयांचे पेट्रोल प्लास्टिकच्या बाटलीत घेतले आणि ते आपल्या बॅगेत ठेवले.रात्री सुमारे 9 वाजता तो मार्केटमध्ये पोहोचला. मार्केटमधील कामगार आणि व्यापारी निघून जाईपर्यंत तो पाचव्या मजल्यावरील पायऱ्यांजवळ बसून राहिला. रात्री सव्वाबारा वाजण्याच्या सुमारास मार्केट परिसर शांत झाल्यानंतर त्याने चेहऱ्यावर पांढरा रुमाल बांधला. त्यानंतर एका दुकानाबाहेर ठेवलेल्या कापडाच्या पार्सलवर पेट्रोल टाकून काडीपेटीच्या सहाय्याने आग लावली.काही क्षणांतच आगीने मोठे रूप धारण केले. कापडाचा मोठा साठा असल्याने आग वेगाने पसरली आणि संपूर्ण परिसरात धुराचे लोट पसरले.या आगीत व्यापाऱ्यांचे 24 कोटी रुपयांहून अधिक नुकसान झाल्याचे समोर आले आहे.

आग लावल्यानंतर कुटुंबासह फरार- (Surat Textile Market Fire)

आग लावल्यानंतर विनोद मोटारसायकलवरून घरी गेला. सुरुवातीला ही आग इतर घटनांप्रमाणे अपघाती असल्याचे मानले जाईल, असा त्याचा समज होता. मात्र, दुसऱ्याच दिवशी आग मानवनिर्मित असल्याचे समोर आले. माध्यमांमध्ये आणि सोशल मीडियावर सीसीटीव्ही फुटेजची चर्चा सुरू होताच विनोद घाबरला. त्याने मोबाईल फोन बंद केला आणि कुटुंबासह सुरत सोडले.

खाटूश्याम आणि अयोध्येला गेला- (Surat Textile Market Fire)

पोलिसांच्या माहितीनुसार, फरार झाल्यानंतर विनोदने स्वतःचे सीसीटीव्ही फुटेज वृत्तवाहिन्या आणि सोशल मीडियावर पाहिले. त्यानंतर त्याने मोबाईल बंद करून राजस्थानमधील खाटूश्याम तसेच उत्तर प्रदेशातील अयोध्या येथे आश्रय घेतला.तो कुटुंबासह सुमारे 13 ते 14 हजार रुपये घेऊन घराबाहेर पडला होता. मात्र, काही दिवसांत पैसे संपल्याने आणि प्रकरण शांत झाल्याचे वाटल्याने तो पुन्हा सुरतला परतला.सुरतला परतल्यानंतर क्राईम ब्रँचने त्याला डिंडोली परिसरातून ताब्यात घेतले. पोलिसांकडून त्याची चौकशी सुरू असून, या प्रकरणातील इतर बाबींचाही तपास केला जात आहे.

राज्यासह देश-विदेशातील महत्वाच्या घडामोडी, VIDEO:

लक्झरी बस अडवून FDA ची धाड; मिठाईसाठी नेण्यात येणारा 16 लाखांचा खवा जप्त, चाचणीसाठी प्रयोगशाळेत

धनंजय दिक्षित, एबीपी माझा — Tue, 22 Sep 2026 17:07:34 +0530

धुळे : अन्न व औषध प्रशासन विभागाच्या (FDA) आयुक्तपदी धडाडीचे सनदी अधिकारी तुकाराम मुंढे (Tukaram mundhe) यांची नियुक्ती झाल्यापासून राज्यातील कारवाईला वेग आला आहे. भेसळयुक्त पदार्थ, हॉटेलमधील अस्वच्छता आणि अन्न व औषध विषयाच्या संदर्भातील सर्वच बाबतीत विभागाने जातीनं लक्ष घातलं आहे. गणेशोत्सवाच्या पार्श्वभूमीवर काही दिवसांपूर्वी पुण्यात मोठी कारवाई करत 4 ट्रक पनीर-खवा जप्त करण्यात आला होता. आता, धुळ्यात (Dhule) एका लक्झरी बमधून वाहतूक करण्यात येत असलेला खवा जप्त करण्यात आला असून याची किंमत 16 लाख 52 हजार एवढी आहे.

अन्न व औषध प्रशासनाने धुळे तालुका पोलिसांच्या सहकार्याने कारवाई करत लक्झरी बसमधून वाहतूक करण्यात येत असलेला 5,385 किलो मावा (खवा) जप्त केला आहे. या साठ्याची किंमत तब्बल 16 लाख 52 हजार 100 रुपये आहे. भेसळीच्या संशयावरून हा साठा जप्त करून कोल्ड स्टोरेजमध्ये सुरक्षित ठेवण्यात आला आहे. अन्न सुरक्षा आयुक्त तुकाराम मुंडे यांच्या आदेशानुसार जिल्ह्यात विविध वाहनांची तपासणी सुरू आहे. त्यादरम्यान अहमदाबादहून अकोल्याकडे जाणाऱ्या अशोक लेलँड वेलकम लक्झरी बस क्रमांक MP-44-ZF-7214 मधून मिठाई निर्मितीसाठी लागणाऱ्या माव्याची वाहतूक होत असल्याची गुप्त माहिती प्रशासनाला मिळाली.

