Chhatrapati Sambhajinagar MLC Election Result : सत्तारांच्या मदतीचा शरद पवार गटाला फायदा? संभाजीनगर पदवीधरमध्ये प्रतापसिंह पाटील मजबूत स्थितीत; 11 हजारांहून अधिक मते अवैध, संध्याकाळपर्यंत चित्र स्पष्ट होणार, निकालाची उत्सुकता ताणली

Chhatrapati Sambhaji Nagar news: छत्रपती संभाजीनगरच्या चिकलठाण्यात इमारतीचं बांधकाम सुरु असताना अचानक स्लॅब कोसळला; चार मजूर अडकले

डॉ. कृष्णा केंडे — Fri, 30 Oct 2026 07:33:13 +0530

Chhatrapati Sambhaji Nagar news: छत्रपती संभाजीनगरच्या चिकलठाण्यात इमारतीचं बांधकाम सुरु असताना अचानक स्लॅब कोसळला; चार मजूर अडकले

Abdul Sattar : छत्रपती संभाजीनगरमध्ये राष्ट्रवादीच्या उमेदवाराला का पाडलं? अब्दुल सत्तारांनी थेटचं सांगितलं, नवनाथ बन यांच्या आरोपावर म्हणाले, 'माझ्याविरोधात...'

अंकिता खाणे — Thu, 29 Oct 2026 13:41:56 +0530

पुणे : विधान परिषदेच्या पदवीधर आणि शिक्षक मतदारसंघांच्या निवडणुकांचे निकाल काल (बुधवारी, ता. 28) समोर आले असून, यामध्ये महाविकास आघाडी आणि महायुती यांच्यात जोरदार रस्सीखेच निर्माण झाली. यामध्ये महाविकास आघाडीने पदवीधरच्या 3 पैकी 3 जागा जिंकल्या, सत्ताधारी महायुतीने शिक्षकांच्या दोन्ही जागा जिंकल्या, तर पाचपैकी फक्त दोन जागा मिळाल्याने महायुतीतील नेत्यांनी याबाबत नाराजी व्यक्त करत पराभवाचं खापर शिवसेनेवर फोडलं आहे, त्याचबरोबर मित्रपक्षाची साथ सुटल्यामुळे महायुतीला फटका बसल्याचा ठपका भाजपने शिवसेनेवर ठेवला आहे. शिवसेनेच्या भूमिकेने महायुतीच्या गणिताला सुरुंग लावल्याचा भाजपचा मित्रपक्षावर आरोप आहे. शिक्षक आणि पदवीधर मतदारसंघांच्या निवडणुकीत पुणे आणि नागपूरमध्ये मित्रपक्ष असलेल्या शिवसेनेने अपेक्षित सहकार्य केले नाही. पुण्यात ऐनवेळी सचिन सानप यांना पाठिंबा देऊन शिवसेनेने महायुतीच्या एकजुटीलाच धक्का दिला. त्यांना मिळालेली मतं पदवीधर निवडणुकीत भाजपला मिळाली नाहीत. तर छत्रपती संभाजीनगरमध्ये अब्दुल सत्तार यांनी तर थेट राष्ट्रवादी काँग्रेसच्या विरोधात प्रचार केला. त्याचाही फटका बसला, असं भाजपचे प्रवक्ते नवनाथ बन (Navnath Ban) यांनी म्हटलं त्यावरती आता शिवसेना नेते आणि आमदार अब्दुल सत्तार यांनी प्रत्युत्तर दिलं आहे.(Abdul Sattar on Election)

Abdul Sattar on Election : 18 वर्षांमध्ये बदलेलं त्यांचं रूप पाहून नाराजी निर्माण झालेली होती

अब्दुल सत्तार म्हणाले, आधीही सांगितलं आणि आजही मी तितक्यातच जबाबदारीने सांगतो की, ज्या दिवशी मतदान सुरू होतं, त्या दिवशी मी अनेक मतदान केंद्रावर भेटी दिल्या, त्यावेळी पण मला पत्रकारांनी विचारलं की, तुमची भूमिका बदलली आहे का? मी त्यांना सांगितलं की, माझी भूमिका बिल्कुल बदललेली नाही, आणि आज आपण पाहिलं, प्रतापसिंह पाटील विजयी झाले, त्यांच्या विजयामध्ये माझा खारीचा वाटा आहे. पण, बाकीच्या प्रत्येक माणसाला मी त्यावेळी जागरूक करण्याचं काम केलं, कारण सतीश चव्हाण हा प्रत्येकाला किती घातक आहे, आणि कशा पद्धतीने घातक आहे. 18 वर्षे आम्ही ज्या पद्धतीने त्यांच्यासाठी मते मागितली ती मतं मागितल्यानंतर आणि गेल्या 18 वर्षांमध्ये बदलेलं त्यांचं रूप पाहून नाराजी निर्माण झालेली होती. परंतु तरीही त्यांच्या पक्षाचा निर्णय आहे, त्यांना उमेदवारी दिली आणि आम्ही थेट त्यांच्याविरूध्द डायरेक्ट उतरलो. कुठेही लपून छपून प्रचार केला नाही. त्यांचं 18 वर्षांचं साम्राज्य संपलं आहे. आमचा प्रत्येक जो मतदार आहे त्यांनी पदवीधर मतदानामध्ये ईश्वर, अल्लाह, भगवानला साक्षी ठेवून मतदान केलं. सतीश चव्हाण यांनी 18 वर्षांमध्ये कोणतंही काम केलेलं नव्हतं, त्याचा त्यांना हा इनाम मिळाला आहे, असंही सत्तार पुढे म्हणालेत.

