Samruddhi Highway Accident: समृद्धी महामार्गावर पुन्हा भीषण अपघाताची घटना; इंधन संपल्यामुळे बंद पडलेल्या ट्रकला मागून येणार भरधाव ट्रक धडकला; ड्रायव्हरची प्रकृती गंभीर

Sanjay Gaikwad: शेतकऱ्यांबाबतचं वादग्रस्त वक्तव्य; टीकेची झोड उठताच एकनाथ शिंदेंकडून 'करेक्ट कार्यक्रम? आता संजय गायकवाडांचा यू-टर्न, म्हणाले....

डॉ. संजय महाजन — Fri, 30 Oct 2026 13:19:54 +0530

Sanjay Gaikwad and Eknath Shinde: शिवसेनेचे बुलढाण्याचे आमदार आणि वादग्रस्त वक्तव्यांसाठी कुप्रसिद्ध असणारे संजय गायकवाड यांनी अलीकडेच केलेल्या शेतकऱ्यांबाबतच्या (Farmers) वादग्रस्त वक्तव्याने नव्या वादाला तोंड फुटलं आहे. एकीकडे संजय गायकवाडांच्या वक्तव्यानंतर विरोधकांकडून टीकेची झोड उठली असतानाच आता पक्षानेही संजय गायकवाडांविरोधात कारवाईचा बडगा उगारला आहे. 'आत्महत्या करून जीवन संपवणाऱ्या शेतकऱ्यांच्या अंत्यसंस्कारालाही कुणी जाऊ नये' असं वक्तव्य करणाऱ्या आ.संजय गायकवाड यांच्यावर आता उपमुख्यमंत्री एकनाथ शिंदे (Eknath Shinde) हे सुद्धा प्रचंड संतापल्याची माहिती आहे. परिणामी त्यांच्यावर आता निलंबनाची कारवाई होणार असल्याची माहिती सूत्रांनी दिली आहे. तर दुसरीकडे, कारवाईची पावले उचलताच आमदार संजय गायकवाड(MLA Sanjay Gaikwad) यांनी मात्र (Maharashtra Politics news) शेतकऱ्यांवरील वक्तव्यावरून यू-टर्न घेतला आहे.

Sanjay Gaikwad: शेतकऱ्यांबाबचं 'ते' वक्तव्य भोवलं, एकनाथ शिंदेंकडून कारवाई होणार? संजय गायकवाड म्हणाले, नो कॉमेंट्स

'मी माझ्या परिसरातील अमली पदार्थांच्या आहारी गेलेल्या तरुण व प्रेमभंग झालेल्या आत्महत्या करणाऱ्या व्यक्तींबद्दल बोललो होतो, असं म्हणत आमदार संजय गायकवाड यांनी शेतकऱ्यांवरील वक्तव्यावरून यू-टर्न घेतला आहे. एकीकडे संजय गायकवाड यांच्या वक्तव्याने राज्यभरात संतापाची लाट उसळली होती. त्यामुळेच की काय आज संजय गायकवाड यांच्यावर पक्षाने निलंबनाची कारवाई करण्याचा विचार केला आहे. अशातच संजय गायकवाड यांच्या वक्तव्याने पक्ष बदनाम होत असल्याचा दावा खुद्द संजय गायकवाड यांच्या पक्षातीलच काही नेत्यांचा आहे. त्यामुळे पक्षप्रमुख एकनाथ शिंदे हे संतप्त झाले असल्याची माहिती आहे. याबाबत पत्रकार परिषदेत प्रश्न विचारला असता संजय गायकवाड कारवाईच्या प्रश्नावर "नो कॉमेंट्स" म्हणाले आहे.

Vijay Wadettiwar on Sanjay Gaikwad : शेतकऱ्यांची बदनामी करणाऱ्याला आमदार म्हणून राहण्याचा काहीही अधिकार नाही

सरकारला आणि मुख्यमंत्र्यांना सांगू इच्छितो की, राज्यातील संकटात सापडलेल्या दुष्काळग्रस्त शेतकऱ्यांचा अवमान करण्याचे काम आमदारांनी (MLA Sanjay Gaikwad) केले आहे. हा शेतकऱ्यांचा एवढा मोठा अपमान आहे. सरकारकडून हा अपमान झाल्याचे आम्हाला वाटते. जर त्यांच्यावर कारवाई झाली नाही, तर सरकार या विधानाशी सहमत आहे का? सरकार सहमत नसेल, तर त्यांच्यावर कारवाई करावी. या दुःखात शेतकऱ्यांच्या डोळ्यांतील अश्रू दिसत असतील, शेतकऱ्यांबद्दल जाणीव असेल, तर त्यांच्यावर कारवाई करावी. सरकारच्या विरोधात असंतोष निर्माण झालेला आहे. त्यामुळे गायकवाड यांच्यावर त्वरित कारवाई करावी. अशी मागणी विजय वडेट्टीवार (Vijay Wadettiwar) यांनी केली आहे.

Vijay Wadettiwar: भाजपने ठरवून शिंदेसेनेची जिरवणे सुरू केलंय; विजय वडेट्टीवारांचा घणाघात, म्हणाले, देवेंद्र फडणवीसांनी आपली व्यवस्था बरोबर केलीय, सरकार कोसळणार!

Sanjay Gaikwad: मोठी बातमी: शेतकऱ्यांबाबतचं 'ते' वक्तव्य भोवलं, एकनाथ शिंदे संजय गायकवाडांवर संतापले, शिवसेनेतून निलंबित करणार?