मिळालेल्या माहितीनुसार अन्न व औषध प्रशासन आणि धुळे तालुका पोलिसांच्या पथकाने मोराणे हद्दीत, साक्री रोडवरील हॉटेल बालाजीजवळ सदर बस थांबवून तपासणी केली. तपासणीदरम्यान बसमध्ये विविध कंपन्यांचा मोठ्या प्रमाणात मावा आढळून आला. त्यानंतर पुढील कारवाईसाठी हे वाहन टोल नाक्याजवळील दिसान कोल्ड स्टोरेज येथे आणण्यात आले. या ठिकाणी साठ्यातील विविध 13 प्रकारच्या अन्नपदार्थांचे नमुने विश्लेषणासाठी घेण्यात आले. यामध्ये प्रीमियम हलवा (ब्रजनिधी), प्रीमियम हलवा (गणेशा), इंडियन स्वीट हलवा (नंदि), स्वीट हलवा (खोडलं), हलवा (श्री ग्वाल), हलवा (श्री गोकुळ), स्वीट हलवा (गोपाल), ट्रॅडिशनल स्वीट (श्री ग्वाल), ट्रॅडिशनल स्वीट (श्री गोकुळ), इंडियन स्वीट (श्री गोपाल), कृष्णा हलवा, इंडियन डेझल्ट (नंदि) आणि प्रीमियम डेझल्ट (मीरा) या उत्पादनांचा समावेश आहे.

दरम्यान, विभागातील अधिकाऱ्यांकडून या धाडीनंतर सर्व नमुने प्रयोगशाळेत तपासणीसाठी पाठविण्यात आले असून अहवाल प्राप्त झाल्यानंतर पुढील कायदेशीर कारवाई करण्यात येणार आहे, अशी माहिती प्रशासनाकडून देण्यात आली.

हेही वाचा

विशाखा राऊत यांना सर्वोच्च न्यायालयातून धक्का; उच्च न्यायालयाचा निर्णय कायम, पण रिक्त जागेवर तुर्तास नियुक्ती नको

अलिशान कारमधून 10 तलवारी जप्त, धारदार शस्त्रांचं घबाड; पोलिसांकडून 2 आरोपींना अटक, गुन्हा दाखल

धनंजय दिक्षित, एबीपी माझा — Thu, 17 Sep 2026 15:14:41 +0530

धुळे : जिल्ह्यातील दोंडाईचा (Dhule) येथे स्थानिक गुन्हे शाखेने मोठी कारवाई करत आलिशान कारसह तब्बल 10 धारदार तलवारी जप्त केल्या आहेत. सुरतहून दोंडाईचाकडे या तलवारी आणल्या जात असल्याची गोपनीय माहिती पोलिसांना मिळाली होती. त्यानंतर सापळा रचत स्थानिक गुन्हे शाखेच्या पोलीस पथकाने कार अडवून झाडाझडती घेतली असता हा शस्त्रसाठा पोलिसांच्या हाती लागला. धुळे स्थानिक गुन्हे शाखेचे पोलीस निरीक्षक ज्ञानेश्वर वारे यांना मिळालेल्या गोपनीय माहितीच्या आधारे ही कारवाई करण्यात आली. पोलिसांनी (Police) संबंधित आलिशान कारला अडवून तपासणी केली असता कारमध्ये 10 धारदार तलवारी आढळून आल्या.

या प्रकरणातील मुख्य संशयित आरोपी हा सराईत गुन्हेगार असल्याची माहिती पोलिसांनी दिली असून, त्याच्या एका साथीदारालाही पोलिसांनी ताब्यात घेतले आहे. या कारवाईत तलवारींसह आलिशान कार असा 5 लाख रुपयांहून अधिकचा मुद्देमाल धुळे स्थानिक गुन्हे शाखेने जप्त केला आहे. यानंतर दोन्ही आरोपींविरोधात गुन्हा दाखल करण्याची प्रक्रिया सुरू असल्याची माहिती पोलीस अधीक्षक विशाल आनंद यांनी दिली. दरम्यान, आरोपींनी या तलवारी नेमकं कशासाठी आणल्या होत्या, आरोपींचा डाव काय होता, तलवारी विक्री करण्यासाठी आणल्या होत्या की, दरोड्याचा प्लॅन होता, या अँगलने पोलिसांचा तपास सुरू आहे.

हेही वाचा

एक काळ असा होता मराठवाड्याचा पंतप्रधान, गोपीनाथ मुंडेंचा मृत्यू रहस्यमय; संभाजीनगरमध्ये उद्धव ठाकरेंचं घणाघाती भाषण

Shobha Bachhav: 'माझ्या खात्यात 62 हजार रुपये जमा करा, मी दोन तासांत परत करेन', काँग्रेस खासदाराचा मोबाईल हॅक झाला अन्...; नेमकं काय घडलं?

मुकुल कुलकर्णी, एबीपी माझा — Fri, 4 Sep 2026 10:58:06 +0530

Shobha Bachhav: काँग्रेसच्या ज्येष्ठ नेत्या आणि धुळे लोकसभा मतदारसंघाच्या खासदार डॉ. शोभा बच्छाव (Dr. Shobha Bachhav) यांचा मोबाईल हॅक (Mobile Hacked) झाल्याचा धक्कादायक प्रकार समोर आला आहे. मोबाईल हॅक झाल्यानंतर खासदारांच्या फोनमधील कॉन्टॅक्ट लिस्टमधील अनेक व्यक्तींना व्हॉट्सॲपवरून (WhatsApp) पैसे पाठविण्याची मागणी करणारे मेसेज पाठवण्यात आले. काहींना ‘माझ्या खात्यात 62 हजार रुपये जमा करा, मी दोन तासांत परत करेन’, असा मेसेज पाठवण्यात आला. तर काहींना ‘Help Me’ असे संदेश आल्याने संबंधित व्यक्तींमध्ये एकच खळबळ उडाली.

