माझ्याही मतदारसंघात आठ तालुके; बाळासाहेब थोरांतांनी बैठकीला बोलावलं नाही, खासदार निलेश लंके नाराज

श्रीकांत शिंदे म्हणाले, 500 कोटी हातातून, बॅगेतून नेता येत नाही; प्रसाद लाड यांची पहिली प्रतिक्रिया, म्हणाले...

नितीन ओझा, एबीपी माझा — Sat, 24 Oct 2026 18:12:40 +0530

अहिल्यानगर : भाजप आमदार प्रसाद लाड (Prasad lad) यांनी आज शिर्डीतील साई समाधीचे दर्शन घेतले. त्यानंतर, माध्यमांशी संवाद साधताना मनोज जरांगे पाटील (Manoj Jarange) यांनी केलेल्या 500 कोटींच्या आरोपांसह विविध प्रश्नांना उत्तरे दिले. 500 कोटींच्या देवाण-घेवाणीचा आरोप म्हणजे पूर्णतः फेक नेरीटिव्ह आहे, संजय राऊत स्क्रिप्ट मास्टर असून, रोज सकाळी कुठली ना कुठली क्लिप लिहितो. सामनाच्या प्रेसमध्ये ही स्क्रिप्ट लिहिली गेली आहे, याची चौकशी व्हावी आणि एसआयटीने संजय राऊत यांना बोलावून घ्यावे. संजय राऊत (Sanjay Raut) यांची चौकशी करून अटक करा, अशी मागणी प्रसाद लाड यांनी केली. तसेच, खासदार श्रीकांत शिंदे यांनी दिलेल्या प्रतिक्रियेवर देखील आपली भूमिका मांडली.

आम्ही कायम मनोज जरांगे यांच्या मागे आहोत, त्यांची कुठेही बदनामी होणार नाही याची आम्हाला काळजी आहे. ज्यांनी कोणी खोटंनाट केले त्यांना सर्व मिळून खोटं पाडू, असे म्हणत जरांगे पाटील यांच्यासोबत आपण असल्याचे प्रसाद लाड यांनी म्हटलं. तसेत, खासदार श्रीकांत शिंदे यांनी याबाबत प्रतिक्रिया दिली होती. आता, श्रीकांत शिंदेंच्या प्रतिक्रियेवर प्रसाद लाड यांनी आपली भूमिका मांडली. हो, पाचशे कोटी फार मोठी रक्कम असते, ती हातातून, बागेतून, गाडीतून नेता येत नाही. श्रीकांत शिंदेंना जो प्रश्न पडला आहे तो मला देखील पडलाय. उद्धवजींच्या काळात जसे 100 कोटी जमा केले, तसे आता पाचशे कोटी जमा करायचे होते की काय? असा सवाल प्रसाद लाड यांनी केला. या प्रकरणाची चौकशी करून दूध का दूध पाणी का पाणी झालं पाहिजे. ही टेप कोणी कुणापर्यंत कशी पोहोचवली याचा देखील शोध घेतला जाईल. मनोज जरांगेंसारख्या प्रामाणिक माणसाला वेगळ्या दिशेला नेण्याचे काम केले जातंय, असेही लाड यांनी म्हटलं. तसेच, एकनाथ शिंदे आमचे नेते आहेत, त्यांचे पंख कापण्याइतपत ते छोटे नाहीत, त्यांना संपूर्णपणे देवेंद्रजी, अमित शहा आणि मोदीजींचे बळ आहे. आम्ही सगळे त्यांच्यामागे ताकतीने उभे आहोत, असेही लाड यांनी म्हटले.

रामदास कदमांबाबत झालं गेलं गंगेला मिळालं

माझं देखील त्यांच्यावरती प्रचंड प्रेम आणि विश्वास आहे, रामदास कदमांना जे उत्तर द्यायचे होते, ते मी दिलंय. उपमुख्यमंत्री शिंदेंनी देखील त्यांना सूचना दिल्या आहेत. महायुती एकत्र राहिली पाहिजे हीच आमची भूमिका आहे. रामदास कदमांकडून जे झालं, ते गंगेला मिळालं, साईबाबांच्या चरणी फुलं वाहून त्याच्यावर पाणी टाकलं, असे म्हणत प्रसाद लाड यांनी रामदास कदमांवर अधिकचं बोलणं टाळलं.

मुंढवा जमीन प्रकरणी चौकशी - लाड

देवेंद्रजींचे सरकार कोणालाही पाठीशी घालणार नाही, त्यामुळे मुंढवा जमीन घोटाळा प्रकरणातील दोषींना पकडले जाईल. सुनेत्रा पवार उपमुख्यमंत्री असतानाही त्यांच्या कार्यालयातील कर्मचाऱ्याला चौकशीला बोलावले आहे. याचाच अर्थ मुख्यमंत्री पारदर्शकतेने गृह खातं सांभाळतात, असे प्रसाद लाड यांनी म्हटलं.

हेही वाचा

KBC Drought Story: केबीसीत लाखो जिंकला, पण दुष्काळात हरला; मराठवाड्यातील शेतकऱ्याची व्यथा, विहीर कोरडी,डोळ्यात पाणी

वर्षावर गेल्यास कारवाई! मग काय करायचे ? आझाद मैदानावर ओरडून ओरडून मरायचे? अजित नवलेंचा सरकारला सवाल

गणेश लटके — Wed, 21 Oct 2026 22:36:22 +0530

अहिल्यानगर : दुष्काळग्रस्त शेतकरी श्रमिकांच्या विविध मागण्यांसाठी अकोले येथे राज्यव्यापी महामुक्काम सत्याग्रह सुरु करण्यात आले आहे. किसान सभेसह अन्य संघटना देखील यामध्ये सहभागी झाल्या आहेत. मागण्या मान्य न झाल्यास 26 ऑक्टोबरपासून अकोले ते मुंबई वाहनांचा भव्य लॉंग मार्च काढण्यात येणार असल्याची माहिती किसासन सभेचे नेते डॉ. अजित नवले यांनी दिली आहे. तसेच मुख्यमंत्री देवेंद्र फडणवीस यांच्या वर्षा बंगल्यापर्यंत आंदोलन नेण्याचा निर्धार केल्याचे नवले म्हणाले. दरम्यान, यानंतर पोलीस निरीक्षक कार्यालय मलबार हिल यांच्याकडून अजित नवले यांनी नोटीस आली आहे. वर्षावर गेल्यास कारवाई करण्यात येणार असल्याचा उल्लेख नोटीसमध्य करण्यात आला आहे. मग काय करायचे ? आझाद मैदानवर ओरडून ओरडून मरायचे ?
काय गोळ्या घालायच्या घाला. आम्ही लोकशाही मार्गाने लढणार असल्याचे नवले म्हणाले.

