ब्रेक फेल झाले की केले? अमोल मिटकरींचा सवाल, अंजली दमानिया म्हणाल्या, ईडी चौकशी झाली, हा अपघात असूच शकत नाही

सूर्य कोपला, महाराष्ट्र पुन्हा तापला! तापमानाचा पारा 45 अंशावर, कोणत्या जिल्ह्यात किती तापमानाची नोंद?

अभिषेक मुठाळ — Fri, 24 Apr 2026 19:28:12 +0530

Maharashtra Temperature News : दिवसेंदिवस राज्यात तापमानाचा (Temperature) पारा वाढत असल्याचं चित्र पाहायला मिळत आहे. वाढत्या तापमानाचा मोठा त्रास लोकांना सहन करावा लागत आहे. राज्यातील तापमानाचा पारा 45 अंशावर गेला आहे. अकोल्यात ज विक्रमी 45 अंश तापमानाची नोंद झाली आहे. त्याचबरोबर राज्यातील अनेक शहरात तापमानाचा पारा 40 अंशाच्या पुढे गेला आहे. तापमानात वाझ झाल्यामुळं अनेक जिल्ह्यातील शाळांच्या वेळामध्ये देखील बदल करण्यात आले आहेत. शाळा सकाळच्या सत्रात भरवण्यात येत आहेत. कोणत्या जिल्ह्यात किती तापमानाची नोंद झाली ते पाहुयात.

राज्यातील महत्त्वाच्या शहरांमधील तापमान

अकोला - 45

अमरावती - 44.8

चंद्रपूर - 44

गडचिरोली - 44

यवतमाळ - 44

वर्धा - 44.4

नागपूर - 44.4

ब्रह्मपुरी - 44.7

गोंडिया - 44.2

वाशिम - 48.6

बुलढाणा - 48.5

माथेरान - 48.6

जालना - 48.6

बीड - 48.5

उदगीर - 48.4

मालेगाव - 48.6

नाशिक - 48.6

संभाजीनगर - 48.6

धाराशिव - 48.4

सातारा - 48.9

रत्नागिरी - 48.3

नवी मुंबई - 48.2

परभणी - 48

पुणे - 9.9

सांगली - 9.8

मुंबई - 9.6

गोंदिया जिल्ह्याचे तापमान 43.02 अंश सेल्सिअस, कडाक्याच्या उन्हाने गोंदिया जिल्हावासीय हैराण

गोंदिया जिल्ह्यात उन्हाचा तडाखा दिवसेंदिवस वाढत चालला असून, आज तापमानाने 43.02 अंश सेल्सिअस इतका उच्चांक गाठला आहे. दिवसेंदिवस उन्हाचा तडाका वाढत असून नागरिकांनी आवश्यक काम असल्यावरच घराबाहेर पडावे व उन्हापासून बचाव करण्याकरिता रुमाल, गमजाचा वापर करावा. तसेच भरपूर प्रमाणात शीतपेय ग्रहण करावे असे आवाहन गोंदिया जिल्हा आपत्ती व्यवस्थापन विभागाच्या वतीने करण्यात आले आहे.

मध्य महाराष्ट्र आणि मराठवाड्यात 24 आणि 25 एप्रिल रोजी विजांच्या कडकडाटासह पावसाची शक्यता

मध्य महाराष्ट्र आणि मराठवाड्यात 24 आणि 25 एप्रिल रोजी विजांच्या कडकडाटासह हलक्या ते मध्यम पावसाची शक्यता वर्तवण्यात आली आहे. तर, विदर्भात 28 एप्रिल रोजी वादळी वाऱ्यासह पावसाचा अंदाज आहे. तसेच, कोकण आणि गोव्यात 24 एप्रिल रोजी काही ठिकाणी पावसाची शक्यता आहे. वादळी वाऱ्यांचा वेग 30 ते 50 किमी प्रतितास राहू शकतो, त्यामुळे शेती व झाडांना काही प्रमाणात नुकसान होण्याची शक्यता आहे.

उष्णतेचा प्रभाव कायम

महाराष्ट्रातील अनेक भागात तापमान सरासरीपेक्षा जास्त राहण्याची शक्यता असून उष्णतेमुळे नागरिकांना त्रास होऊ शकतो. विशेषतः विदर्भ आणि मराठवाड्यात उकाडा अधिक जाणवेल, असा अंदाज केंद्रीय हवामान विभागाने वर्तवला आहे.

शेतकऱ्यांसाठी सूचना

हवामान विभागाने शेतकऱ्यांनाही महत्त्वाच्या सूचना केल्या आहेत. त्यानुसार, पिकांना सकाळी किंवा संध्याकाळी हलके पाणी द्यावे, जमिनीत ओलावा टिकवण्यासाठी मल्चिंगचा वापर करावा. नव्या लागवडीवर सावलीसाठी जाळी (shade net) वापरावे, असे सूचवण्यात आले आहे.

Akola Crime : अकोल्यात अंधश्रद्धेचा कळस! भोंदू चेतन बाबाचा चिमुकल्यांच्या जीवाशी खेळ; लहान मुलांना दाताने उचलणाऱ्या भोंदू बाबावर अखेर गुन्हे दाखल

उमेश अलोणे, एबीपी माझा — Thu, 23 Apr 2026 12:43:12 +0530

Akola Crime News: अकोल्यात अंधश्रद्धेचा भयावह प्रकार समोर आलाय. यात अखेर चिमुकल्यांच्या जीवाशी खेळ खेळणाऱ्या भोंदू चेतन महाराजावर गुन्हा दाखल झालाय. अकोल्यातील मूर्तिजापूर ग्रामीण पोलिसात काल (23 एप्रिल) रात्री उशिरा महिला व बालकल्याण समितीकडून तक्रार दाखल झालीय. निंबा गावात अंधश्रद्धेचा अंगावर शहारे आणणारा प्रकार समोर आला होता. गावातील चेतन महाराज मुळे या भोंदू बाबाने लहान मुलांवर उपचाराच्या नावाखाली अक्षरशः लहान मुलांना दाताने उचलले, आणि गरागरा फिरवले होते. याचे व्हिडीओ प्रचंड वायरल झाले. उपचाराच्या नावाखाली अक्षरशः भोंदू चेतन बाबाचा लहान मुलांच्या जीवाशी खेळ सुरु होताय. या निंबा गावात 4 महाराजांचे दरबार भरतायेत. लहान मुलांना दाताने उचलले, खिळ्यांच्या आसनावर बसणे यासोबतच अनेक अघोरी प्रकार हा भोंदू महाराज करतोय.

दरम्यान, या प्रकरणी अखेर कलम 125 भारतीय न्यायसंहीता, कलम 75 बालन्याय मुलांची काळजी व संरक्षण अधिनियम 2015 (बालकांवरील क्रुरता) तसेच कलम 3 महाराष्ट्र नरबळी आणी इतर अमानुष, अनिष्ठ व अघोरी प्रथा व जादुटोणा यांना प्रतिबंध घालण्याबाबत व त्यांचे समुळ उच्चाटन करण्याबाबत अधिनियम कायदा 2013 (अंधश्रद्धा पसरविणे व अमानुष कृत्य) अशा कलमान्वये गुन्हे दाखल झालेये.

Akola : लावणीच्या नावाखाली होत असलेल्या अश्लीलतेला थांबवण्यासाठी वेगळे सेन्सॉर बोर्ड स्थापन करा; राष्ट्रवादीची मुख्यमंत्र्यांकडे मागणी

महाराष्ट्राच्या समृद्ध लावणी कलेच्या जतनासाठी आता ठोस पावले उचलण्याची मागणी पुढे येतीये. लावणीच्या नावाखाली वाढत्या अश्लील डीजे सादरीकरणांवर नियंत्रण आणण्यासाठी सेन्सॉर मंडळ स्थापन करण्याची मागणी राष्ट्रवादीच्या चित्रपट आणि सांस्कृतिक विभागाने केलीये. याबाबत मुख्यमंत्री देवेंद्र फडणवीस यांना निवेदन देण्यात आले आहे. महाराष्ट्राची ओळख असलेली पारंपारिक लावणी कला आज धोक्यात आल्याची चिंता या पत्रातून व्यक्त करण्यात आलीये. तमाशा आणि लावणी या लोककलेने अनेक वर्षे राज्याची सांस्कृतिक परंपरा जपली. लिलाताई गांधी, मधू कंबिकार, उषा चव्हाण, सुरेखा पुणेकर यांसारख्या कलाकारांनी लावणीला मानाचा दर्जा मिळवून दिला. मात्र सध्या “डीजे डान्स” आणि “स्टेज शो”च्या नावाखाली अश्लील सादरीकरणे मोठ्या प्रमाणात होत असल्याचे पत्रात नमूद करण्यात आलेय. या पार्श्वभूमीवर सरकारकडे काही महत्त्वाच्या मागण्या करण्यात आल्या आहेत.

