Car Tricks : हिवाळ्यात गाडीचं इंजिन होऊ शकतं खराब, 'या' चुका करू नका!

लवकरच 100 टक्के इथेनॉलवर चालणारी कार येणार, फक्त 25 रुपये लीटरमध्ये प्रवास होणार

गणेश लटके — Sun, 27 Sep 2026 21:50:14 +0530

Ethanol Car News : देशात गेल्या काही वर्षांपासून पेट्रोलच्या किमती सातत्याने वाढत आहेत. ज्यामुळं वाहन मालकांमध्ये चिंता वाढली आहे. मात्र, वाहन उद्योगाकडून आलेल्या एका बातमीमुळे सर्व वाहन मालकांना दिलासा मिळू शकतो. 100 टक्के इथेनॉलवर चालणारी टोयोटा इनोव्हा ऑक्टोबर 2026 मध्ये लॉन्च केली जाणार असल्याची माहिती मिळत आहे..

पेट्रोल वाहनांच्या तुलनेत या गाडीचा चालवण्याचा खर्च अंदाजे 25 रुपये प्रति लिटरपर्यंत कमी होईल. भारताचे परदेशी कच्च्या तेलावरील अवलंबित्व दूर करण्याच्या आणि पर्यावरणपूरक इंधनांना प्रोत्साहन देण्याच्या दिशेने उचललेले हे सरकारी पाऊल एक ऐतिहासिक पाऊल मानले जात आहे.

100 टक्के इथेनॉल इनोव्हा लॉन्च होणार

केंद्रीय मंत्री नितीन गडकरी यांनी सांगितले आहे की, त्यांना टोयोटाच्या 100 टक्के फ्लेक्स-फ्यूएल इनोव्हाच्या लॉन्च कार्यक्रमाचे आमंत्रण मिळाले आहे. हे फ्लेक्स-फ्यूएल वाहन विशेषतः पूर्णपणे शुद्ध इथेनॉलवर चालण्यासाठी तयार करण्यात आले आहे. गडकरींच्या मते, या कारमध्ये केवळ इथेनॉल इंजिनच नाही, तर एक प्रगत स्ट्रॉंग-हायब्रीड प्रणाली देखील असेल. ही प्रणाली गाडी चालवताना स्वतःची 60 टक्क्यांपर्यंत ऊर्जा निर्माण करण्यास सक्षम आहे. या शक्तिशाली हायब्रीड संयोजनामुळे कारचा इंधन वापर लक्षणीयरीत्या कमी होईल, ज्यामुळे खर्च 25 रुपये प्रति लिटरपर्यंत खाली येईल.

प्रति लिटर 25 च्या दरामागे काय गणित आहे?

इथेनॉलमुळे गाडी पेट्रोलपेक्षा इतकी स्वस्त कशी होऊ शकते. इथेनॉलची बाजारभावाची किंमत पेट्रोलपेक्षा खूपच कमी आहे. शिवाय, या टोयोटा फ्लेक्स-फ्यूएल कारमधील स्ट्रॉंग-हायब्रीड तंत्रज्ञानामुळे सुमारे 40 टक्के अंतर ईव्ही (EV) मोडमध्ये प्रवास करणे शक्य होते. जेव्हा हायब्रीड इलेक्ट्रिक मोटर कमी किमतीच्या इथेनॉल इंधनासोबत जोडली जाते, तेव्हा प्रति किलोमीटरचा एकूण खर्च लक्षणीयरीत्या कमी होतो. या उत्कृष्ट इंधन कार्यक्षमतेमुळे पेट्रोल वाहनांच्या तुलनेत खरेदीदारांची मोठी बचत होईल.

ई20 पेट्रोल वादावर सरकारची भूमिका

ही महत्त्वाची घोषणा अशा वेळी आली आहे, जेव्हा देशातील वाहनचालकांमध्ये पेट्रोलमध्ये 20 टक्क्यांपर्यंत इथेनॉल मिसळण्यावरून चर्चा सुरू आहे. काहींनी कमी मायलेज आणि इंजिनच्या भागांचे नुकसान होण्याबद्दल चिंता व्यक्त केली आहे. गडकरी यांनी सांगितले की, जगभरातील सुमारे 19 देशांमध्ये इथेनॉलचा यशस्वीपणे वापर केला जात आहे आणि भारतात इंजिनच्या नुकसानीची कोणतीही अधिकृत तक्रार नोंदवली गेलेली नाही. सरकारी प्रयोगशाळेतील अभ्यास आणि चाचण्यांनी हे सिद्ध केले आहे की इथेनॉल-मिश्रित इंधन पूर्णपणे सुरक्षित आणि इंजिनसाठी अनुकूल आहे.

फ्लेक्स-फ्यूएलचे भविष्य?

