Parinay Fuke : पालकमंत्र्यांसमोर रडत-रडत कैफियत मांडली, वैफल्यग्रस्त शेतकऱ्यानं दोनच दिवसात टोकाचं पाऊल उचललं; भंडाऱ्यातील सपाटे कुटुंबीयांचं सांत्वन करत परिणय फुकेंचा मदतीचा शब्द

Arnab Cyclone: बंगालच्या उपसागरातील 'अर्णब' चक्रीवादळ पूर्व किनारपट्टीवर धडकलं; महाराष्ट्रालाही तडाखा बसणार; नागपूरसह पूर्व विदर्भाला अलर्ट, अतिमुसळधार पावसाची शक्यता

रजत वशिष्ठ, एबीपी माझा — Wed, 28 Oct 2026 11:20:57 +0530

Arnab Cyclone Marathi News: राज्यात एकीकडे तीव्र दुष्काळाचे सावट असताना दुसरीकडे बंगालच्या उपसागरातून निर्माण झालेल्या अर्णब चक्रीवादळाने (Arnab Cyclone) भारताच्या मुख्य भूमीत प्रवेश केल्याची माहिती समोर आली आहे. परिणामी त्याचे परिणाम ओडिशा, आंध्र प्रदेश छत्तीसगडसह महाराष्ट्रातील (Maharashtra Rain Forecast) पूर्व विदर्भातील काही भागांवरही होण्याची शक्यता आहे. हवामान विभागाच्या नागपूर प्रादेशिक केंद्राने दिलेल्या अलर्ट (IMD Rain Alert) प्रमाणे आज ( 28 ऑक्टोबर) गडचिरोली (Gadchiroli District) जिल्ह्यात अनेक भागांमध्ये मुसळधार पाऊस होऊ शकतो, असा अंदाज नागपूर प्रादेशिक हवामान केंद्राचे वरिष्ठ वैज्ञानिक प्रवीण कुमार यांनी व्यक्त केला आहे. (Arnab Cyclone Marathi News)

Arnab Cyclone Effect on Vidarbha: गडचिरोली जिल्ह्यासाठी ऑरेंज अलर्ट, पूर्व विदर्भात हलक्या ते मध्यम स्वरूपाचा पाऊस

दरम्यान, हवामान विभागाने गडचिरोली जिल्ह्यासाठी ऑरेंज अलर्ट जारी केला आहे. तर पूर्व विदर्भातील गोंदिया, भंडारा, चंद्रपूर आणि काही अंशी नागपूर व वर्धा जिल्ह्यात तुरळक भागांमध्ये हलक्या ते मध्यम स्वरूपाचा पाऊस होऊ शकतो, असे अंदाजही हवामान विभागाने व्यक्त केले आहे. पूर्व विदर्भातील गडचिरोली पकडून इतर जिल्ह्यांसाठी हवामान विभागाने पावसाचा येलो अलर्ट जारी केला आहे. पावसासह पूर्व विदर्भातील अनेक भागांमध्ये सोसाट्याचा वाराही वाहू शकतो असे हवामान विभागाचे अंदाज आहे.

अर्णब चक्रीवादळाचा फटका विमानसेवेलाही- (Cyclone Arnab also affects air services)

बंगालच्या उपसागरात निर्माण झालेल्या 'अर्णब' चक्रीवादळामुळे आंध्र प्रदेशातील विशाखापट्टणम आणि विजयवाडा येथून येणाऱ्या-जाणाऱ्या विमानांच्या सेवांवर परिणाम होण्याची शक्यता आहे. या पार्श्वभूमीवर एअर इंडियाने २७ ऑक्टोबर रोजी प्रवासविषयक सूचना जारी करून प्रवाशांना सतर्क राहण्याचे आवाहन केले आहे. प्रतिकूल हवामानामुळे विमानांच्या वेळापत्रकात बदल होऊ शकतो. त्यामुळे प्रवाशांनी एअर इंडियाच्या अधिकृत संकेतस्थळावर आपल्या विमानाची सद्यस्थिती तपासावी. तसेच विमानतळावर पोहोचण्यासाठी अतिरिक्त वेळ राखून ठेवावा, असे कंपनीने स्पष्ट केले आहे. खराब हवामानामुळे रस्ते वाहतुकीवरही परिणाम होण्याची शक्यता असल्याचे कंपनीने सूचनेत नमूद केले आहे.

आंध्र प्रदेशात अचानक पूर येण्याचा धोका- (Andra Pradesh Arnab Cyclone)

भारतीय हवामान विभागाने (IMD) अनाकापल्ली, अल्लुरी सीताराम राजू, काकीनाडा, विशाखापट्टणम आणि विजयनगरम जिल्ह्यांच्या काही भागांत पुढील 6 तासांत अचानक पूर (flash floods) येण्याचा मध्यम ते गंभीर धोका असल्याचा इशारा दिला आहे. तसेच, पुढील 24 ते 36 तासांत अनेक भागांत पूर येण्याची शक्यता वर्तवण्यात आली आहे. नोंदवलेल्या पावसाची आकडेवारी पाहता, विशाखापट्टणम (आंध्र प्रदेश) येथे 217 मिमी, कलिंगपट्टणम येथे 147 मिमी, तुनी येथे 123 मिमी, काकीनाडा येथे 118 मिमी, मछलीपट्टणम येथे 115 मिमी, गोपालपूर येथे 94 मिमी आणि पुरी (ओडिशा) येथे 72 मिमी पावसाची नोंद झाली आहे.

Amravati MLC Election Result 2026: 'आदरणीय गुरुजन धन्यवाद, शिक्षकांनी माझी किंमत काय हे दाखवून दिले'; अमरावतीत मतदारांचा कौल बघताच भाजप अनिल बोंडेंच्या बहिणीचं व्हॉट्सअप स्टेटस चर्चेत

जरांगे पाटलांनी दाखवलेली क्लिप AI च्या माध्यमातून तयार केलेली, मुख्यमंत्र्यांकडून चौकशीचे आदेश : परिणय फुके

प्रशांत देसाई — Fri, 23 Oct 2026 16:36:44 +0530

Parinay Phuke : मराठा आंदोलक मनोज जरांगे पाटील (Manoj Jarange Patil) यांनी 500 कोटींच्या देवाण-घेवाणीचा आरोप करणारी ऑडिओ क्लिप भर पत्रकार परिषदेत दाखवल्यानं राजकीय क्षेत्रात खळबळ उडाली आहे. या घटनेनंतर राज्याच्या राजकीय वर्तुळात आरोप-प्रत्यारोपांच्या फैरी उडत आहेत. दरम्यान, या प्रकरणावर भाजप आमदार परिणय फुके यांनी प्रतिक्रिया दिली आहे. मनोज जरांगे पाटील यांनी दाखवलेली ऑडिओ क्लिप एआयच्या माध्यमातून तयार केलेली असावी असे मत आमदार परिणय फुके यांनी व्यक्त केले. क्लिपची सत्यता तपासण्याचे आदेश मुख्यमंत्री देवेंद्र फडणवीसांनी दिल्याचे फुके म्हणाले. दरम्यान, ती क्लिप जर खरी असेल तर निश्चितच त्यावर पुढील कारवाई होईल असेही फुके म्हणाले.