नेमक्या काय आहेत मागण्या?

दुष्काळग्रस्त शेतकऱ्यांना योग्य नुकसानभरपाई द्यावी, नियमित कर्जफेड करणाऱ्या शेतकऱ्यांना दोन लाख रुपयांचे प्रोत्साहन अनुदान द्यावे, वनजमीन, देवस्थान जमीन, गायरान जमीन आणि घरांच्या तळजमिनी कसणाऱ्यांच्या नावे कराव्यात, नमो शेतकरी सन्मान योजनेचे थकीत दोन हप्ते तातडीने अदा करावेत आणि पीक विमा योजनेतील विविध ट्रिगर लागू करून शेतकऱ्यांना नुकसानभरपाई द्यावी, तसेच केवायसी प्रक्रिया बंद असल्याने योजनेतून वगळण्यात आलेल्या ८१ लाख लाडक्या बहिणींना पुन्हा योजनेत समाविष्ट करून केवायसी प्रक्रिया सुरू ठेवावी, या मागण्यांसाठी अखिल भारतीय किसान सभा, सेंटर ऑफ इंडियन ट्रेड युनियन्स (CITU), अखिल भारतीय जनवादी महिला संघटना (AIDWA) आणि डेमोक्रॅटिक युथ फेडरेशन ऑफ इंडिया (DYFI) यांच्या वतीने अहिल्यानगर जिल्ह्यातील अकोले येथे राज्यव्यापी महामुक्काम सत्याग्रह सुरू करण्यात आला आहे. तहसील कार्यालयासमोर सुरू असलेल्या या आंदोलनातून राज्यभरातील शेतकरी, कामगार, महिला आणि श्रमिकांच्या प्रश्नांना न्याय मिळवून देण्यासाठी निर्धार व्यक्त करण्यात आला.

आंदोलनाची व्याप्ती वाढवण्यासाठी उद्या, 22 ऑक्टोबर रोजी अकोले येथे भारताचा कम्युनिस्ट पक्ष (मार्क्सवादी) यांच्या ज्येष्ठ नेत्या वृंदा करात, पक्षाच्या पॉलिट ब्युरोचे सदस्य डॉ. अशोक ढवळे, माजी आमदार जीवा पांडू गावित, आमदार विनोद निकोले आणि डॉ. अजित नवले यांच्या प्रमुख उपस्थितीत भव्य जाहीर सभा आयोजित करण्यात आली आहे. या सभेतून राज्यभरातील शेतकरी, कामगार, महिला आणि श्रमिकांच्या मागण्यांचा आवाज सरकारपर्यंत पोहोचवण्यात येणार आहे.

मागण्या मान्य न झाल्यास अकोले ते मुंबई लॉंग मार्च!

सरकारने मागण्यांची तातडीने दखल घेऊन त्यांची अंमलबजावणी करावी, यासाठी २१ ते २६ ऑक्टोबरदरम्यान महामुक्काम सत्याग्रह सुरू ठेवण्यात येणार आहे. सरकारने मागण्या मान्य न केल्यास आणि त्यांची ठोस अंमलबजावणी न झाल्यास २६ ऑक्टोबर रोजी महाराष्ट्रातील २१ जिल्ह्यांमधील हजारो शेतकरी ट्रॅक्टर, पिकअप आणि अन्य वाहनांसह अकोले येथे दाखल होणार आहेत. तेथून अकोले ते मुंबई असा वाहनांचा भव्य लॉंग मार्च काढण्यात येणार आहे.

मुख्यमंत्र्यांच्या वर्षा बंगल्यापर्यंत आंदोलन नेण्याचा निर्धार!

आंदोलनांच्या वेळी आंदोलकांशी चर्चा करण्यासाठी अनेकदा मंत्र्यांची समिती नेमली जाते. या समितीमार्फत काही मागण्या मान्य केल्याचे जाहीर केले जाते. मात्र, प्रत्यक्ष अंमलबजावणीची वेळ येताच संबंधित मंत्री, ‘आमच्या हातात काही नाही; मुख्यमंत्रीच याबाबत निर्णय घेतील,’ अशी भूमिका घेतात. त्यामुळे यावेळी आंदोलन थेट राज्याचे मुख्यमंत्री यांचे शासकीय निवासस्थान असलेल्या ‘वर्षा’ बंगल्यापर्यंत नेण्याचा निर्णय किसान सभेच्या राज्यस्तरीय बैठकीत घेण्यात आला आहे. शेतकरी, कामगार, महिला आणि श्रमिकांच्या मागण्यांबाबत सरकारला ठोस निर्णय घेण्यास भाग पाडण्याचा निर्धार आंदोलनकर्त्यांनी व्यक्त केला आहे.

८१ लाख लाडक्या बहिणींना योजनेत पुन्हा समाविष्ट करा!

लाडकी बहीण योजनेची केवायसी प्रक्रिया बंद असल्यामुळे सुमारे ८१ लाख महिलांना योजनेतून वगळण्यात आल्याचा प्रश्न आंदोलनात उपस्थित करण्यात येत आहे. या महिलांना पुन्हा योजनेत समाविष्ट करावे, केवायसी प्रक्रिया नियमितपणे सुरू ठेवावी आणि पात्र महिलांचे थकीत मानधन तातडीने जमा करावे, अशी मागणी करण्यात येत आहे. महिलांना मिळणाऱ्या आर्थिक मदतीत खंड पडू नये आणि तांत्रिक प्रक्रियेच्या अडचणींमुळे पात्र महिलांना योजनेच्या लाभापासून वंचित ठेवू नये, यासाठी सरकारने तातडीने हस्तक्षेप करावा, अशी भूमिका अखिल भारतीय जनवादी महिला संघटनेने घेतली आहे.

