उपमुख्यमंत्री अजित पवार यांच्यानंतर आता मंत्री अशोक उईकेंचा फोटो मनसेच्या बॅनरवर; हिंदीसक्तीच्या निर्णयाविरोधात भाजपातूनही विरोध?
Maharashtra Politics: उपमुख्यमंत्री अजित पवार यांच्यानंतर आता आदिवासी मंत्री अशोक उईके यांचा फोटो मनसेच्या बॅनरवर झळकल्याने सर्वांच्याच भुवया उंचावल्या आहेत.
Maharashtra Politics मुंबई : राज्यात पहिली ते चौथीच्या वर्गांमध्ये हिंदी ही तिसरी भाषा म्हणून सक्तीने शिकवण्याचा शासन निर्णयाला कडाडून विरोध होताना दिसतोय. दरम्यान याच हिंदी सक्तीच्या (Marathi Vs Hindi) मुद्द्यावरून मनसे आणि शिवसेना ठाकरे गट चांगलाच आक्रमक झाला आहे. राज्यात पहिलीपासून हिंदी भाषा शिकवण्याला, त्रिभाषा सूत्राला ठाकरे बंधूंनी विरोध केला असून येत्या 5 जुलै रोजी या निर्णयाच्या विरोधात संयुक्त मोर्चा काढण्यात येणार आहे. या मोर्चाच्या निमित्ताने 2006 नंतर दोन्ही ठाकरेंची एकत्रित ताकद दिसणार आहे. अशातच या मोर्चाच्या पार्श्वभूमीवर भाजपचे (BJP) मंत्री अशोक उईके (Ashok Uike) यांनी केलेल्या वक्तव्य चक्क मनसेच्या बॅनरवर झळलेलं बघायला मिळत आहे.
मनसेच्या बॅनरवर आदिवासी मंत्री अशोक उईके यांचा फोटो
दरम्यान, राज्यात पहिलीपासून हिंदी भाषा शिकवण्याला, त्रिभाषा सूत्राला ठाकरे बंधूंनी विरोध केला असून 5 जुलै रोजी या निर्णयाच्या विरोधात संयुक्त मोर्चा काढण्यात येणार आहे. या मोर्चाच्या निमित्ताने 2006 नंतर दोन्ही ठाकरेंची एकत्रित ताकद दिसणार आहे. अशातच उपमुख्यमंत्री अजित पवार यांच्यानंतर आता आदिवासी मंत्री अशोक उईके यांचा फोटो मनसेच्या बॅनरवर झळकल्याने सर्वांच्याच भुवया उंचावल्या आहेत. 5 जुलैला मनसेकडून तृतीय भाषा हिंदी सक्तीच्या विरोधात मोर्चाच आयोजन करण्यात आले आहे. या मोर्चासाठी मनसेकडून जोरदार बॅनरबाजी सुरू आहे. त्यातच शनिवारी मनसेच्या बॅनरवर उपमुख्यमंत्री अजित पवार यांचा फोटो असल्याने चर्चा रंगल्या होत्या. तर आता भाजपचे आमदार मंत्री अशोक उईके यांचा फोटो आणि मत मनसेच्या पोस्टरवर बघायला मिळत आहे.
नेमकं काय म्हणाले मंत्री अशोक उईके?
हिंदी मला येत नाही, मी हिंदी बोलणार नाही. मी फक्त मराठीत बोलणार, माझा जन्म आदिवासी कुटुंबात झाला असून आई अज्ञान आणि अडाणी आहे. माझ्या आईने मला मराठीत संस्कार दिले आहेत. मी तेच बोलणार आहे... - आदीवासी मंत्री (भाजपा), असा आशय या बॅनरवर लिहण्यात आला असून आदिवासी मंत्री अशोक उईके यांचा फोटो ही त्यावर दिसतो आहे.
ठाकरेंच्या शिवसेनेकडून दादर शिवसेना भवन परिसरात बॅनरबाजी
'हिंदीसक्तीच्या सरकार निर्णयाची होळी करूया, मराठी माणसाच्या एकजुटीची ताकद दाखवूया !’ अशा आशयाचे बॅनर ठाकरेंच्या शिवसेनेकडून दादर येथील शिवसेना भवन परिसरात लावण्यात आले आहे. आमदार महेश सावंत यांच्याकडून ही बॅनरबाजी करण्यात आलेली आहे. आज दुपारी तीन वाजता ठाकरे गटाकडून आणि विरोधी पक्षाकडून तसेच मराठी भाषा अभ्यास केंद्राकडून तृतीय भाषेच्या सरकारच्या शासन निर्णयाची होळी केली जाणार आहे. त्यामुळे यावेळी मोठा जमाव जमणार असल्याचे बोललं जात आहे.
हे ही वाचा
महत्त्वाच्या बातम्या