ती क्लिप चुकीच्या प्रकारे बनवण्यात आली

काल मनोज जरांगे पाटील यांनी जी क्लिप दाखवली, त्या क्लिपची सत्यता तपासण्याबाबत मुख्यमंत्री साहेबांनी आदेश दिले आहेत. ती क्लिप खरी असल्यास निश्चितच त्यावर पुढे कारवाई होईल, असे भाजप नेते तथा आमदार परिणय फुके यांनी स्पष्ट केले आहे. मात्र, आपल्याला असे वाटते की ती क्लिप चुकीच्या प्रकारे बनवण्यात आली असून, कोणात्यातरी व्यक्तीचा आवाज त्यात टाकण्यात आला आहे. एआयच्या माध्यमातून ही क्लिप तयार केली असावी, असे मत आमदार परिणय फुके यांनी व्यक्त केले आहे.

मुख्यमंत्र्यांनी केलेल्या प्रत्येक कामावर संजय राऊत यांचे ऑब्जेक्शन असते

संजय राऊत यांच्या भूमिकेवर बोलताना भाजप नेते तथा आमदार परिणय फुके यांनी त्यांच्यावर खोचक टीका केली आहे. आतापर्यंत अनेक एसआयटी स्थापन करण्यात आल्या आहेत, मात्र एसआयटी म्हणजे त्यांचे दांडिया आणि त्यांचेच सर्व काही असते, असा टोला त्यांनी लगावला आहे. मुख्यमंत्री साहेब जे काही निर्णय किंवा कामे करतात, त्यावर संजय राऊत यांचे प्रत्येक विषयावर ऑब्जेक्शन असते आणि ते त्यावर टीका करतात. हे त्यांचे रोजचे कामच आहे. त्यांच्या पक्षाने त्यांना सकाळी 9 वाजता उठून भोंगा वाजवण्याचे काम दिले आहे. ते तेच काम करत असतात, असे म्हणत आमदार परिणय फुके यांनी विरोधकांच्या टीकेचा समाचार घेतला आहे.

शिंदेसेनेच्या शिष्टमंडळाने गुरुवारी रात्री कथित ऑडिओ क्लिपसंदर्भात मुख्यमंत्री फडणवीस यांची वर्षा निवासस्थानी रात्री भेट घेतली. या भेटीत ऑडिओ क्लिपची सायबर यंत्रणा आणि फॉरेन्सिक प्रयोगशाळेच्या माध्यमातून तपासणी करण्याची मागणी करण्यात आली. भाजपनेही या प्रकरणाची पक्षांतर्गत चौकशी करावी, अशी भूमिका शिष्टमंडळाने मांडली. या मागणीवर मुख्यमंत्र्यांनी सखोल चौकशी करण्याबाबत आश्वस्त केल्याची माहिती सचिन अहिर यांनी दिली.

महाराष्ट्र सरकार, बिश्नोई गँग आणि केंद्र सरकारचा त्रिकोण; गृहमंत्री झोपलेत का? नाना पटोलेंचा गंभीर आरोप, जयकुमार गोरेंचा अभ्यास कमी असल्याचंही वक्तव्य

प्रशांत देसाई — Wed, 21 Oct 2026 20:04:08 +0530

Nana Patole : लॉरेन्स बिश्नोई गँगकडून कलाकारांनंतर राजकारण्यांनाही टार्गेट केलं जाण्याच्या खासदार संजय राऊतांच्या दाव्याला काँग्रेस नेते नाना पटोले (Nana Patole) यांनी पाठिंबा दिला आहे. देशाचे आणि राज्याचे गृहमंत्री झोपलेत का? गुजरातच्या जेलमध्ये बसून कारवाया सुरु असल्यावरुन नाना पटोलेंनी सरकारला संतप्त सवाल केला आहे. महाराष्ट्र सरकार, बिश्नोई गँग आणि केंद्र सरकारचा त्रिकोण आहे. टायगर श्रॉफ प्रकरणावर सरकारनं खुलासा करावा अशी मागणी पटोलेंनी केली आहे.

लॉरेन्स बिश्नोई संदर्भात संजय राऊतांनी केलेल्या वक्तव्याचं काँग्रेस नेते आमदार नाना पटोले यांनी समर्थन करत भाजप सरकारवर ताशेरे ओढले. बिश्नोई गुजरातच्या जेलमध्ये असून तिथूनच सर्व कारवाया करत आहे. देशाची आणि गुजरातची सत्ता एकाच पक्षाकडं असताना देशाचे गृहमंत्री, राज्याचे गृहमंत्री आणि मुख्यमंत्री झोपलेत का? असा संतप्त सवाल नाना पटोलेंनी केला. अधिवेशनाच्या काळात अकोल्याचे काँग्रेस आमदार साजिद पठाण यांनाही बिश्नोई गँगकडून धमकी आल्याचा मुद्दा आपण विधानसभेत उपस्थित केल्याचे पटोले म्हणाले. टायगर श्रॉफच्या बाबतीत घडलेली अलीकडची घटना थोडक्यात बचावले असून, यामध्ये महाराष्ट्र सरकार, बिश्नोई गँग आणि केंद्र सरकारचा कुठेतरी त्रिकोण असल्याचा गंभीर संशय त्यांनी व्यक्त केला आहे.

जयकुमार गोरे यांचा अभ्यास कमी

महाराष्ट्रात भीतीचं वातावरण निर्माण करून लोकांना घाबरवण्याची व्यवस्था केली जात असल्याचा आरोप त्यांनी केला. या संपूर्ण प्रकरणावर सरकार व प्रशासनानं खुलासा करावा, अशी ठाम भूमिका नाना पटोले यांनी मांडली. यावेळी बोलताना नाना पटोलेंनी जयकुमार गोरे यांच्यावर देखील टीका केलीय. जयकुमार गोरे यांचा अभ्यास कमी असून, अमेरिका आणि चीनच्या इशाऱ्यावर व दबावाखाली सध्याचे भाजप सरकार चालत असल्याचा टोला नाना पटोले यांनी लगावला. आंदोलक तरुण हे पैशांसाठी नाही तर देशाच्या रक्षणासाठी व संविधानासाठी लढत असून, भाजप जाणीवपूर्वक उलटा प्रचार करत असल्याचा घणाघात पटोले यांनी केला.

आंदोलक तरुण हे पैशांसाठी नाही तर देशासाठी आणि संविधानासाठी लढतायेत

मंत्री जयकुमार गोरे यांनी दावा केला होता की, भारताला अस्थिर करण्यासाठी परदेशी शक्तींचा वापर केला जात असून आंदोलनातील युवकांना दररोज 3000 रुपये दिले जात आहेत. नाना पटोले यांनी गोरे यांच्या या दाव्यावर प्रतिक्रिया देत, त्यांचा अभ्यास कमी पडत असल्याचे म्हटले आहे. अमेरिका आणि चीन देशाचा कारभार चालवत असून, अमेरिका व चीनच्या आदेशानुसार व दबावाखाली केंद्र सरकार आणि भाजप काम करत असल्याचा गंभीर आरोप पटोले यांनी केला. आंदोलक तरुण हे पैशांसाठी नाही तर देशासाठी आणि संविधानासाठी लढत आहेत, असे स्पष्ट करत भाजपकडून यावर उलटा प्रचार केला जात असल्याचे पटोले म्हणाले.

