Amravati Crime News: 'पहिलं ब्रेकअप अन् तो 'प्लेबॉय' बनला"; अमरावती व्हिडीओ व्हायरल प्रकरणील मास्टरमाईंड अयान अहमदचे पोलिसांसमोर धक्कादायक खुलासे

Vijay Wadettiwar : नवनीत राणा सी-ग्रेडच्या पॉप्युलर हिरोईन, त्या आम्हाला चिल्लरच समजतात तर, मोदींना ठोक...; विजय वडेट्टीवारांनी पुन्हा डिवचलं, संजय गायकवाड यांनाही सुनावलं

प्रणय निर्बाण, एबीपी माझा — Thu, 23 Apr 2026 14:12:41 +0530

Vijay Wadettiwar on Navneet Rana: नवनीत राणा आम्हाला चिल्लरच समजतात कारण मोदींना त्या ठोक समजतात. चिल्लर आणि ठोक तर आम्ही चिल्लरच आहे. त्या किती महान आहे कारण त्या सी-ग्रेडच्या पॉप्युलर हिरोईन आहे. त्या पडद्यावरच्या तारांकिता आहे, त्यांच्या दृष्टीने आम्ही चिल्लरच असणार. अशी बोचरी टीका काँग्रेसचे नेते विजय वडेट्टीवार (Vijay Wadettiwar) यांनी केली आहे. अमरावतीतील परतवाडा प्रकरणावरून भाजप नेत्या आणि माजी खासदार नवनीत राणा (Navneet Rana) यांनी केलेल्या जातीयवादी वक्तव्यावर वडेट्टीवार (Vijay Wadettiwar) यांनी पुन्हा एकदा नवनीत राणा यांना डिवचत टीका केली आहे. नवनीत राणा म्हणजे जातीय विष पसरवण्यासाठी पोसलेली विषवल्ली असल्याचे त्यांनी म्हटले होतं. तर विजय वडेट्टीवार यांनी केलेल्या एकेरी भाषेतल्या टीकेला नवनीत राणा यांनी देखील प्रत्युत्तर देत हे चिल्लर लोक आहेत. काँग्रेसने हिरवे विषारी साप जोपासले आहेत, असे म्हणत नवनीत राणा यांनी विजय वडेट्टीवार यांच्यावर निशाणा साधला होता. त्यातच आता पुन्हा एकदा वडेट्टीवार आणि राणा यांच्यात शाब्दिक चकमक रंगली आहे.

Vijay Wadettiwar: हिरवा साप कधी विषारी नसतो, जे गोऱ्या रंगाचे असतात ते विषारी असतात

हिरवा साप हा बिनविषारी असतो. हिरवा साप कधी विषारी नसतो. जे गोऱ्या रंगाचे असतात ते विषारी असतात. त्याचाही अभ्यास करून घ्या, त्याचे उत्तर मिळेल. असेही विजय वडेट्टीवार म्हणाले. परतवाडा येथील प्रकारात महिलांनी समोर यायला पाहिजे, खरात प्रकरणात महिला समोर आल्या त्यामुळे कारवाई झाली. त्यामुळे सगळ्यांनी हिम्मत दाखवावी आणि पुढे यावं. महिला कोणत्या जाती-धर्माचे आहे, आरोपी कोणत्या जाती धर्माचा आहे, हे महत्त्वाचं नाही. परतवाड्यामध्ये जातीय रंग देण्याचे काम झालंय. हे प्रकरण पुढं जे लोक घेऊन येतात ते खरात प्रकरणात बोलत नाही. मोझरीतला विश्व हिंदू परिषदेचा पदाधिकारी आहे त्यावर बोलत नाही. असेही विजय वडेट्टीवार म्हणाले.

Vijay Wadettiwar: संजूला गंजु करुन सोडू, आमदारावर गुन्हा दाखल केला पाहिजे

आजच्या काँग्रेसच्या अध्यक्षांनी जी वस्तुस्थिती मांडली ती खरी आहे, ते दलित आहे म्हणून त्यांना ट्रॉल केलं जात आहे. सुब्रमण्यम स्वामी महिलांवर बोलले, पंतप्रधानांवर बोलले, तेव्हा का तोंड शिवलं होतं? तर शिवसेनेचे आमदार संजय गायकवाड यांच्या ऑडिओ क्लीप विषयी बोलताना विजय वडेट्टीवार म्हणाले कि, संजूला गंजु करुन सोडू, संविधानात जे आहे त्यात राहून बोलावं, पण अशी धमकी देणं हे योग्य नाही. लेखकाला अशी धमकी देणं योग्य नाही. सरकारने हे तपासलं पाहिजे. त्या आमदारावर गुन्हा दाखल केला पाहिजे. प्रा.गोविंद पानसरे यांनी जे लिहलं आहे, खरं लिहलं आहे. असेही विजय वडेट्टीवार म्हणाले.

इतर महत्वाच्या बातम्या

Vijay Wadettiwar on Navneet Rana: 'नवनीत राणा जातीय विष पसरवणारी विषवल्ली', विजय वडेट्टीवारांची बोचरी टीका, 'हिरवे साप' म्हणत राणांचा पलटवार

Amravati Video Viral : महागडे मोबाईल अन् मुलींवर उडवण्यासाठी पैशांचा हव्यास! आईचे दागिने विकून अयान अहमद पूर्ण करायचा शौक; थार गाडी मालकाचाही मोठा खुलासा

प्रणय निर्बाण, एबीपी माझा — Tue, 21 Apr 2026 09:59:43 +0530

अमरावती : अमरावतीच्या परतवाडा येथील लैंगिक शोषण, व्हिडीओ व्हायरल (Amravati Paratwada Case)आणि ब्लॅकमेलिंग प्रकरणातील मुख्य आरोपी अयान अहमद याच्याबाबत अनेक धक्कादायक खुलासे समोर येत आहेत. अयानने आपल्या चैनीसाठी स्वतःच्या आईचे मंगळसूत्र आणि सोन्याचा हार चोरून (Amravati Paratwada Case) विकला होता, अशी माहिती समोर आली आहे. त्याच्या सोशल मीडिया रिल्समधे जे नोटांचे बंडल दिसायचे, ते प्रत्यक्षात आईचे दागिने विकून मिळालेले पैसे होते. अयानला महागड्या हॉटेल्समध्ये जाणे, मुलींवर पैसे खर्च करणे आणि महागडे मोबाईल वापरणे अशा विलासी सवयी होत्या, त्यासाठी त्याने आपल्या आईचे दागिने चोरल्याचं आणि विकल्याचं समोर आलं आहे.(Amravati Paratwada Case)

Amravati Video Viral : पैशासाठी स्वतःच्या आईचे मंगळसूत्र आणि सोन्याचा...