इतकेच नाही, तर मंत्री नितीन गडकरी यांनी इथेनॉल, बायो-सीएनजी, इलेक्ट्रिक आणि हायड्रोजन यांसारख्या पर्यायी इंधनांना प्रोत्साहन देण्याचे सातत्याने समर्थन केले आहे. इथेनॉलचे उत्पादन प्रामुख्याने ऊस, मका आणि पेंढ्यापासून केले जाते. बाजारात 100 टक्के इथेनॉलवर चालणारी वाहने आणल्याने देशाच्या कच्च्या तेलाच्या आयातीवरील अब्जावधी रुपयांची बचत तर होईलच, शिवाय देशातील शेतकऱ्यांनाही याचा थेट फायदा होईल. फ्लेक्स-फ्यूएल तंत्रज्ञान भविष्यात भारतीय वाहन उद्योगात संपूर्ण परिवर्तन घडवून आणण्यास सज्ज आहे.

सर्वसामान्य लोकांचं कार घेण्याचं स्वप्न पूर्ण होणार! टाटा मोटर्सकडून नवीन टाटा एरिस लॉंच, जबरदस्त लूक आणि फिचर

एबीपी माझा वेब टीम — Sat, 26 Sep 2026 17:36:47 +0530

मुंबई : टाटा मोटर्सकडून आज ( 26 सप्टेंबर 2026) ऑल-न्यू टाटा एरिस (Tata Aeris) ही नवीन कॉम्पॅक्ट सेदान कार लाँच करण्यात आली आहे. ही कार विशेषतः वैयक्तिक कार खरेदीदारांसाठी डिझाइन केलेली कॉम्पॅक्ट सेदान कार आहे. वैशिष्ट्यपूर्ण नवीन ओळख आणि वैयक्तिक महत्त्‍वाकांक्षांवर भर देणारी एरिस आरामदायीपणा, स्थिरता, एैसपैस जागा, कार्यक्षमता आणि आकर्षकपण ही या कारची वैशिष्ट्ये आहेत.

नवीन कारची किंमत किती?

सेदानच्या मूळ वैशिष्ट्यांना आधुनिक डिझाइन, तंत्रज्ञान, सुरक्षा आणि आजच्या ग्राहकांना अपेक्षित असलेल्या मालकीच्या उत्कृष्ट अनुभवाशी एकत्रित करते. ज्यामुळं कॉम्पॅक्ट सेदानला नव्या उंचीवर घेऊन जाते. पेट्रोल आणि सीएनजी पॉवरट्रेन पर्यायांमध्ये उपलब्ध असलेल्या ऑल-न्यू एरिसची सुरुवातीची किंमत पेट्रोल व्हेरिएंटसाठी 5.29 लाख रुपयांपासून आणि आयसीएनजी व्हेरिएंटसाठी 6.29 लाख रुपयांपासून सुरू होते.

एरिससह, टाटा.कार्स पारंपारिकपणे केवळ व्यावहारिकता, कार्यक्षमता आणि मूल्यावर आधारलेल्या श्रेणीमध्ये नवीन दृष्टिकोन घेऊन येत आहे. ज्यामुळं अधिक नाविन्यता, वैयक्तिकता आणि समकालीन अनुभवासह या क्षमतांना अधिक दृढ करण्यात आले आहे. एरिसने एकाच उत्पादनाच्या माध्यमातून फ्लीट आणि वैयक्तिक ग्राहकांच्या गरजा पूर्ण करण्याच्या उद्योगामधील परंपरेला मोडून काढले आहे आणि केवळ वैयक्तिक खरेदीदारांच्या गरजा व महत्त्वाकांक्षांना प्राधान्य देऊन विशेष पर्याय सादर केला आहे. ऑल-न्यू एरिस (Aeris) या वाहनाची सुरुवातीची किंमत श्रेणी (एक्स-शोरूम दिल्ली, लाख रुपयांमध्ये) विविध ट्रान्समिशन आणि ट्रिम पर्यायांवर आधारित निश्चित करण्यात आली आहे.

पेट्रोल मॅन्युअल (MT) ट्रान्समिशनची सुरुवात 'स्मार्ट' ट्रिमसाठी 5.29 लाख रुपयांपासून होते, त्यानंतर 'प्युअर' 6.14 लाख, 'प्युअर +'6.74 लाख, 'क्रिएटिव्ह' 7.49 लाख आणि अव्वल दर्जाचा 'अकम्प्लिश्ड' ट्रिम 8.19 लाख रुपयांना उपलब्ध आहे. ऑटोमॅटिक सुविधेची निवड करणाऱ्या ग्राहकांसाठी पेट्रोल एएमटी (AMT) पर्याय 'प्युअर' ट्रिमपासून सुरु होतो ज्याची किंमत 6.69 लाख रुपये आहे, तर 'प्युअर +' 7.29 लाख, 'क्रिएटिव्ह' 8.04 लाख आणि 'अकम्प्लिश्ड' व्हेरियंट 8.74 लाख रुपयांना मिळतो.