भाजपच्या उमेदवाराचेच डीपॉझीट जप्त होणार

नाना पटोलेंनी मंत्री चंद्रशेखर बावनकुळेंवरही पलटवार केला. भाजपच्या उमेदवाराचे डीपॉझीटजप्त होणार आहे. बेरोजगारी, महागाई आणि शेतकऱ्यांच्या प्रश्नांवर नाना पटोलेंनी सरकारवर गंभीर आरोप केले आहेत. चंद्रपूर येथे नागपूर पदवीधर मतदारसंघाच्या प्रचारादरम्यान, महाविकास आघाडीचे उमेदवार अभिजीत वंजारी यांची डिपॉझिट जप्त करण्याचे आव्हान चंद्रशेखर बावनकुळे यांनी दिले होते. या वक्तव्यावर काँग्रेस नेते नाना पटोले यांनी चांगलाच समाचार घेत, फडणवीस सरकारच्या काळात वाढलेली बेरोजगारी, महागाई आणि शेतकऱ्यांच्या प्रश्नांवरून सरकारवर जोरदार निशाणा साधला. जनतेमध्ये सरकारविरोधात तीव्र रोष असून लोक महाविकास आघाडीच्या बाजूने आहेत, असे पटोले म्हणाले. बावनकुळेंच्या बोलण्यात चूक झाली असून, प्रत्यक्षात अभिजीत वंजारी यांची नव्हे तर भाजपच्या उमेदवाराचेच डीपॉझीट जप्त होईल, असा टोला नाना पटोले यांनी लगावला.

Bhandara Food Poisoning : दुर्गोत्सवाच्या जेवणातून 300 लोकांना विषबाधा; भंडाऱ्याच्या खराशी गावातील खळबळजनक प्रकार

प्रशांत देसाई — Wed, 21 Oct 2026 14:36:05 +0530

Bhandara Food Poisoning News: भंडारा जिल्ह्यातून एक खळबळजनक बातमी समोर आली आहे. भंडाऱ्याच्या खराशी गावातील दुर्गोत्सवाच्या जेवणातून 300 लोकांना विषबाधा (Food Poisoning News) झाल्याचा प्रकार समोर आला आहे. दुर्गोत्सव आणि दसऱ्यानिमित्त काल भंडाऱ्याच्या लाखनी तालुक्यातील खराशी गावात जितेंद्र बोंद्रे यांच्या घरी जेवणाचा कार्यक्रम आयोजित करण्यात आला होता. रात्रीला जेवण केल्यानंतर पहाटेपासून गावातील सुमारे 300 पेक्षा अधिक नागरिकांना हगवण, उलटी आणि मळमळचा त्रास जाणवू लागला. याप्रकारानंतर नागरिकांना तातडीने खराशी (Kharashi Village) येथील उपकेंद्रात दाखल करण्यात आलं. तर, काहींना भंडारा आणि पालांदूर शासकीय रुग्णालयात दाखल करण्यात आला आहे. सध्या यातील सर्व नागरिकांवर उपचार करण्यात येत असून सर्वांची प्रकृती धोक्याबाहेर असल्याची माहिती जिल्हा आरोग्य अधिकारी यांनी दिली आहे.

Bhandara Crime : भंडाऱ्याच्या तुमसरात हॉटेलमध्ये जेवणाच्या टेबलवरून राडा दोन गटात हाणामारी

दुसरीकडे भंडाऱ्याच्या तुमसरात हॉटेलमध्ये जेवणाच्या टेबलवरून दोन गटात तुफान हाणामारीची घटना घडली आहे. दसऱ्याच्या रावण दहनाचा कार्यक्रम बघितल्यानंतर तुमसरच्या खापा चौकातील एका हॉटेलमध्ये दोन गावातील तरुणांचे दोन गट जेवणाकरिता पोहोचले होते. इथं जेवणाच्या टेबलवरून दोन्ही गटात सुरुवातीला शाब्दिक वाद झाला. त्यानंतर वाद विकोपाला गेल्यानं दोन्ही गटात तुंबळ हाणामारी झाली. यावेळी काही तरुणांनी हातात लाठ्या-काठ्या घेत मारहाण केली. घटनेची माहिती मिळताचं तुमसर पोलिसांनी घटनास्थळ गाठून काही तरुणांना ताब्यात घेतलं. मात्र, रात्री उशिरा दोन्ही गटात आपसी समझोता झाल्यानं कुणाविरोधातही गुन्हा दाखल करण्यात आलेला नाही, अशी माहिती तुमसरचे वरिष्ठ पोलीस निरीक्षक सुभाष बारसे यांनी दिली आहे.

Gondia Crime News: छत्तीसगड राज्यातून महाराष्ट्रात रेतीची अवैध वाहतूक; महसुल विभागाने केले दोन ट्रक जप्त

छत्तीसगड राज्यातून महाराष्ट्रात झिरो रॉयल्टीशिवाय रेतीची अवैध वाहतूक करणाऱ्या दोन ट्रकवर महसूल विभागाने कारवाई केली आहे. सिरपूर नाक्यावर ही कारवाई करत दोन्ही ट्रक जप्त करण्यात आले असून, ते देवरी पोलीस ठाण्याच्या आवारात ठेवण्यात आले आहेत. तपासणीदरम्यान ट्रकचालकांकडे आवश्यक झिरो रॉयल्टी पावती आणि वैध कागदपत्रे आढळली नाहीत. पुढील कारवाईसाठी ट्रक पोलिसांच्या स्वाधीन करण्यात आले आहेत. दरम्यान, या प्रकरणी गुन्हा दाखल झाला नसून, महसूल विभागाच्या अहवालानंतर पुढील कायदेशीर प्रक्रिया केली जाणार असल्याची माहिती आहे.

इतर महत्वाच्या बातम्या

जुन्या बसस्थानकासमोर तरुणाला धारधार कोयत्याने भोसकले; हल्ला होताच आरोपी स्वतःहून पोलीस ठाण्यात हजर; लातूरमध्ये खळबळ

Nana Patole: देवेंद्र फडणवीस हे महाराष्ट्राच्या इतिहासातील सर्वात अकार्यक्षम गृहमंत्री, टायगर श्रॉफवरील हल्लावरून नाना पटोलेंचा हल्लाबोल; म्हणाले, महाराष्ट्र कधीच विसरणार नाही!