अक्षय भाटकर, एबीपी माझा — Fri, 30 Oct 2026 09:06:10 +0530

Sanjay Gaikwad and Eknath Shinde: वादग्रस्त वक्तव्यांसाठी कुप्रसिद्ध असणारे बुलढाण्यातली शिवसेना आमदार संजय गायकवाड यांच्यावर पक्षाकडून मोठी कारवाई होण्याची शक्यता आहे. आमदार संजय गायकवाड (MLA Sanjay Gaikwad) यांनी अलीकडेच शेतकऱ्यांबाबत (Farmers) बोलताना एक वादग्रस्त टिप्पणी केली होती. त्यांच्या या वक्तव्यानंतर टीकेची प्रचंड झोड उठली होती. यामुळे उपमुख्यमंत्री एकनाथ शिंदे (Eknath Shinde) हे गायकवाड यांच्यावर प्रचंड संतापले असून आता त्यांच्यावर निलंबनाची कारवाई होणार असल्याची माहिती सूत्रांनी दिली आहे. (Maharashtra Politics news)

शेतकऱ्यांच्या प्रत्येक संकटात शिवसेना मदतीला धावून जाते. राज्यातील दुष्काळग्रस्त शेतकऱ्यांच्या मदतीसाठी शिवसेनेने व्यापक मदत मोहीम सुरू केली आहे. शेतकरी कुटुंबांतील लाडक्या बहिणींना 25 हजार शिलाई मशिन्सचे वाटप केले जात आहे. शेतकऱ्यांच्या मुलींना 25 हजार सायकली दिल्या जात आहेत. दसरा मेळाव्यात शिवसेनेने 100 ट्रक अन्नधान्य दुष्काळग्रस्त भागात पाठवले आहे. गुरुवारी आणखी २४ ट्रक धान्य पाठवण्यात आले. शिवसेना शेतकऱ्यांच्या मदतीसाठी ठोस काम करत असताना संजय गायकवाड यांच्या वादग्रस्त विधानामुळे शिवसेनेची प्रतिमा नाहक मलीन होत असल्याची पक्षातील नेते, पदाधिकारी आणि कार्यकर्त्यांची भावना आहे. शेतकरी आपला अन्नदाता असून त्याच्याविरोधातील कोणतीही विधाने खपवून घेतली जाणार नाहीत, अशी तंबी देत शिंदे संजय गायकवाड यांच्यावर शिवसेना पक्षातून निलंबनाची कारवाई करण्याचे आदेश एकनाथ शिंदे यांनी दिल्याची माहिती सूत्रांकडून देण्यात आली आहे.

Sanjay Gaikwad on Farmer: संजय गायकवाड नेमकं काय म्हणाले?

बुलढाण्याचे शिवसेनेचे आमदार संजय गायकवाड (Sanjay Gaikwad) यांनी शेतकरी आत्महत्या विषयावर उद्विग्न प्रतिक्रिया देत भाष्य केलं आहे. शेतकरी कुटुंबाला वाऱ्यावर सोडून आत्महत्या करतो. त्याला काही अडचण असेल तर त्याने आमदार, खासदार यांना चिठ्ठी लिहावी. आम्ही सर्व मिळून त्याची मदत करू. असा सल्लाही आमदार संजय गायकवाड यांनी यावेळी दिलाय. आत्महत्या करणाऱ्या शेतकऱ्याच्या अंत्यविधीला किंवा मयताला कोणीही जाऊ नये. जेव्हा लोकांना समजेल की, आपल्या मृतदेहाला जनावरे खातात आणि आपल्या मृतदेहाचे काय होते, तेव्हा ते आत्महत्या करणे थांबवतील. त्यांनी शेतकऱ्यांना आवाहन केले की, काही अडचण असल्यास त्यांनी आत्महत्या न करता सरकारला, आपल्या आमदार किंवा खासदारांना चिठ्ठी लिहून सांगावे. सर्वजण मिळून मदतीला धावून येतील. शेतकरी आत्महत्या करून आपल्या लहान मुलांचे आणि पत्नीचे आयुष्य उद्ध्वस्त करतात, असे संजय गायकवाड यांनी म्हटले होते.

Meenakshi Shinde Resignation: मीनाक्षी शिंदेंचा राजीनामा

प्रदीप पूर्णेकर हत्याप्रकरणामुळे वादाच्या भोवर्‍यात सापडलेल्या शिंदे सेनेच्या नेत्या मिनाक्षी शिंदे यांनी पमुख्यमंत्री आणि शिवसेनेचे मुख्यनेते एकनाथ शिंदे यांना पत्र लिहून पक्षातील आपल्या पदाचा राजीनामा दिला. मिनाक्षी शिंदे या ठाणे जिल्हा महिला आघाडीच्या प्रमुख होत्या. पक्षाच्या अंतर्गत दबावामुळं किंवा इतर कारणांमुळं मीनाक्षी शिंदे यांनी राजीनामा दिला आहे. आता मीनाक्षी शिंदे या ठाणे महापालिकेच्या नगरसेवक म्हणून कार्यरत असतील.

आणखी वाचा

काही लोक आपल्याच मस्तीत असतात, पक्षश्रेष्ठींनाही महत्त्व देत नाहीत; श्वेता महालेंची पुन्हा संजय गायकवाडांवर टीका

Sanjay Gaikwad: ''शेतकरी कुठलाही विचार न करता टोकाचं पाऊल उचलतात, त्यांच्या अंतिम संस्कारालाही कुणी जाऊ नये'; आमदार संजय गायकवाडांचीही उद्विग्न प्रतिक्रिया, शेतकऱ्यांना सल्ला देत म्हणाले...

