अहिल्यानगर विधानपरिषदेच्या जागेचा तिढा अखेर सुटला, भाजपचे प्राजक्त तनपुरे बिनविरोध आमदार

Shirdi FDA Action: शिर्डीत अन्न औषध प्रशासनाकडून पुन्हा धाडसत्र; निकृष्ट दर्जाचा 500 किलोहून अधिक पेढा केला जप्त

नितीन ओझा, एबीपी माझा — Wed, 24 Jun 2026 15:39:26 +0530

Shirdi FDA Action: शिर्डीत अन्न औषध प्रशासनाकडून पुन्हा धाडसत्र; निकृष्ट दर्जाचा 500 किलोहून अधिक पेढा केला जप्त

5 जुलैपासून आमरण उपोषणाला बसणार, फडणवीस सरकारला इशारा; फुटीर खासदारांवरही भडकले अण्णा हजारे

सुनिल भोंगळ, एबीपी माझा, अहमदनगर — Mon, 22 Jun 2026 20:10:15 +0530

मुंबई : ज्येष्ठ समाजसेवक अण्णा हजारे (Anna hajare) यांनी फडणवीस सरकारला इशारा दिला असून 5 जुलै रोजी आपण आमरण उपोषण करणार असल्याचं त्यांनी म्हटलंय. माहिती अधिकार कायद्यात (RTI) 12 जून 2026 रोजी लागू करण्यात आलेल्या नव्या नियमांविरोधात अण्णा हजारे यांनी आक्रमक भूमिका घेतली असून शासनाने हे बदल पूर्ववत न केल्यास आपण उपोषण करणार असल्यावर ठाम असल्याचं त्यांनी म्हटले. त्यातच, ठाकरेंच्या शिवसेना (Shivsena) पक्षातील खासदारांनी आज एकनाथ शिंदेंच्या शिवसेनेत प्रवेश केल्यानंतर अण्णांनी संतप्त प्रतिक्रिया दिली. मला समाजासाठी काहीतरी करायचे आहे, तो पक्ष बदल करत नाही, असे म्हणत फुटीर खासदारांवर निशाणाही साधला.

माहिती अधिकार कायद्यात राज्यातील फडणवीस सरकारने काही बदल केले असून माहिती अधिकार मागणाऱ्या कार्यकर्त्यांना आता माहितीच्या प्रतिसाठी शुल्कवाढ करण्यात आली आहे. यासह, एकूण 12 बदल करण्यात आले असून त्याविरुद्ध अण्णा हजारे यांनी आपली भूमिका मांडली. शुल्कवाढ, ओळखपत्राची सक्ती आणि “एक विषय–एक अर्ज” यांसारख्या तरतुदींमुळे माहितीचा अधिकार कमकुवत होत असल्याचा दावा त्यांनी केला आहे. मुख्यमंत्री देवेंद्र फडणवीस यांना पत्र पाठवत हे नियम तातडीने रद्द करण्याची मागणी त्यांनी केली.. दरम्यान मुख्य माहिती आयुक्त राहुल पांडे यांच्याशी चर्चा झाली, दोन दिवसांनी ते आपल्याला भेटायला येणार आहेत, त्यांनी सकारात्मक निर्णय घेतला तर ठीक अन्यथा 5 जुलैपासून राळेगणसिद्धी येथील यादव बाबा मंदिरात बेमुदत उपोषण सुरू करण्याचा इशाराही अण्णांनी दिला आहे.

अण्णांची फुटीर खासदारांवर टीका

ठाकरेंच्या शिवसेनेतील सहा खासदारांनी शिवसेना शिंदे गटात प्रवेश केला, त्यावरून जेष्ठ समाजसेवक अण्णा हजारे यांनी जोरदार टीका केली. अशा पद्धतीने पक्ष बदल करणे हे बरोबर नाही, याचा अर्थ श्रद्धा नाही, निष्ठा नाही, ध्येयवाद नाही. ज्यांच्याकडे ध्येयवाद आहे, ज्याला वाटते मला समाजासाठी काहीतरी करायचे आहे, तो पक्ष बदल करत नाही, असे म्हणत फुटलेल्या खासदारांवर अण्णा हजारेंनी निशाणा साधला. तसेच, स्वतःचे हित साधणारे लोक दल बदल करतात अशी टीकाही अण्णांनी यावेळी केली. दरम्यान, आज एकनाथ शिंदेंच्या उपस्थितीत ठाकरेंच्या पक्षातील सहा खासदारांनी शिवसेनेचा धनुष्यबाण हाती घेतला आहे.

