Chandrapur News: कच्चा चिवड्यात चक्क मृत पाल; सात जणांना विषबाधा; चंद्रपुरातील खळबळजनक घटना

Vijay Wadettiwar : गडचिरोली जिल्ह्यात वन्यप्राण्यांचा हैदोस, विजय वडेट्टीवारांचा संताप, थेट वनमंत्री गणेश नाईकांना फोन फिरवला; म्हणाले, नरभक्षी वाघांना स्थलांतर करा, नाहीतर....

मंगेश भांडेकर — Tue, 27 Oct 2026 10:48:58 +0530

Vijay Wadettiwar गडचिरोली : गडचिरोली (Gadchiroli) जिल्ह्यात वन्यप्राण्यांचा वाढता धोका आणि वनविभागाच्या दुर्लक्षित धोरणामुळे नागरिकांसमोर गंभीर संकट उभं राहिलंय आहे. गेल्या 5 ते 10 दिवसांत वाघांच्या हल्ल्यांत (Tiger Attack) 5 नागरिकांचा मृत्यू झालाय. तर दुसरीकडे, हत्तींच्या कळपांकडून शेतपिकांचे मोठ्या प्रमाणावर नुकसान होत असल्यानं शेतकरीही संकटात सापडलेत. त्यातच वन्यप्राण्यांपासून संरक्षणासाठी कार्यरत असलेल्या वनमजुरांचं गेल्या पाच महिन्यांपासून वेतन थकीत आहे. या गंभीर प्रश्नांबाबत काँग्रेसचे विधिमंडळ गटनेते विजय वडेट्टीवार (Vijay Wadettiwar) यांनी राज्याचे वनमंत्री गणेश नाईक (Ganesh Naik) यांच्याशी दूरध्वनीवरून चर्चा करत पुढील 7 ते 8 दिवसांत संबंधित अधिकाऱ्यांसोबत बैठक घेऊन नागरिकांची सुरक्षा, शेतपिकांचं संरक्षण आणि वनमजुरांच्या थकीत वेतनाचा प्रश्न मार्गी लावण्याची मागणी केली. (Vijay Wadettiwar on Tiger Attack)

Vijay Wadettiwar on Tiger Attack: माणसापेक्षा वाघ महत्त्वाचा आहे काय? वाघांना स्थलांतर करा, नाहीतर...

दरम्यान, वाघांच्या हल्ल्याच्या प्रकरणांवर बोट ठेवत त्यांनी वनविभाग आणि सरकारच्या कार्यप्रणालीवर टीका केली आहे. यावेळी ते म्हणाले की, यापूर्वी सावली तालुक्यात एक वाघ पकडला गेला. वाघाची संख्या प्रचंड झाली आहे. माणसापेक्षा वाघ महत्त्वाचा आहे काय? वाघांना स्थलांतर करा, नाहीतर आम्हाला नरभक्षी वाघाला वाटेल त्या-त्या प्रकाराचा वापर करून आमच्या संरक्षणासाठी संपवावा लागेल. असा इशारा विजय वडेट्टीवार यांनी दिला आहे. निसर्गाच्या संरक्षणासाठी आम्ही ठेका घेतला नाही. सरकार जंगल संपवत आहे. परिणामी आम्हाला वन विभाग विरुद्ध मोठं आंदोलन करावं लागेल त्याची तयारी आम्ही करत असल्याचे ही काँग्रेस नेते विजय वडेट्टीवार (Vijay Wadettiwar)म्हणाले.

Chandrapur Tiger Attack : तीन जणांचा बळी घेणारा वाघ अखेर जेरबंद, पहिल्यांदाच वाघ पकडण्यासाठीचा अभिनव प्रयोग

चंद्रपूर जिल्ह्यातील टी-122 या नर वाघाला पकडण्यात अखेर वनविभागाला यश आले आहे. वनविभागाने तयार केलेल्या विशेष 30 बाय 30 फुटाच्या महाकाय पिंजऱ्यात हा वाघ अडकला असून चंद्रपूर जिल्ह्यातच नव्हे तर संपूर्ण राज्यात पहिल्यांदाच वाघ पकडण्यासाठी एक अभिनव प्रयोग चंद्रपूर जिल्ह्यात करण्यात आला होता. या प्रयोगामध्ये टी-122 या नर वाघाला पकडण्यासाठी 30 बाय 30 फूट म्हणजेच 900 वर्ग फुटाचा एक अतिशय मोठा पिंजरा तयार करण्यात आला होता. सावली तालुक्यातील सामदा या भागात या वाघाने गेल्या काही दिवसात तीन जणांचा बळी घेतला तर एकाला जखमी केले होते. मात्र डार्ट मारून वाघ पकडण्याची पारंपारिक पद्धत या वाघासाठी कुचकामी ठरल्याने या वाघाला जेरबंद करण्यासाठी पूर्णपणे नो मॅन्स लॅण्ड तयार करून जेरबंद करण्यासाठी हा विशाल पिंजरा तयार करण्यात आला होता आणि संपूर्ण राज्यात पहिल्यांदाच वापरण्यात आलेल्या या पद्धतीने वाघ पकडण्यात यश आला आहे.

Bacchu Kadu: बच्चू कडूंच्या अडचणीत वाढ, आवाजाच्या नमुन्यासाठी घुग्गुस पोलिसांनी नोटीस धाडली, नेमकं प्रकरण काय?