पारंपारिक लावणी जपण्यासाठी स्वतंत्र सेन्सॉर मंडळ स्थापन करणे, अश्लील हालचाली आणि अयोग्य वेशभूषेवर बंदी घालणे, तसेच स्टेज सादरीकरणासाठी कडक नियम लागू करणे, या प्रमुख मागण्या आहेत. तसेच जत्रा, वाढदिवस किंवा गावोगावी होणाऱ्या ट्रॉलीवरील नृत्य सादरीकरणांवर बंदी घालण्याचीही मागणी करण्यात आली आहे. पारंपारिक लावणीचे जतन आणि संवर्धन करण्यासाठी प्रशिक्षण शिबिरे आणि शासकीय योजना राबवण्याचीही मागणी करण्यात आलीये. दरम्यान, या मागण्यांवर राज्य सरकार काय भूमिका घेणार, हे पाहणं महत्त्वाचं ठरणार आहे.

ही बातमी वाचा:

Chhatrapati Sambhajinagar: घरात घुसली, आतून कडी लावली; महिलेचा सासू सुनेला संपवण्याचा प्रयत्न, डोक्यावर पिस्तुल रोखलं अन्... घटनेनं संभाजीनगर हादरलं

Akola Superstition : भोंदूबाबाने चिमुकल्याला दाताने उचलत गरागरा फिरवले, उलटं-पालटं केलं; अकोल्यात अंधश्रद्धेचा कळस

उमेश अलोणे, एबीपी माझा — Wed, 22 Apr 2026 15:35:21 +0530

Akola Superstition News : अकोला जिल्ह्यातील मूर्तिजापूर तालुक्यातील निंबा गावात अंगावर शहारे आणणारा अंधश्रद्धेचा प्रकार समोर आला आहे. या प्रकरणात चेतन सुनील मुळे नावाच्या भोंदू बाबाचा उल्लेख समोर आला असून त्याने चिमुकल्यावर जीवघेणे उपचार केल्याचा आरोप आहे. त्या भोंदूने बाळाला आपल्या दाताने उचलले आणि गरागरा फिरवल्याचं दिसून आलं. या अघोरी प्रकाराचा व्हिडीओ समोर आल्यानंतर संपूर्ण परिसरात खळबळ उडाली आहे. या घटनेमुळे प्रशासनाने तातडीने कारवाई करण्याची मागणी जोर धरू लागली आहे.

लहान मुलांच्या समस्यांवर उपाय म्हणून अघोरी पद्धतींचा अवलंब केला जात असल्याचं धक्कादायक चित्र पाहायला मिळत आहे. या प्रकारामुळे परिसरात संताप व्यक्त होत असून समाजात अंधश्रद्धा किती खोलवर रुजली आहे, यावर प्रश्नचिन्ह उपस्थित झालं आहे.

Akola Viral Video : अघोरी प्रकाराचा धक्कादायक व्हिडीओ

या घटनेचा व्हिडीओ समोर आला असून त्यात संबंधित भोंदू एका लहान बाळाला थेट दाताने उचलताना दिसत आहे. एवढंच नाही, तर तो बाळाला गोल गोल फिरवत असल्याचंही दिसून येतं. यावेळी बाळ रडत असतानाही आजूबाजूचे लोक शांतपणे पाहत असल्याचं चित्र धक्कादायक आहे.

Superstition Practice : बाळाला उलटं-पालटं करत अघोरी उपचार

व्हिडीओमध्ये पुढे तोच बाबा बाळाला उलटं-पालटं करताना दिसतो. अशा प्रकारे जीव धोक्यात घालणारे उपचार सुरू असताना पालक आणि उपस्थित लोक अंधश्रद्धेच्या प्रभावाखाली असल्याचं स्पष्ट होत आहे. या प्रकारामुळे बालकाच्या जीवाला गंभीर धोका निर्माण झाला होता.

Murtijapur Incident : नेमका प्रकार कशासाठी? प्रश्न अनुत्तरित

हा संपूर्ण प्रकार नेमका कोणत्या कारणासाठी केला जात होता, याची माहिती अद्याप समोर आलेली नाही. तसेच या भोंदू बाबाची पूर्ण ओळख आणि त्यामागील हेतू देखील स्पष्ट झालेला नाही. मात्र हा प्रकार मूर्तिजापूर तालुक्यातील निंबा गावातील असल्याचं समोर येत आहे.

Maharashtra Andhashraddha : पुरोगामी राज्यात अंधश्रद्धेचं सावट

महाराष्ट्रासारख्या पुरोगामी राज्यात अशा प्रकारे अंधश्रद्धेचा प्रसार होत असल्याचं चित्र चिंताजनक आहे. एका बाजूला समाज सुधारण्याचे प्रयत्न सुरू असताना दुसरीकडे अशा घटनांमुळे सामाजिक जागरूकतेवर प्रश्न उपस्थित होत आहेत. विशेष म्हणजे, लहान मुलांचाही जीव अशा प्रकारांमुळे धोक्यात येत असल्याचं स्पष्ट होत आहे. या घटनेनंतर संबंधितांवर कडक कारवाई करण्याची मागणी नागरिकांकडून केली जात आहे.

ही बातमी वाचा:

Chhatrapati Sambhajinagar: घरात घुसली, आतून कडी लावली; महिलेचा सासू सुनेला संपवण्याचा प्रयत्न, डोक्यावर पिस्तुल रोखलं अन्... घटनेनं संभाजीनगर हादरलं

लग्नात संपाचं विघ्न... बार्शीचं वऱ्हाड अकोल्यात ताटकळलं, उपनिबंधक कार्यालयात वधु-वरास मनस्ताप; जिल्हाधिकारी लक्ष देतील का?

उमेश अलोणे, एबीपी माझा — Tue, 21 Apr 2026 15:04:24 +0530

Akola: 'लग्नात विघ्न' अशी आपल्या मराठीत म्हण आहे. याचाच प्रत्यय अकोल्यात आलाय सोलापूर जिल्ह्यातल्या बार्शीमधून आलेल्या एका वधू पक्षाला. या विघ्नाला कारण ठरलंय जुन्या पेन्शनच्या मागणीसाठी संपावर गेलेले सरकारी कर्मचारी. कर्मचारी संपावर गेल्याने सोलापुरातून आलेल्या वधु-वराला मोठा मनस्ताप सहन करावा लागलाय. दीड महिना नोटीस देऊन ठरल्या दिवशी गेलेल्या वऱ्हाडाला दिवसभर ताटकळत बसावं लागलं, तर वधू-वरांना मोठा मनस्ताप सहन करावा लागला. (Akola News)

जुन्या पेन्शनच्या मागणीसाठी सरकारी कर्मचाऱ्यांनी पुकारलेल्या संपामुळे उपनिबंधक कार्यालय पूर्णपणे बंद होते. त्यामुळे नियोजित वेळेत विवाह नोंदणी होऊ शकली नाही. परिणामी, वधू-वरांसह दोन्ही कुटुंबीयांना मोठ्या अडचणींचा सामना करावा लागला.

उपनिबंधक कार्यालयात वधु-वरास मनस्ताप

अकोल्यातील हर्षा या तरुणीचा विवाह सोलापूर जिल्ह्यातल्या बार्शी येथील रविकांत लांडे यांच्याशी ठरला होताय. या विवाहासाठी अकोल्यातील सह जिल्हा निबंधक कार्यालयात दीड महिना आधीच नोंदणी करण्यात आली होतीय. या कार्यालाकडून लग्नाच्या नोंदणीसाठी आजचा दिवस निश्चित करण्यात आला होताय. त्या अनुषंगाने वधुपक्षातील 50 वऱ्हाडी रेल्वे आणि चार चाकी गाड्यांनी आज अकोल्यात दाखलही झालंय. मात्र, उपनिबंधक कार्यालयातील सर्वच कर्मचारी संपावर असल्याने या लग्नाची नोंदणी होऊ शकली नाहीय. यामुळे वधू आणि वर पक्षातील मंडळींनी थेट अकोल्याच्या जिल्हाधिकारी वर्षा मीना यांच्याकडे आपली कैफियत मांडलीय.

त्यांनी यातून तोडगा काढण्याचा आश्वासन दिलय. मात्र, त्यानंतरही या विवाहाची नोंदणी न झाल्याने हे लग्न अद्यापही होऊ शकलं नाहीय. त्यामुळे दोन्ही पक्षातील 60 ते 70 वऱ्हाडी सकाळपासून जिल्हाधिकारी कार्यालयात ताटकळले आहेत.दरम्यान, सकाळपासून 60 ते 70 वऱ्हाडी, ज्यात लहान मुले आणि ज्येष्ठ नागरिकांचाही समावेश आहे, हे सर्वजण जिल्हाधिकारी कार्यालयात प्रतीक्षेत आहेत. या प्रकारामुळे “लग्नात विघ्न” ही म्हण अक्षरशः खरी ठरल्याची चर्चा होत आहे. आता प्रशासन यावर तातडीने काय निर्णय घेतं, याकडे सर्वांचे लक्ष लागले आहे.