राज्यभरातील शेतकऱ्यांना लॉंग मार्च मध्ये सहभागी होण्याचे आवाहन

दुष्काळी मदत, कर्जमाफी, नियमित कर्जदारांना प्रोत्साहन अनुदान, पीक विमा भरपाई, कसणाऱ्यांच्या जमिनींचे हक्क आणि लाडकी बहीण योजनेतील पात्र महिलांचे प्रश्न हे राज्यातील शेतकरी, कामगार आणि महिलांच्या जीवनाशी निगडित महत्त्वाचे प्रश्न आहेत. त्यामुळे महाराष्ट्रभरातील शेतकरी, कामगार आणि महिलांनी २६ ऑक्टोबर रोजी अकोले येथे मोठ्या संख्येने जमून अकोले ते मुंबई लॉंग मार्चमध्ये सहभागी व्हावे आणि आपल्या न्याय्य मागण्यांसाठी पूर्ण ताकदीने संघर्षात उतरावे, असे आवाहन डॉ. अशोक ढवळे, माजी आमदार जीवा पांडू गावीत, आमदार विनोद निकोले, डॉ. अजित नवले, यशवंत झाडे, उमेश देशमुख आदींनी केले आहे.

तहसील कार्यालयासमोर मुक्काम ठोकून संघर्ष सुरू ठेवणार!

महामुक्काम सत्याग्रह यशस्वी करण्यासाठी सदाशिव साबळे, नामदेव भांगरे, ज्ञानेश्वर काकड, ताराचंद विघे, मथुराबाई बर्डे, शिवराम लहामटे, राजू गंभीरे, गणेश ताजणे, एकनाथ मेंगाळ, संगीता साळवे, हेमलता शेळके, सुमन विरणक, काळू मेंगाळ, जुलेखा गोडे, कुसुम डोके, आदी कार्यकर्ते मेहनत घेत आहेत. मागण्या मान्य होईपर्यंत तहसील कार्यालयासमोरच मुक्काम ठोकून संघर्ष सुरू ठेवण्याचा संकल्प आंदोलकांनी व्यक्त केला आहे.

मी अंतरवाली गाव दत्तक घेतलंय, बीडमधील गावांएवढचं प्रेम तिथं करणार; पंकजा मुंडेंची भगवानगडावरुन साद

स्वानंद पाटील — Tue, 20 Oct 2026 16:02:41 +0530

बीड : जय भगवान, छत्रपती शिवाजी महाराज की जय असे म्हणत मंत्री पंकजा मुंडे (Pankaja munde) यांनी भगवानगडावरुन आपल्या भाषणाला सुरुवात केली. भगवानगडावर पंकजा मुंडेंच्या नेतृत्वात दसरा मेळाव्याचं दरवर्षी आयोजन करण्यात येतं. यंदाही मोठ्या संख्येनं या मेळाव्याला मुंडे समर्थकांची गर्दी पाहायला मिळाली. हे सीमोल्लंघनाच दशक आहे, हे वेगळं दशक आहे. या मेळाव्यासाठी (Beed) सगळीकडून लोक आहेत. पाण्यावर बसून ज्यांनी ज्ञानेश्वरी वाचली ते भगवान बाबा भगवंताचा अवतार आहेत. आपल्याल जातीपातीच्या भिंती मोडून काढायच्या आहेत. जातीपातीच्या जीवावर मोठा होऊ इच्छितो, जो नेता राजकारण करतो, त्याला भविष्य नाही, असेही पंकजा यांनी येथून म्हटले.

प्रभू श्रीरामाने शिवधनुष्य पेललं होतं ती ताकद सितेमध्ये होती, असे म्हणत धनंजय मुंडे यांच्या भाषणातील शेरोशायरीनंतर पंकजा मुंडेंची देखील शेरोशायरी भगवानगडावर पाहायला मिळाली. या वाघांना ऊन लागत नाही, माझ्या कातड्याचे जोडे करून तुम्हाला घातले तरी तुमचे उपकार फिटू शकत नाहीत. हा दुष्काळातला मेळावा आहे, लग चुकी है तलक जितकी खुदको आदमी छोड देंगे.. मी कधीही कुठला निर्णय घेताना पुढचा विचार केला नाही, मी क्षणात भगवान गडावर भगवान भक्तीगड स्थापन केला की नाही? ही आजची शक्ती आहे, लेकीची शक्ती आहे, गोपीनाथ मुंडेंच्या लेकीची शक्ती आहे. श्वानाला दगड मारल्यास तो ओरडतो, पण आपण मधमाशांच्या पोळ्याला दगड मारलं की ते अंगावर येतो, असे म्हणत पंकजा मुंडेंनी आपली ताकद दाखवण्याचं आवाहन केलं.

आपल्याला अशी तरुण पिढी नको जी देशभक्त नाही, देशाबद्दल आदर नाही. जयप्रकाश नारायण यांसारख्यासोबत काम केले, गोपीनाथ मुंडे सारखे सैनिक तयार केले. तुम्ही खरे झेन झी आहात, आमचा आर्यमान पण जेन झी आहे. पुरुष नेतृत्व जेन-झींना करायचं आहे. तुम्हाला आणि भिंती निर्माण केले आहेत पण त्या आपल्याला मोडायचे आहेत. आपल्याला माणसा माणसात भिंत उभी करायची नाही. आपल्याला धर्माच्या नाही तर जातीच्या भिंती मोडून काढायच्या आहेत, असे म्हणत पंकजा मुंडेंनी जातीभेदाला थारा न देण्याचं आवाहन केलं.

दुष्काळ गरीब श्रीमंती पाहत नाही, दुष्काळामध्ये जाती-धर्माच्या भीती तोडून काढायच्या आहेत. मी जालन्यातील अंतरवली गाव दत्तक घेतलं आहे, मी आंतरवलीचा विकास करणार आहे. बीडमधल्या गावाचा विकास कसा केला तसा अंतरवलीचा विकास करणार आहे, असेही पंकजा मुंडेंनी म्हटले. जातीपातीच्या नावावर राजकारण करणाऱ्यांना भविष्य नाही, शिक्षण नसलेला विचारी नाही तर विषारी असल्याचे पंकजा यांनी म्हटले.