सारंग पांडे, एबीपी माझा — Sat, 24 Oct 2026 09:38:11 +0530

Bacchu Kadu चंद्रपूर : शिवसेना शिंदे गटाचे आमदार बच्चू कडू (Bacchu Kadu) यांच्या संदर्भात एक मोठी बातमी समोर आली आहे. आवाजाचे नमुने देण्यासाठी शिवसेना नेते बच्चू कडू यांना चंद्रपूर (Chandrapur) जिल्ह्यातील घुग्गुस पोलिसांनी नोटीस बजावली आहे. या नोटीसमध्ये बच्चू कडू यांना 26 ऑक्टोबरला घुग्गुस पोलीस स्टेशनमध्ये (Chandrapur Police) हजेरी लावून आवाजाचे नमुने देण्याचे निर्देश देण्यात आले आहे. स्थानिक भूमिपुत्रांना वेकोलिमध्ये 80 टक्के नोकऱ्यांमध्ये प्राधान्य मिळावे, यासह इतर मागण्यांसाठी बच्चू कडू यांनी 18 तारीख म्हणजेच रविवारी एक मोर्चा आयोजित केला होता. या मोर्चादरम्यान विनापरवानगी मोर्चा काढणे, बेकायदेशीर जमाव जमवणे आणि भाषणादरम्यान पोलीस प्रशासन व तहसीलदारांविषयी अत्यंत प्रक्षोभक, अश्लील वक्तव्य करून धमकी दिल्याप्रकरणी माजी राज्यमंत्री तथा आमदार बच्चू कडू (Bacchu Kadu) यांच्यासह सहा जणांवर या आधीच घुग्घुस पोलीस ठाण्यात विविध कलमांन्वये गुन्हा दाखल करण्यात आला आहे.

दरम्यान, आमदार बच्चू कडू यांनी पोलीस प्रशासन आणि तहसीलदार यांच्या विरोधात वापरलेल्या आक्षेपार्ह भाषणासाठीच आता चंद्रपूर पोलीस बच्चू कडू यांच्या आवाजाचे नमुने गोळा करणार असल्याची माहिती आहे. त्यामुळे आता बच्चू कडूंच्या अडचणीत वाढ होताना दिसत असून पोलीस या प्रकरणी पुढे नेमकी काय कारवाई करतात हे पाहणं महत्वाचं ठरणार आहे.

Bacchu Kadu : नेमकं प्रकरण काय?

शिवसेना नेते आणि आमदार बच्चू कडूंसह सहा जणांवर घुग्घुस पोलीस स्टेशनमध्ये गुन्हा दाखल करण्यात आला आहे. विनापरवानगी आंदोलन व पोलिसांवर आक्षेपार्ह वक्तव्य केल्याप्रकरणी हा गुन्हा दाखल करण्यात आला आहे. स्थानिक भूमिपुत्रांना वेकोलिमध्ये 80 टक्के नोकऱ्यांमध्ये प्राधान्य मिळावे, यासह इतर मागण्यांसाठी बच्चू कडू यांनी 18 तारीख म्हणजेच रविवारी एक मोर्चा आयोजित केला होता. या मोर्चादरम्यान विनापरवानगी मोर्चा काढणे, बेकायदेशीर जमाव जमवणे आणि भाषणादरम्यान पोलीस प्रशासन व तहसीलदारांविषयी अत्यंत प्रक्षोभक, अश्लील वक्तव्य करून धमकी दिल्याप्रकरणी माजी राज्यमंत्री तथा आमदार बच्चू कडू यांच्यासह सहा जणांवर घुग्घुस पोलीस ठाण्यात विविध कलमांन्वये गुन्हा दाखल करण्यात आला आहे. आमदार बच्चू कडू (रा. बेलोरा, अचलपूर, अमरावती), शिवसेना (शिंदे) चंद्रपूर वणी आर्णी लोकसभा संघटक मुकेश मनोजराव जिवतोडे (रा. वरोरा), रोशन राजाराम हरबडे (रा. नांदा फाटा, कोरपना), अमोल नथ्थूजी मांढरे (रा. घुग्घुस), नथ्थू भाऊराव नवले (रा. नकोडा, घुग्घुस), सतीश बीडकर (रा. गडचांदूर) यांच्यावर बीएनएस 2023 मधील कलम 190, 191(2), 296, 223, 224, 351(2) तसेच महाराष्ट्र पोलीस अधिनियम, 1951 च्या कलम 135 अंतर्गत गुन्हा नोंदवण्यात आला आहे.

Sudhir Mungantiwar: 38 उमेदवारांची नावं असलेली मतपत्रिका छोट्या छिद्रातून कशी जाणार? मतदान प्रक्रियेवरून भाजपच्या सुधीर मुनगंटीवारांचा संताप, म्हणाले, मत पत्रिका फाटली तर...

सारंग पांडे, एबीपी माझा — Fri, 23 Oct 2026 13:26:12 +0530

Sudhir Mungantiwar चंद्रपूर : भाजपचे ज्येष्ठ नेते सुधीर मुनगंटीवार (Sudhir Mungantiwar) यांनी बॅलेट बॉक्समध्ये मतपत्रिका सहज जात नसलेचं सांगत निवडणुकीच्या प्रक्रियेवर आक्षेप नोंदवला आहे. आचारसंहितेमुळे दुष्काळी प्रश्नांवर बैठक घेऊ न देणाऱ्या निवडणूक आयुक्तांनी 38 उमेदवार असलेली ही मतपत्रिका घडी केल्यावर जाडी होते. इतकी जाड घडी असलेली मतपत्रिका बॅलेट बॉक्स मधील छोट्या छिद्रातून कशी भरली जाईल? याबाबत कुठलाही विचार न केल्याचे सांगत सुधीर मुनगंटीवारांनी (Sudhir Mungantiwar) आपला संताप व्यक्त केलाय.

दरम्यान, आता कुठलीही मतपत्रिका डब्यात भरताना फाटल्याने ती अवैध ठरवू नका, अशी मागणीही त्यांनी यावेळी केली आहे. चंद्रपूर शहरातील एफईएस कॉलेजमध्ये माजी मंत्री सुधीर मुनगंटीवार यांनी पदवीधर मतदार संघ निवडणुकीसाठी मतदान केले. यंदा भाजपचा बालेकिल्ला पुन्हा काबीज करण्यासाठी भाजपच्या विकासकामांना साथ देतील, अशी भावना त्यांनी यावेळी व्यक्त केली.