अमरावतीच्या परतवाडामध्ये तरुणींचे लैंगिक शोषण आणि अश्लील व्हिडिओ व्हायरल केल्याच्या प्रकरणात अनेक धक्कादायक खुलासे समोर येत आहेत. या प्रकरणातील मुख्य आरोपी अयानचा (Amravati Paratwada Case) भयान चेहरा आता समोर आला आहे. पैशासाठी स्वतःच्या आईचे मंगळसूत्र आणि सोन्याचा एक हार चोरून विकला होता. अयानच्या रिल्स मध्ये असलेले नोटांचे बंडल आईचं मंगळसूत्र चोरून विकून मिळालेल्या पैशाचे होते अशी माहिती समोर आली आहे. हॉटेलमध्ये जाणे, मुलींवर पैसे खर्च करणे आणि महागडे मोबाईल वापरणे यांचा अयानला छंद होता. यातूनच तो कर्जबाजारी झाला आणि मग त्याने आईचं मंगळसूत्र ही चोरून विकलं अशी माहिती समोर आली आहे.(Amravati Paratwada Case)

Amravati Video Viral : आयनचा थार अन् चार iPhone चा व्हिडीओ व्हायरल, ती कार कोणाची?

अमरावतीच्या परतवाडा प्रकरणातील मुख्य आरोपी अयान अहमद याचा एक व्हिडीओ व्हायरल झाला आहे, त्यामध्ये तो 'थार' (Thar) कारमध्ये बसलेला आहे, त्याच्याकडे चार आयफोन आहेत, हा व्हिडीओ व्हायरल झाल्यानंतर आता ती गाडी कोणाची? गाडीचे मालक कोण आहेत? आणि त्या व्हिडिओमागील सत्य काय आहे?, याची माहिती समोर आली आहे.(Amravati Paratwada Case)

अयान ज्या काळ्या रंगाच्या थार गाडीत (MH 27 DL 3111) व्हिडिओ बनवताना दिसला, ती गाडी परतवाडा येथील राजेश रोशनलाल प्रजापती यांच्या मालकीची आहे. राजेश प्रजापती यांचे तिथे 'संजय ऑटो पार्ट्स' नावाचे दुकान आहे. राजेश प्रजापती यांचा मुलगा आर्यन प्रजापती याने दिलेल्या माहितीनुसार, त्याची आणि अयानची ओळख OLX वरून झाली होती. आर्यनला अयानकडून एक मोबाईल घ्यायचा होता, त्या संदर्भात त्यांची भेट झाली होती. अयानने आर्यनला सांगितले की तो एक 'रील क्रिएटर' असून त्याचे १८,००० फॉलोअर्स आहेत. त्याने आर्यनला विनंती केली की त्याला गाडीसोबत एक व्हिडिओ बनवायचा आहे. ओळखीच्या नात्याने आर्यनने त्याला गाडीत व्हिडिओ बनवू दिला.

तर अयानच्या रीलमध्ये दिसणारी बंदूक ही शिकारीची किंवा खरी बंदूक नसून ती शेतात जनावरांना पळवण्यासाठी वापरली जाणारी 'एअर गन' (Air Gun) असल्याचा दावा आर्यनने केला आहे. हा व्हिडिओ व्हायरल झाल्यानंतर पोलिसांनी राजेश आणि आर्यन प्रजापती यांना पोलीस ठाण्यात बोलावून त्यांची चौकशी केली आणि त्यांचे जबाब नोंदवून घेतले आहेत.

Amravati Crime News: परतवाडा प्रकरणातील आरोपी अयान अहमदची इन्स्टाग्रामवर प्रचंड 'क्रेझ', अटक होताच फॉलोअर्स धडाधड वाढले

जयदीप मेढे — Mon, 20 Apr 2026 13:58:58 +0530

Amravati Crime News: अमरावतीच्या (Amravati) परतवाडा (Paratwada) येथील अल्पवयीन मुलींवरील अत्याचार आणि आक्षेपार्ह व्हिडीओ व्हायरल झाल्याच्या प्रकरणाने संपूर्ण जिल्हा हादरला आहे. या प्रकरणाचा तपास आता निर्णायक टप्प्यावर आला असून, विशेष तपास पथकाच्या (SIT) हाती मोठे तांत्रिक पुरावे लागले आहेत. धक्कादायक बाब म्हणजे, मुख्य आरोपी अयान अहमद याच्यावरील गुन्ह्याचे गांभीर्य वाढत असतानाच सोशल मीडियावर त्याची 'क्रेझ' वाढताना दिसत आहे.

Amravati Crime News: तांत्रिक तपासात मोठे यश

एसआयटीने या प्रकरणात जप्त केलेल्या पाचपैकी तीन मोबाईलमधील डेटा रिकव्हर करण्यात तांत्रिक विभागाला यश आले आहे. या मोबाईलमधील चॅट्स आणि डेटावरून संशयितांच्या संख्येत मोठी वाढ होण्याची शक्यता आहे. उपविभागीय पोलिस अधिकारी आणि एसआयटी प्रमुख शुभम कुमार यांच्या नेतृत्वाखाली हे पथक वेगाने कारवाई करत असून, लवकरच काही मोठ्या अटकेची शक्यता वर्तवण्यात येत आहे.

Amravati Crime News: सोशल मीडियावरील 'फॉलोअर्स' वाढल्याने आश्चर्य

मुख्य आरोपी अयान अहमद याच्या कृत्याबद्दल सर्वत्र संताप व्यक्त होत असतानाच, त्याच्या इन्स्टाग्राम फॉलोअर्सची संख्या वाढणे चिंताजनक मानले जात आहे. गुन्हा दाखल झाला तेव्हा अयानचे 18 हजार फॉलोअर्स होते, मात्र अटकेनंतर अवघ्या काही दिवसांत त्यात 4 हजारांची भर पडून हा आकडा 22 हजारांच्या पार गेला आहे. समाजविघातक कृत्य करणाऱ्या आरोपीची ही वाढती 'क्रेझ' वाढल्याने आश्चर्य व्यक्त होत आहे.