डॉ. संजय महाजन — Wed, 28 Oct 2026 14:14:03 +0530

Sanjay Gaikwad बुलढाणा : 'शेतकऱ्यांनी आत्महत्या करण्यापूर्वी दहा-बारा पुढार्‍यांना माराव..!' दोन दिवसांपूर्वी असं वक्तव्य वंचित बहुजन आघाडीचे सर्वेसर्वा प्रकाश आंबेडकर (Prakash Ambedkar) यांनी बुलढाण्यात केलं होतं. यावर बऱ्याच प्रतिक्रिया उमटल्या होत्या. आता यापलीकडेही बुलढाण्याचे शिवसेनेचे आमदार संजय गायकवाड (Sanjay Gaikwad) यांनी शेतकरी आत्महत्या विषयावर उद्विग्न प्रतिक्रिया देत भाष्य केलं आहे. शेतकरी कुटुंबाला वाऱ्यावर सोडून आत्महत्या करतो. त्याला काही अडचण असेल तर त्याने आमदार, खासदार यांना चिठ्ठी लिहावी. आम्ही सर्व मिळून त्याची मदत करू. असा सल्लाही आमदार संजय गायकवाड यांनी यावेळी दिलाय. शेतकरी कुठल्याही विचार न करता आत्महत्या करतात. त्यामुळे त्यांच्या मौतीवरही (संस्कारालाही) कुणी जाऊ नये, अशी उदविग्न प्रतिक्रिया आमदार संजय गायकवाड (MLA Sanjay Gaikwad) यांनी दिली आहे.

Prakash Ambedkar: नेमकं काय म्हणाले होते प्रकाश आंबेडकर

जे लोक स्वतःचं जीवन संपवतात त्यांच्या कुटुंबीयांना भेटायला कुठल्याही पुढाऱ्याने जाऊ नये, मरायचंच असेल तर 10-12 पुढाऱ्यांना मारा आणि मग मरा, असे खळबळजनक वंचितचे प्रमुख प्रकाश आंबेडकर (Prakash Ambedkar) यांनी हे वादग्रस्त आणि धक्कादायक वक्तव्य केलंय. तसेच शेतकरी नालायक आहे, त्यांच्यासाठी लढणाऱ्यांना तो मतं देत नाही, असंही आंबेडकर म्हणाले. प्रकाश आंबेडकर हे बुलढाण्यामध्ये माध्यमांशी संवाद साधत होते. शेतकरीच नालायक आहेत, त्याला काय करणार? शेतकऱ्यांसाठी जो नेता प्रामाणिकपणे लढतो त्याला ते मतं देत नाहीत. बुलढाण्यामध्ये रविकांत तुपकर शेतकऱ्यांसाठी लढतात, पण शेतकरी दुसऱ्यालाच निवडून आणतात. त्यामुळे शेतकऱ्यांनी आता स्वतःच्या तोंडात मारून घ्यायला पाहिजे."

MLA Sanjay Gaikwad: एकनाथ शिंदे मनोज जरांगे या दोघांमध्ये तिसरा धोकेबाज कोण हे शोधणे गरजेचे

मनोज जरांगे पाटील ऑडिओ क्लिप खोटी ठरवण्याचा प्रयत्न होतोय. ऑडिओ AIची असल्याचा दावा केला जातोय, यावर एकनाथ शिंदे यांनी सांगितले की, यावर खुलासा करण्याची गरज नाही. मुख्यमंत्र्यांनी ऑलरेडी SITची चौकशी नेमलेली आहे. कोणता पक्ष किंवा कोण महायुतीमध्ये विभाजन करण्याचा प्रयत्न करत आहे. का दोन मराठा नेत्यांमध्ये वाद लावण्याचा प्रयत्न करताय? हे दूध का दूध पाणी का पाणी SIT च्या चौकशीत होईल. ज्या एकनाथ शिंदे साहेबांनी मराठा समाजाला आरक्षण दिल, ते कोर्टात टिकलं. ते कधीही असे पाठीत खंजीर खुपसू शकत नाही. जरांगे पाटलांनी जीव धोक्यात घालून आंदोलन केली ते देखील समाजाशी धोका करणार नाही. या दोघांमध्ये दुसरा धोकेबाज आहे. हा धोका देणारा तिसरा कोण हे शोधणे गरजेचे आहे. असेही शिवसेना आमदार संजय गायकवाड म्हणाले.

FDA Raid : तुकाराम मुंढेंच्या FDAकडून कारवाईचा धडाका; बुलढाण्यात मसाल्यांच्या साठ्यावर मोठी कारवाई; 1 कोटीचा माल जप्त, तर बीडमध्ये दोन मोठ्या आस्थापनांचे परवाने निलंबित

डॉ. संजय महाजन — Mon, 26 Oct 2026 12:01:39 +0530

Buldhana FDA Raid News : आगामी सण आणि उत्सवाच्या पार्श्वभूमीवर तुकाराम मुंढेंच्या (Tukaram mundhe) अन्न व औषध प्रशासन विभाग(FDA)अलर्ट मोडवर असून नियमित खाद्यपदार्थांसह आता अन्न व औषध प्रशासनाचा मोर्चा मसाला व्यावसायिकांकडे वळला आहे. बुलढाणा अन्न व औषध प्रशासनाने देऊळगाव राजा तालुक्यातील पिंपळनेर येथे दोन बड्या व्यवसायिकांच्या आस्थापनांवर धाड (FDA Actions) टाकून एक कोटी रुपयांच्यावर मसाला जप्त केला आहे. तर दोन व्यवसायिकांच्या आस्थापनांचा परवाना निलंबित केला आहे. देऊळगाव राजा तालुक्यातील पिंपळनेर येथील मे. जनता सेवा मिरची मसाला इंडस्ट्रीज व मे. अनोखे फुड्स अँड स्पाइसेस या मसाला उत्पादक आस्थापनेवर कारवाई केली आहे. (Maharashtra FDA Actions Marathi News)

दरम्यान, या दोन्ही आस्थापनेच्या तपासणीत अस्वच्छता, मांजर, कबुतरे व कीटकांचा वावर, कीटक नियंत्रणाचा अभाव, कामगारांच्या वैद्यकीय तपासणीचा अभाव, अन्नपदार्थ थेट जमिनीवर ठेवणे, तसेच अन्नपदार्थांच्या चाचणीचा अहवाल अभाव अशा मोठ्या त्रुटी आढळून आल्यात. परिणामी आता FDAचा मोर्चा मसाला व्यवसायिकांकडे वळाल्याचे चित्र असून अन्न व औषध प्रशासनाच्या या कारवाईने आता मसाला व्यवसायिकांचेही धाबे दणाणले आहेत.