Shyam Manav Akola : अशोक खरात प्रकरण सरकारचंच पाप, श्याम मानव यांची प्रतिक्रिया

abp majha web team — Sun, 19 Apr 2026 14:20:02 +0530

Shyam Manav Akola : अशोक खरात प्रकरण सरकारचंच पाप, श्याम मानव यांची प्रतिक्रिया

Follow AI generated Transcription - (खालील डिस्क्रिप्शन AI जनरेटेड आहेत. त्यामध्ये त्रुटी असू शकतात)

महाराष्ट्राची ओळख संत आणि समाजसुधारकांचा महाराष्ट्र अशी मात्र हा महाराष्ट्र अलीकडे बाबा आणि बुवांचा महाराष्ट्र झाला की काय अशी शंका जी आहे ती उपस्थित होते आणि याला कारण आहे की आपल्या खरा आणि इतर जी प्रकरण समोर आली ही सर्व प्रकरण जी आहे ती महाराष्ट्राच्या या ओळखीला नख लावणारी आहे आपल्यासोबत आहेत अखिल भारतीय अंधश्रद्धा निर्मूलन समितीच्या अध्यक्ष प्राध्यापक श्याम मानव सर सर महाराष्ट्राची अलीकडची ओळख जी आहे ती निश्चितच क्लेश दायक आहे सर्वांसाठी अशोक खरा हे प्रकरण सध्या महाराष्ट्र मध्ये खूप गाजत आहे त्याबद्दल खरं म्हणजे आपण देवेंद्र फडणवीस सरकारच अभिनंदन केलं पाहिजे तेवढंच नव्हे तर जी एसआयटी नेमलेली आहे ते एसआयटी ज्या पद्धतीने काम करते आहे त्यांचं पण अभिनंदन केलं पाहिजे पण अशोक खरा सारखी प्रकरण महाराष्ट्र मध्ये ही काही अपवाद नाहीये ही प्रकरण या पद्धतीने सातत्याने घडत आलेली आहेत अखिल भारतीय अंधश्रद्धा निर्मूलन समिती गेले 44 वर्षे हे काम करते आहे अनेक बाबा भोदू या पद्धतीचे आहेत त्यांना आपण एक्सपोज केलेला आहे मोठ्या प्रमाणावर त्यानंतर महाराष्ट्र मध्ये जादू टोणा विरोधी कायदा झालेला आहे हा कायदा राबवण्याकरता एक समिती गठीत झाली होती जादू टोणा विरोधी कायदा प्रचार प्रसार अंमलबजावणी समिती आणि या समितीच्या माध्यमातन काँग्रेस सरकारच्या काळामध्ये 2013 मध्ये निर्णय झाला या समितीच्या माध्यमातन पुढे काम करायचं कारण डिसेंबर 2013 मध्ये कायदा संमत झाला 2014 मध्ये कामाला सुरुवात झाली त्यानंतर देवेंद्र फडणवीस मुख्यमंत्री झाले ते मुख्यमंत्री झाले त्याही काळामध्ये संपूर्ण महाराष्ट्र भरातल्या पोलिसांचं ट्रेनिंग झालेला आहे एवढंच नव्हे तर महाराष्ट्र भरातल्या 36 जिल्ह्यांमध्ये कार्यक्रम झालेले आहेत 400 का शाळा कॉलेजेस मध्ये कार्यक्रम झालेले आहेत 200 वक्ते त्या काळात तयार करण्यात आलेले आहेत आणि त्याकरता टोटल जे बजेट 14 कोटीच सॅक्शन केलं होतं अजित पवारांनी ते बजेट आम्हाला वापरायला देऊ असं स्वतः देवेंद्र फडणवीस यांनी कबूल केलं होतं त्यांची माझी डिसेंबर मध्ये भेट झाली त्यावेळेस ते म्हणाले आम्ही 10 कोटी तरी तुम्हाला आता मार्च पर्यंत म्हणजे 31 मार्च पर्यंत वापरायला देतो त्यावेळेस आम्ही म्हणालो होतो की एवढे पैसे आम्हाला वापरता येणं शक्य नाहीये त्यामुळे तुम्ही नुसतं फक्त आमच्या पाठीशी उभे राहा आणि चांगल्या पद्धतीने आपण काम करू त्यांच्या काळामध्ये ते गृहमंत्री आणि मुख्यमंत्री असताना संपूर्ण महाराष्ट्रातल्या 36 ही जिल्ह्यांमध्ये पोलीस अधिकाऱ्यांचं ट्रेनिंग त्यांनी करवून घेतलं ते त्यांचं अत्यंत चांगलं आणि प्रशंसनीय काम होतं पण पुढे मात्र त्यांनी जादू टोणा विरोधी कायदा प्रचार प्रसार अंमलबजावणी समिती समितीचं काम पूर्णतः थांबवलं तीन वर्ष मी त्यांच्याकडे सारख्या चकरा मारत होतो त्यानंतरही त्यांनी ते काम सुरू केलं नाही आणि जेव्हा त्यांच्या जवळच्या लोकांनी जे माझ्या विश्वासातले होते त्यांच्याही विश्वासातले होते त्यांनी समजवून सांगितलं की त्यांना काम करायचं नाहीये समजून घ्या तुमच्या तोंडावर फक्त ते नाही म्हणत नाहीये माझ्याकरता हे अतिशय धक्कादायक होतं कारण माझ्याशी सगळे राजकीय पुढारी नेहमी खरं बोलत आलेले आहेत शक्य असेल तर करतो म्हणायचे नाही तर नाही कारण मी राजकीय माणूस नाही त्यामुळे माझ्याशी ते त्या पद्धतीने वागत असत आणि त्यानंतर त्यांनी काहीही काम केलं नाही आज जर खऱ्या अर्थानं खऱ्या अर्थानं खरो खरा बाबा सारखा बाबा निर्माण झाला असेल आणि इतके वर्ष इतक्या मोठ्या प्रमाणावर स्त्रियांचं शोषण करत आलेला असेल ज्यामध्ये 100 पेक्षा अधिक स्त्रिया आहेत असं आज मानलं जातं कदाचित संख्या अधिक मोठी असेल 10 लोकांच्या तर ऑलरेडी तक्रारी झालेल्या आहेत एसआयटी त्याची दखल घेते आहे हे प्रकरणच निर्माण झालं नसतं जेव्हा समाजामध्ये 50 माणसं आजूबाजूला असतात आणि ते म्हणतात की हा बाबा खोटा आहे याच्यामध्ये चमत्कार करण्याचा सामर्थ्य नाही याच्यामध्ये कोणतीही दैवी शक्ती नाही याला काही भूत भविष्य वर्तमान सांगता येत नाही त्यावेळेस त्या बाबाचं मोरल खसत आणि तो एवढा उघडपणे काम करू शकत नाही आणि त्यामुळे हा बाबा एवढा फोफावलाच नसता आणि मोठा झालाच नसता हे जे काही पाप आहे ते देवेंद्र फडणवीस सरकारचच पाप आहे हे आपण लक्षात घेतलं पाहिजे जादू टोणा विरोधी कायद्यासारखा अत्यंत प्रभावी कायदा झाल्यानंतर त्याची जर अतिशय चांगल्या पद्धतीने अंमलबजावणी केली गेली असती तर खरा सारखे बाबा 100% संपले असते असं मी म्हणत नाही पण एवढ्या मोठ्या प्रमाणावर त्याला शोषण करण्याची संधी मिळाली नसती त्याला एवढी राजकीय प्रतिष्ठा मिळाली नसती सर अ भाजपची मातृसंस्था जी असेल अ किंवा इतर ज्या संघटना भाजपशी संबंधित आहेत तर या संघटना ज्या आहेत सरकारच्या कामकाजावर किंवा एकंदरीत जी अ पोलिसिंग जी आहे सरकारची त्यावर काही प्रभाव टाकतात असं वाटतं का तुम्हाला माझा स्वतःचा अनुभव असा आहे की 2014 मध्ये आणि 15 मध्ये मी संपूर्ण महाराष्ट्र त्यातल्या पोलीस अधिकाऱ्यांचं ट्रेनिंग केलं त्यामुळे त्यांच्याशी पर्सनल संबंध निर्माण झाले त्यापूर्वी मी पोलिसांचं ट्रेनिंग करत आलो होतो पण एवढं एक्सटेन्सिव्ह पहिल्यांदा झालं होतं त्यांच्याकडे माझे नंबर होते माझ्याकडे त्यांचे नंबर होते हळूहळू त्यांच्याकडून माझ्याकडे सातत्याने तक्रारी यायला लागल्या की सर आम्हाला कायदा राबवता येत नाही आम्ही ॲक्शन घ्यायला जातो तर कोणतरी बीजेपीचा एखादा नगरसेवक येतो एखादा कॉर्पोरेटर येतो आणि तो म्हणतो की इथे ॲक्शन घ्यायचे नाही आणि आमच्यावर वरून दबाव येतो आणि आम्हाला ॲक्शन घेता येत नाही ही संपूर्ण महाराष्ट्र भरातली स्थिती निर्माण झाली साधारणतः 16 17 नंतर 2000 22 मध्ये किंवा 22 ते 23 मध्ये जेव्हा धीरेंद्र कृष्ण महाराज नागपूर मध्ये आला त्याने दोन कायद्यांचं उल्लंघन केलं केंद्राच्या कायद्याचं उल्लंघन केलं ज्याला ड्रग्स अँड मॅजिक रेमेडीज ॲक्ट 1954 असं म्हणतात तो कायदा इतका सोपा आहे की ज्याला डॉक्टरची डिग्री नाही असा एखादा माणूस रोग दुरुस्तीचा नुसता