Amravati Crime News: आतापर्यंत 10 संशयितांना अटक

अयान अहमद आणि त्याचा मित्र उजैर खान यांनी केवळ शोषण केले की पीडित मुलींच्या कुटुंबीयांना ब्लॅकमेल करून पैशांची मागणीही केली होती? या दिशेने आता एसआयटीने तपासाची चक्रे फिरवली आहेत. आतापर्यंत 10 संशयितांना ताब्यात घेण्यात आले असून त्यांची कसून चौकशी सुरू आहे. या प्रकरणावर स्थानिक धार्मिक नेतृत्वानेही स्पष्ट भूमिका घेतली आहे. परतवाडा येथील शहर-ए-काजी सय्यद गैसोद्दीन यांनी अयान अहमदच्या कृत्याचा तीव्र निषेध केला आहे. "आरोपी कोणत्या धर्माचा आहे हे न पाहता त्याच्यावर कठोर कारवाई झाली पाहिजे. मुस्लिम समाजाने अशा गुन्हेगाराला पाठीशी न घालता त्याच्या शिक्षेसाठी पाठिंबा द्यावा," असे आवाहन त्यांनी केले आहे.

Amravati Crime News: काय म्हणाले पोलीस अधीक्षक?

दरम्यान, पोलीस अधीक्षक विशाल आनंद यांनी पत्रकार परिषद या प्रकरणाची माहिती दिली आहे. 15 वर्षाच्या तरुणीचा आम्ही ऑन रेकॉर्ड जबाब घेतला आहे. यावेळी तरुणीची आई सोबत होती. आठ पिडीत पैकी एका पिडीतीने जबाब दिला आहे. ही तपासासाठी चांगली गोष्ट आहे. आरोपी क्रमांक दोन उजेर खान याच्या विरोधात एका 16 वर्षीय मुलीच्या आईने तक्रार दिली आहे. त्यामुळे एक वेगळा पॉक्सो अंतर्गत गुन्हा दाखल करण्यात आला आहे. आम्ही जे मोबाईल, लॅपटॉप, टॅब आणि हार्डडिक्स हस्तगत केले ते प्रयोगशाळेत पाठवण्यात आले आहे. ज्या व्हायरल व्हिडीओमध्ये आरोपी थार गाडीत बसत आहे, त्यात बंदूक ठेवली, नोटांचे बंडल दिसत आहे. ती गाडी राजेश प्रजापती यांची आहे. तो प्रजापती कोण आहे? आणि अयान सोबत त्याचे काय संबंध आहे? याचा तपास सुरु असल्याची माहिती त्यांनी दिलीय.

आणखी वाचा

Rohini Khadse: सूरतमध्ये गॅस टंचाईमुळे मजुरांचा रोजगार आणि अन्न दोन्ही हिरावून घेतलं, सरकारने परिस्थिती सुधारली नाही तर मुंबई पुणेसारख्या शहरातही अशीच अवस्था होईल; रोहिणी खडसेंचा इशारा

Amravati Crime News: नवनीत राणा, अनिल बोंडे, प्यारे खान यांनी बेजबाबदार वक्तव्य करू नये; चंद्रशेखर बावनकुळे यांची पक्षातील नेत्यांना तंबी, परतवाडा प्रकरणावरून वडेट्टीवारांनाही सुनावलं

तुषार कोहळे — Mon, 20 Apr 2026 12:57:31 +0530

Amravati Crime News: अमरावतीच्या परतवाडा येथील बहुचर्चित लैंगिक शोषण आणि ब्लॅकमेलिंग प्रकरणाचा मुख्य सूत्रधार अयान अहमद याच्याबद्दल दररोज नवनवीन आणि धक्कादायक माहिती समोर येत आहे. दुसरीकडे याच मुद्द्यावरून राज्याचं राजकारण देखील तापलं आहे. या प्रकरणावर बोलताना भाजप नेत्या आणि माजी खासदार नवनीत राणा (Navneet Rana) यांनी केलेल्या जातीयवादी वक्तव्यावर काँग्रेसचे नेते विजय वडेट्टीवार (Vijay Wadettiwar) यांनी जहरी टीका केली होती. नवनीत राणा म्हणजे जातीय विष पसरवण्यासाठी पोसलेली विषवल्ली असल्याचे त्यांनी म्हटले आहे. तर विजय वडेट्टीवार यांनी केलेल्या एकेरी भाषेतल्या टीकेला प्रत्युत्तर देतांना नवनीत राणा यांनी विजय वडेट्टीवार यांना 'हे चिल्लर लोक असल्याचं म्हंटलंय.

एकंदरीत या आरोप-प्रत्यारोपांवर भाजप नेते आणि महसूल मंत्री चंद्रशेखर बावनकुळे (Chandrashekhar Bawankule ) यांनी भाष्य करत पक्षातील नेत्यांना तंबी दिली आहे. संवेदनशील प्रकरणावर बोलतांना नवनीत राणा, अनिल बोंडे, प्यारेखान, विजय वडेट्टीवार यांनी बेजबाबदार वक्तव्य करू नये.

Chandrashekhar Bawankule : माझी सर्वांना विनंती, अमरावतीचे आनंदाचे वातावरण दूषित करू नये.

परतवाडा सारख्या संवेदनशील प्रकरणावर बोलतांना नवनीत राणा, अनिल बोंडे, प्यारे खान, विजय वडेट्टीवार यांनी बेजबाबदार वक्तव्य करू नये. पोलिसांकडून अधिकृत माहिती घेवूनच या विषयावर बोलावे. माझी सर्वांना विनंती आहे की अमरावतीचे आनंदाचे वातावरण दूषित करू नये. पोलिसांनी या संपूर्ण प्रकरणाची माहिती दिली आहे. पोलीस तपासात आणखी अधिकृत माहिती दिली जाईल. असेही अमरावतीचे पालकमंत्री आणि महसूल मंत्री चंद्रशेखर बावनकुळे म्हणाले.