भीड मे खडा होना मक्सद नही है मेरा, भीड जिसके लिए खडे होती है वह बनना है मुझे... अशी शायरी म्हणत नेतृत्वाचा संदेश पंकजा यांनी दिलाय. माझ्या मनात स्वार्थ असला असता तर तुम्ही इथं आला असतात का? माझी हात जोडून तुम्हाला विनंती आहे, हा देश व्यसनाच्या आधीन झाला आहे. व्यसन सोडण्याचा आवाज केला तरी व्यसन सोडलं पाहिजे, मी तुम्हाला आवाहन केलं लेकीला जन्म घेऊ द्या, मी मागचा दुष्काळ हाताळला होता, हाही दुष्काळ हाताळू. सीएसआर फंडातून मी चारा पोहोचवण्यासाठी, अनुदानासाठी पंतप्रधान नरेंद्र मोदी आणि मुख्यमंत्री देवेंद्र फडणवीस यांच्यासोबत काम करुन सावली बनण्याचं काम करेल, असेही पंकजा यांनी म्हटले.

दुष्काळात आपल्याला एक मोठे काम करायचं आहे. ये पेड के पत्ते शाखे भी परेशान हो जाते, अगर परिंदे भी हिंदू मुसलमान हो जाते.. अशी शायरी म्हमत पंकजा यानी जाती-धर्मावर प्रहार केला. मी टोपलं आणि खोरं घेऊन तुमच्या नदीचं संवर्धन करण्यासाठी आल्याशिवाय राहणार नाही, असेही पंकजा यांनी यावेळी म्हटले. आता राजकारणात सकारात्मकता पाहिजे आहे. नगद नारायण आणि गहिनीनाथ, मच्छिंद्रनाथ गडाला मी नमन करते, आमचा दसरा मेळावा का कुणाच्या डोळ्यात खुपावा. सगळ्या समाजाचं भलं करण्यासाठी हृदयात प्रेम, भविष्याची जाणीव लागते, तोंडातून चांगलं बोलावं लागतं, संस्कार लागतात, असेही पंकजा यांनी यावेळी म्हटले.

दरम्यान, व्यासपीठावर ज्यान्याआधी मंत्री पंकजा मुंडे यांनी गर्भगृहात असलेल्या संत भगवान बाबांच्या मूर्तीचे पूजन केले. त्यावेळी मुलगा आर्यमान देखील त्यांच्यासोबत होता. त्यानंतर व्यासपीठाच्या मागे असलेल्या भगवान बाबांच्या मूर्तीसमोर पंकजा मुंडे,धनंजय मुंडे, प्रीतम मुंडे, यशश्री मुंडे यांनी आरती केली.

हेही वाचा

जो नेता, पक्ष मराठ्यांच्या विरोधात जाईल, त्यांना 2029 ला पाडायचं; जरांगे पाटलांचा नारायणगडावरुन इशारा

मंत्र्यांचा कार्यक्रम, पोलिसांच्या हातावर तुरी; नागरिकांनी पकडलेल्या चोरट्याने डोळ्यादेखत धूम ठोकली

नितीन ओझा, एबीपी माझा — Sat, 17 Oct 2026 15:03:16 +0530

मंत्र्यांचा कार्यक्रम, पोलिसांच्या हातावर तुरी; नागरिकांनी पकडलेल्या चोरट्याने डोळ्यादेखत धूम ठोकली

भीमनवारांचा राजीनामा झाला नाही; MPSC विद्यार्थी परिषदेच्या माध्यमातून पुन्हा आंदोलन, सीजीपीचंही सहकार्य

सुनील भोंगळ — Wed, 14 Oct 2026 15:18:16 +0530

अहिल्यानगर : एमपीएससी पेपरफुटीवरुन पुण्यात MPSC विद्यार्थ्यांचा (MPSC) 11 दिवस मोठं आंदोलन सुरू होतं. अखेर, 11 व्या दिवशी या आंदोलनावर तोडगा निघाला असून सरकारने विद्यार्थ्यांच्या सगळ्या मागण्या मान्य केल्या आहेत. मात्र, MPSC आयोगाचे अध्यक्ष विवेक भीमनवार यांचा राजीनामा न झाल्याने काही विद्यार्थ्यांमध्ये नाराजी आहे. भीमनवार (Vivek bhimanwar) हे केवळ सक्तीच्या रजेवर गेले आहेत, त्यांचा राजीनामा न झाल्याने पुन्हा एकदा पुण्यात मोठं आंदोलन उभारण्यात येणार असल्याचे पेपरफुटीतील मूळ तक्रारदार ऋषीकेश गांगर्डे यांनी म्हटले.

MPSC चे अध्यक्ष विवेक भीमनवार यांच्या राजीनाम्यासाठी पुण्यात MPSC च्या विद्यार्थ्यांनी आंदोलन केले. मात्र MPSC चे अध्यक्ष भीमनवार यांचा राजीनामा न होताच हे आंदोलन स्थगित करण्यात आले. त्यावरून मूळ तक्रारदार ऋषीकेश गांगर्डे यांनी नाराजी व्यक्त केली होती. आता, येत्या दोन महिन्यांत "MPSC विद्यार्थी परिषद" ही स्वतंत्र विद्यार्थी संघटना स्थापन करून तीव्र आंदोलन केले जाणार असल्याची माहिती गंगार्डे यांनी दिली. जोपर्यंत MPSC चे अध्यक्ष राजीनामा देत नाहीत तोपर्यंत हे आंदोलन केले जाणार आहे. सोबतच यासाठी CJP चे देखील सहकार्य घेतले जाणार असल्याचे त्यांनी म्हटले. दरम्यान यापुढील आंदोलन केवळ विद्यार्थ्यांच्याच नेतृत्वाखाली आणि निर्णय देखील विद्यार्थीच घेणार असल्याचे देखील ऋषीकेश गांगर्डे यांनी स्पष्ट केले. दरम्यान, राजकीय नेत्यांनी किंवा व्यक्तींनी पाठिंबा दिल्यास त्यांचा पाठिंबा घेऊ, असेही ते म्हणाले.