Beed FDA Actions : हॉटेल मामा काठीयावाडी, पाबळे नमकीन यांचे परवाने अन्न व औषध प्रशासनाकडून निलंबित

बीडमध्ये अन्न व औषध प्रशासनाने धडक कारवाई करत नागरिकांच्या जीवाशी खेळणाऱ्या दोन मोठ्या आस्थापनांचे परवाने निलंबित करण्यात आले. यामध्ये धुळे - सोलापूर राष्ट्रीय महामार्गावरील हॉटेल मामा काठीयावाडी या नामांकित हॉटेलसह पाबळे नमकीन या फरसाण उत्पादन करणाऱ्या आस्थापनेचा समावेश आहे. यासह नेकनूर आणि ताडसोन्ना येथील खवा विक्रेत्यांवर देखील कारवाई करण्यात आली आहे. दिवाळीच्या तोंडावर असतानाच या अन्न औषध प्रशासनाने केलेल्या या कारवाईमुळे बीड जिल्ह्यात मोठी खळबळ उडाली आहे.

Beed FDA Actions : सुधारणा नोटीसीकडे हॉटेल चालकाने पूर्णपणे दुर्लक्ष केल्याने फेर तपासणी

मिळालेल्या माहितीनुसार, धुळे - सोलापूर राष्ट्रीय महामार्गावर असलेल्या मांजरसुंबा येथील मामा काठीयावाडी या प्रसिद्ध हॉटेलवर अन्न औषध प्रशासनाने प्रशासनाने कठोर कारवाई केली. यापूर्वी दिलेल्या सुधारणा नोटीसीकडे हॉटेल चालकाने पूर्णपणे दुर्लक्ष केल्याने फेर तपासणीत पिण्याच्या पाण्याचे प्रयोगशाळा प्रमाणपत्र नसणे स्वयंपाक घरात उघड्या कचराकुंड्या, मुदत संपलेले अन्नपदार्थ आढळल्याने हॉटेल मामा काठीयावाडी चा परवाना निलंबित करण्यात आला.

Beed FDA : 1422 किलो आणि 1 लाख 32 हजार 940 रुपये किमतीचा साठा जप्त

तर एमआयडीसी परिसरातील पाबळे नमकीन या फरसाण उत्पादन करणाऱ्या आस्थापनावर अचानक छापा टाकण्यात आला यावेळी अन्न व सुरक्षा नियमांचे डबे उल्लंघन असल्याचे निदर्शनास आले. अयोग्य साठवणूक, उघड्यावर साचलेला कचरा, तळलेल्या तेलाची खालवलेली गुणवत्ता अशा अनेक त्रुटी आढळल्या. यामुळे प्रशासनाने इथून नमकीन, शेव, पापडी यासह पाच नमुने घेतले. तर 1422 किलो आणि 1 लाख 32 हजार 940 रुपये किमतीचा साठा जप्त करत अन्न परवाना तात्काळ निलंबित करून उत्पादन आणि विक्रीस मनाई करण्यात आली.

Prakash Ambedkar : शेतकरीच नालायक आहे... मरायचंच असेल तर 10-12 पुढाऱ्यांना मारून मरा; प्रकाश आंबेडकरांचं वादग्रस्त वक्तव्य

डॉ. संजय महाजन — Sun, 25 Oct 2026 18:54:00 +0530

मुंबई : दुष्काळाची भीषण परिस्थिती आणि शेतकऱ्यांचे जीवन संपवण्याच्या मुद्द्यांवरून वातावरण तापलेले असतानाच वंचितचे प्रमुख प्रकाश आंबेडकर (Prakash Ambedkar) यांनी एक वादग्रस्त आणि धक्कादायक वक्तव्य केलं आहे. जे लोक स्वतःचं जीवन संपवतात त्यांच्या कुटुंबीयांना भेटायला कुठल्याही पुढाऱ्याने जाऊ नये, मरायचंच असेल तर 10-12 पुढाऱ्यांना मारा आणि मग मरा, असे खळबळजनक वक्तव्य त्यांनी केलं. तसेच शेतकरी नालायक आहे, त्यांच्यासाठी लढणाऱ्यांना तो मतं देत नाही, असंही आंबेडकर म्हणाले. प्रकाश आंबेडकर हे बुलढाण्यामध्ये माध्यमांशी संवाद साधत होते.

प्रकाश आंबेडकर म्हणाले की, "शेतकरीच नालायक आहेत, त्याला काय करणार? शेतकऱ्यांसाठी जो नेता प्रामाणिकपणे लढतो त्याला ते मतं देत नाहीत. बुलढाण्यामध्ये रविकांत तुपकर शेतकऱ्यांसाठी लढतात, पण शेतकरी दुसऱ्यालाच निवडून आणतात. त्यामुळे शेतकऱ्यांनी आता स्वतःच्या तोंडात मारून घ्यायला पाहिजे."