Chandrapur News : चंद्रपूर जिल्ह्यात सकाळी 8 ते 10 वाजेपर्यंत 8.52% मतदान

नागपूर पदवीधर मतदार संघाच्या मतदानाला चंद्रपूर जिल्ह्यात सुरुवात झाली आहे. चंद्रपुर जिल्ह्यात एकूण 32262 मतदार या निवडणुकीत आपल्या मतदानाचा हक्क बजावणार आहेत. या साठी एकूण 58 मतदान केंद्रांवर प्रशासनाने सकाळी 8 ते संध्याकाळी 4 या वेळेत सुरळीत मतदान व्हावे यासाठी जय्यत तयारी केली आहे. मताधिकार बजावण्यासाठी जिल्ह्यातील सर्वच मतदारांना चार तासांची विशेष सुट्टीची सवलत देण्यात आली आहे. नागपूर पदवीधर मतदारसंघाच्या निवडणुकीत चंद्रपूर जिल्ह्यात सकाळी 8 ते 10 वाजेपर्यंत 8.52% मतदान झाल्याची माहिती आहे.

Nitesh Karale: चंद्रपूरच्या भिसी केंद्रावर सहीच्या कारणावरून प्रतिनिधीला अडविले; नितेश कराळे संतापले, म्हणाले..

वर्धा येथे बंडखोर उमेदवार नितेश कराळे यांनी मतदान प्रक्रियेदरम्यान घोळ होऊ शकतो, अशी शंका व्यक्त केली आहे. माझा वाढता प्रभाव सर्वांच्या डोळ्यात येत असून, चंद्रपूरच्या भिसी केंद्रावर सहीच्या कारणावरून आपल्या प्रतिनिधीला अडविण्यात आल्याचे त्यांनी म्हटले आहे. आमची अडवणूक करण्याचा हा कट असल्याचा दावा त्यांनी केला आहे. तसेच, निवडणूक विभाग भारतीय जनता पक्षाच्या दबावाखाली काम करत असल्याचा गंभीर आरोपही नितेश कराळे यांनी केला आहे.

इतर महत्वाच्या बातम्या

मोठी बातमी! शिवसेना आमदार बच्चू कडूंसह सहा जणांवर गुन्हा दाखल, मोर्चादरम्यान नेमकं काय घडलं?

सारंग पांडे, एबीपी माझा — Wed, 21 Oct 2026 23:32:38 +0530

Bacchu Kadu : शिवसेना नेते आणि आमदार बच्चू कडूंसह (Bacchu Kadu) सहा जणांवर घुग्घुस पोलीस स्टेशन मध्ये गुन्हा दाखल करण्यात आला आहे. विनापरवानगी आंदोलन व पोलिसांवर आक्षेपार्ह वक्तव्य केल्याप्रकरणी हा गुन्हा दाखल झाला आहे. स्थानिक भूमिपुत्रांना वेकोलिमध्ये 80 टक्के नोकऱ्यांमध्ये प्राधान्य मिळावे यासह इतर मागण्यांसाठी बच्चू कडू यांनी 18 तारीख म्हणजेच रविवारी एक मोर्चा आयोजित केला होता. या मोर्चादरम्यान विनापरवानगी आंदोलन व पोलिसांवर आक्षेपार्ह वक्तव्य केले होते. त्यामुळं त्यांच्यावर गुन्हा दाखल झाला आहे.

बेकायदेशीर जमाव जमवणे आणि भाषणादरम्यान पोलीस प्रशासन व तहसीलदारांविषयी अत्यंत प्रक्षोभक

विनापरवानगी मोर्चा काढणे, बेकायदेशीर जमाव जमवणे आणि भाषणादरम्यान पोलीस प्रशासन व तहसीलदारांविषयी अत्यंत प्रक्षोभक, अश्लील वक्तव्य करून धमकी दिल्याप्रकरणी माजी राज्यमंत्री तथा आमदार बच्चू कडू यांच्यासह सहा जणांवर घुग्घुस पोलीस ठाण्यात विविध कलमांन्वये गुन्हा दाखल करण्यात आला आहे. आमदार बच्चू कडू (रा. बेलोरा, अचलपूर, अमरावती), शिवसेना (शिंदे) चंद्रपूर वणी आर्णी लोकसभा संघटक मुकेश मनोजराव जिवतोडे (रा. वरोरा), रोशन राजाराम हरबडे (रा. नांदा फाटा, कोरपना), अमोल नथ्थूजी मांढरे (रा. घुग्घुस), नथ्थू भाऊराव नवले (रा. नकोडा, घुग्घुस), सतीश बीडकर (रा. गडचांदूर) यांच्यावर बीएनएस 2023 मधील कलम 190, 191 (2), 296, 223, 224, 351 (2) तसेच महाराष्ट्र पोलीस अधिनियम, 1951 च्या कलम 135 अंतर्गत गुन्हा नोंदवण्यात आला आहे.

बच्चू कडू हे एक आक्रमक आणि लढवय्ये नेते

महाराष्ट्र राजकारणातील बच्चू कडू हे एक आक्रमक आणि लढवय्ये नेते म्हणून ओळखले जातात. शेतकरी, शेतमजूर, दिव्यांग आणि सामान्य जनतेच्या प्रश्नांवर त्यांनी सातत्याने आक्रमक भूमिका मांडली आहे. एप्रिल 2026 मध्ये त्यांनी एकनाथ शिंदे यांच्या उपस्थितीत शिवसेनेत जाहीर प्रवेश केला आहे. यावेळी त्यांना विधनपरिषदेची लॉटरी देखील लागली होती. दरम्यान बच्चू कडू हे अनेकदा ठिकठिकाणी आंदोलने मोर्चे काढतात. शेती मातीचा प्रश्न असेल दिव्यांगाचा, बांंधवांचा असेल त्या त्या पश्नासाठी कडू हे सातत्याने भूमिका घेत असतात. दरम्यान, भाषण करताना बालोता बोलता आक्षेपार्ह शब्द निघून जातो.. आमदार बच्चू कडूंसह (Bacchu Kadu) सहा जणांवर घुग्घुस पोलीस स्टेशन मध्ये गुन्हा दाखल करण्यात आला आहे. विनापरवानगी आंदोलन व पोलिसांवर आक्षेपार्ह वक्तव्य केल्याप्रकरणी हा गुन्हा दाखल झाला आहे. विनापरवानगी मोर्चा काढणे, बेकायदेशीर जमाव जमवणे आणि भाषणादरम्यान पोलीस प्रशासन व तहसीलदारांविषयी अत्यंत प्रक्षोभक, अश्लील वक्तव्य करून धमकी दिल्याप्रकरणी गुन्हा दाखल झाला आहे.