विवेकानंद पाटलांचे गावी जंगी स्वागत

दरम्यान, पुण्यातील MPSC विद्यार्थ्यांचे आंदोलन अखेर मागे घेण्यात आले असून ऋषीकेश गांगर्डे यांनी अखेरच्या क्षणी आंदोलनातून काढता पाय घेतला होता. सरकारकडे पाठविण्यात आलेल्या ड्राफ्टमध्ये विवेक भीमनवार यांच्या राजीनाम्याची मागणी नव्हती, असे म्हणत त्यांनी अहिल्यानगर गाठले होते. तर, या आंदोलनाचा हिरो ठरलेल्या विवेकानंद पाटील यांनीही आपलं गाव गाठलं असून त्यांचं गावात जंगी स्वागत करण्यात आलं. त्यामुळे, हे आंदोलन आता संपुष्टात आल्याचं पाहायला मिळत आहे. विशेष म्हणजे, आमदार रोहित पवार आणि विश्वजीत कदम यांच्या नेतृत्वात विद्यार्थ्यांनी हे आंदोलन केले होते. त्यामुळे, सरकारच्या आश्वासनानंतर आंदोलन मागे घेण्यात आले आहे. मात्र, आता विद्यार्थी परिषदेकडून स्वतंत्रपणे आंदोलनाची घोषणा करण्यात आलीय.

हेही वाचा

तुकाराम मुंढेंच्या नियुक्तीपूर्वी मोठा भ्रष्टाचार, 5 अधिकाऱ्यांनी 'सुपारी' खाल्ली? मंत्री नरहरी झिरवळ म्हणाले, माझ्याकडे फाईल आली

Nashik News: चार महिन्यांपासून नाशिकच्या कारागृहात बंदिस्त, दम्याचा त्रास वाढला अन्...; अहिल्यानगर बँक अपहार प्रकरणातील आरोपीचा मृत्यू, नेमकं काय घडलं?

शुभम बोडके — Sat, 10 Oct 2026 06:59:30 +0530

Nashik News: अहिल्यानगर जिल्ह्यातील बँक अपहार प्रकरणात न्यायालयीन कोठडीत असलेल्या संदीप थोरात यांचा नाशिकच्या जिल्हा शासकीय रुग्णालयात (Nashik Civil Hospital) उपचारादरम्यान मृत्यू झाला आहे. गेल्या चार महिन्यांपासून ते नाशिकरोड मध्यवर्ती कारागृहात (Nashik Central Jail) बंदिस्त होते. त्यांना दम्याचा त्रास होता. तीन दिवसांपूर्वी त्यांचा दम्याचा त्रास वाढल्याने त्यांना उपचारासाठी रुग्णालयात दाखल करण्यात आले होते. उपचार सुरू असताना त्यांची प्रकृती खालावली आणि त्यांचा मृत्यू झाला.

Nashik News: चार महिन्यांपासून नाशिक मध्यवर्ती कारागृहात बंदिस्त

मिळालेल्या माहितीनुसार, संदीप थोरात हे अहिल्यानगर जिल्ह्यातील बँक अपहार प्रकरणात कारवाई झाल्यानंतर न्यायालयीन कोठडीत होते. गेल्या चार महिन्यांपासून त्यांना नाशिक मध्यवर्ती कारागृहात ठेवण्यात आले होते. कारागृह प्रशासनाकडून मिळालेल्या माहितीनुसार, त्यांना दम्याचा त्रास होता.

Nashik News: दम्याचा त्रास वाढल्याने रुग्णालयात दाखल

संदीप थोरात यांना तीन दिवसांपूर्वी दम्याचा त्रास वाढल्याने नाशिकच्या जिल्हा शासकीय रुग्णालयात उपचारासाठी दाखल करण्यात आले होते. रुग्णालयात त्यांच्यावर उपचार सुरू होते. मात्र, उपचारादरम्यान त्यांची प्रकृती खालावली आणि त्यांचा मृत्यू झाला.

Nashik News: मृत्यूचे नेमके कारण काय?

संदीप थोरात यांच्या मृत्यूचे नेमके कारण अद्याप स्पष्ट झालेले नाही. त्यांचा मृत्यू नेमका कोणत्या वैद्यकीय कारणामुळे झाला, याबाबत अधिकृत माहिती समोर येणे बाकी आहे. मृत्यूनंतरची वैद्यकीय तपासणी, आवश्यक कायदेशीर प्रक्रिया आणि प्रशासनाकडून मिळणारी अधिकृत माहिती यानंतरच या प्रकरणातील पुढील तपशील स्पष्ट होऊ शकतील.

राज्य आणि देश-विदेशातील महत्त्वाच्या बातम्या; पाहा व्हिडीओ

इतर महत्त्वाच्या बातम्या

Nashik News: पिवळ्या पाण्याने वाढवली धास्ती! नाशिकच्या 'त्या' बोअरवेलमधील पाण्यात 1 हजार पट विषारी क्रोमियम, अहवालात धक्कादायक प्रकार समोर

Nashik Accident News: रस्त्याच्या मधोमध भलामोठा खड्डा, अंधारात अंदाज चुकला अन् दुचाकीसह पडले; नाशिकमध्ये 61 वर्षीय वृद्धाचा मृत्यू

Rohit Pawar and Vikram Pachpute: पुढच्या निवडणुकीत तू कसा निवडून येतो बघतोच! रोहित पवारांचा सर्वांदेखत अजितदादा स्टाईल इशारा, नेमकं काय घडलं?

रोहित धामणस्कर — Tue, 6 Oct 2026 12:36:50 +0530

Rohit Pawar and Vikram Pachpute: गेल्या पाच दिवसांपासून पुण्यात एमपीएससीच्या विद्यार्थ्यांसोबत आंदोलनाला बसलेल्या आमदार रोहित पवार (Rohit Pawar) यांनी भाजपचे आमदार विक्रम पाचपुते (Vikram Pachpute) यांना इशारा दिला आहे. 2029 च्या विधानसभा निवडणुकीत विक्रम पाचपुते निवडून येणार नाहीत, हा माझा शब्द आहे, असे रोहित पवार यांनी म्हटले. रोहित पवार यांनी सोमवारी पुण्यात एमपीएससीच्या विद्यार्थ्यांसमोर बोलताना हे वक्तव्य केले. (Maharashtra Politics )

काही दिवसांपूर्वी विक्रम पाचपुते यांनी रोहित पवार यांच्यावर टीकास्त्र सोडले होते. पुण्यातील आंदोलन हे आंदोलन राहिलेले नाही. हे म्हणजे रोहित पवार नाईटस कार्यक्रम सुरु असं म्हणायला हरकत नाही. दिवसभर तिकडे फक्त 50-100 लोक असतात, विद्यार्थ्यांनी या आंदोलनाकडे पाठ फिरवली आहे. हे राज्याला वेठीला धरण्याचे काम सुरु आहे. रोहित पवार हे एमपीएससी आंदोलनाच्या आडून अर्बन नक्सल तयार करत आहेत, असे विक्रम पाचपुते यांनी म्हटले होते. या टीकेला रोहित पवार यांनी काल सडेतोड प्रत्युत्तर दिले.

