अहिल्यानगर : जामखेड शहरातील कुख्यात गुंड सागर किसन मोहळकर (वय ३२, रा. जामवाडी, जामखेड) याच्यावर बुधवारी (ता. ५) रात्री गावठी कट्ट्यातून अज्ञातांनी गोळीबार केल्याची थरारक घटना घडली आहे. नुरानी कॉलनी रस्त्यावर सायंकाळी साडेसात ते पावणेआठच्या दरम्यान हा गोळीबार (Crime News) झाला. मोहळकर याच्यावर पाच ते सहा राऊंड फायर (Crime News) करण्यात आल्याची प्राथमिक माहिती असून त्याला चार गोळ्या लागल्या आहेत. गंभीर जखमी अवस्थेत त्याला प्रथम जामखेडमधील खासगी रुग्णालयात आणि त्यानंतर अहिल्यानगर येथील जिल्हा रुग्णालयात हलविण्यात आले. त्यानंतर काल (गुरूवारी, ता ५) मिळालेल्या माहितीनुसार, अहिल्यानगरच्या जामखेड येथील गोळीबारात जखमी झालेल्या सागर मोहळकरला पुढील उपचारासाठी पुण्याला हलवण्यात आलं आहे. (Crime News) त्याची प्रकृती चिंताजनक असून, आरोपींचा पोलिसांकडून तपास सुरू आहे, अशी माहिती जिल्हा पोलिस अधीक्षक सोमनाथ घार्गे यांनी गुरुवारी दिली.
गावठी जामखेड येथील नुरानी कॉलनी रस्त्यावर अज्ञातांनी बुधवारी रात्री पावणेआठच्या सुमारास कट्टयातून गोळीबार केला. मोहोळकर याच्यावर पाच ते सहा गोळ्या झाडल्याने तो गंभीर जखमी झाला. त्याला उपचारासाठी अहिल्यानगर येथील जिल्हा रुग्णालयात हलविण्यात आले. तेथून त्याला पुण्याला हलविण्यात आले असून, त्याच्यावर पुणे येथील रुग्णालयात उपचार सुरू आहेत. तो नाशिक कारागृहात होता. महिनाभरापूर्वीच तो जामिनावर बाहेर आला होता. तो रात्री बाहेर गेला होता. रात्री घरी परत येत असताना त्यांच्यावर आरोपींनी सहा गोळ्या झाडल्या.
महिनाभरापूर्वीच जामिनावर सुटला होता
दरम्यान, मोहळकर याच्यावर जिवे मारण्याचा प्रयत्न, खंडणी, मारहाण (Crime News) यांसारखे गंभीर गुन्हे दाखल असल्याची माहिती समोर आली आहे. तो काही काळ नाशिक कारागृहात होता आणि महिनाभरापूर्वीच (Crime News) जामिनावर सुटला होता. त्याच्या सुटकेनंतर शहरात तणावाचे वातावरण असल्याचे बोलले जात होते. या पार्श्वभूमीवर झालेल्या गोळीबारामुळे गुन्हेगारी वर्तुळातील वाद पुन्हा चिघळल्याची शक्यता व्यक्त केली जात आहे. घटनेनंतर नुरानी कॉलनी व परिसरात काही काळ भीतीचे (Crime News) वातावरण पसरले होते. पोलिसांनी घटनास्थळावरून सीसीटीव्ही (CCTV) फुटेज तपासण्याचे काम सुरू आहे. आरोपींचा शोध घेण्यासाठी विशेष पथके रवाना करण्यात आली आहेत. शहरातील कायदा-सुव्यवस्थेच्या दृष्टीने पोलिसांनी गस्त वाढवली असून पुढील तपास सुरू आहे.
जिल्ह्यात सर्च ऑपरेशन
जिल्ह्यातील गोळीबाराची ही तिसरी घटना आहे. नेवासा तालुक्यातील घोडेगाव येथील गोळीबारात एकाचा मृत्यू झाला. या तिन्ही गोळीबारांमध्ये गावठी कट्ट्याचा वापर केला गेला. या पार्श्वभूमीवर जिल्ह्यात गावठी कट्टे कुठून येतात, त्याची विक्री करणारे कोण आहेत, याचा पोलिसांकडून शोध घेण्यात येत असून, जिल्ह्यात सर्च ऑपरेशन सुरू आहे, अशी माहिती पोलिस अधीक्षक घार्गे यांनी दिली.