हेही वाचा

मोठी बातमी : 6 टायगर शिवसेनेत आलेत, ना तुडवायला, ना आडवायला, आम्ही शिवसेना वाढवायला निघालो, एकनाथ शिंदेंची फटकेबाजी

... तर उपोषणाला बसणार; अण्णा हजारेंचा फडणवीस सरकारला इशारा, RTI कायद्यातील बदलास विरोध

सुनिल भोंगळ, एबीपी माझा, अहमदनगर — Sat, 20 Jun 2026 18:58:10 +0530

अहिल्यानगर : देशात आणि महाराष्ट्रात माहिती अधिकार (RTI) कायदा अस्तित्वात येण्यात महत्त्वाची भूमिका असलेल्या ज्येष्ठ समाजसेवक अण्णा हजारे (Anna Hajare) यांनी या कायद्यातील बदलांवर नाराजी दर्शवली आहे. राज्य सरकारने गेल्याच आठवड्यात एक राजपत्र काढून माहिती अधिकार कायद्यात काही महत्त्वाचे बदल केले आहेत. या बदलावर माहिती अधिकार कार्यकर्त्यांनी आक्षेप नोंदवला असून आता, ज्येष्ठ समाजसेवक अण्णा हजारे यांनी देखील फडणवीस सरकारला उपोषणाचा इशारा दिला आहे. शासनाने 12 जून रोजी माहिती अधिकार कायदा 2005 संदर्भात सुधारित अधिसूचना जारी केली आहे. मात्र, त्यास सामाजिक संघटनांनी विरोध दर्शवला आहे.

माहिती अधिकार कायदा वापरताना पूर्वीच्या नियमात बदल केल्याने राज्य सरकारवर नाराजी व्यक्त करत अण्णा हजारे यांनी उपोषणाचा इशारा दिला आहे. माहिती अधिकार कायदा केल्यानंतर प्रथमच या कायद्याच्या अंमलबजावणीमध्ये बदल करण्यात आले आहेत. या कायद्यानुसार आतापर्यंत माहिती अधिकार कायद्याचा वापर करून माहिती मागवताना होणारा 10 रुपयाचा खर्च होत, मात्र आता तो खर्च 30 रुपयांवर गेला आहे. यासोबतच प्रथम अपील 50 रुपये तर दुसऱ्या अपिलासाठी शंभर रुपये शासनाकडे जमा करावे लागणार आहेत.

मिळालेल्या माहितीसाठी प्रतिपान दोन रुपयावरून प्रतिपान पाच रुपये इतकं शुल्क संबंधित विभागाकडून आकारला जाणार आहे. या नियमासह एकूण 12 नियम करण्यात आले आहेत. या नियमांमुळे सामान्य नागरिकांना माहिती मिळवणं अशक्य होणार आहे. माहिती अधिकार हा मूलभूत अधिकार आहे, पैसे कमावण्याचं साधन नाही. काही लोक याचा गैरफायदा घेतात, त्यामुळे शुल्क आकारणं गरजेचे आहे. मात्र, यातून पैसे कमावणे हा उद्देश नसावा असं अण्णांनी म्हटलं आहे. फडणवीस सरकारने केलेले बदल पुन्हा पूर्ववत केले नाही, तर आपण उपोषण करणार असल्याचं देखील अण्णा हजारे यांनी म्हटलं आहे

माहिती अधिकार कायद्यातील महत्त्वाचे बदल

1. अर्ज शुल्क ₹10 वरून ₹30.
2. माहिती प्रत शुल्क ₹2 वरून ₹5 प्रति पृष्ठ.
3. एका अर्जात एकच विषय.
4. अर्ज 150 शब्दांच्या आत.
5. फोटो ओळखपत्र अनिवार्य.
6. प्रथम अपील शुल्क ₹50.
7. द्वितीय अपील शुल्क ₹100.
8. वेबसाइटवर माहिती असल्यास तिथून घेण्यास सांगता येईल.
9. पुनरावृत्ती RTI अर्ज निकाली काढता येईल.
10. वैयक्तिक माहिती देण्यासाठी मोठे सार्वजनिक हित सिद्ध करावे लागेल.
11. ई-मेल/ऑनलाईन/UPI व्यवहार वैध.
12. सुनावणीस वारंवार गैरहजर राहिल्यास अपील फेटाळले जाऊ शकते

हेही वाचा

मोठी बातमी! NEET परीक्षेच्या पार्श्वभूमीवर BEST प्रशासनाचा महत्त्वाचा निर्णय; संप कर्मचाऱ्यांना MESMA ची नोटीस

शिर्डी साईचरणी वर्षभरात भरभरुन दान; पण गतवर्षीच्या तुलनेत कमी, देवस्थानच्या एकूण ठेवी, सोनं-चांदी किती?

नितीन ओझा, एबीपी माझा — Tue, 16 Jun 2026 15:30:31 +0530

अहिल्यानगर : जिल्ह्यातील जगप्रसिद्ध देवस्थान असलेल्या शिर्डी (Shirdi) साईबाबा ट्रस्टच्या वार्षित उत्पन्नात यंदाच्या वर्षी घट झाल्याचं दिसून आलं. शिर्डीत दरवर्षी लाखो भाविक देशाच्या कानाकोपऱ्यातून दर्शनासाठी येत असतात. विदेशातील भाविकही साईबाबांचे (Saibaba) दर्शन घेण्यासाठी शिर्डीत दाखल होतात. यावेळी, साईनगरीत आलेल्या भाविकांकडून मोठ्या प्रमाणात दानपेटीत दान टाकलं जातं, अनेक भाविक सोनं-चांदी (Gold) आणि मौल्यवान वस्तूंच्या स्वरुपात शिर्डी साईबाबा संस्थानकडे वस्तू देऊन आपली इच्छापूर्ती करतात. आता, संस्थानच्या गतवर्षीच्या वार्षिक उत्पन्नाचा लेखोजोखा समोर आला असून 2024-25 च्या तुलनेत यंदा काही प्रमाणात घट झाल्याचं दिसून आलं.