Shobha Bachhav: कुरिअरच्या नावाखाली आलेल्या फोननंतर मोबाईल हॅक

याबाबत मिळालेल्या माहितीनुसार, खासदार डॉ. शोभा बच्छाव यांचा मोबाईल त्यांच्याकडे नसून त्यांचा पीएकडे होता. त्याचवेळी एका व्यक्तीचा फोन आला. ‘तुमचे कुरिअर आले आहे, मात्र पत्ता सापडत नाही. तुम्हाला एक लिंक पाठवली आहे, ती तपासा,’ असे फोन करणाऱ्या व्यक्तीने सांगितल्याचे समोर आले आहे. यानंतर संबंधित लिंक उघडल्यानंतर काही वेळातच खासदारांचा मोबाईल हॅक झाल्याचा प्रकार समोर आला. मोबाईल हॅक झाल्यानंतर सायबर फसवणूक करणाऱ्यांनी खासदारांच्या नावाने त्यांच्या संपर्कातील अनेक व्यक्तींना मेसेज पाठवून पैशांची मागणी सुरू केली.

Shobha Bachhav: ‘62 हजार रुपये पाठवा, दोन तासांत परत करेन’

हॅक झालेल्या मोबाईलवरून काही व्यक्तींना 62 हजार रुपये पाठवण्याची मागणी करण्यात आली. ‘माझ्या खात्यात 62 हजार रुपये जमा करा, मी दोन तासांत परत करेन,’ असा संदेश अनेकांना पाठवण्यात आल्याची माहिती आहे. यानंतर डॉ. शोभा बच्छाव यांना आपला मोबाईल हॅक झाल्याचा प्रकार लक्षात आला.

Shobha Bachhav: तातडीने सायबर पोलिसांत तक्रार

मोबाईल हॅक झाल्याचे समजताच खासदार डॉ. शोभा बच्छाव यांनी तातडीने सायबर पोलिसांशी संपर्क साधला. त्यानंतर सायबर पोलिसांनी या प्रकरणाची दखल घेत तांत्रिक तपास सुरू केला. काही वेळाच्या प्रयत्नांनंतर डॉ. शोभा बच्छाव यांचा मोबाईल पुन्हा सुरक्षित करण्यात सायबर पोलिसांना यश आल्याची माहिती समोर आली आहे.

Shobha Bachhav: नागरिकांनी सावध राहण्याची गरज

या घटनेमुळे पुन्हा एकदा सायबर फसवणुकीचा धोका अधोरेखित झाला आहे. कुरिअर, बँक, सरकारी संस्था किंवा ओळखीच्या व्यक्तीच्या नावाने येणारे संशयास्पद फोन, मेसेज किंवा लिंक याबाबत नागरिकांनी सावध राहण्याची गरज आहे. खासदारांच्या मोबाईलमधूनच त्यांच्या परिचितांना पैसे मागणारे मेसेज गेल्याने अनेकांची दिशाभूल होण्याची शक्यता निर्माण झाली होती. मात्र, वेळीच काही व्यक्तींनी खासदारांशी संपर्क साधल्याने हा प्रकार उघडकीस आला आणि सायबर पोलिसांनी हस्तक्षेप करत मोबाईल सुरक्षित केला. या प्रकरणात मोबाईल हॅक करणाऱ्यांचा शोध घेण्यासाठी पुढील तपास सुरू आहे.

राज्य आणि देश-विदेशातील महत्त्वाच्या बातम्या; पाहा व्हिडीओ

आणखी वाचा

Sharad Pawar on Vidyanand Bapat: पुण्यात डीजेविरोधात आवाज उठवल्याने विद्यानंद बापट यांना मारहाण; शरद पवारांची पहिली प्रतिक्रिया, म्हणाले, कुणीतरी...

Ganeshotsav DJ News : उत्सवांचा थाट, पण निर्बंधांमुळे वाद! नागपूर, सोलापूरपासून ते सांगली साताऱ्यापर्यंत राज्यात कुठे-कुठे डीजे बंदीचा आदेश? वाचा सर्व अपडेट्स

एबीपी माझा वेब टीम — Fri, 4 Sep 2026 10:19:29 +0530

Ganeshotsav DJ Ban News : आगामी गणेशोत्सवाला (Ganeshotsav) आता अवघ्या काही दिवसांचा अवधी उरला आहे. राज्यासह देशभरात गणेशोत्सवाची मोठी तयारी सर्वत्र सुरू असल्याचं दिसून येत आहे. अशातच यंदाही राज्यात गणेशोत्सवाच्या अनुषंगाने डीजे, ध्वनीक्षेपक आणि लेझर लाईट, धांगडधिंगा हा प्रश्न प्रामुख्याने समोर आला आहे. तर दुसरीकडे पुण्यातील विद्यानंद बापट (Vidyanand Bapat) यांची सध्या महाराष्ट्रभर चर्चा सुरु आहे. गणेशोत्सवातील डीजेच्या मोठ्या आवाजाला विरोध केल्यामुळे विद्यानंद बापट सध्या चर्चेत आले आहेत. याचदरम्यान, नागपुरात गणेश मिरवणुकीत वापरल्या जाणाऱ्या डीजे (DJ) आणि डॉल्बी साऊंड सिस्टीमवर नागपुरात पूर्णपणे बंदी घालण्यात आली आहे. नागपूरचे पोलीस आयुक्त विश्वास नांगरे पाटील यांनी याबाबतची अधिकृत अधिसूचना जारी केली आहे. ही बंदी 3 सप्टेंबर मध्यरात्री 12 वाजेपासून ते 1 नोव्हेंबरच्या मध्यरात्रीपर्यंत लागू राहणार आहे. यामुळे आगामी सणांमध्ये डीजेच्या दणदणाटाला आळा बसणार आहे. अशातच या डीजे (DJ) आणि डॉल्बी साऊंड सिस्टीमवरील बंदीचं लोण आता राज्यभरात पसरत असल्याचे दिसत आहे. राज्यात कुठे कुठे डीजे (DJ) आणि डॉल्बी साऊंड सिस्टीमवरील बंदी घालण्यात आली आहे, हे जाणून घेऊ.

