Chhatrapati Sambhaji Nagar : जिल्ह्यातून मोठी बातमी समोर येत असून, अतिक्रमण काढण्यासाठी गेलेल्या महानगरपालिका आणि पोलिसांच्या पथकावर हल्ला करण्यात आला आहे. शहरातील मुकुंदवाडी रेल्वे स्टेशन परिसरात हा प्रकार समोर आला आहे. यावेळी अतिक्रमणधारकांनी पोलिसांच्या पथकावर थेट दगडफेक केल्याचे पाहायला मिळाले. यावेळी पोलिसांकडून अश्रू धुराच्या नळकांड्या फोडण्यात आल्या आहेत. त्यामुळे
छत्रपती संभाजीनगर शहरात मुकुंदवाडी रेल्वे स्टेशन परिसरात असणाऱ्या विश्रांती नगरमध्ये पोलीस आणि नागरिकांमध्ये मोठा राडा झाला आहे. पोलिसांसह महापालिकेचे पथक या ठिकाणी अतिक्रमण तोडण्यासाठी गेले होते. यावेळी नागरिकांनी कारवाईला विरोध करत पथकावर दगडफेक केली. त्यामुळे पोलिसांनी अश्रुधुराच्या नळकांड्या फोडून नागरिकांना पिटाळून लावलं. तसेच त्यानंतर जेसीबीच्या माध्यमातून अतिक्रमण उध्वस्त करण्यात आले आहे. सध्या घटनास्थळी पोलिसांचा मोठा बंदोबस्त वाढवण्यात आला आहे. तर, वरिष्ठ अधिकारी देखील घटनास्थळी दाखल झाले आहेत.
अचानक नागरिकांनी पथकावर दगडफेक सुरु केली.
आज सकाळीच अनाधिकृत अतिक्रमण काढण्यासाठी मुकुंदवाडी रेल्वे स्टेशन परिसरात असणाऱ्या विश्रांती नगरमध्ये महापालिका प्रशासन पोलीसांच्या मोठ्या फौजफाट्यासह दाखल झाले होते. यावेळी पोलिसांकडून नागरिकांना सहकार्य करण्याचे आवाहन करण्यात आले. मात्र, स्थानिक नागरिकांनी कारवाईला विरोध केला. तसेच थेट रस्त्यावर बसून ठिय्या आंदोलन सुरु केले. यावेळी महिला मोठ्या संख्येने उपस्थित होत्या. तसेच जोरदार घोषणाबाजी देखील करण्यात आली. त्यानंतर काही महिलांनी गोंधळ घालण्याचा प्रयत्न केला आणि अचानक नागरिकांनी पथकावर दगडफेक सुरु केली. त्यामुळे गोंधळाचे वातावरण निर्माण झाले. अंगावर दगड येत असल्याने पथकातील अधिकारी आणि कर्मचारी यांनी स्वतःचा बचाव करण्याचा प्रयत्न केला. शेवटी पोलिसांनी अश्रूधुराच्या नळकांड्या फोडल्या आणि जमाव पांगवला. पोलिसांचा फौजफाटा वाढवण्यात आला असून, अतिक्रमण देखील काढण्यात येत आहे.
नागरिकांनी केली होती कारवाईची मागणी...
छत्रपती संभाजीनगर शहरातील मुकुंदवाडी रेल्वे स्टेशन परिसरात मागील काही दिवसांपासून अवैधधंदे वाढल्याने येथील नागरिकांनी प्रशासनाकडे तक्रार केली होती. या भागात काही लोकांनी अतिक्रमण करून त्यात अवैधधंदे सुरु केले होते. त्यामुळे आज महानगरपालिकेच्या पथकासह पोलिसांचं पथक या अतिक्रमणावर कारवाई करण्यासाठी याठिकाणी गेले होते. मात्र, यावेळी अतिक्रमणधारकांनी कारवाईला विरोध करत पथकावरच हल्ला केल्याचा प्रकार समोर आला.
इतर महत्वाच्या बातम्या :
‘राज्य आमचे आहे, तुमची गुर्मी उतरवू’; भाजप नेत्याची पोलिसांना 'धमकी', व्हिडिओ व्हायरल