शिर्डीतील साईबाबा संस्थान ट्रस्टच्या 2025-26 आर्थिक वर्षातील उत्पन्नाचा लेखाजोखा समोर आला असून मागील वर्षाच्या तुलनेत संस्थानच्या एकूण उत्पन्नात घट झाल्याचे दिसून येत आहे. मात्र, मागील आर्थिक वर्षात पंधरा कोटींचे वस्तुरुपात अतिरिक्त दान प्राप्त झाल्याने दान अधिक असल्याची माहिती संस्थानच्या वतीने देण्यात आली आहे. मागील आर्थिक वर्षात मुदत ठेवींवरील व्याज उत्पन्नात तब्बल 14 कोटी रुपयांची वाढ झाली आहे. आर्थिक लेखाजोखातील आकडेवारीनुसार 2024-25 या आर्थिक वर्षात साईबाबा संस्थानचे एकूण उत्पन्न 648 कोटी रुपये होते. तर 2025-26 मध्ये हे उत्पन्न 638 कोटी रुपयांवर आले आहे. म्हणजेच उत्पन्नात सुमारे 10 कोटी रुपयांची घट नोंदविण्यात आल्याचे दिसून येते. मात्र, साईबाबा संस्थानला वस्तू स्वरुपात 15 कोटींचे देखील अतिरिक्त दान भक्तांकडून प्राप्त झाल्याची माहिती संस्थानाकडून देण्यात आली. त्यामुळे, वस्तुस्वरुपातील दान ग्राह्य धरल्यास गतवर्षीच्या तुलनेत अधिकच दान झाल्याचे साईबाबा संस्थानचे मुख्य कार्यकारी अधिकारी गोरक्ष गाडीलकर यांनी एबीपी माझाशी बोलताना म्हटले.

शिर्डी साईबाबांच्या चरणी भाविकांनी वाहिलेल्या मौल्यवान वस्तूंपैकी सोने-चांदीच्या स्वरूपातील देणगीत मात्र मोठी वाढ झाली आहे. सन 2024-25 मध्ये 13 कोटी 95 लाख रुपयांची देणगी मिळाली होती. ती यंदाच्या म्हणजेच 2025-26 मध्ये वाढून 19 कोटी रुपयांपर्यंत पोहोचली आहे.

शिर्डी साईबाबा संस्थानचे एकूण उत्पन्न -

सन 2024-2025 मध्ये 648 कोटी
सन 2025-2026 मध्ये 638 कोटी

सोने-चांदी दान

2024 - 2025 - मध्ये 13 कोटी 95 लाख रुपये
2025 - 2026 - मध्ये 19 कोटी
( सोळा किलो सोने, 197 किलो चांदी )

दरम्यान, या व्यतिरिक्त हॉस्पिटल व इतर इमारतीसाठी 15 कोटींचे वस्तुरुपात दान देण्यात आले आहे.

संस्थांनकडे एकूण ठेवी, एकूण सोनं-चांदी

एकूण ठेवी - 3,603 कोटी रुपये
एकूण सोने - 550 किलो
एकूण चांदी - 7030 किलो

हेही वाचा

मोठ्या संघर्षानंतर 'एका' राशीची अखेर सुटका! साडेसातीचा शेवटचा टप्पा, शनिदेव-दत्तगुरूंचं डबल पाठबळ, नोकरी, संपत्ती, प्रेमात 'असे' बदल

अहिल्यानगरमधील एका धोंड्याला फार मिर्ची लागली; रोहिणी खडसेंची विधानपरिषद सभपतींवर बोचरी टीका

चंद्रशेखर नेवे, एबीपी माझा — Mon, 15 Jun 2026 14:15:46 +0530

जळगाव : अधिक मास म्हणजेच धोंडे जेवणाच्या कार्यक्रमाचा महिना संपला आहे. मात्र, धोंडे जेवणाच्या कार्यक्रमावरुन भाजप आणि शरद पवारांच्या राष्ट्रवादी काँग्रेसमध्ये चांगलीच जुंपल्याचं दिसून येत आहे. धोंडे जेवणाच्या कार्यक्रमाची सध्या सोशल मीडियात चांगलीच चर्चा दिसून आली. जावयांनी आणि सासरच्या मंडळींनी कार्यक्रमाचे व्हिडिओ देखील व्हायरल केले आहेत. तर, काही नेतेमंडळींनी आपल्या मतदारसंघातही (Jalgaon) असे कार्यक्रम घेतले. त्यावरुन, आता विधानपरिषद सभापती राम शिंदे (Ram shinde) आणि शरद पवाराच्या राष्ट्रवादीच्या महिला प्रदेशाध्यक्षा रोहिणी खडसे (Rohini Khadse) यांच्यात शा‍ब्दिक वाद रंगल्याचं दिसून आलं.