Abdul Sattar on Election : बन आणि बनबन काय आहेत, ते मला माहिती नाही

तर महायुतीधर्म पाळला नाही, या नवनाथ बन यांच्या आरोपांवर उत्तर देताना अब्दुल सत्तार यांनी म्हटलं की, पहिल्या पासून मी डायरेक्ट उतरलो होतो, त्यांनी कदाचित पहिल्या विधानपरिषदेला जो मी युतीचा धर्म पाळला, स्थानिक स्वराज्य संस्थेमध्ये शिरसाटांना निवडून आणण्यासाठी मला मुख्यमंत्री, उपमुख्यमंत्री बोलले, आणि मी त्यांच्या आदेशाचं तेव्हा पालन केलं, भाजपचा नेता निवडून आला, त्याची माहिती कदाचित त्यांना माहिती नसेल, बन आणि बनबन काय आहेत, ते मला माहिती नाही, मी त्यांना फार जवळून कधी पाहिलेलं नाही, मी त्यांना टीव्हीवरतीच पाहतो, माझ्याविरोधामध्ये बोलण्याचा अधिकार बन यांना नाही, ज्या पक्षाचे ते प्रवक्ते म्हणून काम करतात, त्यांच्या उमेदवाराला निवडणून आणण्याचं काम मी आधी केलं आहे. त्यामुळं त्यावेळची विधानपरिषदेची परिस्थिती 2 महिन्याआधीची आहे, काही फार वेळ झालेला नाही त्या निवडणुकीला, 2 महिन्याआधीच त्याचा उमेदवार निवडून आणला आहे, त्यावेळी मी युतीचा धर्म का पाळला, कसा पाळला, हेही त्यांना माहिती आहे. या परिस्थितीमध्ये मला असं वाटतं की, बनने मला बोलण्याच्या ऐवजी राष्ट्रवादी काँग्रेसच्या नेत्यांनी आणि प्रवक्त्यांनी याचा थोडा अभ्यास करायला पाहिजे की त्यांच्या उमेदवाराला का पाडलं, याची माहिती त्यांनी घेतली पाहिजे, ही माहिती त्यांनी घेतल्यानंतर मुख्यमंत्री, दोन्ही उपमुख्यमंत्री त्यामधील निर्णय देतील असंही पुढे सत्तार म्हणालेत.

Abdul Sattar on Election : आम्ही आमच्या नाराजीची कारणं आणि माहिती आमच्या पक्षाला देऊ

नागपूरमध्ये सर्वांना सहकार्य केलं, पंरतु पडल्यानंतर आता पराभवाची कारणं काहीतरी शोधावी लागतात, त्यामध्ये आता भाजपचा कुठेतरी गोड गैरसमज झाला, संभाजीनगरमध्ये शिवसेनेने आमचे खासदार, आमदार नेते यांनी सतीश चव्हाणांचं काम केलं, मी आणि माझे मित्र, सहपरिवार यांनी त्यांचं काम केलं नाही. पण, आम्ही आमच्या नाराजीची कारणं आणि माहिती आमच्या पक्षाला देऊ, असंही सत्तार म्हणालेत. ज्यावेळी आपण सत्ताधारी पक्षाचे आमदार असतो आणि तीन पक्षांची सत्ता असताना देखील जे लोक अधिकृतपणाने विरोध करू लागले तर त्याच्या पाठीमागची कारणं शोधणं गरजेचे आहे, आणि आत्मपरिक्षण देखील करणं गरजेचं आहे, असंही पुढे सत्तार यांनी म्हटलं आहे. तर शिकलेली मंडळी आपल्या विरोधात का गेली याचा अभ्यास करणे गरजेचे आहे, आमची नाराजी होती ती आम्ही जाहीरपणे बोलून दाखवली होती, कदाचित सतीश चव्हाण यांच्या ऐवजी राष्ट्रवादीने वेगळा उमेदवार दिला असता तर आजचा निकाल वेगळा लागला असता, असंही पुढे अब्दुल सत्तारांनी म्हटलं आहे.

Maharashtra Vidhan Parishad Result 2026: भाजप, राष्ट्रवादी, काँग्रेसपासून शिवसेनेपर्यंत...; विधान परिषदेच्या निवडणुकीतील विजयी उमेदवारांची यादी

मुकेश चव्हाण — Thu, 29 Oct 2026 08:07:17 +0530

Maharashtra Vidhan Parishad Result 2026: भाजप, राष्ट्रवादी, काँग्रेसपासून शिवसेनेपर्यंत...; विधान परिषदेच्या निवडणुकीतील विजयी उमेदवारांची यादी

...अन्यथा पक्षाला आगामी निवडणुकांमध्ये किंमत मोजावी लागू शकते; राष्ट्रवादीच्या पराभवानंतर अमोल मिटकरींची पहिली प्रतिक्रिया

महेश गलांडे — Wed, 28 Oct 2026 18:23:21 +0530

मुंबई : राज्यातील 5 विधानपरिषदांच्या निवडणुकांचे (Election) निकाल हाती आले असून महायुतीने 5 पैकी तीन जागांवर विजय मिळवला असून महाविकास आघाडीने 2 जागा जिंकल्या आहेत. त्यामध्ये, एका जागेवर थेट राष्ट्रवादी विरुद्ध राष्ट्रवादी अशी लढत होती. मराठवाडा पदवीधर मतदारसंघात शरद पवारांच्या राष्ट्रवादीकडून (NCP) प्रतापसिंह पाटील हे उमेदवार होती, तर अजित पवारांच्या राष्ट्रवादीकडून सतीश चव्हाण मैदानात होते. मात्र, राष्ट्रवादीच्या सतीश चव्हाण यांना पराभवाचा सामना करावा लागल्याने ऱाष्ट्रवादी काँग्रेसमधील नेत्यांची निराशा झाली आहे. पक्षाचे कार्याध्यक्ष प्रफुल पटेल यांच्यानंतर आता माजी आमदार अमोल मिटकरी (Amol Mitkari) यांनीही ट्विट करुन पक्षाला घरचा अहेर दिला आहे

निवडणुकीत पक्षाला अनुकूल निकाल लागला तर श्रेय घेण्यासाठी पुढे येणारे आणि प्रतिकूल परिस्थितीत जबाबदारी झटकणारे राजकारण आता थांबले पाहिजे. पक्षाच्या हातातून राजकीय संधी निसटत असताना नेमकी चूक कुठे झाली, कोणत्या स्तरावर संवाद खुंटला आणि संभाव्य राजकीय ताकद पक्षाबाहेर का गेली, याची उत्तरे शोधली गेली पाहिजेत. नेतृत्वाचा सन्मान केवळ व्यासपीठावर घोषणा देऊन होत नसतो, नेतृत्वाचे निर्णय जमिनीवर यशस्वी ठरवून दाखवावे लागतात, असे अमोल मिटकरी यांनी म्हटले आहे.