एरिस लाँच करत टाटा मोटर्स पॅसेंजर वेईकल्स लिमिटेडचे मॅनेजिंग डायरेक्टर व सीईओ शैलेश चंद्रा म्हणाले, सेदान कारची कालातीत अभिव्यक्ती राहिली आहे, जेथे सेदानचे निष्ठावान ग्राहक आहेत, जे आरामदायीपणा, एैसपैस जागा, ड्रायव्हिंग डायनॅमिक्स आणि व्यावहारिकता यांच्या अनोख्या संगमाला प्राधान्य देतात. एरिसच्या माध्यमातून, आम्ही विविध बॉडी स्टाईल्स आणि पॉवरट्रेन पर्यायांमध्ये अर्थपूर्ण पर्याय उपलब्ध करून देण्याचे टाटा कार्सचे तत्त्व प्रत्यक्षात आणत आहोत. ज्यामध्ये ग्राहकांसाठी स्टायलिश नवीन सेदान सादर केली आहे, जे आपल्या कारला आपली प्रगती, यश आणि व्यक्तिमत्त्वाचे प्रतीक मानतात. डिझाइन आणि इंजिनिअरिंगपासून तंत्रज्ञान, सुरक्षितता आणि ड्रायव्हिंग अनुभवापर्यंत प्रत्येक निर्णयात ग्राहकाला केंद्रस्थानी ठेवून एरिसची निर्मिती वैयक्तिक मालकीसाठी करण्यात आली आहे. हा एकमेव दृष्टिकोन या कारला विशिष्ट उद्देश आणि अद्वितीय ओळख देतो, तसेच ग्राहकांना एरिसची निवड करण्याचे प्रत्येक प्रबळ कारण देतो.

एक सेगमेंट, दोन भिन्न ग्राहक वर्ग

दीर्घकाळापासून वैयक्तिक कॉम्पॅक्ट सेदान ग्राहकांकडे लक्ष दिले गेले नाही. या सेगमेंटमध्ये जवळपास 65 टक्के प्रमाण असून देखील ग्राहकांना प्रामुख्याने फ्लीट वापराच्या अत्यंत वेगळ्या गरजा लक्षात घेऊन डिझाइन केलेल्या उत्पादनांमधून निवड करावी लागत होती. फ्लीट ऑपरेटर्स हे ऑपरेटिंग इकॉनॉमिक्स, टिकाऊपणा आणि अपटाइम या गोष्टींना प्राधान्य देतात, तर वैयक्तिक वापर असणाऱ्या व्यक्तींना आकर्षक डिझाइन आणि वैशिष्ट्ये असलेल्या कारची अपेक्षा असते, ज्यामधून त्यांचे यश आणि महत्त्वाकांक्षा दिसून येतील.

एरिससह टाटा कार्स ही परंपरा मोडून काढत आहे, साध्या विश्वासाने या श्रेणीमध्ये अत्यंत आवश्यक नवीन दृष्टिकोन घेऊन येत आहे. वेगवेगळ्या गरजा असलेल्या ग्राहकांना स्वतंत्र आणि विशिष्ट पर्याय मिळाले पाहिजेत. एरिस वैयक्तिक आणि कौटुंबिक वापरासाठी कॉम्पॅक्ट सेदानला पसंती देणाऱ्या ग्राहकांकरिता डिझाइन व इंजीनिअर करण्यात आली आहे. एरिस कधीही फ्लीट सेगमेंटमध्ये प्रवेश करणार नाही, ज्यामुळे या दोन भिन्न पर्यायांमध्ये स्पष्ट अंतर निर्माण होईल आणि एरिसला स्वतःची वेगळी व आकर्षक ओळख मिळेल. टाटा.कार्स आपल्या स्वतंत्र एक्सप्रेस-टी (Xpres-T) ब्रँडच्या माध्यमातून फ्लीटच्या गरजा पूर्ण करत राहील, ज्यामध्ये वेगळे डिझाइन आणि वेगळी उत्पादन ओळख असलेल्या वेईकल्सचा पुरवठा सुरू राहील.

टाटा एरिसबाबत माहिती

एरिस डिफिट बोरिंग करण्यासाठी डिझाइन करण्यात आली आहे; ज्यामध्ये डिफिट ऑर्डिनरी, डिफिट फंक्शनल, डिफिट स्ट्रेस आणि डिफिट कॉम्प्रोमाईज यांचे संयोजन आहे. व्यावहारिकता आणि उपयुक्ततेमध्ये पुन्हा एकदा व्यक्तिमत्त्व आणि स्टाईल आणण्यासाठी यामध्ये आकर्षक डिझाइन, प्रीमियम अनुभव, प्रगत तंत्रज्ञान, सर्वसमावेशक सुरक्षितता आणि वैविध्यपूर्ण पॉवरट्रेन पर्याय एकत्र आणण्यात आले आहेत.

डिफिट ऑर्डिनरी - आधुनिक अभिव्यक्तीसह आकर्षक डिझाइन

एरिस आकर्षक प्रमाण आणि समकालीन बारकाव्यांचा मेळ साधत सेदानमध्ये बोल्ड आणि अत्याधुनिक अनुभव घेऊन येते. या कारच्या रुंद आणि प्रबळ स्टान्सला पूरक सिग्नेचर एलईडी हेडलॅम्प्स, डीआरएल्स, रुंद लोअर ग्रिल आणि डायमंड-कट एरो अलॉय व्हील्स आहेत. आकर्षक डेक लिड या सेदानच्या सिल्हूटला अधिक लक्षवेधक बनवते, तर इन्फिनिटी कनेक्टेड एलईडी टेल लॅम्प्स मागील बाजूस अत्यंत आकर्षक सिग्नेचर लूक तयार करतात. ड्युअल-टोन ब्लॅक रूफ, कॉस्मो ग्रेन टेक्स्चर्ड व्हील-आर्च क्लॅडिंग आणि क्रोम-लाइन डोअर हँडल्स या कारच्या विशिष्टतेमध्ये अधिक भर करतात.