आम्ही रोजगार मागितला, मूळ प्रश्नावर बोललो तर अहिल्यानगर जिल्ह्यातील एका धोंड्याला फार मिर्ची लागली अशी टीका राष्ट्रवादी काँग्रेस पार्टी शरदचंद्र पवार पक्षाच्या महिला प्रदेशाध्यक्षा रोहिणी खडसे यांनी सभापती राम शिंदे यांच्यावर नाव न घेता केली आहे. सभापती राम शिंदे यांनी काही दिवसांपूर्वी आपल्या मतदारसंघात जाहीर धोंडे जेवणाचा कार्यक्रम घेतला होता. त्यावरून रोहिणी खडसेंनी, धोंडे जेवणाऐवजी रोजगार मेळावा आयोजित करा असा सल्ला राम शिंदे यांना दिला होता. त्यानंतर, राम शिंदे यांनीही रोहिणी खडसे यांच्यावर टीका केली. आता, रोहिणी खडसेंनी पुन्हा एकदा राम शिंदेंवर बोचरी टीका करत प्रत्त्युत्तर दिल.

रोहिणी खडसे यांनी सोशल मीडियावर पोस्ट करत म्हटले की, आम्ही रोजगार मागितला, मूळ प्रश्नावर बोललो तर अहिल्यानगर जिल्ह्यातील एका धोंड्याला फार मिर्ची लागली. मग धोंड्याने हिंदू संस्कृती जपण्याच्या बाता मारल्या. यांचं हिंदुत्व किती दुटप्पीपणाचे आहे बघा... हे गुंडांना पोसतात, त्यांना देशाबाहेर पळून जाण्यास मदत करतात. ज्या गुंडांनी असंख्य लोकांची हत्या केली, अनेकांना त्रास दिला, त्यांना हे मदत करतात. आपला हिंदू धर्म हे सांगतो का ? नाही !, असे म्हणत रोहिणी खडसेंनी राम शिंदेंना टोला लगावला आहे. निलेश घायवाळ, युवराज काशीद आणखी किती नावे घेऊ? ज्यांना या धोंड्याने मदत केली आहे. मी जर यांची कुंडली काढायचं ठरवले तर राजकारणाला 'राम-राम' करावा लागेल, असेही रोहिणी खडसेंनी म्हटले आहे.

राम शिंदेंनी काय केली होती टीका

रेव्ह पार्टी करणाऱ्यांना धोंडे जेवणाचं महत्त्व काय समजणार असा टोला राम शिंदे यांनी रोहिणी खडसेंच्या टीकेला उत्तर देताना लगावला होता. राम शिंदे यांनी अहिल्यादेवी होळकर यांच्या जन्मगावी चौंडी येथे गावातील मुली आणि जावयांसाठी धोंडे जेवणाच्या कार्यक्रमाचे आयोजन केले होते. या आयोजनावरुन रोहिणी खडसेंनी टीका केली होती.

आम्ही रोजगार मागितला, मूळ प्रश्नावर बोललो तर अहिल्यानगर जिल्ह्यातील एका धोंड्याला फार मिर्ची लागली. मग धोंड्याने हिंदू संस्कृती जपण्याच्या बाता मारल्या. यांचं हिंदुत्व किती दुटप्पीपणाचे आहे बघा...

हे गुंडांना पोसतात, त्यांना देशाबाहेर पळून जाण्यास मदत करतात. ज्या गुंडांनी असंख्य…
— Adv Rohini Eknathrao Khadse (@Rohini_khadse) June 15, 2026

हेही वाचा

Manoj Jarnage: तुकाराम मुंढेंची बदली करू नका, त्यांनी चांगला दणका दिलाय; जरांगे पाटील म्हणाले, मी मुख्यमंत्र्यांना सांगितलंय

Tukaram Mundhe : कारवाईच्या भीतीनं 'शटर' डाऊन तर काही ठिकाणी विक्रीच बंद; तुकाराम मुंढेंचा धसका! दुकानातून सुटे खाद्यतेल अचानक गायब; आहिल्यानगरमध्ये नेमकं काय घडलं?

अंकिता खाणे — Mon, 15 Jun 2026 10:42:06 +0530

अहिल्यानगर : राज्याच्या अन्न व औषध प्रशासन (FDA) आयुक्तपदी तुकाराम मुंढे यांनी (Tukaram Mundhe) पदभार स्वीकारल्यानंतर भेसळयुक्त अन्नपदार्थ, दूध आणि औषधांविरोधातील कारवाईला वेग आला आहे. राज्यभर सुरू असलेल्या या मोहिमेचे पडसाद आता ग्रामीण भागातही उमटू लागले असून अहिल्यानगर जिल्ह्यातील अकोले तालुक्यात किराणा दुकानांमधून सुट्या खाद्यतेलाची विक्री जवळपास बंद झाल्याचे चित्र दिसून येत आहे. त्यामुळे ग्राहकांमध्ये आश्चर्य व्यक्त होत असून, "आतापर्यंत आपण नेमकं काय खात होतो?" असा सवाल अनेकजण उपस्थित करत आहेत.(Tukaram Mundhe)

Tukaram Mundhe : गेल्या महिनाभरात परिस्थितीत अचानक बदल

गेल्या अनेक वर्षांपासून ग्रामीण भागातील किराणा दुकानांत ग्राहकांना गरजेनुसार अर्धा लिटर, एक लिटर किंवा त्यापेक्षा कमी प्रमाणात सुटे खाद्यतेल विकले जात होते. मात्र गेल्या महिनाभरात परिस्थितीत अचानक बदल झाला आहे. आता बहुतांश दुकानदार ग्राहकांना थेट कंपनी पॅक असलेल्या एक, पाच किंवा दहा लिटरच्या खाद्यतेलाच्या पिशव्या अथवा डबेच देत आहेत. सुट्या तेलाची विक्री जवळपास बंद झाल्याने यामागे भेसळविरोधी कारवाईची धास्ती असल्याची चर्चा सुरू झाली आहे.(Tukaram Mundhe)

