Amravati Crime: मोठी बातमी! सिंधूताई सपकाळ यांच्या दत्तकपुत्राकडून वसतिगृहात अल्पवयीन मुलीचा छळ; अमरावती पोलिसांकडून पॉक्सोअंतर्गत गुन्ह्याची नोंद

Amravati Election 2026 Result: पराभव जिव्हारी लागला अन्...; अमरावतीतील शिवसेनेच्या बंडखोर उमेदवारानं थेट काढली शिक्षकांची लायकी, म्हणाले ‘जशी लायकी तसा प्रतिनिधी, पैठणी अन् पैशांवर...'

प्रणय निर्बाण, एबीपी माझा — Thu, 29 Oct 2026 11:16:23 +0530

अमरावती : अमरावती शिक्षक मतदारसंघाच्या निवडणुकीत शिवसेनेचे बंडखोर उमेदवार आणि माजी आमदार श्रीकांत देशपांडे यांना पराभवाचा सामना करावा लागला. माजी आमदार श्रीकांत देशपांडे हे 7 हजार मत घेत पराभूत झालेत. शिक्षकांची कीव करावीशी वाटते. पैठणी आणि पैशावर शिक्षकांनी (Maharashtra Vidhan Parishad Result 2026) मतदान केल्याचा आरोप देशपांडे यांनी केला आहे. जशी लायकी तसा त्यांना प्रतिनिधी मिळतो अशी टीका देखील त्यांनी केली आहे. शिक्षक आणि निवडून आलेल्या उमेदवाराला त्यांनी शुभेच्छा दिल्या आहेत. श्रीकांत देशपांडे यांना 7 हजार 17 मतांवर समाधान मानावे लागले. या निकालानंतर त्यांनी शिक्षक मतदारांवरच (Maharashtra Vidhan Parishad Result 2026) निशाणा साधल्याने राजकीय वर्तुळात चर्चेला उधाण आले आहे. विजयासाठी मतदारांचा कौल महत्त्वाचा असतो; मात्र पराभवानंतर मतदारांच्या निर्णयावरच प्रश्नचिन्ह उपस्थित केले आहेत.(Maharashtra Vidhan Parishad Result 2026)

अमरावती शिक्षक मतदार संघ निवडणुकीत शिवसेना शिंदे सेनेचे बंडखोर उमेदवार माजी आमदार श्रीकांत देशपांडे यांना 7 हजार 17 मतं मिळाली, देशपांडे यांचा मोठा पराभव झाला. पराभव झाल्यावर देशपांडे यांनी संताप व्यक्त केला आहे. शिक्षकांची कीव करावीशी वाटते, पैठणी अन् पैशांवर शिक्षकांनी मतदान केलं, अशा शब्दात पराभूत उमेदवार श्रीकांत देशपांडे यांनी गंभीर आरोप केला आहे.तर जशी लायकी तसा त्यांना प्रतिनिधी मिळतो, असं म्हणत देशपांडे यांनी काढली थेट मतदारांची लायकी काढली. शिक्षक आणि निवडून आलेल्या उमेदवाराला शुभेच्छा देखील देशपांडे यांनी दिल्या आहेत.7 हजार लोक प्रामाणिक राहिले बाकी लोकांचं काय, बाकी सगळ्यांनी त्यांची मतं विकली याचं वाईट वाटतं अशी खंत देखील श्रीकांत देशपांडे यांच्याकडून व्यक्त करण्यात आली आहे.(Maharashtra Vidhan Parishad Result 2026)

श्रीकांत देशपांडे पराभवानंतर म्हणाले, "महायुतीच्या उमेदवाराचं अभिनंदन. कारण युद्ध कोणत्या पद्धतीने जिंकलं जातं हे पाहिलं जात नाही. परंतु शिक्षकांची खरोखर कीव करावीशी वाटते की पैठणी आणि पैसे यावर शिक्षकांनी मतदान केलं. जनतेची जी लायकी असते तसा प्रतिनिधी त्यांना मिळतो. तसा त्यांना तो मिळाला आहे. त्यामुळे त्यांना ही शुभेच्छा आणि उमेदवार निवडून आलेल्या उमेदवाराला ही शुभेच्छा तुमच्या माध्यमातून देतो. पराभव स्वीकारावाच लागेल. शेवटी पराभव तो पराभवच असतो. ७ हजार लोक प्रामाणिक राहिले. बाकी लोकांचं काय? बाकी सर्वांनी त्यांची मतं विकली, ज्याचं प्रचंड वाईट वाटतं."

Maharashtra Vidhan Parishad Result 2026: अमरावतीत पोहेरेचा पराभव, शिंदेसेनेचे सरनाईकच नायक

अमरावती विभाग शिक्षक मतदारसंघात महायुतीमध्ये शिंदेसेनेचे किरण सरनाईक दुसऱ्या पसंतीक्रमाच्या अखेरच्या बाद फेरीत विजयासाठी आवश्यक 16,134 मतांचा कोटा पार करीत विजयी झाले. त्यांनी महाविकास आघाडीच्या प्रा. अदिती पोहेरे यांचा पराभव केला व मतदारसंघ पुन्हा राखला. पहिल्या पसंतीच्या फेरीपासून सरनाईक यांनी आघाडी घेतली होती. मात्र, विजय साकार करण्यास त्यांना 24 व्या बाद फेरीपर्यंत संघर्ष करावा लागला. तब्बल 32 तास सुरू असलेल्या या मतमोजणीमध्ये त्यांनी 16,663 मते मिळवित विजय मिळवला.

Maharashtra Vidhan Parishad Result 2026: कोणत्या पक्षाने कोणती निवडणूक लढवली?

भाजप लढली 3 जिंकली 1.
शिंदे लढले 2 जिंकले 1.
काँग्रेस लढली 2 जिंकली 1.
राष्ट्रवादी शरद पवार लढली 2 जिंकली 2.

एकूण जागा राज्यात 5.
महायुती 2
विरोधी पक्ष 3.

विधान परिषदेच्या पदवीधर आणि शिक्षक मतदारसंघांच्या निवडणुकांचे निकाल समोर आले असून, यामध्ये महाविकास आघाडी आणि महायुती यांच्यात जोरदार रस्सीखेच पाहायला मिळाली आहे.