प्रशांत देसाई — Mon, 19 Oct 2026 10:07:02 +0530

Nana Patole on Tiger Shroff Car Attack: बॉलीवूड अभिनेता टायगर श्रॉफ याच्यावर रविवारी रात्री जुहू येथे लॉरेन्स बिश्नोई गँगच्या शुटर्सनी गोळीबार केल्याची घटना घडली आहे. एका दुचाकीवरुन आलेल्या या हल्लेखोरांनी टायगर श्रॉफच्या कारवर सात गोळ्या (Car Firing) झाडल्या. मात्र, या हल्ल्यात टायगर श्रॉफ (Tiger Shroff) सुदैवाने वाचला. तर टायगर श्रॉफच्या गाडीचा चालक फिरदौस आणि आणखी एक व्यक्ती गोळी लागल्याने जखमी झाले आहेत. मुंबईमध्ये रविवारी झालेल्या या गोळीबाराचा सर्वत्र तीव्र शब्दात निषेध व्यक्त होत आहे. अशातच आता काँग्रेसचे माजी प्रदेशाध्यक्ष नाना पटोले (Nana Patole) यांनीही ही घटना दुर्दैवी असून याची तात्काळ सखोल चौकशीची मागणी त्यांनी पोस्टद्वारे केली आहे. (Nana Patole on Tiger Shroff Car Attack)

दरम्यान, या गोळीबाराचा निषेध करताना काँग्रेसनेते नाना पटोलेंनी गृहमंत्री देवेंद्र फडणवीसांना (Nana Patole on Devendra Fadnavis) जबाबदार ठरवत तीव्र शब्दात टीका केली आहे. मुखमंत्री ठरले आहेत. देवेंद्र फडणवीस, तुम्ही राज्याच्या कायदा सुव्यवस्थेचा केलेला बट्ट्याबोळ हा महाराष्ट्र कधीच विसरणार नाही! या घटनेची तात्काळ दखल घेऊन टायगर श्रॉफ यांच्यावर हल्ला करणाऱ्या हल्लेखोरांवर कठोर कारवाई करावी, अशी मागणी नाना पटोलेंनी केली आहे.

Nana Patole: महाराष्ट्र राज्यात कायदा सुव्यवस्थेचा काही धाक शिल्लक राहिला आहे का?

यापूर्वी राष्ट्रवादी काँग्रेसचे नेते बाबा सिद्दिकी, शिवसेना (उद्धव बाळासाहेब ठाकरे) गटाचे विभागप्रमुख प्रदीप पूर्णेकर यांची गोळीबारात हत्या करण्यात आली. काँग्रेसचे आमदार साजिद खान पठाण यांनाही जीवे मारण्याच्या धमक्या आल्या आहेत. त्यामुळं आज महाराष्ट्र राज्यात कायदा सुव्यवस्थेचा काही धाक शिल्लक राहिला आहे का? असा प्रश्न त्यांनी उपस्थित केलाय.

Nana Patole: महाभ्रष्टयुती सरकार 56% कमिशनखोरीमध्ये व्यस्त, ही गुंडशाही सरकारपोषित तर नाही ना?

महाभ्रष्टयुती सरकार 56% कमिशनखोरीमध्ये व्यस्त आहे. राज्याच्या ढासळलेल्या कायदा - सुव्यवस्थेबद्दल आणि जनतेबद्दल त्यांना काही देणं घेणं राहिलेलं नाही. संपूर्ण महाराष्ट्रभर हल्ल्यांच्या आणि गोळीबाराच्या घटनांमध्ये सातत्यानं वाढ होत आहे. ही गुंडशाही सरकारपोषित तर नाही, असा प्रश्न सबंध महाराष्ट्राला पडला आहे. मुंबई ही महाराष्ट्राची राजधानी आहे, तसेच देशाची आर्थिक राजधानी आहे. अशा राजधानीच्या शहरात जर नेते, कलाकार सुरक्षित नसतील तर सामान्य नागरिकांच्या सुरक्षिततेचे काय? असा प्रश्न नाना पटोलेंनी उपस्थित केलाय. मुखमंत्री देवेंद्र फडणवीस हे महाराष्ट्राच्या इतिहासातील सर्वात अकार्यक्षम गृहमंत्री ठरले आहेत. देवेंद्र फडणवीस, तुम्ही राज्याच्या कायदा सुव्यवस्थेचा केलेला बट्ट्याबोळ हा महाराष्ट्र कधीच विसरणार नाही! या घटनेची तात्काळ दखल घेऊन टायगर श्रॉफ यांच्यावर हल्ला करणाऱ्या हल्लेखोरांवर कठोर कारवाई करावी, अशी मागणी नाना पटोलेंनी केली आहे.

Maharashtra Drought: कोरोनापेक्षाही जलसंकट भयावह, किडींनी पाच एकरातील शेती केली फस्त; कुटुंब जगवायचं कसं? दुष्काळाची दाहकता मांडताना भंडाऱ्यातील बळीराजाला अश्रू अनावर

प्रशांत देसाई — Sun, 18 Oct 2026 09:45:24 +0530

Maharashtra Drought: पावसानं दांडी मारल्यामुळं भंडारा (Bhandara) जिल्ह्यातील अनेक भागांत दुष्काळी परिस्थिती निर्माण झाली आहे. विशेषतः तुमसर तालुक्यातील काही गावांमध्ये भर पावसाळ्यातचं पाणीटंचाईचं सावट गडद झालं आहे. पावसाअभावी उभी भातपीक करपून गेली असून, किडीच्या प्रादुर्भावामुळं शेतकऱ्यांच्या हातातोंडाशी आलेला घास हिरावला गेला आहे. परिणामी "कोरोनापेक्षाही भयावह परिस्थिती येत्या काळात जलसंकटाची निर्माण होईल," अशी भीती व्यक्त करत हतबल झालेला शेतकरी आता शासनाकडून मदतीची चातकासारखी वाट पाहत आहे. तर दुष्काळाची भीषण दाहकता मांडताना भंडाऱ्यातील बळीराजाला अश्रू अनावर झाल्याचे बघयला मिळाले आहे. (Bhandara Drought)

Bhandara Farmer : दुष्काळी परिस्थिती आणि किडींच्या प्रादुर्भावाचा दुहेरी मारा, पाच एकरात पाच दाणेही मिळणार नाहीत,

दरम्यान, तुमसर तालुक्यातील अनेक गावांमध्ये खरीप हंगामाच्या ऐन मध्यातचं जलसाठ्याची अत्यंत गंभीर परिस्थिती उद्भवली आहे. मागील वर्षीच्या तुलनेत यंदा भातपिकाच्या उत्पादनात प्रचंड घट झाली आहे. अनेक ठिकाणी पिकाला लोंबीसुद्धा भरलेली नाही. त्यातच दुष्काळी परिस्थिती आणि किडींच्या प्रादुर्भावानं दुहेरी मारा केला आहे. अनेक शेतकऱ्यांचे पाच-पाच एकरातील भातपीक पूर्णपणे उद्ध्वस्त झाले असून, "पाच एकरात पाच दाणेही मिळणार नाहीत," अशी विदारक स्थिती निर्माण झाली आहे. दुष्काळाचा फटका केवळ भात उत्पादकांनाचं नाही, तर बागायतदार शेतकऱ्यांनाही बसला आहे. पावसाळ्यात भाजीपाला उत्पादन जसेतसे घेतले गेले. मात्र, पाणीच शिल्लक नसल्यानं पुढील हंगामातील पिकं कशी घ्यावीत, या विचारानं शेतकरी चिंताक्रांत झाला आहे. खरीप हंगाम वाया गेल्यामुळं शेतकऱ्यांवर मोठं आर्थिक संकट कोसळलं असून कुटुंबीयांचं संगोपन कसं करायचं, हा प्रश्न शेतकऱ्यांसमोर निर्माण झाला आहे.