Tukaram Mundhe : तेलाच्या चवीत आणि गुणवत्तेत बदल

याच पार्श्वभूमीवर खाद्यतेलाच्या गुणवत्तेबाबतही प्रश्न उपस्थित होत आहेत. तेलाच्या चवीत आणि गुणवत्तेत बदल जाणवत असल्याचे काही ग्राहकांचे म्हणणे आहे. त्यामुळे पूर्वी विकले जाणारे सुटे तेल नेमके कोणत्या प्रकारचे होते, त्यामध्ये भेसळ तर नव्हती ना, अशी शंका ग्राहकांकडून व्यक्त केली जात आहे. अन्न व औषध प्रशासनाच्या माहितीनुसार, भेसळयुक्त खाद्यतेलामध्ये पामतेल, ऑर्गेमोन तेल, खनिज तेल, वापरलेले तेल तसेच कृत्रिम सुगंधी द्रव्यांचा वापर केला जातो. अशा तेलाचे सेवन दीर्घकाळ केल्यास हृदयविकार, रक्तदाबातील समस्या, रक्ताची घनता वाढणे, त्वचारोग, अपचन तसेच हार्ट अटॅकसारखे गंभीर परिणाम होऊ शकतात. विशेषतः हॉटेल्स, फास्ट फूड सेंटर, लग्नसमारंभ आणि मोठ्या भोजन कार्यक्रमांमध्ये अशा तेलाचा वापर अधिक प्रमाणात होत असल्याचे यापूर्वीच्या तपासांमध्ये समोर आले आहे.

Tukaram Mundhe : मनोज जरांगे पाटील यांनी मुंढे यांच्या कामाचे कौतुक करत सरकारला दिला इशारा

दरम्यान, तुकाराम मुंढे यांच्या कारवाईला विविध स्तरांतून पाठिंबा मिळत आहे. मराठा आरक्षण आंदोलनाचे नेते मनोज जरांगे पाटील यांनीही मुंढे यांच्या कामाचे कौतुक करत सरकारला इशारा दिला आहे. "तुकाराम मुंढे सामान्य नागरिकांच्या आरोग्यासाठी आणि शेतकऱ्यांच्या हितासाठी चांगले काम करत आहेत. सरकारने त्यांच्या बदलीचा विचार करू नये. तसे झाल्यास त्याचे गंभीर परिणाम सरकारला भोगावे लागतील," असे जरांगे यांनी म्हटले आहे. राज्यात सुरू असलेल्या भेसळविरोधी मोहिमेमुळे ग्राहकांमध्ये जागरूकता वाढत असून खाद्यपदार्थांच्या गुणवत्तेबाबत आता अधिक प्रश्न उपस्थित केले जात आहेत.

Oil : भेसळीच्या तेलाचे परिणाम काय होतो?

हृदय विकार, रक्ताची घनता वाढ, हार्ट अटॅकने मृत्यू, त्वचा विकार, अपचन.

Oil : जास्त वापर कुठे होत होता ?

हॉटेल्स, लग्न किंवा समारंभातील जेवण, फास्ट फूड इत्यादी.

Oil : तेलामध्ये कशाची भेसळ करतात ?

ऑर्गेमाइड तेल, पामतेल, खनिज तेल, वापरलेले तेल, अन्य स्वस्त पदार्थ, कृत्रिम वास असलेली द्रव्य वापरतात.

सावत्र बापाकडून चिमुकल्याचे हातपाय बांधून अमानुष मारहाण; व्हिडिओ व्हायरल होताच पोलीस पोहोचले

रवी मुंडे, एबीपी माझा — Fri, 12 Jun 2026 14:48:14 +0530

जालना : पैश्यासाठी चिमुकल्याला हातपाय बांधून अमानुष मारहाण केल्याची धक्कादायक घटना उघडकीस आली असून या घटनेचा व्हिडिओ (Video viral) सोशल मीडियावर व्हायरल झाला आहे. व्हिडिओ व्हायरल झाल्यानंतर जालना पोलिसांकडून चिमुकल्याची सुखरूप सुटका करण्यात आली. त्यानंतर, चिमुकल्याच्या आईच्या दुसऱ्या पतीविरोधात जालन्यातील जाफराबाद पोलीस ठाण्यात गुन्हा दाखल झाला असून अंनिस शेख वजीर असं आरोपीचं नाव आहे. मात्र, शिर्डी (Shirdi) येथे घटना घडल्याने हा गुन्हा शिर्डीतच दाखल करण्यात आला आहे.