हर्षदा जाधव-देशमुख आणि किरण सरनाईक यांच्या विजयाने राष्ट्रवादी काँग्रेससमोर एक महत्त्वाचा धडा ठेवला आहे. राजकीय महत्त्वाकांक्षा असलेल्या सक्षम व्यक्तींना वेळेत संवाद, योग्य संधी आणि विश्वास दिला नाही, तर त्या स्वतःचा मार्ग निर्माण करतात. त्यानंतर त्यांच्या विजयाचे विश्लेषण करण्यापेक्षा, त्या पक्षापासून दूर का गेल्या, याचे आत्मपरीक्षण करणे अधिक महत्त्वाचे ठरते, असे म्हणत एकप्रकारे अमोल मिटकरींनी पक्षातील वरिष्ठ नेत्यांना चिमटा काढला आहे. आज गरज आहे ती दोषारोपांची नव्हे, तर जबाबदारी निश्चित करण्याची. सुनेत्रावहिनींचे नेतृत्व अधिक सक्षम करण्यासाठी पक्षातील प्रत्येक स्तराने आत्मपरीक्षण करावे. अन्यथा संघटनात्मक त्रुटींची किंमत पक्षाला आगामी निवडणुकांमध्ये मोजावी लागू शकते. कारण पक्षाचे नुकसान झाल्यानंतर हात झटकणे सोपे असते. पण पक्षाचे नुकसान होऊ न देणे हीच खऱ्या नेतृत्वाची कसोटी असते, असेही मिटकरी यांनी म्हटले आहे.

प्रफुल पटेल यांचं ट्विट

प्रफुल पटेल यांनी ट्विट करुन म्हटले की, आजचे विधान परिषदेचे निकाल हा एक स्पष्ट आणि महत्त्वाचा इशारा आहेत. लोकांचा विश्वास पुन्हा संपादन करण्यासाठी, पक्षाचे प्राधान्यक्रम नव्याने ठरवण्यासाठी आणि संघटनेत सुधारणा करण्यासाठी तातडीने आणि कठोर आत्मपरीक्षण करावे लागेल, असे ट्विट प्रफुल पटेल यांनी केले आहे. त्यामुळे, प्रफुल पटेल यांनी नाव न घेता थेट पक्षनेतृत्वालाचा जाहीरपणे सल्ला दिल्याची चर्चा राजकीय वर्तुळात होत आहे.

हेही वाचा

मराठवाडा पदवीधरमध्ये राष्ट्रवादीला 'दे धक्का'; सतीश चव्हाणांच्या पराभवाची 6 कारणे, बदलाचा मुद्दा प्रभावी ठरला

Chhatrapati Sambhajinagar Graduates Constituency Result 2026 मराठवाडा पदवीधरमध्ये राष्ट्रवादीला 'दे धक्का'; सतीश चव्हाणांच्या पराभवाची 6 कारणे, बदलाचा मुद्दा प्रभावी ठरला

डॉ. कृष्णा केंडे — Wed, 28 Oct 2026 17:43:32 +0530

संभाजीनगर : राज्यातील पाच विधानपरिषद (Vidhanparishad) निवडणुकांचा निकाल जाहीर झाला असून महायुतीला तीन जागांवर विजय मिळाला, तर महाविकास आघाडीने दोन जागा जिंकल्या आहेत. मात्र, येथील निवडणुकीत मराठवाडा पदवीधर मतदारसंघात धक्कादायक निकाल पाहायला मिळाला. मराठवाडा पदवीधर मतदारसंघात सलग तीनवेळा विजय मिळवणारे राष्ट्रवादी महायुतीचे (Mahayuti) उमेदवार सतीश चव्हाण (Satish chavan) यांना यंदाच्या निवडणुकीत मोठा राजकीय धक्का बसला. डॉ. प्रतापसिंह पाटील यांनी त्यांच्यासमोर कडवं आव्हान उभं केलं होतं. त्यामुळे, हा पराभव केवळ दोन उमेदवारांमधील लढतीचा निकाल नाही, तर 18 वर्षांच्या राजकीय कारकिर्दीचा हिशेब, महायुतीतील अंतर्गत नाराजी आणि जिल्ह्याच्या राजकारणातील बदलती समीकरणांचाही परिणाम असल्याचं दिसतंय.

सतीश चव्हाण यांच्या पराभवाचं विश्लेषण करताना विविध कारणमिमांसा केली जातेय. त्यामध्ये, महायुतीमधील अंतर्गत मतभेद, अँटीइन्कम्बन्सी, अपक्ष उमेदवारांना मिळालेली मतं, यासह इतरही महत्त्वाची कारणं आहेत. त्यामध्ये, प्रामुख्याने 6 कारणे दिसून येतील.

सतीश चव्हाण यांच्या पराभवाची संभाव्य कारण

1. सलग तीन टर्म आमदार राहिल्यामुळे सतीश चव्हाण यांच्यासमोर यंदा 18 वर्षांच्या कामाचा हिशेब देण्याचं आव्हान होतं. ‘इतकी वर्षे प्रतिनिधित्व करून पदवीधरांसाठी नेमकं काय केलं?’ हा सवाल विरोधकांनी उपस्थित केला. चव्हाण यांनी आपल्या कामांचा लेखाजोखा मांडला असला, तरी दीर्घकाळ सत्तेत राहिल्यानंतर निर्माण होणारी नाराजी अर्थात अँटिइन्कम्बन्सीचा त्यांना फटका बसला का, हा महत्त्वाचा प्रश्न आहे.

