Air India Plane Crash Latest Updates: अहमदाबाद सिव्हिल हॉस्पिटलच्या अधिकाऱ्यांनी गुरुवारी (12 जून) एअर इंडिया विमान अपघातात मृत्युमुखी पडलेल्या 11 जणांचे मृतदेह डीएनए चाचणीद्वारे ओळखले आहेत आणि ते मृतदेह त्यांच्या कुटुंबियांना देण्याची प्रक्रिया सुरू करण्यात आली आहे, असे अधिकाऱ्यांनी काल शनिवारी (14 जून) सांगितले. सरकारी बीजे मेडिकल कॉलेजमधील शस्त्रक्रिया विभागाचे प्राध्यापक डॉ. रजनीश पटेल यांनी पत्रकार परिषदेत सांगितले की, शनिवारी (14 जून) एक मृतदेह कुटुंबाकडे सोपवण्यात आला, तर इतर दोन मृतदेह दिवसअखेरपर्यंत सोपवण्याची अपेक्षा आहे.

दरम्यान या प्रकरणी बोलताना ते म्हणाले की, "आतापर्यंत अहमदाबाद विमान अपघातात मृत्युमुखी पडलेल्या ११ मृतदेहांचे डीएनए त्यांच्या नातेवाईकांशी जुळले आहेत. डीएनए जुळताच, सिव्हिल हॉस्पिटल कुटुंबियांशी संपर्क साधेल आणि त्यांनी रुग्णालयात येण्याची घाई करू नये."

आठ जणांचे मृतदेह आधीच कुटुंबियांना सुपूर्द 

अधिकाऱ्यांनी यापूर्वी सांगितले होते की, ज्या आठ मृतदेहांची ओळख त्यांच्या नातेवाईकांनी पटवली होती आणि ज्यांची डीएनए चाचणी आवश्यक नव्हती, ते आधीच त्यांच्या कुटुंबियांना सुपूर्द करण्यात आले आहेत.

आतापर्यंत 270 जणांचे सापडले मृतदेह 

डॉक्टरांनी शनिवारी (14 जून) सांगितले की, विमान अपघातस्थळावरून आतापर्यंत सुमारे 270 मृतदेह रुग्णालयात आणण्यात आले आहेत. डॉ. पटेल म्हणाले की, अपघातग्रस्त एअर इंडियाच्या विमानातील २४२ प्रवाशांपैकी एकमेव वाचलेले विश्वास कुमार रमेश यांची प्रकृती स्थिर आणि धोक्याबाहेर आहे. अपघातातील बहुतेक जखमींना डिस्चार्ज देण्यात आला असून एक किंवा दोघांची प्रकृती गंभीर असल्याचे त्यांनी सांगितले.

डीएनए जुळणीची प्रक्रिया काळजीपूर्वक करावी - डॉ. पटेल

डॉ. पटेल म्हणाले, "डीएनए जुळवण्याची प्रक्रिया काळजीपूर्वक केली पाहिजे. त्याचे कायदेशीर आणि वैद्यकीय परिणाम आहेत, त्यामुळे ते करण्याची घाई करता येणार नाही." दरम्यान, डीएनए जुळणी प्रक्रिया जलद करण्यासाठी, गुजरातचे गृह राज्यमंत्री हर्ष संघवी यांनी शनिवारी (14 जून) राज्य न्यायवैद्यक विज्ञान प्रयोगशाळेच्या (FSL) अधिकाऱ्यांसोबत बैठक घेतली. ते म्हणाले, "गुजरातमधील फॉरेन्सिक तज्ञांव्यतिरिक्त, केंद्राने पाठवलेले अनेक तज्ञ डीएनए नमुने जुळवण्यासाठी २४ तास काम करत आहेत. निकाल येताच, आम्ही ते सिव्हिल हॉस्पिटलमध्ये पाठवतो जेणेकरून मृतदेह कुटुंबियांना सोपवता येतील."

मृतांमध्ये गुजरातमधील 18 जिल्ह्यांतील नागरिकांचा समावेश 

गुजरातचे मदत आयुक्त आणि महसूल सचिव आलोक पांडे यांनी सांगितले की, अपघातात मृत्युमुखी पडलेल्यांमध्ये गुजरातमधील १८ जिल्ह्यांतील नागरिकांचा समावेश आहे. त्यांनी सांगितले की, कुटुंबियांशी समन्वय साधण्यासाठी 230 पथके तयार करण्यात आली आहेत आणि या दुर्घटनेत मृत्युमुखी पडलेल्या 11 परदेशी नागरिकांच्या नातेवाईकांशीही संपर्क साधण्यात आला आहे. 

त्यांनी सांगितले की, कुटुंबियांशी समन्वय साधण्यासाठी 230 पथके तयार करण्यात आली आहेत आणि या दुर्घटनेत मृत्युमुखी पडलेल्या 11 परदेशी नागरिकांच्या नातेवाईकांशीही संपर्क साधण्यात आला आहे.पोस्टमॉर्टेम रूमशी संबंधित बाबी हाताळणारे पोलिस निरीक्षक चिराग गोसाई म्हणाले, "शुक्रवार (13 जून) पर्यंत, मृतांच्या सुमारे 220 नातेवाईकांनी त्यांचे नमुने देण्यासाठी पोलिसांशी संपर्क साधला होता. नमुने बीजे मेडिकल कॉलेजला पाठवण्यात आले आहेत."

इतर महत्वाच्या बातम्या