जालना जिल्ह्यातून एक अत्यंत संतापजनक बातमी समोर आली असून पैशासाठी चक्क एका चिमुकल्याचे हातपाय बांधून अमानुष मारहाण करण्यात आली आहे. या मारहाणीचा व्हिडिओ सोशल मीडियावर व्हायरल झाला असून याप्रकरणी चिमुकल्याच्या आईच्या दुसऱ्या पतीविरोधात जालन्यातील जाफराबाद पोलीस ठाण्यात गुन्हा दाखल करण्यात आला आहे. दरम्यान पोलिसांनी या चिमुकल्याची सुटका करून त्याला नातेवाईकांच्या स्वाधीन केले आहे. मारहाणीची घटना शिर्डी येथील असल्याने हा गुन्हा शिर्डी येथे वर्ग करण्यात येणार असल्याची माहिती जालन्याचे पोलीस अधीक्षक तेघबीर सिंह संधू यांनी दिली आहे. याप्रकरणी महिलेचा दुसरा पती अंनिस शेख वजीर याच्यावर गुन्हा दाखल करण्यात आला असून पोलीस अधिक तपास करत आहेत.

हेही वाचा

उद्धव ठाकरेंच्या शिवसेनेचंही काँग्रेसमध्ये विलिनीकरण होणार; रवी राणांचा खळबळजनक आरोप, राष्ट्रवादीवरही बोलले

एबीपी माझाच्या बातमीचा दणका, शिर्डीत भेसळयुक्त आणि निकृष्ट दर्जाच्या पेढ्यांची विक्री, प्रशासनाकडून छापेमारी सुरु

नितीन ओझा, एबीपी माझा — Tue, 9 Jun 2026 18:44:22 +0530

Shirdi News : गेल्या काही दिवसांपासून राज्यात अन्न व औषध प्रशासनाची राज्यव्यापी धडक कारवाई (Action by the Food and Drug Administration Department) सुरु आहे. अन्नामध्ये भेसळ करणाऱ्यांविरोधात कठोर कारवाई केली जात आहे. या कारवाईत आत्तापर्यंत प्रशासनाने कोट्यावधी रुपयांचा माल जप्त केला आहे. अशातच साईबाबांच्या शिर्डीत (Saibaba Shirdi) देखील भाविकांच्या आरोग्याशी खेळ सुरू आहे. मंदिर परिसरात असणाऱ्या शेकडो प्रसादाच्या दुकानांवर भेसळयुक्त आणि निकृष्ट दर्जाच्या पेढ्यांची विक्री सुरू असल्याचं समोर आलं आहे. एबीपी माझाने (Abp Majha) याबाबतचे वृत्त प्रसिद्ध केले होते. यानंतर प्रशासन कडबडून जागे झाले आहे. अन्न व औषध प्रशासनाने शिर्डीत छापेमारी केली आहे. साई मंदिर परिसरातील पेढा प्रसाद दुकानांवरून पेढा प्रसादाचे नमुने गोळा करण्यास सुरुवात केली आहे.

प्रसाद दुकानांवरून पेढा प्रसादाचे नमुने गोळा करण्यास सुरुवात

एबीपी माझाच्या वृत्तानंतर अन्न व औषध प्रशासनाने शिर्डीत छापेमारी सुरु केली आहे. साई मंदिर परिसरातील पेढा प्रसाद दुकानांवरून पेढा प्रसादाचे नमुने गोळा करण्यास सुरुवात झाली आहे. प्रसाद विक्रेते दोशी आढळल्यास कारवाई होणार आहे. गेल्या काही वेळापासून अन्न औषध प्रशासनाचे पथक शिर्डीत ठाण मांडून आहे. प्रसाद विक्रेत्यांच्या दुकानावर छापेमारी सुरु आहे.

दररोज हजारो तर वर्षाकाठी करोडो भाविक साईबाबांच्या दर्शनासाठी शिर्डीत

साईबाबांच्या शिर्डीत भाविकांच्या आरोग्याशी अक्षरशः खेळ सुरू आहे.. मंदिर परिसरात असणाऱ्या शेकडो प्रसादाच्या दुकानांवर भेसळयुक्त आणि निकृष्ट दर्जाच्या पेढ्यांची विक्री सुरू असल्याचं समोर आलं आहे. दररोज हजारो तर वर्षाकाठी करोडो भाविक साईबाबांच्या दर्शनासाठी शिर्डीत येतात. अनेक भाविक साई मंदिर परिसरात असणाऱ्या खाजगी दुकानदारांकडून प्रसाद विकत घेतात. मात्र या दुकानांमध्ये विकल्या जाणाऱ्या पेढा प्रसादावर पॅकेजिंग आणि एक्सपायरी डेट, तसेच हा पेढा नेमका कुठे आणि कोण बनवतो याबाबत उल्लेख नसल्याचा धक्कादायक प्रकार समोर आला आहे. प्रसादाच्या नावाखाली साईभक्तांच्या आरोग्याशी खेळ सुरू असून, शिर्डी नगरपालिकेसह अन्न व औषध प्रशासनाचे याकडे साफ दुर्लक्ष झाल आहे. निकृष्ट दर्जाच्या पेढ्यांमुळे साईभक्तांमध्ये तीव्र नाराजी असून श्रद्धेच्या नावाखाली भाविकांच्या आरोग्याशी सुरू असलेला हा खेळ थांबणार तरी कधी? असा प्रश्न उपस्थित होत आहे.