Prakash Ambedkar Statement : "लोकांनी आता कायदा हातात घेतला पाहिजे"

राज्यातील दुष्काळी परिस्थितीवर बोलताना प्रकाश आंबेडकर म्हणाले की, अल निनो येणार हे गेल्या वर्षीपासून माहिती असूनही शासनाने अन्नधान्य, पाणी आणि चाऱ्याचे काहीही नियोजन केले नाही. अस्मानी संकटाला तोंड कसे द्यायचे याचा कोणताही आराखडा सरकारकडे तयार नाही. जर सरकारने अन्नधान्य आणि चारा पुरवला नाही, तर नागरिकांनी मंत्री, आमदार, खासदार आणि पदाधिकाऱ्यांच्या घरासमोर लाईन लावली पाहिजे. राज्यात एका बाजूला पाऊस पडत नाही आणि दुसऱ्या बाजूला पर्यावरण नष्ट केले जात आहे, त्यामुळे लोकांनी आता कायदा हातात घ्यायला शिकलं पाहिजे."

Teachers Constituency Election : "शिक्षकाला 5 हजार अन् शिक्षिकेला पैठणी म्हणा"

अमरावती शिक्षक मतदारसंघाच्या निवडणुकीतील भ्रष्टाचारावर बोट ठेवताना प्रकाश आंबेडकरांनी गंभीर आरोप केले. अमरावती शिक्षक मतदार संघात पाचही उमेदवारांनी प्रत्येक मतासाठी 5-5 हजार रुपये खर्च केले. 30 हजार मतांच्या हिशोबाने उमेदवारांनी तब्बल 15 कोटी रुपये खर्च केले असा आरोप त्यांनी केला. हे 15 कोटी रुपये आले कुठून? यांच्यामागे इन्कम टॅक्स किंवा ईडी लागणार आहे का नाही? असा प्रश्न त्यांनी विचारला. तसेच या निवडणुकीनंतर विद् आता शिक्षकाला 'मास्तर' म्हणण्याऐवजी '5000' आणि शिक्षिकेला 'पैठणी' म्हटले पाहिजे, असा सणसणीत टोला प्रकाश आंबेडकर यांनी लगावला.

ही बातमी वाचा:

Torrent Power Karjat Project : कर्जतचा प्रकल्प हा पर्यावरणपूरकच, विरोधकांचे फेक नरेटिव्ह म्हणजे महाराष्ट्रविरोधी धोरण; देवेंद्र फडणवीसांची प्रतिक्रिया

Prataprao Jadhav: एकनाथ शिंदेंचा गळा इतका नाजूक नाही की कुणी केसाने कापेल; जे काही चाललंय ते चांगलं नाही; राज्यमंत्री प्रतापराव जाधवांचा हल्लाबोल, भाजपलाही सुनावलं!

डॉ. संजय महाजन — Sun, 25 Oct 2026 14:43:55 +0530

Prataprao Jadhav: दीड वर्षांपूर्वीची क्लिप विधान परिषद निवडणुकीच्या एक दिवस आधी बाहेर काढण्यात मनोज जरांगेंचा (Manoj Jarange Patil) हेतू काय? याची चौकशी झाली पाहिजे. अशी मागणी केंद्रीय राज्यमंत्री आणि शिवसेनेचे नेते प्रतापराव जाधव (Prataprao Jadhav) यांनी केली आहे. एकनाथ शिंदे (Eknath Shinde) हे सुद्धा मराठा समाजाचं एक मोठं नेतृत्व आहे. आम्ही विदर्भातील 99% मराठा-ओबीसी असतानाही आम्ही जरांगेंच्या आंदोलनाला विरोध न करता पाठिंबा दिला आहे. त्यात आमच्याही मुलाबाळांचं नुकसान आहे. कारण ओबीसींची संख्या वाढली तर विदर्भातील आमच्याही पोराबाळांना नुकसान होऊ शकतं, मात्र सामाजिक बांधिलकी म्हणून आम्ही जरांगेंच्या आंदोलनाला पाठिंबा दिला. आम्ही ओबीसी असतानाही कधी विरोध केला नाही, असेही प्रतापराव जाधव म्हणाले. तर एकनाथ शिंदे (Eknath Shinde) यांचा गळा इतका नाजूक नाही की, तो कुणी केसाने कापेल. जे काही चाललं आहे ते चांगलं नाही, असेही ते म्हणाले.

Prataprao Jadhav: एकनाथ शिंदेंनी ती हिंमत केली नसती तर भाजपला सत्ता दिसली नसती

आम्ही 50 लोकांनी भाजपला मदत केली म्हणून भाजप सत्तेत आली. एकनाथ शिंदेंनी ती हिंमत केली नसती तर भाजपला सत्ता दिसली नसती. भाजपने महाराष्ट्रात कमी आमदार असून मुख्यमंत्री केलं नाही. तर बिहारमध्येही कमी आमदार असूनही नितीश कुमार यांना मुख्यमंत्री केलं. जर प्रवीण दरेकरांना आक्षेप घ्यायचा असेल तर त्यांनी एनडीएच्या नेत्यांवर व त्यांच्या निर्णयावर आक्षेप घ्यावा. मात्र एकनाथ शिंदे यांचा गळा इतका नाजूक नाही की, तो कुणी केसाने कापेल. जे काही चाललं आहे ते चांगलं नाही, असेही राज्यमंत्री प्रतापराव जाधव म्हणाले.