Maharashtra Vidhan Parishad Result 2026: भाजप, राष्ट्रवादी, काँग्रेसपासून शिवसेनेपर्यंत...; विधान परिषदेच्या निवडणुकीतील विजयी उमेदवारांची यादी

मुकेश चव्हाण — Thu, 29 Oct 2026 08:07:17 +0530

Maharashtra Vidhan Parishad Result 2026: भाजप, राष्ट्रवादी, काँग्रेसपासून शिवसेनेपर्यंत...; विधान परिषदेच्या निवडणुकीतील विजयी उमेदवारांची यादी

Amravati Accident: अमरावती -नागपूर महामार्गावर भीषण अपघात; दुचाकीवरील दोघांचा जागीच दुर्दैवी अंत; बाळाच्या जन्माआधीच पित्याचं छत्र हरपलं

निलेश फाळके — Wed, 28 Oct 2026 13:02:40 +0530

Amravati Accident News: अमरावती - नागपूर महामार्गावर एक भीषण अपघात (Amravati-Nagpur Highway Accident) घडलाय. तिवसा तालुक्यातील वरखेड फाट्यानजीक दुचाकीचा भीषण अपघात झाल्याची घटना घडलीय. या अपघातात दुचाकीवरील दोघांचा जागीच मृत्यू झाल्याची दुर्दैवी घटना घडलीय. नागपूर - अमरावती महामार्गावर भरधाव ट्रॅव्हल्सची दुचाकीला जोरदार धडक दिल्याने हा अपघात झालाय. तर निखिल बोके आणि कैलास कळंबे या दोन तरुणांचा यात जागीच मृत्यू झाला आहे. मिळालेल्या माहितीनुसार दोघेही उंबरखेड येथील रहिवासी असून तिवस्याहून गावी जाताना ही अपघाताची घटना घडली आहे.

Amravati Accident News: बाळाच्या जन्माआधीच पित्याचं छत्र हरपलं;उंबरखेड गावात हळहळ

दरम्यान, घटनेची माहिती मिळताच तिवसा पोलिसांनी घटनास्थळ गाठत कारवाई सुरु केली. यात ट्रॅव्हल्स चालकाला ताब्यात घेतले असून पोलिसांकडून पुढील तपास सुरू. कैलास यांची पत्नी आठ महिन्यांची गर्भवती आहे. पुढील महिन्यात त्यांची प्रसूती होणार होती. मात्र बाळाच्या जन्माआधीच पित्याचे छत्र हरपले. या दुर्दैवी घटनेने परिसरात मोठी खळबळ उडाली असून उंबरखेड गावात हळहळ व्यक्त केली जात आहे.

Bhnadara News : कबड्डीचा सराव करताना लागला विजेचा धक्का; विद्यार्थ्याचा उपचारादरम्यान मृत्यू

दुसरीकडे भंडाऱ्याच्या तुमसरमध्ये अशीच एक दुदैवी घटना घडली आहे. सहकारी वर्ग मित्रांसोबत शाळेच्या छतावर कबड्डीचा सराव करताना तिथून गेलेल्या उच्च दाब विद्युत वाहिनीच्या जिवंत तारांना स्पर्श झाल्यानं विद्यार्थ्याला जबर धक्का बसला होता. ही घटना गुरुवारी भंडाऱ्याच्या तुमसर तालुक्यातील सिहोरा येथील आदर्श हायस्कूल इथं घडली होती. दरम्यान, गंभीर जखमी विद्यार्थ्यावर नागपूर इथं उपचार सुरू असताना काल सायंकाळी या विद्यार्थ्याचा मृत्यू झाला. अर्णव शेंद्रे असं या 14 वर्षीय मृत पावलेल्या विद्यार्थ्यांचं नावं आहे. शाळेच्या इमारतीवरून जिवंत विद्युत वाहिनीच्या तारा गेलेल्या असल्यानं ही दुर्घटना घडली. अर्णव याची उत्कृष्ट कबड्डीपटू आणि अभ्यासात अत्यंत हुशार मुलगा म्हणून ओळख होती. त्याच्या अकाली निधनानं सर्वत्र हळहळ व्यक्त होतं आहे.

Chandrapur : 4 वर्षीय मुलावर वाघाच्या बछड्याचा हल्ला, ब्रम्हपुरी तालुक्यातील चांदगाव येथील घटना

चंद्रपूर जिल्ह्यात एका 4 वर्षीय मुलावर वाघाच्या बछड्याने हल्ला करत त्याला जखमी केलय. ब्रम्हपुरी तालुक्यातील चांदगाव येथील ही घटना असून सुदैवाने त्या मुलाच्या चुलत भावाने दाखवलेल्या प्रसंगावधानामुळे चिमुकल्याचा जीव बचावलाय. 4 वर्षीय मयंक वलके हा आपल्या चुलत भावासोबत गावातीलच आत्याकडे जात होता. त्यावेळी आत्याच्या घराजवळच त्याच्यावर वाघाच्या बछड्याने हल्ला केला. मात्र त्याचवेळी त्याच्या चुलत भावाने प्रसंगावधान राखून जोर जोरात ओरडल्याने वाघाने पळ काढला. जखमी मुलाला उपचारासाठी ब्रम्हपुरी येथील ख्रिस्तानंद रुग्णालयात भरती करण्यात आले असून या घटनेमुळे गावात सध्या भीतीचं वातावरण आहे.

Pradeep Purnekar Case: उद्याच्या आंदोलनात एकनाथ शिंदेंवर चुकीचं बोलणारा नेता ठाण्यातून परत जाणार नाही, नरेश म्हस्केंची वॉर्निंग

Amravati MLC Election Result 2026: 'आदरणीय गुरुजन धन्यवाद, शिक्षकांनी माझी किंमत काय हे दाखवून दिले'; अमरावतीत मतदारांचा कौल बघताच भाजप अनिल बोंडेंच्या बहिणीचं व्हॉट्सअप स्टेटस चर्चेत

प्रणय निर्बाण, एबीपी माझा — Wed, 28 Oct 2026 10:15:56 +0530

Sangita Shinde WhatsApp Status: अमरावती शिक्षक मतदारसंघाच्या निवडणुकीत मोठी चुरस बघायला मिळत आहे. मतमोजणी प्रक्रियेत प्रामुख्याने तिरंगी लढत ठरलेल्या या सामन्यात शिवसेनेचे उमेदवार किरण सरनाईक (Kiran Sarnaik) यांनी (9.30 वाजतापर्यंत आलेल्या आकडेवाडीनुसार) 8796 हजार मत मिळवत आपली आघाडी कायम ठेवली आहे. तर सरनाईकांपुढे काँग्रेसच्या उमेदवार आदिती पोहरे यांनी आव्हान उभं करत त्यांनी दुसऱ्या क्रमांकावर मजल मारली आहे. तर शिंदेंच्या शिवसेनेचे बंडोखर उमेदवार श्रीकांत देशपांडे हे तिसऱ्या क्रमांकावर असल्याची माहिती आहे.