महत्वाच्या बातम्या:

साईबाबा संस्थानने मोठा निर्णय! राज्यातील 'या' विद्यार्थ्यांना मिळणार मोफत निवास आणि शिक्षणाची सुविधा

Ahilyanagar : अहिल्यानगरमध्ये मान्सूनपूर्व वादळाचा तीव्र तडाखा; लाखो रुपयांचे सोलर पंप उद्ध्वस्त, शेतकरी संकटात

सुरेश काटे — Fri, 5 Jun 2026 15:55:48 +0530

अहिल्यानगर : जिल्ह्यातील शेवगाव तालुक्यात मान्सूनपूर्व पावसाने आणि तीव्र वादळी वाऱ्याने प्रचंड थैमान घातले आहे. या नैसर्गिक आपत्तीचा सर्वात मोठा फटका तालुक्यातील अनेक शेतकऱ्यांना बसला असून, शेतातील सौरऊर्जेवर चालणाऱ्या सोलर पंपांचे मोठ्या प्रमाणावर नुकसान झाले आहे. वादळाच्या तीव्रतेमुळे कोट्यवधी रुपयांचे सोलर पॅनेल्स तुटून आणि उन्मळून पडल्याने बळीराजा पुन्हा एकदा मोठ्या संकटात सापडला आहे.

1 जून रोजी सायंकाळच्या सुमारास अचानक हवामानात बदल झाला आणि विजांच्या कडकडाटासह, वादळी वाऱ्यासह पावसाने जोरदार हजेरी लावली. या वादळाचा जोर इतका तीव्र होता की, शेवगाव तालुक्यातील आव्हाने खुर्द, आव्हाने बुद्रुक, शहापूर, आणि बर्हाणपूर परिसराला याचा सर्वाधिक फटका बसला. या परिसरातील शेतांमध्ये बसवण्यात आलेले सोलर पॅनेल्स वाऱ्याच्या प्रचंड वेगाने थेट हवेत उडून गेले, तर अनेक ठिकाणी ते जमिनीवर कोसळून फुटले आहेत.

लाखो रुपयांचे नुकसान; शेतकरी भयंकर चिंतेत

पारंपरिक विजेला पर्याय म्हणून आणि दिवसा सिंचन करता यावे यासाठी शासनाच्या विविध योजनांमधून तसेच स्वतःच्या पदरचे पैसे खर्च करून शेतकऱ्यांनी शेतात सोलर पंप बसवले होते. मात्र, या एकाच वादळाने शेतकऱ्यांचे संपूर्ण आर्थिक गणित कोलमडून टाकले आहे.

अनेक शेतकऱ्यांचे सोलर पॅनेल्स पूर्णपणे फुटले असून ते आता वापरण्यायोग्य राहिलेले नाहीत. लोखंडी अँगल आणि खांबांसह संपूर्ण सोलर यंत्रणा अनेक ठिकाणी मुळासकट उखडून पडली आहे. ऐन खरीप हंगामाच्या तोंडावर आणि पेरणीच्या पूर्वतयारीच्या वेळीच सोलर पंप निकामी झाल्यामुळे आता पिकांना पाणी कसे द्यायचे, असा गंभीर प्रश्न शेतकऱ्यांसमोर उभा ठाकला आहे.

पंचनामे करून तातडीने भरपाई देण्याची मागणी

या अस्मानी संकटामुळे हाता-तोंडाशी आलेला घास हिरावला गेल्याने शेवगावमधील शेतकरी वर्ग पूर्णपणे हवालदिल झाला आहे. महावितरण आणि प्रशासकीय यंत्रणेकडून आता तातडीने मदतीची अपेक्षा व्यक्त केली जात आहे.

महसूल विभाग आणि कृषी विभागाने तातडीने या वादळग्रस्त भागात संयुक्त पाहणी करावी, अशी मागणी करण्यात येत आहे. झालेल्या नुकसानीचे वस्तुनिष्ठ पंचनामे करून बाधित शेतकऱ्यांना तात्काळ शासकीय मदत किंवा विमा नुकसानभरपाई मिळवून द्यावी, अशी आर्त हाक शहापूर, आव्हाने आणि बह्रानपूर परिसरातील शेतकऱ्यांकडून प्रशासनाला दिली जात आहे.

ही बातमी वाचा:

Maharashtra Rain Updates: मान्सून काल केरळमध्ये धडकला, आज गोव्यात पोहोचला; महाराष्ट्रात कधी?; हवामान विभागाने तारीख सांगितली, पावसाचे A टू Z अपडेट्स

अहिल्यानगर विधानपरिषदेच्या जागेचा तिढा अखेर सुटला, भाजपचे प्राजक्त तनपुरे बिनविरोध आमदार

सुनिल भोंगळ, एबीपी माझा, अहमदनगर — Thu, 4 Jun 2026 23:25:49 +0530

Ahilyanagar Vidhan Parishad Election : अहिल्यानगर विधानपरिषदेच्या (Ahilyanagar Vidhan Parishad Election) जागेचा तिढा अखेर सुटला आहे. अपक्ष उमेदवार दत्तात्रय पानसरे (Dattatray Pansare) यांनी माघार घेतल्याने भाजपचे प्राजक्त तनपुरे (Prajakt Tanpure) बिनविरोध निवडून आले आहेत. जिल्ह्याचे पालकमंत्री राधाकृष्ण विखे पाटील (Radhakrishna Vikhe Patil) आणि राष्ट्रवादी अजित पवार गटाचे आमदार संग्राम जगताप यांच्या मध्यस्थीने पानसरेंनी माघार घेतली आहे. माघारीवेळी पालकमंत्री राधाकृष्ण विखे पाटील, आमदार संग्राम जगताप, प्राजक्त तनपुरे यांच्यासह भाजपचे पदाधिकारी उपस्थित होते. यावेळी पालकमंत्री राधाकृष्ण विखे पाटील यांनी सर्व अपक्ष उमेदवारांचे आभार मानले.