Prataprao Jadhav: मराठा समाजाला दहा टक्के आरक्षण हे एकनाथ शिंदे साहेबांनीच दिलं

मनोज जरांगे पाटील यांचे आरोप गंभीर आहेत, त्याची चौकशी झालीच पाहिजे. जर या ऑडिओ क्लिपमध्ये भाजपच्या लोकांचं नाव येत असेल तर भाजपनेच सर्वात आधी याची चौकशी केली पाहिजे. असेही राज्यमंत्री प्रतापराव जाधव म्हणाले. आमचा आवाज कुणीही दाबू शकत नाही, जे सत्य आहे ते जनतेसमोर यायला हवं. गेली विधानसभा निवडणूक एकनाथ शिंदे यांच्या नेतृत्वातच लढल्यामुळे इतकं यश मिळालं आहे. मराठा समाजाला दहा टक्के आरक्षण हे एकनाथ शिंदे साहेबांनीच दिलं आहे, हे महाराष्ट्रातील जनतेला माहित आहे. एकनाथ शिंदे सारख्या नेतृत्वाला कुणी बदनाम करायचा प्रयत्न करत असेल तर सर्व सैनिकांच्या मनात चीड निर्माण झालेली आहे. श्रीकांत शिंदे सारख्या उभरत्या नेतृत्वाला सुद्धा बदनाम करण्याचा प्रयत्न होत आहे. काँग्रेस हा संपलेला विषय आहे. त्यामुळे ते कुठल्यातरी माध्यमातून जनाधार शोधण्याचा प्रयत्न करतात. असेही राज्यमंत्री प्रतापराव जाधव म्हणाले.

Raj Thackeray: राज ठाकरेंकडून ती डॉक्युमेंट्री डिलीट; म्हणाले, 'मुंबई पोलिसांच्या प्रमुखांनी केलेल्या विनंतीचा मान राखतोय, डॉक्युमेंट्री शेअर केल्यावर तिला इतका प्रचंड प्रतिसाद आला की..'

Sanjay Gaikwad: शिवसेना आमदार संजय गायकवाडांचा थेट सरकारलाच घरचा आहेर; राष्ट्रवादी शरद पवार गटाचा आंदोलनातही सहभागी, म्हणाले, सरकारने शेतकऱ्यांची चेष्टा केलीय!

डॉ. संजय महाजन — Mon, 19 Oct 2026 15:06:16 +0530

Sanjay Gaikwad: दुष्काळग्रस्त शेतकऱ्यांना सरकारने दिवाळीपूर्वी अग्रीम मदत म्हणून पाच हजार रुपये जाहीर केलेत. मात्र ही मदत अपूर्ण असून राजा उदार झाला आणि हाती भोपळा दिला, अशी घोषणाबाजी करत राष्ट्रवादी शरद चंद्र पवार गटाच्या (NCP Sharadchandra Pawar) पदाधिकाऱ्यांनी बुलढाणा (Buldhana News) जिल्हाधिकारी कार्यालयासमोर घोषणाबाजी करत आंदोलन केलं. मात्र सध्या हे आंदोलन एका वेगळ्या कारणासाठी चर्चेत आले आहे. सरकारने पाच हजार रुपयाची मदत जाहीर केली, ती शेतकऱ्यांची चेष्टा आहे. असं विधान सत्ताधारी आमदार संजय गायकवाड यांनी केलंय. तर दुष्काळग्रस्त शेतकऱ्यांना जाहीर केलेली मदत अपुरी म्हणत राष्ट्रवादी शरद पवार गटाच जिल्हाधिकारी कार्यालयासमोर करण्यात आलेल्या आंदोलनात सहभागी होऊन शिवसेना आमदार संजय गायकवाडांनी (Sanjay Gaikwad) थेट सरकारलाच घरचा आहेर दिला आहे.

Sanjay Gaikwad: सरकारने शेतकऱ्यांची चेष्टा करायला नको

विशेष म्हणजे यावेळी जिल्हाधिकारी कार्यालयासमोरून बुलढाण्याचे शिंदेंच्या शिवसेनेचे आमदार संजय गायकवाड आपल्या वाहनातून जात होते. त्यावेळी आंदोलकांनी त्यांना आंदोलनात सहभागी होण्याची विनंती केली. सोबतच त्यांच्या हातात भोपळा देखील दिला. यावेळी आमदार संजय गायकवाड यांनी आंदोलकांची ही विनंती मान्य करत माध्यमांना या ठिकाणी बाईटही दिला. यावेळी बोलताना संजय गायकवाड म्हणाले की, शेतकऱ्यांसाठी कुठल्याही पक्षाने आंदोलन केलं तर ते चांगलंच आहे. सरकारने जी मदत जाहीर केली ती शेतकऱ्यांची चेष्टा आहे. सरकारने सर्व नियम बाजूला ठेवून गेल्या वेळेस केली होती तशी तीन पटीने मदत शेतकऱ्याला करावी. सरकारने शेतकऱ्यांची चेष्टा करायला नको. असेही आमदार संजय गायकवाड म्हणाले.

Bhandara Flower Market : वाशिमच्या बळीराजाची भंडाऱ्यात निराशा! 300 किमी प्रवास अन् झेंडूला अवघा 5 रुपये दर

"सोयाबीन गेलं, तूर हातातून गेली आणि अखेर दसऱ्याच्या तोंडावर झेंडूची फुलं विकून चार पैसे गाठीशी बांधू पाहणाऱ्या वाशिमच्या बळीराजाच्या नशिबी पुन्हा एकदा निराशाचं आली आहे. तब्बल 300 पेक्षा अधिक किलोमीटरचा टप्पा पार करून भंडाऱ्याच्या मार्केटमध्ये पोहोचलेल्या वाशिमच्या एका शेतकऱ्याला झेंडूच्या फुलांना अवघा 5 रुपये प्रति किलो असा तुटपुंजा दर मिळालाय. या अत्यल्प दरामुळं शेतीचा खर्च तर लांबचं, पण, वाशिमवरून भंडाऱ्यापर्यंत झेंडूची फुल आणण्यासाठी झालेला वाहनाचा खर्चही निघालेला नाही.