डिफिट फंक्शनल - इंटेलिजंट तंत्रज्ञानासह उच्च दर्जाचा आरामदायीपणा

एरिस एरोलक्स व्हेंटिलेटेड लेदरेट सीट्स, ओपनव्ह्यू डॅशबोर्ड, विनासायास उपलब्‍ध होणारे ड्युअल स्क्रीन्स, 26.03 सेमी एचडी टचस्क्रीन इन्फोटेनमेंट सिस्टीम आणि 12.07 सेमी डिजिटल आयलंड क्लस्टरने सुसज्ज प्रीमियम आणि तंत्रज्ञान-संपन्न केबिनसह दैनंदिन प्रवास अध‍िक सुखकर करते. या सेगमेंटमधील पहिले वायरलेस चार्जिंगसह ड्युअल स्मार्टफोन डेक, वायरलेस अॅपल कारप्ले® आणि अँड्रॉइड ऑटो®, 35 पेक्षा जास्त कनेक्टेड फीचर्ससह आयआरए, ऑटोमॅटिक क्लायमेट कंट्रोल, रिअर एसी व्हेंट्स, 65 वॅट टाइप-सी फास्ट चार्जर्स आणि 419 लिटर बूट स्पेस अधिक आरामदायीपणा, कनेक्टिव्हिटी आणि दैनंदिन सोयीसुविधांची खात्री देतात.

डिफिट स्ट्रेस - दैनंदिन ड्रायव्हिंगमध्ये आत्मविश्वास

टाटा मोटर्स पॅसेंजर वेईकल्सच्या सेफ्टी डोम संकल्पनेवर आधारित एरिसमध्ये अल्ट्रा हाय स्ट्रेंथ स्टीलचा वापर करण्यात आला आहे आणि 360-डिग्री इम्पॅक्ट प्रोटेक्शनसाठी डिझाइन करण्यात आली आहे. यामध्ये 6 एअरबॅग्ज स्टँडर्ड (प्रमाणित) आहेत, तसेच इलेक्ट्रॉनिक स्टेबिलिटी प्रोग्राम, ईबीडी आणि सीएससीसह एबीएस, हिल होल्ड कंट्रोल आणि आयएसओफिक्स (ISOFIX) अँकर्स आहेत. ड्रायव्हरचे नियंत्रण व सुरक्षितता वाढवण्यासाठी या सेगमेंटमधील पहिला ब्लाइंड व्ह्यू मॉनिटर आणि मल्टिव्ह्यू डिजिटल व्हिडिओ रेकॉर्डर, मल्टिपल 2डी आणि 3डी व्ह्यूजसह 360-डिग्री एसव्हीएस एचडी कॅमेरा, ऑटो हेडलॅम्प्स, रेन-सेन्सिंग वायपर्स, रिअर डिफॉगर आणि अधिक शक्तिशाली रिअर इम्पॅक्ट प्रोटेक्शन देण्यात आले आहे.

आयसीएनजी व्हेरिएंट्समध्ये गॅस लिक डिटेक्शन, प्रगत लिक-प्रूफ मटेरिअल्स, थर्मल इन्सिडेंट प्रोटेक्शन आणि रिअर क्रॅश प्रोटेक्शन यांसारख्या समर्पित सुरक्षा सोल्यूशन्सचा समावेश आहे.

डिफिट कॉम्प्रोमाईज - प्रत्येक प्रवासासाठी पॉवरट्रेनचे पर्याय

एरिस ग्राहकांना पेट्रोल आणि सीएनजी पॉवरट्रेन्समधून निवड करण्याचे स्वातंत्र्य देते, ज्यामध्ये वेगवेगळ्या ड्रायव्हिंग प्राधान्यांचा आणि दैनंदिन गरजांचा विचार करून मॅन्युअल आणि एएमटी पर्याय डिझाइन करण्यात आले आहेत. 1.2-लिटर रेव्होट्रॉन पेट्रोल इंजिन 5-स्पीड मॅन्युअल आणि एएमटी ट्रान्समिशन पर्यायांमध्ये उपलब्ध आहे, जे परफॉर्मन्स, कार्यक्षमता आणि सुलभ ड्रायव्हिंगचे उत्तम संतुलन देते. सीएनजीला पसंती देणाऱ्या ग्राहकांसाठी एरिस आयसीएनजी तंत्रज्ञानाची कार्यक्षमता ऑटोमॅटिक ट्रान्समिशनच्या सोयीसह एकत्र आणते. आयसीएनजी एएमटी सीएनजीच्या फायद्यांना सहज, विनासायास ऑटोमॅटिक ड्रायव्हिंगशी जोडते, तर ड्युअल-सिलिंडर आयसीएनजी तंत्रज्ञान बूट स्पेसचे कार्यक्षम नियोजन करते आणि सेदानचे व्यावहारिक फायदे कायम ठेवते. एकत्रित, ही पॉवरट्रेन लाइन-अप ग्राहकांना दैनंदिन उपयुक्ततेबाबत कोणतीही तडजोड न करता अधिक पर्याय उपलब्ध करून देते.