2. सतीश चव्हाण यांचा जिल्ह्याच्या राजकारणातील वाढता हस्तक्षेप काही स्थानिक नेत्यांना खटकला का? हा मुद्दाही त्यांच्या पराभवाच्या विश्लेषणात महत्त्वाचा ठरतो. भाजप, शिवसेना आणि राष्ट्रवादी काँग्रेसमधील स्थानिक राजकीय मतभेदांमुळे महायुतीची एकत्रित ताकद त्यांच्या मागे उभी राहिली का, याबाबत प्रश्न उपस्थित झाले. काही नेत्यांची नाराजी आणि कार्यकर्त्यांमधील अस्वस्थता मतांच्या गणितावर परिणाम करणारी ठरली असण्याची शक्यता आहे.

3. सतीश चव्हाण यांच्या पराभवामागे शिवसेनेतील नाराजी हा महत्त्वाचा राजकीय मुद्दा मानला जातो. विशेषतः अब्दुल सत्तार यांनी डॉ. प्रतापसिंह पाटील यांना पसंती दिल्याचं समोर आलं. जिल्हा परिषद अध्यक्षपदाच्या निवडणुकीच्या राजकारणात सतीश चव्हाण यांनी सुरुवातीला एकनाथ शिंदे यांच्या शिवसेनेसोबत राहण्याची भूमिका मांडली. त्यानंतर भाजपच्या विरोधात जाऊन जिल्हा परिषद अध्यक्षपदाची निवडणूक लढवण्याच्या भूमिकेची चर्चा झाली. मात्र, ऐनवेळी चव्हाण भाजपच्या गोटात गेल्याने शिवसेनेतील काही नेत्यांची राजकीय कोंडी झाली, अशी चर्चा होती. या घडामोडींमुळे शिवसेनेच्या स्थानिक नेत्यांमध्ये नाराजी निर्माण झाली असेल, तर त्याचा परिणाम पदवीधर मतदारसंघातील मतदानावरही झाला असण्याची शक्यता नाकारता येत नाही. महायुतीतील मतांची फाटाफूट चव्हाण यांच्यासाठी नुकसानकारक ठरली का, हा या निकालातील महत्त्वाचा प्रश्न आहे.

4. गंगापूर विधानसभा निवडणुकीच्या पार्श्वभूमीवर सतीश चव्हाण यांनी घेतलेली राजकीय भूमिका, पक्षांतर आणि त्यानंतर स्वगृही परतण्याच्या घडामोडींमुळे त्यांच्या राजकीय भूमिकेबाबत प्रश्न उपस्थित झाले. बदलत्या राजकीय समीकरणांनुसार भूमिका बदलल्याची प्रतिमा तयार झाली असेल, तर त्याचा काही मतदारांवर परिणाम झाला असण्याची शक्यता आहे. पदवीधर मतदारसंघात उमेदवाराची प्रतिमा, सातत्य आणि राजकीय विश्वासार्हता महत्त्वाची असते. त्यामुळे या घडामोडींचा त्यांच्या मतदानावर किती परिणाम झाला, हे तपासणं महत्त्वाचं ठरेल.

5. डॉ. प्रतापसिंह पाटील यांनी निवडणुकीत बदलाचा मुद्दा प्रभावीपणे मांडला. शरद पवार, सुप्रिया सुळे आणि रोहित पवार यांनी त्यांच्या प्रचारासाठी घेतलेला पुढाकारही महत्त्वाचा ठरला. सलग तीन टर्म एकाच नेतृत्वाला संधी दिल्यानंतर आता नव्या चेहऱ्याला संधी द्यावी, अशी भूमिका काही मतदारांनी स्वीकारली असेल. चव्हाण यांच्याविरोधातील नाराजीला पर्याय देण्यात प्रतापसिंह पाटील यांना यश आलं का, हा त्यांच्या विजयाच्या विश्लेषणातील महत्त्वाचा मुद्दा आहे.

6. २०२० मधील सुमारे ६५ टक्के मतदानाच्या तुलनेत यंदा मतदानाचा टक्का ५८.६७ टक्क्यांवर आल्याचं सांगितलं जातं. मतदानातील या घसरणीचा नेमका फायदा कोणाला झाला, हे केवळ टक्केवारीवरून सांगता येणार नाही. मात्र, कमी मतदानाच्या परिस्थितीत उमेदवारांच्या प्रचारयंत्रणेची ताकद, मतदारांशी असलेला संपर्क आणि समर्थकांना मतदानासाठी बाहेर काढण्याची क्षमता निर्णायक ठरते. सतीश चव्हाण यांच्या पारंपरिक मतदारांपैकी किती मतदार मतदानासाठी बाहेर पडले आणि विरोधकांची मतं किती एकवटली, याचा तपशीलवार अभ्यास केल्यास पराभवाचं गणित अधिक स्पष्ट होऊ शकतं.

दरम्यान, सतीश चव्हाण यांचा पराभव हा केवळ एका निवडणुकीतील पराभव म्हणून पाहता येणार नाही. 18 वर्षांच्या कारकिर्दीविरोधातील संभाव्य नाराजी, जिल्ह्याच्या राजकारणातील बदलती समीकरणं, शिवसेनेतील असंतोष, पक्षांतराच्या भूमिकेवरून निर्माण झालेले प्रश्न आणि डॉ. प्रतापसिंह पाटील यांनी उभा केलेला परिवर्तनाचा मुद्दा या सगळ्या घटकांचा एकत्रित परिणाम झाला असण्याची शक्यता आहे.