500 कोटींच्या बॉम्बवरुन भरत गोगावलेंचा जरांगे पाटलांना इशारा, चंद्रशेखर बावनकुळे म्हणाले, आमचा काय संबंध?

प्रणय निर्बाण, एबीपी माझा — Wed, 21 Oct 2026 17:20:20 +0530

चंद्रपूर : बीडमधील नारायणगडावर झालेल्या दसऱ्या मेळाव्यात मराठा आरक्षण आंदोलनाचे नेते मनोज जरांगे पाटील (Manoj Jarange) यांनी उपमुख्यमंत्री एकनाथ शिंदे यांच्यावर खळबळजनक आरोप केले. जरांगे पाटलांनी दावा केला की, एकनाथ शिंदेंनी 500 कोटी रुपये मला दिल्याची चर्चा भाजपा नेत्यांमध्ये सुरू आहे. मात्र, याबाबत त्यांनाची खुलासा करावा, असेही जरांगे पाटील यांनी म्हटले. या आरोपामुळे महाराष्ट्राच्या राजकीय वर्तुळात मोठी खळबळ उडाली आहे. जरांगे पाटलांच्या या आरोपावर महसूलमंत्री चंद्रशेखर बावनकुळे (Chandrashekhar bawankule) यांनी बोलणे टाळले. तर, भरत गोगावलेंनी जरांगे पाटलांना इशारा दिलाय.

मनोज जरांगे पाटलांच्या या वक्तव्यावरून सध्या आरोपांच्या फैरी होताना दिसत आहेत. शिवसेना नेते रामदास कदम यांनी पलटवार केला असून दसरा मेळाव्यातील सभेतून जरांगे पाटलांची चौकशी लावण्याची मागणीही केली. तर मंत्री भरत गोगावले यांनी देखील जरांगे पाटील यांच्या वक्तव्यावरुन पलटवार करत टीका केली. जरांगे हे संधी साधूपणा करत आहेत. जरांगेंना आमचे मराठा समाजाचे नेते उत्तर देत असून एकनाथ शिंदे यांनी मराठा समाजासाठी केलेलं काम कोणतीच जनता विसरणार नाही. त्यामुळे जरांगे पाटील काही उलट सुलट करायला लागले तर त्यांना रायगडाच्या मावळ्याचा शाप लागेल, असे भरत गोगावले यांनी म्हटले. उलट-सुलट केल्यास त्यांना भोगावे लागेल, असा इशाराही गोगावले यांनी दिला.

आमचा काय संबंध - बावनकुळे

महसूल मंत्री चंद्रशेखर बावनकुळे यांना जरांगे पाटलांच्या आरोपांवर विचारले असता, आमचा काय संबंध म्हणत त्यांनी प्रतिक्रिया दिली. ज्यांनी आरोप केलाय त्यांनी बघावं आणि ज्यांच्यावर आरोप झालाय ते उत्तर देतील, यात आमचा काय संबंध आहे, असे चंद्रशेखर बावनकुळे यांनी म्हटलं. तसेच, जरांगे यांना कोणाची कुजबुज ऐकू आली मला माहित नाही, कसा आरोप केला आणि कोणी उत्तर द्यावं हेही माहित नाही, असेही त्यांनी स्पष्ट केले.

जरांगेंनी पुरावे द्यावे - शिंदे

एकनाथ शिंदेंनी पत्रकारांशी बोलताना जरांगे पाटील यांच्या आरोपावर प्रतिक्रिया दिली. आमचे सर्व प्रवक्ते यावर बोलत आहेत, मी कुणालाही 500 कोटी दिले नाहीत, किंवा घेतले नाहीत. जरांगे पाटलांनी शहानिशा करुन बोलावं, असे एकनाथ शिंदेंनी म्हटलं. जरांगे पाटील यांच्याकडे काही पुरावे असतील तर त्यांनी द्यावेत, त्याची चौकशी झाली पाहिजे, मग दूध का दूध पानी का पानी होईल, असे म्हणत जरांगे पाटलांच्या आरोपवर त्यांनी प्रत्युत्तर दिलं.

राजकीय प्लॅटफॉर्म बनवू नये - एकनाथ शिंदे

जरांगे पाटील मराठा समाजाचं काम करत होते, तेव्हा मी मराठा समाजाला विविध कामांतून न्याय देण्याचं काम केलं. गेल्या 60 वर्षांत जे काम झालं नाही, ते आम्ही केलं. आजही मराठा समाजाचं आरक्षण टिकलेलं आहे. मराठा समाजाचंच काम मनोज जरांगे काम करत होते, त्यामुळे आम्ही त्यांना मदत दिली. त्यांनी राजकीय प्लटॅफॉर्म बनवू नये, असेही एकनाथ शिंदेंनी म्हटलं.