Chandrashekhar Bawankule on Congress : महाराष्ट्रातील 150 महिलांना विधासभेत जाण्यापासून काँग्रेसने रोखले

मुख्यमंत्री देवेंद्र फडणवीस यांनी आधीच सर्व पालकमंत्री व जिल्हाधिकाऱ्यांना संभाव्य दुष्काळ संदर्भात सर्व स्तरावरील उपयोजना सुचवल्या होत्या. त्या पार्श्वभूमीवर दुष्काळी परिस्थितीसाठी काय उपयोजना करता येईल, या संबंधी विभागांना सूचना द्यायच्या आहे. यासाठी ही बैठक बोलावली आहे. महिला आरक्षण विधेयक पाडून काँग्रेसने भ्रूणहत्येचे काम केले आहे. महाराष्ट्रातील 150 महिलांना विधासभेत जाण्यापासून काँग्रेसने रोखले आहे. असेही चंद्रशेखर बावनकुळे म्हणाले.

दरम्यान, यवतमाळ मधील मुली बेपत्ता होत असल्याच्या प्रकरणाबाबत बोलताना चंद्रशेखर बावनकुळे म्हणाले कि, या संपूर्ण प्रकरणाची माहिती पोलिसांना आहे. विदर्भातला विषय असल्याने या प्रश्नाकडे मुख्यमंत्र्यांनी जातीने लक्ष घातले आहे. मी देखील जातीने लक्ष घालील. आदिवासी मुलींचा विषय आहे. आमचे आदिवासी विभागाचे मंत्री अशोक उईके यांचे देखील याकडे जातीने लक्ष आहे. असेही चंद्रशेखर बावनकुळे म्हणाले.

इतर महत्वाच्या बातम्या

Parth Pawar on Baramati By Election: बारामतीची पोटनिवडणूक बिनविरोध व्हायला हवी होती, पण काही लोकांनी...; पार्थ पवारांचा मोठा दावा

Amravati Crime News: मदत करतो बोलून गाडीवर बसवले; निर्जनस्थळी नेऊन महिलेवर वारंवार अत्याचार; पुन्हा महाराष्ट्र हादरला

रजत वशिष्ट, एबीपी माझा, नागपूर — Mon, 20 Apr 2026 06:36:05 +0530

Amravati Crime News: महाराष्ट्र-मध्यप्रदेश सीमेवरील एक धक्कादायक माहिती समोर आली आहे. एका 65 वर्षीय महिलेवर अत्याचार केल्याची घटना घडली आहे. सदर घटनेनंतर सीसीटीव्हीच्या आधाराने पोलिसांनी अटक केली आहे. (Amravati Crime News)

नेमकं काय घडलं? (Amravati Crime News)

महाराष्ट्र-मध्यप्रदेश सीमेवरील म.प्र.येथील एका गावातून परतवाडा येथे उपचाराकरीता पायी जात असलेल्या 65 वर्षीय वृद्ध महिलेला अज्ञात आरोपीने, मी पण परतवाडा येथे जात आहे चला मी तुम्हांला माझ्या गाडीवर सोडतो असे म्हणून पीडित महिलेस स्वतःच्या दुचाकीवर बसवले आणि परतवाडाकडे निघाला. रस्त्यातच खरपी शिवारात रस्त्याच्या डावीकडे जाणाऱ्या पांदन रस्त्यावर निर्जन आणि एकांत ठिकाणी आरोपीने वृद्ध महिलेस मला इकडे एक काम आहे, चला आपण तिकडे जाऊ, माझे काम करून पूढे परतवाड्याला जाऊ, असे म्हणून महिलेस गाडीखाली उतरवून तिला पांदन रस्त्याकडे नेले आणि तिथे कोणीही नसल्याचा फायदा घेत वृद्ध महिलेशी बळजबरीने वारंवार संभोग केला आणि महिलेकडील तिच्या उपचाराकरीता असलेले 600 रुपये बळजबरीने काढून घेतले.

पीडित महिलाला मारहाणही केली- (Amravati Crime News)

सदर घटनेदरम्यान गुन्ह्यातील पीडित महिलेला गंभीर दुखापत आरोपीने केली. आरोपीने पीडित महिलेस स्वतःचे दुचाकीवर ज्या मार्गाने नेले, त्या मार्गावरील सर्व सीसीटीव्ही फुटेजची तपासणी शिरजगाव कसबा पोलीसांनी केली आणि त्याला आज अटक केली असून आरोपीचे नाव आवेज खान युनुस खान, राहणार परतवाडा असे असल्याचे निष्पन्न झाले.

भंडाऱ्याच्या मोहदुरा गावातही हादरवणारी घटना- (Bhandara Crime News)

भंडारा जिल्ह्यातून एक अत्यंत संतापजनक आणि माणुसकीला काळीमा फासणारी घटना समोर आली आहे. आपल्या मुलीच्या अल्पवयीन मैत्रिणीवरचं एका नराधमान अत्याचार केल्याचा धक्कादायक प्रकार भंडाऱ्याच्या मोहदुरा गावात घडला आहे. या घटनेनंतर पीडित मुलीनं विषप्राशन करून आत्महत्येचा प्रयत्न केला असून, सध्या तिच्यावर जिल्हा सामान्य रुग्णालयात उपचार सुरू आहेत. आरोपीची मुलगी आणि पीडिता या दोघीही एकाच वर्गात शिकतात. पीडिता तिच्या मैत्रिणीच्या म्हणजेच आरोपीच्या घरी थांबली असताना, आरोपीनं तिला दुचाकीवर फिरवून आणण्याच्या बहाण्यानं बाहेर नेत एका निर्जनस्थळी नेऊन अत्याचार केला. शुक्रवारी सकाळी पीडितेनं घडलेला प्रकार आपल्या कुटुंबीयांना सांगितल्यानंतर गावात एकच खळबळ उडाली. या घटनेच्या धक्क्यातून आणि मानसिक त्रासातून पीडितेनं विषप्राशन करून आपले जीवन संपवण्याचा प्रयत्न केला. तिला तातडीनं जिल्हा सामान्य रुग्णालयात दाखल करण्यात आलं असून तिची प्रकृती स्थिर असल्याची माहिती मिळत आहे. घटनेची माहिती मिळताच भंडारा पोलिसांनी आरोपी सोमा मेश्राम याला अटक केली आहे.

