Pankaja Munde: भीषण दुष्काळात होरपळणाऱ्या मराठवाड्यासाठी पंकजा मुंडेंचा निर्धार, म्हणाल्या, 'तुमच्याकडे पाणी नाही, मीही कमी पाणी पिईन!'

Ambajogai Cataract Surgery : बीडमध्ये मोतीबिंदू शस्त्रक्रियेनंतर चार रुग्णांची दृष्टी अधू! स्वामी रामानंद तीर्थ रुग्णालयातील धक्कादायक प्रकार

स्वानंद पाटील — Thu, 29 Oct 2026 21:22:50 +0530

मुंबई : बीड जिल्ह्यातील अंबाजोगाई येथील स्वामी रामानंद तीर्थ वैद्यकीय महाविद्यालय व रुग्णालयात (SRTR) मोतीबिंदू शस्त्रक्रियेनंतर चार रुग्णांची दृष्टी अधू झाल्याची अत्यंत धक्कादायक आणि गंभीर घटना समोर आली आहे. रुग्णालयातील नेत्र शस्त्रक्रिया विभागात पार पडलेल्या या शस्त्रक्रियेनंतर रुग्णांच्या डोळ्यांना जंतुसंसर्ग (Infection) झाल्याचे उघडकीस आल्याने आरोग्य यंत्रणेत मोठी खळबळ उडाली आहे.

17 ऑक्टोबर रोजी या रुग्णालयात एकूण 22 रुग्णांवर मोतीबिंदूची शस्त्रक्रिया करण्यात आली होती. मात्र, त्याच दिवशी सायंकाळी झालेल्या तपासणीत चार रुग्णांना गंभीर जंतुसंसर्ग झाल्याचे डॉक्टरांच्या लक्षात आले.

Ambajogai Eye Surgery : लातूरहून तज्ज्ञांना पाचारण, जालन्यात पुन्हा शस्त्रक्रिया

चार रुग्णांना जंतुसंसर्ग झाल्याचे समजताच स्वामी रामानंद तीर्थ रुग्णालय प्रशासनाने तातडीने हालचाली करत लातूर येथून तज्ज्ञ डॉक्टरांच्या पथकाला बोलावून रुग्णांवर तात्काळ उपचार सुरू केले. मात्र, या उपचारांना रुग्णांच्या डोळ्यांनी अपेक्षित प्रतिसाद दिला नाही. त्यामुळे परिस्थितीचे गांभीर्य ओळखून या चारही बाधित रुग्णांना तातडीने जालन्यातील एका खासगी रुग्णालयात हलवण्यात आले, जिथे त्यांच्यावर पुन्हा एकदा शस्त्रक्रिया करण्यात आली आहे.

Dean Shankar Dhapate Statement : सात सदस्यांची चौकशी समिती नियुक्त

या संपूर्ण निष्काळजीपणाची दखल घेत रुग्णालय प्रशासनाने चौकशीचे आदेश दिले आहेत. या प्रकरणाच्या सखोल चौकशीसाठी सात सदस्यांची एक विशेष समिती नियुक्त करण्यात आल्याची माहिती रुग्णालयाचे अधिष्ठाता (Dean) डॉ. शंकर धपाटे यांनी दिली आहे. ही समिती शस्त्रगृहातील स्वच्छता, वापरलेली औषधे आणि उपकरणांची तपासणी करून आपला अहवाल सादर करणार आहे.

Dr. Dyanoba Darade Reaction : संसर्ग कसा पोहोचला याचा शोध सुरू

या दुर्दैवी घटनेवर स्वामी रामानंद तीर्थ रुग्णालयाचे नेत्रविभागप्रमुख डॉ. ज्ञानोबा दराडे यांनी आपली प्रतिक्रिया दिली आहे. शस्त्रक्रियेच्या दिवशी संबंधित सर्व डॉक्टर, कर्मचारी आणि ऑपरेशन थिएटरची स्वच्छता तसेच संसर्गासंदर्भातील सर्व मानक तपासण्या करण्यात आल्या होत्या, असे त्यांनी स्पष्ट केले.

मात्र, एवढी खबरदारी घेऊनही बाधित रुग्णांच्या डोळ्यांपर्यंत संसर्ग कसा पोहोचला? याचा शोध घेण्याचे प्रयत्न वरिष्ठ तज्ज्ञांच्या मार्गदर्शनाखाली सुरू आहेत. या घटनेमागील नेमके कारण अद्याप अस्पष्ट असून, रुग्णांच्या दृष्टीवर नेमका किती परिणाम झाला आहे आणि उपचारांचा अंतिम निष्कर्ष काय निघतो, याची अधिकृत माहिती लवकरच समोर येईल असे त्यांनी सांगितले.