वाशिम जिल्ह्यातील मंगरूळपीर तालुक्यातील घनश्याम भगत यांनी आपल्या २ एकर शेतात मोठ्या आशेनं फुलशेती फुलवली. अगोदरचं निसर्गाच्या अवकृपेमुळं सोयाबीन आणि तुरीचं पीक हातचे गेले होते. त्यामुळे दसऱ्याच्या सणाला झेंडूच्या फुलांच्या विक्रीतून किमान शेतीचा खर्च निघेल, हीच एकमेव अपेक्षा त्यांना होती. चांगला भाव मिळेल या आशेने घनश्याम भगत यांनी ३०० किलोमीटरचा प्रवास करत आपले झेंडू भंडाऱ्याच्या बाजारपेठेत विकायला आणले. मात्र, भंडाऱ्यात पाऊल ठेवताच त्यांच्या आशेवर पाणी फेरलं गेलं. वाशिमवरून भंडाऱ्यात फुल विक्रीसाठी आणलेल्या दोन वाहनासाठी ४८ हजारांचं वाहन भाडं खर्च आलं. आणि फुल विक्रीतून त्यांना मिळाले केवळ ३० हजार रुपये त्यामुळं १८ हजारांचा तोटा या शेतकऱ्याला सहन करावा लागलाय. शासन आणि प्रशासन अशा संकटग्रस्त फुल बागायतदारांना काही दिलासा देणार का, हाच मोठा प्रश्न आता उपस्थित होत आहे. दुष्काळाच्या दुष्टचक्रात अडकलेल्या या शेतकऱ्यानं Abp माझा जवळ त्यांनी व्यथा मांडली आहे.

इतर महत्वाच्या बातम्या

तुझं काम करुन देतो, मी मंत्र्यांचा पीए आहे; आर्थिक लूट करणाऱ्या आरोपीविरुद्ध फसवणुकीचा गुन्हा दाखल

Buldhana News : दुष्काळाच्या संकटात शेतकऱ्यांना महावितरणचा ‘कॅपॅसिटर’चा दिलासा; बुलढाण्यात मुख्य अभियंता थेट बांधावर, रब्बी पिकांसाठी योग्य दाबाची वीज मिळणार?

डॉ. संजय महाजन — Sat, 17 Oct 2026 11:11:22 +0530

Buldhana News : खरिपाच्या पिकांचे नुकसान झाल्यानंतर रब्बी हंगामाच्या आशा कायम ठेवण्यासाठी महावितरणने शेतकऱ्यांच्या बांधावर जाऊन ‘कॅपॅसिटर’ बसविण्याबाबत जनजागृती व प्रात्यक्षिके सुरू केली आहेत. अकोला परिमंडळाचे मुख्य अभियंता दत्तात्रय बनसोडे यांनी बुलढाणा (Buldhana), अकोला (Akola) आणि वाशिम (Washim) जिल्ह्यांतील शेतांना भेटी देत शेतकऱ्यांना या संदर्भात मार्गदर्शन केलंय. विहीर किंवा बोअरवेल मधील विद्युत पंपांना कॅपॅसिटर बसवल्याने वीजपुरवठ्यातील अडचणी कमी होण्यास, योग्य दाबाची वीज मिळण्यास आणि रोहित्रांचे बिघाड कमी होण्यास मदत होऊ शकते. या उपक्रमामुळे रब्बी पिकांना पाणी देणे सुलभ होण्याची अपेक्षा असून, कॅपॅसिटरचा योग्य वापर करण्यासाठी शेतकऱ्यांचा पुढाकार महत्त्वाचा ठरणार आहे. अस आवाहन सुद्धा महावितरण कंपनीचे कार्यकारी अभियंता एस आर अहिरे यांच्याकडून करण्यात आलं आहे.

Paddy Bonus: धान बोनसबाबत शासन सकारात्मक, शेतकऱ्यांना लवकरच दिलासा मिळणार; भाजप आमदार विनोद अग्रवाल..

गोंदिया आणि भंडारा या दोन्ही जिल्ह्यांत शंभर टक्के शेतकरी हे धान उत्पादक असून, मागील हंगामातील धानाचा बोनस अद्याप शेतकऱ्यांना मिळाला नसल्याने शेतकरी अडचणीत आले आहेत. यावर भाजप आमदार विनोद अग्रवाल यांनी बोनसच्या प्रश्नावर आपण सातत्याने विधानसभेत आवाज उठवला असून शासनाकडे यासंदर्भात सतत पाठपुरावा केला जात असल्याचे वक्तव्य केले आहे. आमदार विनोद अग्रवाल यांनी स्पष्ट केले की, धान बोनसच्या मुद्द्यावर राज्य सरकार पूर्णपणे सकारात्मक असून, शासनाने बोनस नाकारलेला नाही. काही तांत्रिक अडचणींमुळे बोनस मिळण्यास विलंब झाला असला, तरी या अडचणी दूर करून धान उत्पादक शेतकऱ्यांना लवकरात लवकर बोनस मिळवून देण्यासाठी शासनस्तरावर विचारमंथन व प्रयत्न सुरू आहेत. त्यामुळे येत्या काळात धान उत्पादक शेतकऱ्यांना नक्कीच मोठा दिलासा मिळेल असा विश्वासही त्यांनी यावेळी व्यक्त केला.