दावा करत असेल तरी इटसेल्फ कायद्याने गुन्हा आहे आणि हा कॉग्निजेबल ऑफेन्स आहे त्यामुळे पोलिसांना एफआयआर नोंदवावाच लागतो हा बाबा त्याच्या दिव्य दरबारामध्ये ज्या दिव्य दरबारामध्ये देवेंद्र फडणवीस स्वतः हजर होते पाया पडायला गेले होते त्याच दिव्य दरबारामध्ये अनेकांच्या रोग दुरुस्तीचा दावा करतो रोग दुरुस्त होतात असं सांगतो असं असं करा म्हणजे तुमचे रोग दुरुस्त होतील असं म्हणतो एवढंच नव्हे तर त्याच दिव्य दरबारामध्ये हा बाबा अमुक आणि तो तुझ्या नातेवाईकांनी करणी केलेली आहे तुझ्या काकूने करणी केलेली आहे म्हणजे जादू टोणा केलेला आहे जादू टोटका किया है और इस कारण त्याच्या तुझे सगळे प्रॉब्लेम्स निर्माण झाले असं सांगतो आणि महाराष्ट्र सरकारच्या जादू टोणा विरोधी कायद्यानुसार एखाद्या व्यक्तीने एखाद्या व्यक्तीला जादू टोणा केला असं म्हणणं इटसेल्फ कायद्याने गुन्हा आहे नुसतं असं म्हटलं की करणी केली जादू टोणा केला तरी तो कायद्याने गुन्हा आहे एवढंच नव्हे तर तो भूत उतरवण्याच्या प्रक्रियेचा तिथे वापर करत होता सगळ्या अंधश्रद्धा लोकांच्या वाढवण्याचं काम करत होता आणि असं सगळं असताना महाराष्ट्रातल्या पोलिसांनी मी स्वतः तक्रार केली ही जी जादू टोणा कायदा अंमलबजावणी प्रचार प्रसार समिती आहे त्याचा मी सहअध्यक्ष आहे सामाजिक न्याय विभागाचे मंत्री जे असतात कॅबिनेट मंत्री ते त्याचे अध्यक्ष असतात आणि उपाध्यक्ष त्याचे राज्यमंत्री असतात अशी ती कमिटी आहे मी त्या हेडर लेड लेटर हेडवर म्हणजे जादू टोणा विरोधी कायदा प्रचार प्रसार अंमलबजावणी समितीच्या लेटर हेडवर तक्रार केली कायद्यातला प्रत्येक शब्द अन शब्द मी फायनल केलेला आहे सगळ्या पक्षांचं समर्थन मिळवण्यामध्ये अगदी देवेंद्र फडणवीस असतील उद्धवरावजी ठाकरे असतील या सगळ्यांचं समर्थन मिळवण्याकरता कायद्यातला प्रत्येक बारीक सारीक शब्द त्यांच्यापर्यंत पोहोचवला त्यानंतरच एकमताने हा कायदा संमत झालेला आहे आणि महाराष्ट्रातलं कमिशनर नागपूरचे कमिशनर अमितेश कुमार असं म्हणतात की कायदा लागू होत नाही त्याचे दोन अर्थ होतात की कायद्यातलं मला एबीसीडी कळत नाही आणि तरीही महाराष्ट्र सरकारने हा कायदा संमत केला ज्याचं संपूर्ण ड्राफ्टिंग मी केलेला आहे दुसरा मी या कमिटीचा सहअध्यक्ष आहे मला कायद्यातलं काहीच कळत नाही आणि दोन्ही कायद्यातले पुरावे देऊन तक्रारी केल्यानंतर हे कमिशनर अमितेश कुमार जाहीररित्या म्हणतात की कायदा लागू होत नाही कारण कायद्याचं उल्लंघन झालेलं नाही धादांत खोटं बोलतात ते आयपीएस अधिकारी असून मी अतिशय जबाबदारीने हे बोलतोय ते धादांत खोटं बोलतात या पद्धतीने हे सरकार वागत आलेला आहे जे जे बाबा बीजेपीचे आहेत त्यांच्या त्यांच्यावर ॲक्शन होत नाहीत हेच लोक बाबांना घेऊन हिंडतात तो दीपक मिश्रा असेल जो लोकांना जाहीररित्या सांगतो तुम्हाला परीक्षेत पास व्हायचं असेल तर फक्त बेलफूल लावा शंकराच्या पिंडीला तुम्ही बेल चिकटवले की झालं तुम्ही परीक्षेमध्ये पास व्हा त्याचा मुलगा नापास झाला तर म्हणतो मी माझ्या मुलाला सांगायचं विसरलो म्हणून तो नापास झाला या पद्धतीच्या बाबांना कोण घेऊन हिंडतं कोण या पद्धतीच्या अंधश्रद्धा वाढवतात ज्यावेळेस माणसं मोठ्या प्रमाणावर या प्रदीप मिश्राच्या सत्संगाला जातात किंवा धीरेंद्र कृष्ण महाराजांच्या सत्संगाला जातात त्यांच्या अंधश्रद्धा अधिक बळकट होतात आणि मग ते खरा बाबांसारख्या बाबांना बळी पडतात आणि त्यामुळे इतक्या मोठ्या प्रमाणावर हे बाबा फोफावू शकतात ही महाराष्ट्रामधली वस्तुस्थिती आहे आणि त्याला सुरुवातीला मी देवेंद्र फडणवीस यांचे अभिनंदन केलं होतं कारण खरा वर ॲक्शन घेतली म्हणून आता तेच मी सांगतोय की त्याला हे जबाबदार आहेत ज्यावेळेस अजित दादांना मी फक्त एवढं म्हटलं होतं की तुम्ही मला फक्त संधी द्या पाच वर्षांमध्ये मी अर्ध्या महाराष्ट्र बदलवून दाखवतो आणि 10 वर्ष जर संधी मिळाली तर पूर्ण महाराष्ट्र आपला बदललेला असेल कारण एकदा लोकांपर्यंत कळलं की हा माणूस खोटा या जगात कोणाला चमत्कार करता येत नाही कोणी या पद्धतीने दैवी शक्ती त्याच्यामध्ये असू शकत नाही तर मेजॉरिटी लोक त्याच्यापासून दूर जातात आणि जे जवळ गेलेले असतात त्यांना सांगणारे 10 इतर माणसं असतात आणि त्यामुळे खूप मोठ्या संख्येने लोक या शोषणापासून आणि या फसवणुकीपासून वाचतात ही वस्तुस्थिती आहे जी आपण आपल्या कामातून वारंवार सिद्ध केलेली आहे ती प्रक्रिया देवेंद्र फडणवीस सरकारने पूर्णतः थांबवली आणि म्हणून महाराष्ट्राला अंधश्रद्धेच्या खाईत त्यांनी लोटलेला आहे सर एक प्रश्न महत्त्वाचा आहे अ अशोक खरा च्या प्रकरणा रोज नवनवीन गोष्टी समोर येतात अशोक खरा च एकंदरीत प्रकरण पाहिलं राजकारणात ज्या पद्धतीने वावर होता त्या प्रकरणाच्या नवीन गोष्टी समोर येतात पोलिसांना याची माहिती नव्हती किंवा हे प्रकरण इतक्या मोठ्या पद्धतीने समोर येत आहे तुमचं काय आकलन आहे या प्रकरणाबद्दल काय मी हे सांगतोय की साधी गोष्ट आहे की या प्रकरणामध्ये दोन आयपीएस अधिकारी आहेत स्त्रिया आयपीएस अधिकारी आहेत आयएस अधिकारी आहेत या लोकांना एवढ्या साध्या गोष्टी कळत नाही हे लोक केवळ अंधश्रद्धा म्हणून या बाबाकडे गेले नाही त्याचे राजकीय फायदे उचलायकरता बाबाकडे गेलेले आहेत हा बाबा राजकीय एजंट म्हणून जातो काही दिवसांनी लोकांचे प्रश्न सोडवणं लोकांच्या बदल्या करून आणणं लोकांना पदोन्नती देणं ही सगळी कामं तो करू शकतो असं या अधिकाऱ्यांना आणि इतर लोकांना वाटतं आणि त्यातून हे सगळं राजकीय लोक बाबा यांचे एक वर्तुळ या पद्धतीने फोफावत जातं आणि ते दिवसेंदिवस अधिकाधिक प्रभावशाली बनत जातं हे काय काँग्रेसच्या काळामध्ये घडत नव्हतं का घडत होतं पण काँग्रेस आणि राष्ट्रवादी काँग्रेसच्या काळामध्ये कधीही राजकीय लोकांनी या कामामध्ये हस्तक्षेप केला नाही त्या काळातला माझा अनुभव असा आहे की केवळ इन्स्पेक्टर दर्जाच्या अधिकाऱ्यांना जरी तुम्ही कन्विन्स करू शकला की कायदा लागू होतो तरी ॲक्शन घेतील घेतली जायची कधी कधी एसपींना समजावं लागायचं त्यांच्यापर्यंत पोहोचावं लागायचं आज एकाही पोलीस अधिकाऱ्याची हिम्मत नाही वरून जोपर्यंत त्यांना हे मिळत नाही ज्याला काय म्हणता येईल रेड सिग्नल मिळतो नेहमी तो रेड सिग्नल गायब होत नाही तोपर्यंत कोणीही पोलीस अधिकारी स्वतःहून ॲक्शन घ्यायला तयार नाही अशी परिस्थिती आज महाराष्ट्रामध्ये निर्माण झालेली आहे आणि म्हणून हे सगळे त्या सगळे अधिकारी तुम्हाला त्या बाबाकडे जाताना दिसतात तुम्हाला काय