ही बातमी वाचा:

Maharashtra Politics : मोठी बातमी! आधी बंद दाराआड गुप्त चर्चा, अन् नंतर मुख्यमंत्री देवेंद्र फडणवीसांसह दोन्ही ठाकरे बंधू एकाच व्यासपीठावर

बीडमध्ये 107 वर्षांत पहिल्यांदाच दुष्काळाची भीषण दाहकता; खजाना विहीर ऑक्टोबरमध्येच आटली, जलसंकटाचे संकेत

स्वानंद पाटील — Tue, 27 Oct 2026 19:57:55 +0530

बीड : राज्यात यंदा पावसाने (Rain) चांगलीच दडी मारल्याने दुष्काळाची भीषण परिस्थिती महाराष्ट्रावर आली आहे. त्याच पार्श्वभूमीवर राज्य सरकारने देखील 305 तालुक्यात दुष्काळ जाहीर केला असून शेतकऱ्यांना मदतीचं आश्वासन दिलं आहे. एकीकडे शेतातील पीकं करपली असून खरीब, रब्बी दोन्ही हंगामातून यंदा हाताला काय लागणार अशी परिस्थिती आहे. दुसरीकडे पाणी आणि चाऱ्याचं मोठं संकट आहे. जनावारांसाठी चारा कुठून आणायचा हाही प्रश्न आहे. तसेच, आत्ताच पाणीकपात सुरू झाल्याने उन्हाळा कसा काढायचा हाही प्रश्न आहे. मराठवाड्यातही (Marathwada) या दुष्काळी (Drought) परिस्थितीचं भीषण चित्र असून जलस्त्रोत आटले आहेत. बीड (Beed) जिल्ह्यातील खजाना विहिरीतील पाणी देखील यंदा ऑक्टोबर महिन्यात तळाला गेले आहे.

बीड आणि पाली गावाजवळ स्थापत्य कलेचे उदाहरण आणि तब्बल 450 वर्षे जुनी असलेल्या निजामकालीन खजिना विहीरकडे पाहून यंदा दुष्काळाची दाहकता दिसून येईल. कारण, यावर्षी ऑक्टोबर महिन्यातच खजाना कोरडी पडल्याने ही चिंतेची बाब असल्याचं बोललं जात आहे. ज्यावेळी या विहिरीतले पाणी कमी झाले तेव्हा केवळ बीड जिल्ह्यातच नाही तर संपूर्ण मराठवाड्यावर पाणी संकट येते अशी माहिती इतिहास अभ्यासक प्रा. सतीश साळुंखे यांनी दिली. या विहिरीच्या पाण्यावर 1000 एकर शेतीला पाणी दिले जात होते, ही विहीर म्हणजे प्रकारे पर्जन्यमापक यंत्रच असल्याचं ते म्हणाले.

खजाना विहीर म्हणून प्रसिद्ध असलेली ही विहीरीचे पाणी यापूर्वी 2019 मध्ये यावेळी म्हणजेच ऑक्टोबर महिन्यात आटले होते, त्यावेळेस दुष्काळ पडला होता आणि यंदाही तीच परिस्थिती आहे. ही विहीर जेव्हा आटते, किंवा विहिरीतील पाणी तळाला जातं तेव्हा भीषण पाणीसंकट येणार असल्याचे हे संकेत आहेत. या विहिरीकडे अक्षम्य दुर्लक्ष होत असल्याचेही इतिहास संशोधक साळुंखे यांनी म्हटले. तसेच या विहिरीला महाराष्ट्र शासनाने संरक्षित स्मारक म्हणून घोषित करावे अशी मागणी देखील त्यांनी केली आहे.

खजाना विहिरीचे वैशिष्ट्ये

निर्मितीपासून आत्तापर्यंत त्याची वैशिष्ट्य कायम असलेले हे जल स्मारक आहे. सुभेदार सलामत खान याने खजिना विहीर राजा बांधली. सण 1572 साली म्हणजेच 450 वर्षांपूर्वीची ही विहीर बांधली. या विहिरीचे स्थापत्यकार राजा भास्कर हे होते, त्यांनी सर्व निधी या विहिरीला खर्च केला म्हणून या विहिरीचे नाव खजाना विहिर असे पडले. ही विहीर 23 ते 24 फूट खाली असून समुद्र सपाटीवर याचे पाणी पोहोचते असे त्याचे व्यवस्थापन आहे. ही सायफंड पद्धत आहे, या विहिरीला दोन इनलेट आणि एक आउटलेट आहे. त्यातील एक नहर बिंदुसरा नदीच्या खालून गेलेली आहे, ही मोठी बाब आहे. या विहिरीला स्वतःचे पाणी नाही हेही विशेष आहे.

हेही वाचा

नागपूर पदवीधर निवडणुकीच्या मतमोजणीत काँग्रेस अन् भाजपमध्ये नेट टू नेट फाईट; कराळे मास्तर गेमचेंजर ठरणार?

बीडमध्ये पाणी संकटाची धोक्याची घंटा! 11 तालुक्यातील 126 विहिरींच्या पाणीपातळीचा धक्कादायक रिपोर्ट; नेमकी परिस्थिती काय?