हेही वाचा

500 कोटींच्या बॉम्बवरुन मनोज जरांगेंना एकनाथ शिंदेंचं प्रतिआव्हान; म्हणाले, पुरावे द्या, दूध का दूध पानी का पानी होईल

Chandrapur: 'आपण दोघेही 'वार', आपल्यापैकी एक मुख्यमंत्री झाला पाहिजे'; विजय वडेट्टीवार अन् सुधीर मुनगंटीवार यांच्यासोबतचा मिश्किल संवाद, हस्तांदोलन करत सांगितली 'मन की बात'

सारंग पांडे, एबीपी माझा — Mon, 19 Oct 2026 13:07:20 +0530

Chandrapur Politics चंद्रपूर : आपण दोघेही वार आहोत, आपल्यापैकी एक वार मुख्यमंत्री झाला पाहिजे. असं म्हणत काँग्रेस नेते विजय वडेट्टीवार (Vijay Wadettiwar) यांचा भाजपचे जेष्ठ नेते सुधीर मुनगंटीवार (Sudhir Mungantiwar) यांच्यासोबत हस्तांदोलन करतानाचा मुक्त संवाद मोबाईल कॅमेरात कैद झालाय. चंद्रपूर शहरातील रयतवारी कॉलनी भागात काल तेलगू भाषिकांचा बदकम्मा महोत्सव आयोजित करण्यात आला होता, या कार्यक्रमात हजेरी लावून भाजप नेते सुधीर मुनगंटीवार बाहेर पडत असतानाच तितक्यात काँग्रेस नेते विजय वडेट्टीवार आत आले. यावेळी दोघांची काही क्षणासाठी भेट झाली आणि यावेळी विजय वडेट्टीवारांनी हसत मुखाने हस्तांदोलन करत सुधीर मुनगंटीवार यांच्यासोबत आपली 'मन की बात' शेअर केलीय. विशेष म्हणजे वडेट्टीवार यांच्या या शुभेच्छांना मुनगंटीवार यांनी देखील अतिशय दिलखुलासपणे हसत दाद दिली.

Chandrapur Politics: चंद्रपुरातील वडेट्टीवार-धानोरकर वाद मिटला; दोन्ही नेते प्रथमच जाहीर मंचावर एकत्र

दुसरीकडे, पक्षात एकीने लढण्याच्या मुंबईतील वक्तव्यानंतर काँग्रेसचे जेष्ठ नेते आणि आमदार विजय वडेट्टीवार आणि खासदार प्रतिभा धानोरकर प्रथमच जाहीर मंचावर एकत्र दिसले. चंद्रपुरात खासदार धानोरकर यांनी आयोजित केलेल्या दांडिया महोत्सवाला वडेट्टीवार यांचीही हजेरी नव्या चर्चेचं कारण ठरली आहे.

चंद्रपूर जिल्ह्याच्या राजकारणात खासदार प्रतिभा धानोरकर आणि ज्येष्ठ नेते आमदार विजय वडेट्टीवार म्हणजे दोन ध्रुव. मात्र पक्षात एकीने लढण्याच्या मुंबईतील वक्तव्यानंतर काँग्रेसचे जेष्ठ नेते विजय वडेट्टीवार आणि खासदार प्रतिभा धानोरकर आज बऱ्याच दिवसांनी जाहीर मंचावर एकत्र दिसले. निमित्त होते चंद्रपुरात खासादर धानोरकर यांनी आयोजित केलेल्या दांडिया महोत्सवाचं. लोकसभा, विधानसभा, स्थानिक स्वराज्य संस्था आणि त्यातही चंद्रपूर मनपा निवडणुकीने वडेट्टीवार-धानोरकर यांच्यातील राजकीय वैर टोकाला गेले होते. मात्र मनपातील गटनेतेपदावरून झालेली रस्सीखेच आणि मानापमान गिळून हे दोन्ही नेते चक्क आज एका मंचावर दिसले. मागील महिन्यात मुंबईत पक्षाच्या कार्यक्रमात राजकीय वैर संपवून एकदिलाची भाषा बोलली गेली. आणि चंद्रपुरात खासदार धानोरकर यांनी आयोजित केलेल्या दांडिया महोत्सवाच्या मंचावर दोघेही जाहीरपणे एकत्र दिसले. खासदार धानोरकर यांनी या भेटीबाबत प्रतिक्रिया टाळली, मात्र वडेट्टीवार यांनी माध्यमांनी आमच्या एकीकडे बघण्यापेक्षा सत्तेतील आणि खास करून चंद्रपुरातील भाजपचे लोक एकत्र राहतात का? याकडे बघावे, असा सल्ला दिला.

Sunetra Pawar: 'कोणाचीही गय केली जाणार नाही, हल्लेखोरांना तात्काळ अटक करा'; राणा सूर्यवंशी हल्ला प्रकरणी सुनेत्रा पवार ॲक्शन मोडमध्ये, पोलीस अधीक्षकांना कठोर कारवाईचे निर्देश

Nagpur Crime: चंद्रपुरात मैत्रिणीला संपवलं, मग मृतदेह नागपूरात आणून रिकाम्या घरात पुरला, वर फरशीही बसवली; पण...; थरारक घटनेचा उलगडा करत आरोपी शिक्षकाला अटक

रजत वशिष्ठ, एबीपी माझा — Mon, 19 Oct 2026 08:52:55 +0530

Nagpur Crime News: नागपूर जिल्ह्यातील हिंगण्यातून एक खळबळजनक बातमी समोर आली आहे. चंद्रपुरात (Chandrapur) महिला मैत्रिणीची हत्या करून तिचा मृतदेह नागपूर जिल्ह्यातील हिंगणा येथील स्वतःच्या रिकाम्या घरात पुरल्याची (Crime News) धक्कादायक घटना उघडकीस आली आहे. संतोष साखरकर असे आरोपी शिक्षकाचे नाव असून, वैशाली विलास टिपले असे मृत महिलेचे नाव आहे. (Nagpur Crime News)

मिळालेल्या माहितीनुसार, 14 ऑक्टोबर रोजी दोघांमध्ये झालेल्या वादातून संतोषने वैशालीची हत्या केल्याचा आरोप आहे. त्यानंतर मृतदेह एक दिवस कारच्या डिक्कीत ठेवून 15 ऑक्टोबरला हिंगणा येथील आधारनगरी परिसरातील घरात आणला. तेथील खोलीत खड्डा खोदून मृतदेह पुरला आणि वर फरशी बसवून पुरावा नष्ट करण्याचा प्रयत्न केला. मात्र वैशाली बेपत्ता झाल्याची तक्रार मिळाल्यानंतर चंद्रपूर पोलिसांनी तपास सुरू केला.

