Upcoming Hybrid Cars : फक्त थोडी वाट पाहा, लवकरच मार्केटमध्ये येणार 'या' जबरदस्त हायब्रिड कार्स; जाणून घ्या A टू Z माहिती

Upcoming Hybrid Cars : ऑटोमोबाईल कंपन्या भारतात नवीन हायब्रिड कार लाँच करत आहेत. यामध्ये रेनॉल्ट डस्टर फेसलिफ्टपासून एलिव्हेट हायब्रिडपर्यंत विविध वाहनांचा समावेश आहे

Upcoming Hybrid Cars

Source : ABP Majha

Upcoming Hybrid Cars : भारतात हायब्रिड कार्स (Hybrid Cars) हळूहळू एक उत्तम आणि किफायतशीर पर्याय म्हणून उदयाला येत आहेत. पेट्रोल इंजिन आणि इलेक्ट्रिक मोटर यांचा संयोग केवळ या गाड्यांना अधिक पॉवरफुल बनवत नाही, तर त्यांना अधिक मायलेजसुद्धा देतो. त्यामुळेच अनेक प्रमुख ऑटोमोबाईल कंपन्या भारतात त्यांच्या नवीन हायब्रिड SUV गाड्या लाँच करण्याच्या तयारीत आहेत. चला, या गाड्यांची माहिती घेऊया...

1. मारुती सुजुकी एस्कुडो (Maruti Suzuki Escudo)

मारुती सुजुकी भारतात एक नवी 5-सीटर SUV लाँच करण्याच्या तयारीत आहे, ज्याला सध्या Y17 कोडनेम दिलं गेलं आहे. या गाडीचं नाव "एस्कुडो" असू शकतं आणि ही SUV ब्रेझा आणि ग्रँड विटारा यांच्या दरम्यानच्या स्थानावर असेल. यामध्ये ग्रँड विटारासारखी हायब्रिड पॉवरट्रेन देण्यात येण्याची शक्यता आहे. ही SUV एरिना डिलरशिपमार्फत विकली जाईल. साइजच्या बाबतीत ती ग्रँड विटारापेक्षा थोडी मोठी असू शकते, ज्यामुळे तिचं इंटीरियर अधिक प्रशस्त आणि प्रीमियम असेल. कंपनी ही SUV 2025 च्या शेवटी लाँच करू शकते.

2. रेनॉल्ट डस्टर फेसलिफ्ट (Renault Duster Facelift)

रेनॉल्ट पुन्हा एकदा भारतीय बाजारात आपली लोकप्रिय SUV डस्टर हायब्रिड तंत्रज्ञान आणि नवीन लूकसह सादर करणार आहे. ही नवीन डस्टर CMF-B+ प्लॅटफॉर्मवर आधारित असेल, जो ग्लोबल मार्केटमध्ये आधीच हायब्रिड सिस्टिमला सपोर्ट करतो. ही SUV 2026 च्या सुरुवातीला भारतात लाँच होण्याची शक्यता आहे. डस्टर फेसलिफ्ट त्या ग्राहकांसाठी फायदेशीर ठरेल जे मजबूत, ऍडव्हेंचर-फ्रेंडली SUV सोबत चांगला मायलेजची अपेक्षा करतात.

3. किया सेल्टॉस हायब्रिड (Kia Seltos Hybrid)

किआ मोटर्स 2026 च्या पहिल्या सहामाहीत त्यांच्या प्रसिद्ध SUV सेल्टॉसचा हायब्रिड वर्जन लाँच करणार आहे. यात 1.5 लिटर 4-सिलेंडर पेट्रोल इंजिन आणि एक हायब्रिड सिस्टम असेल, ज्यामुळे जास्त मायलेज आणि कमी इंधन खर्च सुनिश्चित केला जाईल. यामध्ये नवीन डिझाईन आणि प्रीमियम इंटीरियर देखील असेल. ही SUV अशा ग्राहकांसाठी असेल जे परफॉर्मन्स, स्टाईल आणि मायलेज यांचा समतोल शोधत आहेत.

4. होंडा एलिवेट हायब्रिड (Honda Elevate Hybrid)

होंडाने 2023 मध्ये एलिवेट ही SUV फक्त पेट्रोल इंजिनसह लाँच केली होती. आता कंपनी त्याचा हायब्रिड वर्जन बाजारात आणण्याच्या तयारीत आहे. या हायब्रिड वर्जनमध्ये होंडाची e:HEV हायब्रिड तंत्रज्ञान वापरण्यात येणार आहे. नवीन एलिवेटमध्ये स्मार्ट फीचर्स आणि अधिक प्रीमियम इंटीरियर मिळण्याची शक्यता आहे. ही SUV 2026 च्या दुसऱ्या सहामाहीत लाँच केली जाऊ शकते. ही गाडी विशेषतः त्यांच्यासाठी योग्य असेल जे होंडाच्या परफॉर्मन्सवर विश्वास ठेवतात.

5. हुंडई क्रेटा हायब्रिड (Hyundai Creta Hybrid)

हुंडई देखील त्यांच्या सर्वाधिक विक्री होणाऱ्या SUV क्रेटाचा हायब्रिड वर्जन आणण्याच्या तयारीत आहे. ही SUV कंपनीची भारतातील पहिली स्ट्रॉन्ग हायब्रिड SUV ठरू शकते. या नव्या क्रेटा हायब्रिडमध्ये 1.5 लिटर पेट्रोल इंजिन, इलेक्ट्रिक मोटर, आणि लिथियम-आयन बॅटरी पॅक असेल. त्यामुळे उत्तम ड्रायविंग परफॉर्मन्ससह अधिक मायलेज मिळण्याची हमी दिली जाईल. ही SUV 2027 पर्यंत भारतीय बाजारात दाखल होऊ शकते. 

आणखी वाचा