स्वानंद पाटील — Tue, 27 Oct 2026 13:06:13 +0530

Beed News: बीड जिल्ह्यात यंदा भीषण दुष्काळी परिस्थिती निर्माण झाली असून, आगामी काळात पाणीटंचाईचं मोठं संकट उभं राहण्याची शक्यता आहे. भूजल सर्वेक्षण व विकास यंत्रणेने केलेल्या पाहणीत जिल्ह्यातील भूजल पातळीत गेल्या पाच वर्षांच्या तुलनेत तब्बल 4.55 मीटर म्हणजेच जवळपास 15 फूट घट झाल्याचं समोर आलं आहे. त्यामुळे जिल्ह्यातील पिण्याच्या पाण्यासह शेतीच्या पाण्याचा प्रश्नही गंभीर होण्याची भीती व्यक्त केली जात आहे. (Drought)

जिल्ह्यातील सर्वच 126 विहिरींच्या पाणीपातळीत घट

भूजल सर्वेक्षण व विकास यंत्रणेकडून बीड जिल्ह्यातील 11 तालुक्यांमधील एकूण 126 विहिरींची तपासणी करण्यात आली. या पाहणीत चिंताजनक बाब समोर आली आहे. तपासणी करण्यात आलेल्या सर्वच्या सर्व 126 विहिरींच्या पाणीपातळीत घट नोंदवण्यात आली आहे. यावरून जिल्ह्यातील भूजलसाठ्यावर मोठा ताण निर्माण झाल्याचं स्पष्ट होत आहे. 2021 ते 2025 या पाच वर्षांच्या कालावधीत ऑक्टोबर महिन्यातील भूजल पातळीची सरासरी 2.81 मीटर होती. मात्र, यंदा ही पातळी थेट 7.36 मीटरपर्यंत खाली गेली आहे. म्हणजेच गेल्या पाच वर्षांच्या तुलनेत भूजल पातळीत 4.55 मीटरची घट झाली आहे. पावसाळा संपल्यानंतरही भूजलसाठ्यात अपेक्षित वाढ न झाल्याने आगामी उन्हाळ्यात पाणीटंचाईची तीव्रता वाढण्याची शक्यता आहे.

गेवराई, आष्टी, बीड आणि धारूरमध्ये परिस्थिती गंभीर

जिल्ह्यातील भूजल पातळीत घट होण्यामागे गेल्या काही वर्षांपासून सातत्याने घसरत असलेलं पर्जन्यमान हे प्रमुख कारण मानलं जात आहे. कमी पाऊस, भूजल पुनर्भरणावर होणारा परिणाम आणि पाण्याचा वाढता वापर यामुळे भूजलसाठ्यावर दबाव निर्माण होत आहे. गेवराई, आष्टी, बीड आणि धारूर या तालुक्यांमध्ये भूजल पातळीत पाच मीटरपेक्षा अधिक घट नोंदवण्यात आली आहे. त्यामुळे या भागांतील पाणीस्थिती अधिक गंभीर बनली आहे. भूजल पातळीत झालेली ही घट कायम राहिल्यास गावांमधील विहिरी आणि बोअरवेलच्या पाण्यावर परिणाम होऊ शकतो. एकीकडे उन्हाळ्यापूर्वीच पाण्याची चिंता वाढत असताना, दुसरीकडे भूजलसाठा वाढवण्यासाठी पावसाच्या पाण्याचं संधारण आणि उपलब्ध पाण्याचा काटकसरीने वापर करण्याची गरज आहे. आगामी काळात प्रशासनाकडून पाणीटंचाईचा सामना करण्यासाठी कोणती पावलं उचलली जातात, याकडे बीड जिल्ह्यातील नागरिकांचं लक्ष लागलं आहे.

FDA Raid : तुकाराम मुंढेंच्या FDAकडून कारवाईचा धडाका; बुलढाण्यात मसाल्यांच्या साठ्यावर मोठी कारवाई; 1 कोटीचा माल जप्त, तर बीडमध्ये दोन मोठ्या आस्थापनांचे परवाने निलंबित

डॉ. संजय महाजन — Mon, 26 Oct 2026 12:01:39 +0530

Buldhana FDA Raid News : आगामी सण आणि उत्सवाच्या पार्श्वभूमीवर तुकाराम मुंढेंच्या (Tukaram mundhe) अन्न व औषध प्रशासन विभाग(FDA)अलर्ट मोडवर असून नियमित खाद्यपदार्थांसह आता अन्न व औषध प्रशासनाचा मोर्चा मसाला व्यावसायिकांकडे वळला आहे. बुलढाणा अन्न व औषध प्रशासनाने देऊळगाव राजा तालुक्यातील पिंपळनेर येथे दोन बड्या व्यवसायिकांच्या आस्थापनांवर धाड (FDA Actions) टाकून एक कोटी रुपयांच्यावर मसाला जप्त केला आहे. तर दोन व्यवसायिकांच्या आस्थापनांचा परवाना निलंबित केला आहे. देऊळगाव राजा तालुक्यातील पिंपळनेर येथील मे. जनता सेवा मिरची मसाला इंडस्ट्रीज व मे. अनोखे फुड्स अँड स्पाइसेस या मसाला उत्पादक आस्थापनेवर कारवाई केली आहे. (Maharashtra FDA Actions Marathi News)

दरम्यान, या दोन्ही आस्थापनेच्या तपासणीत अस्वच्छता, मांजर, कबुतरे व कीटकांचा वावर, कीटक नियंत्रणाचा अभाव, कामगारांच्या वैद्यकीय तपासणीचा अभाव, अन्नपदार्थ थेट जमिनीवर ठेवणे, तसेच अन्नपदार्थांच्या चाचणीचा अहवाल अभाव अशा मोठ्या त्रुटी आढळून आल्यात. परिणामी आता FDAचा मोर्चा मसाला व्यवसायिकांकडे वळाल्याचे चित्र असून अन्न व औषध प्रशासनाच्या या कारवाईने आता मसाला व्यवसायिकांचेही धाबे दणाणले आहेत.

