Travel : भारतातील एक रहस्यमयी हिल स्टेशन! ज्याला 'परींचा देश' म्हणतात, जिथे परीची होते पूजा? स्वर्गापेक्षा कमी नाही हे ठिकाण

Travel : हे ठिकाण हिरवाईने वेढलेले आहे, इथलं आल्हाददायक हवामान आणि आश्चर्यकारक दृश्यं पर्यटकांचं मन मोहून घेतात. इथे पर्यटकांसाठी काही खास नियमही आहेत,

Travel lifestyle marathi news mysterious hill station in India land of fairies

Source : Other

Travel : लहानपणी आजी-आजोबांकडून परीकथा ऐकल्या असतील. तसेच चित्रपटातील दृश्यांमधून तुम्ही परींचे रूप आणि शरीर तुमच्या मनात बिंबवलेही असेल. लहान असताना कधी कधी त्या खऱ्या देखील वाटल्या असतील, कारण त्या कथांमध्ये सांगितलेला परिसर, मनमोहक दृश्य, सुंदर परींच्या गोष्टींमध्ये लहान मुलं अगदी रमून जातात. परंतु मोठे झाल्यावर लहानपणीच्या याच परीकथा बालिश गोष्टींसारख्या वाटतात, ज्याचा वास्तवाशी काहीही संबंध नसतो, पण आठवणींमध्ये स्थिरावलेले त्यांचे रूप आणि रंग पाहण्याची तळमळ अनेकांना असते. पण जर तुम्हाला समजलं की, खरंच असा परींचा देश आपल्या भारतात आहे, एक ठिकाण असे आहे जिथे या परींची पूजाही होते. जाणून घ्या नेमकं सत्य काय?

परींचे अस्तित्व आणि स्वरूप किती खरे आहे?

भारतात एक असे एक ठिकाण आहे जिथे तुम्हाला परी पाहायला मिळतीलही. कारण लोकांची अशा धारणा आहे की परींनी या ठिकाणी आपला देश स्थापित केला आहे. या ठिकाणी लोक परींच्या आवडी-निवडीनुसार राहतात. परींचे अस्तित्व आणि स्वरूप किती खरे आहे हे निश्चित केले जाऊ शकत नाही, परंतु स्थानिक लोकांच्या कथा आणि धारणा ऐकल्यानंतर, एखाद्या आशेने परींच्या भूमीला भेट दिली जाऊ शकते. विशेष म्हणजे परींची भूमी म्हणून प्रसिद्ध असलेले हे हिल स्टेशन दिल्लीपासून काही तासांच्या अंतरावर आहे. पऱ्यांचा देश कोठे आहे आणि येथे कसे पोहोचायचे ते जाणून घ्या. या रहस्यमय हिल स्टेशनची कहाणी तुम्हाला इथे येण्यास भाग पाडू शकते.

 

दिल्लीपासून काही तासांच्या अंतरावर एक रहस्यमय हिल स्टेशन

भारतातील उत्तराखंडमधील एका छोट्या हिल स्टेशनला परींचा देश म्हणतात. या हिल स्टेशनचे नाव 'खैत पर्वत' आहे. खैत पर्वत गढवाल जिल्ह्यात आहे. खैत पर्वत समुद्रसपाटीपासून सुमारे 10000 फूट उंचीवर आहे. हा डोंगर स्वर्गापेक्षा कमी वाटत नाही.

 

खैट डोंगरावर कसे जायचे?

खैट पर्वतावर जाण्यासाठी, उत्तराखंडमधील ऋषिकेश येथून रस्त्याने गढवाल जिल्ह्यातील फेगुलीपट्टीहून थेट गावात पोहोचता येते. तिहली गढवाल पर्यंत तुम्हाला बस सेवा मिळेल. याशिवाय तुम्ही टॅक्सी किंवा स्वतःच्या कारनेही जाऊ शकता. त्या गावाजवळ एक घुमटाकार डोंगर आहे, त्याला खैत पर्वत म्हणतात.

या परी आसपासच्या गावांचे रक्षण करतात?

काही लोक असे म्हणतात, की खैट पर्वतावर अचानक परी दिसू लागतात. त्यांचा असा विश्वास आहे की या पऱ्या आसपासच्या गावांचे रक्षण करतात. काही लोक त्यांना परी मानतात, तर काही जण त्यांना योगिनी आणि वनदेवी मानतात.

 

मंदिराचे रहस्य काय आहे?

खैट डोंगरच नाही तर त्या गावापासून 5 किमी अंतरावर असलेले खैतखळ मंदिरही रहस्यमय मानले जाते. असे म्हणतात की या मंदिरात परींची पूजा केली जाते आणि जून महिन्यात जत्रा भरते.

 

इथे राहण्यासाठी काही नियम आहेत

येथील लोकांचा असा विश्वास आहे की परींना चमकदार रंग, मोठा आवाज आवडत नाही. त्यामुळे या गोष्टींना येथे मनाई आहे. भेटीसाठी येणाऱ्या पर्यटकांनाही संगीत न वाजवण्याच्या सूचना देण्यात आल्या आहेत. भेट देण्याच्या दृष्टिकोनातून, हे ठिकाण हिरवाईने वेढलेले आहे, आल्हाददायक हवामान आणि आश्चर्यकारक दृश्य पर्यटकांचं मन मोहून घेतात. खैत डोंगरावर अक्रोड आणि लसणाचीही लागवड केली जाते. तुम्ही येथे कॅम्पिंगसाठी देखील येऊ शकता परंतु 7 वाजल्यानंतर तुम्हाला कॅम्पच्या बाहेर जाण्याची परवानगी नाही.