वाटतं देवेंद्र फडणवीस यांनी खरा बाबावर ॲक्शन घेतली ती सहजासहजी घेतली असावी का माझं स्वतःचं आकलन आहे ते मी सांगतो खरा ला एक्सपोज झाला खरा याचं क्रेडिट खरं म्हणजे एकनाथ शिंदे यांना द्यायला पाहिजे एकनाथ शिंदेचा या खरा बाबाशी जर जवळचा संबंध नसता आणि त्यांच्या पक्षातल्या दीपक केसरकर सारख्या मंत्र्यांचा इतका जवळचा संबंध नसता तर कदाचित या बाबावर ही ॲक्शन घेतल्या गेली नसती असं माझं एकूण जे काही मला कळतं मी पत्रकार राहिलेलो आहे दीर्घकाळ समाजकारण आणि राजकारण जवळून पाहतो आहे बऱ्यापैकी आकलन आहे हे माझं स्वतःचं आकलन आहे यामध्ये जर दोन चार मोठे बीजेपीचे मंत्री इन्व्हॉल्व असते तर पहिली तक्रार आली त्यावेळेस ती हशप करण्यात आली असती त्या बाईला समजवून सांगण्यात आलं असतं थोडसं तिला काहीतरी वेगळी प्रलोभन दाखवलं असतं दाखवली असती कदाचित तिच्यावर दडपण आणली असती आणि पुढे कोणतेही ॲक्शन झाली नसती जर धीरेंद्र कृष्ण महाराजांवर ॲक्शन होऊ शकत नाही आणि त्याला घेऊन हे लागाव गाव हिंडतात धीरेंद्र कृष्ण महाराजांनी कायदा उल्लंघन केलं जादू टोणा विरोधी कायदा त्यातली जी कलम उल्लंघन केली आणि खरा बाबांनी उल्लंघन केली या दोन्ही मध्ये फरक काय आहे सगळ्या कलमांमध्ये तेवढी शिक्षा आहे स्त्रियांसोबत संबंध ठेवणं मी राधा आहे तू गेल्या जन्मीची राधा आहे मी कृष्ण आहे किंवा शंकर आहे तू पार्वती होती किंवा गेल्या जन्मी माझी प्रियसी होती असं सांगून एखाद्या स्त्रीसोबत शारीरिक संबंध प्रस्थापित करणं हा कायद्याने गुन्हा ठरवलेला आहे हे आपल्या जादू टोणा विरोधी कायद्यामधलं अनुसूची मधलं 11 अ कलम आहे त्याच पद्धतीने एखाद्या व्यक्तीने जादू टोणा करते असं म्हणणं हा कायद्याने गुन्हा आहे हाही कायद्याने गुन्हा आहे दोन्ही कलम इक्वली आहे दोन्ही करता शिक्षा सात वर्षापर्यंत आहे सहा महिन्यापासून ते सात वर्षापर्यंत शिक्षा अधिक 5000 ते 50000 रुपये दंड इकडे धीरेंद्र कृष्ण महाराजांवर ॲक्शन घेतली जात नाही आणि खरा बाबावर ॲक्शन घेतली जाते मग याच्या मागचं कारण काय आहे याच्या मागचं खरं कारण असं आहे की बीजेपीचे मोठे मोठे मंत्री यामध्ये इन्व्हॉल्व नव्हते ते या बाबाला घेऊन हिंडले नव्हते तिथे एकनाथ शिंदे सारखी माणसं होती आणि एकनाथ शिंदेचा स्कोर सेटल करायचा आहे म्हणून ही ॲक्शन घेतल्या गेली असं माझं राजकीय विश्लेषण आहे एक छोटा अगदी प्रश्न विचारतो तुम्हाला म्हणजे 2029 मध्ये भाजपला एकट्याच्या बळावर निवडणुका लढवायच्या महाराष्ट्रात त्याची सुरुवात आहे दोन्ही पक्ष म्हणजे अ राष्ट्रवादी काँग्रेस असो किंवा शिंदेची शिवसेना या दोनच पक्षाचे नेते यात गोल गेले किंवा त्यांच्यावर आरोप झालेत अ त्यांना स्वतःला मोठं तर व्हायचं आहे बीजेपीला आणि मी राजकीय गोष्टींबद्दल या ठिकाणी फार बोलू इच्छित नाही कारण तो माझा तस त्या अर्थाने प्रांत नाहीये फक्त लोकशाही या देशात टिकावी किंवा आपली राज्यघटना देशामध्ये उत्तम पद्धतीने राबवली जावी या आग्रहापर्यंतच तो मर्यादित आहे पण यांना एक साधी गोष्ट आहे ना देवेंद्र फडणवीस यांनी जर मनावर घेतलं असतं तर आमच्यासारखे अतिशय तळमळीने काम करणारे कार्यकर्ते आहेत आतापर्यंत 400 च्या वर भक्ते तयार झालेले आहेत सरकारच्या शिबिरांमधून तयार झालेले 400 च्या वर भक्ते आहेत यांच्या माध्यमातून अंधश्रद्धा निर्मूलनाचं काम अतिशय उत्तम पद्धतीने राबवता आलं असतं त्यांना त्याचं क्रेडिट त्यांना मिळालं असतं ज्यावेळेस मी हे काम सुरू केलं मी तरुण भारताचा अ खरं म्हणजे पत्रकार होतो तर तरुण भारतातच माझी पत्रकारितेला सुरुवात झालेली आहे तर ज्यावेळेस मी हे काम सुरू केलं त्यावेळेस वारंवार तक्रारी त्यावेळेस आरएसएसच्या प्रमुखांकडे गेल्या बाळासाहेब देवरसांकडे गेल्या मग ते माझ्या संपादकांना बोलवून घ्यायचे त्यांच्या हाताखाली मी पत्रकार म्हणून तयार झालेलो दिबा घुमरे आणि मागो वैद्य यांना बोलवून घेतलं त्यांनी सगळं समजून घेतलं मी एक्झॅक्टली काम काय करतो कारण त्यांना विश्वासात मी नेहमी घ्यायचो त्यांना नेहमी माहिती सांगायचो त्यांना अनेक शिबिरांना पण बोलवायचो त्यावेळेस बाळासाहेब देवरस असं म्हणाले की आपल्याला कुठे आपल्या घरामध्ये साप हवा जर पाहुण्याच्या लाठीनं साप मरत असेल तर ती चांगलीच गोष्ट आहे असं एकदा नाही दोनदा त्यांनी हे उद्गार काढले आणि कधीही आरएसएसने माझ्या कामाला ऑर्गनाईज विरोध नाही केला जर आपल्याला हिंदू ना बलिष्ठ करायचं असेल तर आम्ही जे काम करतो त्यामध्ये कोण बलिष्ठ होणार आहे आमच्या कामामध्ये मॅक्झिमम लोक ऐकणारे कोण असतात मेजॉरिटी 90% च्या वर ऐकणारे हिंदू असतात आमच्या व्याख्यानांना मुस्लिम लोक फार थोडे येतात ख्रिश्चन लोक फारच थोडे येतात जे काही आम्ही काम करतो त्या कामामध्ये मोठ्या प्रमाणावर इन्व्हॉल्व होणारी हिंदू जनता असते त्यांना जर सापापासून मुक्त केलं देवरसांच्या भाषेत बोलायचं झालं तर ती बलिष्ठ होणार आहे ना ताकदवान होणार आहे ना तुम्हाला हिंदूंना बलिष्ठ करायचं आहे ना मग तुमचं काम अप्रत्यक्षपणे ही चळवळ करत असताना आणि अंधश्रद्धा निर्मूलन हे काम असताना आणि महाराष्ट्रामध्ये संत ज्ञानेश्वरांपासून तर अगदी संत तुकारामांपासून एकनाथांपासून तर अगदी गाडगे महाराज तुकडोजी महाराजांपर्यंत ही परंपरा चालत आलेली आहे त्याचंच हे एक्सटेंशन आहे आणि हा कायदा एक्सटेंशन त्याचा आहे जादू टोणा विरोधी कायदा असं मी जाहीररित्या म्हणत असतो ते काम करून का आपल्याला आपला समाज अधिक बलिष्ठ करण्याची इच्छा होत नाही त्यांना उलट अंधश्रद्धेच्या खाईमध्ये ढकलायचं त्या धीरेंद्र कृष्ण महाराजांच्या तावडीत द्यायचं त्या प्रदीप मिश्राच्या तावडीत द्यायचं बेलफूल वाहून परीक्षा पास करायची या पद्धतीचा संस्कार लोकांवर घालायचा आणि त्यांना अंधश्रद्धा ठेवून स्वतःचं राज्य पुन्हा करत राहायचं ही मनोवृत्ती किती घातक आहे याचा विचार आजच्या सरकारने डेफिनेटली केला पाहिजे महाराष्ट्राची जी ओळख आहे ती पुरोगामी महाराष्ट्र आहे आणि महाराष्ट्राची ही ओळख कायम राहण्यासाठी सरकार आणि लोकांनी प्रयत्न करणं गरजेचं आहे मात्र हे सर्व होत असताना अ कॅप्टन अशोक खरा च जे प्रकरण आहे हे अ एकनाथ शिंदे यांच्यामुळे खऱ्या अर्थाने एक्सपोज झालं कारण ते आणि त्यांच्या पक्षाचे काही लोक त्यात अ महाराजांच्या संपर्कात होते आणि त्यातूनच ते प्रकरण संपूर्णपणे समोर आल्याचा एक मोठा आरोप आणि दावा जो आहे तो प्राध्यापक श्याम मानव सरांनी केला आहे उमेश रोणे एबीपी माझा अकोला एबीपी माझा उघडा डोळे बघा नीट