Beed FDA Actions : हॉटेल मामा काठीयावाडी, पाबळे नमकीन यांचे परवाने अन्न व औषध प्रशासनाकडून निलंबित

बीडमध्ये अन्न व औषध प्रशासनाने धडक कारवाई करत नागरिकांच्या जीवाशी खेळणाऱ्या दोन मोठ्या आस्थापनांचे परवाने निलंबित करण्यात आले. यामध्ये धुळे - सोलापूर राष्ट्रीय महामार्गावरील हॉटेल मामा काठीयावाडी या नामांकित हॉटेलसह पाबळे नमकीन या फरसाण उत्पादन करणाऱ्या आस्थापनेचा समावेश आहे. यासह नेकनूर आणि ताडसोन्ना येथील खवा विक्रेत्यांवर देखील कारवाई करण्यात आली आहे. दिवाळीच्या तोंडावर असतानाच या अन्न औषध प्रशासनाने केलेल्या या कारवाईमुळे बीड जिल्ह्यात मोठी खळबळ उडाली आहे.

Beed FDA Actions : सुधारणा नोटीसीकडे हॉटेल चालकाने पूर्णपणे दुर्लक्ष केल्याने फेर तपासणी

मिळालेल्या माहितीनुसार, धुळे - सोलापूर राष्ट्रीय महामार्गावर असलेल्या मांजरसुंबा येथील मामा काठीयावाडी या प्रसिद्ध हॉटेलवर अन्न औषध प्रशासनाने प्रशासनाने कठोर कारवाई केली. यापूर्वी दिलेल्या सुधारणा नोटीसीकडे हॉटेल चालकाने पूर्णपणे दुर्लक्ष केल्याने फेर तपासणीत पिण्याच्या पाण्याचे प्रयोगशाळा प्रमाणपत्र नसणे स्वयंपाक घरात उघड्या कचराकुंड्या, मुदत संपलेले अन्नपदार्थ आढळल्याने हॉटेल मामा काठीयावाडी चा परवाना निलंबित करण्यात आला.

Beed FDA : 1422 किलो आणि 1 लाख 32 हजार 940 रुपये किमतीचा साठा जप्त

तर एमआयडीसी परिसरातील पाबळे नमकीन या फरसाण उत्पादन करणाऱ्या आस्थापनावर अचानक छापा टाकण्यात आला यावेळी अन्न व सुरक्षा नियमांचे डबे उल्लंघन असल्याचे निदर्शनास आले. अयोग्य साठवणूक, उघड्यावर साचलेला कचरा, तळलेल्या तेलाची खालवलेली गुणवत्ता अशा अनेक त्रुटी आढळल्या. यामुळे प्रशासनाने इथून नमकीन, शेव, पापडी यासह पाच नमुने घेतले. तर 1422 किलो आणि 1 लाख 32 हजार 940 रुपये किमतीचा साठा जप्त करत अन्न परवाना तात्काळ निलंबित करून उत्पादन आणि विक्रीस मनाई करण्यात आली.

रस्त्याच्या अपूर्ण कामामुळे नियंत्रण सुटले अन् कार उलटली; बीडमध्ये भीषण अपघातात एकाचा मृत्यू; एक गंभीर

स्वानंद पाटील — Sun, 25 Oct 2026 17:31:38 +0530

Beed: बीडच्या साबलखेड ते आष्टी राष्ट्रीय महामार्ग वाहनधारकांसाठी दिवसेंदिवस जीवघेणा ठरत असून, रस्त्याच्या अपूर्ण कामाचा आणि असुरक्षित वाहतुकीचा प्रश्न पुन्हा एकदा ऐरणीवर आलाय. कासारी पुलाजवळ रविवारी पहाटेच्या सुमारास झालेल्या भीषण अपघातात शहाबाज सय्यद यांचा जागीच मृत्यू झाला, तर स्वस्तिक साळवे हे गंभीर जखमी झाले आहेत. या घटनेमुळे महामार्गावरील प्रवाशांच्या सुरक्षिततेचा मुद्दा पुन्हा चर्चेत आला आहे.

मिळालेल्या माहितीनुसार, जामखेडहून अहिल्यानगरच्या दिशेने कारने प्रवास सुरू होता. याचदरम्यान कासारी पुलाजवळ रस्त्याच्या अपूर्ण कामामुळे चालकाचे वाहनावरील नियंत्रण सुटले आणि कार उलटली. हा अपघात इतका भीषण होता की, कारचे मोठ्या प्रमाणात नुकसान झाले. या दुर्घटनेत शहाबाज सय्यद यांचा जागीच मृत्यू झाला, तर स्वस्तिक साळवे गंभीर जखमी झाले.