राज्यासह देश-विदेशातील महत्वाच्या घडामोडी, VIDEO:

Amravati Crime News: हाय हॅलो करत बसायचं नाही तर, एकच प्रश्न थेट विचारायचा अन्...; अमरावती व्हिडीओकांड प्रकरणातील मास्टमाईंड अयानला 'लव्ह गुरु'च्या टिप्स

जयदीप मेढे — Sat, 18 Apr 2026 15:44:56 +0530

Amravati Crime News: अमरावतीच्या परतवाडा येथील बहुचर्चित लैंगिक शोषण आणि ब्लॅकमेलिंग प्रकरणाचा मुख्य सूत्रधार अयान अहमद याच्याबद्दल दररोज नवनवीन आणि धक्कादायक माहिती समोर येत आहे. केवळ मित्रांमध्ये फुशारकी मारण्यासाठी आणि आपल्या विकृत शौकासाठी अयानने अनेक मुलींना जाळ्यात ओढल्याचे तपासात निष्पन्न झाले आहे. धक्कादायक बाब म्हणजे, अयानला मुलींशी जवळीक साधण्यासाठी टिप्स देणारा एक 'लव्ह गुरु' देखील तपासादरम्यान समोर आला आहे.

Amravati Crime News: 'लव्ह गुरु'ची विचित्र शिकवण

अयानला मुलींना प्रेमाच्या जाळ्यात कसे ओढायचे, याचे धडे देणारा एक 'लव्ह गुरु' होता. तो अयानला शिकवायचा की, मुलींना कधीही 'हाय-हॅलो' असे साधे मेसेज करायचे नाहीत. त्याऐवजी त्यांना उत्तर देण्यास भाग पाडणारा एखादा प्रश्न विचारायचा. उदाहरणार्थ, "आप वही हो ना, जो वहा मिले थे?" (तुम्ही तेच ना, जे तिथे भेटले होते?) असा प्रश्न विचारून तो मुलींना चॅटिंग करण्यास भाग पाडत असे. एकदा का संभाषण सुरू झाले की, तो हळूहळू त्यांना आपल्या जाळ्यात ओढायचा.

Amravati Crime News: 500 रुपयांत मिळायचा विकृत कारनाम्यांसाठी फ्लॅट

अयानने आपल्या विकृत कारनाम्यांसाठी अमरावती शहरातील एका फ्लॅटचा वापर केला होता. मानव सुगंधे या मित्राच्या फ्लॅटवर तो वर्षभरात 7 ते 8 वेळा मुलींना घेऊन गेला होता. पीयूष नावाच्या एका मध्यस्थी मित्राच्या मदतीने अयान आणि मानव यांची ओळख झाली होती. प्रत्येक वेळी 500 रुपये देऊन अयान या फ्लॅटमधील खोलीचा वापर करत असे. पोलिसांनी आता मानव सुगंधेलाही अटक केली आहे.

Amravati Crime News: कॅफेमधील आक्षेपार्ह वर्तन आणि पोलिसांचा शोध

केवळ फ्लॅटवरच नाही, तर अमरावती शहरातील दोन आणि परतवाडा येथील तीन नामांकित कॅफेमध्येही अयानने मुलींसोबत आक्षेपार्ह वर्तन केल्याचे समोर आले आहे. पोलीस आता या पाचही कॅफे चालकांचा आणि तिथल्या सीसीटीव्ही फुटेजचा शोध घेत आहेत. या प्रकरणात आतापर्यंत 8 आरोपींना बेड्या ठोकण्यात आल्या आहेत. अटक केलेल्या आठ आरोपींपैकी अयान मुख्य सूत्रधार आहे. मानव सुगंधे हा फ्लॅट उपलब्ध करुन देणारा, तर उर्वरित सहा आरोपी आक्षेपार्ह व्हिडिओ एकाकडून दुसऱ्याला व्हायरल करणारे आहेत.

आणखी वाचा

Amravati Crime News: 'हे' एक वाक्य बोलून अयान मुलींना हेरायचा, इन्स्टाग्रामवर 18 हजार फॉलोअर्स, अमरावती व्हिडीओकांड प्रकरणाचा पर्दाफाश कसा झाला?

Amravati Crime News: कॅफे चालकासोबत प्रतितास 400 रुपयांची डील, सेप्रेट कम्पार्टमेंटमध्ये तरुणींसोबत नको 'ते' कृत्य, अमरावती प्रकरणातील मास्टरमाईंडचा धक्कादायक कारनामा उघड

प्रणय निर्बाण, एबीपी माझा — Sat, 18 Apr 2026 10:57:39 +0530

Amravati Crime News: अमरावतीच्या परतवाडामध्ये तरुणींचे लैंगिक शोषण (Amravati Crime News)आणि अश्लील व्हिडिओ व्हायरल केल्याच्या प्रकरणाच्या तपासात दिवसागणिक धक्कादायक माहिती समोर येत आहे. या प्रकरणातील मुख्य मास्टरमाईंड अयान अहमद तनवीर अहमद (१९, रा. परतवाडा) याच्या अटकेनंतर या प्रकरणाला वेगळे वळण लागले असून त्याचा कारनाम्याची संतापजनक (Crime News)माहिती समोर येऊ लागली आहे. अशातच आता आरोपी अयान अहमद अमरावती शहरातील ज्या कठोरा नाका भागातील फ्लॅटवर मुलींचे लैंगिक (Amravati News)शोषण करत होता, त्याच कठोरता भागात असलेल्या 'द कॅफे रॉयल 10' कॅफेमध्ये देखील मुलींना आणायचा, अशी माहिती तपासात पुढे आली आहे. दरम्यान, या कॅफेमध्ये मुलींना घेऊन बसण्यासाठी आरोपी अयान कॅफे चालकाला चारशे रुपये प्रतितास द्यायचा. सोबतच या कॅफेमध्ये प्रत्येक कपल्सला बसण्यासाठी वेगवेगळे सुरक्षित कंपार्टमेंट असल्याचीही सूत्रांची माहिती आहे.

Amravati Crime News: आयानला पोलिसांनी कॅफेत आणलं; कॅफेवर अमरावती पोलिसांनी तीन ते चार वेळा रेड

विशेष म्हणजे या 'द कॅफे रॉयल 10' कॅफेवर अमरावती पोलिसांनी तीन ते चार वेळा रेड केलेली आहे. अशातच आरोपी अयान हा अमरावतीसह अचलपूर, परतवाडा मधील कॅफेमध्ये देखील मुलींना घेऊन जायचा. त्या कंपार्टमेंटमध्ये मुला-मुलींचे अश्लील चाळे चालत असल्याचेही समजते. दरम्यान, आरोपी आयानला पोलिसांनी या ठिकाणी चौकशीसाठी आणलं होतं. काल (शुक्रवारी) पोलिसांनी या कॅफे चालकाची चौकशी केली असून कॅफेचा पंचनामा देखील केला आहे. त्यामुळे या कॅफेवर आता पुन्हा मोठी कारवाई केली जाते का? हे पाहणे महत्वाचे ठरणार आहे.