Nagpur Crime News: मोबाईलच्या कॉल डिटेल्सवरून संतोष ताब्यात, चौकशीअंती गुन्ह्याची कबुली

दरम्यान पोलिसांनी तपासात मोबाईलच्या कॉल डिटेल्सवरून संतोषला ताब्यात घेतले. त्यानंतर चौकशीअंती त्याने आपल्या गुन्ह्याची कबुली दिली. त्यानंतर चंद्रपूर पोलिसांनी हिंगणा पोलिसांच्या मदतीने शनिवारी रात्री दीड वाजता पंचांसमक्ष मृतदेह बाहेर काढला. यानंतर पोलिसांनी पुढील कारवाई करत या हत्येचा उलगडा करत मारेकऱ्याला बेड्या ठोकला आहे. सध्या पोलीस या प्रकरणाचा अधिक तपास करत असून या घटनेनं परिसरात मात्र मोठी खळबळ उडाली आहे.

मिळलेल्या माहितीनुसार, यातील दोघेही चंद्रपूर शहरातील रहिवाशी असून त्यांचे आपसात अनैतिक संबंध होते. दरम्यान, 14 ऑक्टोबरला त्यांच्याच भांडण झाले आणि याच भांडणात संतोषने वैशालीच्या छातीवर जड वस्तूने जोरात वार केले, त्यात तिचा मृत्यू झाला. दरम्यान, पोलिसांनी तिच्या 3 मोबाइलच्या सीडीआरवरून संतोषला ताब्यात घेत चौकशी केली असता त्याने गुन्ह्याची कबुली दिलीय.

Nagpur Accident News: देवीचं दर्शन करून घरी परततांना भीषण अपघात, तिघांचा दुर्दैवी अंत

दुसरीकडे, नागपूर जिल्ह्यात भीषण अपघाताची घटना घडली आहे. देवीचं दर्शन करून घरी परततांना भीषण अपघात झाला असून यात तिघांचा मृत्यू झाल्याची घटना घडलीय. नागपूर जिल्ह्यातील कोंढाळी पोलीस ठाण्यांच्या हद्दीतील कलकुही शिवारात काल (रविवार) रात्री 12 वाजता दरम्यान ही घटना घडलीय. यात काटोल येथून देवीचं दर्शन करून परत जाणाऱ्या तीन तरुणाचा अपघात झाला असून यात तिघांचा या अपघातात मृत्यू झाला आहे. यात तरूणांच्या दुचाकीला कोंढाळी येथून काटोलकडे देवी दर्शनासाठी प्रवाशांना घेऊन जाणाऱ्या क्रुझरने जबर धडक दिली. ही धडक इतकी जोरदार होती की यात तिघांचा जागीच दुर्दैवी अंत झाला आहे. दीपांशु दामोदर चाफले (25), रोशन मारोती चाफले (25), लोकेश जगदीश बारंगे (25) रा.विकासनग कोंढाळी असे मृतकांचे नाव आहे.

इतर महत्वाच्या बातम्या

Amravati Crime: चक्क डॉक्टरकडून साडेतीन लाखांमध्ये नवजात बाळाची विक्री; शिवसेनेच्या महिला पदाधिकाऱ्यांच्या आरोपांनी खळबळ, डॉक्टर महिलेसह पती अन् प्रियकरावर पोक्सो अंतर्गत गुन्हा दाखल

Chandrapur Leopard Attack: महाकालीच्या दर्शनासाठी पायी चाललेल्या नऊ वर्षीय चिमुकल्यावर बिबट्याची झडप; ऐन वर्दळीत हल्ला अन् एकच थरकाप उडाला, चंद्रपूरच्या विसापुरात खळबळ!

सारंग पांडे, एबीपी माझा — Sun, 18 Oct 2026 08:46:30 +0530

Chandrapur Leopard Attack News चंद्रपूर : चंद्रपूर शहरातून एक खळबळजनक बातमी समोर आली आहे. नवरात्रोत्सवानिमित्त शहरातील महाकालीच्या दर्शनासाठी कुटुंबासोबत येत असलेल्या 9 वर्षीय मुलावर बिबट्याने झडप (Chandrapur Leopard Attack News) घातल्याची घटना घडली आहे. या बिबट्याच्या हल्ल्यात (Leopard Attack News) मुलगा गंभीर जखमी झाल्याची माहिती आहे. शनिवारी (17 ऑक्टोबर) रात्री उशिरा बल्लारपूर-चंद्रपूर (Ballarpur-Chandrapur Route) मार्गावरील विसापूर परिसरात ही घटना घडली असून कार्तिक जाधव (वय वर्ष9) असं गंभीर जखमी झालेल्या मुलाचं नाव असून तो हैदराबादचा रहिवाशी असल्याची माहिती आहे. (Chandrapur Leopard Attack News)

Leopard Attack: कार्तिकला जबड्यात पकडून बॉटनिकल गार्डनच्या उंच भिंतीवरून आत नेण्याचा प्रयत्न, अन्...

मिळालेल्या माहितीनुसार, बिबट्याच्या हल्ल्यात गंभीर जखमी झालेला कार्तिक जाधव हा आपल्या आत्याच्या घरी बल्लारपूर येथे आला होता. नवरात्रोत्सवानिमित्त अनेक जण रात्री पायदळ प्रवास करून चंद्रपूरच्या महाकालीला दर्शनासाठी येत असतात. त्याचप्रमाणे हा मुलगा देखील आपल्या कुटुंबासोबत महाकालीच्या दर्शनाला येत होता. मात्र विसापूर जवळ अचानक दबा धरून बसलेल्या बिबट्याने त्याच्यावर अचानक झडप घातली. बिबट्याने कार्तिकला जबड्यात पकडून बॉटनिकल गार्डनच्या उंच भिंतीवरून आत नेण्याचा प्रयत्न केला. मात्र नागरिकांनी आरडाओरडा केल्यामुळे बिबट्याने भिंतीवरून उडी मारताना मुलाला सोडून दिले. पोलीस आणि वन विभागाने शोध घेतल्यावर अत्यंत गंभीर जखमी अवस्थेत मुलगा जवळच आढळून आला असून त्याला सध्या चंद्रपूरचा एका खासगी रुग्णालयात उपचारासाठी दाखल करण्यात आले आहे. मात्र या घटनेने संपूर्ण शहरात मोठी खळबळ उडाली असून ऐन रहदारीच्या परिसरात घडलेल्या या घटनेमुळे नागरिकांमध्ये भीतीचं वातावरण निर्माण झालं आहे.

