(Source: ECI | ABP NEWS)
Bhandara: वाळूच्या भरधाव टिप्परनं तिघांना चिरडलं, 8 वर्षीय चिमुकलीचा मृत्यू; संतप्त ग्रामस्थांनी महामार्ग रोखून धरला, वाहनांच्या लांबच लांब रांगा
Bhandara Accident : भरधाव होणारी वाळूच्या वाहतुकीवर कारवाई करून ती थांबवावी, या मागणीला घेवून भंडार्याच्या वरठी इथं संतप्त ग्रामस्थांनी आज (7 मार्च)महामार्ग रोखून धरलाय.
Bhandara Accident : भरधाव होणारी वाळूच्या वाहतुकीवर कारवाई करून ती थांबवावी, या मागणीला घेवून भंडार्याच्या वरठी इथं संतप्त ग्रामस्थांनी आज (7 मार्च)महामार्ग रोखून धरलाय. नागरिकांच्या रास्तारोको आंदोलनामुळं दुतर्फा वाहनांच्या प्रचंड रांगा लागल्यात. तर, या अंदोलनामुळे प्रशासनाची चांगलीच तारांबळ उडाली आहे.
दरम्यान, वाळूची वाहतूक करणाऱ्या भरधाव टिप्परनं काल (6 मार्च) संध्याकाळच्या सुमारास दुचाकीवरून जाणाऱ्या तिघांना चिरडल्याची घटना घडली होती. या भीषण अपघातात 8 वर्षीय एकता सेलोकर या चिमुकलीचा घटनास्थळीचं मृत्यू झाला. तर तिचे वडील विजय सेलोकर (45) आणि अन्य एक 10 वर्षीय चिमुरडा वीर मारवाडे असे दोघे गंभीर जखमी झालेत.
संतप्त ग्रामस्थांनी महामार्ग रोखून धरला, वाहनांच्या लांबच लांब रांगा
या प्रकरणातील दोन्ही गंभीर जखमींना नागपूरच्या रुग्णालयात उपचारासाठी दाखल करण्यात आलं आहे. ही घटना भंडाऱ्याच्या वरठी येथील रेल्वेच्या उड्डाण पुलावर गुरुवारी संध्याकाळी 7 वाजताच्या सुमारास घडली. परिणामी, या घटनेच्या निषेधार्थ आणि वाळूची वाहतूक बंद करावी, या मागणीला घेवून संतप्त ग्रामस्थांनी महामार्ग रोखून धरला आहे. जोपर्यंत मागण्या मान्य होत नाही तो पर्यंत आम्ही मागे हटणार नाही, असा आक्रमक पवित्रा घेत ग्रामस्थांनी हा महामार्ग रोखून धरला असल्याचे बघायला मिळत आहे.
याप्रकरणी वरठी पोलिसांनी चालकासह टिप्पर ताब्यात घेतला असून चालकाविरुद्ध गुन्हा दाखल करण्यात आलाय. विजय सेलोकर हे कुटुंबासह ऐकलारी या गावात राहतात, मृतक एकता आणि जखमी वीर हे एकाचं वर्गात शिक्षण घेत असून खासगी शिकवणी वर्गातून दोघांनाही दुचाकीनं घरी परत नेतं असताना ही घटना घडली.
परतूरच्या महिला तहसीलदारावर वाळूमाफियांचा हल्ला, 7 जणांविरोधात गुन्हा दाखल
जालन्यातील परतूर येथे वाळूमाफीयाने महिला तहसीलदारवर हल्ला केलाय. परतूर येथील दुधना नदी पात्रात अवैध वाळूचं उत्खनन करणाऱ्यावर मध्यरात्री एक ते दीड बाजेच्या सुमारास कारवाईसाठी गेलेल्या महिला तहसीलदारावर हल्ला करण्यात आल्याची घटना घडलीय. प्रतिभा गोरे असं या तहसीलदाराचं नाव आहे. याप्रकरणी आता परतुर पोलीस ठाण्यात गुन्हा दाखल करण्यात आलाय. अखिल बिल्डर, इलियास कुरेशी, अमजत कुरेशी, इरफान शेख, जुनेद व इतर 2 आरोपी असे हल्ला करणाऱ्या आरोपीचे नाव असून त्यांच्या विरोधात परतूर पोलीस ठाण्यात गुन्हा दाखल करण्यात आलाय.
दरम्यान आरोपी फरार असून पोलिसांकडून त्यांचा शोध सुरू आहे. स्वतः परतूरच्या तहसीलदार प्रतिभा गोरे यांनी परतुर पोलीस ठाण्यात फिर्याद देऊन तक्रार दाखल केली त्यानुसार हा गुन्हा दाखल करण्यात आला आहे.
हे ही वाचा
महत्त्वाच्या बातम्या