एकीकडे मतमोजणीची रणधुमाळी सुरु असताना भाजप बंडखोर उमेदवार आणि भाजप खासदार अनिल बोंडे यांच्या भगिनी संगीता शिंदे यांचंव्हॉट्सअप स्टेटस चर्चेत (WhatsApp Status) आलं आहे. 'आदरणीय गुरुजन धन्यवाद, आज खूप आनंद झाला, मला शिक्षकांनी माझी काय किंमत आहे हे दाखवून दिले..' असा आशयाचं व्हॉट्सअप स्टेटस संगीता शिंदे (Sangita Shinde) यांनी ठेवलं आहे. त्यामुळे या व्हॉट्सअप स्टेटसची सध्या अमरावतीच्या राजकीय वर्तुळात एकच चर्चा रंगू लागली आहे. (Amravati Teacher Constituency Election Result 2026)

Amravati Politics: आधी पक्षातून हकालपट्टी, बंडखोर करत निवडणूक कायम, आता अवघे 2112 मतं

भाजपच्या नेत्या सांगिता शिंदे यांना पक्षाने उमेदवारी न दिल्याने त्यांनी बंडखोरी करत अपक्ष उमेदवारी दाखल केली होती. अमरावती शिक्षक मतदार संघात भारतीय जनता पक्षाचे उमेदवार शेखर भोयर आणि संगीता शिंदे यांनी महायुतीचे अधिकृत उमेदवार शिवसेनेचे किरण सरनाईक यांच्या विरोधात बंडखोरी करत आपला उमेदवारी अर्ज कायम ठेवला होता. यामुळे भारतीय जनता पक्षाने शेखर भोयर आणि संगीता शिंदे यांची हकालपट्टी केली होती. असे असताना सांगिता शिंदे यांनी निवडणूक रिंगणात कायम राहण्याचा निर्धार केला होता.

विशेष हे दोघेही बंडखोर उमेदवार भाजपच्या नेत्यांचे सख्खे नातेवाईक आहेत. शेखर भोयर हे तीवसा मतदारसंघाचे भाजप आमदार राजेश वानखडे यांचे मेहुणे आहेत. तर संगीता शिंदे या भाजपचे खासदार अनिल बोंडे यांच्या भगिनी आहेत. अशातच अमरावती शिक्षक मतदारसंघाच्या निवडणुकीत मतदारांनी संगीता शिंदे (बोंडे) यांच्या पारड्यात केवळ 2112 मते टाकली आहे. परिणामी अपेक्षेप्रमाणे मतं न मिळाल्याने संगीता शिंदे नाराज असल्याची चर्चा आहे. त्याच नाराजीमधून त्यांनी व्हॉट्सअप स्टेटस ठेवल्याचे बोललं जात आहे.

अमरावती शिक्षक निवडणूक अपडेट (Amravati Teacher Constituency Election Result 2026)

19 व्या बाद फेरीनंतर उमेदवारांची मतं

किरण सरनाईक - 9168
अदिती पोहरे - 5508
श्रीकांत देशपांडे - 5202

महायुतीचे उमेदवार किरण सरनाईक 3660 मतांनी आघाडीवर

Amravati Election Result 2026: अमरावती शिक्षक मतदारसंघात शिंदेंचा शिलेदाराची विजयी घोडदौड कायम! किरण सरनाईकांसमोर काँग्रेसच्या आदिती पोहरेंच आव्हान, 24 तासांपासून मतमोजणी, कोण मारणार बाजी?

प्रणय निर्बाण, एबीपी माझा — Wed, 28 Oct 2026 08:25:10 +0530

Amravati Teacher Constituency Election Result 2026: महाराष्ट्र विधान परिषदेच्या 3 पदवीधर आणि 2 शिक्षक मतदारसंघांच्या निकालाची उत्कंठा अद्याप कायम आहे. कारण मतमोजणीला (Maharashtra Vidhan Parishad Result 2026) काल (27 ऑक्टोबर) सकाळी 8.00 वाजल्यापासून सुरुवात झालेली मतमोजणी अजूनही सुरुच असल्याचे चित्र आहे. परिणामी आज (28 ऑक्टोबर) सकाळी 7 वाजता हाती आलेल्या आकडेवारीनूसार महाविकास आघाडीचे 3 उमेदवार, तर महायुतीचे 2 उमेदवार आघाडीवर असल्याची माहिती आहे. अशातच, अमरावती शिक्षक मतदारसंघाच्या अतिशय चुरशीची लढतीत शिवसेनेचे उमेदवार किरण सरनाईक (Kiran Sarnaik) 3493 हजार मतांनी आघाडी घेत मुसंडी मारली आहे. तर सरनाईकांपुढे काँग्रेसच्या उमेदवार आदिती पोहरे यांनी आव्हान उभं करत त्यांनी दुसऱ्या क्रमांकावर मजल मारली आहे. तर शिंदेंच्या शिवसेनेचे बंडोखर उमेदवार श्रीकांत देशपांडे हे तिसऱ्या क्रमांकावर असल्याची माहिती आहे. (Amravati Teacher Constituency Election 2026)

Amravati: 24 तासांपासून मतमोजणी, कोटा पूर्ण करण्यासाठी 16134 मतांची गरज, विजयाची माळ नेमकी कुणाच्या गाळ्यात?

सतराव्या फेरी अंती शिवसेनेचे उमेदवार किरण सरनाईक 3650 हजार मतांनी आघाडीवर असल्याची माहिती आहे. विशेष म्हणजे मागील 24 तासांपासून ही मतमोजणी सुरू आहे. तर दुसरीकडे किरण सरनाईकांपुढे काँग्रेसच्या उमेदवार आदिती पोहरे यांनी आव्हान उभं करत त्यांनी दुसऱ्या क्रमांकावर मजल मारली आहे. तर शिंदेंच्या शिवसेनेचे बंडोखर उमेदवार श्रीकांत देशपांडे हे तिसऱ्या क्रमांकावर असल्याची माहिती आहे. सतराव्या फेरीअंती शिवसेनेचे उमेदवार किरण सरनाईक यांना 8575 मते मिळाली आहे. तर काँग्रेसच्या उमेदवार आदिती पोहरे यांना 4925 मते मिळाले आहे. तर तिकडे शिवसेनेचे बंडखोर उमेदवार श्रीकांत देशपांडे यांना 4921 मते मिळाली आहे. एकीकडे किरण सरनाईक यांनी जोरदार मुसंडी मारत आपली विजयी घोडदौड कायम ठेवली आहे. मात्र विजयाचा कोटा पूर्ण करण्यासाठी 16134 मतांची गरजमतांचा असून या कोटा नेमकं कोण गाठतं आणि विजयाची माळ नेमकी कुणाच्या गाळ्यात पडते हे पाहणे महत्वाचं ठरणार आहे.