केवळ नवीन नावापलीकडे जाऊन, एरिस आधुनिक सेदानची नव्याने केलेली डिझाइन सादर करते, जी दैनंदिन उपयुक्ततेला अधिक आकर्षक डिझाइन, प्रगत तंत्रज्ञान, अधिक सुरक्षितता आणि विस्तृत पॉवरट्रेन पर्यायांसोबत जोडते. एरिससह टाटा कार्स उपयुक्ततेमध्ये पुन्हा एकदा व्यक्तिमत्त्व आणि स्टाईल आणत असून ग्राहकांना दैनंदिन कंटाळवाणा प्रवास दूर करण्यासाठी (‘डिफिट बोरिंग') डिझाइन केलेली सेदान सादर करत आहे.

Maruti Suzuki Baleno Facelift: मारुतीची नवी 'Baleno' लाँच! Level-2 ADAS सह 6 लाखांत मिळणार 'हे' भन्नाट फीचर्स, जाणून घ्या A टू Z माहिती

जयदीप मेढे — Sun, 6 Sep 2026 11:33:29 +0530

Maruti Suzuki Baleno Facelift: मारुती सुजुकीने (Maruti Suzuki) आपली अत्यंत लोकप्रिय आणि प्रीमियम हॅचबॅक (Premium hatchback) कार 'बलेनो'चे (Baleno) नवीन फेसलिफ्ट (Facelift) मॉडेल भारतीय बाजारात लाँच केले आहे. कंपनीने केवळ या गाडीच्या बाह्य डिझाइनमध्येच (Exterior design) बदल केलेले नाहीत, तर सुरक्षितता (Safety), तंत्रज्ञान (Technology) आणि इंजिनमध्येही (Engine) मोठे अपडेट्स दिले आहेत. या नव्या बलेनोची सुरुवातीची एक्स-शोरूम किंमत (Ex-showroom price) 6.09 लाख रुपये ठेवण्यात आली असून, 11,000 रुपयांमध्ये तिची बुकिंग (Booking) सुरू झाली आहे.

Maruti Suzuki Baleno Facelift: या सेगमेंटमध्ये पहिल्यांदाच Level-2 ADAS

नव्या बलेनोचे सर्वात मोठे वैशिष्ट्य म्हणजे यामध्ये पहिल्यांदाच दिले गेलेले 'Level-2 ADAS' (Advanced Driver Assistance Systems) तंत्रज्ञान होय. मारुतीने हे फीचर 'NEXA Safety Shield' अंतर्गत सादर केले आहे. या तंत्रज्ञानामुळे ऑटोमॅटिक इमर्जन्सी ब्रेकिंग (Automatic Emergency Braking), लेन कीप असिस्ट (Lane Keep Assist), अडॅप्टिव्ह क्रूझ कंट्रोल (Adaptive Cruise Control) आणि फॉरवर्ड कोलिजन वॉर्निंग (Forward Collision Warning) यांसारखी आधुनिक सुरक्षा फीचर्स ड्रायव्हरला मिळतील.

Maruti Suzuki Baleno Facelift: दमदार डिझाईन आणि वेंटिलेटेड सीट्स

गाडीला अधिक प्रीमियम आणि आकर्षक लुक देण्यासाठी यात नवीन 3 डी पॅटर्नसह 'NEXA Wave Grille' देण्यात आली आहे. इंटीरियरमध्ये (Interior) सर्वात खास आकर्षण म्हणजे या सेगमेंटमध्ये पहिल्यांदाच मिळणाऱ्या वेंटिलेटेड फ्रंट सीट्स (Ventilated front seats) आहेत. याशिवाय, 9-इंच स्मार्टप्ले प्रो+ स्क्रीन, 360-डिग्री कॅमेरा (360-degree camera), हेड-अप डिस्प्ले (HUD), क्लेरियन साऊंड सिस्टम आणि कूलिंग फीचरसह वायरलेस चार्जर (Wireless charger) देण्यात आला आहे.

Maruti Suzuki Baleno Facelift: नवीन इंजिन आणि जबरदस्त मायलेज

मारुतीने या कारमधील इंजिन बदलून नवीन 1.2-लीटर Z12E 3-सिलेंडर पेट्रोल इंजिन दिले आहे. हे इंजिन 82.93 PS पॉवर आणि 112.4 Nm टॉर्क जनरेट करते.