Pratap Patil On Win : मराठवाड्यातील पदवीधरांच्या रोजगारासाठी मी काम करणार : प्रताप पाटील

abp majha web team — Wed, 28 Oct 2026 15:22:39 +0530

महाराष्ट्रात विधान परिषदेच्या पाच जागांसाठी मतमोजणी अद्यापही सुरु आहे. यात शिक्षक मतदारसंघाच्या दोन आणि पदवीधर मतदारसंघाच्या तीन जागा आहेत. काल(मंगळवारी, ता 27) सकाळी आठ वाजल्यापासून ही मतमोजणीची प्रक्रिया सुरु झाली आहे. मतमोजणी सुरू होऊन आता 24 तास उलटलेत, मात्र अद्यापही मतमोजणी सुरू आहे आणि तिसऱ्या फेरीची मतमोजणी सुरू आहे, दुसऱ्या फेरीची अधिकृत आकडेवारी समोर आली आहे, पदवीधर मतदारसंघातील विजयाचं श्रेय पदवीधर मतदारांना जातं, अशी प्रतिक्रिया प्रताप पाटील यांनी दिली आहे. जनतेनं महाविकास आघाडीला विजयी करण्याचं ठरवलं होतं, असंही ते म्हणाले. मराठवाड्यातील पदवीधरांची परिस्थिती गंभीर असून, रोजगाराच्या प्रश्नावर काम करण्याचा निर्धार त्यांनी व्यक्त केला. तरुणांनी राजकारणात सक्रिय सहभाग घ्यायला हवा, असं आवाहनही त्यांनी केलं.

Raviraj Sable Patil : अपक्ष उमेदवार तरी मिळाली मोठी मतं फुटली अन् रीलस्टार रविराज साबळे मराठवाड्यात ठरले जायंट किलर! मराठवाडा पदवीधरच्या निवडणुकीत ट्विस्ट

एबीपी माझा वेब टीम — Wed, 28 Oct 2026 14:35:57 +0530

छत्रपती संभाजीनगर: विधानपरिषदेच्या पदवीधर आणि शिक्षक मतदारसंघाचे निकाल आता जाहीर होऊ लागले आहेत. यावेळी या निवडणुकांमध्ये मोठा राजकीय उलटफेर पाहायला मिळत आहे. मराठवाडा पदवीधर मतदारसंघाच्या (MLC Election Result) निवडणुकीत पहिल्या पसंतीच्या मतांमध्ये विजयाचा कोटा पूर्ण करण्यात कोणताही उमेदवार यशस्वी ठरलेला नाही. मात्र, या संपूर्ण मतमोजणीत आणि पदवीधर मतदारसंघाच्या निकालाच्या समीकरणात (MLC Election Result) अपक्ष उमेदवार आणि रील स्टार रविराज साबळे पाटील यांनी सर्वात मोठा राजकीय स्फोट घडवला. प्रस्थापित नेत्यांच्या बलाढ्य यंत्रणेला सुरुवातीपासूनच आव्हान देणाऱ्या साबळे यांनी मोठी मते स्वतःकडे खेचून आणत 'जायंट किलर'ची भूमिका बजावली आहे.(MLC Election Result)

Raviraj Sable Patil: निकालानंतर रविराज साबळे यांनी दिली प्रतिक्रिया

मी 24 सप्टेंबर रोजी निवडणूक लढवणार असल्याची घोषणा केली होती, केवळ 28 दिवसांचा निवडणूक प्रचार मी केला. विधानपरिषद पदवीधर मतदारसंघांची निवडणूक ही पक्षांची मक्तेदारी असते. मी पक्षांच्या मक्तेदारीमध्ये नसून मराठवाडा पदवीधर मतदारसंघात उमेदवारांना मिळालेल्या मतांमध्ये मी तिसऱ्या क्रमांकावर आहे. आता, मला मिळालेल्या मतांवरच येथील विजयाचा उमेदवार ठरणार आहे. माझ्या दुसऱ्या पसंतीची मतं म्हणजे दोन उमेदवारांचं भवितव्य आहे. मी एक प्रस्थापित गिळलाय, 18 वर्षांचा दुष्काळ संपवलाय, अशी प्रतिक्रिया मराठवाडा पदवीधर मतदारसंघातील निकालानंतर रविराज साबळे यांनी दिली.(MLC Election Result)

Marathwada Graduate Elections Result: पोस्टल मतदान किती झालं?

एकूण मते - 515
एकूण वैध मते - 469
एकूण बाद मते - 46

Marathwada Graduate Elections Result: उमेदवारांना मिळालेली मते खालील प्रमाणे

1) सतीश चव्हाण 187 मते.(महायुती राष्ट्रवादी)
2) डॉ. प्रतापसिंह पाटील 159 मते. (राष्ट्रवादी, शरद पवार)
3) दिलीप घुगे 40 मते. (ठाकरेंची शिवसेना.)
4) रविराज साबळे - 32.(अपक्ष.)
टपाला मतांच्या एकूण मोजणीत महायुतीचे सतीश चव्हाण 28 मतांनी आघाडीवर

Marathwada Graduate Elections Result: मराठवाडा पदवीधर निवडणूक मतमोजणी दुसरी फेरी निकाल

कोटा निश्चित 88558
डॉ. प्रतापसिंह पाटील : 73931
सतीश चव्हाण : 60768
रविराज साबळे : 19834
दिलीप घुगे : 8439

13 हजार 163 मतांनी डॉ. प्रतापसिंह पाटील आघाडीवर
एकूण मोजलेली मते : 1 लाख 77 हजार 115
बाद मते : 16 हजार 540
एकूण वैध मते : १ लाख 93 हजार 655

Marathwada Graduate Elections Result: दुसऱ्या पसंतीच्या मतांची मोजणी केल्यानंतर 2 उमेदवार बाद.