17व्या बाद फेरीनंतर उमेदवारांची मतं (Amravati Teacher Constituency Election Result 2026)

किरण सरनाईक (महायुती) - 8575
अदिती पोहरे (काँग्रेस) - 4925
श्रीकांत देशपांडे (शिवसेना बंडखोर) - 4921

जिल्हा मतदार आणि मतदान केंद्रे : (Amravati Teacher Constituency Election2026)

जिल्हा एकूण मतदार मतदान केंद्रे

अमरावती १०,०९७ २५

बुलढाणा ९,१२४ १८

यवतमाळ ६,९३२ १८

अकोला ५,९४२ १३

वाशिम ३,७१५ ७

एकूण ३५,८१० ८१

Nagpur MLC Election Result 2026: कराळे मास्तरांच्या ओक्साबोक्सी रडण्याने वातावरण पालटलं, नागपूर पदवीधरचं सगळं गणितच बदललं, भाजपच्या सर्व्हेपेक्षाही पुढे निघाले, नेमकं काय घडलं?

Maharashtra Vidhan Parishad Result 2026 Winner Candidate List: तब्बल 45 तासांनी विधान परिषदेच्या 5 पैकी 5 जागांचा निकाल जाहीर; सर्व विजयी उमेदवारांची यादी

मुकेश चव्हाण — Tue, 27 Oct 2026 07:38:29 +0530

Maharashtra Vidhan Parishad Result 2026 Winner Candidate List: विधान परिषदेच्या 5 जागांचं चित्र (Maharashtra Vidhan Parishad Result 2026) जवळपास 45 तासांनी स्पष्ट झालं आहे. पुणे शिक्षक मतदारसंघात भाजपचे कौस्तुभ गावडे विजयी, तर अमरावती शिक्षक निवडणुकीत शिवसेनेच्या किरण सरनाईकांचा विजय झाला आहे. तर नागपूर पदवीधर मतदारसंघात काँग्रेसच्या अभिजीत वंजारी यांनी बाजी मारली. तसेच पुणे पदवीधर मतदारसंघात राष्ट्रवादी काँग्रेस शरद पवार पक्षाच्या हर्षदा देशमुख-जाधव यांनी विजय मिळवला. छत्रपती संभाजीनगर पदवीधर (Chhatrapati Sambhajinagar Graduates Constituency Result 2026) मतदारसंघाच्या निवडणुकीत राष्ट्रवादी शरद पवार गटाचे प्रतापसिंग पाटील यांनी विजय मिळवला आहे. (Maharashtra Vidhan Parishad Result 2026 Winner Candidate List)

विधान परिषदेच्या निवडणुकीतील सर्व विजयी उमेदवारांची यादी- (Maharashtra Vidhan Parishad Result 2026 Winner Candidate List)

अ. क्र.	मतदारसंघ	उमेदवाराचे नाव	पक्ष / संघटना	विजयी उमेदवाराचे नाव
1	नागपूर पदवीधर	सुधाकर कोहळे	भाजप	अभिजीत वंजारी
		अभिजीत वंजारी	काँग्रेस
		नितेश कराळे	राष्ट्रवादी (शप)
		अतुल देशमुख	शिक्षक भारती
2	पुणे पदवीधर	स्मिता जाधव	भाजप	हर्षदा देशमुख-जाधव
2	पुणे पदवीधर	हर्षदा देशमुख- जाधव	राष्ट्रवादी (शप)	हर्षदा देशमुख-जाधव
3	छत्रपती संभाजीनगर पदवीधर	सतीश चव्हाण	राष्ट्रवादी काँग्रेस	प्रतापसिंह पाटील
		दिलीप घुगे	शिवसेना (उबाठा)
		प्रतापसिंह पाटील	राष्ट्रवादी (शप)
4	अमरावती शिक्षक	किरण सरनाईक	शिवसेना	किरण सरनाईक
		अदिती पोहरे	काँग्रेस
		संगीता शिंदे	अपक्ष
		दत्तात्रय लहाने	शिवसेना (उबाठा)
5	पुणे शिक्षक	कौस्तुभ गावडे	भाजप (महायुती)	कौस्तुभ गावडे
		सचिन सानप	अपक्ष (शिवसेना पुरस्कृत)
		जयंत आसगावकर	काँग्रेस
		दत्तात्रय सावंत	अपक्ष

विधान परिषद निवडणुकीच्या निकालांचे सर्व अपडेट्स, VIDEO:

Maharashtra Vidhan Parishad Result 2026 Live: विधान परिषद निवडणुकीच्या मतमोजणीत ट्विस्टवर ट्विस्ट; नागपूर, अमरावती अन् पुणे पदवीधरच्या जागांच्या निकालाची उत्कंठा कायम

मुकेश चव्हाण — Tue, 27 Oct 2026 06:45:03 +0530

Maharashtra Vidhan Parishad Result 2026 Live Updates: विधान परिषदेच्या पदवीधर आणि शिक्षक निवडणुकीची 5 मतदारसंघात कालपासून मतमोजणी (Maharashtra Vidhan Parishad Result 2026) सुरु आहे. सकाळी 8 वाजल्यापासून मतमोजणीला सुरुवात झाली. आज दुसरा दिवस उजाडला, त्यानंतरही पाचपैकी कोणत्याच जागेचा निकाल अद्याप अधिकृतपणे जाहीर झालेला नाही. आज देखील मतमोजणी सुरु आहे. नागपूर, अमरावती,मराठवाडा आणि पुणे या मतदारसंघात निवडणूक होती. 23 ऑक्टोबरला झालेल्या मतदानात 182 उमेदवारांचं भविष्य मतपेटीत बंद झालंय. अनेक ठिकाणी बंडखोरांनी आणि अपक्षांनी मोठं आव्हान उभं केलंय. (graduate teachers constituency result)

महाराष्ट्रातील राजकीय वर्तुळाचे लक्ष लागलेल्या विधान परिषदेच्या पदवीधर आणि शिक्षक मतदारसंघांसाठी शुक्रवारी पार पडलेल्या मतदानानंतर काल (27 ऑक्टोबर) मतमोजणीला सकाळी 8:00 वाजल्यापासून सुरुवात झाली होती. एकूण 3 पदवीधर आणि 2 शिक्षक मतदारसंघांच्या या रणधुमाळीत तब्बल 182 उमेदवारांचे राजकीय भवितव्य मतपेटीत बंद झाले आहे. नागपूर, अमरावती, पुणे आणि छत्रपती संभाजीनगर (औरंगाबाद) या मतदारसंघांमधील लढतींमध्ये महायुती आणि महाविकास आघाडीची प्रतिष्ठा पणाला लागली आहे. अनेक ठिकाणी मित्रपक्षांमधील मैत्रीपूर्ण लढती, बंडखोरी आणि अपक्षांच्या आव्हानामुळे राजकीय समीकरणे अत्यंत गुंतागुंतीची झाली असून मतमोजणीच्या निकालांचा सस्पेन्स आता शिगेला पोहोचला आहे.