अहिल्यानगरमधील एक आमदार आहेत, त्यांना मी माझे मित्र समजत होतो. माझ्यावर टीका करण्याच्या नादात ते तुम्हा सर्वांना, सामान्य परिवारातील मुलांना, शेतकऱ्याच्या मुलांना, अधिकारी स्वप्न व्हायचं स्वप्न उराशी बाळगून असलेल्या गरिबांच्या मुलांना अर्बन नक्सल म्हणाले. या गोष्टीचा मी निषेध करतो आणि तुम्हाला सर्वांना शब्द देतो की, 2029 ला ही व्यक्ती विधानसभेत जाणार नाही, ही माझी जबाबदारी आहे. माझ्या भावाबहिणींना आणि सामान्य लोकांच्या मुलांना तुम्ही अर्बन नक्सल म्हणत असाल तर लाज वाटली पाहिजे तुम्हाला. तुमच्या तोंडातून एखादा शब्द चुकीचा गेला तर तुम्ही माफी मागू शकतो. पण सरळसरळ तुम्ही बोलताय, मी असं बोललोच नाही. तुमचा नेता ज्या पद्धतीने शब्दांचे खेळ करतो, तशी तुम्हाला सवय लागली आहे, असे रोहित पवार यांनी म्हटले.

रोहित पवारांचे विक्रम पाचपुतेंना ओपन चॅलेंज देऊन पाडण्याचे वक्तव्य ऐकून अनेकांना अजित पवार यांची आठवण झाली. अजित पवार यांनीदेखील पुरंदर विधानसभेचे दिवंगत माजी आमदार विजय शिवतारे यांना अशाचप्रकारे निवडणुकीत पाडण्याचे चॅलेंज दिले होते आणि ते खरेही करुन दाखवले होते. "तू 2014 मध्ये जिंकलास, पण 2019 ला तू आमदार कसा होतो तेच बघतो", असे म्हटले होते. अजितदादांचे हे वक्तव्य त्यावेळी प्रचंड गाजले होते. रोहित पवार यांचे वक्तव्य अजितदादांच्या याच वक्तव्याची आठवण करुन देणारे ठरले.

Vikram Pachpute: रोहित पवारांच्या राजकीय अहंकाराचा परिणाम विद्यार्थ्यांवर होऊ देऊ नये: विक्रम पाचपुते

रोहित पवारांच्या या टीकेनंतर विक्रम पाचपुते यांनी त्यांच्यावर पलटवार केला आहे. रोहित पवारांच्या राजकीय अहंकाराचा परिणाम विद्यार्थ्यांवर होऊ देऊ नये. स्वतःचा इगो जपण्यासाठी विद्यार्थ्यांना वेठीस धरणं योग्य नाही. विद्यार्थ्यांच्या भवितव्याचा प्रश्न हा राजकीय प्रतिष्ठेचा विषय होऊ नये. आंदोलन विद्यार्थ्यांसाठी आहे की स्वतःचा इगो जपण्यासाठी याचा विचार आता रोहित पवारांनीच करावा, अशी टीका विक्रम पाचपुते यांनी केली.

आणखी वाचा

Rohit Pawar MPSC agitation Pune: विवेक भीमनवारांनी फडणवीसांकडे राजीनामा पाठवलाय, आजच्या कॅबिनेटमध्ये निर्णय न झाल्यास पुणे शहर बंद पाडू; रोहित पवारांचा इशारा

अहिल्यानगर DCC बँक निवडणुकीत ट्विस्ट; तिसऱ्या अपत्यावरुन गदारोळ होताच अखेर सभापती राम शिंदेंची माघार

सुनिल भोंगळ, एबीपी माझा, अहमदनगर — Mon, 5 Oct 2026 15:21:43 +0530

अहिल्यानगर : राज्यात एकीकडे विधानपरिषद निवडणुकांचे (Election) रणशिंग फुंकले असताना, दुसरीकडे जिल्हा बँकांच्या निवडणुकांचीही रणधुमाळी सुरू आहे. सांगली, कोल्हापूर, अहिल्यानगर जिल्हा मध्यवर्ती बँकांसाठी राजकीय पक्षांकडून उमेदवारी अर्ज दाखल केले जात आहेत. त्यात, अहिल्यानगर (Ahilyanagar) जिल्हा बँकेसाठी विधानपरिषद सभापती राम शिंदे यांच्याकडून उमेदवारी दाखल करण्यात येणार होती. मात्र, तीन अपत्ये असल्याने त्यांची उमेदवारी अपात्र असल्याचं विरोधकांनी म्हटलं होतं. आता, त्यावरही राम शिंदे यांनी स्पष्टीकरण दिलं असून आपण उमेदवारी अर्ज दाखल करणार नसल्याचेही जाहीर केले.

अहिल्यानगर जिल्हा मध्यवर्ती सहकारी बँकेच्या निवडणुकीत मोठी घडामोड झाली आहे. विधान परिषदेचे सभापती राम शिंदे यांनी जिल्हा बँकेच्या निवडणुकीतून माघार घेण्याचा निर्णय जाहीर केला आहे. कोणत्याही राजकीय दबावामुळे किंवा व्यक्तिगत कारणामुळे हा निर्णय घेतलेला नसून, घटनात्मक पदाची प्रतिष्ठा आणि निष्पक्षता जपण्यासाठी उमेदवारी अर्ज दाखल न करण्याचा निर्णय घेतल्याचं त्यांनी स्पष्ट केलं. कर्जत-जामखेडमधील कार्यकर्त्यांचं कौतुक करताना, दोन संस्थांच्या माध्यमातून आपला ठराव बिनविरोध झाल्याचा दावा देखील यावेळी त्यांनी केला. तसेच, दोन तालुक्यांत ठराव होण्यावरुन निर्माण झालेल्या वादावरही त्यांनी भाष्य केलं. कर्जत तालुक्यातील बारडगाव सुद्रिक आणि जामखेड तालुक्यातील दिसलेवाडी या दोन संस्थांच्या माध्यमातून आपला ठराव करण्यात आला. हा ठराव बिनविरोध झाल्याचं सांगत त्यांनी कर्जत-जामखेडमधील कार्यकर्त्यांच्या संघटनात्मक तयारीचं कौतुक केलं.