मॅन्युअल व्हर्जन (Manual Version): 23.80 km/l मायलेज

ऑटोमॅटिक व्हर्जन (Automatic AGS): 24.77 km/l मायलेज

सीएनजी व्हर्जन (S-CNG Version): 33.61 km/kg मायलेज

सुरक्षिततेच्या बाबतीत 6 एअरबॅग्स, ESP, ABS सह EBD, हिल होल्ड कंट्रोल (Hill Hold Control) आणि टायर प्रेशर मॉनिटरिंग सिस्टम (TPMS) यांसारखे फीचर्स देण्यात आले आहेत. नवीन बलेनो एकूण 7 आकर्षक रंगांमध्ये उपलब्ध असणार आहे.

Maruti Suzuki Baleno Facelift: इंट्रोडक्टरी एक्स-शोरूम किंमत 6.09 लाख रुपये

नवीन Maruti Baleno Facelift ची सुरुवातीची इंट्रोडक्टरी एक्स-शोरूम किंमत 6.09 लाख रुपये आहे. कारची बुकिंग 11,000 रुपये भरून सुरू करण्यात आली आहे. व्हेरिएंटनुसार अंतिम किंमत आणि डिलिव्हरीशी संबंधित अधिक माहिती कंपनीकडून पुढे जाहीर केली जाणार आहे. मात्र, Level-2 ADAS, Ventilated Seats, 360-Degree Camera, नवीन इंजिन आणि अनेक सेफ्टी फीचर्स यामुळे नव्या Baleno ने प्रीमियम हॅचबॅक सेगमेंटमध्ये आपली स्पर्धा आणखी मजबूत करण्याचा प्रयत्न केला आहे.

आणखी वाचा

जगातील सगळ्यात हलकं हेल्मेट! वजन फक्त 1050 ग्रॅम, सुरक्षेच्या बाबतीत मजबूत, शानदार कार्यक्रमात अनावरण

जगातील सगळ्यात हलकं हेल्मेट! वजन फक्त 1050 ग्रॅम, सुरक्षेच्या बाबतीत मजबूत, शानदार कार्यक्रमात अनावरण

विलास अध्यापक, एबीपी माझा — Thu, 20 Aug 2026 22:43:52 +0530

Lightweight helmets News : बेळगावच्या वेगा ऑटोने जगातील सगळ्यात हलक्या वजनाची आणि ट्रिपल सर्टिफाईड हेल्मेट बाजारपेठेत (Lightweight helmets) आणले आहे. वेगाने एक्सर एक्स कार्बन ही हलक्या वजनाची आणि सुरक्षेच्या दृष्टीने तीन प्रमाणपत्रे मिळवलेल्या हेल्मेटचे आज अनावरण करण्यात आले. बेळगावात एका शानदार कार्यक्रमात या हेल्मेटचे अनावरण झाले. या हेल्मेटचे वजन केवळ 1050 ग्रॅम इतके आहे.

सुरक्षेशी कोणतीही तडजोड करण्यात आलेली नाही

बेळगावमध्ये डिझाइन आणि निर्मिती करण्यात आलेल्या एक्सर एक्स कार्बन हेल्मेट ही जगातील सगळ्यात हलकी ट्रिपल सर्टिफाईड हेल्मेट ऑफ रोड आहे. ही हेल्मेट तयार करण्यासाठी कार्बन फायबरचा वापर करण्यात आला आहे. या हेल्मेटला इ सी इ 22.06, डॉट आणि आय एस आय अशी तीन प्रमुख प्रमाणपत्रे मिळाली आहेत. हेल्मेट वजनाने हलकी असली तरी सुरक्षेशी कोणतीही तडजोड करण्यात आलेली नाही.

रायडिंग करताना हेल्मेटचे वजन कमी असल्यास मान आणि डोक्यावरचा ताण कमी होतो

ऑफ-रोड रायडिंगमध्ये हेल्मेटचे वजन हा रायडर्ससाठी महत्त्वाचा मुद्दा असतो. दीर्घकाळ बाइक चालवताना किंवा खडतर मार्गांवर रायडिंग करताना हेल्मेटचे वजन कमी असल्यास मान आणि डोक्यावरचा ताण कमी होण्यास मदत होते. याच पार्श्वभूमीवर एक्सरने एम एक्स कार्बन विकसित केले आहे. कार्बन फायबरचा योग्य पद्धतीने वापर, शेलची रचना आणि उत्पादन प्रक्रियेत केलेले तांत्रिक बदल यामुळे वजन कमी करण्यात यश मिळाले आहे. त्याचवेळी आवश्यक सुरक्षा मानकांची पूर्तता करण्यावरही भर देण्यात आला आहे.

साहित्य, रचना आणि उत्पादन प्रक्रियेचा योग्य समन्वय राखण्याचा उद्देश

हेल्मेटचे बेळगावमध्येच डिझाइन करून त्याची निर्मिती बेळगाव येथील वेगा ऑटोमध्ये करण्यात आली आहे. वेगा ऑटोचे अध्यक्ष दिलीप चांडक यांनी कार्बन फायबरच्या क्षेत्रातील कंपनीच्या दीर्घ प्रवासाचा उल्लेख करत, भारतात विकसित आणि उत्पादित झालेले हे उत्पादन जागतिक दर्जाच्या अभियांत्रिकी क्षमतेचे उदाहरण असल्याचे सांगितले. कंपनीचे व्यवस्थापकीय संचालक गिरधारी चांडक यांनी हलकी हेल्मेट तयार करण्यामागचा उद्देश केवळ वजन कमी करणे नव्हता; तर साहित्य, रचना आणि उत्पादन प्रक्रियेचा योग्य समन्वय साधून प्रमाणित सुरक्षा मानके कायम ठेवणे हे मुख्य आव्हान होते असे सांगितले. हेल्मेटच्या अनावरण प्रसंगी उत्तम चांडक, कुणाल चांडक, पार्थ चांडक आणि कंपनीचे अधिकारी, कर्मचारी उपस्थित होते.