Chandrashekhar Bawankule: पालकमंत्री म्हणून मी रोज या घटनेला बघत आहे

अमरावतीला प्रत्यक्ष जाऊन घटनेचा आरोपीबाबत काय तपास झाला, हे पालकमंत्री म्हणून मी रोज या घटनेला बघत आहे. या प्रकरणाची व्याप्ती लक्षात घेता ऍडव्हान्स प्रणाली वापरून, फॉरेन्सिक आणि डिजिटल प्रणालीचा वापर करून तपास सुरु आहे. चौकशी भरकटेल असे कुठलेही वक्तव्य कोणी करू नये. डिजिटल पुरावे त्याच्यात ऑडिट केला जाणार आहे. सात मोबाईल जप्त केले आहे. यात फॉरेनसीक तपास झाल्याशिवाय, त्याचा पूर्ण रिपोर्ट आल्याशिवाय मी त्यावर बोलणे योग्य होणार नाही. पोलिसांच्या तपासात नेमकं काय येतं, हे पाहणं जास्त महत्त्वाचा आहे. अंशी प्रतिक्रिया अमरावतीचे पालकमंत्री चंद्रशेखर बावनकुळे (Chandrashekhar Bawankule) यांनी दिली आहे.

इतर महत्वाच्या बातम्या

Amravati Crime News: 'हे' एक वाक्य बोलून अयान मुलींना हेरायचा, इन्स्टाग्रामवर 18 हजार फॉलोअर्स, अमरावती व्हिडीओकांड प्रकरणाचा पर्दाफाश कसा झाला?

Amravati Crime News: 'हे' एक वाक्य बोलून अयान मुलींना हेरायचा, इन्स्टाग्रामवर 18 हजार फॉलोअर्स, अमरावती व्हिडीओकांड प्रकरणाचा पर्दाफाश कसा झाला?

प्रणय निर्बाण, एबीपी माझा — Sat, 18 Apr 2026 09:47:06 +0530

अमरावती : अमरावती परतवाडा व्हिडीओ व्हायरल प्रकरणातील आरोपी अयान अहमदबाबत (Amravati Crime News) तपासात रोज नवनवीन खुलासे समोर येत आहेत. मेळघाटातील बीएससीचा विद्यार्थी ते डझनावर मुलींच्या आयुष्याशी खेळणारा परतवाडा 'व्हिडीओ कांड'चा मुख्य सूत्रधार असलेल्या अयान अहमदच्या (Amravati Crime News) विकृतीचा रोज नव्याने पर्दाफाश होत आहे. आप वही हो ना?' या एका साध्या वाक्यातून संवादाच जाळ विणून मुलींना आपल्या जाळ्यात ओढणारा अयान अहमद सध्या पोलिस कोठडीत असून, त्याने दिलेली कबुली ऐकून एसआयटी चक्रावून गेली आहे.(Amravati Crime News)

एका कथित 'गुरू'ने दिलेल्या 'गुरुमंत्रा'चा वापर करून त्याने डझनावारी मुलींना आपल्या जाळ्यात ओढल्याचे समोर आले आहे. अयान केवळ सोशल मीडियावर 'हाय-हॅलो' करण्यावर विश्वास ठेवत नव्हता. चौकशीत त्याने सांगितले की, दोन वर्षापूर्वी एका तरुण गुरूने त्याला संवादाचे कौशल्य शिकवले होते. 'आप वही हो ना? अशा संभ्रम निर्माण करणाऱ्या प्रश्नाने तो संवादाची सुरुवात करायचा. समोरची मुलगी 'हो' किंवा 'नाही' असे उत्तर न देता सविस्तर बोलायची आणि येथूनच अयानच्या जाळ्यात अडकण्याची प्रक्रिया सुरू व्हायची. आरोपी आयनला सोशल मिडीयावरती मोठ्या संख्येत फॉलोवर आहेत. इन्स्टाग्रामवर १८ हजार फॉलोअर्स असलेल्या या नराधमाने सोशल मीडियाचा वापर 'हंटिंग ग्राउंड' सारखा केला.(Amravati Crime News)

Amravati Crime News: तो मित्राचा फ्लॅट सात ते आठ वेळा वापरला

अमरावतीच्या कठोरा नाका परिसरातील एका टू-बीएचके फ्लॅटमध्ये अयानने काही मुलींसोबत नको ते केले. अयानचा मित्र आणि अटकेत असलेला आरोपी मानव सुगंधे याने अयानला ५०० रुपये प्रतितास या दराने हा फ्लॅट उपलब्ध करून दिला होता. आता फ्लॅटमालक पोलिसांच्या रडारवर आहे.

Amravati Crime News: परतवाड्याच्या एपीआयसह वाढदिवसाला असलेले तीन पोलिस निलंबित

सोशल मीडियावर व्हायरल झालेल्या एका व्हिडीओमध्ये परतवाड्याचे काही पोलिस मुख्य आरोपी अयान अहमद याचा वाढदिवस साजरा करताना दिसून येत होते. या बाबीचा गुन्ह्याच्या तपासावर प्रभाव पडू नये, यासाठी परतवाडा पोलिस ठाण्यातील तिघांना निलंबित करण्यात आले आहे.

Amravati Crime News: अयान अहमदचे जुने व्हिडीओ फोटो व्हायरल

परतवाडा प्रकरणातील आरोपी अयान अहमदचे जुने व्हिडीओ फोटो व्हायरल झाले आहे. गळ्यात MIM पक्षाचा रुमाल घालून दर्ग्यावर असतांनाचा फोटो तर एका दुसऱ्या व्हिडिओत MIM च्या उमेदवाराचा रिल बनवतांनाचा व्हिडीओ समोर आला आहे.