राम शिंदे यांच्या उमेदवारी अर्जावरुन प्रचंड राजकीय गोंधळ उडाला होता, आरोप - प्रत्यारोप झाले होते, राम शिंदे यांना तीन आपत्य असल्याने त्यांचा अर्ज टिकू शकत नाही, असं त्यांचे राजकीय विरोधक रोहित पवार यांनी देखील म्हटले होते. मात्र, तरी देखील आपण नियमात राहून अर्ज भरला असल्याचे त्यांनी स्पष्ट केले होते. मात्र, आज अचानक त्यांनी आपण जिल्हा बँकेसाठी उमेदवारी करणार नसल्याचे स्पष्ट केलं आहे.

2002 नंतर तिसरे अपत्य असल्यास अपात्र

दरम्यान, सहकार कायद्यातील निवडणुकीच्या अनुषंगाने उमेदवारी करणाऱ्या व्यक्तीला 7 सप्टेंबर 2002 नंतर तिसरे अपत्य जन्माला आले असेल तर ती व्यक्ती सहकारी संस्थेची कोणतीही निवडणूक लढवू शकत नाही. सहकाराचा हाच नियम भाजप नेते तथा विधानपरिषद सभापती राम शिंदे यांच्यासाठी अडसर ठरला.

हेही वाचा

पुणे मतदारसंघाच्या निवडणुकीसाठी शहाजी बापूंची कोलांटउडी; म्हणाले, मंगेश चिवटेंना समर्थन, मनापासून प्रचार करणार

Dilip Khedkar : दिलीप खेडकरांच्या घरी एसीबीनं पहाटेच टाकली धाड; 30-40 अधिकारी-कर्मचारी पोहोचले, 13 कोटींची बेहिशेबी संपत्ती, काय-काय सापडलं?

सुनिल भोंगळ, एबीपी माझा, अहमदनगर — Wed, 30 Sep 2026 11:04:34 +0530

अहिल्यानगर :राज्यासह देशभरात काही महिन्यांपूर्वी चर्चेत आलेली वादग्रस्त आणि बडतर्फ आयएएस अधिकारी पूजा खेडकर हिचे वडील व सेवानिवृत्त सनदी अधिकारी दिलीप खेडकर (Dilip Khedkar) यांच्या पाथर्डी तालुक्यातील भालगाव येथील निवासस्थानी काल (मंगळवारी, ता २९) पहाटे नाशिक व अहिल्यानगर येथील लाचलुचपत विभागाच्या (एसीबी) पथकाने धाड टाकली. अधिकाऱ्यांनी घरातील कागदपत्रे ताब्यात घेतली असून, खेडकर (Dilip Khedkar) परिवाराकडे उत्पन्नापेक्षा सुमारे १३ कोटी ३० लाख रुपयांची बेहिशेबी मालमत्ता असल्याचे आढळून आले आहे. याप्रकरणी दिलीप खेडकर (Dilip Khedkar) व त्यांच्या पत्नी डॉ. मनोरमा खेडकर यांच्या विरोधात गुन्हा दाखल केला आहे. तर दिलीप खेडकरांच्या संपत्तीची चौकशी करावी, अशी तक्रार अहिल्यानगर येथील पंढरीनाथ शंकर साबळे यांनी २०१२ साली केलेली होती. या तक्रारीवरून कारवाई करण्यात आली. खेडकर यांनी १९९५ ते २०२३ या कालावधीत केलेल्या व्यवहाराची तपासणी या पथकाने केली. उघड चौकशीत ज्ञात उत्पन्नाच्या 102 टक्के अधिकची बेहिशेबी मालमल्ला संपादित केल्याबाबत गुन्हा दाखल करण्यात आला आहे.(Dilip Khedkar)

निवृत्त सनदी अधिकारी दिलीप खेडकरांच्या पाथर्डी तालुक्यातील भालगावच्या घरी एसीबीने काल (मंगळवारी, ता २९) पहाटेच्या सुमारास छापा टाकला. नाशिक आणि अहिल्यानगर पथकांनी एकाचवेळी विविध ठिकाणी कारवाई केली. 13 कोटी 30 लाखाच्या बेहिशोबी मालमत्ता आणि खर्चाबाबत चौकशी खेडकरांकडे करण्यात आली आहे.1995 ते 2023 या कालावधीतील उत्पन्न आणि मालमत्तेची चौकशी करण्यात आली आहे, मंगळवारी पहाटे एकाच वेळी छापे टाकल्याने पाथर्डी तालुक्यात खळबळ उडाली. कारवाईसाठी 30 हून अधिक अधिकारी-कर्मचारी सहभागी झाल्याची माहिती समोर आली आहे. अहिल्यानगर पंढरीनाथ साबळे यांनी 2012 साली एसीबीकडे तक्रार केली होती. त्याच अनुषंगाने खेडकर यांच्या घरी पथकाकडून चौकशी करण्यात आली आहे. तर या चौकशीत ज्ञात उत्पन्नाच्या 102 टक्के अधिकची बेहिशेबी मालमल्ला असल्याने गुन्हा दाखल झाला आहे. तर दिलीप खेडकरांच्या नावावर अहिल्यानगर, पुणे, हवेली, पवई, बारामती, भालगाव, मुळशी, औंध, पनवेल, खरवंडी कासार, शिरूर कासार या ठिकाणी स्थावर मालमत्ता असल्याचे कागदपत्रे तपासली आहेत.

Dilip Khedkar : कोण आहेत दिलीप खेडकर?

दिलीप खेडकर हे माजी सनदी अधिकारी असून पाथर्डी तालुक्यातील भालगाव हे त्यांचे मूळ गाव आहे. बी ई (मेकॅनिकल) शिक्षण झालेले दिलीप खेडकर यांनी सनदी अधिकारी म्हणून राज्य शासनातील अनेक महत्त्वाच्या पदांवर काम केलं आहे. दिलीप खेडकर सेवानिवृत्त होताच त्यांनी अहमदनगर लोकसभा निवडणुकीत वंचित बहुजन आघाडीकडून निवडणूक लढवली होती. 2019 सालच्या लोकसभा निवडणुकीत त्यांना 13 हजार 749 मते मिळाली होती.