Bhandara : भंडाऱ्यात 53 हजार हेक्टरवरील पीक नुकसान पंचनामे पूर्ण

राज्य शासनानं जाहीर केलेल्या दुष्काळग्रस्त यादीत भंडारा जिल्ह्यातील 5 तालुक्यांचा समावेश आहे. ट्रिगर 1 अंतर्गत या 5 तालुक्यातील 693 गावांचा यात समावेश असून आतापर्यंत 333 गावांमधील 53 हजार 121 हेक्टरचे दुष्काळी पंचनामे पूर्ण झाले आहेत. यात 83 हजार 938 खातेदारांची नोंद करण्यात आली आहे. जिल्हाधिकारी सावन कुमार यांनी पीक नुकसानीचे पंचनामे तातडीनं पूर्ण करण्याचे निर्देश प्रशासकीय यंत्रणेला दिले आहेत.

इतर महत्वाच्या बातम्या

Gadchiroli News : गडचिरोलीकरांसाठी गुड न्यूज! आरमोरीवरून गोंदिया आणि चांदा फोर्टशी थेट कनेक्टिव्हिटी; रेल्वे बोर्डाचा मोठा निर्णय

दुष्काळाने त्रस्त शेतकऱ्यांना बँकेतही मनस्ताप; बँक कर्मचारी काम सोडून वाढदिवस सेलिब्रेशनमध्ये दंग

डॉ. संजय महाजन — Mon, 12 Oct 2026 16:13:16 +0530

बुलढाणा : बँकेतील (Bank) कर्मचाऱ्यांबाबत सातत्याने तक्रारी येत असतात. विशेषत: सरकारी बँकेतील बहुतांश कर्मचारी खातेदारांना, नागरिकांना चांगली सेवा देतात. मात्र, अनेकदा काही कर्मचाऱ्यांकडून हुल्लडबाजपणा दाखवला जातो. आपण लोकांच्या सेवेसाठी आहोत, याचे भान संबंधित कर्मचाऱ्यांना नसते. बुलढाणा (Buldhana) जिल्ह्यातील शेगावमध्ये असाच एक प्रकार बँकेतील कर्मचाऱ्यांकडून पाहायला मिळाला. विशेष म्हणजे, दुष्काळाच्या पार्श्वभूमीवर बँकेत पैसे काढण्यासाठी आलेल्या शेतकरी बांधवांना ताटकळत ठेऊन कर्मचाऱ्यांकडून वाढदिवसाचे सेलिब्रेशन जोरात सुरू असल्याने बँक खातेदारांनी संताप व्यक्त केला आहे.

राज्यात भीषण दुष्काळ पडलेला आहे, संपूर्ण सरकार शेतकऱ्यांच्या बांधावर आहे. रात्रंदिवस सरकार दुष्काळावर मात करण्याच्या योजना आखत आहेत. शेतकरी, शेतमजूर त्रस्त आहेत, अशातच यंदा दुष्काळावर मात कशी करता येईल? गरीब,वृद्ध आणि शेतकरी या विचारात आहेत. सरकारनेही या दुष्काळ परिस्थितीवर मात करण्यासाठी योजना आखल्या आहेत. पाणी, चारा यासह विद्यार्थ्यांना दिलासा देणारे निर्णय घेतले जात आहेत. शेतकऱ्यांची दिवाळी गोड करण्यासाठी प्रयत्न सुरू आहेत. मात्र, बँक कर्मचाऱ्यांना राज्यातील दुष्काळाचं कुठलंही सोयर सुतक नाही. एकीकडे संपूर्ण राज्य दुष्काळाशी लढत असताना दुसरीकडे मात्र कार्यालयीन वेळेत बँक कर्मचारी बँकेतच वाढदिवसाचं सेलिब्रेशन करताना दिसत आहेत.

एकीकडे दुरवरून खेड्यापाड्यावरून आलेले वृद्ध, शेतकरी व बँकेचे ग्राहक ताटकळत बसलेले असताना दुसरीकडे मात्र ब्रांच मॅनेजरच्या केबिनमध्ये कर्मचारी जमून जवळपास 40 मिनिटे बर्थडे सेलिब्रेशन करत बसल्याचा धक्कादाय प्रकार समोर आला आहे. या घटनेचे व्हिडिओ व्हायरल झाले असून हा धक्कादायक प्रकार शेगाव येथील इंडियन ओव्हरसीज बँकेत घडला आहे. या प्रकारामुळे बँक कर्मचाऱ्यांना संवेदना नाहीत का? कार्यालयीन वेळेत कार्यालयात केक कापणे किंवा वाढदिवस साजरा करणे यावर बंदी असतानाही बँक कर्मचाऱ्यांना शेतकरी व आपल्या ग्राहकांप्रती कुठलीही संवेदना नाही का? असा संतप्त सवाल खातेदार आणि बँकेतील ग्राहकांकडून विचारला जात आहेत. तसेच, संबंधित कर्मचाऱ्यांवर काही कारवाई होणार की नाही, असाही प्रश्न या निमित्ताने विचारला जात आहे.

हेही वाचा

सनातनी धर्म मान्य करा, गोमूत्र मिश्रित कुंकवाचा टिळा लावा, तेव्हाच गरबा प्रवेश; भाजप नेत्याचा गरबा महोत्सव वादात

Samruddhi Highway Accident: समृद्धी महामार्गावर पुन्हा भीषण अपघाताची घटना; इंधन संपल्यामुळे बंद पडलेल्या ट्रकला मागून येणार भरधाव ट्रक धडकला; ड्रायव्हरची प्रकृती गंभीर

डॉ. संजय महाजन — Mon, 12 Oct 2026 14:08:17 +0530

Samruddhi Highway Accident: समृद्धी महामार्गावर पुन्हा भीषण अपघाताची घटना; इंधन संपल्यामुळे बंद पडलेल्या ट्रकला मागून येणार भरधाव ट्रक धडकला; ड्रायव्हरची प्रकृती गंभीर