Chhatrapati Sambhaji Nagar News: छत्रपती संभाजीनगर शहरात (Chhatrapati Sambhaji Nagar City) बुधवारी मध्यरात्री दोन गटात तुफान राडा पाहायला मिळाला. यावेळी दोन गट समोरासमोर आल्याने दगडफेक करण्यात आल्याचे पाहायला मिळाले. दरम्यान या घटनेत काही जण जखमी झाले आहेत. तर या गोंधळात एकाचा मृत्यू झाला असल्याचे समोर आले आहे. एका 51 वर्षीय व्यक्तीचा मृत्यू झाला असून, मृत्यूचे कारण मात्र अजूनही स्पष्ट होऊ शकले नाहीत. दरम्यान आतापर्यंत पोलिसांनी 7 जणांना अटक केली असून, 400 पेक्षा अधिक लोकांवर शहरातील जिन्सी पोलीस ठाण्यात गुन्हा दाखल करण्यात आला आहे. सध्या शहरात शांतता असल्याची माहिती पोलिसांनी दिली आहे.
किरकोळ कारणावरून झालेल्या वादाचे रुपांतर दगडफेकीत झाल्याचा प्रकार छत्रपती संभाजीनगर शहरात बुधवारी मध्यरात्री समोर आला आहे. दरम्यान या घटनेत पोलिसांसह खाजगी वाहने पेटवून देण्यात आली आहे. तर या संपूर्ण राड्यात 16 पोलीस कर्मचारी जखमी झाले आहेत. दरम्यान इतर खाजगी लोकं देखील जखमी झाल्याचे समोर येत आहे. तर यातील एका 51 वर्षीय व्यक्तीचा मृत्यू झाला आहे. मात्र या व्यक्तीच्या मृत्यूचे कारण अजून स्पष्ट होऊ शकले नाही. तर सध्या घटनास्थळी पोलिसांचा मोठा बंदोबस्त तैनात करण्यात आला आहे. तर शहर पोलीस आयुक्त निखील गुप्ता स्वतः संपूर्ण परिस्थितीवर लक्ष ठेऊन आहेत. तसेच सध्या शहरात शांतता असून, नागरिकांनी अफवांवर विश्वास ठेवू नयेत असे आवाहन देखील पोलीस आयुक्तांनी केले आहेत.
इतर महत्वाच्या बातम्या :
छ. संभाजीनगरातील वादानंतर असा आहे शहरात पोलीस बंदोबस्त; रॅपिड अॅक्शन फोर्सही तैनात