बाद झालेल्या 2 उमेदवारांच्या दुसऱ्या पसंतीच्या मतांमुळे सतीश चव्हाण यांच्या मतांमध्ये 6 मतांची भर.प्रतापसिंह पाटील यांच्या मतांमध्ये 3 मतांची भर.दोन उमेदवार बाद झाल्यानंतर मुख्य उमेदवारांची एकूण मतसंख्यत 9 मताची भर. सतीश चव्हाण यांना एकूण 60 हजार 774 मते तर प्रतापसिंह पाटील यांना 73 हजार 934 मते.88 हजार 558 मताचा कोटा पूर्ण करण्यासाठी प्रतापसिंह पाटील यांना 14 हजार 624 मतांची गरज.

Marathwada Graduate Elections Result: मराठवाडा पदवीधर निवडणूक मतमोजणी तिसऱ्या फेरी निकाल टेंन्टेंटिव्ह

मराठवाडा पदवीधर निवडणूक मतमोजणी तिसऱ्या फेरीअखेर विजयी उमेदवारासाठी मतांचा कोटा निश्चित झाला होता. त्यानुसार, विजयी उमेदवारास 88,558 मतांची आवश्यकता आहे. मात्र, तिसऱ्या फेरीत महाविकास आघाडीचे डॉ. प्रतापसिंह पाटील यांना 73,931 मतं मिळाली असून महायुतीच्या सतीश चव्हाण यांना 60,768 मतं मिळाली आहेत. त्यामुळे, प्रतापसिंह पाटील हे जवळपास 13 हजार मतांनी आघाडीवर राहिले. मात्र, येथील मतदारसंघात तिसऱ्या क्रमांकावर अपक्ष उमेदवार रविराज साबळेंनी शानदार लढत दिली. रविराज साबळे यांना 20,450 मतं मिळाली आहेत. तर, ठाकरेंच्या शिवसेनेचे उमेदवार दिलीप घुगे यांना अवघे 8,439 मतं मिळाली आहेत. त्यामुळे, मराठवाडा पदवीधर मतदारसंघात यंदाची निवडणूक लक्षवेधी आणि चर्चेतली ठरली.

दरम्यान, तिसऱ्या फेरीअखेर एकूण मोजलेली मते 1 लाख 77 हजार 115 असून बाद झालेली मतं 16 हजार 540 आहेत, तर, एकूण वैध मतं 1 लाख 93 हजार 655 एवढी आहेत.

जिथे राष्ट्रवादी विरुद्ध राष्ट्रवादी अशा प्रकारची लढाई या ठिकाणी होती, मात्र एकनाथ शिंदे यांच्या शिवसेनेची साथ ही शरद पवारांच्या उमेदवाराला मिळाली होती, अब्दुल सत्तार यांनी त्यामध्ये मोलाची भूमिका बजावली होती, ती या निकालामध्ये पाहायला मिळते, मात्र अजूनही संपूर्ण निकाल येणं बाकी आहे, त्यामुळे कोण बाजी मारतं हे आपल्याला काही वेळात कळेल मात्र प्रतापसिंह पाटील जे शरद पवारांच्या राष्ट्रवादीचे उमेदवार आहेत, त्यांच्या विजयाची शक्यता अधिक आहे, अगदी त्यामुळे हा कोटा नेमका आता कोणता उमेदवार पूर्ण करणार कोण यशस्वी ठरणार हे बघणं महत्त्वाच असणार आहे.

Chhatrapati Sambhajinagar Graduates Constituency Result 2026 : मी प्रस्थापित गिळलाय, मराठवाडा पदवीधर मतदारसंघाचा निकाल, रिलस्टार रविराज साबळेंची प्रतिक्रिया, किती मतं?

महेश गलांडे — Wed, 28 Oct 2026 13:55:34 +0530

मुंबई : मराठवाडा (Marathwad) पदवीधर मतदारसंघात यंदाच्या निवडणुकीत चांगलाच ट्विस्ट पाहायला मिळाला. गेल्या तीन टर्म पदवीधरांचे आमदार राहिलेल्या सतिश चव्हाण (Satish chavan) यांना यंदाच्या निवडणुकीत पदवीधरांनी धक्का दिलाय. राष्ट्रवादी काँग्रेस महाविकास आघाडीचे उमेदवार प्रतापसिंह पाटील यांनी येथील मतदारसंघात पहिल्या फेरीपासूनच आघाडी घेतली. त्यामुळे, राष्ट्रवादीच्या प्रतापसिंह पाटील यांचा विजय निश्चित झाला. मात्र, येथील मतदारसंघात Chhatrapati Sambhajinagar Graduates Constituency Result 2026 सर्वाधिक चर्चा ठरली ती शेतकरीपुत्र आणि रिलस्टार रविराज पाटील (Raviraj sable) यांची. रविराज पाटील यांनी तिसऱ्या फेरीअखेर तब्बल पहिल्या पसंतीची 20 हजार 450 मतं घेतली आहेत. या निकालानंतर रविराज साबळे यांनी पहिली प्रतिक्रिया दिली.

यंदाच्या विधानपरिषद शिक्षक आणि पदवीधर निवडणुकीत दोन चेहरे चांगलेच चर्चेत ठरले आहेत. त्यामध्ये, शेतकरी पुत्र म्हणून शेतीच्या प्रश्नावर आक्रमक असलेले रिलस्टार रविराज साबळे पाटील आणि दुसरे म्हणजे विदर्भातील मास्तर कराळे गुरुजी. हे दोन्हीही चेहरे सोशल मीडियावर चांगलेच प्रसिद्ध असून त्यांचे फॉलोअर्सही लाखोंमध्ये आहेत. मात्र, विधानपरिषद निवडणुकीत यांना काही हजार मतं मिळाली असली तर प्रस्थापित उमेदवारांना धक्का देणारी कामगिरी त्यांनी बजावलीय. रविराज साबळे यांच्या उमेदवारीमुळे मराठवाडा पदवीधर मतदारसंघात महायुतीचे सतीश चव्हाण यांना पराभवाचा सामना करावा लागला. कारण, मी प्रस्थापित गिळलाय, अशी प्रतिक्रिया रविराज साबळे यांनी या निवडणुकीच्या निकालानंतर दिली.