Chandrapur Tiger Attack: दबा धरून बसलेल्या वाघाची झडप; पतीच्या डोळ्यादेखत पत्नीचा जागीच दुर्दैवी अंत

इतर महत्वाच्या बातम्या

Congress: चंद्रशेखर बावनकुळेंच्या 'त्या' वक्तव्यावरून काँग्रेस आक्रमक; विजय वडेट्टीवार म्हणाले, SIT चौकशी लावून बघा, तुमचे डोळे काढून गोट्या खेळू, यशोमती ठाकूर, हर्षवर्धन सपकाळांचाही घणाघात

Chandrapur Tiger Attack: शेतात काम करत असताना दबा धरून बसलेल्या वाघाची झडप; पतीच्या डोळ्यादेखत पत्नीचा जागीच दुर्दैवी अंत; चंद्रपूरचं पळसगाव हादरलं!

विशाल देवकर — Sat, 17 Oct 2026 12:52:54 +0530

Chandrapur Tiger Attack : चंद्रपूर जिल्ह्यातील चिमूर तालुक्यात पुन्हा एकदा वाघानं हल्ला केल्याची बातमी समोर आली आहे. ताडोबा-अंधारी व्याघ्र प्रकल्पाच्या (Tadoba Andhari Tiger Reserve) बफर क्षेत्रातील पळसगाव वनपरिक्षेत्रात (Palasgaon forest range) वाघाच्या हल्ल्यात महिलेचा दुर्दैवी मृत्यू झालाय. शेतात काम करत असताना दबा धरून बसलेल्या वाघानं हल्ला केल्याची माहिती आहे. या हल्ल्यात उषा अंकुश गुरुनुले (वय 45) यांचा मृत्यू झाला आहे. शुक्रवारी (ता. 16) पतीच्या डोळ्यादेखत ही घटना घडली असून परिसरात मोठी खळबळ उडाली आहे. परिणामी वाढत्या वाघांच्या हल्यांमुळे स्थानिकांमध्ये भीतीचं वातावरण निर्माण झालं आहे. तर दुसरीकडे या घटनेमुळे जंगलालगतच्या शेतात काम करणाऱ्या शेतकरी व शेतमजुरांच्या सुरक्षेचा प्रश्न पुन्हा एकदा ऐरणीवर आला आहे. (Chandrapur Tiger Attack)

Chandrapur Tiger Attack: दबा धरून बसलेल्या वाघाने अचानक हल्ला केला; मानेचा चावा घेतल्याने घटनास्थळीच मृत्यू

मिळालेल्या माहितीनुसार, उषा अंकुश गुरुनुले (वय 45) या आपल्या पती अंकुश यांच्यासोबत धान पिकाला पाणी देण्यासाठी जंगलालगतच्या शेतात गेल्या होत्या. पती डिझेल इंजिनजवळ पाण्याची व्यवस्था करीत असताना उषा शेतातील तण काढत होत्या. याचवेळी दबा धरून बसलेल्या वाघाने अचानक त्यांच्यावर हल्ला केला. त्यानंतर आरडाओरड झाल्याने वाघाने त्यांना पकडून जंगलाच्या दिशेने ओढत नेले. दरम्यान, पतीने आरडाओरड करून त्यांना वाचविण्याचा प्रयत्न केला, मात्र वाघाने मानेचा चावा घेतल्याने उषा यांचा घटनास्थळीच मृत्यू झाला. ही घटना पळसगाव वनक्षेत्रातील कक्ष क्रमांक 559, पीएफ 1000 परिसरात घडल्याची प्राथमिक माहिती आहे. घटनेची माहिती मिळताच वनविभागाच्या पथकाने घटनास्थळी धाव घेऊन पंचनामा केला.

Tiger Attack: जंगलालगतच्या शेतात काम करणाऱ्या शेतकरी व शेतमजुरांच्या सुरक्षेचा प्रश्न पुन्हा एकदा ऐरणीवर

दरम्यान, गेल्या काही दिवसांपूर्वी साठ वर्षीय महिलेच्या मृत्यूस जबाबदार असलेला वाघ ताडोबा-अंधारी व्याघ्र प्रकल्पाच्या आगरझरी तलाव परिसरातून जेरबंद करण्यात वनविभागाला यश आले आहे. चंद्रपूर जिल्ह्यातील ताडोबा-अंधारी व्याघ्र प्रकल्पाच्या आगरझरी तलाव परिसरात मंदाबाई मंगाम या 60 वर्षीय शेतकरी महिलेचा वाघाच्या हल्ल्यात मृत्यू झाला होता. या महिलेवर हल्ला करणाऱ्या वाघाला जेरबंद करण्यात वन विभागाला यश आले आहे. मंदाबाई मंगाम यांचा मृत्यू झाल्यानंतर ग्रामस्थांनी वनविभागाची वाहने अडवून वाघाला जेरबंद करण्याची मागणी केली होती. वनविभागाच्या QRT पथकाने यावर कारवाई करत या भागातून वाघाला जेरबंद केलं. सध्या या वाघाला चंद्रपूरच्या वन्यजीव शुश्रुषा केंद्रात रवाना करण्यात आले आहे. अशातच आता चंद्रपूर परिसरात पुन्हा एकदा वाघानं हल्ला केल्याची घटना घडली असून या वाघांच्या हल्ल्याचा बंदोबस्त करणे वनविभागापुढचं आव्हन असणार आहे. तर नागरिकांनीही जंगललगतच्या शेतात काम करताना विशेष खबरदारी घेण्याचे आवाहन करण्यात आले आहे.