विक्रमी मतदान अन् मतमोजणीची ठिकाणे

शुक्रवारी (23 ऑक्टोबर) पार पडलेल्या मतदानात विविध मतदारसंघांमध्ये मतदारांचा मोठा उत्साह पाहायला मिळाला. प्रशासनाने मतमोजणीची संपूर्ण तयारी पूर्ण केली आहे:

नागपूर पदवीधर: 64.76% मतदान (38 उमेदवार)
मतमोजणी: मानकापूर क्रीडा संकुल, नागपूर.

अमरावती शिक्षक: विक्रमी 91.08% मतदान (सुमारे 33 हजार मतदार)
मतमोजणी: लोकशाही भवन, अमरावती.

पुणे पदवीधर व शिक्षक: पदवीधर 62.78%, तर शिक्षक 85.87% मतदान (2020 च्या तुलनेत वाढ)
मतमोजणी: श्री शिवछत्रपती क्रीडा संकुल, म्हाळुंगे-बालेवाडी, पुणे.

छत्रपती संभाजीनगर पदवीधर: 58.67% मतदान
मतमोजणी: एमआयडीसी, चिकलठाणा.

Maharashtra Vidhan Parishad Election 2026: शिक्षक-पदवीधर निवडणुकीच्या पाच जागांसाठी आज मतदान, 182 उमेदवारांची प्रतिष्ठा पणाला, वाचा सर्व अपडेट

एबीपी माझा वेब टीम — Fri, 23 Oct 2026 07:14:48 +0530

Maharashtra MLC Graduate Teacher Constituency Election 2026 मुंबई : महाराष्ट्र विधान परिषदेच्या तीन पदवीधर आणि दोन शिक्षक मतदारसंघांच्या निवडणुकीसाठीची रणधुमाळी (Election 2026) आज म्हणजेच शुक्रवार, 23 ऑक्टोबर रोजी रंगणार आहे. सकाळी 8 ते सायंकाळी 4 या वेळेत मतदानाची प्रक्रिया पार पडणार असून, पाच जागांसाठी एकूण 182 उमेदवार निवडणूक रिंगणात असून त्यांचं भवितव्य आज मतपेटित कैद होणार आहे. यात पुणे, छत्रपती संभाजीनगर आणि नागपूर विभागातील पदवीधर मतदारसंघ, तसेच अमरावती आणि पुणे विभागातील शिक्षक मतदारसंघांसाठी ही निवडणूक होत आहे. दरम्यान, पाचही मतदारसंघांसाठी प्रशासनाने जय्यत तयारी केल्याचा दावा प्रशासनाने केला आहे. तर पाचही मतदारसंघांसाठी दोन हजार 419 मतदान केंद्रांची व्यवस्था करण्यात आली असून 10 लाख 68 हजार 72 मतदार आज आपला मतदानाचा हक्क बजावणार आहेत. त्यामुळे आज मतदानातून मतदारराजा कोणाला कौल देतो आणि विधान परिषदेच्या मैदानात आता नेमकं कोण बाजी मारणार हे आता निकालाअंती समजणार आहे. एकंदरीत राज्यातील या पाचही मतदारसंघांचा आढावा जाणून घेऊया. (Maharashtra Teacher and Graduate Constituency Election 2026)

Maharashtra Election 2026 : राज्यातील 5 जागांसाठी आज मतदान, 182 उमेदवारांच भवितव्य मतपेटीत कैद होणार

राज्यात आज (23 ऑक्टोबर) विधानपरिषदेच्या 5 जागांसाठी मतदान होतंय. पाच जागांसाठी 182 उमेदवार रिंगणात उतरल्याने निवडणुकीत कमालीची चुरस निर्माण झालीये. त्यातच महायुतीमध्ये झालेली बंडखोरी आणि पक्षांतर्गत नाराजीमुळे महायुतीच्या अधिकृत उमेदवारांची धास्ती वाढलीेय. तर मविआमध्ये मैत्रीपूर्ण लढत होणार असल्याने या निवडणुकीत कोण बाजी मारणार याकडे सर्वांचं लक्ष लागलंय. पदवीधरच्या 3 जागांसाठी तर शिक्षक मतदारसंघाच्या 2 जागांसाठी ही निवडणूक होतेय. छत्रपती संभाजीनगर, पुणे आणि नागपूर पदवीधरसाठी, तर अमरावती आणि पुणे शिक्षक मतदारसंघासाठी सकाळी 8 ते दुपारी 4 या वेळेत मतदान पार पडणार आहे. छत्रपती संभाजीनगरसाठी 8 जिल्ह्यात मतदान होतंय. पुणे शिक्षक आणि पदवीधरसाठी पुणे,सोलापूर,सातारा,सांगली,कोल्हापूर या ठिकाणी मतदान पार पडणार आहे. अमरावती शिक्षक मतदारसंघासाठी अमरावती, बुलढाणा, यवतमाळ, अकोला, वाशिम इथे मतदान होतंय. तर नागपूर पदवीधरसाठी नागपूर, चंद्रपूर, वर्धा, गोंदिया, भंडारा, गडचिरोली इथे मतदान होत आहे.

Nagpur Election 2026: नागपूर मतदारसंघात 38 उमेदवार रिंगणात, 2 लाख 55 हजार 603 मतदार हक्क बजावणार

नागपूर विभाग पदवीधर मतदारसंघासाठी आज 2 लाख 55 हजार 603 मतदार हक्क बजाऊ शकणार आहे. नागपूर विभागातील सहा जिल्ह्यांमध्ये 445 मतदान केंद्र तयार करण्यात आले आहे. यात सर्वाधिक 1 लाख 44 हजार 466 मतदार नागपूर जिल्ह्यात आहे. त्यानंतर चंद्रपूर जिल्ह्यात 32 हजार 265 मतदार आहेत. गोंदिया जिल्ह्यात 22 हजार 176 मतदार, वर्धा जिल्ह्यात 21 हजार 742 मतदार, भंडारा जिल्ह्यात 21 हजार 349 तर गडचिरोली जिल्ह्यात 13 हजार 608 मतदार आहेत. नागपूर विभाग पदवीधर मतदार संघाच्या निवडणुकीत 38 उमेदवार रिंगणात असून भाजपचे सुधाकर कोहळे, काँग्रेसचे अभिजीत वंजारी, वंचित बहुजन आघाडीचे मंगेश वानखेडे तर शिक्षक भारतीचे अतुल देशमुख हे प्रमुख उमेदवार आहेत. मतदानाची प्रक्रिया सुरळीत पार पाडण्यासाठी राज्य सरकारची 2 हजार 535 अधिकारी व कर्मचारी निवडणूक ड्युटी साठी देण्यात राहणार असून केंद्र सरकारची 476 अधिकाऱ्यांनाही निवडणुकीची जबाबदारी सोपवण्यात आली आहे.