Sangli : सांगलीत डॉल्बीच्या आवाजाची प्रशासन, पोलीस दलाकडून चाचपणी, नियमांचं उल्लंघन केल्यास गुन्हे आणि साहित्य जप्त होणार

सांगलीत गणेशोत्सवात डीजे ध्वनिवर्धकांचा नियमबाह्य वापर कोणत्याही परिस्थितीत चालणार नाही. सर्वोच्च न्यायालय आणि शासनाने ठरवून दिलेल्या ध्वनी प्रदूषणाच्या नियमांचे उल्लंघन करणाऱ्यांवर कोणतीही दयामया न दाखवता कडक कारवाई केली जाईल, तसेच संबंधित डीजे चालकांचे साहित्य थेट जप्त करण्यात येईल, असा सज्जड इशारा पोलिस अधीक्षक तुषार जोशी यांनी दिला आहे. सांगलीत डॉल्बीच्या आवाजाची जिल्हाधिकारी, पोलीस अधीक्षक यांनी चाचपणी केली. पोलिस यंत्रणेकडे उपलब्ध असलेल्या ध्वनिमापक यंत्रांद्वारे आवाजाची मर्यादा तपासली जाईल. कोणत्याही मनाई आदेशाचे उल्लंघन केल्यास कायदेशीर गुन्हे दाखल केले जातील, असा इशारा प्रशासनाने दिला आहे.

Tushar Doshi Sangli SP: डीजे ऐवजी पारंपरिक वाद्यांना प्राधान्य द्या, डीजे डॉल्बी ही हिंदू धर्माची संस्कृती नाही

आगामी गणेशोत्सवामध्ये डीजे ऐवजी पारंपरिक वाद्यांना प्राधान्य द्या, असे आवाहन सांगलीचे पोलीस अधीक्षक तुषार दोषी यांनी गणेश मंडळाना केले आहॆ. याचबरोबर डीजे, डॉल्बी ही हिंदू धर्माची संस्कृती नाही, असे सांगायला सुद्धा दोषी विसरले नाहीत.

सांगलीतील खरे क्लब हाऊसमध्ये जिल्ह्यातील गणेश मंडळाचे प्रतिनिधी, शांतता मोहल्ला समिती समिती सदस्यांची बैठक आयोजित करण्यात आली होती. या बैठकीत बोलताना एसपी दोषी बोलत होते. बैठकीच्या अध्यक्षस्थानी जिल्हाधिकारी मैनाक घोष होते. यावेळी महापौर धीरज सूर्यवंशी, महापालिका आयुक्त संजिता महापात्र, वीज मंडळाचे अधीक्षक अभियंता अनिल बोकील, पोलीस उपधीक्षक अजय कोकाटे, परिवहन विभागाचे राहुल जगदाळे आदी उपस्थित होते. यावेळी बोलताना आवाज मर्यादेचे उल्लंघन झाल्यास कारवाई ही होणारच, असे सांगत यंदाच्या उत्सवात एक मंडळ एक अंमलदार ही संकल्पना राबविली जाणार असल्याचेही एसपी तुषार दोषी यांनी सांगलीत गणेश मंडळ आढावा बैठकीत सांगितले.

Kolhapur Police : गणेश आगमन आणि विसर्जना दिवशी दोन बेस आणि दोन टॉप लावण्यास परवानगी

सर्वोच्च न्यायालयाच्या नियमानुसार गणपती बाप्पाच्या आगमनादिवशी आणि विसर्जना दिवशी दोन बेस आणि दोन टॉप लावण्यास कोल्हापूर पोलिसांची परवानगी असेल. मात्र ध्वनी मर्यादा ओलांडल्यास संबंधित सार्वजनिक गणेश मंडळावर कारवाई केली जाणार आहे.

Solapur: सोलापुरात गणेशोत्सवात डॉल्बी व लेझरवर बंदी; जिल्हाधिकाऱ्यांनी दिले आदेश

सोलापुरात गणेशोत्सव मिरवणुकीत डॉल्बी सिस्टीम आणि लेझर लाईटला बंदी घालण्यात आल्याची माहिती समोर आली आहे. नागपूर नंतर आता सोलापुरात (Solapur News) देखील डॉल्बी आणि लेजर लाईटवर बंदी घालण्यात आल्याचे आदेश जिल्हाधिकाऱ्यांनी जारी केले आहेत. 13 ते 26 सप्टेंबर दरम्यान सोलापूर जिल्ह्यात डॉल्बी आणि लेजर लाईट वापरावर बंदीचे आदेश जिल्हाधिकारी एस. कार्तिकेयन यांनी दिले आहेत. सोलापुरात यंदाच्या गणेशोत्सवात ही डिजे आणि लेजर लाईट्स वापरावर बंदी घालण्यात आली आहे. ध्वनीप्रदूषण कायद्याचे उललंघन झाल्यास स्पीकर थेट जप्त करणार, अशा सूचना पोलीस आयुक्त एम. राजकुमार यांच्या साउंड आणि लाईट्स व्यावसायिकांना देण्यात आल्या आहेत.

Navi Mumbai DJ Ban: नवी मुंबईतही गणेशोत्सव काळात डीजे लावण्यास बंदी

नवी मुंबई- गणेशोत्सव काळात डीजे लावण्यास नवी मुंबई पोलीसांकडून परवानगी दिली जाणार नाही. नवी मुंबई आणि पनवेल या दोन्ही शहरात ही नियमावली लागू असेल. डी जेच्या आवाजामुळे होणारे ध्वनी प्रदूषण आणि लेझर लाईट मुळे डोळ्यांना होणारी इजा लक्षात घेता गणेश उत्सव मंडळांनी डीजे लावू नयेत, असे आवाहन नवी मुंबई पोलीसांकडून करण्यात आले आहे.