Gondia News : गोंदिया जिल्ह्यातील धान उत्पादक शेतकऱ्यांना दिलासा; शासकीय धान खरेदीचे आदेश निघाले

यावर्षी ऑक्टोबर महिना अर्धा संपला तरी शासकीय धान खरेदी सुरु न झाल्याने शेतकरी संकटात आले होते. हलका धान बाजार पेठेत विक्रीस येण्यास सुरुवात झाली मात्र खरेदी केंद्राचा पत्ता नसल्याने शेतकऱ्यांना अल्प दराने खासगी व्यापाऱ्यांना धानाची विक्री करावी लागत होती. शेतकऱ्यांची ओरड वाढल्यानंतर शासनाने अखेर धान खरेदी केंद्राचे आदेश काढले आहे. त्यामुळे जिल्ह्यातील धान उत्पादक शेतकऱ्यांना दिलासा मिळाला आहे. धान उत्पादक शेतकऱ्यांना हमीभावापेक्षा कमी दर मिळू नये यासाठी शासन जिल्हा मार्केटिंग फेडरेशन आणि आदिवासी विकास महामंडळातंर्गत शासकीय धान खरेदी केंद्रांवरून हमीभावाने धान खरेदी करते. यामुळे शेतकऱ्यांना हमखास हमीभाव मिळण्याची हमी असते.

गोंदिया जिल्ह्यातील शेतकरी खरीप हंगामात हलक्या आणि जड धानाची लागवड करतात. हलका धान हा दिवाळीपूर्वी निघत असल्याने शेतकरी या धानाची विक्री करुन उधारउसनवारी व दिवाळ सण साजरा करीत असतात. मात्र यंदा बाजारपेठेत हलके धान विक्रीस येण्यास सुरुवात झाली तरी शासकीय धान खरेदी केंद्र सुरु झाले नव्हते. तर दुसरीकडे खासगी व्यापारी शेतकऱ्यांच्या अडचणीचा फायदा घेत कमी दराने धान खरेदी करीत होते. शेतकऱ्यांची मागणी वाढल्यानंतर अखेर शासनाने धान खरेदीचे आदेश काढले असून सोमवारपासून नोंदणीला सुरुवात होणार आहे.

इतर महत्वाच्या बातम्या

Chandrapur Leopard Attack: महाकालीच्या दर्शनासाठी पायी चाललेल्या नऊ वर्षीय चिमुकल्यावर बिबट्याची झडप; ऐन वर्दळीत हल्ला अन् एकच थरकाप उडाला, चंद्रपूरच्या विसापुरात खळबळ!

Bhandara News : दूष्काळात 'समाधाना'ची साठवण, भंडाऱ्यातील गोसेखुर्द धरण शंभर टक्के भरलं, तीन जिल्ह्यांतील 2.59 लाख हेक्टर शेती सिंचनाची चिंता मिटली!

प्रशांत देसाई — Fri, 16 Oct 2026 06:53:15 +0530

Bhandara News : राज्यावर अल-निनोचं (El Nino) सावट असताना, अनेक जिल्ह्यांमध्ये पाण्याचा तुटवडा (Drought) जाणवतोय. जलाशयांमधील पाणीपातळी खालावली असताना, पूर्व विदर्भातील भंडाऱ्यातून (Bhandara News) मात्र एक अतिशय दिलासादायक आणि समाधानकारक बातमी समोर आली आहे. भंडारा (Bhandara News) जिल्ह्यातील पूर्व विदर्भाचा महत्त्वाकांक्षी प्रकल्प असलेला 'गोसेखुर्द प्रकल्प' (Gosikhurd Dam) निर्मितीच्या तब्बल 40 वर्षांनंतर, तिसऱ्यांदा 100 टक्के पूर्ण क्षमतेनं भरलं आहे. गोसेखुर्द धरणात 2009 पासून पाणी भरायला सुरुवात झाली. तब्बल 17 वर्षात केवळ तीन वेळाचं गोसेखुर्द धरण (Gosikhurd Dam) पूर्ण क्षमतेनं भरलं आहे. (Bhandara Gosekhurd Dam News)

Bhandara Gosekhurd Dam News: तब्बल 17 वर्षात केवळ तीन वेळाचं गोसेखुर्द धरण पूर्ण क्षमतेनं भरलं

विशेष म्हणजे, यंदा सरासरीपेक्षा कमी पाऊस होऊनही, भंडारा जिल्हा प्रशासन आणि गोसेखुर्द प्रकल्प प्रशासनाच्या उत्तम आणि अचूक नियोजनामुळं शेड्युलनुसार 15 ऑक्टोबर रोजीचं हे धरण पूर्ण क्षमतेनं भरण्यात यश आलं आहे. भंडारा, नागपूर आणि चंद्रपूर या पूर्व विदर्भातील तीन महत्त्वाच्या जिल्ह्यांतील तब्बल 2 लाख 59 हजार 512 हेक्टर शेती आता ओलिताखाली येणार आहे.

Gosekhurd Dam: प्रशासनानं दाखवलेली तत्परता आणि उत्कृष्ट व्यवस्थापन, राज्यभरासाठी एक आदर्श मॉडेल

देशभरात अल-निनोच्या संकटात जिथं अनेक मोठे प्रकल्प अपूर्ण आहेत किंवा कोरडे पडण्याच्या मार्गावर आहेत, तिथं भंडारा जिल्हा प्रशासन आणि गोसेखुर्द धरण प्रशासनानं दाखवलेली तत्परता आणि उत्कृष्ट व्यवस्थापन हे राज्यभरासाठी एक आदर्श मॉडेल ठरत आहे. भंडारा जिल्ह्यातील आणि पूर्व विदर्भाचा महत्त्वाकांक्षी प्रकल्प असलेला 'गोसेखुर्द प्रकल्प'ची काय वैशिष्टये आहे ते आपण जाणून घेऊया.

-धरणाची क्षमता : 1146 दशलक्ष घनमीटर

- धरणाचा जिवंत पाणीसाठा : 740 दशलक्ष घनमीटर

- धरणाची उंची : 245.500 मीटर

- धरणाचं लाभक्षेत्र : भंडारा, नागपूर, चंद्रपूर

- धरणाच्या लाभक्षेत्रातील जिल्हानिहाय तालुके :

- भंडारा जिल्हा : भंडारा, पवनी, लाखांदूर, लाखनी

- नागपूर जिल्हा : भिवापूर, कुही, उमरेड

- चंद्रपूर जिल्हा : चिमूर ब्रम्हपुरी, नागभीड, सिंदेवाही, मूल, सावली

- धरणाचं लाभक्षेत्र : 1 लाख 96 हजार 600 हेक्टर

- धरणाची सिंचन क्षमता : 2 लाख 59 हजार 512 हेक्टर (यात खरीप हंगामासोबत रब्बी आणि उन्हाळी हंगामातील पिकांना सिंचन केलं जातं)

- धरण तीन वेळा कधी भरले :

- जानेवारी 2022 (पहिल्यांदा)

- फेब्रुवारी 2025 (दुसऱ्यांदा)

- ऑक्टोबर 2026 (तिसऱ्यांदा)