नागपूर पदविधर मतदार संघ- एकूण मतदार-258637 (Nagpur Graduate Constituency Election 2026)

नागपुरात भाजपच्या सुधाकर कोहळे विरुद्ध काँग्रेसच्या अभिजीत वंजारीमध्ये सामना रंगणार आहे. तर तिकडे राष्ट्रवादीचे नितेश कराळे यांनी बंडखोरी करत अपक्ष म्हणून आपले नशीब आजमावले आहे.

Pune : पुण्यात पदवीधर मतदारसंघात 47, तर शिक्षक मतदारसंघात 30 उमेदवारांमध्ये लढत

पुणे जिल्ह्यात 232 मतदान केंद्रांवर आज मतदान होतंय. 1 लाख 5 हजार 84 मतदार आज मतदानाचा हक्क बजावणार आहे. पदवीधर व शिक्षक मतदारसंघांच्या निवडणुकीसाठी प्रशासकीय यंत्रणाही सज्ज झाली आहे. पुणे जिल्ह्यातील 232 मतदान केंद्रांवर आज सकाळी 8 ते सायंकाळी 4 या वेळेत मतदान होणार आहे. पुणे जिल्ह्यात पदवीधर मतदारसंघासाठी 160, तर शिक्षक मतदारसंघासाठी 72 मतदान केंद्रे निश्चित करण्यात आली आहे. पदवीधर मतदारसंघात 47, तर शिक्षक मतदारसंघात 30 उमेदवार निवडणुकीच्या रिंगणात आहे.

1) पुणे मतदारसंघात कोण बाजी मारणार? -एकूण मतदार- 61940

पुणे शिक्षक आणि पदवीधरसाठी भाजपने कौस्तुभ गावडे यांना मैदानात उतरवलं आहे. तर त्यांचा विरुद्ध जयंत आसगावकर यांना काँग्रेसने संधी देत आव्हन उभं केलं आहे. तिकडे सचिन सानप हे शिवसेनेचे उमेदवार आहेत. तर दत्तात्रय सावंत हे अपक्ष म्हणून निवडणुकीच्या रिंगणात आहे.

2) पुणे पदविधर मतदार संघ -एकूण मतदार 3,88, 000

दुसरीकडे पुणे पदविधर मतदार संघात 388000 एकूण मतदार असून भाजप ने यांना उमेदवारी दिली आहे. तर स्मिता जाधव विरुद्ध काँग्रेसच्या हर्षदा देशमुख जाधव मैदानात आहे.

पुणे विभाग पदवीधर मतदार संघ- मतदान केंद्रे आणि मतदार

एकूण मतदार: ३ लाख ८८ हजार १९
मतदान केंद्रे: ७४१

पुणे

मतदान केंद्रे: १६०
मतदार: ८८ हजार २०२

सातारा

मतदान केंद्रे: ९३
मतदार: ४७ हजार ४६३

सोलापूर

मतदान केंद्रे: ११७
मतदार: ४९ हजार ७२

सांगली

मतदान केंद्रे: १५९
मतदार: ८८ हजार ७०

कोल्हापूर

मतदान केंद्रे: २१२
मतदार: १ लाख १४ हजार ५६२

पुणे विभाग शिक्षक मतदार संघ- मतदान केंद्रे आणि मतदार

एकूण मतदान केंद्रे: ३१०

एकूण मतदार: ६१ हजार ९४०

पुणे

मतदान केंद्रे: ७२
मतदार: १६ हजार ८२२

सोलापूर

मतदान केंद्रे: ७६
मतदार: १५ हजार ३०३

सातारा

मतदान केंद्रे: ४४
मतदार: ९ हजार ४५४

सांगली

मतदान केंद्रे: ४८
मतदार: ८ हजार ६२

कोल्हापूर

मतदान केंद्रे: ७०
मतदार: १२ हजार २९९

Chhatrapati Sambhajinagar : आठ जिल्ह्यातील 842 मतदान केंद्रांवर मतदान

औरंगाबाद विभागातील आठ जिल्ह्यांमध्ये 23 तारखेला सकाळी आठ ते दुपारी 4:00 वाजेपर्यंत मतदान होणार आहे.यासाठी एकूण 842 मतदान केंद्रांची व्यवस्था करण्यात आली आहे. या निवडणुकीकडे राजकीय वर्तुळाचं लक्ष लागले आहे. उमेदवारी जाहीर झाल्यापासून बंडखोरी, उमेदवारांना मिळणारा पाठिंबा आणि पक्षांतर्गत नाराजी यामुळे ही निवडणूक यंदा चर्चेत राहिली आहे. महाविकास आघाडीत उमेदवारीवरून एकमत न झाल्याने ठाकरे यांच्या शिवसेनेने दिलीप घुगे यांना स्वतंत्र उमेदवारी दिली. दुसरीकडे काँग्रेस आणि शरद पवार यांच्या राष्ट्रवादी काँग्रेसने एकत्र येत डॉक्टर प्रताप सिंह पाटील यांना पाठिंबा दिला.त्यामुळे महाविकास आघाडीतील पक्षांची भूमिका आणि मतांचे विभाजन हा निवडणुकीतील महत्त्वाचा मुद्दा ठरणार आहे.

औरंगाबाद विभाग पदवीधर मतदारसंघाच्या निवडणुकीसाठी आज मतदान होणार असून, धाराशिव जिल्ह्यातील आठ तालुक्यांमध्ये एकूण 73 मतदान केंद्रांची व्यवस्था करण्यात आली असून, 29 हजार 145 पदवीधर मतदार मतदानाचा हक्क बजावणार आहेत. जिल्ह्यातील एकूण पदवीधर मतदारांमध्ये 22 हजार 745 पुरुष आणि 6 हजार 400 महिला मतदारांचा समावेश आहे. पुरुष मतदारांचे प्रमाण 78.04 टक्के, तर महिला मतदारांचे प्रमाण 21.96 टक्के आहे.

Amravati Election 2026: 81 मतदान केंद्रे, एकूण 26 उमेदवार, अमरावतीचं मैदान कोण मारणार

अमरावती विभाग शिक्षक मतदारसंघाच्या निवडणुकीत पाच जिल्ह्यांतील ३५ हजार ८१० शिक्षक मतदार, ८१ मतदान केंद्रे आणि एकूण २६ उमेदवार असे निवडणुकीचे चित्र आहे. मतमोजणी २७ ऑक्टोबर रोजी होणार आहे.

