Ajit Pawar बारामती : सगळ्याच गोष्टी अगदी नियमांवर बोट ठेऊन करून नका, शेवठी माणसं, बळीराजा जगला पाहिजे, असं म्हणत उपमुख्यमंत्री अजित पवार (Ajit Pawar) यांनी पुणे जिल्हा मध्यवर्ती सहकारी बँकेच्या (PDCC Bank) अधिकाऱ्यांना सूचना दिल्या आहेत. उद्या-परवा पुन्हा अतिवृष्टीचा अंदाज वेळशाळेनं वर्तवलाय. त्यामुळे सगळ्यांनी काळजी घ्या. अल्पबचत भवनात बँकेच्या सर्वसाधारण सभेसाठी जागा पुरत नाही, त्यामुळे पुढची सभा गणेश कला क्रीडा भवनला भरवा, अशा प्रेमळ सूचनाही अजित पवार यांनी बँक संचालकांना यावेळी दिल्या. बँकेचा सभासदाला बसायला खूर्ची ही मिळालीच पाहिजे असेही ते यावेळी म्हणाले.

उगीच जागा अडवून ठेवायची नव्हती म्हणूनच मी बँकेच्या संचालक पदाचा राजीनाम दिला. मी या बँकेत आलो तेव्हा रमेश आप्पा कारभार पहायचे. तेव्हा त्यांना काय माहिती हे बाबा आपल्याच डोक्यावर येऊन बसणार. पण आलो बाबा काय करणार. पण ही बँक बघता बघता रमेश आप्पासोबतच माझ्या डोक्याचीही केसं उडाली, हे बघा असं सांगून अजित पवार यांनी मिश्किल भाष्यही यावेळी केलं.

बँकेत नोकरभर्ती करताना गुणवत्ता ही पाळलीच गेली पाहिजे- अजित पवार(Ajit Pawar in Pune)

3 लाखांच्या पुढे कर्ज देताना 2400 लोकांसाठी बँकेला 9 कोटी मोजावे लागतात. हे काही परवडणारं नाही. त्यामुळे पाहिजे तर खातेफोड करा, पण आता बँकेवर व्याज सवलतीचा बोजा टाकू नका. 2 लाख 88 हजार शेतकऱ्यांना आम्ही 3 लाखाच्या आतील कर्जासाठी 9 कोटींची व्याज सवलत देतोच की. पीडीसीसी बँक ही काळासोबत चालणारी बँक आहे. एआय तंत्रज्ञानासाठी आम्ही 3 कोटींची तरतूद ठेवलीय. बँकेत आजमितिला 15 हजार कोटींच्यावर मुदत ठेवी झाल्यात. बँक नफ्यात आहे. बँकेत नोकरभर्ती करताना गुणवत्ता ही पाळलीच गेली पाहिजे. पण जिल्ह्यातलीच कशी मुलं लागतील तेही बघू. पण ते करतानाही मेरीट बघा रे बाबांनो. असे म्हणत नोकरभर्तीवरून अजितदादांनी मिश्किल टोमणा लगावला आहे.

मी जरी बँकेच्या बोर्डावर नसलो तरी माझं बारीक लक्ष- अजित पवार (Ajit Pawar in Pune PDCC Bank)

शिपाई लोकांनो मँनर्स पाळा बाबांनो. नाहीतर म्हणायचे आपल्याला काय दादाने लावलंय, असं काही करू नका, ड्रायवर लोकांनी व्यवस्थित गाड्या चालवा. मुलांना लाडाने वाढवताना काळजी घ्या. ऑनलाइन गेम खेळ खेळू देऊ नका, पब्जी खेळून एका महिलेचं बँक अकाउंट मुलानेच रिकामं केलं. असं होऊ देऊ नका. मुलांना फार लाडावून ठेऊ नका. हल्ली एकटाच नागोजी असतो अनेकांना. तो मग हा असा डोक्यावर बसतो. मध्ये काय ड्रिम11 पण आलतं, ते खेळत बसू नका. असे म्हणत अजित पवार यांनी ऑनलाइन गेमिंगवरून बैंक सभासदांचे कान टोचत काळजीचा सल्ला दिला आहे. मित्रानों मी जरी बँकेच्या बोर्डावर नसलो तरी माझं बारीक लक्ष असेल. यापुढेही अशीच साथ आम्हाला द्या, असे आवाहन ही अजित पवार यांनी यावेळी केलं.

हेही वाचा