इतर महत्वाच्या बातम्या

Pune Election : मुख्यमंत्री म्हणाले, महायुती म्हणून एकत्र लढू, मात्र एकनाथ शिंदेंची वेगळी भूमिका, 'पुणे शिक्षक'साठी भाजपच्या विरोधात बंडखोराला पाठिंबा जाहीर

जे टीका करतात त्यांच्याच काळात EVM भारतात आलं, विरोधकांकडून बिनकामाचे राजकारण सुरु, प्रफुल पटेलांचा हल्लाबोल

प्रशांत देसाई — Thu, 15 Oct 2026 22:50:48 +0530

Praful Patel : जे राजकीय पक्ष आज ईव्हीएमच्या विरोधात टीका करतात, त्यांच्याच युपीए (काँग्रेस) सरकारच्या काळात ईव्हीएम आणण्यात आलं होतं. त्यावेळी त्यांना ते चांगलं वाटत होतं, असे म्हणत राष्ट्रवादी काँग्रेसचे नेते खासदार प्रफुल पटेल (Praful Patel ) यांनी काँग्रेसवर टीका केली. SIR म्हणजे मृत पावलेल्या किंवा इतर ठिकाणी गेलेल्या लोकांच्या नावांमध्ये सुधारणा करण्याची एक कायदेशीर प्रक्रिया आहे. बीएलओ (BLO) मार्फत सर्व राजकीय पक्षांना आक्षेप घेण्याची संधी असून ती प्रक्रिया चालू आहे. प्रक्रिया पूर्ण न होताच ती बोगस आहे असं कसं ठरवू शकता? असा प्रश्न प्रफुल पटेल यांनी SIR संदर्भात होत असलेल्या विरोधकांच्या आरोपावर केला. तरुण पिढीचा जो आरोप होतोय त्याचीही नोंद घेतली जात असल्याची भूमिका राष्ट्रवादी काँग्रेसचे नेते प्रफुल पटेल यांनी मांडली. संकटाच्या या काळात विरोधकांकडून बिनकामाचे राजकारण सुरु असल्याचेही ते म्हणाले.

निवडणूक आयुक्त ज्ञानेश कुमार यांच्या विरोधात उद्या कॉक्रोच जनता पार्टीच्या वतीनं तिरंगा रॅलीचं आवाहन करण्यात आलेलं आहे. याला विरोधी पक्षांनीही पाठिंबा दिला असून याबाबत बोलताना राष्ट्रवादी काँग्रेस अजित पवार पक्षाचे नेते प्रफुल पटेल यांनी विरोधकांवर चांगलीच टीका केली. भारतातील लोकशाही किती मजबूत आहे, हे आपण गेल्या 80 वर्षांत पाहत आलोय. डॉ. बाबासाहेब आंबेडकरांचं संविधान जोपर्यंत भारत देशात आहे, तोपर्यंत सर्व नागरिकांसाठी कायमस्वरुपी लागू राहणार आहे. आणीबाणीनंतर इंदिरा गांधींच्या काळातही लोकांनी लोकशाहीच्या माध्यमातून आपल्या मताची खरी किंमत दाखवून दिली होती.

बोनसच्या मुद्द्यावर मुख्यमंत्र्यांशी लवकरच भेट घेऊन तातडीनं तो देण्यासाठी प्रयत्न करणार

धान पिकवणाऱ्या शेतकऱ्यांना मिळणाऱ्या बोनसच्या मुद्द्यावर राष्ट्रवादी काँग्रेसचे नेते प्रफुल पटेल यांनी प्रसारमाध्यमांशी बोलताना महत्त्वाची भूमिका स्पष्ट केली. विधानसभेत घोषणा झालेला बोनस शेतकऱ्यांना तातडीने मिळावा यासाठी आम्ही बांधिल आहोत. लवकरात लवकर यावर मुख्यमंत्र्यांशी भेट घेऊन शेतकऱ्यांना समाधान मिळवून देऊ, अशी भूमिका प्रफुल पटेल यांनी व्यक्त केली.

शेतकऱ्यांना बोनस मिळवून देण्यासाठी आपली भूमिका मागील 40 वर्षांपासून कायम असल्याचं प्रफुल पटेलांनी सांगितलं. पूर्वी राज्यात धान उत्पादक शेतकऱ्यांना कधीही बोनस मिळत नव्हता. अशोक चव्हाण मुख्यमंत्री असताना आणि पटेल व त्यांच्या सहकाऱ्यांच्या प्रयत्नांमुळं महाराष्ट्रात धानाला बोनस देण्याची प्रथा सुरू झाली, जी आजही चालू आहे. शासनाने यासंदर्भात दोनदा विधानसभेतही माहिती दिली असल्याचं त्यांनी नमूद केलं. प्रक्रियेत थोडा उशीर झाला म्हणून प्रत्येक गोष्टीवर सरसकट टीका करणे योग्य नाही. या विषयावर मागील आठवड्यात मुंबईत बैठक पार पडली असून, यात छगन भुजबळ आणि महायुतीचे सर्व आमदार व महायुतीच्या युतीच्या नेत्यांनी मिळून भूमिका मांडली आहे. मुख्यमंत्र्यांच्या व्यस्त वेळापत्रकामुळं आणि त्यांच्या दुष्काळ दौरा आणि इतर प्रवासांमुळं लवकरच त्यांना प्रत्यक्ष भेटून या समस्येवर मार्ग काढण्याचा प्रयत्न करणार असून त्यासाठी आम्ही बाद्य असल्याची भूमिका प्रफुल पटेल यांनी मांडली.

शेतकऱ्यांचं संकट आणि दुष्काळी परिस्थितीवर राजकारण नको

विरोधकांनी राज्यात असलेल्या दुष्काळ परिस्थितीवर दगडफेक न करता, कुठलेही राजकारण न करता एकत्र आलं पाहिजे. महाराष्ट्र सरकार सोबतच दुष्काळ भागातील नागरिकांसाठी सर्वांनी राजकारण बाजूला ठेवून एकत्र याचा सामना करावा. विरोधकांकडून होत असलेला टीकेवर दुर्दैवी टीका असल्याची टीका प्रफुल पटेल यांनी करतानाच विरोधकांना एकत्र येण्याचा आवाहन केलं. राज्यातील सामान्य जनता, गोरगरीब आणि बळीराजाच्या कल्याणासाठी प्रार्थना करत असतो. यंदा महाराष्ट्रातील बळीराजा मोठ्या संकटात सापडला आहे. शेतात पिकांची हानी, जनावरांच्या चाऱ्याचा प्रश्न, तसेच पिण्याच्या पाण्याचा तुटवडा यांसारख्या गंभीर समस्यांचा सामना सामान्य नागरिकांना आणि शेतकऱ्यांना करावा लागत आहे. या सर्व संकटांतून नागरिकांना आणि शेतकऱ्यांना बाहेर काढण्यासाठी राज्यातील महायुती सरकार अतिशय चांगल्या आणि नियोजित पद्धतीने प्रयत्न करत आहे.