जिल्हा मतदार आणि मतदान केंद्रे : (Amravati Teacher Constituency Election2026)

जिल्हा एकूण मतदार मतदान केंद्रे

अमरावती १०,०९७ २५

बुलढाणा ९,१२४ १८

यवतमाळ ६,९३२ १८

अकोला ५,९४२ १३

वाशिम ३,७१५ ७

एकूण ३५,८१० ८१

जिल्हानिहाय मतदारांचे प्रमाण :

अमरावती 10,097

बुलढाणा 9,124

यवतमाळ 6,932

अकोला 5,942

वाशिम 3,715

लढतीतील महत्त्वाचे प्रमुख उमेदवार :

1) किरण सरनाईक शिवसेना (एकनाथ शिंदे गट) : महायुतीचे अधिकृत उमेदवार, विद्यमान आमदार

2) प्रा. अदिती पोहरे भारतीय राष्ट्रीय काँग्रेस : महाविकास आघाडीतील काँग्रेसच्या उमेदवार

3) दत्तात्रय लहाने शिवसेना : (उद्धव बाळासाहेब ठाकरे)

4) प्रा. श्रीकांत देशपांडे अपक्ष : शिंदे गटाशी संबंधित माजी आमदार

5) डॉ. संगीता शिंदे-बोंडे : अपक्ष : भाजपशी संबंधित बंडखोर उमेदवार

6) चंद्रशेखर उर्फ शेखर भोयर : अपक्ष : भाजपशी संबंधित बंडखोर उमेदवार

7) डॉ. सुमित पवार : अपक्ष : भाजपशी संबंधित उमेदवार

8) सुरेश देवकर : समाजवादी गणराज्य पार्टी

9) अनिल काळे : बळीराजा पार्टी

10) गजानन ढोके : भारतीय जनसम्राट पार्टी

इतर महत्वाच्या बातम्या

सुकाळातल्या जागा बिनविरोध कशा झाल्या? कार्यकर्त्यांनी विरोधात लढायचं आणि नेत्यांनी सत्तेची भाकरी एकत्र बसून खायची, खोतांचा हल्लाबोल, म्हणाले, गोपीचंद पडळकर विस्थापितांचा आवाज

Amravati Police News: अमरावतीत पोलीस कर्मचाऱ्याचं टोकाचं पाऊल; राहत्या घरीच गळ्याला दोर लावला, चिठ्ठीतून शेवटचा संदेश

प्रणय निर्बाण, एबीपी माझा — Wed, 21 Oct 2026 13:46:37 +0530

Amravati News: अमरावतीच्या गाडगेनगर परिसरातून एक खळबळजनक बातमी समोर आली आहे. अमरावतीच्या पोलीस (Amravati Police News) स्टेशनमध्ये कार्यरत असलेले पोलीस (Police) कर्मचारी अमर तायडे यांनी गळफास घेऊन आत्महत्या केल्याचा धक्कादायक प्रकार उघडकीस आला आहे. मार्डी रोडवरील त्यांच्या राहत्या घरी सकाळच्या सुमारास त्यांनी टोकाचे पाऊल उचलत आपले जीवन संपवले आहे. मिळालेल्या माहितीनुसार, अमोल तायडे यांच्या मृत्यूनंतर घटनास्थळी पोलिसांना एक सुसाईड नोट देखील आढळून आली आहे. या आत्महत्येमागे कौटुंबिक कलहाची पार्श्वभूमी असल्याची प्राथमिक माहिती समोर येत असून पोलीस त्या दृष्टीने आता तपास करत आहेत. मात्र या घटनेनं पोलीस विभागासह परिसरात मोठी खळबळ उडाली आहे.

Crime News : आत्महत्येचा विचार मनात येतोय, डॉक्टरांना शेवटचा मेसेज, अन् विद्यार्थ्याने हॉस्टेलमध्येच जीवन संपवलं

तर दुसरीकडे, आयसीटीमधील इंजीनियरिंग करत असलेल्या एका विद्यार्थ्याने गळफास घेऊन आत्महत्या केल्याची घटना माटुंगामध्ये घडली आहे. इंजिनिअरिंगच्या दुसऱ्या वर्षाला शिकत असलेल्या विद्यार्थ्याने काल रात्री साडेदहाच्या सुमारास हॉस्टेलमध्ये गळफास घेऊन आत्महत्या केलीय. विद्यार्थ्याचं नाव सिद्धेश पाटील असून तो मूळ नाशिकचा आहे. मागील काही दिवसांपासून तो डिप्रेशनमध्ये होता आणि मागील काही दिवसांपासून ट्रीटमेंट घेत असल्याची माहिती आहे. दरम्यान त्याने आपल्या डॉक्टरांना मेसेज करून आपल्याला आत्महत्येचा विचार मनात येत असल्याचंही सांगितल्याची माहिती आहे. या विद्यार्थ्यांचा असा मेसेज बघताच डॉक्टरांनी तात्काळ त्याच्या कुटुंबीयांना संपर्क साधला. कुटुंबीयांनी सुद्धा तात्काळ हॉस्टेलमधील त्याच्या सहकारी मित्रांना संपर्क साधून त्याच्याकडे जायला सांगितलं, मात्र सिद्धेशने त्याआधीच आधीच गळफास घेऊन आत्महत्या केली. या सगळ्याची चौकशी माटुंगा पोलिसांकडून केली जात आहे.

Bhandara Crime : भंडाऱ्याच्या तुमसरात हॉटेलमध्ये जेवणाच्या टेबलवरून राडा दोन गटात हाणामारी

दुसरीकडे भंडाऱ्याच्या तुमसरात हॉटेलमध्ये जेवणाच्या टेबलवरून दोन गटात तुफान हाणामारीची घटना घडली आहे. दसऱ्याच्या रावण दहनाचा कार्यक्रम बघितल्यानंतर तुमसरच्या खापा चौकातील एका हॉटेलमध्ये दोन गावातील तरुणांचे दोन गट जेवणाकरिता पोहोचले होते. इथं जेवणाच्या टेबलवरून दोन्ही गटात सुरुवातीला शाब्दिक वाद झाला. त्यानंतर वाद विकोपाला गेल्यानं दोन्ही गटात तुंबळ हाणामारी झाली. यावेळी काही तरुणांनी हातात लाठ्या-काठ्या घेत मारहाण केली. घटनेची माहिती मिळताचं तुमसर पोलिसांनी घटनास्थळ गाठून काही तरुणांना ताब्यात घेतलं. मात्र, रात्री उशिरा दोन्ही गटात आपसी समझोता झाल्यानं कुणाविरोधातही गुन्हा दाखल करण्यात आलेला नाही, अशी माहिती तुमसरचे वरिष्ठ पोलीस निरीक्षक सुभाष बारसे यांनी दिली आहे.