दत्तात्रय पानसरेंना आमदार करण्याचा विखे पाटलांनी दिला शब्द

महायुतीच्या असंख्य कार्यकर्त्यांनी यामध्ये योगदान दिल्याचे पालकमंत्र्यांनी वक्तव्य केले. मुख्यमंत्री देवेंद्र फडणवीस यांची या सर्व प्रक्रियेत महत्त्वाची भूमिका होती असं पालकमंत्री विखेंनी म्हटलं. बराच वेळा आमच्या मतमतांतरे आणि समज गैरसमज असतात, त्याचबरोबर विरोधी पक्षाकडूनही बुद्धिभेद करण्याचा प्रयत्न होत असतो. मात्र, राज्यातील महाविकास आघाडीची अवस्था पाहिल्यास त्यांनी सपशेल या निवडणुकीत लोटांगण घेतले आहे अशी अवस्था असं विखे म्हणाले. तर मी मुख्यमंत्री देवेंद्र फडणवीस, पालकमंत्री राधाकृष्ण विखे पाटील, आमदार संग्राम जगताप यांच्या शब्दासाठी मी माघार घेतली असल्याचे दत्तात्रय पानसरे यांनी म्हटलं आहे. सोबतच मला पालकमंत्री राधाकृष्ण विखे म्हणाले की पुढच्यावेळी तुला आमदार करु, आता पाहुयात ते मला कधी आमदार करतात? असं दत्तात्रय पानसरे यांनी म्हटलं आहे.

मी सर्व अपक्ष उमेदवारांचा आभार मानतो त्यांनी मोठ्या मनाने माघार घेतली : प्राजक्त तनपुरे

मी सर्व अपक्ष उमेदवारांचा आभार मानतो त्यांनी मोठ्या मनाने माघार घेतल्याचे प्राजक्त तनपुरे म्हणाले. मुख्यमंत्री देवेंद्र फडणवीस, रवींद्र चव्हाण यांनी मोठ्या विश्वासाने मला उमेदवारी दिली आहे. सर्व प्रश्न सोडवण्याचा मी महानगरपालिका आणि पालिकेच्या सर्व नगरसेवकांना विश्वास देतो. माझ्या राजकारणाची सुरुवात देखील नगराध्यक्ष म्हणून झाली, राज्यात राज्यमंत्रीपद देखील भूषवल्याचे तनपुरे म्हणाले. विधान परिषदेत मी प्रश्न उठवेल असे ते म्हणाले. दत्तात्रय पानसरे यांनी मत व्यक्त केलं त्याच्यावर भाष्य करणे योग्य नाही. दत्तात्रय पानसरे यांनी सामंजस्याची भूमिका घेऊन अर्ज माघार घेतला त्यांचे आभार असे तनपुरे म्हणाले.

अर्ज माघारीच्या दिवशी पाच जागा बिनविरोध झाल्या

महाराष्ट्राच्या विधानपरिषदेच्या स्थानिक स्वराज संस्था मतदारसंघाच्या 17 जागांसाठी निवडणूक प्रक्रिया सुरु आहे. उमेदवारी अर्ज मागं घेण्याच्या दिवशी राज्यभरात मोठ्या घडामोडी पाहायला मिळाल्या. राज्यातील सत्ताधारी महायुतीच्या उमेदवारांसमोर महाविकास आघाडीनं आव्हान उभं करण्याचा प्रयत्न केला. मात्र, मविआच्या काही उमेदवारांनी संख्याबळाचं कारण, मित्रपक्षांचं सहकार्य मिळत नसल्याचा आरोप करत माघार घेतली. तर, महायुतीच्या नेत्यांना देखील बंडखोरांना शांत करण्यात यश आलं. नितेश राणे थेट ठाकरेंच्या शिवसेनेचे कोकण विधानपरिषदेचे उमेदवार बाळ माने यांना अर्ज मागं घेण्यासाठी जिल्हाधिकारी कार्यालयात दाखल झाले. तर, नाशिकमध्ये गोकुळ गीते अर्ज माघारीवरुन चर्चेत राहिले, तर गणेश गीते यांनी सकाळीच अर्ज मागं घेणार असल्याचं स्पष्ट केलं. अर्ज माघारीच्या दिवशी पाच जागा बिनविरोध झाल्या, यात दोन शिवसेना, दोन राष्ट्रवादी काँग्रेस आणि एका जागेवर भाजपनं बिनविरोध विजय मिळवला.

महत्वाच्या बातम्या:

Vidhan Parishad Election : विधानपरिषदेच्या 17 पैकी 5 जागा बिनविरोध, 12 ठिकाणी महायुती आणि मविआ आमने सामने, नाशिकमध्ये नरेंद्र दराडे आणि गोकुळ गीते आमने सामने