घरी बायकोला काय सांगू? गॅस सिलेंडर मिळत नसल्याने संताप, एजन्सीबाहेर ग्राहकाने स्वत:चं डोकं फोडलं

संभाजीनगर शहराजवळच्या वाळूज भागातील रांजणगाव शेपू येथील कमल गॅस एजन्सीमध्ये घरगुती गॅस सिलेंडर मिळत नसल्याने एका व्यक्तीने संतापाच्या भरात स्वतःचे डोके फोडून  घेतले.

man broke head gas cylender sambhajinagar

Source : Abp

छत्रपती संभाजीनगर: इराण आणि अमेरिका यांच्यातील युद्धजन्य परिस्थितीतील तणाव काहीसा कमी झाला असला तरीही भारतातील इंधन पुरवठा आणि गॅस टंचाई (Gas cylender) अद्यापही कमी झालेली नाही. अद्यापही घरगुती गॅससाठी ग्राहकांच्या एजन्सीबाहेर रांगा पाहायला मिळत आहेत. यासह, अनेक हॉटेल व्यवसायिकांच्या उद्योगावरही याचा दैनिक परिणाम अद्यापही कायम आहे. शासनाकडून घरगुती गॅसमध्ये कुठेही कमतरता नसल्याचे सांगितले जाते, पुरवठा अधिकाऱ्यांकडून तशा सूचना देखील देण्यात आल्या आहेत. मात्र, वस्तूस्थिती आजही वेगळीच आहे. त्यातूनच, एका छत्रपती संभाजीनगरमध्ये (sambhajinagar) एका ग्राहकाने गॅस मिळत नसल्याने चक्क स्वत:चं डोकं फोडून घेतलंय.   

संभाजीनगर शहराजवळच्या वाळूज भागातील रांजणगाव शेपू येथील कमल गॅस एजन्सीमध्ये घरगुती गॅस सिलेंडर मिळत नसल्याने एका व्यक्तीने संतापाच्या भरात स्वतःचे डोके फोडून  घेतले. आज दुपारी 1 वाजण्याच्या सुमारास ही धक्कादायक घटना घडली. बालचंद नेमाने (वय 50,रा. रांजणगाव) असे जखमी व्यक्तीचे नाव असून, ते अनेक दिवसांपासून गॅस सिलेंडरसाठी एजन्सीच्या चकरा मारत होते. मात्र, वारंवार प्रयत्न करूनही गॅस उपलब्ध न झाल्याने ते संतप्त झाले. घरी बायकोला काय सांगू?” असे म्हणत त्यांनी स्वतःचे डोके फोडून घेतल्याचे समोर आले आहे. दरम्यान, या घटनेनं गॅस एजन्सीबाहेर चांगलाच गोंधल उडाला होता. त्यानंतर, पोलिसांनी घटनास्थळी धाव घेत सदरील व्यक्तीस उपचारासाठी घाटी रुग्णालयात पाठवलं आहे. मात्र, या प्रकारामुळे पुन्हा एकदा सर्वसामान्य नागरिकांची गॅस सिलेंडरसाठी होत असलेली कोंडी समोर आली आहे. 

अकोल्यात गॅसच्या रांगेतच नागरिकाचा मृत्यू

दरम्यान, काही दिवसांपूर्वी अकोल्यात गॅस सिलिंडरच्या रांगेत एका वृद्धाला आपला जीव गमावावा लागल्याची घटना घडली होती. त्यावरून राष्ट्रवादी काँग्रेस पार्टी शरदचंद्र पवार पक्षाच्या महिला प्रदेशाध्यक्षा रोहिणी खडसे यांनी सरकार आणि सत्ताधारी पक्षाच्या आमदारांवर जोरदार हल्लाबोल केला होता. "सिलिंडर बूक करा, 25 दिवसात येईल" असं वर तोंड करून सांगणाऱ्या आमदार मॅडमने शिरसाट कुटुंबीयांची सर्वात आधी माफी मागायला हवी असे रोहिणी खडसे यांनी भाजप आमदार चित्रा वाघ यांना त्यांचे नाव न घेता टीका केली होती. मात्र, अद्यापही गॅस सिलेंडरच्या टंचाईचा सामना सर्वसामान्य नागरिकांना करावा लागत आहे.  

हेही वाचा