Shyam Manav : अशोक खरात हा एकनाथ शिंदे अन् रुपाली चाकणकरांचा गुरु, राष्ट्रवादी-शिवसेनेला धडा शिकवण्यासाठीच पोलिसांना तपास करण्याच्या सूचना; श्याम मानव यांचा आरोप

उमेश अलोणे, एबीपी माझा — Sun, 19 Apr 2026 08:04:06 +0530

Shyam Manav on Ashok Kharat Case : नाशिकच्या भोंदू अशोक खरात प्रकरणाशी (Ashok Kharat Case) एकनाथ शिंदे यांचं कनेक्शन असल्याने प्रकरणाचा सर्वार्थाने तपास सुरु झालाय, खरात (Ashok Kharat) प्रकरण आज घरोघरी पोहचलं यासाठी आभार मानले पाहिजे ते एकनाथ शिंदे (Eknath Shinde) यांचे. कारण, हा बाबा एकनाथ शिंदे यांचा बाबा नसता, आणि अजित पवारांच्या गटातील रूपाली चाकणकर (Rupali Chakankar) याची भक्त नसती तर कधीच हा बाबा उघड झाला नसता. कदाचित पहिलेच प्रकरण पोलिसांनी त्यांच्या पातळीवर दाबवून टाकावे, अशा सूचना मिळाल्या असत्या. पण, एकनाथ शिंदें आणि राष्ट्रवादीला धडा शिकवायचा आहे, म्हणून उत्तम प्रकारे प्रकरण हाताळण्याच्या सूचना पोलिसांना मिळाल्या. असा धक्कादायक आणि खळबळजनक आरोप अखिल भारतीय अंधश्रद्धा निर्मूलन समितीचे अध्यक्ष प्राध्यापक श्याम मानव (Shyam Manav) यांनी केलाय.

Shyam Manav on Eknath Shinde: भोंदू बाबाचे प्रकरण उघड झाल्याबद्दलं एकनाथ शिंदे यांचे आभार मानले पाहिजे

एकनाथ शिंदे, रूपाली चाकणकर यांच्यासारख्या मित्र पक्षातल्या नेत्यांचा संबंध खरातशी समोर आल्यामुळे या प्रकरणाचा तपास करू देत आहेत. अशोक खरात या भोंदू बाबाचे प्रकरण उघड झाल्याबद्दलं 'एकनाथ शिंदे' यांचे आभार मानले पाहिजे. म्हणूनचं खरात प्रकरणाचा सर्वार्थाने तपास होतोय. भोंदू अशोक खरातचे आयपीएस महिला अधिकारी आणि अनेक असे अधिकारी त्याचे शिष्य आहेत. हा खरात विविध माध्यमातून एखाद्या व्यक्तीची ब्लॅक इन्कमची माहिती काढायचा. त्यानंतर स्वतःचे बनावट इन्कम टॅक्स ऑफिसर तयार करायचा, त्यांच्या माध्यमातून धाडी टाकायचा. अशाप्रकारे या माध्यमातून पैसे उकळायचा. तेव्हा कुणीही पोलीस अधिकाऱ्यांसह राजकीय पुढाऱ्यांनी हस्तक्षेप केला नाही.

Shyam Manav: हजारो वर्षांपासून देशात हेच बिंदासपणे सुरु, नव्हे तो आपल्या कल्चरचाच भाग बनलाय

खरात सोबतच्या महिलांचे व्हिडिओ कदाचित बघितले असतील. कोणत्याही महिलांचे कपडे त्या बाबाने काढले नाही. जे बाबा महिलांना भीती दाखवतात ते मूर्ख आहेत. कारण, बाबाला काहीही करायची गरज नाही, फक्त जाहीर करायचं 'मी गुरु आहे तुमचा', बसं सगळं संपलं. सर्व आयतं उपलब्ध होत, नंबर लागत नसल्याची परिस्थिती राहते. आज देशात इतकी भयावह परिस्थिती आहे. आज एखाद्या महिलेची छेड काढली तर हाणामारीचे प्रसंग येतात. आणि याचं देशात हजारोच्या संख्येने महिला स्वतःला बाबाला अर्पण करत आहे. हजारो वर्षांपासून या देशात हे बिंदासपणे सुरु आहे, नव्हे तो आपल्या कल्चरचा भाग मानला जातोय. अशी खंतही श्याम मानव यांनी बोलून दाखवलीय.

इतर महत्वाच्या बातम्या

Bharat Ganeshpure: 'भोंदू बाबा म्हणतो, दुनिया झुकती हैं; झुकानेवाला....' अशोक खरात प्रकरणात 'चला हवा येऊ द्या' फेम भारत गणेशपुरे काय म्हणाले?

Akola News: 15 हजारांच्या मागणीवरून खंडणीचा गुन्हा, अतिरिक्त जिल्हाधिकारी प्रमोद गायकवाडांचे अखेर निलंबन, अकोल्याच्या प्रशासकीय वर्तुळात मोठी खळबळ

उमेश अलोणे, एबीपी माझा — Sat, 18 Apr 2026 13:27:13 +0530

Akola Crime News: अकोल्याचे अतिरिक्त जिल्हाधिकारी प्रमोद गायकवाड यांच्यावर अखेर निलंबनाची कारवाई करण्यात आली आहे. गायकवाड यांच्यावर खंडणीचा गुन्हा (Crime News) दाखल झाल्यानंतर सरकारनं मोठी कारवाई केलीय. गुन्हा दाखल झाल्यानंतर गायकवाड यांना सक्तीच्या रजेवर पाठवण्यात आलं होतं. खाण आणि स्टोन क्रशर मालकांना खंडणी (Extortion Case) मागण्याच्या आरोपावरून अकोल्यातील (Akola Crime News) एमआयडीसी पोलिसांमध्ये गुन्हा दाखल झाला होता. दरम्यान, 15 हजारांची लाच घेणं अतिरिक्त जिल्हाधिकारी प्रमोद गायकवाड यांना भोवलं असून या प्रकरणी त्यांचं निलंबन करण्यात आलं आहे.

Akola Crime News: 15 हजारांची मागणी केल्याचा आणि धमकावल्याचा खाणमालकांचा आरोप, प्रशासकीय वर्तुळात मोठी खळबळ

अकोल्याचे अतिरिक्त जिल्हाधिकारी प्रमोद गायकवाड यांनी खाणमालकांना प्रत्येकी 15 हजारांची मागणी केल्याचा आणि धमकावल्याचा खाणमालकांचा आरोप होता. त्यावरून दोन आठवड्यापूर्वी खाण आणि क्रशर मालकांनी एमआयडीसी पोलिसांमध्ये तक्रार केली होती. या तक्रारीवरून अतिरिक्त जिल्हाधिकारी गायकवाड यांच्यावर खंडणीचा गुन्हा दाखल करण्यात आला आहे. अतिरिक्त जिल्हाधिकारी दर्जाच्या अधिकाऱ्यावर गुन्हे दाखल झाल्यानंतर अखेर निलंबन झाल्याने जिल्ह्यातील प्रशासकीय वर्तुळात मोठी खळबळ उडाली आहे. निलंबन काळात गायकवाड यांचं अकोला जिल्हाधिकारी कार्यालय मुख्यालय असेल. तर पूर्वसूचने शिवाय अकोला मुख्यालय न सोडण्याचे गायकवाड यांना शासनाने आदेश दिला आहे.