Maruti WagonR BioFlex Flex Fuel Car: 85 टक्के इथेनॉलवर चालणारी वॅगन-आर किती लाखात भेटणार? देशातील पहिलीच फ्लेक्स-फ्यूएल कार

जयदीप मेढे — Mon, 15 Jun 2026 22:17:45 +0530

Maruti WagonR BioFlex Flex Fuel Car: मारुती सुझुकीने भारतातील पहिली फ्लेक्स-फ्यूएल कार, वॅगन आर बायोफ्लेक्स लॉन्च केली. ही कार E85 इंधनावर (85 टक्के इथेनॉल-मिश्रित पेट्रोल) चालेल. या कारची सुरुवातीची किंमत ₹७.२४ लाख असून, ती दोन व्हेरिएंटमध्ये उपलब्ध असेल. E85 वॅगन आर ही स्टँडर्ड मॉडेलपेक्षा ₹86 हजारपेक्षा महाग आहे. व्यावसायिक सेगमेंटमध्ये उपलब्ध असलेल्या टूर H3 च्या तुलनेत, तिची किंमत ₹१.३५ लाख ते ₹२.२५ लाख अधिक आहे. वॅगन आर टूर H3 ची किंमत ₹4.99 लाख ते ₹5.89 लाख दरम्यान आहे. सध्या, ही कार केवळ टॅक्सी आणि फ्लीटसारख्या व्यावसायिक सेगमेंटमधील ग्राहकांसाठी उपलब्ध असेल.

नवीन इंधनासाठी अनेक भागांमध्ये बदल करण्यात आले

कारचे बाह्य डिझाइन नेहमीच्या वॅगन आरसारखेच आहे, परंतु E85 इंधनावर चालण्यासाठी तिच्या इंजिन आणि घटकांमध्ये तांत्रिक बदल करण्यात आले आहेत. कंपनीने अपग्रेड केलेले फ्युएल इंजेक्टर, नवीन फ्युएल पंप, नवीन फ्युएल लाईन्स, रिकॅलिब्रेटेड ECU आणि एक विशेष इथेनॉल सेन्सर बसवले आहेत. फ्लेक्स-फ्युएल वॅगन-आरमध्ये सध्याच्या 1.2 लिटर (1200cc) इंजिनची सुधारित आवृत्ती आहे. कंपनीने अधिकृतपणे कामगिरीची माहिती जाहीर केलेली नाही, परंतु मिळालेल्या माहितीनुसार, हे इंजिन नेहमीच्या पेट्रोल इंजिनपेक्षा किंचित जास्त पॉवर आणि टॉर्क देते. ही कार सध्या 5-स्पीड मॅन्युअल गिअरबॉक्ससह उपलब्ध असेल. कंपनीने अद्याप नवीन मॉडेलचे मायलेज जाहीर केलेले नाही. तथापि, अलीकडील इंधन चाचण्यांनुसार, E85 इंधनावर गाडी चालवल्यास इंधन कार्यक्षमतेत 24 टक्के घट होऊ शकते. मॅन्युअल ट्रान्समिशन असलेली स्टँडर्ड पेट्रोल वॅगन-आर 23.56 किमी प्रति लिटर मायलेज देते.

रेग्युलर मॉडेलसारखाच बॉक्सी लूक, 'फ्लेक्स फ्युएल' बॅज

नवीन वॅगन आर फ्लेक्स फ्युएलचे एकूण डिझाइन स्टँडर्ड मॉडेलसारखेच आहे, परंतु त्याला एक वेगळी ओळख देण्यासाठी काही कॉस्मेटिक बदल करण्यात आले आहेत. या विशेष व्हेरिएंटला रेग्युलर मॉडेलपासून वेगळे करण्यासाठी, कंपनीने संपूर्ण बॉडीवर 'फ्लेक्स फ्युएल' ग्राफिक्स जोडले आहेत. टेलगेटवर एक छोटा 'फ्लेक्स फ्युएल' क्रोम बॅज देखील लावण्यात आला आहे.