तिसऱ्या फेरीअखेर प्रतापसिंह पाटील 13 हजारांनी आघाडीवर

हेही वाचा

Chhatrapati Sambhajinagar MLC Election Result : 'पदवी केली पश्चाताप झाला, सतीश इट्स डन ब्रो!'मराठवाडा पदवीधर मतदारसंघाच्या मतमोजणीत 'जेन Z' मतदारांच्या चिठ्ठ्यांची एकच चर्चा; उमेदवारांना सणसणीत टोले

डॉ. कृष्णा केंडे — Wed, 28 Oct 2026 11:37:52 +0530

Chhatrapati Sambhajinagar Graduate Constituency Election Result: महाराष्ट्रात विधान परिषदेच्या पाच जागांसाठी 24 तास उलटून गेले तरीही मतमोजणी सुरू आहे. छत्रपती संभाजीनगरमध्ये (Chhatrapati Sambhajinagar Graduate Constituency Election Result)सध्या तिसऱ्या फेरीची मतमोजणी सुरू असून बाद झालेल्या मतपत्रिकांवरील मतदारांनी लिहिलेल्या मजकुराची जोरदार चर्चा रंगली आहे. मराठवाडा पदवीधर मतदारसंघाच्या छत्रपती संभाजीनगरच्या मतमोजणीत कालपासून बाद झालेल्या मतपत्रिकांवर 'पदवी केली पश्चाताप झाला', 'विनाअनुदानित शाळांना अनुदान' देण्याची मागणी करण्यात आली आहे. काही मतपत्रिकांवर आक्षेपार्ह शब्द, उमेदवारांची नावे लिहीत 'आता थांबा' असे उल्लेखही समोर येत आहेत. एका मतपत्रिकेवर 'सतीश इट्स डन ब्रो' अशा स्वरूपाचे अनेक संदेश मतदारांनी लिहिले आहेत. त्यामुळे मराठवाडा पदवीधर मतदार संघाच्या मतमोजणीत उमेदवारांसह जेन z पदवीधरांची चीड व्यक्त होताना दिसत आहे. अनेकांनी या चिठ्ठ्यांमध्ये उमेदवारांचे नाव घेत सणसणीत टोले लगावले आहेत.

मतमोजणीतील चिठ्ठ्यांची जोरदार चर्चा

छत्रपती संभाजीनगर मराठवाडा पदवीधर मतदार संघाच्या मतमोजणी कालपासून अनेक चिट्ठ्या कर्मचाऱ्यांच्या हाती लागत आहेत. या चिठ्ठ्यांवर मतदारांनी त्यांची मत मांडली आहेत. अनेकांनी मनातील भावनांना वाट मोकळी करून दिल्याचं दिसलं. काहींनी संताप व्यक्त केला आहे. पदवीधर मतदार संघाच्या या निवडणुकीत 'जेन z' पदवीधरांचा रोष दिसून आला. बाद झालेल्या मतपत्रिकांवरील मजकूर साधारणतः अशा स्वरूपाचा होता.- एका चिठ्ठीत 'पदवी केली, पश्चाताप झाला', काही मतपत्रिकांवर विनाअनुदानित शाळांना अनुदान द्या अशी मागणी करण्यात आली आहे. अंशतः मान्यताप्राप्त शाळांना 100% अनुदान द्या.. काही चिठ्ठ्यांमध्ये उमेदवारांच्या नावाचा उल्लेख करत थेट शिवीगाळही करण्यात आला आहे. एका उमेदवाराचे नाव घेऊन 'आता थांबा' असं एका मतदाराने लिहिले. 'असला आमदार नको ग बाई म्हणत' मतदारांनी उमेदवारांना टोले लगावले आहेत. एका चिठ्ठीत ' सतीश इट्स डन ब्रो' असेही लिहिण्यात आले आहे. गेल्या अनेक दिवसांपासून राज्यात आणि देशभरात घडणाऱ्या आंदोलनांच्या पार्श्वभूमीवर बाद ठरलेल्या मत पत्रिकांवरील मजकुराची सध्या जोरदार चर्चा रंगली आहे. पदवीधर मतदारांनी केवळ उमेदवारांविषयीच नाही तर एकूण व्यवस्थेवर असणारी उदासीनता, नाराजी आणि चीड अशाप्रकारे व्यक्त केली आहे.

छत्रपती संभाजीनगर पदवीधर मतदारसंघात कोण आघाडीवर कोण पिछाडीवर?

छत्रपती संभाजीनगरच्या पदवीधर मतदार संघात सतीश चव्हाण,दिलीप घुगे आणि प्रतापसिंह पाटील यांच्यात चुरशीचा सामना रंगला आहे. 27 ऑक्टोबर 2026 पासून पदवीधर मतदार संघाच्या निवडणुकीची मतमोजणी सुरू असून 24 तास उलटून गेले तरीही मतमोजणी सुरू आहे. मराठवाडा पदवीधर मतदार संघाच्या मतमोजणी तिसऱ्या फेरीच्या आकडेवारीनुसार, राष्ट्रवादी काँग्रेस शरदचंद्र पवार पक्षाचे डॉ. प्रतापसिंह पाटील आघाडीवर आहेत. त्यांना 73 हजार 931 मते मिळाली असून राष्ट्रवादी काँग्रेसचे सतीश चव्हाण यांना 60 हजार 768 मते मिळाली आहेत. रविराज साबळे यांना 19,834 तर दिलीप घुगे यांना 8,439 मते मिळाली आहेत. डॉक्टर प्रतापसिंह पाटील हे सतीश चव्हाण यांच्यापेक्षा 13 हजार 163 मतांनी आघाडीवर आहेत.

