Fitness: PM मोदी यांच्या फिटनेसचं 'हे' रहस्य! फार कमी लोकांना माहीत, वजन नियंत्रणात ठेवण्यासाठी 'या' गोष्टी लक्षात ठेवा..

PM Modi Fitness Tips: सध्या भारतात लठ्ठपणाची समस्या झपाट्याने वाढत आहे, ज्याबद्दल पंतप्रधान मोदींनी देखील चिंता व्यक्त केली आहे, तसेच देशातील लोकांना खास सूचना दिल्या आहेत.

India Prime Minister Narendra Modi fitness secret Lifestyle Health marathi news

Source : google

PM Modi Fitness Tips: आजकालची बदलती जीवनशैली, कामाचा ताण, जंकफूडचे सेवन, व्यायामाचा अभाव यासारख्या गोष्टींमुळे अनेकांना विविध गंभार आजारांनी ग्रासलंय. लठ्ठपणा ही एक समस्या आहे, जी भारतासह विविध देशात झपाट्याने पसरतेय. आजच्या काळात लठ्ठपणामुळे अनेक गंभीर आजारांचा धोकाही वाढत आहे. अनेक आरोग्य तज्ज्ञ आणि संस्था या संदर्भात जनजागृती करण्याचा सतत प्रयत्न करत आहेत आणि निरोगी राहण्यासाठी अनेक उपाय देखील सुचवले आहेत. याबाबत बॉलीवूड अभिनेता अक्षय कुमारने पंतप्रधान नरेंद्र मोदी (PM Modi Fitness Tips) यांचा एक व्हिडीओ शेअर केला आहे, ज्यामध्ये ते वजन नियंत्रित करण्यासाठी आणि लठ्ठपणा टाळण्यासाठी टिप्स देत आहेत. हा व्हिडीओ अक्षय कुमारने त्याच्या सोशल मीडिया प्लॅटफॉर्मवर शेअर केला आहे, या व्हिडिओमध्ये पंतप्रधान मोदी फिटनेसबाबत काय सूचना देत आहेत ते जाणून घेऊया?

फिटनेसबाबत काय म्हणतात पंतप्रधान मोदी?

फिटनेसचे महत्त्व सांगताना पंतप्रधान मोदी म्हणतात की "मला एका आव्हानाबद्दल बोलायचे आहे, जे अत्यंत गरजेचे आहे. आपल्या देशात लठ्ठपणाची समस्या झपाट्याने वाढत असल्याचे आकडेवारीवरून दिसून येते. प्रत्येक वयोगटातील लोक आणि देशातील तरुणांनाही याचा वाईट फटका बसत आहे आणि ही चिंतेची बाब आहे, कारण लठ्ठपणामुळे मधुमेह आणि हृदयविकाराचा धोका वाढत आहे. फिट इंडिया मूव्हमेंटच्या माध्यमातून देश फिटनेस आणि निरोगी जीवनशैलीबद्दल जागरूक होत आहे, याचे मला समाधान आहे"

How true!! I’ve been saying this for years now…love it that the PM himself has put it so aptly. Health hai toh sab kuchh hai. Obesity se fight karne ke sabse bade hathiyaar
1. Enough sleep
2. Fresh air and Sunlight
3. No processed food, less oil. Trust the good old desi ghee… pic.twitter.com/CxnYjb4AHv

— Akshay Kumar (@akshaykumar) January 30, 2025

या गोष्टी लक्षात ठेवा, देशवासियांना सूचना

पंतप्रधान मोदी पुढे म्हणतात की, विविध खेळ आपल्याला शारीरिक क्रियाकलाप, शिस्त आणि संतुलित जीवन किती महत्वाचे आहेत हे देखील शिकवतात. मी देशवासियांना सांगू इच्छितो की दोन गोष्टींकडे नक्कीच लक्ष द्या. या दोन गोष्टी व्यायाम आणि आहाराशी संबंधित आहेत. यासाठी तुम्ही दररोज वेळ काढून व्यायाम केला पाहिजे. चालण्यापासून वर्कआऊटपर्यंत, जे शक्य आहे ते करा. दुसरे म्हणजे, आपल्या आहाराची काळजी घ्या. तुमचा आहार निरोगी आणि संतुलित असणे खूप महत्वाचे आहे.

हेही वाचा>>>

(टीप : वरील सर्व गोष्टी माहिती म्हणून वाचकांपर्यंत पोहोचवत आहोत. एबीपी माझा यातून कोणताही दावा करत नाही. )