Nagpur News: नागपुरात 1 नोव्हेंबरपर्यंत डॉल्बी साऊंड सिस्टमवर बंदी

नागपूर शहरात मिरवणुकीत वापरल्या जाणाऱ्या डॉल्बी साऊंड सिस्टमवर बंदी घालण्यात आली आहे. काल (3 सप्टेंबर) मध्यरात्री 12 वाजेपासून ते 1 नोव्हेंबर माध्यरात्रीपर्यंत डॉल्बी साऊंड सिस्टमवर बंद राहणार आहे. आमदार आणि माजी महापौर संदीप जोशी यांनी या निर्णयाचे स्वागत केलं असले तरी भाजपमधील इतर नेत्यांनी या निर्णयावर नाराजी व्यक्त केली आहे.

Dhule: धुळ्यातही डीजे बंदीचा निर्णय, निर्णयाविरोधात डीजे व्यावसायिक आक्रमक

धुळ्यातही डीजे बंदीचा निर्णय झालाय. डीजे बंदीच्या निर्णयाविरोधात डीजे व्यावसायिक आक्रमक झालेत. तब्बल 400 ते 500 डीजे व्यावसायिकां समोर आर्थिक संकट उभं ठाकलं आहे. गणेशोत्सवाच्या पार्श्वभूमीवर धुळे जिल्ह्यात डीजे आणि साऊंड सिस्टीमवर बंदीचा निर्णय घेण्यात आला आहे. मात्र, या निर्णयामुळे डीजे चालक-मालकांमध्ये नाराजी पसरली आहे. जिल्ह्यातील सुमारे 400 ते 500 डीजे व्यावसायिक आणि त्यांच्यावर अवलंबून असलेल्या शेकडो कुटुंबांच्या रोजगाराचा प्रश्न निर्माण झाल्याचा दावा संघटनेने केला आहे. यावर तोडगा काढण्यासाठी डीजे चालक-मालकांनी पालकमंत्री जयकुमार रावल यांची भेट घेतली. प्रशासनाने घालून दिलेल्या नियम आणि कायद्याच्या चौकटीत राहूनच डीजेचा आवाज ठेवला जाईल, अशी ग्वाही संघटनेने दिली.

दरम्यान, पालकमंत्री जयकुमार रावल यांनी डीजे व्यावसायिकांचं म्हणणं ऐकून घेतलं असून, पोलीस अधीक्षकांशी चर्चा करून लवकरच सकारात्मक निर्णय घेण्याचं आश्वासन दिलं आहे. पालकमंत्र्यांच्या या आश्वासना नंतर डीजे व्यावसायिकांना आता परवानगी मिळण्याची आशा निर्माण झाली आहे

Konkan Ganeshotsav: रायगड, रत्नागिरी आणि सिंधुदुर्ग जिल्ह्यात डीजे बंदीबाबत अद्याप कोणताही निर्णय नाही

दुसरीकडे, कोकणातील रायगड, रत्नागिरी आणि सिंधुदुर्ग जिल्ह्यात गौरी गणपतीच्या सणात डीजे बंदीबाबत अद्याप कोणताही निर्णय झाला नाहीये. तीनही जिल्ह्याच्या जिल्हाधिकारी किंवा जिल्हा प्रशासन या संदर्भात अद्याप कुठलाही निर्णय घेतलेला नाहीये. याबाबत काही निर्णय झाल्यास तो कळवला जाईल, अशी माहिती प्रशासनाने दिली आहे. मुंबईतील गणेशोत्सव मंडळांनी ‘डीजे’ वाजवल्यास कायदेशीर कारवाईला त्यांना सामोरे जावे लागेल, असे आदेश आधीच देण्यात आले आहेत. न्यायालयाच्या निर्देशांचे उल्लंघन झाल्यास संबंधित मंडळांवर कायदेशीर कारवाई केली जाईल, अशी माहिती प्रशासनाने दिली आहे. त्यामुळे, गणेशोत्सव काळात डीजेचा वापर टाळण्याचे आवाहन करण्यात येत आहे. गणेशोत्सवाच्या दरम्यान लाऊड स्पीकरला दहा पैकी चार दिवस रात्री बारा वाजेपर्यंत परवानगी असणार आहे.

Palghar: गणेशोत्सवात डीजेवर संपूर्ण बंदी नाही; मात्र आवाजाची मर्यादा निश्चित

गणेशोत्सवाच्या पार्श्वभूमीवर पालघर जिल्ह्यातील सर्व गणेश मंडळे तसेच विविध मंडळांच्या पदाधिकाऱ्यांची 2 सप्टेंबर रोजी पोलीस विभागाच्या वतीने बैठक घेण्यात आली. या बैठकीत गणेशोत्सव काळात ध्वनिक्षेपक, साऊंड सिस्टिम आणि डीजेच्या वापराबाबत महत्त्वाच्या सूचना देण्यात आल्या आहेत. गणेशोत्सवात डीजेवर संपूर्ण बंदी घालण्यात आलेली नसली, तरी डीजेचा आवाज शासनाने आणि न्यायालयाने निर्धारित केलेल्या मर्यादेतच ठेवण्याच्या सूचना पोलीस विभागाकडून करण्यात आल्या आहेत. साऊंड सिस्टिमलाही ठराविक डेसिबल मर्यादेपर्यंतच आवाज ठेवता येणार आहे.

विशेषतः सार्वजनिक ठिकाणी ध्वनिप्रदूषण होणार नाही, तसेच नागरिकांना त्रास होणार नाही याची काळजी गणेश मंडळांनी घ्यावी, अशा सूचना पोलिसांनी बैठकीत दिल्या. त्यामुळे यंदाच्या गणेशोत्सवात डीजे बंद नाही, मात्र त्याच्या आवाजावर मर्यादा असणार हे पोलिसांच्या सूचनांमधून स्पष्ट झाले आहे.