या निवडणुकीत विजयासाठीचा कोटा 88 हजार 558 निश्चित करण्यात आला आहे. त्यामुळे डॉक्टर प्रतापसिंह पाटील यांना कोटा पूर्ण करण्यासाठी आणखी 14,627 मतांची आवश्यकता असल्याचा आकडेवारीवरून स्पष्ट होत आहे. छत्रपती संभाजीनगर पदवीधर मतदार संघाच्या दुसऱ्या पसंतीच्या मतांची मोजणी सुरू असून अंतिम निकालाकडे सर्वांचे लक्ष लागलं आहे.

कोण उधळणार गुलाल?

मराठवाडा पदवीधर मतदारसंघाच्या निवडणुकीत छत्रपती संभाजीनगरच्या जागेसाठी तिहेरी लढत होत आहे. राष्ट्रवादी काँग्रेसचे उमेदवार आणि माजी आमदार सतीश चव्हाण हे महायुतीकडून निवडणूक लढवत आहेत. शिवसेना उद्धव बाळासाहेब ठाकरे गटाचे दिलीप घुगे तर राष्ट्रवादी शरद पवार गटाचे डॉक्टर प्रतापसिंह पाटील यांच्यात चुरशीचा सामना रंगला आहे. महायुतीतील बंडखोरी, मतभेद, प्रचार, पाठिंबा, विरोधकांचे हल्लाबोल , या सगळ्या पार्श्वभूमीवर या मतदारसंघातून नेमकं कोण बाजी मारतं हे आपल्याला काही वेळात कळेल. मात्र प्रतापसिंह पाटील, (शरद पवार गटाचे उमेदवार) आहेत. त्यामुळे हा कोटा नेमका कोणता उमेदवार पूर्ण करणार? कोण यशस्वी ठरणार? हे पाहणं महत्त्वाचं ठरणार आहे.

Chhatrapati Sambhajinagar MLC Election Result : सत्तारांच्या मदतीचा शरद पवार गटाला फायदा? संभाजीनगर पदवीधरमध्ये प्रतापसिंह पाटील मजबूत स्थितीत; 11 हजारांहून अधिक मते अवैध, संध्याकाळपर्यंत चित्र स्पष्ट होणार, निकालाची उत्सुकता ताणली

डॉ. कृष्णा केंडे — Wed, 28 Oct 2026 09:52:22 +0530

छत्रपती संभाजीनगर : महाराष्ट्रात विधान परिषदेच्या पाच जागांसाठी मतमोजणी अद्यापही सुरु आहे. यात शिक्षक मतदारसंघाच्या दोन आणि पदवीधर मतदारसंघाच्या तीन जागा आहेत. काल(मंगळवारी, ता 27) सकाळी आठ वाजल्यापासून ही मतमोजणीची प्रक्रिया सुरु झाली आहे. आता 24 तास झाले तरी अजून निकाल (MLC Election Result) आलेले नाहीत. छत्रपती संभाजीनगरमध्ये (Chhatrapati Sambhajinagar MLC Election Result) देखील मतमोजणी सध्या सुरू आहे, मतमोजणी सुरू होऊन आता 24 तास उलटलेत, मात्र अद्यापही मतमोजणी सुरू आहे आणि तिसऱ्या फेरीची मतमोजणी सुरू आहे, दुसऱ्या फेरीची अधिकृत आकडेवारी समोर आली आहे, डॉक्टर प्रतापसिंह पाटील यांना 54 हजार 95 मत मिळाली आहेत, सतीश चव्हाण यांना 43161 मत मिळाली आहेत, रविराज साबळे जे रील स्टार म्हणून प्रसिद्ध (Chhatrapati Sambhajinagar MLC Election Result) आहेत त्यांना 14598 मत मिळालेत, उद्धव ठाकरे यांच्या शिवसेनेचे जे उमेदवार आहेत, त्यांना 6218 मतं मिळालेली आहेत, तर या दुसऱ्या फेरी अखेर प्रताप सिंह पाटील 10934 मतांनी या ठिकाणी आघाडीवर आहे, त्यावेळी एकूण जी मत मोजलेली होती 140543 ज्यामध्ये पोस्टल मतांचा देखील समावेश आहे, मात्र यातली एक खास बाब सांगायची झाली तर 11783 मत ही या ठिकाणी बाद झालेली आहेत.(Chhatrapati Sambhajinagar MLC Election Result)

तिसरी जी टेंटेटिव्ह फेरीची आकडेवारी एबीपी माझाच्या हाती आली आहे, त्यानुसार प्रतापसिंह पाटील यांना 78,540 तर सतीश चव्हाण यांना 55180, रविराज साबळे यांना 20 हजार 470 तर दिलीप घुगे यांना 8376 मत मिळालेत आणि जी तिसरी टेंटेटिव्ह फेरी आहे, ज्यात आणखी काही मत मोजायची राहिली आहेत, त्यामध्ये 23660 मतांनी प्रतापसिंह पाटील आघाडीवर आहेत, मात्र हे जे सध्याचा कौल आपल्याला पाहायला मिळतोय, त्यामुळे कोणीही कोटा पूर्ण करणार नाही असं चित्र सध्या तरी पाहायला मिळत आहे, आणि त्यामुळे दुसऱ्या क्रमांकाच्या पसंतीची जी मत आहेत ती या ठिकाणी मोजावी लागतील, त्यामुळे आज दुपार किंवा संध्याकाळ पर्यंत निकाल येण्याची शक्यता आहे, कारण की सर्वाधिक कमी सर्वात कमी ज्यांची मत आहेत, त्यांच्या दुसऱ्या क्रमांकाची मतं मोजत बाद करत कोटा पूर्ण होईपर्यंत ही मतं मोजावी लागतात, आणि कोटा पूर्ण नाही झाला तर ज्याची सर्वाधिक मत त्याला विजयी घोषित करण्यात येतं, मात्र सध्या तरी प्रतापसिंह पाटील यांच्या विजयाची शक्यता अधिक आहे, कारण की त्यांना सर्वाधिक मतं मिळालेली आहेत.(Chhatrapati Sambhajinagar MLC Election Result)