संकटाच्या या काळात विरोधकांकडून बिनकामाचे राजकारण

मुख्यमंत्री एकनाथ शिंदे, उपमुख्यमंत्री देवेंद्र फडणवीस आणि उपमुख्यमंत्री अजित पवार हे सर्वजण अत्यंत बारकाईने या परिस्थितीवर लक्ष ठेवून आहेत. महायुती सरकार सामान्य जनतेचे हे प्रश्न नक्कीच सोडवेल, असा विश्वासही त्यांनी व्यक्त केला. संकटाच्या या काळात विरोधकांकडून बिनकामाचे राजकारण केले जात असल्याचा आरोप प्रफुल पटेल यांनी केला. एका बाजूला राज्य संकटाचा सामना करत असताना काही विरोधक विनाकारण मुद्दा नसताना केवळ दगडफेक करण्याचा प्रयत्न करत आहेत, हे दुर्दैवी आहे, असे ते म्हणाले. दुष्काळ आणि शेतकऱ्यांवरील संकट हा संवेदनशील विषय आहे. अशा वेळी राजकीय मतभेद बाजूला ठेवून, राजकारण न आणता सर्वांनी एकत्र येऊन या संकटाचा सामना केला पाहिजे, अशी माझी प्रार्थना आहे, असे आवाहनही प्रफुल पटेल यांनी शेवटी केले.

मदतीवर राजकारण न करण्याचे प्रफुल पटेल यांचं आवाहन

राज्यात गंभीर दुष्काळाची परिस्थिती असताना सरकारकडून शेतकऱ्यांना तातडीने मदत केली जात आहे. या मुद्द्यावरून विरोधकांनी राजकारण करू नये, असे स्पष्ट आवाहन राष्ट्रवादी काँग्रेसचे ज्येष्ठ नेते आणि खासदार प्रफुल पटेल यांनी केले आहे. दुष्काळ असल्याने सरकार किती तातडीने पावले उचलत आहे, हे स्पष्ट करताना प्रफुल पटेल म्हणाले की, दोन लाखांपर्यंत शेतकऱ्यांचे कर्जमाफी झाली आहे, जी शेतकरी, गरीब आणि सामान्य नागरिकांसाठीच आहे. आता तात्काळ प्राथमिक स्वरूपात सरकार प्रत्येक कुटुंबाला व शेतकऱ्यांना 5 हजार रुपये मदत देत आहे. ही एक चांगली गोष्ट असून तिचे स्वागत केले पाहिजे. सरकारने कुठेही असे म्हटले नाही की ही आमची पहिली आणि शेवटची मदत राहणार आहे. जशी-जशी परिस्थिती निर्माण होईल, तशी-तशी सरकार अनेक पावले उचलणार आहे. त्यामुळे अशा संकटाच्या काळात या विषयावर राजकारण करायचे नसते. सरकार हे सर्व नागरिकांचे असते, असे प्रफुल पटेल यांनी नमूद केले. सरकार आपल्याला साथ देत असताना, आपलीही सरकारला आणि सरकारच्या क्षमतेला व मर्यादांना साथ देण्याची भूमिका असली पाहिजे, असे सांगत त्यांनी सर्वांना एकत्र येऊन परिस्थितीचा सामना करण्याचे आवाहन केले आहे.

Bhandara Crime News:'वडिलोपार्जित शेतीचा हिस्सा पत्नीला न देता मला द्या' म्हणत जावयाचा सासऱ्यावर प्राणघातक हल्ला; भंडाऱ्याचं मडेघाट हादरलं!

प्रशांत देसाई — Sun, 11 Oct 2026 14:23:12 +0530

Bhandara Crime News : भंडाऱ्याच्या मडेघाट येथून एक खळबळजनक घटना समोर आली आहे. वडिलोपार्जित शेतीचा हिस्सा पत्नीला न देता मला द्यावा, या मागणीला घेऊन जावयानं सासऱ्यासोबत वाद घालून त्यांच्यावर चाकूनं प्राणघातक हल्ला (Bhandara Crime News) केलाय. या हल्ल्यात 47 वर्षीय सासरे दीपचंद ढोरे हे गंभीर जखमी (Crime News) झाले आहेत. त्यांच्यावर लाखांदूर येथील प्राथमिक आरोग्य केंद्रात प्राथमिक उपचार करण्यात आला. मात्र, प्रकृती चिंताजनक असल्यानं त्यांना भंडारा मेडिकल कॉलेजला रेफर करण्यात आलं आहे. लाखांदूर पोलिसांनी राहुल राऊत (34) याच्या विरोधात गुन्हा दाखल केला असून सध्या पोलीस या घटनेचा अधिक तपास सध्या करत आहे.

तर दुसरीकडे भंडाऱ्यात शासकीय धान गोडाऊनमधील तांदळाची चोरी झाल्याचा प्रकार उजेडात आला आहे. या प्रकरणी पवनी पोलिसांनी तपास करत या प्रकरणाचा छडा लावला आहे. तसेच धान व्यापाऱ्यासह 5 आरोपींनाही अटक करण्यात आली आहे.

Bhandara Crime News : शासकीय गोडाऊनमधून तांदूळ चोरी, धान व्यापाऱ्यासह 5 जणांना अटक

शासकीय गोडाऊनमधून तांदूळ चोरी केल्याचं प्रकरण भंडाऱ्याच्या पवनी तालुक्यातील आमगाव इथं उघडकीस आले होते. याप्रकरणी पवनी पोलिसांनी एका धान व्यापाऱ्यासह 5 जणांना अटक केली आहे. विशेष म्हणजे, मागील आठवड्यात भंडाऱ्याच्या साकोली येथील धान गोडाऊन मधून 361 कट्टे तांदूळ चोरी झाल्याच्या प्रकरणी 11 जणांना अटक केली आहे. त्यानंतर आता पवनी तालुक्यातील आमगाव इथलं हे प्रकरण उघडकीस आल्यानं प्रशासनात मोठी खळबळ उडाली आहे.

दरम्यान, याप्रकरणी पवनी पोलिसांनी चोरी केलेले 72 धान तांदूळ कट्टे पिकअप वाहनासह ताब्यात घेतले आहे. अटक करण्यात आलेल्यांमध्ये धान व्यापारी नंदकिशोर कावळे (43), मोहित वाघमारे (20), रुपेश शेंडे (38), विलास शेंडे (33), वैभव मुंडले (23) यांचा समावेश आहे. या प्रकरणात मोठ्या प्रमाणात आणखी तांदूळ चोरी झाली आहे का? किंवा चोरीच्या प्रकरणात आणखी मोठ्या प्रमाणात आरोपींचा सहमावेश आहे का? या दृष्टीनं आता पवनी पोलीस तपास करीत आहे.

Bhandara Accident News : स्विफ्ट डिझायरच्या अपघातीतील जखमी एकाचा मृत्यू, तर दुसऱ्यावर नागपुरात उपचार

राष्ट्रीय महामार्गावरील बेला इथं परवा रात्री पाठीमागून आलेल्या भरधाव स्विफ्ट डिझायर कारं नं दुचाकीला भीषण धडक दिली होती. या अपघातात दुचाकीवरील दोघं गंभीर जखमी झाले होते. दोघांवरही नागपूर येथे उपचार सुरू असताना गंभीर जखमी झालेल्या करण मलेवार या २० वर्षीय तरुणाचा नागपुरात उपचारादरम्यान मृत्यू झाला. तर, राहुल गभणे (२४) हा गंभीर असून त्याच्यावर नागपुरात उपचार सुरू आहे. भंडारा शहरातून जाणाऱ्या राष्ट्रीय महामार्गाच्या विस्तारीकरणाचं काम अगदी संथगतीनं सुरू आहे. महामार्गावरील बेला गावाच्या हद्दीत राष्ट्रीय महामार्गावर नाल्याचं काम सुरू आहे आणि तिथं खड्डा पडला असून तिथून जाणाऱ्या दुचाकीला पाठीमागून आलेल्या स्विफ्ट डिझायर कार नं भीषण धडक दिली होती. याप्रकरणी भंडारा पोलिसांनी कार चालकाविरोधात गुन्हा दाखल केला असून अधिक तपास सुरू आहे.