इतर महत्वाच्या बातम्या

नाशिक कुंभमेळ्याच्या खर्चातील फक्त 0.1 टक्के रक्कम वापरली तरी राज्यातील मराठी माध्यमाच्या शाळा वाचतील: न्यायमूर्ती पी. बी. वराळे

परशराम पाटील, एबीपी माझा — Mon, 24 Aug 2026 13:48:18 +0530

Justice Prasanna B Varale on Marathi School: सरकार विविध विकासकामांवर हजारो कोटी रुपये खर्च करत आहे, याला माझा कोणताही आक्षेप नाही. मात्र, या हजारो कोटींच्या तरतुदींपैकी केवळ 0.1 टक्के रक्कम म्हणजेच सुमारे 32 कोटी रुपये जरी सरकारने खर्च केली असती, तरी राज्यभरात बंद पडलेल्या 100 ते 125 मराठी माध्यमाच्या शाळा बंद पडल्या नसत्या, अशा शब्दात सर्वोच्च न्यायालयाचे न्यायमूर्ती प्रसन्न बी. वराळे यांनी विरोधाभास दाखवून दिला. सर्वोच्च न्यायालयाचे न्यायमूर्ती प्रसन्न बी. वराळे यांनी राज्यातील शिक्षणासाठीच्या घटत्या अर्थसंकल्पीय तरतुदींबाबत गंभीर चिंता व्यक्त केली. त्यांनी नाशिक-त्र्यंबकेश्वर सिंहस्थ कुंभमेळ्यासारख्या कार्यक्रमांवर होणारा प्रचंड सरकारी खर्च आणि दुसरीकडे सरकारी मराठी माध्यमाच्या शाळा बंद पडणे, यामधील विरोधाभास सांगताना चिंता व्यक्त केली. एका निवासी आश्रमशाळेत योग्य सुविधांच्या अभावामुळे विद्यार्थिनींना जमिनीवर झोपावे लागत होते. दुर्दैवाने, साप चावल्यामुळे तीन मुलींचा मृत्यू झाला आणि आणखी एका मुलीवर सध्या रुग्णालयात उपचार सुरू असल्याचेही त्यांनी सांगितले.

शिक्षणाशी संबंधित अत्यावश्यक पायाभूत सुविधांकडे दुर्लक्ष

न्यायमूर्ती वराळे धुळे जिल्ह्यातील एका हायस्कूलमध्ये आयोजित कार्यक्रमात बोलत होते. याच शाळेत त्यांनी काही काळ शिक्षण घेतले होते. हा कार्यक्रम 'स्मार्ट क्लासेस'च्या लोकार्पणाचा होता. न्यायमूर्ती वराळे म्हणाले की, इतर उपक्रमांसाठी सरकारकडून मोठ्या प्रमाणावर निधीची तरतूद केली जात असतानाही, शिक्षणाशी संबंधित अत्यावश्यक पायाभूत सुविधांकडे मात्र दुर्लक्ष होत आहे. त्यांनी नाशिक-त्र्यंबकेश्वर सिंहस्थ कुंभमेळा आणि मोठ्या पायाभूत सुविधांच्या कॉरिडॉर प्रकल्पांवर होणाऱ्या सरकारी खर्चाबाबतच्या अलीकडील घोषणांचा संदर्भ दिला.

शेकडो शैक्षणिक संस्थांना नवसंजीवनी मिळू शकते

वराळे यांनी सांगितले की, सरकार विविध उपक्रमांसाठी प्रचंड निधीची तरतूद केल्याचा दावा करते. कुंभमेळ्यासाठी उपमुख्यमंत्री 32 हजार कोटी रुपये आणि मुख्यमंत्री 34 हजार कोटी रुपयांचा उल्लेख करतात. तसेच, एका कॉरिडॉर प्रकल्पासाठी 11 हजार कोटी रुपयांची तरतूद केल्याचेही मी वाचले आहे. अशा खर्चाचा अगदी छोटासा हिस्सा जरी वापरला गेला, तरीही राज्यभरातील अडचणीत असलेल्या शेकडो शैक्षणिक संस्थांना नवसंजीवनी मिळू शकते.

मराठीतून शिकल्याने करिअरमध्ये अडथळा आला नाही

वराळे यांनी मराठी माध्यमाच्या शाळांमध्ये दहावीपर्यंत शिक्षण घेतल्याचा आपला वैयक्तिक प्रवास सांगितला. प्रादेशिक माध्यमातून शिक्षण घेतल्यामुळे आपल्या करिअरमध्ये कधीही अडथळा आला नाही, उलट त्यामुळे आपला दृष्टिकोन अधिक समृद्ध झाला, असे त्यांनी ठामपणे सांगितले. "मराठी भाषेतून शिक्षण घेतल्यामुळे मला इतरांकडे पाहण्याचा एक व्यापक आणि उदार दृष्टिकोन मिळाला. माझ्या भाषेने मला बंधुभावाची मूल्ये शिकवली," असे त्यांनी 13व्या शतकातील संत-तत्त्ववेत्ते संत ज्ञानेश्वर आणि 20 व्या शतकातील कवी सुरेश भट यांचे दाखले देत नमूद केले.

विद्यार्थी संख्या पाहता हे बजेट वाढायला हवे होते

न्यायमूर्ती वराळे यांनी गेल्या काही वर्षांत सार्वजनिक अर्थसंकल्पात शिक्षणासाठीच्या तरतुदींचे प्रमाण घटत असल्याबद्दलही टीका केली. ते म्हणाले, वाढत्या विद्यार्थी संख्येच्या गरजा पूर्ण करण्यासाठी राज्याच्या तरतुदींमध्ये वाढ होण्याऐवजी त्या कमी झाल्या आहेत. केंद्र स्तरावर शिक्षणासाठीची अर्थसंकल्पीय तरतूद पूर्वी 11 टक्क्यांच्या दरम्यान असायची. साहजिकच, वाढती विद्यार्थी संख्या पाहता हे बजेट वाढायला हवे होते. त्याऐवजी, अर्थसंकल्पात तरतूद केलेला निधी कमी झाला आहे आणि अनेक वर्षांपासून तो 13 टक्क्यांपर्यंतही पोहोचू शकलेला नाही, असे त्यांनी सांगितले.