अपघातानंतर जखमी स्वस्तिक साळवे यांना पुढील उपचारांसाठी अहिल्यानगर येथे हलवण्यात आले. दरम्यान, मृत शहाबाज सय्यद यांच्या मृतदेहाचे आष्टी येथील प्राथमिक आरोग्य केंद्रात शवविच्छेदन करण्यात आले.

अपूर्ण रस्त्यांमुळे वाहनधारकांचा जीव धोक्यात?

साबलखेड ते आष्टी राष्ट्रीय महामार्गावरील अपूर्ण कामे, रस्त्याची दुरवस्था आणि सुरक्षिततेच्या उपाययोजनांचा अभाव याबाबत पुन्हा प्रश्न उपस्थित होत आहेत. महामार्गावरून प्रवास करणाऱ्या वाहनचालकांना संभाव्य धोक्यांची पूर्वसूचना मिळावी, तसेच अपूर्ण कामांच्या ठिकाणी आवश्यक सुरक्षा व्यवस्था असावी, अशी अपेक्षा व्यक्त केली जात आहे.

रस्त्याचे काम सुरू असताना योग्य दिशादर्शक फलक, धोक्याच्या ठिकाणी स्पष्ट सूचना आणि आवश्यक सुरक्षा उपाययोजना नसल्यास अपघातांचा धोका वाढू शकतो. कासारी पुलाजवळील या दुर्घटनेने महामार्गावरील प्रवाशांच्या सुरक्षिततेचा प्रश्न अधोरेखित केला आहे. राष्ट्रीय महामार्गावरून सुरक्षित प्रवास करण्याची अपेक्षा असताना अपूर्ण कामांमुळे प्रवाशांच्या जिवाला धोका निर्माण होत असेल, तर जबाबदारी कोणाची? असा सवाल आता उपस्थित होत आहे. संबंधित यंत्रणा या प्रश्नाकडे गांभीर्याने लक्ष देऊन महामार्गावरील अपूर्ण कामे आणि सुरक्षिततेच्या उपाययोजनांबाबत तातडीने पावले उचलणार का, हे पाहणं महत्त्वाचं ठरणार आहे.

Beed Crime News: हॉटेल मालकासह त्याच्या भावाचाही त्रास; पैशांवरून शिवीगाळ, आर्थिक अन् मानसिक छळ, मॅनेजरनं कामाच्या ठिकाणीच गळ्याला लावली दोर; बीडमधील घटना

स्वानंद पाटील — Sun, 25 Oct 2026 14:12:45 +0530

बीड: बीड तालुक्यातील चौसाळा येथील 'हॉटेल जानकी'चे मॅनेजर सतीश जाधव यांनी हॉटेलच्या खोलीत गळफास घेऊन आपली जीवनयात्रा संपवल्याची अत्यंत धक्कादायक घटना समोर आली आहे. हॉटेल मालक आणि त्यांच्या भावाकडून (Beed Crime News) सुरू असलेल्या सततच्या मानसिक व आर्थिक छळाला कंटाळूनच त्यांनी हे टोकाचे पाऊल (Beed Crime News) उचलल्याचे निष्पन्न झाले आहे. याप्रकरणी मयताच्या पत्नीने दिलेल्या फिर्यादीवरून नेकनूर पोलीस ठाण्यात हॉटेल मालकासह दोघांविरुद्ध आत्महत्येस प्रवृत्त केल्याप्रकरणी गुन्हा दाखल करण्यात आला आहे.(Beed Crime News)

Beed Crime News: नेमकं काय घडलं प्रकरण?

पोलिसांनी दिलेल्या माहितीनुसार, बीड परिसरातील चौसाळा येथील हॉटेल जानकीमध्ये सतीश जाधव हे मॅनेजर म्हणून काम पाहत होते. परंतु, मागील काही काळापासून हॉटेल मालक दशरथ थोरात आणि त्याचे भाऊ विकी थोरात हे ग्राहकांच्या उधारीच्या पैशांवरून आणि इतर व्यावसायिक कारणांवरून सतीश जाधव यांच्यावर सतत दबाव टाकत होते. उधारीच्या पैशांवरून त्यांना वारंवार शिवीगाळ करणे, मानहानी करणे असा प्रकार मालकांकडून सुरू होता. या सततच्या त्रासामुळे सतीश जाधव हे तीव्र मानसिक तणावाखाली आले होते.(Beed Crime News)

Beed Crime News: खिशात सापडली सुसाईड नोट

हॉटेलच्या खोलीमध्ये सतीश जाधव यांनी गळफास घेऊन आत्महत्या केली. घटनेची माहिती मिळताच नेकनूर पोलीस ठाण्याचे पथक त्वरित घटनास्थळी दाखल झाले. पोलिसांनी पंचनामा करून मृतदेह ताब्यात घेतला असता, मयत सतीश जाधव यांच्या खिशात एक चिठ्ठी (सुसाईड नोट) आढळून आली. या सुसाईड नोटमध्ये हॉटेल मालक दशरथ थोरात आणि विकी थोरात यांच्याकडून आपल्याला कसा त्रास दिला जात आहे, याचा सविस्तर उल्लेख त्यांनी केला होता. मालकांच्या आर्थिक व मानसिक छळाला कंटाळूनच आपण हे पाऊल उचलत असल्याचे त्यांनी या चिठ्ठीत स्पष्टपणे नमूद केले होते.(Beed Crime News)