Raigad Accident News: पनवेलवरून गावी उत्तर कार्यासाठी निघालेल्या तरुणाचा अपघाती मृत्यू; पत्नी देखील गंभीर जखमी...

रायगडच्या श्रीवर्धन मधील आरावी गावाकडे पनवेल वरून गावी येण्यासाठी निघालेल्या एका तरुणाचा रस्त्यातच अपघाती मृत्यू झालाय. आपल्या गावी भावाच्या उत्तर कार्यासाठी येत असताना म्हसळा शहराजवळच्या जांभूळ गावाजवळ येताच वाहनावरील नियंत्रण सुटल्याने वाहन थेट आंब्याच्या झाडावर आदळल आणि हा अपघात झाला.या अपघातात नरेश जनार्दन पाटील यांचा जागीच मृत्यू झाला. तर त्यांच्या पत्नी राजेश्री पाटील या देखील गंभीर जखमी झाल्या आहेत.जखमी महिलेवर म्हसळा ग्रामीण रुग्णालयात उपचार सुरू आहेत. मृत्यू पावलेल्या नरेश पाटील यांच्या मुलाच गावी येत्या 30 एप्रिल रोजी लग्न देखील होत मात्र पाटील यांच्या अपघातामुळे त्यांच्या कुटुंबावर दुःखाचा डोंगर कोसळला आहे.

इतर महत्वाच्या बातम्या

Rahul Gandhi on Women's Reservation Bill: आपल्या सर्वांनाच महिलांनी खूप काही शिकवलंय, अगदी पत्नीत्नेही, पण पंतप्रधान आणि मी... राहुल गांधींच्या वक्तव्याने संसदेत हशा पिकला

Akola : संतापजनक! गावाला पाणीपुरवठा करणाऱ्या टाकीत चक्क मेलेलं माकड सापडलं; त्याच टाकीतून गावकऱ्यांना चार दिवस दुर्गंधीयुक्त पाण्याचा पुरवठा

उमेश अलोने, एबीपी माझा — Sat, 18 Apr 2026 09:38:21 +0530

Akola News: अकोला जिल्ह्यातील खिरपुरी बुद्रुक ग्रामपंचायतचा भोंगळ कारभार समोर आला आहे. यात चक्क ग्रामस्थांच्या जीवाशी खेळ खेळाला जातोय का? असा प्रश्न विचारण्याची वेळ आली आहे. गावाला पाणीपुरवठा (Water Supply) करणाऱ्या टाकीत चार दिवसांपासून माकड (monkey) मरून पडल्याचे आढळून आलंय. धक्कादायक बाब म्हणजे त्याच टाकीतून गावकऱ्यांना चार दिवस दुर्गंधीयुक्त आणि घाण पाण्याचा पुरवठा करण्यात आला आहे. या प्रकरणी गावकऱ्यांनी सरपंचसह सचिव आणि कर्मचाऱ्यांवर कारवाईची मागणी केली आहे.

Akola News: ग्रामसेवक आणि ग्रामपंचायतीच्या कर्मचाऱ्यांवर कारवाईची मागणी

अकोला जिल्ह्यातील खिरपुरी बुद्रुक ग्रामपंचायतीचा भोंगळ आणि संतापजनक कारभार समोर आलाय. चार दिवसांपूर्वी गावाला पाणीपुरवठा करणाऱ्या टाकीत माकड मरून पडले होते. मात्र, त्याच टाकीतून ग्रामपंचायतीने चार दिवस गावकऱ्यांना दुषित पाणीपुरवठा केलाय. गावातील नळांमधून दुर्गंधीयुक्त आणि घाण पाणी येत असल्याने गावकऱ्यांनी टाकीची तपासणी केली असता हा धक्कादायक प्रकार समोर आलाय. गावकऱ्यांनी यासंदर्भात ग्रामसेवक आणि ग्रामपंचायतीच्या कर्मचाऱ्यांवर कारवाईची मागणी केलीये. ही घटना समोर आल्यानंतर टाकीची स्वच्छता करून आता सुरळीत पाणीपुरवठा सुरू करण्यात आलाय. मात्र हा हलगर्जीपणा अनेकांच्या जीवाशी खेळणारा ठरणार असल्याने स्थानिकांमध्ये प्रचंड रोष व्यक्त केला जात आहे.

Bhandara: भंडाऱ्याच्या उमरी गावात पिसाळलेल्या कुत्र्याचा हैदोस, बालिकेसह पाच जणांना आणि काही पाळीव जनावरांनाही घेतला चावा

भंडाऱ्याच्या उमरी गावात पिसाळलेल्या कुत्र्याचा हैदोस पाहायला मिळालाय. यात पिसाळलेल्या कुत्र्यानं गावातील एका बालिकेसह पाच जणांना चावा घेतलाय. यासोबतचं या कुत्र्यानं काही पाळीव जनावरांनाही चावा घेत जखमी केल्याची घटना घडली आहे. भंडाऱ्याच्या पवनी तालुक्यातील उमरी गावात ही थरारक घटना घडली असून जखमींवर भंडारा जिल्हा सामान्य रुग्णालयात उपचार सुरू आहे. तर, पाळीव जनावरांवर पशुधन अधिकाऱ्यांनी उपचार केले असून सर्वांची प्रकृती धोक्याबाहेर असल्याचं डॉक्टरांनी सांगितलं. कुत्र्यामुळं गावातील नागरिकांमध्ये भीतीचं वातावरण असून कुत्र्याचा बंदोबस्त करण्याची मागणी करण्यात येत आहे.

Bhandara: भंडाऱ्यात मोहफुल वेचायला गेलेल्या महिलेचा बिबट्यानं घेतला बळी

मोहफुल वेचायला गावातल्या जंगलात गेलेल्या महिलेवर वाघानं हल्ला करून ठार केल्याची घटना भंडाऱ्याच्या धनेगावं इथं रात्री उघडकीस आली. तुमसर वनपरिक्षेत्रातील धनेगावं येथील साधना ऊईके (५२) असं मृत महिलेचं नावं आहे. त्या काल सकाळी मोहफुल वेचायला जंगलात गेल्या होत्या. मात्र, सायंकाळ होऊनही त्या घरी परतल्या नाहीत. त्यामुळं कुटुंबीयांनी त्यांचा जंगल परिसरात शोध घेतला असता, त्यांचा चिन्नविछिन्न अवस्थेत रात्री मृतदेह आढळून आला. तुमसर वनाधिकाऱ्यांना याची माहिती देऊन रात्री उशिरा मृतदेह ताब्यात घेत पंचनाम्यानंतर मृतदेह उत्तरीय तपासणीसाठी तुमसर उपजिल्हा रुग्णालयात पाठविण्यात आला. भंडारा जिल्ह्यात या दीड महिन्यात वाघ आणि बिबट्यानं आतापर्यंत पाच जणांवर हल्ला केला असून त्यात चौघांचा जीव गेला असून एका महिलेवर गंभीर अवस्थेत उपचार सुरू आहे.

इतर महत्वाच्या बातम्या

Ashok Kharat Crime News: अशोक खरातविरोधात तक्रारींचा पाऊस, हेल्पलाईनवर 23 दिवसांत शेकडो कॉल्स, आतापर्यंत 15 गुन्हे दाखल, आज भोंदूबाबाला पुन्हा कोर्टात हजर करणार

एका बाजूला वाढला तापमानाचा पारा, तर दुसऱ्या बाजूला अवकाळीचा मारा, राज्यातील शेतकरी चिंतेत

उमेश अलोणे, एबीपी माझा — Fri, 17 Apr 2026 23:57:51 +0530

Maharashtra Weather News : दिवसेंदिवस राज्यात तापमानाचा पारा वाढत असल्याचं चित्र पाहायला मिळत आहे. अनेक भागात तापमानाचा पारा 40 अंशाच्या पुढे गेला आहे. अकोला देशातील सर्वात उष्ण सहर ठरलं आहे. कारण तथं 44 अंशाच्या पुढे तापमानाची नोंद झाली आहे. तसेच विदर्भातील इतर जिल्ह्यात देखील तापमानाचा पारा 42 ते 44 अंशावर गेला आहे. दरम्यान, असं असताना दुसऱ्या बाजूला राज्याच्या काही भागात अवकाळी पाऊस पडत असल्याचं चित्र पाहायला मिळत आहेत. सोलापूर शहरासह जिल्ह्यातील विविध भागात विजेच्या कडकडाटासह जोरदार पावसाला सुरुवात झाली आहे. यामुळं शेतकरी चिंतेत आहेत.

सोलापूर शहरासह जिल्ह्यातील विविध भागात विजेच्या कडकडाटासह जोरदार पावसाला सुरुवात झाली आहे. मोहोळ आणि उत्तर सोलापूर तालुक्यात संध्याकाळी जवळपास 1 तास दमदार पाऊस झाला आहे. तर सोलापूर शहरात मागील 15 मिनिटापासून पावसाला सुरुवात झाली आहे. गेल्या काही दिवसांपासून तीव्र उकाड्याने हैराण झालेल्या नागरिकांना पावसामुळे काहीसा दिलासा मिळाला आहे. मात्र, या अवकाळी पावसाचा शेती पिकांना मात्र मोठा फटका बसण्याची शक्यता आहे.

