बीड : बीड शहरात एका विवाहितेवर प्रेमसंबंधाच्या आडून अत्याचार (Beed Crime News) केला, त्यानंतर तिच्यावरच जीव जडला आणि नंतर दोघे फिरत असताना तिच्या पतीने रंगेहाथ पकडून मारहाण (Beed Crime News)झाल्याचा धक्कादायक प्रकार उघडकीस आला आहे. हा प्रकार काल (शुक्रवारी,३) दुपारी सुमारे दोन वाजता बीड बसस्थानकासमोर घडला. या घटनेमुळे शहरात जोरदार चर्चेला उधाण आले आहे. (Beed Crime News)
मिळालेल्या माहितीनुसार, आरोपी रवींद्र शिंदे हे २०१३ साली पोलिस उपनिरीक्षक म्हणून बीड पोलिस दलात दाखल झाले. ते पीडितेच्या शेजारी राहत असल्याने त्यांची ओळख झाली आणि ती हळूहळू प्रेमसंबंधात बदलली. नंतर शिंदे यांची बदली धाराशिवला झाली. मात्र, तिथेही त्यांनी पिस्तूलचा धाक दाखवून पीडितेवर घरात घुसून अत्याचार केल्याचा आरोप आहे. हा प्रकार जून आणि जुलै २०२५ मध्ये घडल्याचे सांगितले जाते. या काळात पीडिता गर्भवतीही राहिल्याची माहिती समोर आली आहे. दरम्यान, अत्याचारप्रकरणी जुलै महिन्याच्या अखेरीस शिंदेविरोधात गुन्हा दाखल करण्यात आला होता. तरीही तेव्हापासून शिंदे फरार होते. मात्र, शुक्रवारी दुपारी पीडिता आणि शिंदे कारमधून फिरताना पीडितेच्या पतीने पाहिले आणि संतापाच्या भरात भररस्त्यावरच शिंदे यांना कपडे फाटेपर्यंत मारहाण केली. या अजब प्रेमकहाणीमुळे बीड शहरात खळबळ उडाली आहे.
Beed Crime News: शुक्रवारी नेमके काय घडले?
पीडिता आणि रवींद्र शिंदे ही कार (एमएच २३ बीसी ३४०२) मध्ये बीडच्या भाग्यनगर भागात फिरत होते. पीडितेच्या पतीने त्यांना पाहताच पाठलाग सुरू केला. तुळजाई चौक, नगर नाका आणि बसस्थानक मार्गे बाहेर निघण्यापूर्वी पतीने दुचाकी आडवी लावून शिंदे यांना कारमधून खाली खेचले आणि कपडे फाटेपर्यंत मारहाण केली. पीडिता त्या वेळेस तोंड बांधलेली कारमध्ये बसलेली होती.
Beed Crime News: शिंदे फरार, तरीही पोलिसांसमोरून पळाले
शिंदे अत्याचाराच्या गुन्ह्यात फरार आहे. तरीही बीडमध्ये येऊन पीडितेसोबत फिरत होता. शुक्रवारी दुपारी भररस्त्यात झालेल्या हाणामारीचा हा वाद पोलिसांनी मिटवण्याचा प्रयत्न केला आणि पीडितेसह तिच्या पतीला पकडलं. मात्र आरोपी असलेल्या शिंदेला अभय दिल्यामुळे तो तेथून सुटून गेला. पोलिसांनी नंतर स्पष्ट केले की, “शिंदे हा आरोपी आहे, हे त्यावेळी आम्हाला समजलेच नव्हते.” तर शिवाजीनगर पोलिसांनी या घटनेवर तात्काळ कारवाई न करता निरीक्षण केले. या प्रकरणामुळे पोलिसांच्या भूमिकेवर प्रश्न उपस्थित झाला आहे.
Beed Crime News: पीडिता तीन दिवस गायब राहिल्यानंतर रंगेहाथ पकडली
पीडिता तीन दिवसांपासून घरातून गायब होती, ज्यामुळे तिच्या पतीला संशय आला. शुक्रवारी दुपारी हा संशय खरा ठरला. पतीने पीडिता आणि एपीआय रवींद्र शिंदे यांना कारमध्ये रंगेहाथ पकडले. दोघेही शिवाजीनगर पोलिस ठाण्यात गेले. पीडितेने शिंदेविरोधात तक्रार देण्याऐवजी पतीवर आरोप केला, मात्र पोलिसांकडे सर्व माहिती असल्याने तिला शांत करून तक्रारीवर आधारित शिंदेविरोधात गुन्हा दाखल करण्यात आला.
Beed Crime News: शिंदे बीडमध्ये फिरतो, तरीही अटक का होत नाही?
‘फरारी’ आरोपी असलेला शिंदे बीड शहरात बिनधास्त फिरत असल्याचे आरोप आहेत. शुक्रवारी घडलेल्या घटनेने हा आरोप अधिक ठाम झाला आहे. पोलिस अधिकारी शिंदे हा आरोपी असूनही शिवाजीनगर पोलिसांनी त्याला अटक केली नाही, ज्यामुळे पोलिसांच्या कारवाईवर प्रश्न उपस्थित झाला आहे.