Beed Crime News: दोघांवर गुन्हा दाखल, पोलिसांकडून तपास सुरू

मृत सतीश जाधव यांच्या पत्नीने दिलेल्या रीतसर फिर्यादीच्या आधारावर नेकनूर पोलीस ठाण्यात हॉटेल मालक दशरथ थोरात आणि विकी थोरात या दोघांच्या विरोधात आत्महत्येस प्रवृत्त केल्याप्रकरणी गुन्हा दाखल करण्यात आला आहे. या घटनेमुळे चौसाळा परिसरात एकच खळबळ उडाली असून हळहळ व्यक्त होत आहे. मयताच्या नातेवाईकांनी व ग्रामस्थांनी दोषी मालकांवर कठोर कायदेशीर कारवाई करण्याची मागणी केली आहे. दरम्यान, नेकनूर पोलीस या प्रकरणाचा अधिकचा आणि सखोल तपास करत आहे.

Beed News: बीडमध्ये काळीज हेलावणारी घटना, कुत्रा भुंकल्याने घाबरून पळाली, चुलीवरील गरम दूध अंगावर पडून तीन वर्षीय चिमुकलीचा मृत्यू

स्वानंद पाटील — Sat, 24 Oct 2026 11:28:05 +0530

Beed News: कुत्रा भुंकल्याने घाबरून घरात पळालेल्या तीन वर्षीय चिमुकलीचा चुलीवरील गरम दूध अंगावर पडून दुर्दैवी मृत्यू झाल्याची हृदयद्रावक घटना बीड (Beed News) जिल्ह्यातील नांदूर हवेली गावात घडली आहे. दुर्गा असं या चिमुकलीचं नाव होतं. या घटनेमुळे संपूर्ण गावावर शोककळा पसरली असून, कुटुंबीयांवर दुःखाचा डोंगर कोसळला आहे.

नेमकं घडलं काय? (Beed News)

बीडमध्ये काळीज हेलावणारी घटना घडली आहे. कुत्रा भुंकल्याने घाबरून पळत असताना चुलीवरील गरम दूध अंगावर पडल्याने 3 वर्षीय चिमुकलीचा मृत्यू झाला. या घटनेमुळे परिसरात हळहळ व्यक्त केली जात आहे. मिळालेल्या माहितीनुसार, दुर्गा घरासमोर खेळत होती. त्याचवेळी एक कुत्रा भुंकत तिच्या दिशेने येऊ लागला. त्यामुळे घाबरलेली दुर्गा घरात पळाली. मात्र, घराच्या अंगणात चुलीवर तापवण्यासाठी ठेवलेल्या दुधाच्या पातेल्याला धक्का लागला. त्यामुळे गरम दुधाने भरलेले पातेले तिच्या अंगावर पडले आणि ती गंभीररीत्या भाजली. घटनेनंतर दुर्गाला तातडीने उपचारासाठी खासगी रुग्णालयात दाखल करण्यात आले. मात्र, तिची प्रकृती गंभीर झाल्याने तिला पुढील उपचारांसाठी जिल्हा रुग्णालयात हलवण्यात आले. दुर्दैवाने, उपचारादरम्यान तिचा मृत्यू झाला. अवघ्या तीन वर्षांच्या चिमुकलीचा अशा प्रकारे अंत झाल्याने नांदूर हवेली गावात हळहळ व्यक्त केली जात आहे.

दसऱ्याला साजरा केला वाढदिवस, आता कुटुंबावर दुःखाचा डोंगर (Beed News)

दुर्गाचा वाढदिवस दसऱ्याच्या दिवशी होता. कुटुंबीयांनी तिचा वाढदिवस मोठ्या उत्साहात साजरा केला होता. मात्र, काही दिवसांतच काळाने तिच्यावर घाला घातल्याने कुटुंबीयांवर दुःखाचा डोंगर कोसळला आहे. विशेष म्हणजे, वाढदिवसाच्या दिवशी दुर्गाने आपल्याला मोठं झाल्यावर डॉक्टर व्हायचं असल्याचं ती म्हणाली होती, असं तिच्या कुटुंबियांनी सांगितलं. या घटनेमुळे परिसरातून हळहळ व्यक्त होत आहे.

सोनसळ घाटात मृतदेह आढळला; तपासाचे धागेदोरे घरापर्यंत पोहोचले (Sangli Crime)

