Tata Nexon : टाटा नेक्सॉन ठरली सर्वाधिक विक्री होणारी कार; जाणून घ्या किंमत आणि वैशिष्ट्ये
Tata Nexon : टाटा नेक्सॉनमध्ये आता एडीएएस सेफ्टी टेक्नॉलॉजीचा समावेश करण्यात आल्याने ही कार अधिक सुरक्षित बनली आहे.
मुंबई : भारतीय वाहन बाजारात टाटा मोटर्सने (Tata Motors) पुन्हा एकदा आपली दमदार कामगिरी नोंदवली आहे. सप्टेंबर 2025 मध्ये टाटा नेक्सॉन (Tata Nexon) ही भारतातील सर्वाधिक विक्री होणारी कार ठरली आहे. या यशाला साजरे करत कंपनीने आपल्या लोकप्रिय एसयूव्हीमध्ये अॅडव्हान्स्ड ड्रायव्हर असिस्टन्स सिस्टीम्स (ADAS) तंत्रज्ञानाचा समावेश केला आहे. या नव्या वैशिष्ट्यांमुळे नेक्सॉन आता अधिक स्मार्ट, सुरक्षित आणि ग्राहकांसाठी आकर्षक ठरली आहे.
भारताच्या वाहन सुरक्षितता क्रांतीत मोलाची भूमिका बजावणारी नेक्सॉन ही जीएनसीएपी आणि बीएनसीएपीकडून 5-स्टार रेटिंग मिळवणारी एकमेव एसयूव्ही आहे. आता एडीएएस तंत्रज्ञानामुळे तिची सुरक्षा पातळी आणखी उंचावली आहे. या तंत्रज्ञानात ऑटोनॉमस इमर्जन्सी ब्रेकिंग, फॉरवर्ड कोलिजन वॉर्निंग, लेन किप असिस्ट, लेन डिपार्चर वॉर्निंग, हाय बीम असिस्ट, ट्रॅफिक साइन रेकग्निशन यांसारखी अत्याधुनिक वैशिष्ट्ये समाविष्ट आहेत, जी चालकाला रस्त्यावर अधिक सजग ठेवतात आणि अपघात टाळण्यास मदत करतात.
टाटा पॅसेंजर इलेक्ट्रिक मोबिलिटी लिमिटेडचे चीफ कमर्शियल ऑफिसर विवेक श्रीवत्स म्हणाले, “2017 मध्ये पदार्पण केल्यापासून नेक्सॉनने डिझाइन, कामगिरी आणि सुरक्षिततेच्या बाबतीत नवीन मापदंड प्रस्थापित केले आहेत. सप्टेंबर महिन्यातील विक्रीचा विक्रम ग्राहकांचा विश्वास दर्शवतो. रेड #डार्क एडिशन आणि एडीएएससह आम्ही नेक्सॉनचे पोर्टफोलिओ अधिक प्रगत आणि प्रभावी करत आहोत.”
या विशेष यशाचा आनंद साजरा करण्यासाठी टाटा मोटर्सने रेड #डार्क एडिशन सुद्धा लाँच केली आहे. ही आवृत्ती पेट्रोल, डिझेल आणि सीएनजी या तिन्ही पॉवरट्रेन्समध्ये उपलब्ध असून तिची किंमत 12.44 लाख रुपयांपासून सुरू होते. काळ्या रंगातील आकर्षक फिनिशिंग, लाल अॅक्सेंट्स, रेड लेदरेट सीट्स आणि प्रीमियम इंटीरियरमुळे ही आवृत्ती लक्झरी आणि स्टाइलचा उत्तम संगम ठरते.
Tata Nexon Features : टाटा नेक्सॉन ची प्रमुख वैशिष्ट्ये
सुरक्षेत आघाडी: जीएनसीएपी (GNCAP) आणि बीएनसीएपी (BNCAP) दोन्हीकडून 5-स्टार रेटिंग मिळवणारी भारतातील एकमेव SUV.
ADAS तंत्रज्ञान: अॅडव्हान्स्ड ड्रायव्हर असिस्टन्स सिस्टिम (ADAS) सह अधिक सुरक्षित ड्रायव्हिंग अनुभव.
ऑटोनॉमस इमर्जन्सी ब्रेकिंग (AEB): आपत्कालीन परिस्थितीत आपोआप ब्रेक लावण्याची सुविधा.
फॉरवर्ड कोलिजन वॉर्निंग (FCW): पुढील वाहनाशी होणाऱ्या धडकेचा धोका लक्षात येताच ऑडिओ-व्हिज्युअल अलर्ट देते.
लेन डिपार्चर वॉर्निंग (LDW): वाहन रस्ता सोडत असल्यास ड्रायव्हरला सूचित करते.
लेन किप असिस्ट (LKA): वाहन योग्य लेनमध्ये ठेवण्यासाठी स्टीयरिंग नियंत्रण देते.
लेन सेंटरिंग सिस्टिम (LCS): वाहन लेनच्या मध्यभागी ठेवण्यास मदत करते.
ट्रॅफिक साइन रेकग्निशन (TSR): रस्त्यावरील महत्त्वाचे चिन्हे ओळखून ड्रायव्हरला दाखवते.
हाय बीम असिस्ट (HBA): रात्रीच्या वेळी आपोआप हेडलाइट्स समायोजित करते.
रेड #डार्क एडिशन: लाल रंगाचे अॅक्सेंट्स आणि ग्रॅनाइट ब्लॅक केबिन डिझाइनसह आकर्षक लुक.
इंटीरियर वैशिष्ट्ये: रेड लेदरेट हवेशीर सीट्स, डायमंड क्विल्टिंग, कॉन्ट्रास्ट रेड स्टिचिंग आणि प्रीमियम फिनिश.
मल्टी पॉवरट्रेन पर्याय: पेट्रोल, डिझेल आणि CNG या तिन्ही पर्यायांमध्ये उपलब्ध.
किंमत: 12.44 लाख रुपयांपासून सुरू.
टॉप सेलिंग कार: सप्टेंबर 2025 मध्ये भारतातील सर्वाधिक विक्री झालेली कार ठरली.
डिझाइन आणि कामगिरी: आकर्षक स्टायलिंग, दमदार परफॉर्मन्स आणि उच्च दर्जाची सुरक्षा यांचा संगम.
महत्त्वाच्या बातम्या
