Women Health: सतत तणाव...उशीरा विवाह...गर्भधारणेत अडचणी..महिलांचे लैंगिक आणि प्रजनन आरोग्य बनतेय चिंतेची बाब! तज्ज्ञ सांगतात...

Women Health: महिलांचे लैंगिक आणि प्रजनन आरोग्य ही एक चिंतेची बाब ठरत आहे. त्यामुळे 2026 मध्ये याला प्राधान्य देणे गरजेचे आहे, असे मत तज्ज्ञांनी व्यक्त केले.

Women Health lifestyle marathi news Stress lack of sleep late marriages women reproductive health

Source : ABPLIVE AI

Women Health: हल्लीच्या धावपळीच्या जीवनशैलीत वाढता ताणतणाव,  विस्कळीत झालेली दिनचर्या, उशिरा होणारे विवाह, आणि त्यामुळे लांबणारी गर्भधारणा, झोपेचा अभाव आणि हार्मोन्समधील बदल यामुळे महिलांचे लैंगिक व प्रजनन आरोग्य ही एक चिंतेची बाब ठरत आहे. त्यामुळे 2026 मध्ये महिलांनी आपल्या लैंगिक आणि प्रजनन आरोग्याला प्राधान्य देणे गरजेचे आहे, असे मत तज्ज्ञांनी व्यक्त केले. पुण्यातील अंकुरा हॉस्पिटल फॉर वुमन अँड चिल्ड्रन येथील वरिष्ठ प्रसूती आणि स्त्रीरोगतज्ज्ञ, डॉ. प्रसाद कुलट यांनी याबाबत महत्त्वाची माहिती दिली आहे.

महिलांनो... आयुष्याच्या प्रत्येक टप्प्यावर आरोग्याबाबत सजग राहण्याची गरज..

डॉक्टर सांगतात, लैंगिक व प्रजनन आरोग्य जागरूकता दिन हा महिलांना त्यांच्या आयुष्याच्या प्रत्येक टप्प्यावर आरोग्याबाबत सजग राहण्याची आठवण करून देणारा दिवस आहे. बदलती जीवनशैली, कामाचा ताण, संतुलित आहाराचा अभाव, अपुरी झोप आणि उशिरा केले जाणारे कुटुंब नियोजन यामुळे महिलांमध्ये प्रजनन आरोग्याशी संबंधित समस्यांमध्ये वाढ होत असल्याचे दिसून येत आहे. मात्र वेळेत निदान झाल्यास यातील बहुतांश समस्या टाळता किंवा नियंत्रित करता येऊ शकतात.

2026 मध्ये महिलांनी दुर्लक्ष करू नयेत अशा आरोग्य समस्या

अनियमित मासिक पाळी : अनेक महिलांमध्ये अनियमित पाळी, अतिरक्तस्राव, तीव्र पोटदुखी किंवा पाळी चुकणे या समस्या वाढत आहेत. दीर्घकाळचा ताण, वजनातील बदल आणि हार्मोन्समधील असंतुलन यामुळे हे त्रास होऊ शकतात. मात्र ही लक्षणे थायरॉईड विकार किंवा पीसीओएससारख्या आजारांचे संकेत असू शकतात. त्यामुळे अशा बदलांकडे दुर्लक्ष न करता तातडीने डॉक्टरांचा सल्ला घेणे गरजेचे आहे.

पॉलीसिस्टिक ओव्हरी सिंड्रोम (PCOS) : पीसीओएस हा महिलांमधील एक सामान्य हार्मोनल विकार असून त्यामुळे अनियमित मासिक पाळी, मुरूम, चेहऱ्यावर किंवा शरीरावर जास्त केस येणे, वजन वाढणे आणि वंध्यत्व यासारख्या समस्या उद्भवू शकतात.

हेही वाचा>>

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)