दिलीप खेडकर यांनी त्यांच्या निवडणूक प्रतिज्ञापत्रात 40 कोटींची संपत्ती असल्याचे नमूद केलं होतं. त्यानंतर एका सनदी अधिकाऱ्याकडे एवढी संपत्ती कशी असू शकते, याबाबत राजकीय चर्चा रंगल्या होत्या. विशेष म्हणजे दिलीप खेडकर यांची पत्नी डॉ.मनोरमा खेडकर यांनी देखील लोकसभा निवडणूक अर्ज भरला होता. मनोरमा खेडकर या भालगावच्या लोकनियुक्त माजी सरपंच होत्या. मनोरमा खेडकर यांचे वडील जगन्नाथ बुधवंत हे देखील सनदी अधिकारी होते. त्यांची कारकीर्द देखील वादग्रस्त राहिली होती. त्यांचे एकदा निलंबनही झाले होते. खेडकर यांना दोन अपत्य आहेत. पियुष खेडकर आणि पूजा खेडकर. पियुष खेडकर हा लंडनमध्ये शिक्षण घेत असल्याची माहिती आहे. तर पूजा खेडकर आता आयएएस सेवेतून बडतर्फ करण्यात आलं आहे.

माझ्याही मतदारसंघात आठ तालुके; बाळासाहेब थोरांतांनी बैठकीला बोलावलं नाही, खासदार निलेश लंके नाराज

सुनील भोंगळ — Tue, 29 Sep 2026 20:42:35 +0530

अहिल्यानगर : राज्यातील विविध जिल्हा बँकांच्या (DCC) निवडणुकांची रणधुमाळी सुरू झाली असून महाविकास आघाडी विरुद्ध महायुती असाच सामना येथेही पाहायला मिळत आहे. मात्र, काही स्थानिक नेत्यांमुळे जिल्हा बँकेची राजकीय गणितं थोडी वेगळी आहेत. सांगली, सातारा, सोलापूर जिल्ह्यात डीसीसी बँकेची तयारी सुरू असून नेत्यांच्या गाठीभेटी देखील होत आहेत. त्यातच, अहिल्यानगर जिल्हा मध्यवर्ती सहकारी बँकेच्या संचालक मंडळाच्या निवडणुकीच्या निमित्ताने काँग्रेस नेते बाळासाहेब थोरात (Balasaheb thorat) यांनी जिल्ह्यातील नेत्यांच्या गाठीभेटी घेऊन चर्चा केली. मात्र, या भेटीसाठी खासदार निलेश लंकेंना निमंत्रण न दिल्याने त्यांनी जाहीरपणे नाराजी बोलून दाखवली. दुसरीकडे साताऱ्यात शिवेंद्रराजेंनीही भेटीसाठी सुरू केल्या आहेत.

अहिल्यानगर जिल्हा बँकेची निवडणूक बिनविरोध व्हावी यासाठी जिल्ह्यातील वेगवेगळ्या पक्षातील वरिष्ठ नेत्यांची संगमनेर येथे बाळासाहेब थोरात यांच्याकडे बैठक झाली. विशेष म्हणजे बैठकीत जिल्ह्यातील पारंपारिक राजकीय विरोधक बाळासाहेब थोरात आणि सुजय विखे हे देखील एकत्रित आले. मात्र, या बैठकीला अहिल्यानगरचे राष्ट्रवादी शरद पवार गटाचे खासदार निलेश लंके यांना निमंत्रित करण्यात आले नव्हते. याबाबत निलेश लंके यांनी प्रतिक्रिया दिली असून, या बैठकीचे मला निमंत्रण नव्हते. या जिल्ह्याचा मी खासदार आहे, त्यामुळे मला बैठकीला बोलवायला हवे होते, असे लंके यांनी म्हटले. माझ्याही मतदारसंघात आठ तालुके आहेत. सोबतच जिल्हा बँक जर बिनविरोध होत असेल तर चांगलीच गोष्ट आहे, मात्र या बँकेच्या निवडणुकीवरून वैयक्तिक हेवे-दावे कोणी काढत असेल तर ते योग्य नाही, असे म्हणत निलेश लंके यांनी एकप्रकारे बैठकीला न बोलवल्यावरुन नाराजी व्यक्त केली. दरम्यान, या बैठकीला आपल्याला बोलावले नाही, याबाबत काँग्रेसचे नेते बाळासाहेब थोरात यांच्याशी बोलणार आहात का? असे विचारले असता बाळासाहेब थोरात हे आमचे नेतेच आहेत, त्यांच्याशी नक्की बोलेल असंही खासदार लंके यांनी सांगितलं.

साताऱ्यात समन्वयासाठी शिवेंद्रराजेंचे प्रयत्न

सातारा जिल्हा मध्यवर्ती बँक निवडणुकीच्या पार्श्वभूमीवरही जिल्ह्यातील राजकीय हालचालींना वेग आला आहे. मंत्री शिवेंद्रराजे भोसले यांनी जिल्ह्यातील प्रमुख नेत्यांसोबत बैठकांचा धडाका सुरू केला असून, मंत्री मकरंद पाटील, रामराजे नाईक निंबाळकर आणि खासदार उदयनराजे भोसले यांच्यासोबत बंद दाराआड चर्चा सुरू झाली आहे. पक्षीय राजकारण बाजूला ठेवून जिल्हा बँकेची निवडणूक व्हावी, महायुतीच्या माध्यमातून व्हावी, यासाठी मंत्री शिवेंद्रराजे भोसले यांच्याकडून महायुतीतील सर्व प्रमुख नेत्यांमध्ये समन्वयाचे प्रयत्न सुरू असल्याचं पाहायला मिळतंय. जिल्ह्यातील प्रमुख नेत्यांची मनधरणी करत एकमत घडवून आणण्याची जबाबदारी शिवेंद्रराजे यांच्याकडे दिले आहे. आता, आगामी काळात नेत्यांचा मेळ घालत मंत्री शिवेंद्रराजे भोसले कोणती रणनीती आखणार, याकडे साताऱ्यासह संपूर्ण महाराष्ट्राचं लक्ष लागलं आहे.

हेही वाचा

माजी अग्निवीरांना शासकीय नोकरी, कोल्हापूर सर्किट बेंचसाठी 459 पदांना मंजुरी; मंत्रिमंडळ बैठकीत 10 मोठे निर्णय