इतर महत्वाच्या बातम्या

Parinay Fuke : पालकमंत्र्यांसमोर रडत-रडत कैफियत मांडली, वैफल्यग्रस्त शेतकऱ्यानं दोनच दिवसात टोकाचं पाऊल उचललं; भंडाऱ्यातील सपाटे कुटुंबीयांचं सांत्वन करत परिणय फुकेंचा मदतीचा शब्द

प्रशांत देसाई — Sat, 10 Oct 2026 06:57:55 +0530

Parinay Fuke : भंडाऱ्याच्या (Bhandara News) तुमसर तालुक्यातील धोप येथील शेतकरी राजेंद्र सपाटे यांनी 8 ऑक्टोबर रोजी विहिरीत उडी घेऊन आत्महत्या केली. दुष्काळ आणि किडींच्या प्रादुर्भावाने त्यांच्या शेतीतील भात पीक अक्षरशः फस्त झालं आहे. यामुळे वैफल्यग्रस्त सपाटे या शेतकऱ्याने टोकाचं पाऊल उचललं होतं. परिणामी भाजप नेते आणि माजी राज्यमंत्री परिणय फुके (Parinay Fuke) यांनी काल (शुक्रवारी) धाप इथ सपाटे कुटुंबीयांची भेट घेऊन त्यांचं सांत्वन केलं. यावेळी बोलताना फुके यांनी, सपाटे कुटुंबीयांच्या दुःखात आम्ही सामील आहे. या शेतकरी कुटुंबियांच्या ज्या काही अडचणी असतील, मुलांचे शिक्षण असेल किंवा अन्य कुठल्याही अडचणी असतील, याबाबत आम्ही त्यांच्या सातत्याने पाठीशी राहून त्या सोडविण्याचा पूर्णपणे प्रयत्न करण्याचं अभिवचन फुके यांनी दिलं आहे. (Bhandara News)

Parinay Fuke : दुष्काळामुळे त्यांच्या शेतीचं फार मोठ्या प्रमाणात नुकसान, आर्थिक मदत तातडीनं शेतकऱ्यांना मिळावी

दरम्यान, राजेंद्रजींनी फार टोकाचं पाऊल उचललं, इथं फार दुर्दैवी घटना घडली आहे. दुष्काळामुळे त्यांच्या शेतीचं फार मोठ्या प्रमाणात नुकसान झालेलं आहे. या क्षेत्रामध्ये बावनथडी प्रकल्पातून पाणी न सोडल्यामुळे या भागातील अनेक शेतकरी दुःखी आहेत. परिणामी बोनस संदर्भात मुख्यमंत्री यांच्याशी चर्चा करणार आहे. यासोबतच दुष्काळाचीही जी आर्थिक मदत आहे ती तातडीनं शेतकऱ्यांना मिळावी, यासाठी घोषणा करावी, यासाठी मुख्यमंत्र्यांशी चर्चा करणार आहे. असेही परिणय फुके यांनी सांगितलंय.

Parinay Fuke : बोनस संदर्भात मुख्यमंत्र्यांसोबत बैठक घेऊन निश्चितच तोडगा काढण्यात येणार

दरम्यान, धान उत्पादक जिल्ह्यातील सगळ्या आमदार आणि खासदारांची एक बैठक भुजबळ साहेबांकडे झालेली आहे. या बैठकीत अनेक विषयांवर चर्चा झाली, अनेकांवर निर्णय झालेत. धन उत्पादक जिल्ह्यात मोठ्या प्रमाणात नुकसान झालेल आहे, ती नुकसान भरपाई लवकरात लवकर देण्यात संदर्भातील आदेश भुजबळ साहेबांनी दिलेले आहेत. बोनस संदर्भात माननीय मुख्यमंत्री साहेबांकडे बैठक घेऊन त्यात निश्चितच तोडगा काढण्यात येणार असल्याची माहिती माजी राज्यमंत्री परिणय फुके यांनी यावेळी दिली.

Shivsena UBT: शेतकरी आत्महत्या प्रकरणी ठाकरेंची शिवसेना आक्रमक, आत्महत्येस प्रवृत्त केल्याचा गुन्हा दाखल करण्याची मागणी

भंडारा जिल्ह्यातील मोहाडी तालुक्यातील धोप येथील शेतकरी राजेंद्र सपाटे यांनी शुक्रवारी सकाळी त्यांच्या शेतातील विहिरीत उडी घेऊन आत्महत्या केली. लालफीतशाहीत अडकलेली त्यांची फाईल आणि पालकमंत्र्यांकडं पाच दिवसांपूर्वी कैफियत मांडल्यानंतरही मृत शेतकऱ्याला दिलासा मिळाला नव्हता. त्यामुळं वैफल्यग्रस्त शेतकऱ्यानं आत्महत्या केली. ज्या अधिकारी आणि कर्मचाऱ्यांमुळं मृत शेतकऱ्याची फाईल टेबलवर पडून राहिली आणि त्यांची समस्या मार्गी लागली नाही, त्या अधिकारी आणि कर्मचार्‍यांसह जिल्ह्याचे पालकमंत्री डॉक्टर पंकज भोयर यांच्या विरोधात शेतकऱ्यास आत्महत्या करण्यास प्रवृत्त केल्याप्रकरणी कलम 306 अंतर्गत गुन्हा दाखल करण्याची मागणी उद्धव बाळासाहेब ठाकरे शिवसेना पक्षाचे भंडारा जिल्हाप्रमुख संजय रेहपाडे यांनी केली आहे.

या सोबतच मृत शेतकऱ्याच्या कुटुंबाला एक कोटी रुपये आर्थिक मदत आणि त्याच्या कुटुंबातील एकाला शासकीय नोकरी द्यावी अशी मागणी करण्यात आली आहे. पालकमंत्री भोयर आणि अधिकाऱ्यांच्या विरोधात उद्या शिवसेना ठाकरे गटाच्या वतीनं आंधळगाव पोलीस ठाण्यात गुन्हा दाखल करण्याच्या अनुषंगानं तक्रार दाखल करण्यात येणार आहे. पोलीस प्रशासनानं दखल घेतली नाही तर शिवसेना स्टाईलनं शेतकऱ्यांना घेऊन तीव्र आंदोलन छेडण्याचा इशारा रेहपाडे यांनी दिला आहे.

इतर महत्त्वाच्या बातम्या

Dattatray Bharane : आपलं पॅनेल 10 हजार मतांच्या लीडनं विजयी झालं पाहिजे, दादांच्या फोटोकडे पाहा, गमती जमती करु नका : दत्तात्रय भरणे