Amravati Crime News: अयान अहमद याला लहानपासून रिल बनवण्याचा शौक

परतवाडा प्रकरणी मुख्य आरोपी असलेला अयान अहमद याला लहानपासून रिल बनवण्याचा शौक होता. वयाच्या 14-15 व्या वर्षांपासून त्याने सोशल मीडियावर रिल बनवणे सुरू केले. डायलॉग म्हणणे, गाण्यावर स्टाईलने चालणे असे अनेक व्हिडीओ त्याने इन्स्टाग्रामवर टाकले आहे. सोशल मीडियावर अतिशय ऍक्टिव्ह असल्यानेच त्याने अनेक मुलींना आपल्या जाळ्यात ओढले आणि त्यांना ब्लॅकमेल करून अनेक मुलींचे अश्लील व्हिडीओ बनवले.

Video: पोक्सो दाखल करा म्हणताच नवनीत राणांचा संताप; म्हणाल्या, प्यारे खान आधी स्वतःचं पाहा, संविधान पुढे ठेवाल की कुराण?

प्रणय निर्बाण, एबीपी माझा — Fri, 17 Apr 2026 18:14:12 +0530

अमरावती: जिल्ह्यातील परतवाडा येथे अनेक मुलींवर लैंगिक अत्याचार करुन त्यांचे व्हिडिओ व्हायरल केल्याप्रकरणी पोलिसांनी दोन आरोपींना बेड्या ठोकल्या आहेत. याप्रकरणी, अधिक तपास सुरू असून भाजप नेत्यांकडून हा लव्ह जिहादचा प्रकार असल्याचं बोललं जात आहे. त्यावरुन, राजकीय वाद पेटल्याचं पाहायला मिळत आहे. भाजपच्या माजी खासदार नवनीत राणा (Navneet Rana) यांनी या प्रकरणाला धार्मिक रंग दिल्याचा आणि पीडित मुलींची ओळख उघड केल्याचा ठपका ठेवत, त्यांच्यावर 'पोक्सो' (POCSO) अंतर्गत गुन्हा दाखल करण्याची मागणी राज्य अल्पसंख्याक आयोगाचे प्रमुख प्यारे खान यांनी केली होती. आता, प्यारे खान यांच्या मागणीनंतर नवनीत राणांनी प्रत्युत्तर दिलं आहे. प्यारे खान कुराण बाजूला ठेऊन संविधान घेणार का? असा सवाल राणा यांनी विचारला.

नाशिकमध्ये आमच्या मुलींना बीफ दिलं, बुरखा घालायला लावला, अमरावतीमध्ये कोल्हे प्रकरण झालं तेव्हा कूठ गेले होते प्यारे खान? राज्यात लव जिहाद होते तेव्हा प्यारे खान कुठं जातात? आमच्या मुलीशी लग्न केलं जाते तेव्हा प्यारे खान खान कुठं जाते? असा सवाल भाजप महिला नेत्या नवनीत राणा यांनी विचारला आहे. तसेच, प्यारे खान यांनी आपल्या पदाचा राजीनामा दिला पाहिजे, आम्ही हिंदूंच्या बाजुने असून आजच्या आज तुम्ही पद सोडा, मुस्लिमच्यावतीने माफी मागा, अशी मागणी देखील राणा यांनी केली.

प्यारे खान आधी स्वतःचं पाहा, त्यांनी समाजाच्या वतीने माफी मागावी मग नवनीत राणांची कंप्लेंट हवी तिथे करा. हिंदू मुलींना कोणी फसवलं तर नवनीत राणा नेहमीच मैदानात राहील. अचलपूर प्रकरणात लॅपटॉप जप्त होऊ द्या, मग तुमच्याशी बोलू, अचलपूर प्रकरतात पाच ते सहा मुलं होते, ज्यांचे जास्त झाले त्यांचे खुल्या आकाशबाजी करुन केक कापत होते. प्यारे खान एका जबाबदार पदावर आहेत, ते संविधान पुढे ठेवतील की कुराण याच उत्तर द्याव, असा सवालही नवनीत राणा यांनी प्यारे खान यांना विचारला.

परतवाड्याच्या प्रकरणात मुख्य आरोपीच्या वडिलांना सहआरोपी करा, अशी मागणीही भाजप नेत्या नवनीत राणा यांनी केली. मुख्य आरोपीला वडील प्रोत्साहन देतं होते, परिसरातून माहिती घेतली तेव्हा आरोपीचे वडील लोकांना सांगायचे, माझा मुलगा दहा मुली, वीस मुली, तीस मुली या पद्धतीने बोलत असतील तर त्याला तातडीने आरोपी केलं पाहिजे, लॅपटॉप जप्त झाल्यावर सगळी पोल खुलेल, असेही राणांनी म्हटले.

माझी नणंद म्हणत यशोमती ठाकूरांवर हल्लाबोल

भाजप दंगली घडवण्याचा प्रयत्न करत आहे, असा आरोप काँग्रेसच्या यशोमती ठाकूर यांनी केला होता. त्यावर नवनीत राणा यांनी सडेतोड उत्तर दिलंय. यशोमती ठाकूर यांनी राजकीय पोळ्या शेकणे बंद करावं. नणंद बाईला इतकचं उत्तर आहे, त्यांनाही मुलगी आहे, मलाही मुलगी आहे. नाशिक प्रकरणात बॉस गरीब मुलीचा छळ करत होता, बुरखा घालत होते, त्यांना बिफ खाऊ घालत होते, त्यांना नमाज वाचायला सांगत होते, तेव्हा यशोमती ठाकूर कुठे गेल्या होत्या? असा सवाल नवनीत राणा यांनी केला. नाशिक TCS, खरात प्रकरण किंवा अमरावतीचे परतवाडा प्रकरण असो, गुन्हा करणाऱ्या सगळ्यांना गोळी मारली पाहिजे, पाकिस्तान जेव्हा काही चांगलं करते तेव्हा देशात त्याचे झेंडे लागतात. यशोमती ठाकूर पाकिस्तानची झेंडाप्रेमी आहे की या देशाची? आम्ही धर्मग्रंथ बाजूला ठेवू पण संविधान पुढे ठेवू, पण प्यारे खान यांना विचारा कुराण मागे ठेवा आणि संविधान पुढे ठेवा, असे म्हणत नवनीत राणा यांनी प्यारे खान आणि यशोमती ठाकूर यांच्यावर हल्लाबोल केला.