सांगली जिल्हा हद्दीवर असलेल्या सोनसळ घाटात आढळलेल्या मृतदेहाचे गूढ अखेर उकलले आहे. दारू पिऊन त्रास देत असल्याच्या कारणावरून 32 वर्षीय धनाजी आदलिंगे याचा त्याच्याच आई-वडिलांनी आणि सख्या भावाने खून केल्याचे पोलीस तपासात निष्पन्न झाले आहे. 15 ऑक्टोबर रोजी घरातच त्याची हत्या (Satara Crime News) करून मृतदेह सोनसळ घाटात टाकण्यात आला होता. 20 ऑक्टोबर रोजी हा मृतदेह आढळून आल्यानंतर कराड तालुका पोलिसांनी तपासाची चक्रे वेगाने फिरवली. गोपनीय माहिती आणि तपासाच्या आधारे अवघ्या 24 तासांत या गुन्ह्याचा छडा (Satara Crime News) लावण्यात पोलिसांना यश आले. याप्रकरणी वडील सत्यवान आदलिंगे, आई सुरेखा आदलिंगे आणि भाऊ लक्ष्मण आदलिंगे या तिघांना अटक करण्यात आली आहे. धनाजी आदलिंगे यांच्या डोक्यात लाकडी स्टूल घालून त्यांची हत्या करण्यात आली. तर त्यानंतर धनाजीचा मृतदेह तीघांनी मिळून स्वतः च्या भाजी विक्रीच्या टेम्पोतून सोनसळ घाटात टाकला होता.(Satara Crime News)

घरी वडिलांच्या पुण्यतिथीचा कार्यक्रम, धनंजय मुंडे मात्र सतीश चव्हाणांसाठी बूथवर!

स्वानंद पाटील — Fri, 23 Oct 2026 14:46:44 +0530

घरी वडिलांच्या पुण्यतिथीचा कार्यक्रम, धनंजय मुंडे मात्र सतीश चव्हाणांसाठी बूथवर!

डोंगरकपाऱ्यातील मेळावा कोणाच्या डोळ्यात खुपतो? पंकजा मुंडेंच्या विधानावर सुरेश धसांचा टोला, म्हणाले...

स्वानंद पाटील — Wed, 21 Oct 2026 16:35:00 +0530

Beed: बीडच्या राजकारणात दसरा मेळाव्याच्या निमित्ताने पुन्हा एकदा पंकजा मुंडे विरुद्ध सुरेश धस असा संघर्ष दिसून येत आहे. डोंगरकपाऱ्यातील माझा दसरा मेळावा कोणाच्या डोळ्यात खुपतो, असा सवाल मंत्री पंकजा मुंडे यांनी उपस्थित केला होता..आता याच विधानावर आमदार सुरेश धस यांनी जोरदार पलटवार केलाय.मी त्यांच्यावर बोललो नाही, त्यांच्या मेळाव्यावरही बोललो नाही, मग हे विधान कोणासाठी, हे मला माहीत नाही, असं म्हणत धस यांनी टोला लगावलाय.आमचा मेळावा 18 वर्षांपासून सुरू आहे, त्यामुळे आमचा मेळावा सीनियर आणि तुमचा ज्युनिअर, असं सुरेश धस म्हणालेत एवढंच नाही, तर दसऱ्याच्या पूर्वसंध्येलाच मेळावा घेण्याचा निर्णय जाहीर करत पंकजा मुंडेंना थेट आव्हान दिलंय.

नेमकं काय म्हणाले सुरेश धस?

'डोंगर कपाऱ्यातील माझा दसरा मेळावा कोणाच्या डोळ्यात खूपतो ' असा सवाल मंत्री पंकजा मुंडे यांनी कालच्या दसरा मेळाव्यात उपस्थित केल्यानंतर आमदार सुरेश धस यांची प्रतिक्रिया समोर आली आहे. ते म्हणाले, "मी त्यांच्या मेळाव्यावर काहीही बोललेलो नाही. त्यामुळे त्यांना काय अभिप्रेत आहे हे आम्हाला माहीत नाही. आमच्या मेळाव्याचं वर्ष 18वं आहे.तुमचा मेळावा जुनियर आहे आमचा मेळावा सीनियर आहे . त्यामुळे पुढच्या वर्षी दसऱ्याच्या पूर्वसंध्येला आमचा दसरा मेळावा होईल असा मी जाहीर केलं आहे.

आमदार सुरेश धस यांनी विजयादशमीनिमित्त श्री क्षेत्र मच्छिंद्रनाथ गडावर दसरा मेळावा घेतला होता. बीडच्या सावरगाव येथील मच्छिंद्रनाथ गडावर उत्साहात पार पडलेल्या या मेळाव्यात सुरेश धस यांनी दुष्काळी परिस्थितीच्या पार्श्वभूमीवर शेतकरी बांधवांचा अडचणी आणि आव्हानांची चर्चा केली. त्यांच्या अडचणी आणि आव्हानांवर हातबल होऊन चुकीचे पाऊल न उचलण्याचा आवाहन केले. दरम्यान, दुसरीकडे बीडमध्ये भगवानगडावर घेतलेल्या दसरा मेळाव्यात

पंकजा मुंडे काय म्हणालेल्या?