इतर महत्वाच्या बातम्या

जुन्या बसस्थानकासमोर तरुणाला धारधार कोयत्याने भोसकले; हल्ला होताच आरोपी स्वतःहून पोलीस ठाण्यात हजर; लातूरमध्ये खळबळ

Amravati Crime: मोठी बातमी! सिंधूताई सपकाळ यांच्या दत्तकपुत्राकडून वसतिगृहात अल्पवयीन मुलीचा छळ; अमरावती पोलिसांकडून पॉक्सोअंतर्गत गुन्ह्याची नोंद

प्रणय निर्बाण, एबीपी माझा — Tue, 20 Oct 2026 09:07:56 +0530

Amravati Crime News: अमरावती जिल्ह्यातील चिखलदरामधून एक खळबळजनक बातमी समोर आली आहे. चिखलदरामध्ये दिवंगत ज्येष्ठ समाजसेविका सिंधूताई सपकाळ यांच्या दत्तकपुत्रावर पॉक्सोअंतर्गत गुन्हा (POCSO Act) दाखल करण्यात आला आहे. दिवंगत समाजसेविका सिंधूताई सपकाळ यांच्या दत्तक पुत्र अरुण सपकाळ यांच्या विरोधात विरोधात गंभीर आरोप करण्यात आले आहे. अरुण सपकाळ यांच्या विरोधात (Crime News)अल्पवयीन मुलीच्या लैंगिक छळप्रकरणी गुन्हा (Amravati Crime News) दाखल करण्यात आल्याची माहिती आहे. चिखलदारा पोलीस स्टेशनच्या हद्दीत हा संपूर्ण प्रकार घडला असून या प्रकरणी पोलिसांनी पुढील कारवाईला सुरुवात केली आहे. दिवंगत समाजसेविका सिंधूताई सपकाळ यांच्या दत्तक पुत्रावर आरोप आणि गुन्हा दाखल झाल्याने सामाजिक क्षेत्रात मोठी खळबळ उडाली आहे.

Amravati Crime: अल्पवयीन मुलीच्या लैंगिक छळ केल्याचा आरोप; वसतिगृहातील विद्यार्थिनीच्या जबाबावरून गुन्ह्याची नोंद

मिळालेल्या माहितीनुसार, या प्रकरणी अमरावती जिल्ह्यातील चिखलदरा पोलिसांकडून पॉक्सो आणि विनयभंगासह विविध कलमांखाली कारवाई करण्यात आली आहे. वसतिगृहातील विद्यार्थिनीच्या जबाबावरून गुन्ह्याची नोंद करण्यात आली आहे. या घटनेनं सर्वत्र मोठी खळबळ उडाली असून या प्रकरणी मात्र पोलिसांकडून अधिक तपशील देण्यास नकार दिला आहे. त्यामुळे तपासाअंती या प्रकरणातील सत्य कळू शकणार आहे.

Gondia News : प्रवासात फिट आलेल्या वसतिगृह अधीक्षकांचे गृहरक्षक दलाच्या सैनिकांनं वाचविले प्राण

नागपूरहून गोंदिया जिल्ह्यातील अर्जुनी मोरगावकडं जाणाऱ्या एका खासगी ट्रॅव्हल्समध्ये प्रवासादरम्यान वसतिगृह अधीक्षकांना अचानक फिटचा तीव्र झटका आल्यानं ते ट्रॅव्हल्समध्येचं खाली कोसळले. मात्र, त्याच ट्रॅव्हल्समधून प्रवास करणाऱ्या एका सतर्क गृहरक्षक दलाच्या सैनिकांनं (होमगार्डनं) प्रसंगावधान राखत तातडीनं सीपीआर देत त्यांचे प्राण वाचविले. काल रात्री ही घटना भंडाऱ्याच्या लाखांदूर तालुक्यातील पाहुणगाव ते परसोडी मार्गावर घडली. मिलिंद बोरकर (वय ४५, रा. अर्जुनी मोरगाव) असं वसतिगृह अधीक्षकांचं नावं असून, कैलास कोरे असं मदत करणाऱ्या गृहरक्षक दलाच्या सैनिकांचं (होमगार्डनं) नावं आहे. मिलिंद बोरकर हे आपल्या दोन मुलींसह नागपूरच्या समाजकल्याण कार्यालयाचे काम आटोपून ट्रॅव्हल्सने परतत असताना ही घटना घडली. होमगार्ड कैलास कोरे यांनी तातडीनं धाव घेत सीपीआर दिला आणि ट्रॅव्हल्स थेट लाखांदूर ग्रामीण रुग्णालयात पोहोचविली. वेळेवर उपचार मिळाल्यामुळं बोरकर यांची प्रकृती आता धोक्याबाहेर असून, जवान कैलास कोरे यांच्या या तत्परतेचं सर्वत्र कौतुक होत आहे.

इतर महत्वाच्या बातम्या

Vishwas Nangre Patil and Chandrashekhar Bawankule: रेशीमबागेत संघाच्या विजयादशमी उत्सवाला कडेकोट बंदोबस्त, आयुक्त विश्वास नांगरे ऑन फिल्ड, पांढरा शर्ट-खाकी पँटमधील बावनकुळे समोर येताच भेटले, नेमकं काय घडलं?

Maharashtra Vidhan Parishad Result 2026: अमरावतीत पोहेरेचा पराभव, शिंदेसेनेचे सरनाईकच नायक

Maharashtra Vidhan Parishad Result 2026: कोणत्या पक्षाने कोणती निवडणूक लढवली?

Maharashtra Vidhan Parishad Result 2026 Winner Candidate List: तब्बल 45 तासांनी विधान परिषदेच्या 5 पैकी 5 जागांचा निकाल जाहीर; सर्व विजयी उमेदवारांची यादी

विधान परिषदेच्या निवडणुकीतील सर्व विजयी उमेदवारांची यादी- (Maharashtra Vidhan Parishad Result 2026 Winner Candidate List)

संबंधित बातमी:

विधान परिषद निवडणुकीच्या निकालांचे सर्व अपडेट्स, VIDEO:

विक्रमी मतदान अन् मतमोजणीची ठिकाणे

Amravati Police News: अमरावतीत पोलीस कर्मचाऱ्याचं टोकाचं पाऊल; राहत्या घरीच गळ्याला दोर लावला, चिठ्ठीतून शेवटचा संदेश