Amravati Crime News: 'पहिलं ब्रेकअप अन् तो 'प्लेबॉय' बनला"; अमरावती व्हिडीओ व्हायरल प्रकरणील मास्टरमाईंड अयान अहमदचे पोलिसांसमोर धक्कादायक खुलासे

अंकिता खाणे — Fri, 17 Apr 2026 13:13:27 +0530

परतवाडा (अमरावती): अमरावती येथील तरुणींचे लैंगिक शोषण आणि व्हिडिओ व्हायरल केल्याच्या प्रकरणाने संपूर्ण राज्य हादरले असतानाच, या प्रकरणाचा मास्टरमाईंड (Amravati Crime News) अयान अहमद याने पोलीस चौकशीत अत्यंत धक्कादायक आणि संतापजनक खुलासे केले आहेत. "पहिल्या ब्रेकअपमुळे मी 'प्लेबॉय' बनलो," (Amravati Crime News) असे अयानने पोलिसांना चौकशीदरम्यान सांगितले आहे. हे कोणतेही मानसिक आजाराचे प्रकरण नसून, एका विशिष्ट किशोरवयीन मानसिकतेतून आणि बदलेल्या जीवनशैलीतून घडलेला प्रकार असल्याचे वरिष्ठ पोलीस अधिकाऱ्यांनी म्हटले आहे. याबाबतचे वृत्त टाईम्स ऑफ इंडिया या इंग्रजी वृत्तपत्राने दिले आहे.(Amravati Crime News)

Amravati Crime News: सोशल मीडियाचा वापर करून तरुणींना जाळ्यात ओढले

पोलिस तपासातून समोर आले की, अयान अहमद हा इन्स्टाग्रामवर प्रचंड सक्रिय होता. त्याचे १८ हजारांहून अधिक फॉलोअर्स होते आणि तो 'इन्स्टाग्राम इन्फ्लुएन्सर' म्हणून पेड जाहिरातींमधून (Paid Promotions) चांगले पैसे कमवत होता. त्याचा मोबाईल विक्रीचा व्यवसायही जोरात सुरू होता. मात्र, हायफाय लाईफस्टाईल आणि मुलींवर पैसे उधळण्याची हौस भागवण्यासाठी तो मित्र आणि कुटुंबाकडून सतत पैसे उसने घ्यायचा. आपल्या भपकेबाज सोशल मीडिया प्रोफाइलचा वापर करून तो मुलींना आकर्षित करत होता अशी माहिती देखील समोर आली आहे. (Amravati Crime News)

अयान सोशल मीडियाच्या माध्यमातून मुलींशी संपर्क साधायचा. त्यानंतर चार ते पाच महिने त्यांच्याशी संवाद साधून त्यांचा विश्वास संपादन करायचा. एकदा का मुलीचा विश्वास बसला की, तो त्यांच्याकडे शरीरसुखाची मागणी करायचा किंवा त्यांना लैंगिक संबंधांसाठी भाग पाडायचा. अनेक तरुणींना त्याने अशाच प्रकारे आपल्या जाळ्यात ओढून त्यांचे शोषण केल्याचे तपासात निष्पन्न झाले आहे.

अयान अहमद हा 'एमआयएम' (AIMIM) पक्षाच्या अमरावती युनिटचे सोशल मीडिया हँडल सांभाळत होता. मात्र, या प्रकरणातील त्याचे नाव समोर येताच आणि त्याच्या कृत्यांची माहिती मिळताच पक्षाने त्याला पदावरून हटवून त्याची हकालपट्टी केली आहे. (Amravati Crime News)

Amravati Crime News: पोलीस तपास सुरू

अयानच्या हायफाय लाईफस्टाईलमागे आणि या ब्लॅकमेलिंग प्रकरणामागे अजून कोणाचे हात आहेत का, याचा तपास पोलीस करत आहेत. त्याच्या मोबाईलमधील डेटा आणि चॅट्सवरून अनेक पीडित तरुणींची माहिती समोर येण्याची शक्यता आहे. या प्रकरणातील पीडितांनी न घाबरता पुढे येण्याचे आवाहन पोलिसांनी केले आहे.

Amravati Video Viral : पैशासाठी स्वतःच्या आईचे मंगळसूत्र आणि सोन्याचा...

Amravati Video Viral : आयनचा थार अन् चार iPhone चा व्हिडीओ व्हायरल, ती कार कोणाची?

Amravati Crime News: परतवाडा प्रकरणातील आरोपी अयान अहमदची इन्स्टाग्रामवर प्रचंड 'क्रेझ', अटक होताच फॉलोअर्स धडाधड वाढले

Amravati Crime News: तांत्रिक तपासात मोठे यश

Amravati Crime News: सोशल मीडियावरील 'फॉलोअर्स' वाढल्याने आश्चर्य

Amravati Crime News: आतापर्यंत 10 संशयितांना अटक

Amravati Crime News: काय म्हणाले पोलीस अधीक्षक?

Amravati Crime News: मदत करतो बोलून गाडीवर बसवले; निर्जनस्थळी नेऊन महिलेवर वारंवार अत्याचार; पुन्हा महाराष्ट्र हादरला

नेमकं काय घडलं? (Amravati Crime News)

पीडित महिलाला मारहाणही केली- (Amravati Crime News)

भंडाऱ्याच्या मोहदुरा गावातही हादरवणारी घटना- (Bhandara Crime News)

राज्यासह देश-विदेशातील महत्वाच्या घडामोडी, VIDEO:

संबंधित बातमी:

Amravati Crime News: 'लव्ह गुरु'ची विचित्र शिकवण

Amravati Crime News: 500 रुपयांत मिळायचा विकृत कारनाम्यांसाठी फ्लॅट

Amravati Crime News: कॅफेमधील आक्षेपार्ह वर्तन आणि पोलिसांचा शोध

Amravati Crime News: तो मित्राचा फ्लॅट सात ते आठ वेळा वापरला

Amravati Crime News: परतवाड्याच्या एपीआयसह वाढदिवसाला असलेले तीन पोलिस निलंबित

Amravati Crime News: अयान अहमदचे जुने व्हिडीओ फोटो व्हायरल

Amravati Crime News: अयान अहमद याला लहानपासून रिल बनवण्याचा शौक

माझी नणंद म्हणत यशोमती ठाकूरांवर हल्लाबोल

Amravati Crime News: सोशल मीडियाचा वापर करून तरुणींना जाळ्यात ओढले

Amravati Crime News: पोलीस तपास सुरू