वीज कोसळून तरुणाचा मृत्यू

सोलापुरात अवकाळी पावसावेळी वीज कोसळून तरुणाचा मृत्यू झाल्याची घटना घडली आहे. मोहोळ तालुक्यातील आढेगाव इथं ही दुर्दैवी घटना घडली आहे. विजय राजाराम डोंगरे असे मृत्यू झालेल्या व्यक्तीचे नााव आहे. सायंकाळी 7 च्या सुमारास वादळी वाऱ्यासह झालेल्या पावसामध्ये जोरदार विजांचा कडकडाट ही सुरु होता. त्याचवेळी बांधकामसाठी वाळूची ट्रक आल्याने विजय डोंगरे हा गाडी खाली करून घेण्यासाठी गेला होता. यावेळी अचानक वातावरण खराब झाल्याने वीज कोसळली. यामुळे विजय डोंगरे हे गंभीर जखमी झाले, त्यांच्या नातेवाईकांनी मोहोळच्या ग्रामीण रुग्णालयात त्यांना उपचारासाठी आणलं होतं. मात्र डॉक्टरांनी उवचारापूर्वीच त्यांचा मृत्यू झाल्याचे सांगितले.

अहिल्यानगर जिल्ह्यात उन्हाचा तडाखा तीव्र, पारा 41 अंशावर

अहिल्यानगर जिल्ह्यात उन्हाचा तडाखा तीव्र होत असून तापमानाने 41 अंश सेल्सिअसचा आकडा गाठला आहे. वाढत्या उष्णतेचा परिणाम जनजीवनावर स्पष्टपणे जाणवू लागला आहे. याचा परिणाम शिर्डी साई बाबा मंदिर परिसरातील भाविकांच्या संख्येवरही झाला असून, ती लक्षणीयरीत्या घटल्याचं दिसून येत आहे. उन्हाच्या तीव्रतेमुळे अनेक भाविक दर्शनासाठी येणं टाळत असल्याचं चित्र आहे. दरम्यान, साईबाबा संस्थानकडून भाविकांना उन्हापासून दिलासा देण्यासाठी विशेष उपाययोजना करण्यात आल्या आहेत. मंदिर परिसरात ठिकठिकाणी मंडप उभारण्यात आले असून, दर्शनासाठी येणाऱ्या भाविकांना उन्हाचा त्रास होऊ नये यासाठी जमिनीवर गालिचे अंथरण्यात आले आहेत. तसेच, रांगेत उभ्या भाविकांसाठी पिण्याच्या पाण्याची व्यवस्था करण्यात आली आहे. उन्हाळ्याच्या सुट्ट्यांमध्ये देशभरातून मोठ्या संख्येने भाविक शिर्डीत येतात. मात्र, सध्या वाढलेल्या तापमानामुळे भाविकांची संख्या कमी झाल्याचं पाहायला मिळत आहे.

विदर्भातील तापामानाचा पारा वाढला

अकोला - 44.1
वर्धा - 44.4
नागपूर - 44
यवतमाळ- 42.8
गडचिरोली - 44
चंद्रपूर - 43.6
ब्रह्मपुरी - 43
गोंदिया - 42.9
भंडारा - 42
बुलढाणा - 41.2
अमरावती- 44.4

राज्यातील इतर शहरात किती तापमान?

सांगली 41.5
जलगांव 42.3
बारामती 40.3
परभणी 41.8
सतारा 40.8
एसएलपी 42.2
केएलपी 38.1
उदगीर 40.3
ज्यूर 41.5
मालेगांव 41
पुणे 40.3
छ.ग.संभाजी नगर 41.6
ठाणे 37
माथेरान 36
बीड 41.9
नासिक 38.4
नंदुरबार 39.3
अहिलायनगर 40.2
धाराशिव 41
जालना 40.7

ब्रेक फेल झाले की केले? अमोल मिटकरींचा सवाल, अंजली दमानिया म्हणाल्या, ईडी चौकशी झाली, हा अपघात असूच शकत नाही

उमेश अलोणे, एबीपी माझा — Fri, 17 Apr 2026 15:36:43 +0530

अकोला : नाशिकमधील भोंदू आणि महिलांवर लैंगिक अत्याचार करणारा आरोपी अशोक खरातचे (Ashok kharat) निकटवर्तीय जितेंद्र शेळकें यांच्या कारला समृद्धी महामार्गावर भीषण अपघात (Accident) झाला. या अपघातात जितेंद्र शेळके आणि त्यांच्या पत्नीचा जागीच मृत्यू झाला असून 10 वर्षीय मुलगा गंभीर जखमी आहे. सध्या मुलावर रुग्णालयात उपचार सुरू आहेत. मात्र, एकीकडे अशोक खरात प्रकरणावरुन एसआयटीकडून सखोल तपास केला जात असून दुसरीकडे ईडीनेही खरातच्या संपत्तीवर टाच आणली आहे. त्यातच, खरातच्या शिवनिका संस्थेचे उपाध्यक्ष असलेल्या जितेंद्र शेळके यांचा अपघाती मृत्यू झाल्याने संशय निर्माण होत आहे. त्यामुळे, राजकीय नेते आणि सामाजिक कार्यकर्त्यां यावरुन प्रश्न उपस्थित केले आहेत.

जितेंद्र शेळकेंच्या भीषण अपघात प्रकरणावर राष्ट्रवादीचे आमदार अमोल मिटकरी यांनी प्रतिक्रिया दिली. चौकशी लागलेली असतानाच दोन दिवसात शेळके यांचा अपघाती मृत्यू कसा झाला? शेळके यांचा अपघात की घातपात? हा मोठा संशय आहे. जितेंद्र शेळके यांच्या वाहनाचे ब्रेक फेल झाले होते की केले गेले होते? याचा शोध घेतला गेला पाहिजे, अशी मागणी आमदार अमोल मिटकरी यांनी केली. अशोक खरात प्रकरण दडपवण्याचा प्रयत्न होत आहे का?, कारण या अपघातामुळे आता खरात प्रकरण सोपं राहलं नाही. गेल्या 3 महिन्यापासून अजित दादांच्या अपघातापूर्वीचे CCTV फुटेज समोर येऊ शकले नाही, त्यामुळे जितेंद्र शेळके यांचा अपघात की घातपात? या मागील खरं सत्य महाराष्ट्र समोर येणारचं नाही, अशीही खंत आमदार मिटकरी यांनी व्यक्त केली.

जितेंद्र शेळके यांची दोन दिवसापूर्वी चौकशी होते, आज चौकशीच्या भोवऱ्यात असलेल्या व्यक्तीचा अशाप्रकारे अपघाती मृत्यू दाखवल्या गेलं? याचं खरं सत्य कधी समोर येणार, याबाबत आता मनात मोठी शंका असल्यासं मिटकरी यांनी म्हटलं. तर, सामाजिक कार्यकर्त्या अंजली दमानिया, आमदार रोहित पवार आणि सुषमा अंधारे यांनी देखील प्रश्न उपस्थित केले आहेत.

''जितेंद्र शेळके हे शिवनिका संस्थानावर नंबर 2 पोज़िशन वर होते. कल्पना खरात आणि रुपाली चाकणकर ह्याच्यापेक्षा त्यांचे वजन जास्त होते, विशेष म्हणजे 3 दिवसापूर्वी त्यांची ED चौकशी झाली आणि आज ते अपघातात वारले? हा अपघात असूच शकत नाही,'' असे ट्विट अंजली दमानिया यांनी केले आहे. त्यामुळे, आता या अपघाताची चौकशी करण्याची मागणी जोर धरत आहे.

रोहित पवार यांनीही व्यक्त केला संशय

दरम्यान, रोहित पवार यांनीही ट्विट करुन शंका उपस्थित केली आहे. शिवनिका संस्थानचे उपाध्यक्ष आणि भोदू अशोक खरातचे सहकारी जितेंद्र शेळके यांचं अपघाती झालेलं निधन अतिशय धक्कादायक आहे. अजूनही पुढं न आलेले भोंदूचे इतर काही कारनामे पुढं येऊ नयेत आणि यामध्ये कुणीतरी अडचणीत येऊ नये, म्हणून तर हा अपघात घडवून आणला नाही ना, अशी शंका येते. या अपघाताची सखोल चौकशी झाली पाहिजे. तसंच भोंदू खरातच्या चौकशीतही अनेकबाबी पुढं येणार असल्याने त्याच्याही सुरक्षेची काळजी घ्यावी, असेही रोहित पवार यांनी म्हटले.

हेही वाचा

हा अपघात घडवून आणला नाही ना? खरातच्या निकटवर्तीयाचा मृत्यू; रोहित पवार, सुषमा अंधारेंना संशय, खळबळजनक दावा