Women Health: ....म्हणून पुरुषांपेक्षा स्त्रिया लवकर जाड होतात! महिलांच्या शरीरातील चरबी वेगाने का वाढते? कारण जाणून व्हाल थक्क

Women Health: काही कारणांमुळे महिलांच्या शरीरातील चरबी वेगाने वाढते आणि ते पुरुषांपेक्षा लवकर अवजड दिसू लागतात. जाणून घ्या..

Women Health lifestyle marathi news women get fat faster than men

Source : Google

Women Health: वाढत्या वयासोबत महिलांना अनेक शारिरीक आणि मानसिक समस्यांना सामोरे जावे लागते. अशात कौटुंबिक जबाबदारी, मुलांचे संगोपन, कामाचा ताण यासारख्या गोष्टींमुळे महिला स्वत:च्या आरोग्याकडे सहसा दुर्लक्ष करतात. स्त्रिया बहुतेकदा घरातील सर्व कामे हाताळतात, ज्यामुळे त्या स्वतःला विश्रांती देऊ शकत नाहीत, याच कारणाने त्या बहुतेक वेळेस झोप टाळतात. अशा वेळी, 7 तासांची झोप घेऊनही महिला थकलेल्या दिसतात, त्यामुळेच त्यांना पुरुषांपेक्षा जास्त झोपेची गरज असते. हे तुम्हाला माहीत आहे का? याचे कारण काय? जाणून घेऊया.

...म्हणून महिलांच्या शरीरातील चरबी वेगाने वाढते 

घरातील बहुतांश कामे महिलाच करतात. व्यावसायिक असो की गृहिणी, ती तिच्या जबाबदाऱ्या नेहमीच पार पाडते. अशा परिस्थितीत अनेकदा असे दिसून येते की महिला कुटुंबातील इतर सदस्यांच्या तुलनेत कमी विश्रांती घेतात आणि त्यामुळे त्यांना पुरेशी झोप मिळत नाही. त्याचा थेट परिणाम आरोग्यावर होतो. या कारणास्तव, महिलांच्या शरीरातील चरबी वेगाने वाढते आणि ते पुरुषांपेक्षा लवकर जड दिसू लागतात. महिलांच्या आरोग्यावरील अनेक वेगवेगळ्या अभ्यासातून असे समोर आले आहे की पुरेशी झोप न मिळणे हे महिलांच्या वाढत्या आरोग्य समस्यांचे प्रमुख कारण आहे. त्यामुळे पुरुषांपेक्षा स्त्रियांना जास्त झोपेची गरज का असते? असे का होते, येथे जाणून घ्या..

स्त्रियांना जास्त झोपेची गरज का असते?

वयानुसार झोपेच्या गरजेबद्दल तुम्ही वाचले किंवा ऐकले असेल, जसे - 0-5 वर्षे वयोगटातील मुलांना 10 ते 12 तास, 18 ते 64 वर्षे वयोगटातील लोकांना 7 ते 9 तास आणि 65-90 वयोगटातील लोकांना झोपेची गरज वेगवेगळी असते.  अनेक तज्ञांचे म्हणणे आहे की पुरुषांपेक्षा स्त्रियांना जास्त झोपेची गरज भासते, कारण त्या अधिक मानसिक ऊर्जा वापरतात. एकाच वेळी अनेक कामे करतात. स्त्रियांच्या झोपेची गुणवत्ता पुरुषांपेक्षा कमी असण्याची नैसर्गिक कारणे आहेत, जसे की हार्मोनल बदल, मासिक पाळी दरम्यान बदल, भावनिक गरजा जाणवणे, रजोनिवृत्ती इ. म्हणून, निरोगी राहण्यासाठी, महिलांनी दररोज झोपेची शरीराची गरज पूर्ण केली पाहिजे आणि किमान 8 ते 9 तास पुरेशी झोप घेतली पाहिजे.

तज्ज्ञ काय सांगतात?

तज्ज्ञांकडून ही माहिती मिळाली आहे की, पुरुषांपेक्षा महिलांना जास्त झोप लागते. पुरुष 7-8 तासांच्या झोपेने चांगले काम करू शकतात, स्त्रियांना अधिक झोपेची आवश्यकता असते. अभ्यासात असे दिसून आले आहे की, झोपेच्या व्यत्ययामुळे स्त्रियांना झोपेची गुणवत्ता कमी होऊ शकते. इस्ट्रोजेन आणि प्रोजेस्टेरॉन सारख्या संप्रेरकांच्या बदलांमुळे स्त्रियांच्या झोपेवर परिणाम होतो. हे व्यत्यय मासिक पाळीपूर्वीच्या टप्प्यात अधिक स्पष्ट असू शकतात.

चांगल्या झोपेसाठी या पद्धतींचा अवलंब करा

• प्रत्येक कामाचे वेळापत्रक बनवा
• झोपण्यापूर्वी स्क्रीनपासून दूर राहा
• रात्री कॅफिनचे सेवन करू नका
• रात्री हलके अन्न खा..  

हेही वाचा>>>

(टीप : वरील सर्व गोष्टी माहिती म्हणून वाचकांपर्यंत पोहोचवत आहोत. एबीपी माझा यातून कोणताही दावा करत नाही. )