फ्लेक्स फ्युएल सादर; पेट्रोलपेक्षा 20 रुपयांनी स्वस्त

दुसरीकडे, इथेनॉल मिश्रण 85 टक्के असलेले E85 इंधन दिल्लीत अधिकृतपणे सुरू झाले आहे. केंद्रीय पेट्रोलियम आणि नैसर्गिक वायू मंत्री हरदीप सिंग पुरी यांनी इंडियन ऑइलच्या (IOC) पुसा रोड आउटलेटवर दिल्लीतील पहिल्या ई85 इंधन वितरण केंद्राचे उद्घाटन केले. विशेष म्हणजे, हे पेट्रोलपेक्षा प्रति लिटर 20 रुपयांनी स्वस्त आहे. दिल्लीत E85 इंधनाची किंमत प्रति लिटर 82.12 रुपये निश्चित करण्यात आली आहे. ही किंमत दिल्लीत विकल्या जाणाऱ्या नियमित E20 पेट्रोलपेक्षा तब्बल 20 रुपयांनी कमी आहे. पेट्रोल पंपांवर ग्राहकांमध्ये कोणताही संभ्रम टाळण्यासाठी, E85 इंधन वितरकांवर विशिष्ट ब्रँडिंग आणि स्पष्टपणे दिसणारे लेबल लावलेले असेल.

इतर महत्वाच्या बातम्या

E100 :पेट्रोलची जागा इथेनॉल घेणार? E100 ला मंजुरी, नितीन गडकरींचा निर्णय गेमचेंजर ठरणार, क्रूड ऑईल आयातीवरील खर्चाचा दबाव कमी होणार

E85 Flex Fuel: पेट्रोलपेक्षा 20 रुपयांनी स्वस्त इंधन, E85 फ्लेक्स फ्युएल कोणत्या गाड्यांमध्ये वापरता येणार?

जयदीप मेढे — Sun, 7 Jun 2026 14:21:30 +0530

E85 Flex Fuel: पेट्रोलपेक्षा 20 रुपयांनी स्वस्त इंधन, E85 फ्लेक्स फ्युएल कोणत्या गाड्यांमध्ये वापरता येणार?

Dhurandhar 2 Movie Cars: हमर ते टोयोटा लँड क्रूझर, रणवीर सिंहच्या 'धुरंधर' सिनेमात दिसल्या 'या' पॉवरफुल गाड्या, फिचर्स आणि किंमत पाहून व्हाल थक्क!

जयदीप मेढे — Sun, 12 Apr 2026 12:52:07 +0530

Dhurandhar 2 Movie Cars: हमर ते टोयोटा लँड क्रूझर, रणवीर सिंहच्या 'धुरंधर' सिनेमात दिसल्या 'या' पॉवरफुल गाड्या, फिचर्स आणि किंमत पाहून व्हाल थक्क!

महिंद्राने Thar ROXX स्टार एडिशन लाँच केली किंमत किती लाखांपासून? अशी आहेत हटके फिचर्स!

जयदीप मेढे — Sat, 24 Jan 2026 12:42:12 +0530

महिंद्राने Thar ROXX स्टार एडिशन लाँच केली किंमत किती लाखांपासून? अशी आहेत हटके फिचर्स!

Tata Sierra SUV : टाटा सिएरा घेण्यासाठी डाउन पेमेंट किती लागेल?

सलमान शेख — Thu, 25 Dec 2025 18:43:56 +0530

ज्या गाडीची आपण आतुरतेने वाट पाहत होतो, ती टाटा सिएरा (Tata Sierra) अखेर लाँच झाली आहे! १६ डिसेंबर २०२५ पासून या SUV चे बुकिंगही सुरू झाले आहे. जर तुम्ही ही गाडी घेण्याचा विचार करत असाल, तर ही बातमी खास तुमच्यासाठी आहे. "सर्वात आधी बोलूया किमतीबद्दल. टाटा सिएराच्या बेस मॉडेलची एक्स-शोरूम किंमत ११.४९ लाख रुपयांपासून सुरू होते, तर टॉप मॉडेल १८.४९ लाख रुपयांपर्यंत जाते.

डाउन पेमेंट किती लागेल?

जर तुम्ही बेस मॉडेल फायनान्स केले, तर तुम्हाला किमान २ लाख रुपये डाउन पेमेंट द्यावे लागेल. यानंतर उरलेल्या रकमेवर ९% व्याजाने ५ वर्षांसाठी तुमचा हप्ता (EMI) साधारण २३,७५१ रुपये इतका येईल.

मायलेज किती?

परफॉर्मन्सबद्दल सांगायचे तर, यात पेट्रोल इंजिन आहे जे १०५ bhp पॉवर देते. गाडीचे मायलेज सुद्धा जबरदस्त आहे – तब्बल १८.२ च मायलेज मिळतो! शिवाय यामध्ये टर्बो-पेट्रोल आणि टर्बो-डीझेल इंजिनचा पर्यायही उपलब्ध आहे.

या गाड्यांसोबत तगडी टक्कर

भारतीय मार्केटमध्ये ही गाडी Hyundai Creta, Kia आणि Renault Duster सारख्या मोठ्या गाड्यांना तगडी टक्कर देणार आहे.

Car Tricks : हिवाळ्यात गाडीचं इंजिन होऊ शकतं खराब, 'या' चुका करू नका!

abp majha web team — Thu, 13 Nov 2025 15:25:55 +0530

Car Tricks : हिवाळ्यात गाडीचं इंजिन होऊ शकतं खराब, 'या' चुका करू नका!