इतर महत्वाच्या बातम्या

Baba Ramdev: कंगना म्हणाली, माझ्या जवानीची आणि बेडरुमची दिवसा स्वप्ने पाहू नका, आता बाबा रामदेव पुन्हा भडकले; म्हणाले, 'अशा क्षुल्लक लोकांवर...'

Dhule Accident News: आरटीओ कर्मचाऱ्याने थांबवण्याचा प्रयत्न केला अन् पुढच्या काही क्षणात भयंकर घडलं; भरधाव कंटेनरची चार वाहनांना जोरदार धडक, धुळ्यात भीषण अपघात

धनंजय दिक्षित, एबीपी माझा — Tue, 4 Aug 2026 16:32:04 +0530

Dhule Accident News: धुळे (Dhule) शहराजवळील चाळीसगाव (Chalisgaon) चौफुली परिसरात मंगळवारी भीषण अपघात घडला. उड्डाण पुलावरून भरधाव वेगाने येणाऱ्या कंटेनरने (Container) चार वाहनांना जोरदार धडक दिली. या भीषण अपघातात एका ॲपे रिक्षा चालकाचा जागीच मृत्यू झाला असून अन्य दोन जण गंभीर जखमी झाले आहेत. या घटनेनंतर परिसरात मोठी खळबळ उडाली.

Dhule Accident News: भरधाव कंटेनरची चार वाहनांना जोरदार धडक

याबाबत मिळालेल्या माहितीनुसार, उड्डाण पुलावरून येणाऱ्या कंटेनरला आरटीओ (RTO) कर्मचाऱ्याने तपासणीसाठी थांबवण्याचा प्रयत्न केला. मात्र चालकाने वाहन न थांबवता भरधाव वेगाने पुढे नेले. याचदरम्यान चालकाचे वाहनावरील नियंत्रण सुटले आणि कंटेनरने समोर असलेल्या चार वाहनांना जोरदार धडक दिली. धडकेचा आवाज इतका मोठा होता की परिसरातील नागरिक घटनास्थळी धावले. अपघातात ॲपे रिक्षाचा अक्षरशः चुराडा झाला. या भीषण धडकेत ॲपे रिक्षा चालकाचा जागीच मृत्यू झाला. तर अन्य दोन जण गंभीर जखमी झाले असून त्यांना तातडीने उपचारासाठी रुग्णालयात दाखल करण्यात आले आहे. जखमीं

Dhule Accident News: नागरिकांचा गंभीर आरोप

अपघातानंतर संतप्त नागरिकांनी आरटीओ (RTO) कर्मचाऱ्यांच्या भूमिकेवर प्रश्नचिन्ह उपस्थित केले. चुकीच्या ठिकाणी कंटेनर थांबवण्याचा प्रयत्न केल्यामुळेच हा अपघात घडल्याचा आरोप नागरिकांनी केला. तसेच संबंधित कर्मचाऱ्यांवर कारवाई करण्याची मागणीही करण्यात आली. मात्र, या आरोपांबाबत प्रशासनाकडून अद्याप कोणतीही अधिकृत प्रतिक्रिया देण्यात आलेली नाही.

Dhule Accident News: पोलिसांचा तपास सुरू

अपघाताची माहिती मिळताच पोलीस घटनास्थळी दाखल झाले. अपघातग्रस्त वाहने बाजूला करून वाहतूक सुरळीत करण्यात आली. कंटेनर चालकाची चौकशी सुरू असून अपघाताचे नेमके कारण शोधण्यासाठी पोलीस आणि संबंधित यंत्रणांकडून तपास सुरू आहे.

राज्य आणि देश-विदेशातील महत्त्वाच्या बातम्या; पाहा व्हिडीओ

इतर महत्त्वाच्या बातम्या

Sunetra Pawar and Congress: सुनेत्रा पवारांना गुंगी गुडिया म्हटलं, हर्षवर्धन सपकाळांची प्रेस सुरु असताना राष्ट्रवादीचे सूरज चव्हाण काँग्रेसच्या कार्यालयात घुसले अन्...

Nashik Crime News: कंट्रोल रूमला डायल 112 वर आला फोन, पोलिसांची एकच धावपळ; घटनास्थळी पोहोचताच संपूर्ण यंत्रणा चक्रावली, नाशिकमध्ये नेमकं काय घडलं?

मराठवाड्यात पावसाची दमदार हजेरी; विदर्भातही मुसळधार पाऊस, सिपना नदीला पूर, अनेक गावांचा संपर्क तुटला

रवी मुंडे, एबीपी माझा — Thu, 30 Jul 2026 14:47:15 +0530

जालना : मुंबई, पुण्यासह पश्चिम महाराष्ट्रातील सातारा जिल्ह्यात यंदा पावसाने (Rain) दमदार हजेरी लावल्याचं दिसून आलं. शहरांमध्ये असलेल्या पावसामुळे धरणे भरली असून पिण्याच्या पाण्याची चिंता मिटल्याचं बोललं जातं. मात्र, अद्यापही शेतकरी पावसाची वाट पाहात असून मराठवाड्यातही हवा तेवढा पाऊस नसल्याने बळीराजा काळजीत आहे. मात्र, मराठवाड्यातील जालन्यात आज पावसाने दमदार हजेरी लावली. जिल्ह्यात आज सर्वदूर पावसाने दमदार हजेरी लावली असून हवामान विमानानेही रेड अलर्ट जारी केलाय. तर, विदर्भातही (Vidarbha) मुसळधार पाऊस सुरू असून काही नद्यांना पूर आल्याने अनेक गावांचा संपर्क तुटला आहे.