भगवानगडाच्या भाषणात पंकजा मुंडे म्हणाल्या होत्या' मुंडे साहेब जेव्हा राजकारणात आले, त्यावेळी संरक्षण हवं होतं -आरक्षण हवं होतं. आताराजकारणात सकारात्मक ऊर्जा आणि संस्कार हवेत. म्हणून मी तुमच्यासमोर आले. पुढचा मेळावा होईल का नाही मला माहित नाही. आता सिद्ध केलं आहे - 'हम जहा खडे होते है लाईन वही से शुरू होती है ' तिकडे नगर नारायणगडाला प्रार्थना करते, आता नतमस्तक होऊन नमन करते. इकडे मच्छिंद्रनाथ गडालाही नमन करते. किती सिद्ध करायचं या जीवनामध्ये -आमचा डोंगर कपाऱ्यातील दसरा मेळावा का एवढा डोळ्यात खूपावा? इथे अठरापगड जमातीचे लोक आलेत. माझ्या मराठा बांधवांनी मला तलवार दिली.माळी समाजाने कांदा मुळा भाजी आणली. धनगर समाजाने घुंगडं आणि लाठी दिली. बंजाऱ्यांनी मला कोयता हातात दिला. सगळ्या समाजाचे भलं करण्यासाठी हृदयात प्रेम लागतं. आयुष्याची जाणीव लागते. आपल्या तोंडातून चांगलं बोलण्याचे आपल्याला संस्कार लागतात. 'असं पंकजा मुंडे म्हणाल्या होत्या. यावरून आमदार सुरेश धस यांनी पंकजा मुंडे यांना प्रत्युत्तर दिले आहे.

Pankaja Munde: भीषण दुष्काळात होरपळणाऱ्या मराठवाड्यासाठी पंकजा मुंडेंचा निर्धार, म्हणाल्या, 'तुमच्याकडे पाणी नाही, मीही कमी पाणी पिईन!'

रोहित धामणस्कर — Wed, 21 Oct 2026 07:25:57 +0530

Pankaja Munde: भीषण दुष्काळाच्या छायेत असणाऱ्या मराठवाड्यातील जनतेला मंत्री पंकजा मुंडे यांनी रविवारी भगवान गडावर झालेल्या दसरा मेळाव्यातील भाषणातून धीर दिला. पंकजा मुंडे यांनी मराठवाड्यातील जनतेला मी तुमच्यासोबत असल्याचे सांगितले. मी मागचा दुष्काळ हाताळला होता, हा ही दुष्काळ हाताळू. सीएसआर फंडातून मी चारा अनुदानासाठी नरेंद्र मोदी (PM Modi) आणि फडणवीस (Devendra Fadnavis) यांच्यासोबत काम करून सावली बनण्याचं काम करेन. दुष्काळात (Drought) आपल्याला एक मोठे काम करायचे आहे. रोजगार हमीच्या कामावर जायला मागेपुढे पाहू नका. मी टोपलं आणि खोरं घेऊन तुमच्या नदीला संवर्धन करण्यासाठी आल्याशिवाय राहणार नाही. तुमच्याकडे पाणी नाही तर मी कमी पाणी पिईन, असे पंकजा मुंडे यांनी सांगितले. (Maharashtra Drought news)

पंकजा मुंडे यांनी दसरा मेळाव्यात विविध मुद्द्यांवर भाष्य केले. आज राज्यात दुष्काळ आहे. या काळात अनेक भिंती निर्माण करायचा प्रयत्न होईल. आपल्याला माणसांमध्ये भिंती निर्माण होऊन द्यायच्या नाहीत. आपल्याला जातीच्या भिंती मोडून काढायच्या आहेत. मी अंतरवाली दत्तक घेतली आहे, त्याचा विकास करणार आहे, बीड इतकंच प्रेम करणार आहे. मला गावागावात प्रेमाचा प्रसार करायचा आहे. जातीपातींच्या जीवावर जो माणूस मोठा होऊ पाहतोय, त्याला भविष्य नाही, एखादा सुशिक्षित, प्रशिक्षित माणूस देशाला दिशा देऊ शकतो. अजेंडा नसेला माणूस फक्त विखार पसरवण्याचे काम करतो, असे पंकजा मुंडे यांनी म्हटले.

Pankaja Munde On Gen Z: आपल्याला देशाचा अनादर करणारे, देश जाळणारे तरुण नकोत: पंकजा मुंडे

पंकजा मुंडे यांनी दसरा मेळाव्यात दिल्लीत काँग्रेस, कॉकरोच जनता पार्टी आणि डाव्या संघटनांकडून सुरु असलेल्या आंदोलनाबाबत भाष्य केले. त्यांनी म्हटले की, आज आपण जगभरात पाहत आहोत, पॅरिस जळत आहे, फ्रान्स जळत आहेत. रशिया-युक्रेन, इराणमध्ये युद्ध सुरु आहे. आपल्याला देशात अशी तरुण पिढी नको ज्यांच्यात देशभक्ती नाही, जे देशाचा आदर करत नाहीत. आपल्याला स्वत:चा देश जाळणारे तरुण नकोत. जयप्रकाश नारायण यांच्यासारख्या नेत्यांसोबत काम केलेले आणि त्यांचे विचार भिनलेले गोपीनाथ मुंडे (Gopinath Munde) यांच्यासारखे सैनिक आपल्याला हवे आहेत. तुम्ही खरे जेन झी (Gen z) आहात, आमचा आर्यमान पण जेन झी आहे. जेन झी चे नेतृत्व करायचे असेल तर ते मुद्द्यावर होईल, गुद्द्यावर होणार नाही, असे पंकजा मुंडे यांनी सांगितले.

आणखी वाचा

मी अंतरवाली गाव दत्तक घेतलंय, बीडमधील गावांएवढचं प्रेम तिथं करणार; पंकजा मुंडेंची भगवानगडावरुन साद