इतर महत्वाच्या बातम्या

Chandrapur News: कच्चा चिवड्यात चक्क मृत पाल; सात जणांना विषबाधा; चंद्रपुरातील खळबळजनक घटना

एबीपी माझा वेब टीम — Tue, 29 Sep 2026 09:52:42 +0530

Chandrapur News: चंद्रपूर शहरातून एक अतिशय खळबळजनक बातमी समोर आली आहे. चंद्रपूर बसस्थानक (Chandrapur Bus Station) रस्त्यावरील एका दुकानातून खरेदी केलेला कच्चा चिवडा खाल्ल्यानंतर सात जणांना विषबाधा झाल्याची घटना घडली आहे. चिवड्याच्या पाकिटात मृत पाल आढळून आल्याचा दावा बाधितांनी (Poisoning) केला असून उपचारानंतर सातही जणांची प्रकृती आता स्थिर असल्याची माहिती आहे. सोमवारी दुपारच्या सुमारास ही घटना घडली होती. त्यानंतर बाधितांना उपजिल्हा रुग्णालयात दाखल करण्यात आले होते. मात्र आता त्यांची प्रकृती स्थिर असल्याने त्यांना रुग्णालयातून सुटी देण्यात आली आहे. मात्र या घटनेने शहरात एकच खळबळ उडाली आहे. (Chandrapur News)

Chandrapur Poisoning News: चिवडा खरेदी करून खाल्ला; काही वेळातच या सर्वांना अचानक मळमळ व उलट्यांचा त्रास

मिळालेल्या माहितीनुसार, विषबाधा झालेल्या सर्व सातही रुग्णांवर उपजिल्हा रुग्णालयात उपचार केल्यानंतर त्यांची प्रकृती सध्या स्थिर आहे. अन्न विषबाधेचे मुख्य कारण वैद्यकीय अहवाल आणि नमुन्यांच्या तपासणीनंतरच स्पष्ट होईल, अशी प्रतिक्रिया वरोराच्या उपजिल्हा रुग्णालयातील वैद्यकीय अधिकारी डॉ. केतकी शेंडे यांनी दिली आहे. तर या विषबाधेमध्ये माजरी येथील सुवर्णा प्रवीण कोहळे (45) व प्रवीण शालिकराम कोहळे (50), राळेगाव येथील पंकज दिगंबर आवारी (40) व दिगंबर विठूजी आवारी (66), भद्रावती येथील अफजल रफिक अहमदखान (71) व अयुब सगीर खान (35) तसेच कोरेगाव येथील शेख रेहमान (61) यांनी दुकानातून कच्चा चिवडा खरेदी करून खाल्ला. मात्र काही वेळातच या सर्वांना अचानक मळमळ व उलट्यांचा त्रास सुरू झाला. परिणामी त्यांना तात्काळ रुग्णालयात दाखल करत उपचार सुरु करण्यात आले. कालांतराने पोलिसांनी घटनेचं गांभीर्य ओळखून तात्काळ चिवड्याचे दुकान बंद केले. तसेच सुरक्षेच्या आणि खबरदारीच्या कारणास्तव चिवड्याचे दुकान तातडीने बंद केले. या प्रकरणी आता अन्न व औषध प्रशासन विभागाला सूचित करण्यात आले असून आता या पुढे नेमकी काय होते हे पाहणं महत्वाचं ठरणार आहे.

Chandrapur Crime: विसर्जन मिरवणुकी दरम्यान गणेश मंडळाचे कार्यकर्ते आणि पोलिसांमध्ये धक्काबुक्की

चंद्रपूरच्या पोंभुर्णा येथे गणेश विसर्जन मिरवणुकी दरम्यान गणेश मंडळाचे कार्यकर्ते आणि पोलिसांमध्ये धक्काबुक्की झाल्याची घटना घडली आहे. या धक्काबुक्कीनंतर पोलिसांनी परिस्थिती नियंत्रणात आणण्यासाठी सौम्य लाठीचार्ज केल्याची माहिती आहे. चंद्रपूर जिल्ह्यातील पोंभुर्णा शहरात काल रात्री गणेश विसर्जनाला गालबोट लागलं आहे. विसर्जन मिरवणुकीदरम्यान पोलीस आणि विघ्नहर्ता गणेश मंडळाच्या कार्यकर्त्यांमध्ये वाद झाल्याने काही काळ तणावाची परिस्थिती निर्माण झाली. शाब्दिक बाचाबाचीचं रूपांतर धक्काबुक्की झाल्यानंतर पोलिसांनी परिस्थिती नियंत्रणात आणण्यासाठी सौम्य लाठीचार्ज केला. या कारवाईनंतर संतप्त झालेल्या गणेश मंडळाच्या कार्यकर्त्यांसह गणेशभक्तांनी शहरातील मुख्य चौकात ठिय्या आंदोलन सुरू केलं. मात्र रात्री उशिरा हा वाद शांत झालाय. सध्या परिस्थिती नियंत्रणात असली तरी वरिष्ठ पोलीस अधिकारी परिस्थितीवर लक्ष ठेऊन आहेत. या प्रकरणी वाद घालणाऱ्या चार ते पाच युवकांवर गुन्हे दाखल करण्याची प्रक्रिया सुरू असल्याची माहिती आहे.

इतर महत्वाच्या बातम्या

Sayaji Shinde: वृक्ष लागवडीसाठी कायद्याचे बंधन कशाला? वन जमिनीवरील झालेले अतिक्रमण वन विभागाला दिसत नाही का? सयाजी शिंदे यांचा प्रशासनाला उद्विग्न सवाल, म्हणाले...