मराठवाड्यात गेल्या काही दिवसांपासून पावसाने घेतलेल्या विश्रांतीमुळे शेतकऱ्यांची चिंता वाढली होती. मात्र, आज जालना जिल्ह्यातील जालना, बदनापूर, अंबड, मंठा आणि घनसावंगी तालुक्यांसह जिल्ह्यातील अनेक भागांत जोरदार पाऊस बरसला. या पावसामुळे पिकांना मोठा दिलासा मिळाला असून उघडीपामुळे आलेला ताणही कमी होण्यास मदत होणार आहे. त्यामुळे, खरीप पिकांना नवसंजीवनी मिळण्याची आशा शेतकऱ्यांनी व्यक्त केली आहे. दुसरीकडे विदर्भातही 30 आणि 31 जुलै रोजी मुसळधार पावसाचा अंदाज वर्तवण्यात आला आहे. त्याच पार्श्वभूमीवर अमरावती, भंडारा आणि गडचिरोलीत जोरदार पाऊस सुरू आहे.

नांदेडसाठी रेड अलर्ट

प्रादेशिक हवामानशास्त्र केंद्र, मुंबई यांनी आज दुपारी 1 वाजता जारी केलेल्या हवामान सूचनेनुसार नांदेड जिल्ह्यासाठी आज दुपारी 4 वाजेपर्यंत रेड अलर्ट घोषित करण्यात आला आहे. तसेच ३० जुलै २०२६ रोजी जिल्ह्यात तुरळक ठिकाणी मुसळधार ते अतिमुसळधार पावसाची शक्यता वर्तविण्यात आली आहे.या पार्श्वभूमीवर सर्व संबंधित यंत्रणांनी सतर्क राहून आवश्यक ती खबरदारी घ्यावी, तसेच नागरिकांनीही सुरक्षिततेचे नियम काटेकोरपणे पाळावेत, असे आवाहन जिल्हाधिकारी राहुल कर्डिले यांनी केले आहे.

मेळघाटात पावसामुळे हाहाकार, 20 गावांचा संपर्क तुटला

अमरावती जिल्ह्याच्या मेळघाटातील धारणी तालुक्यात काल दिवसभर आणि रात्री मुसळधार पाऊस कोसळला. त्यामुळे नद्या आणि ओढ्यांच्या पाणी पातळीत वाढ झाली आहे. येथील सिपना नदीला पूर आला असून, पाणी पुलावरून वाहत आहे. त्यामुळे 20 ते 25 गावांचा मुख्यालयाशी संपर्क तुटला आहे. याशिवाय, पूर्णा प्रकल्पातील पाण्याची पातळी वाढल्यामुळे तीन दरवाजे 20 सेंटीमीटरने उघडण्यात आले आहेत. त्यामुळे, शिरजगाव कसबा येथील मेघा नदीला अचानक पूर आला. त्यानंतर, प्रशासनाने नदीकिनारी असलेल्या गावांना सतर्क केले आहे.

भंडाऱ्यात मुसळधार पावसाची हजेरी

हवामान विभागानं आज भंडाऱ्याला ऑरेंज अलर्ट दिलेलं असताना सकाळपासून कडक ऊन निघालेले होते. मात्र, दुपारी अचानक वातावरणात बदल झाला. काळे ढग एकत्र आले आणि भंडारा जिल्ह्यात सर्वत्र मुसळधार पावसानं हजेरी लावली. तुमसरमध्ये तब्बल तासभर मुसळधार पावसाची धुमशान होती. तुमसरात मुसळधार पाऊस पडल्यानं अनेक सखलभागांमध्ये पावसाचं पाणी साचलं. सलग पाचव्या दिवशी भंडारा, तुमसर, मोहाडी, साकोली, लाखांदूर, लाखनी आणि पवनी तालुक्यातही या पावसानं जोरदार हजेरी लावली.

गडचिरोलीत पुन्हा मुसळधार पावसाला सुरुवात

मुसळधार पावसामुळे गडचिरोलीच्या सिरोंचा तालुक्यातील कोटापल्ली पुलावरून पाणी वाहत असल्याने चार गावांचा तालुका मुख्यालयाशी संपर्क पूर्णपणे तुटला आहे. तर आल्लापल्ली शहरातील अनेक घरांमध्ये पाणी शिरले असून येथील पेट्रोल पंपालाही पाण्याने वेडा घातला आहे. दरम्यान पुरामुळे जिल्ह्यातील अनेक राष्ट्रीय महामार्ग, राज्य महामार्ग आणि प्रमुख जिल्हा मार्ग पाण्याखाली गेल्याने वाहतुकीवर मोठा परिणाम झाला आहे. आज सकाळी 11 वाजेपर्यंत जिल्ह्यातील तब्बल 18 प्रमुख मार्ग पूरपाण्यामुळे बंद होते. गडचिरोली-धानोरा राष्ट्रीय महामार्गावरील रांगी नाला, आलापल्ली-सिरोंचा राष्ट्रीय महामार्गावरील मोसम आणि टेकमपल्ली नाले, तसेच आष्टी-आलापल्ली या राष्ट्रीय मार्गावरील दीना नदीसह अनेक ठिकाणी पाणी पुलांवरून वाहत आहे. एटापल्ली, अहेरी, मुलचेरा, धानोरा, कोरची, कुरखेडा, चामोर्शी आणि आरमोरी तालुक्यांतील अनेक मार्गही वाहतुकीसाठी बंद करण्यात आले आहेत. दरम्यान प्रशासनाने नागरिकांना पूरग्रस्त मार्गांवरून प्रवास टाळण्याचे आवाहन केले असून प्रशासन परिस्थितीवर सातत्याने लक्ष ठेवून आहे.